1776196987

ცნობილია ქართველი კაცის ვინაობა, რომელიც 5 თვის შვილის გარდაცვალების საქმეზე იძებნება - პოლონეთის პოლიცია ახალ დეტალებს ავრცელებს

პოლონეთში 5 თვის ჩვილის გარდაცვალების საქმეზე ძებნილად გამოცხადებული მამაკაცი, პანკისის ხეობის სოფელ დუისის მკვიდრია.48 წლის ნაზგურ ქავთარაშვილს საკუთარი შვილის ჯანმრთელობისთვის საფრთხის შექმნა და დაუხმარებლობა ედება ბრალად.სოფელ დუისში მცხოვრები პირის ინფორმაციით, მამაკაცს პანკისში ოჯახი ჰყავდა. მოგვიანებით, ის საცხოვრებლად სხვა სოფელში გადავიდა, სადაც გარდაცვლილი ბავშვის დედა გაიცნო და მასთან ერთად, პოლონეთში გაემგზავრა.ქალაქ პოზნანის პროკურატურის მასალების მიხედვით, მძიმე მდგომარეობაში მყოფი ჩვილი პოზნანის პედიატრიულ ცენტრში 2 აპრილს შეიყვანეს, სადაც 8 აპრილს გარდაიცვალა.ექსპერტიზამ დაადგინა, რომ ბავშვს თავის ქალის მოტეხილობა, ტვინის დაზიანებები და სხეულზე მრავლობითი ძველი და ახალი ტრავმები აღენიშნებოდა, რაც სისტემატურ ძალადობაზე მიუთითებდა.ამ ეტაპზე დაკავებულია ჩვილის დედა და მისი ორი ნაცნობი მამაკაცი, რომლებსაც ასევე ჩვილის მძიმე მდგომარეობაში ჩაგდება ედებათ ბრალად.ნაზგური ქავთარაშვილის მიმართ, დაუსწრებელი პატიმრობის ორდერია გამოტანილი. პოზნანის პოლიციამ მასზე ძებნა გამოაცხადა და მოსახლეობა გააფრთხილა, რომ ძებნილი პირისათვის ნებისმიერი სახის დახმარება სისხლის სამართლის პასუხისმგებლობას ითვალისწინებს.გამოძიება არ გამორიცხავს ბრალის დამძიმებასაც, რასაც, შესაძლოა, უვადო თავისუფლების აღკვეთა მოჰყვეს.

1776158138

მკვლელობა საგარეჯოში - რა დეტალებს ავრცელებს შსს

ურთიერთშელაპარაკების ნიადაგზე, მამაკაცმა მეზობელი ცივი იარაღით დაჭრა და შემთხვევის ადგილიდან მიიმალა.დაჭრილი მამაკაცი ადგილზე გარდაიცვალა.მომხდარზე კახეთის პოლიციის დეპარტამენტის თანამშრომლებმა, განზრახ მკვლელობის ბრალდებით, წარსულში ნასამართლევი, 73 წლის პირი დააკავეს.დანაშაულის იარაღი, დანა ნივთმტკიცებად არის ამოღებული.გამოძიება სისხლის სამართლის კოდექსის 108-ე, განზრახ მკვლელობის მუხლით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.

1776095851

კახეთში მდინარე ალაზანი ადიდდა და საავტომობილო გზები დატბორა

კახეთში მდინარე ალაზანი ადიდდა და საავტომობილო გზები დატბორა.წყლის დიდი ნაკადის გამო, შეფერხებული იყო მოძრაობა გურჯაანი-ლაგოდეხის დამაკავშირებელ გზაზე.რამდენიმე საათის განმავლობაში ავტომობილებს გადაადგილება უჭირდათ.ადიდებულია მდინარე დურუჯიც, რომელმაც მიწის თხრილები გაარღვია და სასოფლო-სამეურნეო სავარგულები დატბორა.ადიდედებული ხევების გამო, დატბორილია ლაგოდეხის მუნიციპალიტეტის რამდენიმე სოფელიცსტიქიის ზონებში მძიმე ტექნიკა მუშაობს.

