პუტინი

Financial Times: ევროკავშირი ომის შეწყვეტის შესახებ რუსეთთან შესაძლო მოლაპარაკებებისთვის ემზადება

ევროკავშირის ლიდერები ვლადიმირ პუტინთან პოტენციური მოლაპარაკებებისთვის ემზადებიან, რადგან ევროპული დედაქალაქები სულ უფრო მეტ იმედგაცრუებას განიცდიან უკრაინაში ომის დასრულების თაობაზე მიმდინარე მოლაპარაკებების გამო, რომლებსაც აშშ-ის პრეზიდენტი, დონალდ ტრამპი ხელმძღვანელობს. ინფორმაციას ამის შესახებ გამოცემა Financial Times ავრცელებს.ევროპული საბჭოს პრეზიდენტმა, ანტონიუ კოშტამ განაცხადა, რომ, მისი აზრით, ევროკავშირს აქვს პუტინთან მოლაპარაკებების „პოტენციალი“ და ბლოკს ასეთი დიალოგისთვის უკრაინის პრეზიდენტის, ვოლოდიმირ ზელენსკის მხარდაჭერა აქვს.„მე ვესაუბრები ევროკავშირის 27 ლიდერს, რათა ვიპოვოთ ორგანიზების საუკეთესო გზა და განვსაზღვროთ, რა უნდა განვიხილოთ ეფექტურად რუსეთთან, როდესაც ამისთვის შესაბამისი მომენტი დადგება“, - განაცხადა კოშტამ.ევროპული საბჭოს ხელმძღვანელის თქმით, გასულ თვეში კვიპროსზე გამართულ ევროკავშირის ლიდერების სამიტზე, ზელენსკიმ ევროპელებს შესთავაზა, „მზად იყვნენ მოლაპარაკებებში პოზიტიური წვლილის შესატანად“.ამავდროულად, კოშტამ აღნიშნა, რომ მოსკოვი ჯერჯერობით არ ავლენს ეფექტური მოლაპარაკებებისთვის მზაობის არანაირ ნიშანს.ზელენსკის ოფისში კოშტასთან ამ საკითხის განხილვა დაადასტურეს. „ჩვენ გვჭირდება მეტი კოორდინაცია ევროპულ დონეზე“, - განაცხადა უკრაინელმა მაღალჩინოსანმა და დასძინა, რომ ეს შეიძლება მოხდეს ერთი ლიდერის მონაწილეობით, რომელიც რუსეთთან ევროპელების სახელით ისაუბრებს, რათა მოსკოვზე ზეწოლა გაიზარდოს.ევროკავშირის ზოგიერთმა ლიდერმა, კერძოდ, ბელგიის პრემიერ-მინისტრმა, ბარტ დე ვევერმა კრემლთან მოლაპარაკებების არხის გახსნის საკითხი დააყენა. თუმცა, 27 ქვეყანას შორის არ არსებობს ერთიანი აზრი იმის შესახებ, თუ ვინ უნდა დაინიშნოს ბლოკის წარმომადგენლად ამ მოლაპარაკებებში, როდის უნდა დაიწყოს ისინი და როგორი უნდა იყოს პუტინისთვის წარდგენილი შეთავაზება.ახლახან ესტონეთის პრეზიდენტმა, ალარ კარისმა განაცხადა, რომ ევროპის ქვეყნებმა უკვე ახლა უნდა დაგეგმონ თავიანთი მოქმედებები იმ დროისთვის, როდესაც რუსეთ-უკრაინის ომი დასრულდება და განსაზღვრონ რუსეთის ფედერაციასთან ურთიერთობის მოდელი, რადგან ეს შეიძლება მოხდეს სწრაფად და მოულოდნელად.წლის დასაწყისში კარისმა და ლატვიის პრემიერ-მინისტრმა, ევისა სილინიამ მოითხოვეს რუსეთთან მოლაპარაკებებისთვის ევროკავშირის სპეციალური წარმომადგენლის დანიშვნა.ევროკავშირის დიპლომატიის ხელმძღვანელმა, კაია კალასმა განაცხადა, რომ ევროპულმა ქვეყნებმა არ უნდა სთხოვონ რუსეთს მოლაპარაკებები ომის დასასრულებლად, არამედ პირიქით, ისეთ მდგომარეობაში უნდა ჩააყენონ იგი, რომ მოსკოვი თავად გადავიდეს რეალურ დიალოგზე.

