1732309879

პირველი დეკემბრიდან ახალი წესები ამოქმედდება - გაფრთხილება მძღოლებს

ზამთრის პერიოდში, პირველი დეკემბრიდან პირველ მარტამდე გზის ცალკეულ მონაკვეთებზე სატრანსპორტო საშუალების ზამთრის საბურავებით მოძრაობა სავალდებულოა, – ამის შესახებ შინაგან საქმეთა სამინისტროს მიერ გავრცელებულ ინფორმაციაშია აღნიშნული.ამასთან, შსს-ს განმარტებით, ზამთრის პერიოდში, მეტეოროლოგიური პირობების გათვალისწინებით, პოლიციის მიერ, შესაძლოა, დაწესდეს სატრანსპორტო საშუალების არანაკლებ წამყვან თვლებზე მოცურების საწინააღმდეგო ჯაჭვის დამაგრების მოთხოვნა.„ზამთრის საბურავი უნდა აკმაყოფილებდეს შემდეგ კრიტერიუმებს:საბურავზე დატანილი უნდა იყოს სიმბოლო – ფიფქი.საბურავის პროტექტორის სიღრმე უნდა იყოს: არანაკლებ 3 მმ. მსუბუქი ავტომობილებისთვის (M1) და სატვირთოებისთვის (N1, N2, N3); არანაკლებ 4 მმ. − მიკროავტობუსისთვის (M2) და ავტობუსისთვის (M3);საბურავის დამზადებიდან არ უნდა იყოს გასული 10 წელი;საბურავზე შესაძლებელი უნდა იყოს დამზადების თარიღის წაკითხვა;ავტობუსისთვის (M3) და 3.5 ტონაზე მეტი სრული მასის მქონე სატვირთო სატრანსპორტო საშუალებისთვის (N2, N3) დასაშვებია იმგვარი ზამთრის საბურავით გადაადგილება, რომელზეც არ არის დატანილი სიმბოლო – ფიფქი. ამ შემთხვევაში საქართველოს შინაგან საქმეთა სამინისტროს დანაყოფი უფლებამოსილია, ზემოაღნიშნული კატეგორიების სატრანსპორტო საშუალებებისთვის დააწესოს არანაკლებ ერთი წამყვანი ღერძის ყველა თვალზე სათანადო მახასიათებლების მქონე მოცურების საწინააღმდეგო ჯაჭვის დამაგრების მოთხოვნა;მოცურების საწინააღმდეგო ჯაჭვი უნდა იყოს ქარხნული წესით დამზადებული, სატრანსპორტო საშუალების საბურავის ზომის შესაბამისი და თოვლით/ყინულით დაფარული გზის ზედაპირზე გამოსაყენებლად ვარგისი;მოცურების საწინააღმდეგო ჯაჭვი გამოყენებული უნდა იყოს მხოლოდ თოვლით ან/და ყინულით დაფარულ გზაზე.თუ ზამთრის საბურავი ან/და მოცურების საწინააღმდეგო ჯაჭვი არ შეესაბამება დადგენილ მოთხოვნებს, პოლიციელი უფლებამოსილია, პირს აუკრძალოს დადგენილებით განსაზღვრულ ადგილას/გზის მონაკვეთზე შესვლა;თუ ზამთრის საბურავი ან/და მოცურების საწინააღმდეგო ჯაჭვი არ შეესაბამება დადგენილ მოთხოვნებს და ამ სატრანსპორტო საშუალებით მოძრაობა საფრთხეს უქმნის საგზაო მოძრაობის მონაწილეებს, პირს, შესაძლოა, დროებით ჩამოერთვას სატრანსპორტო საშუალება და განთავსდეს დაცულ სადგომზე;ზამთრის საბურავისა და მოცურების საწინააღმდეგო ჯაჭვის მოთხოვნებთან შეუსაბამობის შემთხვევაში პირი დაჯარიმდება 100 ლარით და მართვის მოწმობისთვის მინიჭებული ქულათა რაოდენობა შეუმცირდება 5 ქულით.დეტალური ინფორმაცია ზამთრის საბურავისა და მოცურების საწინააღმდეგო ჯაჭვის სათანადო მახასიათებლების, ასევე, იმ ადგილის/გზის მონაკვეთების ჩამონათვალის შესახებ, სადაც ზამთრის პერიოდში სატრანსპორტო საშუალების მოძრაობა სავალდებულო იქნება ზამთრის საბურავებით ან/და მოცურების საწინააღმდეგო ჯაჭვით, იხილეთ ბმულზე“, – აღნიშნულია შსს-ს ინფორმაციაში.

