Bloomberg: კომპანია Tesla-ს აქციონერებმა დაამტკიცეს $1 ტრილიონის კომპენსაციის პაკეტი ილონ მასკისთვის

 კომპანია Tesla-ს აქციონერებმა დაამტკიცეს $1 ტრილიონის კომპენსაციის პაკეტი ილონ მასკისთვის, რაც კორპორაციული ლიდერისთვის ოდესმე მინიჭებული ყველაზე დიდი ანაზღაურებაა. ინფორმაციას ამის შესახებ სააგენტო Bloomberg-ი ავრცელებს.

კომპანიის განცხადებით, რომელიც ხუთშაბათს ყოველწლიურ შეხვედრაზე გაკეთდა, ხმების 75%-ზე მეტი ამ უპრეცედენტო ანაზღაურების გეგმის სასარგებლოდ იყო მიცემული.

ანაზღაურების შეთანხმება გზას უხსნის მასკს, მსოფლიოს უმდიდრეს ადამიანს, რომ გახდეს ისტორიაში პირველი ტრილიონერი და გაზარდოს თავისი წილი Tesla-ში 25%-მდე ან მეტად მომდევნო ათწლეულის განმავლობაში.

სრული ანაზღაურების მისაღებად, მან უნდა შეასრულოს ის მიზნები, რომლებიც მნიშვნელოვნად გაზრდის Tesla-ს საბაზრო ღირებულებას, გამოაცოცხლებს მისი ავტომობილების ბიზნესს და წარმატებით აამოქმედებს ახლად დაწყებულ რობოტაქსისა და რობოტიკის მიმართულებებს.

კომპენსაციის შესახებ კენჭისყრა გადამწყვეტი იყო Tesla-სთვის, მას შემდეგ რაც მასკმა მიანიშნა, რომ შესაძლოა გადამდგარიყო ან მეტი დრო დაეთმო სხვა კომპანიებისთვის, თუ ავტომწარმოებელზე უფრო მეტ კონტროლს არ მოიპოვებდა.