1 დეკემბრიდან მძღოლებისთვის ახალი წესები ამოქმედდება
1732391558
მობილურ და მოულოდნელობებით სავსე რეალობაში ძალიან რთულია მომავლის პროგნოზირება, მაგრამ ისეთი სწავლებების წყალობით, როგორიც ფენ-შუი, ეზოთერიკა და ასტროლოგიაა, მეტ-ნაკლებად მაინც შეიძლება მომავლის განსაზღვრა, უსიამოვნებებს მორიდება და სასიკეთო შანსების გამოყენება.
2024 წლის პირადი პროგნოზი და ციფრების მნიშვნელობა
ძალიან მარტივია საკუთარი „წლის ციფრის“ გამოთვლა და 2024 წლის პირადი პროგნოზის გაგება. საჭიროა მხოლოდ დაბადების თარიღისა და მიმდინარე წლის დაჯამება ერთმნიშვნელოვან ციფრამდე. მაგალითად, ის, ვინც 31 დეკემბერსაა დაბადებული, ყველა ციფრს შეკრებს (3+1+1+2+2+0+2+4=15, 1+5=6) და სწორედ საბოლოოდ მიღებულ ციფრს ანუ „ექვსიანს“ ჩათვლის საკუთარ სიმბოლოდ მომავალი წლისთვის.
ციფრი 1 - ლიდერობის, დამოუკიდებლობისა და თვითდამკვიდრების სურვილს განასახიერებს. „ერთიანის“ მფლობელებისთვის 2024 წელი ახალი იდეებისა და პროექტების, პერსპექტიული სამსახურისა და საკუთარი ბიზნესის დაწყების წელი იქნება.
ციფრი 2 - ჰარმონიას, თანამშრომლობასა და ბალანსს სიმბოლიზირებს. „ორიანის“ მფლობელები პარტნიორულ ურთიერთობას გააუმჯობესებენ, რადგან მომავალ წელს სწორედ თანამშრომლობა და კოლექტიური მუშაობა გახდება წარმატების მომტანი.
ციფრი 3 - თვითგამოხატვისა და შემოქმედების სიმბოლოა. „სამიანის“ მფლობელებმა მეტი ფანტაზია და შემოქმედებითი ნიჭი უნდა გამოავლინონ, რადგან მხოლოდ ასე შეძლებენ საქმიანობის ნებისმიერ სფეროში წარმატების მიღწევას.
ციფრი 4 - სტაბილურობას, შრომისმოყვარეობას და პასუხისმგებლობას განასახიერებს, ამიტომ „ოთხიანის“ მფლობელებისთვის მომავალი წელი შენებისა და ახლის შესაქმნელად მყარი საფუძვლის „ამოშენების“ წელი იქნება. მართალია, წინა წლებთან შედარებით ბევრად ინტენსიურად მოუწევთ მუშაობა, მაგრამ შრომა სრულად აუნაზღაურდებათ.
ციფრი 5 - თავისუფლებასთან, თავგადასავლებთან და ცვლილებებთან ასოცირდება. „ხუთიანის“ მფლობელებისთვის 2024 წელი ცვლილებებისა და განახლების, ახალი ნაცნობობისა და შთაბეჭდილებების მომტანი იქნება.
ციფრი 6 - მზრუველობას და მფარველობას სიმბოლიზირებს. „ექვსიანებისთვის“ პრიორიტეტული ჯანმრთელობა და მატერიალური კეთილდღეობა გახდება, თუმცა მეტი დროის დათმობა და ყურადღების გამოჩენა მოუწევთ ოჯახის წევრებისა და ახლობლების მიმართ.
ციფრი 7 - წარსულის გააზრებას, ფაქტების გაანალიზებას და შეცდომების აღიარებას უკავშირდება, ამიტომ „შვიდიანისთვის“ 2024 წელი სულიერი ზრდისა და თვითშემეცნების წელი იქნება.
ციფრი 8 - ამბიციებს, ძალაუფლებისა და მატერიალური სიკეთის მოპოვების სურვილს განასახიერებს. „რვიანს“ კარგი შანსი მიეცემა ავტორიტეტის განმტკიცებისა და გავლენის სფეროების გაფართოებისთვის, კარიერული წინსვლისა და დაწინაურებისთვის.
ციფრი 9 - ჰუმანიზმსა და თანაგრძნობის უნარს სიმბოლიზირებს, ამიტომ „ცხრიანისთვის“ ჰუმანიტარულ პროექტებში მონაწილეობა და სხვათა დახმარება გახდება პრიორიტეტული.
ვის გაუმართლებს სიყვარულში
2024 წელს პირად ცხოვრებაში ყველაზე მეტად მათ გაუმართლებთ, ვისი „წლის ციფრი“ 2 და 6-ია. „ორიანი“ - საიმედო ურთიერთობას ნიშნავს, მისი ენერგია კი, მეგობრული, საქმიანი და სასიყვარულო კავშირების განმტკიცებას უწყობს ხელს. „ექვსიანის“ მფლობელებს პოზიტიური ცვლილებები ელით საქმიან და რომანტიკულ ურთიერთობაში, ამიტომ ნუ შეგაშინეთ ძველი, „გაცვეთილი“ ურთიერთობის დასრულება და ახლის დაწყება, რადგან სწორედ წელს გაქვთ ნამდვილი სიყვარულის პოვნის შანსი.
სიფრთხილის გამოჩენა მართებთ „ხუთიანებს“, რათა არ აღმოჩნდნენ ავანტიურასა და იმ ფარულ ურთიერთობაში გაბმული, რომლის გამოაშკარავება სერიოზულ ზარალს მოუტანს.
ვის ელის პროფესიული წარმატება
კარიერული წინსვლა და პროფესიული განვითარება პირველ რიგში „ერთიანის“, „ოთხიანისა“ და „რვიანის“ მფლობელებს ელით, რადგან სწორედ ამ ციფრების ენერგია განსაზღვრავს სტრატეგიულ აზროვნებას, შედეგიან მუშაობას და ახალი ბიზნესის დაწყებას. მთავარია, არ შეუშინდეთ აქტიურად მოქმედებას და თამამად გამოთქვით საკუთარი იდეები, წინსვლა კი, იმდენად სწრაფი და სერიოზული იქნება, რომ თვითონაც გაგიკვირდებათ.
„ოთხიანი“ წარმატებას ცოდნის გაღრმავებისა და თავდაუზოგავი შრომის წყალობით მიაღწევს, ამიტომ არ ღირს წვრილმან პრობლემებზე მოცდენა, უმჯობესია დასახოთ მასშტაბური გეგმა და სწორედ მის განხორციელებაზე იზრუნოთ.
ასევე ნახეთ:
“აი სწორედ ასეთი იყო ჩემი მიშო… ჩვენ ისევ ვიპოვით ერთმანეთს” - რას წერენ გარდაცვლილ ოპერატორზე
სახლი მაჩუქა, რემონტითა და ავეჯით და მე სამი წყვილი წინდა ვაჩუქე - კესარია აბრამიძე
