1773689729

ლაგოდეხში ავარიას 26 წლის ბიჭი ემსხვერპლა

ლაგოდეხის მუნიციპალიტეტში ავტოსაგზაო შემთხვევას 26 წლის ახალგაზრდა ემსხვერპლა.შემთხვევა სოფელ ჭაბუკიანისკენ მიმავალ გზაზე მოხდა. ადგილობრივების ინფორმაციით, სოფელ ანანურის მკვიდრი სოსო აბრამიშვილი საკუთარი მიკროავტობუსით გადაადგილდებოდა. წვიმიანი ამინდის გამო, ტრანსპორტი სველ ასფალტზე მოცურდა და გზის სავალი ნაწილიდან გადავარდა.თავის არეში მიღებული ტრავმებით, ახალგაზრდა შემთხვევის ადგილზე გარდაიცვალა. მომხდართან დაკავშირებით დაწყებულია გამოძიება.

1773521790

ხანძრის დროს, სახლში ერთი ადამიანი იმყოფებოდა... - ახმეტაში საცხოვრებელი სახლი დაიწვა

ახმეტის მუნიციპალიტეტის სოფელ მატანში საცხოვრებელი სახლი დაიწვა.თვითმხილველების ინფორმაციით, აალება სახურავიდან დაიწყო და მეორე სართულზე გავრცელდა.ხანძრის დროს, სახლში ერთი ადამიანი იმყოფებოდა, რომელიც შედუღების სამუშაოებს ასრულებდა.ადგილობრივები არ გამორიცხავენ, რომ ამ პროცესის შედეგად ელექტროგაყვანილობა გაცხელდა და ხანძარი გამოიწვია.ადგილზე სახანძრო-სამაშველო სამსახურის ბრიგადები მუშაობდნენ.მომხდარ ფაქტზე გამოძიება დაიწყო.

1773334523

დღეს გაჩენილი ხანძრის გამო, ყვარლის სოფელ შილდის პირველი საბავშვო ბაგა-ბაღიდან, აღსაზრდელები გაურკვეველი ვადით დაითხოვეს

დღეს გაჩენილი ხანძრის გამო, ყვარლის მუნიციპალიტეტის სოფელ შილდის პირველი საბავშვო ბაგა-ბაღიდან აღსაზრდელები გაურკვეველი ვადით დაითხოვეს.ხანძარი ბაღში დღისით, სააღმზრდელო პროცესის მიმდინარეობის დროს გაჩნდა. ცეცხლი, სავარაუდოდ, შეშის ღუმელიდან გავრცელდა და ჭერის ნაწილს მოედო. დაკვამლიანება ერთ-ერთმა ძიძამ შენიშნა, რის შემდეგაც შენობიდან ბავშვებისა და აღმზრდელების ევაკუაცია განხორციელდა.ადგილზე სახანძრო-სამაშველო სამსახური გამოიძახეს. ცეცხლის ქრობისას, წყლის ნაკადმა ჭერი დაასველა და ის ნაწილობრივ ჩამოცვივდა. ყვარლის ბაგა-ბაღების გაერთიანების ხელმძღვანელის, ნონა დავითაშვილის განმარტებით, შენობაში საბუხრეები არ არის და ოთახებში შეშის ღუმელები გამოიყენება.„45 ბავშვი შენობიდან იმავე წამს გავიყვანეთ და 112-ში დავრეკეთ. ბაგა-ბაღი ისტორიულ გალავანშია მოქცეული, რის გამოც კაპიტალური რემონტის ჩატარება რთულია. ხვალიდან დაიწყება ზიანის შესწავლა“, - განაცხადა დავითაშვილმა.როდის აღდგება ბაღში სააღმზრდელო პროცესი, ჯერჯერობით გადაწყვეტილი არ არის.

1773231960

თელავში დაღუპული 8 თვის ორსულის ნაყოფის გადარჩენა ვერ მოხერხდა

თელავში 8 თვის ორსული გარდაიცვალა.არსებული ინფორმაციით, 44 წლის, მაკა ასაბაშვილი სისხლძარღვებში წარმოქმნილი თრომბის შედეგად დაიღუპა.სამწუხაროდ ვერ მოხერხდა ვერც ნაყოფის გადარჩენა. „ბოლო პერიოდში ჯანმრთელობის პრობლემები ჰქონდა და მკურნალობდა კიდეც, თუმცა თრომბი მაინც განვითარდა და დაიღუპა. როგორც ვიცი, სახლში იყო და შეტევა მაგ დროს განვითარდა“, - ამბობს ერთ-ერთი ახლობელი.კლინიკაში, სადაც ორსული სამედიცინო აღრიცხვაზე იმყოფებოდა, ჯერჯერობით კომენტარი არ გაუკეთებიათ.