1732307332

რა ეღირება დოლარი და ევრო შაბათ-კვირას

ეროვნული ბანკის მიერ გამოქვეყნებული მონაცემების თანახმად, 1 აშშ დოლარის ღირებულება 2.7384 ლარი გახდა. კურსი, რომელიც მანამდე მოქმედებდა, 2.7433 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0049 ლარი შეადგინა.რაც შეეხება ევროს, მისი კურსი 2.8548 ლარია. მაშინ, როცა მანამდე მოქმედი კურსი 2.8862 ლარს შეადგენდა. შესაბამისად, ევროს ცვლილებამ 0.0314 ლარი შეადგინა.

1732307043

ლოცვა, რომელიც გიორგობას უნდა წაიკითხოთ

ქრისტიანული სამყარო 23 ნოემბერს გიორგობას აღნიშნავს. დღეს საქართველოს ყველა მოქმედ ტაძარში წირვა-ლოცვა აღევლინება.საკვირველმოქმედი და ძლევამოსილი გიორგი ქართველი ერის მფარველად მიიჩნევა. წმინდანი საქართველოშიგანსაკუთრებულად უყვართ.გთავაზობთ ლოცვებს რომელიც გიორგობა დღეს უნდა წაიკითხოთ:ჰოი, ყოვლადნეტარო, წმიდაო დიდო მოწამეო გიორგი, მიითუალე საგალობელი ესე ქებისა და ღმრთისა მიმართშუამდგომელობითა შენითა გვიხსენ ჩუენ ყოვლისაგან ბოროტისა, რაჲთა შენ თანა ვღაღადებდეთ: ალილუია, ალილუია, ალილუია.ტყუეთა განმათავისუფლებელო და გლახაკთა ხელის აღმპყრობელო, სნეულთა მკურნალო და მეფეთა უძლეველოწინამბრძოლო, ღვაწლით შემოსილო, დიდო მოწამეო გიორგი, ევედრე ქრისტესა ღმერთსა შეწყალებად სულთა ჩვენთათვის.ევედრე, წმიდაო მოწამეო ქრისტესო, შენგან შეყუარებულსა ტკბილსა იესუს, რათა მოგუანიჭოს მადლი და წყალობა თვისი აღურაცხელი.

1732306288

„ენი მამარდაშვილი“ - გიორგი სოციალურ ქსელში ფოტოს აქვეყნებს

გიორგი მამარდაშვილი მამა გახდა. საქართველოს ეროვნული ნაკრების მეკარეს და მის მეუღლეს, მოდელ ელენე ეპიტაშვილს გოგონა შეეძინათ. „ენი მამარდაშვილი“ , - წერს გიორგი სოციალურ ქსელში და მშობლის ამპლუაში პირველ ფოტოს აქვეყნებს.

1732305337

„გიორგისა და ელენესთვის ახალი ცხოვრება დაიწყო...“ - ცნობილია, რა დაარქვა წყვილმა ახალშობილს

საქართველოს ეროვნული ნაკრების მეკარეს გიორგი მამარდაშვილსა და მოდელ ელენე ეპიტაშვილს გოგონა შეეძინათ. სასიამოვნო სიახლე სოციალურ ქსელში ცოტა ხნის წინ გავრცელდა. წყვილმა პატარას ენი დაარქვა.„მივესალმოთ ენი მამარდაშვილის მშობლებს...გიორგისა და ელენესთვის ახალი ცხოვრება დაიწყო“, - წერს Geo Team სოციალურ ქსელში.

