19 თებერვალს ბათუმის სახელმწიფო მუსიკალური ცენტრი პოეტ თინათინ მღვდლიაშვილის საღამოს უმასპინძლებს

19 თებერვალს, 19:00 საათზე, ბათუმის სახელმწიფო მუსიკალურ ცენტრში პოეტ თინათინ მღვდლიაშვილის საღამო გაიმართება.  ყველასთვის საყვარელი პოეტი ქართული ესტრადის გამორჩეულ ვარსკვლავებთან ერთად, საზოგადოებას წარუდგენს იმ უკვდავ შემოქმედებას, რომელმაც ათწლეულებს გაუძლო და ხალხურ ჰიმნებად იქცა.

​საღამოზე აჟღერდება სულის შემძვრელი ჰანგები, რომლებიც სხვადასხვა დროს ფილარმონიის დარბაზში ჟღერდა და მაყურებელი აღტაცებაში მოჰყავდა.

თინათინ მღვდლიაშვილის შემოქმედებას ეკუთვნის ისეთი ცნობილი ლექსები, როგორიცაა: ​„ქართველები არ კვდებიან“, „ხმალი ავლესოთ, ქართველებო!“, „აღმაშენებელი თბილისში მობრძანდება“, „დადეთ იარაღი, ბიჭებო!“, „მარტოხელა, მარტოსულო ქალბატონო“ და მრავალი სხვა.