ტექნოლოგიები • 1765869530

ეგვიპტეში 4 400 წლის მზის ტაძრის ნანგრევები აღმოაჩინეს

ეგვიპტეში, აბუსირის ნეკროპოლისში მზის ტაძრის ნანგრევები აღმოაჩინეს, რომლის ასაკიც 4 400 წელია. არქეოლოგებმა იპოვეს ტაძრის შესასვლელი, იატაკი, სვეტები და რელიგიური დღესასწაულების კალენდარი.სპეციალისტები ვარაუდობენ, რომ ტაძარი ფარაონ ნიუსერას მმართველობის დროს აშენდა, რომელიც ტახტს ძველი წელთაღრიცხვით 2420-2389 წლებში იკავებდა. მათივე შეფასებით, ტაძრის ფართობი 1000 კვადრატულ მეტრს აღემატებოდა.წინასწარი კვლევები აჩვენებს, რომ მას შემდეგ, რაც ტაძარი სამეფო კულტის ადგილად აღარ გამოიყენებოდა, ის პატარა დასახლებად გადაკეთდა. ამის წყალობით, მეცნიერები შეძლებენ შეისწავლონ მემფისის რეგიონის ყოველდღიური ცხოვრება იმ პერიოდში, რომელიც ხშირად ცუდად დოკუმენტირებულად ითვლება.

საზოგადოება • 1765311784

„თბილი და საყვარელი ადამიანი აღარ არის... არასოდეს დამავიწყდება შენი სიკეთე...“ - ვრცელდება სამწუხარო ინფორმაცია

გარდაიცვალა სტიქაროსანი დავით მურადაშვილი, - სამწუხარო ინფორმაციას სოციალურ ქსელში გორის ყოვლადწმიდა სამების ტაძარი ავრცელებს.„აღდგომის სასოებით მიიცვალა ჩვენი ტაძრის სტიქაროსანი დავით მურადაშვილი.თქვა უფალმა - „მე ვარ აღდგომა და სიცოცხლე, ვინც მე მიწამებს, თუნდაც რომ მოკვდეს, იცოცხლებს“.ჩვენი სამრევლოს სახელით ვუსამძიმრებთ მის ოჯახს. მოიხსენეთ თქვენს ლოცვებში დავითის უკვდავი სული“, - ნათქვამია სამძიმრის პოსტში.

ტაბლოიდი • 1765053001

„სტამბოლში არსებობს ასეთი ტაძარი, სადაც 8 სურვილიდან 7 ამიხდა“- სალომე გოგიაშვილი

ტელეჟურნალისტი სალომე გოგიაშვილი სტამბოლში სასწაულმოქმედ ტაძარს ესტუმრა და როგორც თავად ამბობს 8 სურვილიდან 7 აუხდა.„ვინც სტამბოლში ნამყოფია, მათ აუცილებლად ეცოდინებათ, რომ არსებობს ასეთი ტაძარი, სადაც რომ მიხვალთ, შეგიძლიათ გასაღები შეიძინოთ, ჩაუთქვათ სურვილები და რომ აგისრულდებათ, მერე აუცილებლად უნდა დააბრუნოთ. აქ მაქვს 8 გასაღები, 7 ამიხდა. ერთ ცალს ვიტოვებ, ახლა მივდივარ უკან დასაბრუნებლად. რომ ჩახვალთ, აუცილებლად ეწვიეთ ამ ტაძარს. არ ვიცი ფსიქოლოგიურია, სასწაული ხდება, მაგრამ ყოველ შემთხვევაში, მე ძალიან მალე ამიხდა, თან გულით მინდოდა...“, - თქვა სალომე გოგიაშვილმა ირინა ქიქოძის პოდკასტში სტუმრობისას.სასწაულმოქმედი ტაძარი სტამბოლში, რომელსაც ხშირად გასაღების, სურვილების, ან პირველი დღის ტაძარს უწოდებენ, სინამდვილეში ღვთისმშობლის სახელობისაა, რომელიც ცხოველმყოფელ წყაროზე აიგო. მორწმუნეების აზრით, თუ კი ამ ტაძარში შეიძენენ გასაღებებს და მას მოარგებენ ბოქლომებს ხატზე, ყველა ჩაფიქრებული სურვილი და ნატვრა ამ რიტუალის შესრულების შემდეგ აუხდებათ…სპეციალურად, ამ რიტუალის შესასრულებლად, მსოფლიოს ყველა კუთხიდან მოდიან მომლოცველები, რომ შეიძინონ ეს გასაღებები, ჩაუთქვან სურვილები და შემდეგ დაელოდონ მის ასრულებას. ვისაც ნატვრა უსრულდება, ის ბრუნდება სტამბოლში და ტოვებს ამ გასაღებებს, ამიტომაც, როგორც ამბობენ, იმდენად ხშირია გასაღებების დაბრუნება, რომ მოძღვრები ოსტატებს მცირე რაოდენობით გასაღებებს უკვეთენ.