1732305000

პუტინი აცხადებს, რომ რუსეთი ახალი ბალისტიკური რაკეტის ბრძოლის ველზე გამოცდას გააგრძელებს

რუსეთის პრეზიდენტი ვლადიმერ პუტინი აცხადებს, რომ რუსეთი ახალი ბალისტიკური რაკეტის, „ოერშნიკის“ ბრძოლის ველზე გამოცდას გააგრძელებს.„როგორც უკვე ითქვა, ჩვენ გავაგრძელებთ ამ გამოცდებს, მათ შორის საბრძოლო პირობებში, არსებული სიტუაციისა და რუსეთისთვის შექმნილი საფრთხეების ხასიათის გათვალისწინებით“, – განაცხადა პუტინმა რუსეთის თავდაცვის სამინისტროსა და სამხედრო-სამრეწველო კომპლექსის ხელმძღვანელობასთან შეხვედრისას.პუტინმა აღნიშნა, რომ რუსეთი რაკეტა „ორეშნიკის“ სერიულ წარმოებას დაიწყებს და ის არმიის შეიარაღებაში იქნება წარმოდგენილი. თავის მხრივ, რუსეთის სტრატეგიული დანიშნულების სარაკეტო ძალების მეთაურმა, სერგეი კარაკაევმა პუტინთან თათბირზე განაცხადა, რომ „ორეშნიკს“ შეუძლია მთელ ევროპაში სამიზნეების განადგურება, რაც მას დიდი სიშორის სხვა მაღალი სიზუსტის იარაღისგან განასხვავებს.კარაკაევმა აღნიშნა, რომ სარაკეტო კომპლექსო „ორეშნიკი“ გააფართოებს სტრატეგიული დანიშნულების სარაკეტო ძალების საბრძოლო შესაძლებლობებს, სხვადასხვა ტიპის სამიზნეების განადგურებაში დასახული ამოცანის შესაბამისად, როგორც არაბირთვული, ისე ბირთვული აღჭურვილობით.ცნობისთვის, 21 ნოემბერს პუტინმა განაცხადა, რომ რუსეთმა უკრაინის ქალაქ დნეპროპეტროვსკზე დარტყმა მიიტანა ექსპერიმენტული ბალისტიკური რაკეტით. მანამდე უკრაინის შეიარაღებულმა ძალებმა, ომის დაწყების შემდეგ პირველად, გამოიყენეს ამერიკული და ბრიტანული შორ მანძილზე მოქმედი რაკეტები რუსეთი ტერიტორიის სიღრმეში დარტყმებისთვის. უკრაინელთა სამიზნე იყო სამხედრო ობიექტები ბრიანსკის და კურსკის ოლქებში.

1732304300

გიორგი მამარდაშვილი და ელენე ეპიტაშვილი მშობლები გახდნენ

საქართველოს ეროვნული ნაკრების მეკარე გიორგი მამარდაშვილი და მისი მეუღლე ელენე ეპიტაშვილი, მშობლები გახდნენ.წყვილს გოგონა შეეძინა. სასიამოვნო სიახლე სოციალურ ქსელში გავრცელდა.„მივესალმოთ ენი მამარდაშვილის მშობლებს... გიორგისა და ელენესთვის ახალი ცხოვრება დაიწყო“, - წერს Geo Team სოციალურ ქსელში.

1732303676

ტრამპის სისხლის სამართლის საქმეზე განაჩენის გამოტანა განუსაზღვრელი ვადით გადაიდო

აშშ-ის არჩეული პრეზიდენტის, დონალდ ტრამპის სისხლის სამართლის საქმეზე განაჩენის გამოტანა განუსაზღვრელი ვადით გადაიდო. ამის შესახებ ინფორმაციას ამერიკული მედია ავრცელებს.საქმე ეხება ტრამპის მიერ პორნოვარსკვლავ შტორმი დენიელსისთვის სექსუალური კავშირის შესახებ დუმილის სანაცვლოდ გადახდილ 130 ათას დოლარს. სასამართლომ ტრამპი დამნაშავედ ცნო ამ თანხის გადახდასთან დაკავშირებული ფინანსური დოკუმენტაციის გაყალბებაში.მოსამართლე ხუან მერჩანმა გადაწყვიტა, განუსაზღვრელი ვადით გადადოს აღნიშნულ საქმეზე განაჩენის გამოტანა, რათა შეისწავლოს დამატებითი მასალები, რომლებიც დაკავშირებულია ტრამპის აშშ-ის პრეზიდენტად არჩევასთან და თუ როგორ იმოქმედებს ეს მისი გასამართლების შესაძლებლობაზემედიის ცნობით, მანამდე იგეგმებოდა, რომ ტრამპის განაჩენი 26 ნოემბერს გამოცხადდებოდა.ცნობილია, რომ აშშ-ის არჩეული პრეზიდენტის ადვოკატები საქმის დახურვას ითხოვენ, რადგანაც მოქმედი სახელმწიფოს მეთაურების სისხლის სამართლებრივი დევნა დაუშვებელია.მანჰეტენის საოლქო პროკურატურა კი, რომელიც აღნიშნულ საქმეს აწარმოებს, სასამართლო პროცესის ტრამპის საპრეზიდენტო ვადის დასრულებამდე გადადების წინადადებით გამოდის.ამასთან, ეს საქმე იყო ერთადერთი, რომელზეც ტრამპის განაჩენი, შეიძლებოდა, გამოცხადებულიყო აშშ-ის საპრეზიდენტო არჩევნებამდე. დანარჩენ საქმეებზე ჯერ არსებითი განხილვაც კი არ დაწყებულა.

