აშშ-მა ვენესუელური „კარტელ დე ლოს სოლესი“ უცხოურ ტერორისტულ ორგანიზაციად გამოაცხადა

შეერთებულმა შტატებმა ვენესუელური „კარტელ დე ლოს სოლესი“ უცხოურ ტერორისტულ ორგანიზაციად გამოაცხადა. ინფორმაციას გამოცემა „ჰილი“ ამერიკის ფედერალურ რეესტრზე დაყრდნობით ავრცელებს. გამოცემის ცნობით, გადაწყვეტილება ტრამპის ადმინისტრაციას ვენესუელის პრეზიდენტის, ნიკოლას მადუროს წინააღმდეგ მოქმედებისთვის დამატებით შესაძლებლობას აძლევს.

სახელმწიფო დეპარტამენტის გადაწყვეტილებას ვენესუელის საგარეო საქმეთა მინისტრი გამოეხმაურა და განაცხადა, რომ ვაშინგტონის რეალური მიზანი, ვენესუელის წინააღმდეგ ინტერვენციაა.