ზელენსკიმ განაცხადა, რომ უკრაინის ზოგიერთი დასავლელი მოკავშირე არ ჩქარობს რუსეთის წინააღმდეგ ახალი სანქციების დაწესებას, იმ მოტივით, რომ კიევი არ ატარებს მობილიზაციას ახალგაზრდებში

უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინის ზოგიერთი დასავლელი მოკავშირე არ ჩქარობს რუსეთის წინააღმდეგ ახალი სანქციების დაწესებას, იმ მოტივით, რომ კიევი არ ატარებს მობილიზაციას ახალგაზრდებში.

„რაც შეეხება სანქციებს, დასავლელი პარტნიორები მიზეზებს ასახელებენ, თუ რატომ არ მიიღეს გადაწყვეტილება, რადგან უკრაინამ არ მოახდინა 18 წლიდან ასაკის პირების მობილიზება“, - აღნიშნა უკრაინის პრეზიდენტმა.

ზელენსკი მიიჩნევს, რომ არ ღირს 18 წლიდან მამაკაცების მობილიზება, როგორც სხვა ქვეყნების ლიდერები ფიქრობენ, რადგან ბოლოდროინდელმა სპეცოპერაცია „აბლაბუდამ“ აჩვენა, რომ მთავარი არა ადამიანების რაოდენობა, არამედ იარაღი და ტექნოლოგიაა.

„ასევე ფული და ზეწოლა. ხოლო სანქციები მიმართული იქნებოდა სწორედ იმ ფულისკენ, რომლითაც რუსები ომს აფინანსებენ“, - დასძინა მან.