წულუკიანი

ევროპულმა ბიუროკრატიამ გადაწყვიტა, რომ გადასულიყო იმ წითელ ხაზს, რომლის გადალახვაც არც ერთი სუვერენული ერის შემთხვევაში დაშვებული არ არის - თეა წულუკიანი

"ქართული ოცნების" ხელისუფლებამ 2014 წელსვე შეძლო და ხელი მოაწერა ევროკავშირთან ასოცირების შეთანხმებას. ეს ვერ გააკეთა წინა ხელისუფლებამ. ჩვენ 2018 წელს ასევე შევძელით, ბევრი მტკივნეული რეფორმის და ბევრი მოთხოვნის განხორციელება იმისთვის, რომ შეგვძლებოდა მოგვეპოვებინა უვიზო მიმოსვლის რეჟიმი - განაცხადა ტელეკომპანია "იმედის" გადაცემაში "ღია ეთერი" პარლამენტის თავმჯდომარის მოადგილემ, თეა წულუკიანმა.მისივე თქმით, ევროპულმა ბიუროკრატიამ წითელი ხაზი გადალახა, რაც არც ერთი სუვერენული ერის შემთხვევაში დაშვებული არ არის:"ჩვენ 2018 წელს ასევე შევძელით, ბევრი მტკივნეული რეფორმის და ბევრი მოთხოვნის განხორციელება იმისთვის, რომ შეგვძლებოდა მოგვეპოვებინა ჩვენი ერისთვის, როგორც ეს არის ქართველი ერის ისტორიული არჩევანი, ალბათ ჩვენი ისტორიის მანძილზე ყველაზე ხელშესახები შედეგი ევროკავშირთან და ევროპულ სივრცესთან დაახლოების, ეს არის უვიზო მიმოსვლის რეჟიმი. ეს რეჟიმი სწორედ ჩვენმა ხელისუფლებამ ბევრი ძალისხმევის შედეგად მოუტანა ქართველ ხალხს.ამის შემდეგ უკვე კონსტიტუციაში იწერება 78-ე მუხლი, ირაკლი კობახიძის თაოსნობით გამართულ საკონსტიტუციო კომისიაში, მისი მუშაობის შედეგად და იწერება, რომ კონსტიტუციურმა ორგანოებმა ყველაფერი უნდა გააკეთონ იმისთვის, რომ ევროპული და ევროატლანტიკური სტრუქტურების წიაღში საქართველოს ინტეგრაცია მოხდეს.დადგა რაღაც მომენტი, როდესაც ევროპულმა ბიუროკრატიამ გადაწყვიტა, რომ გადასულიყო იმ წითელ ხაზს, რომლის გადალახვაც არც ერთი სუვერენული ერის შემთხვევაში დაშვებული არ არის.ეს წითელი ხაზი როგორც კი გადაილახა, ჩვენ აღმოვჩნდით არა თანამშრომლობის, არამედ თავდასხმის რეჟიმში. მე ან ვიყავი უშუალო მოწმე ამ ყოველივესი და უხშირეს შემთხვევაში თავად შემსრულებელი თუ ამსრულებელი იმ ევროპული პოლიტიკის, ერთ-ერთი "ქართული ოცნების" მთავრობის ეგიდის ქვეშ და ვსაუბრობ პირველწყაროდან," - განმარტა წულუკიანმა.

პოლიტიკა • 1780147145

ბავშვიანი ოჯახების სოციალურ-ეკონომიკური მდგომარეობის გაუმჯობესების ხელშემწყობი რეკომენდაციების შემუშავების მიზნით შექმნილმა სამუშაო ჯგუფმა ბათუმში ორდღიანი მუშაობა შეაჯამა

