„გაგისთორავთ“ უფასოდ, დაგიდგებით გვერდში...“ - თამო ვაშალომიძე მიმართვას ავრცელებს

 მოდელი და ინფლუენსერი თამო ვაშალომიძე ამბობს, რომ მზად არის დაეხმაროს დამწყებ ბიზნესებს.

„ქალები, ვინც ახლა იწყებთ ბიზნესს, ვინც დამწყები ხართ და გჭირდებათ ჩემი გვერდში დგომა - მე, როცა ძალიან ცუდად ვიყავი, თქვენ ყველანი ძალიან გვერდში დამიდექით. უდიდესი მოტივაცია მომეცით. მინდა, რომ რაღაცით მაინც დაგიბრუნოთ - თუნდაც 1%-ით, ჩემი სიყვარული.

ამიტომ, ვისაც გგონიათ, რომ ბიზნესში ვერ შეძლებთ, ან გეუბნებიან, რომ არ გამოგივათ, ან პიარი გჭირდებათ ჩემი სახით - შეიძლება ბევრი „ფოლოვერი“ არ მყავდეს, მაგრამ რითაც შემიძლია, მხარში დაგიდგებით, „გაგისთორავთ“ უფასოდ, რა თქმა უნდა.

ზოგადად, საქართველოში იშვიათად ვაკეთებ იმას, რომ რომელიმე კომპანია გირჩიოთ ან გავარეკლამო. ოღონდ ერთი თხოვნა მექნება - რასაც ხელს მოჰკიდებთ, თქვენი ბიზნესი უნდა იყოს ხარისხიანი,“ - ამბობს თამო ვაშალომიძე.