„ძალიან ლამაზი იყო...“ - მეგობრები მარიტას იხსენებენ

ვაკის პარკში, ტრაგედიის ადგილას მარიტა მეფარიშილის კლასელები და მეგობრები მივიდნენ. მათ ადგილზე ყვავილები და სათამაშოები მიაქვთ, ანთებენ სანთლებსაც.

მეგობრები მარიტას იხსენებენ და ამბობენ, რომ გოგონა სიცოცხლით სავსე ბავშვი იყო.

„იგი ძალიან ლამაზი იყო, როგორც ადამიანი, ძალიან მომწონდა და ახლო იყო ჩემთვის...“

„მარიტა სიცოცხლით სავსე ბავშვი იყო, საქართველოს ჩემპიონი გახდა ჩოგბურთში და იმ დღეს ძალიან ბედნიერი იყო. ფოტოებშიც აღბეჭდილია მისი ემოციები“,- ამბობს კლასელი. 

ცნობისთვის, გუშინ ვაკის პარკში თამაშისას ბავშვებს ბურთი შადრევანში ჩაუვარდათ, მისი ამოღების დროს, სამ არასრულწლოვანს დენმა დაარტყა. ტრაგედიას 13 წლის მარიტა მეფარიშვილი ემსხვერპლა.

ერთი ბავშვი კლინიკიდან უკვე გაწერეს, მეორე კი საავადმყოფოში რჩება.