ბავშვიანი ოჯახების სოციალურ-ეკონომიკური მდგომარეობის გაუმჯობესების ხელშემწყობი რეკომენდაციების შემუშავების მიზნით, ჯანმრთელობის დაცვისა და სოციალურ საკითხთა კომიტეტთან შექმნილმა სამუშაო ჯგუფმა ბათუმში ორდღიანი მუშაობა შეაჯამა.შეხვედრაზე ქალთა რეპროდუქციული ჯანმრთელობის კვლევაზე ისაუბრეს.განსახილველ საკითხს წარმოადგენდა ასევე - „ზრუნვის შრომა საქართველოში: დროის გამოყენების კვლევის ძირითადი მიგნებები“.სამუშაო ჯგუფის შეხვედრისას ყურადღება გამახვილდა დემოგრაფიული მდგომარეობის გამოსწორებაში სოციალური დაცვის სისტემის როლზე. საუბარი ასევე შეეხო მშობლის შვებულების საკითხს და შრომასთან დაკავშირებულ პოლიტიკას.შეხვედრისას დისკუსია გაიმართა ბავშვიანი ოჯახების სოციალური მდგომარეობის გაუმჯობესების მიზნით საჭირო ღონისძიებებზე.ბათუმში გამართულ სამუშაო ჯგუფის გასვლით შეხვედრაში მონაწილეობდნენ: ჯანმრთელობის დაცვისა და სოციალურ საკითხთა კომიტეტის თავმჯდომარე ზაზა ლომინაძე, პარლამენტის თავმჯდომარის მოადგილე თეა წულუკიანი, განათლების, მეცნიერებისა და ახალგაზრდულ საქმეთა კომიტეტის თავმჯდომარე და ქალთა და ბავშვთა საკითხებზე მომუშავე პარლამენტის დროებითი კომისიის თავმჯდომარე მარიამ ლაშხი და პარლამენტის პოლიტიკური ჯგუფის „ხალხის ძალის“ თავმჯდომარე დიმიტრი ხუნდაძე.შეხვედრაში ასევე მონაწილეობდა აჭარის ავტონომიური რესპუბლიკის ჯანმრთელობისა და სოციალური დაცვის მინისტრი ნინო ნიჟარაძე.ბავშვიანი ოჯახების სოციალურ-ეკონომიკური მდგომარეობის გაუმჯობესების ხელშემწყობი სამუშაო ჯგუფის ფარგლებში განიხილება დემოგრაფიული მდგრადობის სხვადასხვა ასპექტი, მათ შორის მიგრაცია, შრომის ბაზარზე მონაწილეობა, ოჯახების მხარდაჭერა, ჯანმრთელობა, განათლება და რეგიონული განვითარება.რეგულარული კონსულტაციებისა და სექტორთაშორისი თანამშრომლობის გზით, ჯგუფი ხელს უწყობს პრაქტიკული გადაწყვეტილებების იდენტიფიცირებას, ინსტიტუციური კოორდინაციის გაძლიერებას და საქართველოს დემოგრაფიული გამოწვევებისადმი საერთო, მდგრადი და გრძელვადიანი ხედვის ჩამოყალიბებას.ინფორმაციას პარლამენტის პრესსამსახური ავრცელებს.

პოლიტიკა • 1779985720

თეა წულუკიანი “გახარია-საქართველოსთვის” წევრებს: ყველა პოლიციელს ვთხოვ, ნუ მივცემთ მტრებს სალაპარაკოს, ხოლო გახარიას წინააღმდეგ განაჩენი უნდა აღსრულდეს იმიტომ, რომ ამას ამბობს სტრასბურგის სასამართლო და აქ რომ თითებს გვიქნევთ ჩამოიყვანეთ, რომ პასუხი აგოს კანონის წინაშე და მერე თავისუფალი ტრიბუნა უფრო დამაჯერებელი იქნება

