ედ შირანს უნდა, მისი ახალი ალბომისთვის მუსიკალური ვიდეოები ფანებმა გადაიღონ

ცნობილი მომღერალი ედ შირანი ახალი ლეიბლის, Gingerbread Man-ის ფარგლებში პირველ ალბომს უშვებს. ამ სიახლის აღსანიშნად უნდა, ახალი ალბომის შექმნაში მონაწილეობა ფანებმაც მიიღონ და მუსიკალური ვიდეოების გადასაღებად კრეატიულ ადამიანებს ეძებს. ამასთან დაკავშირებით შირანმა ვიდეომიმართვა სოციალურ ქსელში გაავრცელა.

„Autumn Variations პირველი ალბომია ჩემს ახალ ლეიბლთან ერთად და ვაპირებ, ეს პროექტი ჩემს ფანებზე ყველაზე მეტად ფოკუსირდეს, ამიტომ მინდა, ამ ალბომისთვის ვიდეოები თქვენ შექმნათ. თუ გყავთ კრეატიული მეგობრები ან ოჯახის წევრები, დათაგეთ. 14 მუსიკალური ვიდეოსთვის 14 ადამიანს ავირჩევთ. დედლაინი შაბათამდეა", - აღნიშნავს შირანი.