1776093712

ყვარელში მდინარე დურუჯი ადიდდა და ვენახები დატბორა

ყვარელში უხვი ნალექის შედეგად ადიდებულმა მდინარე „დურუჯმა“ ნაპირებზე მოწყობილი ქვიშაყრილი წალეკა და სასოფლო სამეურნეო სავარგულები დატბორა.ადგილობრივების ინფორმაციით, მდინარემ მიწაყრილი მთლიან სიგრძეზე გაარღვია.ადგილზე კახეთის მხარეში სახელმწიფო რწმუნებული პლატონ კალმახელიძე იმყოფებოდა, რომელიც ვითარებას გაეცნო და ადგილობრივი ხელისუფლების წარმომადგენლებისაგან მიმდინარე პროცესების შესახებ ინფორმაცია მოისმინა.ამ ეტაპზე, ადგილზე მერიის შესაბამისი სამსახურის მძიმე ტექნიკა გაწმენდით სამუშაოებს აწარმოებს.

1776071040

დატბორილი სახლები და ნაკვეთები და სასაფლაოები - ლაგოდეხში სტიქიას ებრძვიან

უხვი ნალექის შედეგად ადიდებულმა ხევებმა ლაგოდეხის მუნიციპალიტეტის სოფლებში საცხოვრებელი სახლები,  ნაკვეთები და სასაფლაოები დატბორა.ამ დროისათვის. სოფლებში სათანადო სამსახურები მუშაობენ.დაზარალებულ მოსახლეობას კახეთის გუბერნატორი, პლატონ კალამახელიძე შეხვდება.

1776029121

სიღნაღში ძაღლი ცივი იარაღით დაჭრეს

ქალაქ სიღნაღში ძაღლს ცივი იარაღით გაუსწორდნენ - ინფორმაცია ამის შესახებ სოციალურ ქსელში გავრცელდა.ქალი, რომელიც წლებია მიუსაფარ ძაღლებს პატრონობს, დახმარებას ითხოვს. ის ამტკიცებს, რომ ძაღლს დანა ერთ-ერთმა ადგილობრივმა ჩაარტყა.ქალი ჰყვება, რომ მისგან დასახელებული პირი ბოლო ერთი თვის განმავლობაში, სისტემატურად ავიწროებს და მიუსაფარ ძაღლებს საკუთარ ნაგაზებს აგლეჯინებს.

1775990650

უხვმა ნალექმა გურჯაანის მუნიციპალიტეტის სოფელ ველისციხეში ერთ-ერთი ხიდი დაანგრია

 უხვმა ნალექმა გურჯაანის მუნიციპალიტეტის სოფელ ველისციხეში ერთ-ერთი ხიდი დაანგრია.ე.წ “ჟორსის ხიდი” დაახლოებით 30 წლის წინ აშენდა და ველისციხის საკვირაო ბაზარსა და სოფელ ახაშენის სასოფლო-სამეურნეო სავარგულებს ცენტრალურ გზასთან აკავშირებს.შემთხვევის ადგილზე იმყოფებოდა კახეთის მხარეში სახელმწიფო რწმუნებული პლატონ კალმახელიძე, რომელიც ვითარებას გაეცნო.„რამდენიმე დღის განმავლობაში მოსულმა გადაუღებელმა წვიმებმა ხევების ადიდება გამოიწვია და სოფელ ველისციხის ხიდი დააზიანა. შევისწავლით არსებულ ვითარებას და შესაბამის უწყებებთან ერთად თანამშრომლობით, უმოკლეს დროში დავგეგმავთ ხიდის აღდგენისთვის საჭირო ღონისძიებებს"-განაცხადა კახეთის გუბერნატორმა.მესამე დღეა, კახეთში გადაუღებლად წვიმს. სინოპტიკოსები ხვალაც წვიმას პროგნოზირებენ.

1775721627

კახეთის გუბერნატორმა 9 აპრილს დაღუპულების ხსოვნას პატივი მიაგო

9 აპრილის ტრაგედია გაიხსენეს თელავშიც.კახეთში სახელმწიფო რწმუნებული პლატონ კალმახელიძე, თელავის მუნიციპალიტეტის მერი, ადგილობრივი ხელისუფლების წარმომადგენლები, სტუდენტები და მოქალაქეები 9 აპრილის მემორიალთან შეიკრიბნენ.კახეთის გუბერნატორმა 9 აპრილის მნიშვნელობაზე ისაუბრა.„დღეს შევიკრიბეთ, რომ კიდევ ერთხელ გავიხსენოთ 9 აპრილს დაღუპულები. საქართველოსთვის ეს იყო გამოღვიძების პერიოდი და მადლობა უნდა ვუთხრათ გმირებს, რომლებმაც დამოუკიდებლობა მოგვიტანეს"- განაცხადა პლატონ კალმახელიძემ.9 აპრილს დაღუპულთა მემორიალთან იმყოფებოდნენ თელავის სახელმწიფო უნივერსიტეტის წაომამდგენლები და სტუდენტები.