საზოგადოება • 1764849690

მეუფე შიო: დღეს ყოვლადწმინდა ღვთისმშობელი მიიყვანება ტაძარში - ტაძარი გახლავთ ზეცის ანარეკლი დედამიწაზე, სადაც ადამიანს შეუძლია, როგორც სარკეში, იპოვოს თავისი თავი და გაიგოს თავისი დანიშნულება

ყოვლადწმინდა ღვთისმშობლის ყველა დღესასწაული განსაკუთრებული სიხარულია ჩვენთვის, ქრისტიანებისთვის. ჩვენ ვხარობთ, რომ მისი სახით სამყარომ უპასუხა ზეციურ მოწოდებას, უპასუხა ღმერთს მორჩილებით, სიყვარულით, რწმენით, ერთგულებით. ჩვენ ვხარობთ უფალ იესო ქრისტეს გამო, რომ ძე ღმერთი განკაცდა და გახდა ადამიანი, - განაცხადა თბილისის ყოვლადწმინდა სამების სახელობის საპატრიარქო ტაძარში საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, შიომ (მუჯირი) ყოვლადწმინდა ღვთისმშობლის ტაძრის მიყვანების დღესასწაულზე ქადაგებისას.მან შეკრებილებს სრულიად საქართველოს კათოლიკოს-პატრიარქ ილია II-ის ლოცვა-კურთხევა გადასცა და ყოვლადწმინდა ღვთისმშობლის ტაძრად მიყვანებაზე ისაუბრა. მეუფის თქმით, ტაძარი არის „ზეცის ანარეკლი დედამიწაზე, სადაც ადამიანს შეუძლია, როგორც სარკეში, იპოვოს თავისი თავი და გაიგოს თავისი დანიშნულება“.„დღეს ყოვლადწმინდა ღვთისმშობელი მიიყვანება ტაძარში. მართალნი იოაკიმე და ანა ასრულებენ თავიანთ აღთქმას და მიჰყავთ ყრმა მარიამი ტაძარში, რომ მიუძღვნან უფალს. მათ ანთებული სანთლებით მიაცილებენ ქალწულები. ყრმა მარიამს დააყენებენ ტაძრისკენ მიმავალი კიბის პირველ საფეხურზე და ის ყველასთვის მოულოდნელად, როგორც ზრდასრული, უშიშრად იწყებს ასვლას თვითონ, დამოუკიდებლად ამ კიბეებზე. ზევით, შესასვლელთან მას დახვდა მღვდელმთავარი ზაქარია, რომელმაც, სულიწმინდისგან შთაგონებულმა, შეიყვანა ყრმა მარიამი ტაძარსა და თვით ტაძრის წმინდათა წმინდაში, სადაც ვერავინ შედიოდა, მღვდელმთავრის გარდა, ისიც მხოლოდ წელიწადში ერთხელ.იოაკიმესა და ანას მეშვეობით კაცობრიობამ მიართვა უფალს, შეიძლება ასე ითქვას, უმანკო არსება და ელოდა მაცხოვრის მოსვლას. ამიტომაც უგალობს დღეს წმინდა ეკლესია ყოვლადწმინდა ღვთისმშობელს ასეთი სიტყვებით: „ტაძარსა შინა ღვთისასა ქალწული დაემკვიდრების, და ქრისტესა ყოველთა გვახარებს“. ამიტომაც იგალობება დღევანდელი დღიდან მოყოლებული ყველა ტაძარში საშობაო საგალობლები, რომლებიც ადიდებენ ქრისტეს შობას და მაცხოვრის მოსვლას დედამიწაზე.დღეს მიიყვანება ყოვლადწმინდა ღვთისმშობელი ტაძარში. როგორც გითხარით, იგი დააყენეს კიბის პირველ საფეხურზე და შემდეგ თვითონ დაიწყო აღმასვლა. ასეა ჩვენს სულიერ ცხოვრებაშიც. ნათლობისა და მირონცხების საიდუმლოებით წმინდა ეკლესია გვაყენებს სულიერი კიბის პირველ საფეხურზე, შემდეგ კი თვითონ უნდა ვიაროთ ამ გზით ღმერთისკენ, წმინდათა წმინდასკენ.