საპარლამენტო უმრავლესობის წევრმა თეა წულუკიანმა პარლამენტის პლენარულ სხდომაზე ფრაქციას “საქართველოსთვის” “ნაციონალური მოძრაობის” საპარლამენტო ფრთა უწოდა და განაცხადა, რომ საპარლამენტო ძლიერი ოპოზიცია წყალივით სჭირდება “ქართულ ოცნებას”.წულუკიანი ოპოზიციას იმის გამოც აკრიტიკებს, რომ პარლამენტში კანონპროექტების რეალურ ხარვეზებზე არ მუშაობენ და აცხადებს, რომ გორში მომხდარ ფაქტთან დაკავშირებით ოპოზიციის გამოსვლები გამოძიებაში ჩარევას ნიშნავს.“უბრალოდ ჩვენ, ძალიან ბევრი სხვა პარტიისგან განსხვავებით და ეს ღუპავს სწორედ იმ “ნაციონალურ მოძრაობას” რაღაცა განცდა გვაქვს, რომ გააკეთე, გაიწიე, სხვა მოვიდა. მოვიდა ლიკა შარტავა, ფაღავა, მოვიდა გორდულაძე, ახალგაზრდები არიან ესენი, ჩაკვეტაძე, მახაშვილი, ბატონი რურუა. ასე აღმოჩნდა ცხოვრება, დრო მიდის და სხვა უნდა მოვიდეს, მაგრამ ეს იმას არ ნიშნავს, რომ ჩვენ აქ ზოგიერთები ჩუმად რომ ვართ, ახლა წიხლები უნდა გვირტყათ. წიხლებს ნუ გვირტყამთ, თორემ ისეთ წიხლს გამოვიქნევთ აქედან, რომ ფეხზე ვერ დადგებით ვერცერთი. იმიტომ, რომ ხელი აიწიეთ აბა, გახარია რამდენჯერ გყავთ ცხოვრებაში ნანახი? ერთი, ორჯერ, ან 10-ჯერ, ხომ? მე მისი კაბინეტის მინისტრი ვიყავი და არ მომაყოლოთ ახლა აქ რაღაცები, როგორ მართავდა ის შინაგან საქმეთა სამინისტროს და მერე როგორი პრემიერი იყო. სად არის საბანაძე? რა საინტერესოა, პოლიციელებზე რომ ლაპარაკობთ საერთოდ, შინაგან საქმეთა მინისტრის მოადგილე ნანახი გყავთ საერთოდ? აბა ერთი ჰკითხეთ, რას აპირებდა, როცა მე იუსტიციის მინისტრი ვიყავი და ციხეები მებარა. რას აპირებდა ზონებში ეგრეთ წოდებულში, პენიტენციურ სამსახურში, რას აპირებდა? ბატონი გახარიას ხელდასხმით.ჰკითხეთ ჩართვები ხომ გაქვთ ბერლინში თავშესაფარში მყოფ ლიდერთან. დანაშაულს აპირებდა, სანამ მე არ ვუთხარი, რომ სანამ თქვენ ამ დანაშაულს თავისუფლების აღკვეთის ღია დაწესებულებაში ჩაიდენთ, იქ კარებში მე დაგხვდებით-მეთქი, დანარჩენი თვითონ მოგიყვნენ. გამომივიდნენ აქ სპეტაკები. აღიკვეთა დანაშაული ჩადენამდე. ამიტომ არ იყო…გამოძიების დაწყების საფუძვლებზე ვერ წავიკითხავ ახლა ლექციას, დრო გადის. ჰოდა ნუ სარგებლობთ აქ ზოგიერთების სიჩუმით, ეს ერთი. მეორე, გახარიას რაც შეეხება და ნუ ცდილობთ მისგან დისტანცირებას იმიტომ, რომ თქვენ ხართ გახარიას პარტიის წევრები და საპარლამენტო ფრთა “ნაციონალური მოძრაობის”. ჰყავთ ხოლმე პარტიებს შეიარაღებული ფრთა. თქვენ ხართ საპარლამენტო ფრთა “ნაციონალური მოძრაობის”, ჩემდა სამწუხაროდ.ჩემდა სამწუხაროდ და ჩვენდა სამწუხაროდ იმიტომ, რომ საპარლამენტო ძლიერი ოპოზიცია წყალივით სჭირდება “ქართულ ოცნებას”. რამდენი კანონპროექტი გამოვიდა, წელიწად-ნახევარია არ გამიცდენია არცერთი სხდომა, აქ ვზივარ. ჩავხედავ, არის ხარვეზი ხომ, ხარვეზებს მე ვხედავ კანონპროექტებში, რომელიც შემოდის და ვამოწმებ, აბა, რას იზამენ, იტყვიან თუ არა ამ ხარვეზის შესახებ. არცერთ ხარვეზზე, რომელიც მე, ჩემი მოკრძალებული შესაძლებლობებით დამინახავს უმრავლესობის მიერ ან აღმასრულებელი ხელისუფლების მიერ ინიციირებულ კანონპროექტში, არცერთზე ხელი არ აგიწევიათ, იმიტომ, რომ ვერ ხედავთ ან არ ხედავთ და არარსებულ თემებზე მართავთ თავისუფალ ტრიბუნებს. არარსებულია უკვე თემა იმიტომ, რომ გამოძიება მიმდინარეობს. დღევანდელი თავისუფალი ტრიბუნა თქვენ მიერ გამოყენებული და არ ვიცი, ამას რა ეშველება, რეგლამენტშია ცვლილება შესატანი თუ რა, პირდაპირ არის უხეში ჩარევა გამოძიებაში. პირდაპირ ერევით, რაც არის კანონით აკრძალული გამოძიებაში ჩარევა. ხვნეშა არ შველის ამას სამწუხაროდ, ცოტა მეტი წიგნის წაკითხვაა საჭირო, მათ შორის, იურისპრუდენციაში. აქ არ ვართ სტუდენტურ თვითმმართველობაში, ბატონო გიორგი. ცოტა უფრო მეტი ასაკი გაქვთ დღეს და უფრო მეტი სერიოზულობა გმართებთ. ყველა პოლიციელს ვთხოვ, ნუ მივცემთ მტრებს სალაპარაკოს. და გახარიას წინააღმდეგ განაჩენი უნდა აღსრულდეს იმიტომ, რომ ამას ამბობს სტრასბურგის სასამართლო და აქ რომ თითებს გვიქნევთ ჩამოიყვანეთ რომ პასუხი აგოს კანონის წინაშე და მერე თავისუფალი ტრიბუნა უფრო დამაჯერებელი იქნება.”- განაცხადა თეა წულუკიანმა.

პოლიტიკა • 1779985561

თეა წულუკიანი გახარიას პარტიის წევრებს: ხელი აწიეთ, რამდენი იყავით ჩვენთან ერთად ბრძოლაში და სად იყავით. ზოგიერთები ჩუმად რომ ვართ, არ ნიშნავს, რომ წიხლები უნდა გვირტყათ. წიხლებს ნუ გვირტყამთ, თორემ ისეთ წიხლს გამოვიქნევთ, ფეხზე ვერ დადგებით ვერცერთი