მსოფლიო • 1778063852

ჟან-ნოელ ბარო: აპრილში პუტინის არმიამ უკრაინაში 120 კვადრატული კილომეტრით უკან დაიხია, რაც ბოლო სამი წლის განმავლობაში პირველად მოხდა, დროა, პუტინმა გააცნობიეროს წარუმატებლობა

აპრილში პუტინის არმიამ უკრაინაში 120 კვადრატული კილომეტრით უკან დაიხია, რაც ბოლო სამი წლის განმავლობაში პირველად მოხდა. დროა, პუტინმა გააცნობიეროს საკუთარი წარუმატებლობა, – ამის შესახებ საფრანგეთის საგარეო საქმეთა მინისტრი, ჟან-ნოელ ბარო სოციალურ ქსელში წერს.მისი თქმით, რუსეთის ეკონომიკაში კრიზისი სულ უფრო მეტად ღრმავდება.„აპრილში ვლადიმერ პუტინის არმიამ უკრაინაში 120 კვადრატული კილომეტრით უკან დაიხია, რაც ბოლო სამი წლის განმავლობაში პირველად მოხდა. რუსეთის ეკონომიკა კრიზისში იძირება. დროა, კრემლმა გააცნობიეროს საკუთარი წარუმატებლობა და დაასრულოს გაუმართლებელი, დამანგრეველი აგრესიული ომი“, – წერს ჟან-ნოელ ბარო.

მსოფლიო • 1778046992

უკრაინული მედია - რუსეთმა ცეცხლის შეწყვეტის შეთანხმება დაარღვია

რუსული ძალები დღეს დილით უკრაინის რამდენიმე ქალაქს დაესხნენ თავს, რითაც პრეზიდენტ ვოლოდიმირ ზელენსკის მიერ შეთავაზებული და გამოცხადებული ცეცხლის შეწყვეტის შეთანხმება დაარღვიეს, - ინფორმაციას უკრაინული მედია ავრცელებს.მათივე ინფორმაციით, ცეცხლის შეწყვეტის რეჟიმის ამოქმედებიდან რამდენიმე წუთში დნიპროში აფეთქებების ხმა გაისმა. რუსებმა ასევე შეუტიეს ხარკოვს, ზაპოროჟიეს, სუმს, დონეცკს, რის შედეგადაც დაზიანდა სამოქალაქო ინფრასტრუქტურა და არიან დაშავებულები.ცნობისთვის, რუსეთის პრეზიდენტმა, ვლადიმერ პუტინმა მეორე მსოფლიო ომში გამარჯვების დღის აღსანიშნავად 8-9 მაისს ცეცხლის შეწყვეტა გამოაცხადა.პუტინის საპასუხოდ უკრაინის პრეზიდენტმა, ვოლოდიმირ ზელენსკიმ გამოაცხადა, რომ ცეცხლის შეწყვეტის რეჟიმი 6 მაისს 00:00 საათიდან ამოქმედდებოდა.

მსოფლიო • 1777915800

რუსეთი 8-9 მაისს ცეცხლის შეწყვეტის შესახებ აცხადებს

რუსეთის თავდაცვის სამინისტროს განცხადებით, პრეზიდენტ ვლადიმერ პუტინის გადაწყვეტილებით, 2026 წლის 8 და 9 მაისს, მეორე მსოფლიო ომში გამარჯვების დღესთან დაკავშირებით, საბრძოლო მოქმედებების ზონაში ზავი გამოცხადდება.უწყების განმარტებით, გადაწყვეტილება მიღებულია „დიდ სამამულო ომში საბჭოთა ხალხის გამარჯვების დღის აღსანიშნავად“.რუსეთის თავდაცვის სამინისტროში იმედოვნებენ, რომ კიევიც ანალოგიურ ნაბიჯს გადადგამს და ამ პერიოდში ცეცხლს შეწყვეტს.„რუსეთის ფედერაციის შეიარაღებული ძალების უმაღლესი მთავარსარდლის, ვლადიმერ პუტინის გადაწყვეტილების შესაბამისად, 2026 წლის 8-9 მაისს ცხადდება ზავი“, - ნათქვამია ოფიციალურ განცხადებაში.