რაოდენ სასიხარულოა ეს გზა, ძვირფასო ძმებო და დებო! ჩვენ არ ვართ მარტონი, რადგან ამ გზაზე გვეხმარება და გვამხნევებს თვით ყოვლადწმინდა ღვთისმშობელი. მან ტაძარი იმდენად შეიყვარა, რომ არ განშორებია მას, სანამ იყო ამის საშუალება. თქვენ იცით, რომ იგი იქ ცხოვრობდა, სწავლობდა წმინდა წერილს, შრომობდა, ლოცულობდა და იქიდან გამოვიდა ის, ვინც გახდა დედა ღვთისა, მთელი კაცობრიობის დედა, მეოხი და შუამდგომელი.გილოცავთ კიდევ ერთხელ ამ დიდებულ დღესასწაულს. შეგვეწიოს ყოვლადწმინდა ღვთისმშობელი, რომ ნაწილობრივ მაინც ჩვენც ვეზიაროთ ტაძრისადმი ასეთ სიყვარულს და ნაცვლად ამსოფლიური შფოთისა, ამაოებისა, გაღიზიანებისა, ჩვენში, ჩვენს სულებში შემოვიდეს ტაძრისგან მიღებული მადლი და შთაბეჭდილებები.თქვენ იცით, ტაძარს ეწოდება ღვთის სახლი, ღვთის სამყოფელი, არამხოლოდ იმიტომ, რომ ის განსაკუთრებული წესით იკურთხება, არამედ ასევე იმიტომ, რომ აქ იკრიბებიან ადამიანები ქრისტეს გულისთვის, რომელმაც ბრძანა: „სადაც ორი ან სამი შეიკრიბება ჩემი სახელით, იქ მე ვარ“ (მთ. 18, 20).ტაძარი გახლავთ ზეცის ანარეკლი დედამიწაზე, სადაც ადამიანს შეუძლია, როგორც სარკეში, იპოვოს თავისი თავი და გაიგოს თავისი დანიშნულება.დღეს წმინდა ყრმა შედის ტაძარში, ძვირფასო ძმებო და დებო, და ყველას მოუხმობს და მოუწოდებს თავისკენ; ვევედროთ მას, შეგვეწიოს, რომ შევისმინოთ მისი ეს მოწოდება და მის მაგალითს მივყვეთ“, - განაცხადა მეუფე შიომ.

საზოგადოება • 1764831705

ლოცვა, რომელიც დღეს იკითხება - 4 დეკემბერი ღვთისმშობლის ტაძრად მიყვანების დღეა

4 დეკემბერი ღვთისმშობლის ტაძრად მიყვანების დღეა. მართლმადიდებელი ეკლესია ღვთისმშობლის ტაძრად მიყვანებას ახალი სტილით 4 დეკემბერს აღნიშნავს (21 ნოემბერი). იგი შესულია ეკლესიის მიერ დადგენილ 12 დიდ დღესასწაულთა რიცხვში.ტროპარიდღეს განგებულებისა ღმრთისა დასაბამი არს, და საუკუნითგან საიდუმლოსა მის აღსრულებისა დაწყება, რამეთუ ტაძარსა შინა ღმრთისასა ქალწული დაემკვიდრების, და ქრისტესა ყოველთა გვახარებს, ამას უღაღადოთ ხმა-მაღლად: გიხაროდენ განგებულებისა ღმრთისა აღსასრულო.კონდაკიყოვლად-წმიდა ტაძარი მაცხოვრისა, მრავალ პატიოსანი იგი ქალწული, სამღუდელო საუნჯე დიდებისა ღმრთისა, დღეს შეიყვანების ტაძრად ღმრთისა, და მადლსა თანა შეიტანს სულისა წმიდისასა, რომელსა უგალობენ ანგელოსნი ღმრთისანი, რამეთუ ესე არს კარავი იგი ზეცათა.

