1782678397

პოეტი იზოლდა ალხანაიძე გარდაიცვალა

თუში პოეტი იზოლდა ალხანაიძე 79 წლის ასაკში გარდაიცვალა.ახმეტის მუნიციპალიტეტის სოფელ ქვემო ალვანში მცხოვრები პოეტი პარალელურად, პედაგოგიურ საქმიანობას ეწეოდა.„გარდაიცვალა მრავალი თაობის აღმზრდელი, ღირსეული პედაგოგი და გამორჩეული პოეტი იზოლდა ალხანაიძე. მისი ღვაწლი, როგორც მასწავლებლისა და შემოქმედის, დიდ კვალს დატოვებს თუშეთსა და იმ ადამიანების გულებში, ვისაც მისი სითბო, ცოდნა და სიყვარული გაუზიარა“, - წერია თუშეთის განვითარების ფონდის მიერ გავრცელებულ სამძიმრის წერილში.იზოლდა ალხანაიძეს ბოლო წლებში ჯანმრთელობის პრობლემები ჰქონდა

1782592309

გერმანიაში 23 წლის ქართველი ემიგრანტი გარდაიცვალა

გერმანიაში საგარეჯოს მუნიციპალიტეტის სოფელ ხაშმის მკვიდრი ახალგაზრდა გარდაიცვალა.23 წლის ქართველი ემიგრანტი, ბესო მამულაშვილი, გუშინ, 26 ივნისს, საბანაოდ შესული, ტბაში დაიხრჩო.ოჯახის ახლობლების ინფორმაციით, ცოტა ხნის წინ, მამულაშვილი ძმასთან ერთად საქართველოში იყო ჩამოსული, ის სოფელ ხაშმში დაბრუნებასა და სახლის შეძენას გეგმავდა.დაღუპულის საქართველოში გადმოსვენების საკითხზე ახლობლები საელჩოსთან კონსულტაციებს გადიან.

1782585908

ცნობილია გურჯაანში ავარიის დროს გარდაცვლილი ქალის ვინაობა

გურჯაანის მუნიციპალიტეტში ავტოსაგზაო შემთხვევის შედეგად დაღუპული ქალი, 76 წლის ნაზი ზურაბიშვილია.შემთხვევა გუშინ, სოფელ ჩალაუბანთან მოხდა.თვითმხილველების ინფორმაციით, სამარშრუტო ტაქსიდან გადასული ქალი ცენტრალურ საავტომობილო გზას კვეთდა, რა დროსაც მსუბუქი ავტომობილი დაეჯახა.მიღებული დაზიანებებით ქვეითი შემთხვევის ადგილზე გარდაიცვალა. ფაქტზე გამოძიება სისხლის სამართლის კოდექსის 276-ე მუხლის მე-6- ე ნაწილით მიმდინარეობს, რაც ტრანსპორტის მოძრაობის ან ექსპლუატაციის უსაფრთხოების წესის დარღვევას გულისხმობს.

1782506525

გურჯაანში ქალს მანქანა დაეჯახა

გურჯაანის მუნიციპალიტეტში ავტოსაგზაო შემთხვევას 70 წლამდე ასაკის ქალი ემსხვერპლა. შემთხვევა სოფელ ჩალაუბანთან მოხდა.სამარშრუტო ტაქსიდან გადასული ქალი ცენტრალურ მაგისტრალს კვეთდა, რა დროსაც მსუბუქი ავტომობილი დაეჯახა.მიღებული დაზიანებების შედეგად, ქვეითი ადგილზე გარდაიცვალა.შემთხვევის ადგილზე მობილიზებული იყო პოლიცია, ფაქტზე დაწყებულია გამოძიება.