მსოფლიო • 1777894060

ზაფხული იქნება მომენტი, როცა პუტინი გადაწყვეტს, რა გააკეთოს შემდეგ, გააფართოოს ომი თუ გადავიდეს დიპლომატიაზე - ზელენსკი

ეს ზაფხული იქნება მომენტი, როცა პუტინი გადაწყვეტს, რა გააკეთოს შემდეგ - გააფართოოს ომი თუ გადავიდეს დიპლომატიაზე და ჩვენ უნდა ვაიძულოთ იგი დიპლომატიისკენ, - ამის შესახებ უკრაინის პრეზიდენტმა, ვოლოდიმირ ზელენსკიმ სომხეთში მიმდინარე ევროპის პოლიტიკური გაერთიანების სამიტზე განაცხადა."დღეს აქ წარმოდგენილია მრავალი ქვეყანა. ეს აჩვენებს ჩვენი ერთიანობის მასშტაბს - ყველას, ვინც აფასებს სიცოცხლეს.გამოწვევები აშკარაა, ირანში მიმდინარე ომი კვლავ გადაუჭრელია და შეიძლება გაზარდოს ცხოვრების ხარჯები ჩვენს ყველა ქვეყანაში, უნდა დავეხმაროთ ერთმანეთს ზამთრისთვის მზადებაში და ენერგეტიკული გამოწვევების დაძლევაში. რუსეთის ომი უკრაინისა და ევროპის წინააღმდეგ გრძელდება და ეს ზაფხული იქნება მომენტი, როცა პუტინი გადაწყვეტს, რა გააკეთოს შემდეგ - გააფართოოს ომი თუ გადავიდეს დიპლომატიაზე და ჩვენ უნდა ვაიძულოთ იგი დიპლომატიისკენ," - აღნიშნა ზელენსკიმ.

პოლიტიკა • 1777890120

მიხეილ სააკაშვილი: არცერთი მმართველის პირობებში ეკლესია ისე არ გაძლიერებულა, როგორც ჩემს დროს, რატომ აძლევთ საშუალებას, გამოგვაცხადონ, როგორც ურწმუნოები და ეკლესიის მტრები?

