სებ-ის წარმომადგენელი: საფინანსო სისტემა განუხრელად იცავს სანქციათა რეჟიმებს, პროცესის კონტროლი ხორციელდება ეროვნული ბანკის მხრიდან სისტემატურად - SWIFT-ის სისტემიდან ქართული საფინანსო სისტემის გათიშვის საფუძველი არ არსებობს

SWIFT-ის სისტემიდან ქართული საფინანსო სისტემის გათიშვის საფუძველი არ არსებობს, - განაცხადა საქართველოს ეროვნული ბანკის ფულის გათეთრების ინსპექტირებისა და ზედამხედველობის დეპარტამენტის უფროსის მოადგილემ სოფო ასანიძემ.

მან ევროპულ კანონმდებლობასთან ქართული საფინანსო კანონმდებლობის ჰარმონიზაციასაც გაუსვა ხაზი.

„საფინანსო სისტემა განუხრელად იცავს სანქციათა რეჟიმებს, აღნიშნული პროცესის კონტროლი ხორციელდება ეროვნული ბანკის მხრიდან სისტემატურად. მუდმივად დადებითად ფასდება ეროვნული ბანკის მიერ ევროპულ კანონმდებლობასთან ქართული საფინანსო კანონმდებლობის ჰარმონიზაციის პროცესიც. ვფიქრობთ, რომ SWIFT-ის სისტემიდან ქართული საფინანსო სისტემის გათიშვის საფუძველი არ არსებობს“, - განაცხადა სოფო ასანიძემ.

აღნიშნულ საკითხზე განცხადება გამოაქვეყნა საქართველოს ეროვნულმა ბანკმა. სებ-ი აცხადებს, რომ არ არსებობს SWIFT-დან ქართული საფინანსო სისტემის გათიშვის საფუძველი.