დევიდ კემერონი ისრაელში ჩავიდა

დიდი ბრიტანეთის საგარეო საქმეთა მინისტრი დევიდ კემერონი ისრაელში ჩავიდა. ამის შესახებ BBC იტყობინება.

დიდი ბრიტანეთის მთავრობაში დაბრუნების შემდეგ ეს კემერონის პირველი ვიზიტია ახლო აღმოსავლეთის რეგიონში. კემერონი ჩავიდა კიბუც ბეერიში, სადაც 7 ოქტომბერს „ჰამასის“ წევრებმა 130-ზე მეტი ადამიანი მოკლეს.

ვიზიტის ფარგლებში კემერონი შეხვდება ისრაელისა და პალესტინის ლიდერებს, რათა განიხილოს მძევლების გათავისუფლების საკითხზე მიღწეული შეთანხმება და ღაზის სექტორში დამატებითი ჰუმანიტარული დახმარების შეტანის საკითხები.