1792092910

ავარია ახმეტაში - ერთი ადამიანი მძიმედ დაშავდა

ახმეტის მუნიციპალიტეტში, ავტოსაგზაო შემთხვევის შედეგად, ერთი ადამიანი მძიმედ დაშავდა.შემთხვევა სოფელ მატანში მოხდა.ადგილობრივების ინფორმაციით, სოფლის შესასვლელში ერთმანეთს მსუბუქი ავტომობილები შეეჯახნენ.შეჯახების შედეგად მძიმედ დაშავდა ერთი მგზავრი, რომელიც სასწრაფო სამედიცინო დახმარების ბრიგადამ კლინიკაში გადაიყვანა.ექიმების განმარტებით, დაშავებულის ჯანმრთელობის მდგომარეობა რთულია.შემთხვევის ადგილზე მობილიზებული იყო სასწრაფო-სამედიცინო დახმარების ჯგუფი და პოლიცია.

1770748984

ავარია სამტრედიაში - არიან დაშავებულები

სამტრედიაში ავტოსაგზაო შემთხვევის შედეგად, 31 და 39 წლის მამაკაცები დაშავდნენ.დაშავებულები სასწრაფო დახმარების ჯგუფმა სამტრედიის „ჯეო ჰოსპიტალსში“ გადაიყვანა.მედიკოსების ინფორმაციით, პაციენტებს ამ წუთებში უტარდებათ შესაბამისი კვლევები, მათ სიცოცხლეს საფრთხე არ ემუქრება. მომხდარ ფაქტზე შსს-მ გამოძიება სსკ-ის 276-ე მუხლით დაიწყო.

1767020726

„უმწეო მდგომარეობაში მყოფი არასრულწლოვანი გააუპატიურეს“ - დაკავებულებს 20 წლამდე ან უვადო პატიმრობა ემუქრებათ

საქართველოს პროკურატურამ არასრულწლოვანის გაუპატიურების ფაქტზე ორ პირს ბრალდება წარუდგინა.„შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულებმა უმწეო მდგომარეობაში მყოფი არასრულწლოვანი გააუპატიურეს.სამართალდამცველებმა ბრალდებულები 27 დეკემბერს დააკავეს.დაკავებულთაგან ერთ პირს ბრალდება საქართველოს სისხლის სამართლის კოდექსის 137-ე მუხლის პირველი ნაწილით ( გაუპატიურება) წარედგინა, რაც სასჯელის სახედ და ზომად 8 წლამდე თავისუფლების აღკვეთას ითვალისწინებს, ხოლო მეორე პირს ბრალდება საქართველოს სისხლის სამართლის კოდექსის 137-ე მუხლის მე-4 ნაწილის „გ“ ქვეპუნქტით (წინასწარი შეცნობით არასრულწლოვანის გაუპატიურება) წარედგინა, რაც სასჯელის სახედ და ზომად 20 წლამდე ან უვადო თავისუფლების აღკვეთას ითვალისწინებს“, - ნათქვამია განცხადებაში.

1748281766

„საქართველოს ტერიტორიაზე ატმოსფერულ ჰაერში ფიქსირდება მყარი ნაწილაკების შემცველობის მატება“ – გარემოს ეროვნული სააგენტო

გარემოს ეროვნული სააგენტოს ცნობით, საქართველოს ტერიტორიაზე ატმოსფერულ ჰაერში ფიქსირდება მყარი ნაწილაკების მატება, რაც ძირითადად ტრანსსასაზღვრო დაბინძურებას უკავშირდება.„26 მაისიდან საქართველოს ტერიტორიაზე ატმოსფერულ ჰაერში ფიქსირდება მყარი ნაწილაკების (PM10, PM2.5) შემცველობის მატება, რაც ძირითადად ტრანსსასაზღვრო დაბინძურებას უკავშირდება და კასპიის ზღვის ჩრდილო-აღმოსავლეთიდან უდაბნოს მტვრის მასების მცირედ გავრცელებით არის განპირობებული.საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით.ნებისმიერ დაინტერესებულ პირს შესაძლებლობა აქვს გაეცნოს ინფორმაციას ჰაერის ხარისხის მდგომარეობის შესახებ და ასევე მიიღოს ჯანდაცვითი რეკომენდაციები ატმოსფერული ჰაერის ხარისხის პორტალზე air.gov.ge "რეკომენდაციების" ველში“, – ნათქვამია ინფორმაციაში.