1732303587

მოძრაობა დროებით შეიზღუდება - თბილისის მერია მძღოლებს აფრთხილებს

თბილისის მერიის ინფორმაციით, საახალწლო ილუმინაციების მონტაჟის გამო ქეთევან დედოფლის გამზირისა და კოსტავას ქუჩის ნაწილზე მოძრაობა დროებით შეიზღუდება.„საახალწლო განათებების სამონტაჟო სამუშაოების გამო ქეთევან დედოფლის გამზირისა და კოსტავას ქუჩის ნაწილზე 23 ნოემბერს, 00:00 საათიდან 06:00 საათამდე ავტომობილების გადაადგილება შეიზღუდება. კერძოდ, შეზღუდვა კოსტავას ქუჩაზე, თბილისის სახელმწიფო საკონცერტო დარბაზიდან მეტროსადგურ „რუსთაველამდე“ არსებულ საგზაო მონაკვეთზე იმოქმედებს. რაც შეეხება ქეთევან დედოფლის გამზირს, საავტომობილო მოძრაობის შეზღუდვა თელავის ქუჩის კვეთიდან ლეხ კაჩინსკის ქუჩის კვეთამდე იმოქმედებს.აღნიშნულ პერიოდში რუსთაველის გამზირიდან მიმავალი ავტომობილები ქიაჩელისა და ახვლედიანის ქუჩების საშუალებით შეძლებენ გადაადგილებას, ხოლო ნიკოლაძის ქუჩიდან მარცხნივ მოხვევით მძღოლები რუსთაველის გამზირისა და ჭოველიძის ქუჩის მიმართულებით იმოძრავებენ. ასევე, რუსთაველის გამზირიდან გმირთა მოედნის მიმართულებით გადაადგილება დასაშვები იქნება ჯავახიშვილის ქუჩისა და მტკვრის მარცხენა სანაპიროს გამოყენებით.აგრეთვე, სატრანსპორტო საშუალებები გადაადგილებას შეძლებენ ირბახის, წურწუმიას, ზურაბაშვილისა და კაჩინსკის ქუჩების საშუალებით. კაჩინსკის ქუჩიდან საავტომობილო მოძრაობა შესაძლებელი იქნება, როგორც ბოჭორმის ქუჩის, ისე, ქეთევან დედოფლის გამზირის მიმართულებით (მარცხნივ მოხვევით). გარდა ამისა, ავტომობილების მძღოლები იმოძრავებენ თელავის ქუჩიდან ბოჭორმის ქუჩის, ასევე, იალბუზის ქუჩიდან მტკვრის მარცხენა სანაპიროს მიმართულებით. თბილისის მერია ბოდიშს გიხდით შეფერხებისთვის!“, - ნათქვამია განცხადებაში.  

