ესპანეთის ოპოზიციური პარტიის ლიდერი: მოვითხოვ, პედრო სანჩესმა დაიცვას ჩვენი ეროვნული უსაფრთხოება, ტერიტორიული მთლიანობა, მშვიდობიანი თანაარსებობა, მას აქვს ყველა რესურსი, ისღა რჩება, ბრძანებები გასცეს

მოვითხოვ, პედრო სანჩესმა დაიცვას ჩვენი ეროვნული უსაფრთხოება, ტერიტორიული მთლიანობა და მშვიდობიანი თანაარსებობა, – ამის შესახებ ესპანეთის ოპოზიციური პარტიის ლიდერმა, ალბერტო ნუნიეს ფეიხოომ განაცხადა.

„ხალხის პარტიის“ თავმჯდომარემ სოციალურ ქსელში გავრცელებულ განცხადებაში ქვეყნის მოქმედი პრემიერ-მინისტრის ქმედებები სუსტად შეაფასა და მეტი რეაგირებისკენ მოუწოდა.

„როგორც პრემიერ-მინისტრს, მას აქვს ყველა საჭირო ინსტრუმენტი და რესურსი, მხოლოდ ისღა რჩება, ბრძანებები გასცეს. რაც არ უნდა სერიოზული იყოს ის, რაც ხდება, მთავრობის სუსტი რეაქციაა“, – აღნიშნა ალბერტო ნუნიეს ფეიხოომ.

ცნობისთვის, ბოლო 24 საათში ესპანეთის ჩრდილოაფრიკულ ანკლავ სეუტაში მაროკოდან დაახლოებით 49 ათასი მიგრანტი შევიდა. ამის საპასუხოდ, ესპანეთის მთავრობის განმარტებით, უსაფრთხოების მიზნით, ანკლავში ჯარის დამატებით ქვედანაყოფებს განალაგებს.