დღეს სამარცხვინო დღეა ამერიკის ისტორიაში - ჩვენი მართლმსაჯულების იარაღად გამოყენება ბაიდენის ადმინისტრაციის დამახასიათებელი ნიშანია - წარმომადგენელთა პალატის სპიკერი

აშშ-ის წარმომადგენელთა პალატის სპიკერმა, მაიკ ჯონსონმა დონალდ ტრამპის წინააღმდეგ გამოტანილ გამამტყუნებელ განაჩენს ამერიკის ისტორიაში სამარცხვინო დღე უწოდა.

„დღეს სამარცხვინო დღეა ამერიკის ისტორიაში. „დემოკრატები“ მიესალმნენ ოპოზიციური პარტიის ლიდერის გასამართლებას სასაცილო ბრალდებებით“, - განაცხადა მაიკ ჯონსონმა.

„ჩვენი მართლმსაჯულების იარაღად გამოყენება ბაიდენის ადმინისტრაციის დამახასიათებელი ნიშანია და დღევანდელი გადაწყვეტილება კიდევ ერთი მტკიცებულებაა იმისა, რომ „დემოკრატები“ არ გაჩერდებიან“, - დასძინა მან.

მანამდე დუმილის სანაცვლოდ თანხის გადახდის საქმეზე ნაფიცმა მსაჯულებმა აშშ-ის ყოფილი პრეზიდენტი, დონალდ ტრამპი დამნაშავედ ცნეს.