არცერთი მმართველის პირობებში ეკლესია ისე არ გაძლიერებულა, როგორც ჩემი პრეზიდენტობის დროს. რატომ აძლევთ საშუალებას, გამოგვაცხადონ, როგორც ურწმუნოები და ეკლესიის მტრები?, – ამის შესახებ საქართველოს ყოფილმა პრეზიდენტმა, მიხეილ სააკაშვილმა 7 ნოემბრის საქმეზე მიმდინარე სასამართლო პროცესზე განაცხადა.მისივე თქმით, ყველა გამოსვლაში ამაზე უნდა იყოს საუბარი.„რატომ არ ვსაუბრობთ ამაზე? არც ერთი მმართველის პირობებში ეკლესია ისე არ გაძლიერებულა, როგორც ჩემი პრეზიდენტობის დროს. 300-მდე ტაძარი აღვადგინეთ. ეს არ იყო ივანიშვილის ფულით, როგორც გაავრცელეს ხმა, საქართველოს ბიუჯეტის ფული იყო. წმინდა გიორგის ძეგლი დავდგით მთავარ მოედანზე. რატომ აძლევთ მათ საშუალებას, გამოგვაცხადონ, როგორც ურწმუნოები და ეკლესიის მტრები? სუპზე ხომ საუბრობენ „ქოცები“. „ნაციონალების“ მმართველობის შემდეგ უხორცო სუპი ორ-ნახევარჯერ გაძვირდა, ბავშვთა კვება კი სამჯერ. რეპრესიული რეჟიმი იყოო და არც ერთი პოლიტიკური პატიმარი არ გვყავდა. ლევან ხაბეიშვილი ერთადერთი მიზეზის გამო დაამწყვდიეს, ხალხს დაუბრუნა იმედი, მისცა ორგანიზების სტიმული, ცემისა და მუქარების არ შეეშინდა, ბოლოს პოლიციის მოსყიდვის ბრალდებით დაიჭირეს. იგივე ეხება ელენე ხოშტარიას, რომელიც მხოლოდ იმიტომ დატოვეს ციხეში და ალბათ წლების დამატებას უპირებენ, რომ აჩვენა, არაფრისაც არ ეშინია. იგივე ეხება პაატა ბურჭულაძეს. თავისი უშიშარი ხასიათის გამო ამ საკანში ამოყო თავი. ნიკა მელიამ ვრცელი წერილი მოიწერა, საიდანაც, მართალი გითხრათ, ვერაფერი გავიგე. გავიგე ის, რომ მე არ მოვწონვარ, მაგრამ ამას თავი დავანებოთ. რატომ ჩატოვეს ციხეში? ივანიშვილმა ვერ აპატია, როცა აღსრულების სამსახურში იყო, უკანონო 70 მილიონი დაუყადაღა. ირაკლი ნადირაძეს ვერ აპატიეს, რომ საკრებულოში მრავალი მილიონი გააგდებინა ხელიდან კორუმპირებულ ბანდას. პაატა მანჯგალაძეს და მურთაზ ზოდელავას ვერ აპატიეს, რომ უბრალოდ წესიერები არიან. პოლკოვნიკი ლაშა ბერიძე, რომელსაც საუკეთესო ამერიკული სამხედრო აკადემია აქვს დამთავრებული, იმის ნაცვლად, რომ სამშობლოს იცავდეს, ციხეში გაამწესეს. საკმარისი საფუძველი აღმოჩნდა ის, რომ ამერიკის აკადემიაში სწავლობდა“, – განაცხადა სააკაშვილმა.ამასთან, მიხეილ სააკაშვილმა რუსეთ-უკრაინის ომთან დაკავშირებით ისაუბრა.