რეჯეფ თაიფ ერდოღანი: თურქეთის რესპუბლიკა ჩვენი თავგანწირული ერის უკანასკნელი საყრდენია, გავაგრძელებთ დაბრკოლებების გადალახვას, შეთქმულებების ჩაშლას, ერთად ავაშენებთ ძლიერ და აყვავებულ თურქეთს

თურქეთის პრეზიდენტმა, რეჯეფ თაიფ ერდოღანმა თურქეთის რესპუბლიკის დაარსების 102-ე წლისთავი აღნიშნა და პირობა დადო, რომ ერის ერთიანობას, დამოუკიდებლობასა და სიძლიერეს დაიცავს.

ერდოღანის თქმით, ქვეყნის მთავრობა მთელი ძალებით მუშაობს თურქეთის რესპუბლიკის მარადიული შენარჩუნებისთვის.

„თურქეთის რესპუბლიკა ჩვენი თავგანწირული ერის უკანასკნელი საყრდენია, რომელიც მთელი ძალით ეჭიდებოდა თავის თავისუფლებასა და დამოუკიდებლობას გაჭირვების, სიდუხჭირისა და ბრძოლის მიუხედავად მისი ისტორიის ყველაზე მტკივნეულ დღეებში. ვიხსენებ გმირებს, რომლებმაც საუკუნეების განმავლობაში თავიანთი სისხლითა და სიცოცხლით ეს მიწები ჩვენს სამშობლოდ აქციეს. ქაოსით მოვაჭრეებთან და ჩვენი ეროვნული ერთიანობისა და სოლიდარობის მოწინააღმდეგეებთან დაპირისპირებით, ჩვენ გავაგრძელებთ დაბრკოლებების გადალახვას, შეთქმულებების ჩაშლას და ექსპანსიონისტური ამბიციების მიმდევართა იმედგაცრუებას. ჩვენ ერთად ავაშენებთ დიდ, ძლიერ და აყვავებულ თურქეთს – მსოფლიოში პატივცემულს და რეგიონში ლიდერს“, – განაცხადა რეჯეფ თაიფ ერდოღანმა.