საზოგადოება • 1764777568

„8 სურვილიდან 7 ამიხდა...“ - სალომე გოგიაშვილი სტამბოლის სასწაულმოქმედი ტაძრის შესახებ საუბრობს

სასწაულმოქმედი ტაძარი სტამბოლში, რომელსაც ხშირად გასაღების, სურვილების, ანდაც პირველი დღის ტაძარს უწოდებენ, სინამდვილეში ღვთისმშობლის სახელობისაა, რომელიც ცხოველმყოფელ წყაროზე აიგო. ჟურნალისტი სალომე გოგიაშვილი ამის შესახებ სოციალურ ქსელში საუბრობს და განმარტავს, რომ 8 გასაღებიდან 7-ს უკან აბრუნებს, რადგან 1 სურვილი ასასრულებელი დარჩა.„ვინც სტამბოლში ნამყოფია, მათ აუცილებლად ეცოდინება, რომ არსებობს ასეთი ტაძარი, სადაც რომ მიხვალთ, შეგიძლიათ გასაღებები შეიძინოთ, ჩაუთქვათ სურვილები და რომ აგისურლდებათ, მერე აუცილებლად უნდა დააბრუნოთ. აქ მაქვს 8 გასაღები, 7 ამიხდა. ერთ ცალს ვიტოვებ, ახლა მივდივარ უკან დასაბრუნებლად. რომ ჩახვალთ, აუცილებლად ეწვიეთ ამ ტაძარს. არ ვიცი ფსიქოლოგიურია, სასწაული ხდება, მაგრამ ყოველ შემთხვევაში, მე ძალიან მალე ამიხდა, თან გულით მინდოდა...“, - ამბობს გოგიაშვილი.

რეგიონი • 1764498420

შემოქმედის ეპარქიას კიდევ ერთი მართლმადიდებლური ტაძარი შეემატა

ოზურგეთის მუნიციპალიტეტის სოფელ შემოქმედის წმინდა ნიკოლოზის სახელობის დედათა მონასტრის ეზოში, „მთავარანგელოზთა სახელობის“ ტაძარი გაიხსნა.ტაძარი, შემოქმედელი მიტროპოლიტის მეუფე იოსების (კიკვაძე) ლოცვა-კურთხევით, არქიმანდრიტმა მარკოზმა (გურგენიძე) და არქიმანდრიტმა ელიზბარმა (ბაბუხადია) აკურთხეს და სასულიერო პირებთან ერთად საზეიმო წირვა-ლოცვა აღავლინეს.წირვას ოზურგეთის მერი პაატა კუნჭულია მეუღლესთან, ლიკა რევაზიშვილთან და მრევლთან ერთად დაესწრო.„ვულოცავ შემოქმედის ეპარქიას, დედაოებს და მრევლს, „მთავარანგელოზთა სახელობის“ ტაძრის გახსნას. ეკლესია სოფელ შემოქმედის წმინდა ნიკოლოზის სახელობის დედათა მონასტრის ეზოში მდებარეობს და წინამძღვარი, იღუმენია დედა ემილია ანანიძე გახლავთ. დედაოს ვუსურვებ მონაზვნის სიმრავლეს და სულიერ სიმშვიდეს.“ - განაცხადა პაატა კუნჭულიამ.

