ფინური მედია: ფინეთის მთავრობამ შესაძლოა მომავალში განიხილოს რუსეთთან საზღვარზე ერთ-ერთი გამშვები პუნქტის გახსნის საკითხი

ფინეთის მთავრობამ შესაძლოა მომავალში განიხილოს რუსეთთან საზღვარზე ერთ-ერთი გამშვები პუნქტის გახსნის საკითხი. ამის შესახებ პრემიერ-მინისტრმა, პეტერი ორპომ განაცხადა.

თუმცა, პოლიტიკოსმა ხაზგასმით აღნიშნა, რომ ამისათვის აუცილებელია რუსეთის სასაზღვრო სამსახური დაუბრუნდეს ძველ პრაქტიკას, რომლის მიხედვითაც, ორივე ქვეყანა საზღვარზე არ ატარებს ადამიანებს სათანადო დოკუმენტების გარეშე.

ფინეთის მთავრობის მეთაურის თქმით, ამ ეტაპზე ამის წინაპირობები არ ჩანს.

ფინეთ-რუსეთის აღმოსავლეთ საზღვარი თითქმის ორი წელია დახურულია.