1773227002

ცნობილია, თელავში დაღუპული 8 თვის ორსულის ვინაობა

თელავში 8 თვის ორსული გარდაიცვალა.არსებული ინფორმაციით, 44 წლის, მაკა ასაბაშვილი სისხლძარღვებში წარმოქმნილი თრომბის შედეგად დაიღუპა.გარდაცვლილ ქალს ერთი შვილი ჰყავდა. „ბოლო პერიოდში ჯანმრთელობის პრობლემები ჰქონდა და მკურნალობდა კიდეც, თუმცა თრომბი მაინც განვითარდა და დაიღუპა. როგორც ვიცი, სახლში იყო და შეტევა მაგ დროს განვითარდა“ - ამბობს ერთ-ერთი ახლობელი.კლინიკაში, სადაც ორსული სამედიცინო აღრიცხვაზე იმყოფებოდა, ჯერჯერობით კომენტარი არ გაუკეთებიათ.

1773219700

კახეთში 8 თვის ორსული გარდაიცვალა

თელავში 8 თვის ორსული გარდაიცვალა. მეგობრების ინფორმაციით, 44 წლის ქალი სისხლძარღვებში წარმოქმნილი თრომბის შედეგად დაიღუპა.„ბოლო პერიოდში ჯანმრთელობის პრობლემები ჰქონდა და მკურნალობდა კიდეც, თუმცა თრომბი მაინც განვითარდა და დაიღუპა. როგორც ვიცი, სახლში იყო და შეტევა მაგ დროს განვითარდა“ - ამბობს ერთ-ერთი ახლობელი.კლინიკაში, სადაც ორსული სამედიცინო აღრიცხვაზე იმყოფებოდა, ჯერჯერობით კომენტარი არ გაუკეთებიათ.

1773080670

თელავში მანქანა ქვეითს დაეჯახა

თელავში, მსუბუქი ავტომობილი ქვეითს დაეჯახა. შემთხვევა აეროპორტის მიმდებარე ტერიტორიაზე ცოტა ხნის წინ მოხდა.ადგილობრივების ინფორმაციით, ცენტრალურ გზატკეცილზე მიმავალი მსუბუქი ავტომობილი ქვეითს იმ დროს დაეჯახა, როდესაც ქალი საავტომობილო გზის გადაკვეთას ცდილობდა.სასწრაფო-სამედიცინო დახმარების ბრიგადამ დაშავებული მრავლობითი დაზიანებებით კლინიკაში გადაიყვანა„პირველადი დათვალიერებით არის ზედა კიდურის მოტეხილობა. ამ წუთებში პაციენტს დამატებითი კვლევები უტარდება, რის შემდეგაც დაიწყება შესაბამისი მკურნალობა“, - განაცხადა თელავის რეფერალური ჰოსპიტლის მენეჯერმა, ხათუნა ჭონიაშვილმა.ადგილზე მობილიზებულია პოლიცია, მიმდინარეობს საგამოძიებო მოქმედებები.    

1772912092

თელავში ცნობილი მორაგბე გარდაიცვალა

75 წლის ასაკში ცნობილი თელაველი მორაგბე და რაგბის კლუბის დამაარსებელი, ალექსანდრე ცისკარიშვილი გარდაიცვალა.ოჯახის წევრების ინფორმაციით, მას ბოლო ორი წლის განმავლობაში ჯანმრთელობის მძიმე მდგომარეობა ჰქონდა.ალექსანდრე ცისკარიშვილი ქართული რაგბის გამორჩეული წარმომადგენელი იყო.ცნობილ მორაგბეს სხვადასხვა დროს სსრკ სპორტის ოსტატის წოდება და სსრკ პირველობაზე ბრინჯაოს მედალიც ჰქონდა მოპოვებული.სპორტული კარიერის მანძილზე ცისკარიშვილი პოლიტექნიკური ინსტიტუტის გუნდში, თბილისის ლოკომოტივში, და ქუთაისის სახლმშენში თამაშობდა, იყო სსრკ თასი 1978-ის მონაწილე.ცისკარიშვილმა თანამოაზრეებთან თელავში სარაგბო კლუბი „ჭადარი“ დააარსა.