1732302910

„მიგვაჩნია, რომ ტრამპი პრაგმატული ადამიანია, მას შეუძლია, უკრაინის კონფლიქტს ბოლო მოუღოს“ - მედვედევი

აშშ-ის არჩეულ პრეზიდენტს, დონალდ ტრამპს შეუძლია, მიაღწიოს უკრაინის კონფლიქტის მოგვარებას, – ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა ტელეარხ „ალ არაბიასთან“ ინტერვიუში განაცხადა.„ჩვენ მიგვაჩნია, რომ ტრამპი პრაგმატული ადამიანია. მას შეუძლია, ბოლო მოუღოს უკრაინის კონფლიქტს, რადგან ვაშინგტონს აქვს ამისთვის ყველა ინსტრუმენტი“, – აღნიშნა მედვედევმა.ამავე ინტერვიუში მედვედევმა განაცხადა, რომ რუსეთის მიერ ექსპერიმენტული ბალისტიკური რაკეტის გამოყენება უკრაინაში მიმდინარე სამხედრო ოპერაციაში მნიშვნელოვან გარდატეხას შეიტანს.მისივე თქმით, ვაშინგტონი ამ რაკეტის გაშვების შესახებ გაფრთხილებული იყო, რათა თავიდან აცილებულიყო საერთაშორისო კონფლიქტი.მედვედევმა კიდევ ერთხელ დაადანაშაულა ნატო უკრაინის ომში ჩართულობაში და აღნიშნა, რომ რუსეთი ამ კონფლიქტში გაიმარჯვებს. მან არ გამორიცხა რუსეთის მიერ ბირთვული იარაღის გამოყენების შესაძლებლობა, მაგრამ აღნიშნა, რომ რუსეთში ეს არ ახარებთ.„რუსეთის ხელისუფლებაში შეშლილები არ არიან“, – განაცხადა მედვედევმა.

1732302170

საპატრიარქო ინფორმაციას ავრცელებს

საქართველოს საპატრიარქო სოციალური ქსელის საშუალებით, მრევლს გიორგობას და სამების ტაძრის გახსნიდან 20 წლისთავს ულოცავს.„წელს, გიორგობას, 20 წელი სრულდება წმინდა სამების საკათედრო ტაძრის კურთხევიდან. იმ პერიოდში, მაცხოვრის შობიდან 2000 წლისთავთან დაკავშირებით, მთელ მართლმადიდებლურ სამყაროში აიგო ახალი ეკლესიები. ჩვენ ღვთის ამ სახლის მშენებლობით შევხვდით ქრისტიანული სამყაროს უდიდეს თარიღს და ჩვენი ეკლესიის ავტოკეფალიის 1500 წლისთავს. თუმცა, ტაძრის კურთხევა მოგვიანებით, 2004 წელს, მოხდა.მას საფუძველი 1990-იან წლებში ჩაეყარა, მაგრამ უსახსრობის გამო პროცესი მალევე გაჩერდა. ეს მდგომარეობა რამდენიმე წელს გაგრძელდა. შემდეგ მისი უწმინდესობის თხოვნით და ბატონი ედუარდ შევარდნაძის შუამდგომლობით, მისი აგება ბატონმა ბიძინა ივანიშვილმა იტვირთა, რომელმაც, ხალხის შემოწირულობებთან ერთად, უზრუნველყო კომპლექსის მშენებლობა, მოპირკეთება, კეთილმოწყობა და გამშვენება.პროექტის ავტორია ბატონი არჩილ მინდიაშვილი; მშენებლობას ზედამხედველობას უწევდა ბატონი ირაკლი ანდრიაძე; მთავარი ხატმწერი - ბატონი ამირან გოგლიძე და სხვანი. მუშაობის პროცესში მრავალი სამშენებლო ორგანიზაცია და ადამიანი იღებდა მონაწილეობას. მათ შორის: ხელოსნები, ქვის მთლელები, ინჟინრები, კონსტრუქტორები, მეცნიერები, სტუდენტები, სასულიერო პირები, მრევლი და საერთოდ ჩვენი მოქალაქეები.ღმერთმა შეიწიროს ყველას ღვაწლი!ეს იყო ისტორიული მშენებლობა არა მარტო თავისი მასშტაბით, არამედ იმითაც, რომ სწორედ მან მისცა დიდი ბიძგი შემდგომში არაერთი ახალი ტაძრის აგებას საქართველოში.როგორც ცნობილია, წმინდა გიორგი საქართველოსთვის გამორჩეული წმინდანი და შემწეა. იგი ხშირად ხილულად მიუძღოდა ჩვენს ლაშქარს მრავალრიცხოვან მტერთან ბრძოლაში და ქრისტიანული რწმენის დაცვისთვის განამტკიცებდა. ამიტომაც, მისი სალოცავებითაა მოფენილი ჩვენი ქვეყანა.ყველას, ვინც ამ დიდმოწამის სახელს ატარებს, და სრულიად საქართველოს ვულოცავთ გიორგობას! გილოცავთ სამების ტაძრის გახსნიდან 20 წლისთავს. წმინდა გიორგის მეოხებითა და შეწევნით ღმერთმა კვლავაც მოგვცეს ძალა ბოლომდე უფლის გზით სვლისა, ამინ!“, - ნათქვამია ინფორმაციაში.

