„შენ ოთახში ერთი ნივთი უნდა დადო სწორად... უცებ აღმოაჩენთ, რომ ეს უზარმაზარი შედეგია“ - რამაზ გიგაური

ასტროლოგი, ფსიქოლოგი და რამდენიმე წიგნის ავტორი რამაზ გიგაური, სოციალურ ქსელში სხვადასხვა ასტროპროგნოზთან ერთად საზოგადოებას ხშირად უზიარებს სასარგებლო რჩევებს. იგი ამჯერად ჟურნალ OK! Magazine Georgia-სთან საინტერესო თემაზე საუბრობს:

„კაიძენი ამბობს რომ არ მოახდინო სასწაული. არ გჭირდება შენ ერთ დღეში ჯომოლუნგმაზე ასვლა. შენ დღეს შენ ოთახში ერთი ნივთი უნდა დადო სწორად. ხვალ მეორე ნივთი. ამას ჰქვია ერთ პროცენტიანი ზრდა. თავის დროზე ეს „ტოიოტას“ ბუმია და დანერგეს სწორედ მის ქარხანაში.

ამას ჰქვია კაიძენი და ნიშნავს პატარა ცვლილებას. თუ ჩვენ ყოველ დღე თითო თითო ნაბიჯს გავასწორებთ ჩვენ ცხოვრებაში, ხასიათში, ცოდნაში უცებ აღმოაჩენთ, რომ ეს უზარმაზარი შედეგია. კახური ანდაზა მომყავს ხოლმე მაგალითად - „სიღნაღი წვრილი ქვით არის აშენებულიო“ - ამბობს რამაზ გიგაური.