ხელს აიქნევთ ხოლმე, გამოიქნევთ ჩემკენაც და კიდევ აქ მსხდომი ადამიანებისკენაც და იტყვით - მონები, ნაცები, თქვენ მე მართლა თვალში ხომ არ გეპატარავებით, პირდაპირი მნიშვნელობით არ გეკითხებით. მე თქვენ არ მახსოვხართ და რომ დავსვა კითხვა, რამდენი იყავით “საქართველოსთვის” ფრაქციის წევრი ჩვენთან ერთად ბრძოლაში. ხელი აწიეთ რამდენი იყავით და სად იყავით - ასე მიმართა საპარლამენტო უმრავლესობის წევრმა თეა წულუკიანმა “საქართველოსთვის” წევრებს პარლამენტის პლენარულ სხდომაზე.წულუკიანს უსამართლოდ მიაჩნია, როცა მას და მის თანაგუნდელებს „ნაცებს“, „მონებს“ უწოდებენ და ხაზს უსვამს, რომ თავად და მისი გუნდის წევრები წლების განმავლობაში აქტიურად იბრძოდნენ “ნაცების” წინააღმდეგ, როდესაც ზოგიერთი ოპოზიციონერი მაშინ საერთოდ არ ჩანდა.“ძალიან მტკივნეულად განვიცდი არა იმას, რომ თქვენ ჩემნაირ ადამიანებს, ბატონო გიორგი შარაშიძეს ეკუთვნის ეს შენიშვნა პირველ რიგში და ჩემდა დიდად სამწუხაროდ ქალბატონ სოფოსაც, რომელსაც მე მინდა მაინც ვთქვა, რომ დიდ პატივს ვცემ იმიტომ, რომ ის მართლაც არის ნაბრძოლი ადამიანი, მაგრამ როგორც ირაკლი კვირიკაძის ფილმშია ნათქვამი, როგორ მოხვდი მანდაო, აი, ეს კითხვა სულ მაწუხებს. ესე იგი, ბატონო გიორგი, თქვენ ხელს აიქნევთ ხოლმე, გამოიქნევთ ჩემკენაც და კიდევ აქ მსხდომი ადამიანებისკენაც და იტყვით მონები, ნაცები, თქვენ მე მართლა თვალში ხომ არ გეპატარავებით, პირდაპირი მნიშვნელობით არ გეკითხებით. მე თქვენ არ მახსოვხართ და რომ დავსვა კითხვა, რამდენი იყავით “საქართველოსთვის” ფრაქციის წევრი ჩვენთან ერთად ბრძოლაში.ხელი აწიეთ რამდენი იყავით და სად იყავით. მე არ მახსოვხართ და არ მგონია, რომ ამნეზია მჭირს. თორემ ურნასთან თუ იბრძოდით, ამომრჩეველი იქ ძალიან დიდ როლს თამაშობდა და კი ბატონო, მაგრამ ხელს როცა აიქნევთ და იტყვით, რომ მე ვიბრძოდი… თქვენ იბრძოდით და მე მეძინა, თუ როგორ იყო საქმე? თუ რა ხდებოდა საერთოდ. თუ გრეტა წიწავაა ნაციონალი, დალეწილი ჰქონდა მხარი, იბრძოდა ხმალამოღებული, თუ რომელი, ვინ არის ნაციონალი. 2012-იანელები ბევრი არიან ამ დარბაზში და არაერთი არ არის ამ დარბაზში, მაგრამ კი არ გარდაცვლილან”- აღნიშნა წულუკიანმა.

პოლიტიკა • 1779983736

თეა წულუკიანი: ყველა პოლიციელს მოვუწოდებ სიფრთხილისკენ, თქვენ გყავთ მტრები, ჩასაფრებულები, რაც მოხდა, გაუხარდათ, საზარელი სანახავი იყო - იმ ექვს პოლიციელს მინდა, ვუსაყვედურო: თქვენ ამათ მიეცით სალაპარაკო - ნუ მივცემთ მტრებს სალაპარაკოს!

ყველა პოლიციელს ვთხოვ, რომ ნუ მივცემთ მტრებს სალაპარაკოს, - ასე მიმართა პარლამენტის თავმჯდომარის მოადგილემ, თეა წულუკიანმა სამართალდამცავებს პარლამენტის ტრიბუნიდამ.ის გორში მომხდარ ინციდენტს გამოეხმაურა და აღნიშნა, რომ კადრები, რომელიც საზოგადოებამ იხილა „საზარელი სანახავი იყო“.„მე მინდა ყველა პოლიციელს მივმართო, კიდევ ერთხელ ვუთხრა იმათ, ვინც კანონის დაცვით გვიცავს, ასეთია 99%-ზე მეტი და გვაძლევს ამ ქვეყანაში დაცულობის განცდას, მინდა, მოვუწოდო სიფრთხილისკენ, თქვენ გყავთ მტრები, ჩასაფრებულები და მათი აზრით, თქვენ უნდა დაზიანდეთ. გაუხარდათ გუშინ რაც მოხდა, საზარელი სანახავი იყო ეს ყველაფერი და იმ ექვს პოლიციელს, სადაც ბრძანდებიან, [მინდა] ვუსაყვედურო, თქვენ ამათ მიეცით სალაპარაკო, ყველა პოლიციელს ვთხოვ, რომ ნუ მივცემთ მტრებს სალაპარაკოს“, - განაცხადა თეა წულუკიანმა.

პოლიტიკა • 1775210026

რომან გოცირიძე: ამ სისულელის მართლა გჯერათ, რომ ცოცხალ ძაღლებს წვავენ? გარდენია შევარდნაძე იმიტომ არის დამნაშავე, რომ მის პოსტებს წულუკიანი ულაიქებს?- სად არიან ოპოპარტიები, ვინ ქმნის დღეს ქვეყანაში კრიტიკულ დღის წესრიგს?!

