აშშ-ის სახელმწიფო დეპარტამენტმა უკრაინისთვის 825 მილიონი დოლარის ოდენობის რაკეტებისა და შესაბამისი აღჭურვილობის მიყიდვა დაამტკიცა

აშშ-ის სახელმწიფო დეპარტამენტმა მიიღო გადაწყვეტილება, მიჰყიდოს უკრაინას 825 მილიონი დოლარის ოდენობის „ჰაერი - ხმელეთის“ ტიპის რაკეტები და საჭირო აღჭურვილობა. ინფორმაციას თავდაცვის თანამშრომლობისა და უსაფრთხოების სააგენტო (DSCA) ავრცელებს.

გავრცელებული ინფორმაციის თანახმად, უკრაინა აშშ-გან ითხოვს 3 350 Extended Range Attack Munition (ERAM) ტიპის რაკეტებსა და 3 350 ერთეულ სანავიგაციო სისტემას.

როგორც სახელმწიფო დეპარტამენტის მიერ გავრცელებულ ცნობაშია აღნიშნული, უკრაინისთვის იარაღის გადაცემა „აშშ-ის საგარეო პოლიტიკურ და ეროვნულ ინტერესებს შეესაბამება. ის პარტნიორი ქვეყნის უსაფრთხოებას აძლიერებს, რაც ევროპაში პოლიტიკური სტაბილურობისა და ეკონომიკური განვითარების ფაქტორია“.