რეგიონი • 1764330022

ჩოხატაურის მუნიციპალიტეტის სოფელ გუთურში, დავით აღმაშენებლის სახელობის ტაძარი გაიხსნა

ჩოხატაურის მუნიციპალიტეტის სოფელ გუთურში, დავით აღმაშენებლის სახელობის ტაძარი გაიხსნა, რომელიც შემოქმედელმა მიტროპოლიტმა მეუფე იოსებმა აკურთხა. - ამის შესახებ ინფორმაციას, ოზურგეთის მერიის პრესსამსახურის უფროსი ნინო ბახტაძე სოციალურ ქსელში აქვეყნებს. მისივე თქმით, ტაძრის პროექტის ავტორი და მშენებელი_ინჟინერი თავისი მამიდაშვილი, ზურაბ გუჯაბიძეა, რომელმაც წინა წლებში 4 ტაძარი ააშენა. „ჩოხატაურის მუნიციპალიტეტის სოფელ გუთურში, დავით აღმაშენებლის სახელობის ტაძარი გაიხსნა, რომელიც შემოქმედელმა მიტროპოლიტმა მეუფე იოსებმა აკურთხა. ტაძრის პროექტის ავტორი და მშენებელი _ინჟინერი ჩემი მამიდაშვილი, ზურაბ გუჯაბიძეა, რომელმაც წინა წლებში 4 ტაძარი ააშენა: ქ. ოზურგეთში, წმინდა ნიკოლოზ საკვირველმოქმედის სახელობის ტაძარი, ექადიის წმინდა გიორგის სახელობის ტაძარი, სოფელ ბოხვაურის წმინდა სოფიოს სახელობის ტაძარი და სოფელ გვარას წმინდა გიორგის სახელობის ტაძარი. ზემოთ ჩამოთვლილ სიას კი უკვე რიგით მეხუთე ეკლესია - სოფელ გუთურის დავით აღმაშენებლის სახელობის ტაძარი შეემატა. გილოცავ ჩემო საამაყო ზურიკო, სამაგალითო ადამიანი ხარ შენი სიყვარულით და შენი რწმენით უფლის მიმართ. ვიცი, რომ ამ ყველაფრის წინ უამრავი შრომა, პასუხისმგებლობა, პროფესიონალიზმი, სიკეთე და სიყვარული დგას. დღეს, თქვენ მორიგ დასრულებულ პროექტს ხედავთ, ტაძარს თავისი დიდებულებით და თავისი სილამაზით.“ - წერს სოციალურ ქსელში, ნინო ბახტაძე.

პოლიტიკა • 1763930062

ოზურგეთის მერის მოადგილეები სოფო რამიშვილი და გურამ გოლიაძე, წმინდა მღვდელმთავარი გაბრიელის დაბადებიდან 200 წლისთავისადმი მიძღვნილ ღონისძიებას დაესწრო

ოზურგეთის მერის მოადგილეები სოფო რამიშვილი და გურამ გოლიაძე, წმინდა მღვდელმთავარი გაბრიელის დაბადებიდან 200 წლისთავისადმი მიძღვნილ ღონისძიებას დაესწრო.წმინდა გაბრიელი (ქიქოძე) 1825 წელს ოზუოზურგეთის მერის მოადგილეები სოფო რამიშვილი და გურამ გოლიაძე, წმინდა მღვდელმთავარი გაბრიელის დაბადებიდან 200 წლისთავისადმი მიძღვნილ ღონისძიებას დაესწრო.რგეთის მუნიციპალიტეტის სოფელ ბახვში დაიბადა. მთელი ცხოვრება საქართველოში ქრისტიანული რწმენის განმტკიცებას, განათლების მხარდაჭერასა და ქველმოქმედებას მიუძღვნა. განსაკუთრებულად მდიდარია მისი მოღვაწეობა ქართული ენის დაცვისა და ეროვნული ცნობიერების წინსვლის მიმართულებით. მის დროს აშენდა და აღდგა 200-ზე მეტი ტაძარი, ხოლო ქვეყანაში დაფუძნდა ასამდე სამრევლო სკოლა, ქალთა სასწავლებელი და სასულიერო სემინარია.ღონისძიების ფარგლებში, ბახვის წმინდა გაბრიელის სახელობის ტაძარში ჩატარდა წმინდა მღვდელმთავრისადმი მიძღვნილი წირვა-ლოცვა, რომელიც შემოქმედელმა მიტროპოლიტმა მეუფე იოსებმა აღავლინა. ბახვის საჯარო სკოლაში კი გაიმართა სემინარი მისი ცხოვრების და მოღვაწეობის შესახებ, ხოლო ესეების კონკურსში გამარჯვებული მოსწავლეები დაჯილდოვდნენ.ღონისძიებას გურიის მხარეში სახელმწიფო რწმუნებული გიორგი ღურჯუმელიძე და აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, მოადგილეებთან და ადგილობრივი ხელისუფლების წარმომადგენლებთან ერთად დაესწრნენ.