ამ სისულელის მართლა გჯერათ, რომ ცოცხალ ძაღლებს წვავენ? მართლა გჯერათ, რომ კალაძის ცოლმა მისი ქმრის მოგონილ თუ ნამდვილ საყვარელს ვარდისფერი კუბო გაუგზავნა? მართლა გჯერათ, რომ გარდენია შევარდნაძე იმიტომ არის დამნაშავე, რომ მის პოსტებს წულუკიანი ულაიქებს?- წერს ოპოზიციონერი პოლიტიკოსი რომან გოცირიძე სოციალურ ქსელში.ის ამბობს, რომ ამის თუ ვინმეს მართლა სჯერა, ეს მხოლოდ ოპოზიციურად განწყობილი ადამიანების მცირე ჯგუფია.„ამ სისულელის მართლა გჯერათ, რომ ცოცხალ ძაღლებს წვავენ?მართლა გჯერათ, რომ კალაძის ცოლმა მისი ქმრის მოგონილ თუ ნამდვილ საყვარელს ვარდისფერი კუბო გაუგზავნა?მართლა გჯერათ, რომ გარდენია შევარდნაძე იმიტომ არის დამნაშავე გამოსაცდელი ვადით აყვანილი პირის წინაშე, რომ მის პოსტებს წულუკიანი ულაიკებს და რადგან ლამაზი ყვავილები აქვს, უკრაინის დროშის ფერი თაიგული არ გამოდო ფეისბუკზე?თუ ვინმეს მართლა სჯერა, ეს მხოლოდ ოპოზიციურად განწყობილი ადამიანების მცირე ჯგუფია. ხელისუფლების შეცვლას გადაუწყვეტელი და ოცნებისთვის ზურგშექცეული ადამიანების მიმხრობა სჭირდება. “ოცნების” ხელისუფლების ამ გზით გაშავებას რაიმე შედეგი მოაქვს?წალეკა ტელევიზიები და სოციალური სივრცე ოპოისტერიამ. ფასების ზრდა ყველას დაავიწყდა.სად არიან ოპოპარტიები, ვინ ქმნის დღეს ქვეყანაში კრიტიკულ დღის წესრიგს?!“-წერს რომან გოცირიძე.

პოლიტიკა • 1775119560

თენგიზ შარმანაშვილი: „ნაციონალურმა მოძრაობამ“ აბსურდული სარჩელი მოამზადა, ამიტომ საკონსტიტუციო სასამართლოს გადაწყვეტილება მოსალოდნელი იყო, აბსურდს არავინ დაგიკმაყოფილებს

„ნაციონალურმა მოძრაობამ“ პიარისთვის იმდენად აბსურდული, არასამართლებრივი წესით მოამზადა სარჩელი, რომ საკონსტიტუციო სასამართლოს გადაწყვეტილება მოსალოდნელიც იყო, – ამის შესახებ საპარლამენტო უმრავლესობის წევრმა, თენგიზ შარმანაშვილმა განაცხადა.შარმანაშვილს კითხვა დაუსვეს „ნაციონალური მოძრაობის“ განცხადებაზე, რომლის მიხედვითაც, საკონსტიტუციო სასამართლომ „ნაციონალურ მოძრაობას“ უარი უთხრა სარჩელის განხილვაზე, რომელიც დროებითი საგამოძიებო კომისიის კონსტიტუციურობის საკითხს ეხებოდა.„თავის იურისტებსა და საკუთარ თავს დააბრალონ, როდესაც სასამართლოების წინაშე იურიდიულად გაუმართლებელ მოთხოვნებს აყენებენ. რა გვიკვირს, ამას მხოლოდ საქართველოში აკეთებენ? შექმნიან რაღაც აბსურდულ სარჩელებს, გაიქცევიან სტრასბურგის სასამართლოში, დამარცხდებიან, ჩამოვლენ და ხმას აღარ იღებენ. „ნაციონალური მოძრაობის“ სარჩელი დასაბუთებული არ იყო. ხელშესახები სამართლებრივი საფუძვლები წერია? – არა. გამოყენებულია ფრაზები „ე.წ უკანონო პარლამენტი და უკანონოდ შექმნილი წულუკიანის კომისია“. თუნდაც ეს ორი ფრაზა სასამართლოსთვის წონადი არგუმენტია? პოლიტიკურად რაღაცები მიგაჩნია და სასამართლოში რას ამტკიცებ, რომ არ არსებობს საქართველოს პარლამენტი? არ არსებობს კომისია, რომელიც პარლამენტმა შექმნა კონსტიტუციის, კანონით დადგენილი წესით? მათ შორის საკონსტიტუციო სასმართლოში შეიძლება ხვალ არჩეული იყვნენ ადამიანები, რომლებიც ამ პარლამენტმა უნდა განაწესოს კონსტიტუციით დადგენილი წესით. შემდეგ არ უნდა გაგიკვირდეს, რომ ამ აბსურდს არავინ დაგიკმაყოფილებს“, – განაცხადა თენგიზ შარმანაშვილმა.

