თეონა ყაჭიური
1751399667
დასავლეთ უკრაინაში, რუსული რაკეტები „ენერგეტიკულ ობიექტებს“ მოხვდა
სამხედრო ოფიციალური პირის თქმით, დასავლეთ უკრაინის ლვოვის რეგიონში, რუსული რაკეტები ორ „ენერგეტიკულ ობიექტს“ მოხვდა. ამის შესახებ CNN წერს.
”ამ დროისთვის ცნობილია სამი აფეთქების შესახებ ლვოვის რეგიონში ორ ენერგეტიკულ ობიექტზე,” - თქვა მაკსიმ კოზიცკიმ.
კოზიცკიმ მოსახლეობა გააფრთხილა, რომ შესაძლებელია ელექტროენერგიის გათიშვა.
ცნობისთვის, 10 ოქტომბერს, რუსეთმა უკრაინის მიმართულებით 83 რაკეტა გაისროლა, საიდანაც უკრაინამ დაახლოებით 43 გაანეიტრალა. უკრაინაში მოსახლეობას მოუწოდებენ, რომ დარჩნენ თავშესაფრებში და არ გამოვიდნენ გარეთ.
რუსებმა ასევე დაარტყეს შენობას, რომელშიც განთავსებულია გერმანიის სავიზო ოფისი.
