პეტერ ფიშერი: სანქციების დაწესება არ გვინდა, თუმცა მათ ვიყენებთ ადამიანის უფლებების იმ სტანდარტებისა და შეთანხმებების საფუძველზე, რომლებსაც საქართველომ თავად მოაწერა ხელი

სანქციების დაწესება არ გვინდა, თუმცა მათ ვიყენებთ ადამიანის უფლებების იმ სტანდარტებისა და შეთანხმებების საფუძველზე, რომლებსაც საქართველომ თავად მოაწერა ხელი, – ამის შესახებ საქართველოში გერმანიის ელჩმა, პეტერ ფიშერმა განაცხადა.

მისივე თქმით, ადამიანის უფლებების დარღვევისთვის სანქციები მომავალშიც გამოყენებული იქნება.

„არ გვინდა სანქციების დაწესება, მაგრამ ჩვენ ვიყენებთ სანქციებს მსოფლიოს მასშტაბით ადამიანის უნივერსალური უფლებების სტანდარტებისა და ადამიანის უფლებების შეთანხმებების საფუძველზე, რომლებსაც საქართველომ თავად მოაწერა ხელი, მათ შორის, გაერო-ს, ევროპის საბჭოს, ადამიანის უფლებების ქარტიებს. ჩვენ უკვე გამოვიყენეთ სანქციები ადამიანის უფლებების დარღვევისთვის და ამას მომავალშიც გავაკეთებთ, თუ საჭირო იქნება“, – განაცხადა ფიშერმა.