პოლიტიკა • 1775076420

წულუკიანი: სტრასბურგის სასამართლომ მხარეებს შორის სადავოდ აქცია საკითხი - არიან თუ არა ეს ენჯეოები და ადამიანები საერთოდ მსხვერპლნი გამჭვირვალობის კანონის მიღების შემდეგ. რა თქმა უნდა ისინი ამაზე ბევრს არ საუბრობენ, რადგან არ აწყობთ

მათთვის მთავარია, რომ „ქართული ოცნება“ აღარ არსებობდეს და იყვნენ თვითონ, მაგრამ თვითონ ვერ არიან და ვერ იქნებიან ასე თუ გააგრძელეს, - განაცხადა გადაცემაში „იმედი LIVE“ პარლამენტის თავმჯდომარის მოადგილე თეა წულუკიანმა ოპოზიციაზე საუბრისას. წულუკიანის თქმით, ისინი საკუთარი ქვეყნის წინაშე პასუხისმგებლობას ვერ გრძნობენ.„უმძიმესი ვითარება რომ არის გარშემო ამას მგონი სკოლის მოსწავლეც კი ხედავს, არამცთუ ზრდასრული ადამიანი, რომელიც პოლიტიკოსად წარმოაჩენს თავს. მაგრამ მათთვის ეს არ არის საინტერესო, მათთვის მთავარია, რომ ქართული ოცნება აღარ არსებობდეს და იყვნენ თვითონ, მაგრამ თვითონ ვერ არიან და ვერ იქნებიან ასე თუ გააგრძელეს და როცა იყვნენ ისიც ვნახეთ, რომ მსოფლიოში ტურბულენტობის დროს საკუთარი ქვეყნის გაწირვას არ ერიდებოდნენ და მეტ-ნაკლები მშვიდობიანობის დროსაც ისე იქცეოდნენ, რომ აქ რუსეთი შემოჭრილიყო. რეალურად პასუხისმგებლობასაც არ გრძნობენ თავიანთი ქვეყნის წინაშე. ეს მათი პოლიტიკური დღის წესრიგია, რომელიც მათ შორს ვერ წაიყვანს“, - აღნიშნა მან.ამასთან, წულუკიანმა უპასუხა კითხვას, რომელიც შეეხებოდა გამჭვირვალობის კანონის წინააღმდეგ სტრასბურგში ენჯეოების საჩივარს.„არავითარი დაჩქარებული წესით ეს საჩივარი არ იხილება. მთავარი არის ის შეკითხვები, რომელიც მთავრობამ მიიღო და შეკითხვებიდან პირველი კითხვა არის მსხვერპლის სტატუსთან დაკავშირებით. ანუ, მარტივად რომ ვთქვათ, სტრასბურგის სასამართლომ მხარეებს შორის სადავოდ აქცია საკითხი - არიან თუ არა ეს ორგანიზაციები და ადამიანები საერთოდ მსხვერპლნი გამჭვირვალობის კანონის მიღების შემდეგ. როგორც წესი, სტრასბურგის სასამართლო ამ კითხვას არ სვამს გარდა იმ შემთხვევისა, თუ თავად არ აქვს კითხვა/ეჭვი იმასთან დაკავშირებით, რომ, ვინც მას მიმართა, არიან განა ისინი მსხვერპლი იმ კანონისა, რომელზეც ჩივიან. მათი მსხვერპლის სტატუსი არის სადავოდ ქცეული, ამიტომ მთავრობა იდავებს, კერძოდ კი იუსტიციის სამინისტრო და ეს საკითხი გამოირკვევა. ეს არის პირველი სადავო საკითხი, რაც თვითონ სტრასბურგის სასამართლომ წამოჭრა. რა თქმა უნდა, ისინი ამაზე ბევრს არ საუბრობენ, რადგან არ აწყობთ. იქ არის შინაარსობრივი კითხვებიც, სტიგმატიზაციაზე, არის კითხვები პერსონალური მონაცემების ნაწილში, ირღვევა თუ არა კონკრეტული პირების უფლებები. ამ კითხვებზე დათქმულ ვადებში გასცემს მთავრობა პასუხს. შემდეგ მომჩივნებს ექნებათ ვადა, რომ მთავრობის პასუხზე პასუხი გააგზავნონ და უნდა ვივარაუდოთ, რომ 1 წლის შემდეგ, ასეთი თუ ისეთი გადაწყვეტილება იქნება სტრასბურგის სასამართლოსგან. წინასწარ, იმის თქმა, რომ ვიღაცას რაღაც უნდა უხაროდეს, რომელმაც ისიც კი ვერ გააგებინა სტრასბურგის სასამართლოს ნამდვილად მსხვერპლია თუ არა, წინასწარ მათ ადგილას არაფერს ვიზეიმებდი“, - განაცხადა წულუკიანმა.

