ირაკლი ქადაგიშვილი: პარტიები, რომელთა აკრძალვასაც ვითხოვთ, კონსტიტუციას არ ემორჩილებიან, წაქეზებული არიან ისეთი არაობიექტური დასკვნებით, როგორიც ევროკომისიამ გამოაქვეყნა

საკონსტიტუციო სასამართლოს სხდომა ღია იქნება, მასში მონაწილეობის საშუალება ყველა მხარეს ექნება, – ამის შესახებ პარლამენტის თვითმმართველობის კომიტეტის თავმჯდომარემ, ირაკლი ქადაგიშვილმა განაცხადა.

მისივე თქმით, პარტიებისთვის, რომელთა წინააღმდეგ სარჩელია შეტანილი, არჩევნები, კანონი და სასამართლო მიუღებელია.

„საკონსტიტუციო სასამართლოს სხდომა ღია იქნება, მასში მონაწილეობის საშუალება ყველა მხარეს ექნება. ამ სახის პარტიებისთვის არჩევნები, კანონი და სასამართლო მიუღებელია. ისინი გადასული არიან ტოტალურ დაუმორჩილებლობაში საქართველოს კონსტიტუციასთან, სახელმწიფოებრიობასთან. მათ ფარად აფარებული აქვთ რუსული იარლიყი. როცა არგუმენტი არ აქვთ, ადამიანებს რუსულ იარლიყს აწებებენ. ეს ადამიანები წაქეზებული არიან ისეთი არაობიექტური დასკვნებით, როგორიც ევროკომისიამ გამოაქვეყნა“, – განაცხადა ქადაგიშვილმა.