1732301361

ხატია წილოსანი საქართველოს დელეგაციისთვის კანადის ვიზებზე უარის თქმას კატეგორიულად უარყოფს და გიორგი კანდელაკის განცხადებას დეზინფორმაციას უწოდებს

საპარლამენტო უმრავლესობის წევრი, ევროპის საბჭოს საპარლამენტო ასამბლეაში საქართველოს საპარლამენტო დელეგაციის ხელმძღვანელი ხატია წილოსანი ტყუილსა და დეზინფორმაციას უწოდებს გავრცელებულ ინფორმაციას, თითქოს ნატოს საპარლამენტო ასამბლეაში საქართველოს დელეგაციას კანადამ ვიზებზე უარი უთხრა.„ინფორმაცია, რომელიც სოციალური ქსელით გაავრცელა გიორგი კანდელაკმა, არის სრული ტყუილი და დეზინფორმაცია. მე ვარ საქართველოს დელეგაციის ხელმძღვანელი ნატოს საპარლამენტო ასამბლეაში და შემიძლია ცალსახად დაგიდასტუროთ, რომ საქართველოს დელეგაციის წევრებს მიღებული აქვთ კანადის ვიზები. ამის შესახებ პირადად შემატყობინა კანადის საელჩოს წარმომადგენელმა. დღეს მქონდა მისგან სატელეფონო ზარი. დამიდასტურა, რომ ვიზები გაცემულია და შესაბამისად, მსგავსი არასწორი და დეზინფორმაციული ტყუილის გავრცელება რატომ შეიძლება შედიოდეს მის ინტერესებში, საზოგადოებისთვის უკვე კარგად არის გასაგები. და საერთოდ ასეთი ტიპის სიხარული, თუნდა ისე ყოფილიყო, რომ დელეგაციას ვიზა არ ჰქონოდა, საკუთარი ქვეყნის წინააღმდეგ მიმართული ქმედება რომ არის ამაში ეჭვი უკვე აღარავის ეპარება. ყველანაირად ცდილობენ დააზიანონ საქართველოს იმიჯი და ინტერესი. ამიტომ ვფიქრობ, მსგავსი ტიპის ინფორმაციები კიდევ ერთხელ მეტყველებს ჩვენი ქვეყნის მიმართ მათ განწყობებზე და საქართველოს მოქალაქეებს ექნებათ უკეთესი შესაძლებლობა ასეთი ტყუილების გამომჟღავნების შემდეგ შეაფასონ და კიდევ ერთხელ დარწმუნდნენ, რომ ეს არის ძალა, რომელიც ყველაფერს აკეთებს იმისთვის, რომ ქვეყანაში არ იყოს პროგრესი და ქვეყანამ მაქსიმალურად უკან დაიხიოს განვითარების იმ გზაზე, რომელიც ჩვენ გვაქვს. მათი განცხადებები ემსახურება მხოლოდ და მხოლოდ საქართველოს წინააღმდეგ მიმართულ ნაბიჯებს. სრული პასუხისმგებლობით შემიძლია გითხრათ, რომ კანადამ ნამდვილად მოგვცა ვიზები. ჩვენ და საქართველოს დელეგაციას მიღებული აქვს ვიზები“, - აღნიშნა ხატია წილოსანმა „იმედინიუსთან“ საუბრისას.„საბჭოთა წარსულის კვლევის ლაბორატორიის“ პროექტების მენეჯერი, გიორგი კანდელაკი სოციალურ ქსელში წერს, რომ ნატოს საპარლამენტო ასამბლეაში საქართველოს დელეგაციას კანადამ ვიზებზე უარი უთხრა.