1782315620

თელავში, მართვის მოწმობის გამოცდისას, კაცი ცუდად გახდა და გარდაიცვალა

თელავში, მართვის პრაქტიკული გამოცდის ჩაბარების დროს, 43 წლის მამაკაცი გარდაიცვალა. თვითმხილველების ინფორმაციით, მამაკაცს საგამოცდო პროცესის დროს გული გაუჩერდა.მამაკაცი სასწრაფო-სამედიცინო დახმარების ბრიგადამ თელავის რეფერალურ საავადმყოფოში გადაიყვანა, თუმცა მას გული უკვე გაჩერებული ჰქონდა.თელავის რეფერალური საავადმყოფოს დირექტორის, ხათუნა ჭონიაშვილის განმარტებით, ექიმებმა მამაკაცს გული ვეღარ აუმუშავეს.„43 წლის მამაკაცი უკვე გარდაცვლილი შემოვიდა ჩვენთან. გაჩერებული ჰქონდა გული, ყველაფერი სცადეს ექიმებმა, თუმცა სამწუხაროდ, გულის ამუშავება ვერ მოხერხდა. ცნობილია, რომ ჰქონდა დიაბეტი. სტრესის ფონზე, სავარაუდოდ, მიიღო ინფარქტი და ადგილზე გარდაიცვალა“, - განაცხადა ჭონიაშვილმა.შემთხვევის ადგილზე მობილიზებულია პოლიცია, მიმდინარეობს საგამოძიებო მოქმედებები.

1782205191

ტრაგედია კახეთში - უბედურ შემთხვევას ახალგაზრდა კაცი ემსხვერპლა

უბედურ შემთხვევას კახეთში 33 წლის რამაზ ძმანაშვილი ემსხვერპლა. შემთხვევა სიღნაღის მუნიციპალიტეტის სოფელ ილიაწმინდაში მოხდა.ადგილობრივების ინფორმაციით, რამაზ ძმანაშვილი ტრაქტორით ვენახის შესაწამლად გადაადგილდებოდა. ტრაქტორი გადაბრუნდა და ახალგაზრდა კაცი ქვეშ მოიყოლა.სოფელში ვარაუდობენ, რომ ძმანაშვილმა ბალახებში თხრილი ვერ შენიშნა, რის შედეგადაც, ტრაქტორი გადაბრუნდა.მომხდარის ზუსტ მიზეზს გამოძიება დაადგენს.

1781984378

ესპანეთში ქართველი ემიგრანტი გარდაიცვალა

ესპანეთში საქართველოს მოქალაქე, მამუკა ჭინჭარაული გარდაიცვალა.ადგილობრივების ინფორმაციით, ჭინჭარაული გარდაცვლილი საცხოვრებელ სახლში ნახეს.სიღნაღის მუნიციპალიტეტის სოფელ ხირსის მკვიდრი 30 წლის ჭინჭარაული, ბოლო რამდენიმე წელი ემიგრაციაში იმყოფებოდა.ცხედარს საქართველოში 21 ივნისს გადმოასვენებენ, 25 ივნისს კი საგვარეულო სასაფლაოზე დაკრძალავენ.

1781978880

სეტყვამ ახმეტის მუნიციპალიტეტი დააზარალა

პანკისის ხეობის სოფლებში დასეტყვილია საკარმიდამო ნაკვეთები,მოგლეჯილია ხეები და საცხოვრებელ სახლებს სახურავები აქვს გადახდილი.მოსახლეობის ინფორმაციით, ძლიერი ქარი და სეტყვა დაახლოებით 15 წუთს გრძელდებოდა.სტიქიის ზონაში ადგილობრივი ხელისუფლების წარმომადგენლები იმყოფებოდნენ.სოფლებისთვის სტიქიით მიყენებული ზარალის დათვლა უკვე დაწყებულია.

1781899664

„საგვარეულო სასაფლაოზე დაკრძალავენ...“ - ტრაგიკულად დაღუპულ გოგოს ემშვიდობებიან

თბილისში ავტოსაგზაო შემთხვევის შედეგად დაღუპული 21 წლის ელენე ექვთიმიშვილი, ახმეტის მუნიციპალიტეტის სოფელ მატანის მკვიდრია.გოგონას ხვალ, 20 ივნისს, სოფელში, საგვარეულო სასაფლაოზე დაკრძალავენ.სოციალურ ქსელში სამძიმრის წერილი ქალაქ ახმეტის №2 საჯარო სკოლამ გამოაქვეყნა.„ღრმა მწუხარებას გამოვთქვამთ ჩვენი გამორჩეული და საყვარელი კურსდამთავრებულის, ელენე ექვთიმიშვილის ტრაგიკულად დაღუპვის გამო. ის ჩვენს მეხსიერებაში ყოველთვის დარჩება, როგორც განსაკუთრებული, კეთილშობილი და სიცოცხლით სავსე გოგონა.სკოლის ადმინისტრაცია, პედაგოგიური კოლექტივი და მოსწავლეები თანაგრძნობას ვუცხადებთ ელენეს ოჯახს, ახლობლებსა და მეგობრებს“, - ნათქვამია სკოლის სამძიმარში.ავტოსაგზაო შემთხვევა თბილისში, ვარკეთილის ტერიტორიაზე სამი დღის წინ მოხდა.თვითმხილველების ინფორმაციით, ერთმანეთს მოტოციკლი და ავტომობილი შეეჯახა, რის შედეგადაც გოგონა ადგილზე გარდაიცვალა.

