ჩრდილოეთ კორეა რუსეთში ახალი ჯარის და იარაღის გაგზავნისთვის ემზადება - სამხრეთ კორეის დაზვერვა

ჩრდილოეთ კორეა რუსეთში დამატებითი ჯარისა და სამხედრო აღჭურვილობის, მათ შორის “კამიკაძე დრონების“ გასაგზავნად ემზადება, - უკრაინული მედიის ცნობით, ამის შესახებ გამოცემა Yonhap-ი სამხრეთ კორეის დაზვერვის მონაცემებზე დაყრდნობით იუწყება.

„სადაზვერვო მონაცემების ყოვლისმომცველი შეფასება აჩვენებს, რომ ჩრდილოეთ კორეა ემზადება რუსეთში განლაგებული ჯარების როტაციისთვის ან მათი რაოდენობის გაზრდისთვის“, - აცხადებენ სამხრეთ კორეის დაზვერვის სამსახურში.

გარდა ამისა, დაზვერვის ოფიციალური პირები აღნიშნავენ, რომ ჩრდილოეთ კორეა იწყებს იმ „კამიკაძე დრონების“ წარმოებას და მიწოდებას, რომელიც პირველად ნოემბერში წარმოადგინეს.