გერმანიის საგარეო საქმეთა მინისტრი: ჰორმუზის სრუტეში უსაფრთხოების პრობლემების გადაჭრა მხოლოდ დიპლომატიური გზით არის შესაძლებელი

სტრატეგიულად მნიშვნელოვან ჰორმუზის სრუტეში უსაფრთხოების პრობლემების გადაჭრა მხოლოდ დიპლომატიური გზით არის შესაძლებელი, - განაცხადა გერმანიის საგარეო საქმეთა მინისტრმა, იოჰან ვადეფულმა.

„საიმედო და მდგრადი გადაწყვეტის მიღწევა მხოლოდ დიპლომატიური არხებით არის შესაძლებელი და სწორედ ამიტომ მჯერა... რომ ჩვენ უნდა გავაერთიანოთ ჩვენი საერთო ინტერესები როგორც ყურის რეგიონიდან, ასევე აქ, სამეზობლოში“, - განაცხადა მან თურქეთში ვიზიტისას.

„ჩვენ ერთად უნდა ვიპოვოთ ამ ომიდან გამოსავალი და, ამავდროულად, შევიმუშაოთ პირველადი ხედვა იმისა, თუ როგორი შეიძლება იყოს რეგიონის მომავალი უსაფრთხოების არქიტექტურა“, - აღნიშნა ვადეფულმა თავის თურქ კოლეგასთან ერთად გამართულ პრესკონფერენციაზე.