1781728479

დატბორილია გზები, სახლები და სასოფლო-სამეურნეო სავარგულები - სტიქია პანკისის ხეობაში

სტიქია ახმეტის მუნიციპალიტეტში - ძლიერი წვიმების შედეგად, პანკისის ხეობაში წყალდიდობაა.საღამოს მოსულმა უხვმა ნალექმა მდინარეების ადიდება და გარკვეულ ადგილებში ინფრასტრუქტურის დაზიანება გამოიწვია.ადგილობრივების ინფორმაციით, დატბორილია გზები, საცხოვრებელი სახლები და სასოფლო-სამეურნეო სავარგულები.ამ დროისათვის მდინარეებიდან გადმოსული წყალი შუა, ქვემო და ზემო ხალაწნის ქუჩებში მოედინება.

1781699603

TikTok-ის ლაივში დაწყებული კონფლიქტის გამო, არასრულწლოვანმა თანატოლი სასტიკად სცემა და ვიდეო გადაუღო - ბრალდებული დაკავებულია

ტიკტოკ-ლაივში დაწყებული კონფლიქტის გამო, არასრულწლოვანი ბიჭი თანატოლს სასტიკად გაუსწორდა.დაპირისპირება კახეთის რეგიონის ერთ-ერთ მუნიციპალიტეტში მცხოვრებ ორ არასრულწლოვანს შორის, ლაივში ჩართვას მოჰყვა. მეორე მოზარდი საქმის გასარჩევად დაიბარა, სასტიკად სცემა და ვიდეო გადაუღო.ფიზიკური ანგარიშსწორების ფაქტი თბილისში, ისანი-სამგორის რაიონში მოხდა.  დაზარალებულს დაზიანებები თავის არეში აქვს მიყენებული.ექიმებმა მას გადაუდებელი სამედიცინო დახმარება გაუწიეს და დღემდე წოლითი რეჟიმი აქვს დანიშნული.სამართალდამცველებმა ბრალდებული დააკავეს. თბილისის საქალაქო სასამართლომ კი, ბრალდებულს აღკვეთის ღონისძიების სახით პატიმრობა შეუფარდა.გამოძიება სისხლის სამართლის კოდექსის 117-ე მუხლის მე-3 ნაწილით მიმდინარეობს, რაც ჯანმრთელობის განზრახ მძიმე დაზიანებას გულისხმობს.მითითებული მუხლი სასჯელის სახით 9-დან 13 წლამდე თავისუფლების აღკვეთას ითვალისწინებს.

1781620446

„ქალმა საშველად მეზობელს დაუძახა...“ - კახეთში დატრიალებული ტრაგედიის დეტალები

კახეთში, ცოლ-ქმრის ჩხუბს მეზობლის ქალი ემსხვერპლა. შემთხვევა სიღნაღის მუნიციპალიტეტის ქალაქ წნორში მოხდა.ადგილობრივების ინფორმაციით, მამაკაცი მეუღლესთან კონფლიქტის დროს მასზე ფიზიკურად ძალადობდა, რა დროსაც ქალმა მეზობლებს დახმარება სთხოვა.დაპირისპირებაში მეზობელი ჩაერთო, რის შემდეგაც ის შეუძლოდ გახდა და გარდაიცვალა. მამაკაცი პოლიციამ ცოლზე განხორციელებული ძალადობისათვის დააკავა.შინაგან საქმეთა სამინისტროს ინფორმაციით, გარდაცვლილ ქალს ფიზიკური დაზიანებები არ აღენიშნება, ის სავარაუდოდ ნერვიულობის ნიადაგზე გარდაიცვალა.ფაქტზე გამოძიება სისხლის სამართლის კოდექსის 126¹ მუხლით დაიწყო, რაც ოჯახში ძალადობას გულისხმობს.