საგანგებო გაფრთხილება მშობლებს! - „თქვენ შეიძინეთ აღნიშნული ბუშტები, გთხოვთ, დაგვიბრუნოთ...“

ბუშტებში ჯანმრთელობისთვის საშიში ნივთიერებების აღმოჩენის შესახებ კომპანია „სამი ძმა„ მომხმარებელს აფრთხილებს. კონკრეტული დასახელების ბუშტები მაღაზიამ გაყიდვებიდან ამოიღო, ხოლო უკვე გაყიდული პროდუქციის უკან დაბრუნებას სთავაზობს მომხმარებელს.

"ძვირფასო მომხმარებელო: კომპანია „სამი ძმა„ ვალდებულებას იღებს გაცნობოთ, რომ ჩვენი პროდუქციიდან ორი დასახელების ბუშტის იმპორტირება და რეალიზაცია შეწყდა. ლაბორატორიულმა კვლევებმა უარყო ამ ორი პროდუქტის უვნებლობა, რის საფუძველზეც გადაწყდა მათი რეალიზაციიდან ამოღება და ასევე, უკვე რეალიზებული პროდუქციის უკან გამოთხოვა: თუ თქვენ შეიძინეთ აღნიშნული ბუშტები, (იხილეთ ფოტო) გთხოვთ, დაგვიბრუნოთ „სამი ძმის“ნებისმიერ ფილიალში 60 დღის ვადაში. პროდუქციის უკან დაბრუნების ზუსტი ვადა მოიცავს 08.01.2024-დან 26.02.2024-მდე პერიოდს. უფრო დეტალურად კი:

საუბარია ბუშტზე, სერია/მარკა AUF-20, ბუშტი XIONG FENG - პროდუქტთან დაკავშირებული საფრთხეები, კერძოდ, ნიტროზამინის მიგრაცია ელასტომერში აღემატება დასაშვებ ნორმას (<0,05მგ/კგ). 

ბუშტები (სერია/მარკა AUF-20,მწარმოებელი:შპს სამი ძმა) ნიტროზამინის (NDMA,GAS NO 62-75-9) მიგრაცია ელასტომერში შეადგენს 0,08მგ/კგ, რაც 1,6-ჯერ აღემატება დასაშვებ ნორმას(<0,05მგ/კგ),

ბუშტებში (მწარმოებელი XIONG FENG)ნიტროზამინის(NDELA,CAS NO 1116-54-7)მიგრაცია ელასტომერში შეადგენს 0,18მგ/კგ, რაც 3,6-ჯერ აღემატება დასაშვებ ნორმას(<0,05 მგ/კგ).

ნიტროზამინები წარმოადგენს კანცეროგენულ, მუტაგენურ ან რეპროდუქციისთვის ტოქსიკურ CMR ნივთიერებას, მასთან ხშირმა კონტაქტმა შესაძლოა გამოიწვიოს ბავშვის ორგანიზმის გამოუსწორებელი დაზიანება, როგორიცაა სიმსივნე, მუტაცია ან რეპროდუქციული მოწამვლა;

ერთმანეთზე ზრუნვა გადამდებია!" - ნათქვამია კომპანიის მიერ გავრცელებულ განცხადებაში.