„რამდენიმე კარგი ამბავი უნდა გითხრათ. პირველად შეფრინდნენ უკრაინის დრონები მოსკოვის ტერიტორიაზე, მათ შორის, ცენტრალურ ტერიტორიაზე. მესამე თვეა, რუსეთის არმია უფრო მეტ ტერიტორიას კარგავს უკრაინაში, ვიდრე იღებს. ეს არის ძალიან მაგარი შედეგი. ეს ნიშნავს, რომ მაგათი სიმღერა დამთავრებულია. რუსეთმა ათი მილიარდი დოლარი დაკარგა დარტყმების შედეგად“, – განაცხადა სააკაშვილმა.სააკაშვილი სასამართლო პროცესზე სიტყვით გამოსვლისას სომხეთში მიმდინარე ევროპის პოლიტიკური გაერთიანების სამიტსაც გამოეხმაურა.„კავკასიის ისტორიაში დღეს მნიშვნელოვანი დღეა. მთელი ევროპელი ლიდერები ჩამოვიდნენ კავკასიაში პირველად, ოღონდ იქ კი არა, სადაც ტრადიციული ცენტრი იყო. ყველამ იცის, რომ ეს არის თბილისი, მაგრამ ჩავიდნენ ერევანში. ივანიშვილმა 2013 წელს გამოგვიცხადა, რომ მისთვის მისაბაძი იყო მაშინდელი სომხეთის საგარეო პოლიტიკა. ახლა ჩვენ გადავიქეცით 2013 წლის სომხეთად და სომხეთი გადაიქცა 2012 წლამდე საქართველოდ. ვინმეს ეჭვი ხომ არ გეპარებათ, ჩემი კურსი რომ გაგრძელებულიყო, ყველა ეს ევროპელი ლიდერი თბილისში ჩამოვიდოდა?“, – აღნიშნა მიხეილ სააკაშვილმა.სააკაშვილის თქმით, ამაყობს თავისი პოლიტიკური წარსულით.„ამას წინათ, ერთმა პოლიტიკოსმა თქვა, სააკაშვილს წარსულის ტრავმები აწუხებსო. წარსულის ტრავმები აწუხებს იმას, ვისაც წარსულზე ლაპარაკი არ შეუძლია და ამას თავს არიდებს. მე კი ვამაყობ ჩვენი წარსულით. სულ ამას ტირაჟირებენ, 2008 წელს საქართველომ წააგო ომი, საქართველომ დათმო ტერიტორიები, სააკაშვილმა გაუფორმა ტერიტორიების 20 პროცენტიო. სინამდვილეში, ყველაფერი პირიქით იყო. „მაწვებოდნენ“, ხელი მომეწერა ცეცხლის შეწყვეტის ხელშეკრულებაზე და ჩვენი ტერიტორიების სტატუსი ღიად დამეტოვებინა. პუტინი და სარკოზი ერთად მაწვებოდნენ და მეუბნებოდნენ, მომკლავდნენ, თუ ამას ხელს არ მოვაწერდი. სარკოზი მეუბნებოდა პუტინის გადმოცემულს. ჩვენ ამას ხელი არ მოვაწერეთ. ხელი მოვაწერეთ ძალიან კარგ შეთანხმებას, რომლითაც რუსეთს ჯარი უნდა გაეყვანა ოკუპირებული ტერიტორიებიდან. მათ ეს არ შეასრულეს იმის გამო, რომ ჩვენ ამაზე არ ვლაპარაკობთ. ივანიშვილის რეჟიმს მიეცა საშუალება, საერთოდ აღარ ილაპარაკოს იმ ხელშეკრულების შესრულებაზე. პირიქით, აქეთ დაგვადანაშაულოს რაღაც მითიური ტერიტორიების დათმობაზე. სინამდვილეში, 2008 წელს რუსეთმა კატასტროფული მარცხი განიცადა“, – განაცხადა მიხეილ სააკაშვილმა.სააკაშვილმა პოლიტიკური განცხადებების გაკეთების შემდეგ სხდომათა დარბაზი დატოვა.