პოლიტიკა • 1775074260

თეა წულუკიანი: მოდით, ევროპარლამენტის ყველა წევრს ერთ კალათაში ნუ მოვათავსებთ იმიტომ, რომ იქ უფრო და უფრო აქტიურად ისმის ალტერნატიული აზრიც, რომლებიც იცავენ საქართველოს სახელმწიფოებრიობას, იცავენ ჩვენს თავისუფლებას

მოდით, ევროპარლამენტის ყველა წევრს ერთ კალათაში ნუ მოვათავსებთ იმიტომ, რომ იქ უფრო და უფრო აქტიურად ისმის ალტერნატიული აზრიც, რომლებიც იცავენ საქართველოს სახელმწიფოებრიობას, იცავენ ჩვენს თავისუფლებას, - განაცხადა გადაცემაში „იმედი LIVE“ პარლამენტის თავმჯდომარის მოადგილე თეა წულუკიანმა.მისი თქმით, საკუთარ კოლეგებს აკრიტიკებენ იმისთვის, რომ რეალურად დემოკრატიას ეძახის ზოგიერთი მათგანი ანტიდემოკრატიულ პროცესს.„დემოკრატიულ პროცესს ანტიდემოკრატიულად რაცხავენ და ეს შეფასებები მხოლოდ და მხოლოდ იმის მიხედვით კეთდება, მათ რა მოსწონთ პირადად. ან რა დავალება აქვთ მიღებული, ან რაში აქვთ ფული აღებული. ისმის განსხვავებული აზრიც და რაც უფრო მეტად გამოფხიზლდება შიდა პოლიტიკა სხვადასხვა ევროპულ ქვეყანაში, მით უფრო წინ წამოვლენ ის ძალები, რომლებიც იტყვიან სიმართლეს, შავს დაარქმევენ შავ ფერს და თეთრი იქნება თეთრი. მაქსიმალური ობიექტურობა არცერთ საპარლამენტო სტრუქტურაში არ არის და ვერ იქნება ვერცერთ ქვეყანაში. რამდენი დეპუტატიც არის, იმდენჯერ ათჯერ მეტი აზრია ხოლმე, მაგრამ ყოველ შემთხვევაში, წლებთან ერთად უფრო ობიექტური უნდა გახდეს ევროპარლამენტი, რომელიც სამწუხაროდ დღეისათვის, ერთ დიდ, ყველას ეს არ ეხება, მაგრამ ტაკიმასხარების შეკრებას დაემსგავსა სამწუხაროდ“, - აღნიშნა თეა წულუკიანმა.

პოლიტიკა • 1775074020

წულუკიანი რუბიოს ზარზე: ეს ზარი და თვითონ ფაქტი არის ძალიან მნიშვნელოვანი, შინაარსიდან გამომდინარე ჩვენ შეგვიძლია გამოვთქვათ ფრთხილი იმედი იმასთან დაკავშირებით, რომ ურთიერთობები გაჯანსაღდება

ეს ზარი და თვითონ ფაქტი არის ძალიან მნიშვნელოვანი, შინაარსიდან გამომდინარე ჩვენ შეგვიძლია გამოვთქვათ ფრთხილი იმედი იმასთან დაკავშირებით, რომ ურთიერთობები გაჯანსაღდება. სხვაგვარად ვერც იქნება, ეს დროის საკითხია, ჩვენ გვსურს, რომ ეს იყოს რაც შეიძლება მალე, - განაცხადა გადაცემაში „იმედი Live” საქართველოს პარლამენტის ვიცე-სპიკერმა თეა წულუკიანმა აშშ-ს სახელმწიფო მდივანსა და საქართველოს პრემიერ-მინისტრს შორის შემდგარ სატელეფონო ზარზე საუბრისას.თეა წულუკიანი მარკო რუბიოს ზართან დაკავშირებით ოპოზიციის რეაქციებსაც გამოეხმაურა.„შეიძლება არ გიხაროდეს, რომ მსოფლიოში და რეგიონში არსებულ უმძიმეს ვითარებაში შენი ქვეყნის პრემიერ-მინისტრს ურეკავს აშშ-სახელმწიფო მდივანი? ეს საუბარი იძლევა იმედს იმისა, რომ გაჭიანურებული პროცესის ჯანსაღ ტალღაზე გადაყვანის მომენტი დგება. ეს არ გაგიხარდეს, ეს ძალიან მძიმე დიაგნოზია ნებისმიერი ქართველისთვის. ისინი ასე ვერ მოიმხრობენ ამომრჩეველს, ამომრჩეველიც იზრდება, სწავლობს, ბევრი რამე ნახა ამომრჩეველმა და ამიტომ ამგვარ არასერიოზულობას აღარ სცემს პატივს და არ ხდება ამის მომხრე. ამ ძალებმა ეს ვერ გაიგეს. ნაცვლად იმისა, რომ შინაარსობრივი კითხვები დაესვათ, ნაწილმა ვითომ ვერ გაიგო, ნაწილმა დააკნინა თუ გააუბრალოვა. მთავარი არის ის, რომ ეს ზარი და თვითონ ფაქტი არის ძალიან მნიშვნელოვანი. შინაარსიდან გამომდინარე ჩვენ შეგვიძლია გამოვთქვათ ფრთხილი იმედი იმასთან დაკავშრებით, რომ ურთიერთობები გაჯანსაღდება. სხვაგვარად ვერც იქნება, ეს დროის საკითხია, ჩვენ გვსურს რომ ეს იყოს რაც შეიძლება მალე“,- აღნიშნა თეა წულუკიანმა.