1775576181

ძლიერი სეტყვა საგარეჯოში - ვრცელდება კადრები ადგილიდან

სეტყვა იყო ცოტა ხნის წინ საგარეჯოს მუნიციპალიტეტში.ადგილობრივების ინფორმაციით, უამინდობა როგორც ქალაქ საგარეჯოში, ასევე სოფლებში, კაკაბეთში, მანავში, ჩაილურსა და გიორგიწმინდაში დაფიქსირდა.რა ზარალი მიიღო მუნიციპალიტეტმა, ამ დროისათვის ინფორმაცია არ ვრცელდება.მეორე დღეა, კახეთის რეგიონში სეტყვა და ქარია.გუშინ სეტყვა და წვიმა მოვიდა გურჯაანისა და ყვარლის მუნიციპალიტეტებშიც.

1775574928

ახმეტაში მეორე მსოფლიო ომის უკანასკნელი ვეტერანი, 104 წლის ასაკში გარდაიცვალა

ახმეტის მუნიციპალიტეტის სოფელ ქვემო ალვანში, მეორე მსოფლიო ომის უკანასკნელი ვეტერანი, 104 წლის ასაკში გარდაიცვალა. დიმიტრი ვეშაგურიძე მეორე მსოფლიო ომში, პირველივე დღეებიდან, უკრაინის მეოთხე ფრონტზე იბრძოდა და ბოლომდე გაიარა ფრონტის ხაზი.ომის დასრულებას ვეშაგურიძე გერმანიის საზღვართან შეხვდა.ახლობლები იხსენებენ, რომ ვეტერანს საკუთარ საბრძოლო ისტორიაზე საუბარი არ უყვარდა.91 წლის ასაკში მან ოჯახის წევრებს ჩრდილოატლანტიკური ალიანსის, NATO-ს ფორმაში ფოტოგადაღება მოსთხოვა და თქვა:„მშვიდობის გარეშე ვერც ერთი ქვეყანა ვერ განვითარდება, დღეს და მომავალშიც კი მშვიდობა NATO-ს გარეშე არ იქნებაო.“დიმიტრი ვეშაგურიძეს მშობლიურ სოფელში დაკრძალავენ.

1775551364

ძლიერი სეტყვა და ქარი ლაგოდეხში - სტიქიამ ახლად აყვავებული ხეხილი და ვენახები დააზიანა

ძლიერმა სეტყვამ და ქარმა ლაგოდეხის მუნიციპალიტეტში ახლად აყვავებული ხეხილი და ვენახები დააზიანა.ადგილობრივების ინფორმაციით, სოფელ ბაისუბანში ძლიერი სეტყვა და ქარი 30 წუთზე მეტხანს გაგრძელდა.სოფელში ამბობენ, ვენახებში ახლადგამოსული კვირტი თითქმის აღარ დარჩა, რაც მძიმე მდგომარეობაში აყენებს ფერმერებს.წვიმა და სეტყვა წუხელ გურჯაანის, საგარეჯოსა და ყვარლის მუნიციპალიტეტებშიც მოვიდა, თუმცა სტიქიით მიყენებული ზიანის შესახებ, ინფორმაცია არ ვრცელდება.

1775295168

გურჯაანში ტრაგიკულად დაღუპული ახალგაზრდა კაცის ვინაობა ცნობილია

გურჯაანის მუნიციპალიტეტის სოფელ ზემო გურჯაანში სარემონტო სამუშაოების დროს დაღუპული მამაკაცი, 28 წლის რუსლან ძებისაშვილია.ძებისაშვილი ამავე მუნიციპალიტეტის სოფელ ყიტაანის მკვიდრია.გარდაცვლილი გურჯაანში, ლევან სამხარაულის სახელობის ექსპერტიზის ეროვნულ ბიუროშია გადასვენებული.ძებისაშვილის მამის, შალვა ძებისაშვილის ინფორმაციით, მისი ვაჟი დროდადრო, დღიურ სამუშაოებს ასრულებდა.რამ გამოიწვია კედლის ნგრევა, შალვა ძებისაშვილს ინფორმაცია არ აქვს.შემთხვევის შედეგად, დაშავებულია კიდევ ერთი პირი, რომელიც კლინიკაშია გადაიყვანა.შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას, უსაფრთხოების წესის დარღვევას გულისხმობს.შეგახსენებთ, უბედური შემთხვევა ზემო გურჯაანში, დღეს მოხდა. კერძო პირის სახლში, კედელი ჩამოინგრა და ორი ადამიანი მოიყოლა.