მსოფლიო • 1777576006

აშშ-ის არმიის გაერთიანებული შტაბების უფროსი აცხადებს, რომ ვლადიმერ პუტინი ირანის სამხედრო ძალისხმევას ხელს უწყობს

ვლადიმერ პუტინმა ირანის სამხედრო ძალისხმევას ხელი შეუწყო, – ამის შესახებ აშშ-ის არმიის გაერთიანებული შტაბების უფროსმა, გენერალმა დენ კეინმა სენატორებთან შეხვედრის დროს განაცხადა.კეინმა უარი თქვა დეტალების გასაჯაროებაზე მოსმენის საჯარო ხასიათის მოტივით, თუმცა აღნიშნა: „რა თქმა უნდა, გარკვეული ქმედებები მიმდინარეობს“.კომიტეტის თავმჯდომარე, რესპუბლიკელი სენატორი როჯერ ვიკერი დაეთანხმა ამ მოსაზრებას.„ეჭვგარეშეა, რომ ვლადიმერ პუტინის რუსეთი სერიოზულ ზომებს იღებს ირანში წარმატების მისაღწევად ჩვენი ძალისხმევის შესასუსტებლად“, – განაცხადა ვიკერმა.

მსოფლიო • 1777559995

კალასი: დონალდ ტრამპსა და ვლადიმირ პუტინს შორის სატელეფონო საუბრის შემდეგ, ყოველთვის ბევრი კითხვა რჩება პასუხგაუცემელი

დონალდ ტრამპსა და ვლადიმირ პუტინს შორის სატელეფონო საუბრის შემდეგ, ყოველთვის ბევრი კითხვა რჩება პასუხგაუცემელი, - განაცხადა ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, კაია კალასმა.კალასმა აღნიშნა, რომ უკრაინის თაობაზე სამშვიდობო მოლაპარაკებები, როგორც ჩანს, „ჩიხშია შესული“ და გაურკვეველია, მიიღწევა თუ არა რაიმე მნიშვნელოვანი პროგრესი ტრამპისა და პუტინის სატელეფონო საუბრისას.„როდესაც პრეზიდენტ ტრამპსა და პრეზიდენტ პუტინს შორის ასეთ საუბრებს ვხედავთ, ყოველთვის ბევრი კითხვა რჩება პასუხგაუცემელი“, - განაცხადა მან.კალასმა ასევე მიუთითა ამ მოლაპარაკებებში არსებულ პარადოქსზე და აღნიშნა, რომ რუსეთი ღიად აქებს ირანის „გმირულ ბრძოლას“ შეერთებული შტატების წინააღმდეგ.მან დასძინა, რომ ევროკავშირს სურს რუსეთზე უფრო ძლიერი ზეწოლის ხილვა და „ეს მოცემულ საუბარში ჩვენ ვერ დავინახეთ“.

პოლიტიკა • 1777536821

ზვიად ავალიანი: არ მესმის რა განსხვავებაა მაია სანდუსა და პუტინის ფილოსოფიას შორის - სანდუ ამბობს, რომ მოლდოვა იგივე რუმინეთია და მას უნდა შეუერთდეს და განა რუსები რამეს სხვას ამბობენ უკრაინასთან მიმართებით?

თუ რუმინეთისა და მოლდოვას გათიშვა უნდა შეფასდეს, როგორც „გეოპოლიტიკური პროცესი, რომელმაც ერთი ხალხი ორად გახლიჩა", მაშინ რატომ არ შეიძლება იგივე ვთქვათ რუსეთსა და უკრაინაზე? - წერს ჟურნალისტი, ზვიად ავალიანი სოციალურ ქსელში.როგორც ის აცხადებს, პუტინისა და სანდუს ფილოსოფიას შორის განსხვავებას ვერ ხედავს, მეტიც, პუტინს სურს, რომ სხვა ქვეყანა შეუერთოს თავის ქვეყანას, სანდუს კი პირიქით, სურს, რომ საკუთარი ქვეყანა შეუერთოს სხვას.„მე არ მესმის რა განსხვავებაა მაია სანდუსა და ვლადიმირ პუტინის ფილოსოფიას შორის.სანდუ ამბობს, რომ მოლდოვა იგივე რუმინეთია და მას უნდა შეუერთდეს, რადგან ოდესღაც (!) ეს ორი ხალხი ერთ სახელმწიფოს წარმოადგენდნენ და მათი ენაც თითქმის ერთი და იგივეა.და განა რუსები რამეს სხვას ამბობენ უკრაინასთან მიმართებით?შუა საუკუნეებში ერთ ქვეყანას წარმოადგენდნენ? წარმოადგენდნენ.ენა და კულტურა მსგავსია?მსგავსია.ჰოდა თუ რუმინეთისა და მოლდოვას გათიშვა უნდა შეფასდეს, როგორც "გეოპოლიტიკური პროცესი, რომელმაც ერთი ხალხი ორად გახლიჩა" მაშინ რატომ არ შეიძლება იგივე ვთქვათ რუსეთსა და უკრაინაზე?მე განსხვავებას მართლა ვერ ვხედავ და თუ არის კიდეც რამე სხვაობა, ეს სხვაობა სანდუს სასარგებლო სულაც არაა: პუტინს სურს, რომ სხვა ქვეყანა შეუერთოს თავის ქვეყანას, სანდუ კი იმისთვის იბრძვის, რომ თავისი ქვეყანა შეუერთოს სხვას.აბა, რა გითხრათ...” - წერს ავალიანი.