პოლიტიკა • 1775073660

თეა წულუკიანი თავისუფალ მედიაზე თავდასხმაზე: მიზანია, რომ მორიგ ჯერზე დახურონ „იმედი“ - ეს სანქცია პირდაპირ არღვევს ადამიანის უფლებების კონვენციის მე-10 მუხლს, რომელიც იცავს გამოხატვის თავისუფლებას

ჩემი აზრით, მიზანი ის არის, რომ მორიგ ჯერზე დახურონ „იმედი“, მორიგ ჯერზე შემოიჭრან თქვენს ჟურნალისტურ საქმიანობაში იგივე ძალები, ვინც მანამდე „იმედში“ ნიღბებით შემოიჭრა, - განაცხადა გადაცემაში „იმედი LIVE” პარლამენტის თავმჯდომარის მოადგილემ თეა წულუკიანმა, ბრიტანეთის მთავრობის მიერ თავისუფალ მედიაზე თავდასხმასთან დაკავშირებით დასმულ კითხვაზე პასუხად.მისი თქმით, ეს სანქცია, პირდაპირ არღვევს ადამიანის უფლებების კონვენციის მე-10 მუხლს, რომელიც გამოხატვის თავისუფლებას იცავს.„მე არ მომერიდება და ვიტყვი, მით უმეტეს საგამოძიებო კომისიის ფარგლებში მოსმენილი მოწმეების ჩვენებების შემდეგ, რომ სწორედ ამ მოვლენებმა ბადრი პატარკაციშვილს სიცოცხლე მოუსწრაფა. ამის გამეორება უნდათ, რომ აქ კიდევ ერთხელ გაჩუმდეს ის სიტყვა, რომელიც ისმის - ზოგისთვის ძალიან მისაღები და მოსაწონი, ზოგისთვის მიუღებელი. მათთვის მიუღებელია, ეს ვიცით და ამიტომ უნდათ, რომ თქვენ გაჩუმდეთ. თუ თქვენ აღარ იქნებით, ხალხიც ადვილი სამართავი გახდება იმიტომ, რომ აღარ ექნებათ ალტერნატიული აზრი. ეს ის ფილმია, რაც უკვე ბევრჯერ ვნახეთ, უბრალოდ ახლა ჩვენ უფრო ძლიერები ვართ და ამ ფილმის ეკრანზე გაშვების საშუალებას მათ არ ვაძლევთ, თორემ სცენარი იგივეა.უფრო კონვენციური და კონსტიტუციური კუთხით თუ შევხედავთ, ჩემი მოსაზრებით, ეს სანქცია, რომელიც არავითარ დამაკმაყოფილებელ დასაბუთებას არ შეიცავს, პირდაპირ არღვევს ადამიანის უფლებების კონვენციის მე-10 მუხლს, რომელიც იცავს გამოხატვის თავისუფლებას და იმ მუხლში პირდაპირ წერია, რომ გამოხატვის თავისუფლება სხვა ბევრ რამეს შორის გულისხმობს ინფორმაციის გადაცემის თავისუფლებას. სწორედ ამ ინფორმაციის გადაცემა, რასაც თქვენ გადმოგვცემთ თქვენი არხით, მავანს უნდა რომ შეზღუდოს, ან გაანულოს, რასაც დღემდე ვერ ახერხებს“, - განაცხადა წულუკიანმა.

პოლიტიკა • 1775073183

თეა წულუკიანი: ქვეყნის წინააღმდეგ რაიმე ტიპის სანქციების მოლოდინი არ მაქვს, ინდივიდუალური თუ იქნება ჩვენ მიჩვეული ვართ

ქვეყნის წინააღმდეგ რაიმე ტიპის სანქციების მოლოდინი არ მაქვს, ინდივიდუალური თუ იქნება ჩვენ მიჩვეული ვართ და მივიღებთ ახალ სანქციებსაც, არც ეს არის პრობლემა, - განაცხადა გადაცემაში „იმედი Live” საქართველოს პარლამენტის ვიცე-სპიკერმა თეა წულუკიანმა.მისივე თქმით, სანქციები აღარ არის მჭრელი იარაღი.„ეს არხიც დასანქცირებულია, მაგრამ არაფერი გეტყობათ, მე თქვენზე უფრო სტაჟიანი დასანქცირებული ვარ, მაგრამ მშვიდად მძინავს ღამით. არ ვაპირებდი არც მანამდე იმ ქვეყნებში მოგზაურობას, რომლებმაც თითი დამიქნიეს და მითხრეს ტალინში ჩამოსული არ დაგინახოთო. სანქციები ორგანიზაციებზე ან ინდივიდებზე შესაძლოა კიდევ იყოს, მაგრამ ეს უკვე აღარ არის მჭრელი იაღი, ყველამ გამოვცადეთ - ვაგრძელებთ ცხოვრებას, მუშაობას და ქვეყანა აგრძელებს არსებობას არც თუ ისე ურიგოდ. ამიტომ ქვეყნის წინააღმდეგ არ მგონია და ინდივიდუალური თუ იქნება ჩვენ მიჩვეული ვართ და მივიღებთ ახალ სანქციებსაც, არც ეს არის პრობლემა“, - განაცხადა პარლამენტის ვიცე-სპიკერმა.