რა ჩვევები უნდა შეცვალონ მშობლებმა, რომ ბავშვი ახალ სეზონს მარტივად შეეგუოს

ზაფხულის არდადეგების შემდეგ ბავშვებისთვის ყოველდღიურ რეჟიმში დაბრუნება მარტივი ყოველთვის არ არის.

ძილის გრაფიკის ცვლილება, სკოლასა და ბაღში დაბრუნება, ნაკლები დრო გარეთ და დღის რეჟიმის გადალაგება ბავშვის განწყობასა და ენერგიაზეც აისახება.

სპეციალისტების რეკომენდაციით, მშობლებმა ბავშვისთვის ახალი რეჟიმი ერთბაშად კი არა, ეტაპობრივად უნდა დააბრუნონ. განსაკუთრებით მნიშვნელოვანია საკმარისი ძილი, რეგულარული კვება და დღის განმავლობაში ფიზიკური აქტივობა.

ბავშვისთვის ადაპტაციის პერიოდი შესაძლოა რამდენიმე დღეს ან კვირას გაგრძელდეს. ამიტომ მშობლებს ურჩევენ, პირველ დღეებში ზედმეტი მოთხოვნებით არ გადატვირთონ ბავშვი და ყურადღება მის ემოციურ მდგომარეობასაც მიაქციონ.

განსაკუთრებით მნიშვნელოვანია ისიც, რომ შემოდგომის დაწყებასთან ერთად ბავშვები კვლავ ხვდებიან ხალხმრავალ გარემოში  სკოლებსა და საბავშვო ბაღებში. სწორედ ამიტომ ხელების ხშირი დაბანა, ოთახების განიავება და ავადმყოფობის სიმპტომების შემთხვევაში ბავშვის სახლში დატოვება კვლავ აქტუალურ რეკომენდაციებად რჩება.

ახალი სეზონი ბავშვებისთვის მხოლოდ სწავლის დაწყებას არ ნიშნავს ეს ახალი რეჟიმის, ჩვევებისა და ყოველდღიურობის თავიდან აწყობის პერიოდიცაა.