წყალი 8 საათით შეწყდება - გადაამოწმეთ თქვენი მისამართი

„ჯორჯიან უოთერ ენდ ფაუერი“ წყალმომარაგების შეზღუდვის შესახებ ინფორმაციას ავრცელებს და მოსახლეობას აფრთხილებს.

„15 აგვისტოს  ჯორჯიან უოთერ ენდ ფაუერი ნაძალადევის რაიონში, ჭყონდიდელის ქ. N85-თან აუცილებელ ტექნიკურ სამუშაოებს ჩაატარებს.

კომპანიის ტექნიკური ჯგუფები გადაუდებელ  სამუშაოებს ინტენსიურ რეჟიმში შეასრულებენ. აღნიშნულთან დაკავშირებით აუცილებელია მაგისტრალური ქსელის წყლისგან დაცლა, რის გამოც 15 აგვისტოს 10:00 საათიდან 15 აგვისტოს 18:00 საათამდე წყალმომარაგება შეეზღუდება:

ნაძალადევის რაიონში:
ბეჟანიშვილის N 1-27 (კენტებს), ჭყონდიდელის N 65-111 (კენტებს), წიწამურის, ნათაძის, ბაგინეთის და მექანიზაციის N 6-10 (ლუწებს) ქუჩებს.

ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის“, - ნათქვამია ინფორმაციაში.