1772886142

კახეთიდან 19 ახალგაზრდა ათენში, საერთაშორისო საგანმანათლებლო კონფერენციაზე გაემგზავრა

ახმეტის მუნიციპალიტეტის სოფელ ზემო ალვანის ინგლისური ენის ცენტრის 13დან 17 წლამდე ასაკის მოსწავლეები საქართველოს პოზიციას დიპლომატიურად დაიცავენ.ენის ცენტრის ხელმძღვანელის, ნანა პაპუნაშვილის განმარტებით, ასეთ კონფერენციაში საქართველო პირველად მონაწილეობს.-“ეს არის მე15- ე საგანმანათლებლო კონფერენცია, რომელშიც საქართველო პირველად მონაწილეობს. განსაკუთრებით მნიშვნელოვანია, რომ კონფერენციას ესწრებიან დელეგატები მრავალი ქვეყნიდან, მათ შორის დიდი ბრიტანეთიდან, გერმანიიდან , რომანიდან , მონტენეგროდან,თურქეთიდან და სხვა სახელმწიფოებიდან, რაც ღონისძიებას საერთაშორისო და მაღალ აკადემიურ ფორმატს აძლევს“, - განაცხადა პაპუნაშვილმა.კონფერენციაში, 11 ქვეყნის 700-ზე მეტი ახალგაზრდა მიიღებს მონაწილეობას.ენის ცენტრი, სოფელ ზემო ალვანში წლებია ფუნქციონირებს და მასში 250-ზე მეტი მოსწავლეა რეგისტრირებული.

1772826118

დედოფლისწყაროში გარდაცვლილი ქალის ცხედარი იპოვეს

დედოფლისწყაროში გარდაცვლილი ქალი იპოვეს.შემთხვევა თავისუფლების ქუჩაზე მოხდა.66 წლის ქალის ცხედარი მეზობლის საცხოვრებელი სახლის აივანზე ნახეს.ადგილობრივების ინფორმაციით, გარდაცვლილი მეზობელს ხშირად სტუმრობდა.ერთ-ერთი ვერსიით, არაფხიზელ მდგომარეობაში მყოფ მეზობლებს კონფლიქტი მოუხდათ.ქალის ცხედარი ლევან სამხარაულის სახელობის გურჯაანის ექსპერტიზის ეროვნულ ბიუროშია გადასვენებული.გამოძიება მომხდარ ფაქტზე სისხლის სამართლის კოდექსის 116-ე მუხლით აღიძრა, რაც გაუფრთხილებლობით სიცოცხლის მოსპობას გულისხმობს.

1772643144

ცნობილია კაცის ვინაობა, რომელიც დედოფლისწყაროში გაზის აფეთქებას ემსხვერპლა

დედოფლისწყაროში გაზის აფეთქების შედეგად გარდაცვლილი კაცი, 42 წლის ლევან მელიქიშვილია.მელიქიშვილი საკუთარ საცხოვრებელ სახლში, თვითნებურად დამონტაჟებული კუსტარული გაზის ღუმელის აფეთქების მსხვერპლი გახდა.დედოფლისწყაროს გაზის კომპანიის დირექტორის, თემურ გოგილაშვილის განმარტებით, გამათბობლის თვითნებური მონტაჟის შესახებ კომპანიისათვის მხოლოდ შემთხვევის შემდეგ გახდა ცნობილი.დაზარალებული მამაკაცი კატასტროფის სამსახურის ჯგუფმა რაიონული კლინიკიდან თბილისში, დამწვრობის ცენტრში გადაიყვანა.მიღებული ტრავმები სიცოცხლესთან შეუთავსებელი აღმოჩნდა და ლევან მელიქიშვილი საავადმყოფოში გარდაიცვალა.უბედური შემთხვევა დედოფლისწყაროში 27 თებერვალს, თავისუფლების ქუჩაზე მოხდა. მომხდარ ფაქტზე გამოძიება უკვე დაწყებულია.

1772637228

კაცი, რომელსაც გაზის ღუმელი აუფეთქდა, საავადმყოფოში გარდაიცვალა - უბედური შემთხვევა დედოფლისწყაროში

დედოფლისწყაროში, გაზის ღუმელის აფეთქების შედეგად დამწვარი მამაკაცი, საავადმყოფოში გარდაიცვალა.ოჯახის წევრების ინფორმაციით, მამაკაცმა საკუთარ ბინაში კუსტარული გაზის გამათბობელი თვითნებურად დაამონტაჟა.არასწორი მონტაჟისა და ექსპლოატაციის შედეგად, ღუმელი აფეთქდა და მამაკაცი მძიმე დაზიანებებით, ჯერ დედოფლისწყაროს რაიონულ კლინიკაში, შემდეგ კი დამწვრობის ცენტრში გადაიყვანეს.ექიმების განმარტებით, დაზარალებულს სხეულის 90% დამწვარი ჰქონდა და მისი გადარჩენა ვერ მოხერხდა.შემთხვევა დედოფლისწყაროში 27 თებერვალს მოხდა.გარდაცვლილის ცხედარი ექსპერტიზაზეა გადასვენებული.მომხდარზე აღძრულია სისხლის სამართლის საქმე და მიმდინარეობს გამოძიება.