„შექმნილია დიდი შრომის და ბევრი ფიქრის შედეგად...“ - რატი დურგლიშვილი სახლის კადრებს აქვეყნებს

მომღერალი, დუეტ „ჯორჯიას“ წევრი რატი დურგლიშვილი სოციალურ ქსელში აქვეყნებს ვიდეოს, რომელიც, მის მიერვე, საკუთარი სახლის დაპროექტებისა და მშენებლობის დროს გადაღებულ კადრებს აერთიანებს.

როგორც რატი დურგლიშვილი წერს, სახლი, რომელსაც თავად, საკუთარი ხელით აშენებდა, დიდი შრომისა და ბევრი ფიქრის შედეგად შექმნა:

„შექმნილია დიდი შრომის, ბევრი ფიქრის, ბევრი ვარიანტის, პერსპექტივისა და არსებული ვითარების საფუძველზე დიდი დაკვირვების შედეგად, რათა ინდივიდუალურად საინტერესო ყოფილიყო ყოველი კუთხე თუ დეტალი, რათა ხედვის, გონების და შეგრძნების ტანდემი ყოფილიყო“, – წერს რატი დურგლიშვილი.