თამარ გონგაძე
კესარიას მკვლელობაში ბრალდებულის, ბექა ჯაიანის ექსპერტიზის პასუხი ცნობილია
1732280077
,,მიმოიხედავ, მეგობრებმა დაგტოვეს მარტო... სამყარო შთანთქა სიცარიელემ..." - ლანა ღოღობერიძე მეგობრის გარდაცვალებაზე
ლანა ღოღობერიძე მეგობრის გარდაცვალებით გამოწვეულ სევდას პოეზიით უმკლავდება და ფეისბუქზე წერს.
ლანა ღოღობერიძე: რამდენიმე დღის წინ გარდაიცვალა გული ლორთქიფანიძე, მესამე კლასიდან ჩემი მეგობარი, ერთ-ერთი უკანასკნელი.
ირგვლივ ბინდია
ირგვლივ ბინდია, გათენების წყურვილით სავსე,
რაღაც თავდება, უსასრულო თუ წამიერი...
მიდიან ასე, მეგობრები მიდიან ასე,
გარშემო ფრთხილად ისადგურებს სიცარიელე.
სიბერე - მწუხრი. შეუცნობი გატყდება თავზე
და სადღაც შორით ილანდება დასალიერი...
მეგობრები კი უხმაუროდ მიდიან ასე -
გულში გროვდება სიცარიელე.
გზა ცხოვრებისა - ვიწრო თუ ფართო,
და დედამიწა - მდუმარე და უკაცრიელი.
მიმოიხედავ, მეგობრებმა დაგტოვეს მარტო.
სამყარო შთანთქა სიცარიელემ.
სიცარიელე.
... 2023 წელი
სხვა სიახლეები