მსოფლიო • 1777411905

უკრაინამ რუსეთის სამოქალაქო ინფრასტრუქტურაზე თავდასხმები გააძლიერა - ვლადიმერ პუტინი

რუსეთის პრეზიდენტი ვლადიმერ პუტინი აცხადებს, რომ უკრაინამ რუსეთის სამოქალაქო ინფრასტრუქტურაზე თავდასხმები გააძლიერა.მედიის ცნობით, პუტინმა აღნიშნული განცხადება მას შემდეგ გააკეთა, რაც ცნობილი გახდა, რომ უკრაინამ რუსეთის ქალაქ ტუაფსეში, ნავთობგადამამუშავებელ ქარხანაზე დრონებით იერიში მიიტანა.მისივე თქმით, ადგილობრივი გუბერნატორი შემთხვევის ადგილას იმყოფებოდა და მოახსენა, რომ ამ დროისთვის სერიოზული საფრთხეები არ არსებობს.„სამოქალაქო ინფრასტრუქტურაზე დრონების თავდასხმები სულ უფრო ხშირი ხდება. უახლესი მაგალითია ტუაფსეში ენერგეტიკულ ობიექტებზე თავდასხმები, რამაც შესაძლოა, სერიოზული გარემოსდაცვითი შედეგები გამოიწვიოს. თუმცა გუბერნატორმა განაცხადა, რომ ის ადგილზე იმყოფება და, როგორც ჩანს, სერიოზული საფრთხეები არ არსებობს. ხალხი ადგილზე უმკლავდება მათ წინაშე არსებულ გამოწვევებს“, – განაცხადა პუტინმა.

მსოფლიო • 1777301232

ირანის საგარეო საქმეთა მინისტრი პუტინს შეხვდა და "სტრატეგიული ურთიერთობები" განიხილა - CNN

ირანის საგარეო საქმეთა მინისტრი, აბას არაღჩი და რუსეთის პრეზიდენტი, ვლადიმერ პუტინი დღეს მოსკოვში ერთმანეთს შეხვდნენ.ინფორმაციას და შეხვედრის დეტალებს - CNN რუსულ და ირანულ მედიებზე დაყრდნობით ავრცელებს.მედიის ცნობით მხარეებმა თეირანსა და მოსკოვს შორის არსებული სტრატეგიული ურთიერთობების ერთგულება განიხილეს. შეხვედრა მას შემდეგ შედგა, რაც აშშ-სა და ირანს შორის დაგეგმილი სამშვიდობო მოლაპარაკებები ჩაიშალა."ჩვენ ვხედავთ, როგორი სიმამაცითა და გმირულად იბრძვის ირანელი ხალხი საკუთარი დამოუკიდებლობისა და სუვერენიტეტისთვის" - შეხვედრისას პუტინმა ირანს მხარდაჭერა გამოუცხადა.რუსეთის პრეზიდენტმა ასევე აღნიშნა, რომ მან გზავნილი მიიღო ირანის უმაღლესი ლიდერისგან, მოჯთაბა ხამენეისგან.

მსოფლიო • 1777276577

მედია: თეირანმა ვაშინგტონს მოლაპარაკებებისთვის სამეტაპიანი ფორმულა გაუგზავნა

ირანმა, შუამავლების საშუალებით, შეერთებულ შტატებს მოლაპარაკებისთვის სამეტაპიანი ფორმულა გაუგზავნა. თეირანი ვაშინგტონის მხრიდან მოლაპარაკებების აღდგენის სურვილის შემთხვევაში, პირველ ეტაპზე ცეცხლის სრულად შეწყვეტას და ირანისა და ლიბანის წინააღმდეგ საბრძოლო მოქმედებების შეწყვეტის გარანტიას ითხოვს.მეორე ეტაპად ჰორმუზის სრუტეზე კონტროლის საკითხის განხილვაა დასახელებული. ბირთვული საკითხი კი მესამე პუნქტშია მოცემული, თუმცა მასზე მსჯელობას ირანი მხოლოდ პირველი ორი ეტაპის მოგვარების შემდეგ თანხმდება. პარალელურად, ირანს მოლაპარაკება აქვს რუსეთთან. ირანის საგარეო საქმეთა მინისტრი რუსეთში ჩავიდა და ის ვლადიმერ პუტინის შეხვდება.