ნახეთ, ვის გაეზარდა ხელფასი მიმდინარე თვიდან

პრემიერ-მინისტრ ირაკლი ღარიბაშვილის გადაწყვეტილებით, ყოველწლიურად, საჯარო უწყებებში დასაქმებულთა ხელფასი 10%-ით იზრდება, თუმცა მუნიციპალიტეტის მთავრობის გადაწყვეტილებით, მიმდინარე თვიდან თბილისის ყველა საჯარო ბაღის 11 188 თანამშრომელი 15%-ით მომატებულ ანაზღაურებას მიიღებს, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

მისი თქმით, ამ მიზნით, მიმდინარე წლის ბიუჯეტში სახელფასო ფონდი 16 400 000 ლარით გაიზარდა და 109 000 000 ლარი შეადგინა.

„აქვე უნდა აღინიშნოს, რომ გრძელდება ახალი ბაღების მშენებლობა და არსებული შენობების რეაბილიტაცია. 2024 წელს ათი მიმდინარე პროექტიდან შვიდი ახალი ბაღი გაიხსნება და სამის რეაბილიტაცია დასრულდება.

15 იანვარს რეაბილიტირებულ შენობაში დაბრუნდება 89-ე ბაღის კონტინგენტი, ასევე, თვის ბოლომდე ახალი, N64 საბავშვო ბაღი გაიხსნება სამგორის რაიონში, ე.წ. აფრიკის დასახლებაში.

ამ პროექტების შედეგად იზრდება როგორც აღსაზრდელების, ისე პერსონალის რაოდენობა. ამ ეტაპზე თბილისში 189 საჯარო ბაგა-ბაღია, რომელიც 60 000-მდე ბავშვს ემსახურება“, -აღნიშნა მერმა.

ასევე ნახეთ:

„თუ შეიძინეთ ეს ბუშტები, გთხოვთ, დაგვიბრუნოთ... შესაძლოა, ბავშვის ორგანიზმის გამოუსწორებელი დაზიანება გამოიწვიოს" - კომპანია მომხმარებელს აფრთხილებს

„მამა გაბრიელმა გაგვაჩუმა, არ თქვათ არსად, ასეთი ამბავი საიდუმლო უნდა იყოსო...“ - სტიქაროსანმა მდუმარე ბერის შესახებ დუმილი დაარღვია

VIDEO: „ამაზე კარგი ხმა ჯერ არ მომისმენია...“ - ბლოგერი ნანა აროშიძე პირველ შვილს ელოდება