რუსეთში მეტსახელად ზვიად „თბილისკის“ 15 წლიანი პატიმრობა ემუქრება

რუსეთში ზვიად „თბილისკის“ 15 წლამდე პატიმრობა ემუქრება. საქმე პროკურატურამ განსახილველად სასამართლოს გადასცა.

მას ბრალად ედება სისხლის სამართლის კოდექსის 210.1 მუხლით გათვალისწინებული დანაშაული — „კრიმინალურ იერარქიაში უმაღლესი სტატუსის დაკავება“, რაც ითვალისწინებს 8-დან 15 წლამდე თავისუფლების აღკვეთას და 5 მილიონ რუბლამდე ჯარიმას.

პროკურატურის ცნობით, „კრიმინალური ავტორიტეტი“ ციხეში ყოფნის პერიოდში წარმართავდა კრიმინალურ ორგანიზაციას ციხის შიგნით.

სასჯელაღსრულების დაწესებულებაში შეჰქონდა აკრძალული ნივთები და მართავდა „ციხის ფინანსებს“.