საქართველოს კალათბურთელთა ნაკრები საბერძნეთთან დამარცხდა

საქართველოს კალათბურთელთა ნაკრებმა 2025 წლის ევრობასკეტის ჯგუფური ეტაპის მესამე ტურის მატჩი ლიმასოლში საბერძნეთის ნაკრებთან ჩაატარა და მოწინააღმდეგესთან 53/94 დამარცხდა.

საქართველოს ეროვნული გუნდის მთავარმა მწვრთნელმა, ალექსანდრ ჯიკიჩმა დასვენების საშუალება მისცა გოგა ბითაძეს. ლიმიტირებული დრო გაატარა მოედანზე კაპიტანმა, თორნიკე შენგელიამ. ჩვენი გუნდის რიგებში ყველაზე შედეგიანები კი დუდა სანაძე, გიორგი კორსანტია, გიორგი შერმადინი და სანდრო მამუკელაშვილი იყვნენ.

მორიგ შეხვედრას საქართველოს ნაკრები 2 სექტემბერს, კვიპროსის წინააღმდეგ ჩაატარებს.