საზოგადოება • 1763843804

ბევრი წყვილისთვის უჩუქებია შვილი - წმინდა გიორგის ტაძარი მთიულეთში, სადაც სასწაულმოქმედი ჯვარი ინახება

მთიულეთში, სოფელ წიფორში, უფრო სწორად, ახლა უკვე ნასოფლარში წიფორის წმინდა გიორგის საყდარია. სწორედ ამ ტაძარში ინახება ოქროს ჯვარი, რომელიც შუაზე იხსნება და გადმოცემის თანახმად, მასში წმინდა გიორგის გულის ნაწილი ინახება.ხატის დეკანოზები ოდითგანვე კედელაშვილები არიან. ამ ტაძრის დეკანოზი ახლა კოლია კედელაშვილია. წინაპრებისგან გადმოცემით იცის, რომ ტაძარი თამარის მეფობის პერიოდში ააგეს.ამბობს, რომ ამ საყდარში ქალების შესვლა აკრძალულია, მამაკაცებთან ერთად მხოლოდ ქალიშვილებს შეუძლიათ შესვლა და მოლოცვა.ეს სალოცავი ბევრჯერ გაიძარცვა – დაიკარგა ოქროს თასები და ხატები. მძარცველები თურმე ჯვარსაც ეძებდნენ, თუმცა ვერ მიაგნეს. არაერთხელ გადაუთხრიათ ტაძრის მიმდებარე ტერიტორია ოქროს ჯვრის მაძიებლებს.ჯვრის კონკრეტულ ადგილსამყოფელს დეკანოზი და ე.წ დასტური, ანუ შეფიცულები მკაცრად ასაიდუმლოებენ. სიწმინდის მოლოცვის შესაძლებლობა მომლოცველებს წელიწადში სამჯერ ეძლევათ – წმინდა გიორგის ხსენებისა და აღდგომის დღესასწაულზე.ამბობენ, რომ ჯვარს ბევრი სასწაული უკავშირდება – ბევრი უშვილო წყვილისთვის უჩუქებია შვილი და ავადმყოფისთვის – ჯანმრთელობა.ჯვარს ძველი ბერძნული წარწერა აქვს დატანილი. ამ დრომდე უცნობია, რა საიუდუმლო იმალება ამ ჯვართან დაკავშირებით.

დედაქალაქი • 1763197591

შემოაგდეს თემა, თითქოს, ჩვენ მშენებარე ეკლესია დავანგრიეთ - 2017 წლიდან ვარ ქალაქის მერი, არ მახსოვს შემთხვევა, რომ საპატრიარქოს არ ჩავეყენებინეთ საქმის კურსში, მინდა, სრული პასუხისმგებლობით განვაცხადო, რომ გავრცელებული ინფორმაცია არის მორიგი სიცრუე და დეზინფორმაცია - კახა კალაძე

გუშინ, ერთ-ერთმა ტელეკომპანიამ, კერძოდ, "ტვ პირველმა", მაყურებელს მორიგი სიცრუე, ფეიკ-ნიუსი შესთავაზა. კერძოდ, "ტვ პირველი", მთელი დღის მანძილზე, ავრცელებდა ინფორმაციას, თითქოს, თბილისის მერიამ, აფრიკის დასახლებაში მშენებარე ეკლესიას ბულდოზერებით გადაუარა, დაანგრია და გაანადგურა, - ამის შესახებ ქალაქ თბილისის მერმა, კახა კალაძემ, განაცხადა. მისი თქმით, ოპოზიციურმა ტელეკომპანიამ "შემოაგდო თემა", თითქოს, მერიამ, 14 წლის მანძილზე მშენებარე ეკლესია დაანგრია, მერიის მიერ გაკეთებული განცხადება კი არ გააშუქა. კალაძის განმარტებით, საპატრიარქოსა და თბილისის მერიას შორის ყოველთვის არის კომუნიკაცია, როდესაც ეკლესიის მშენებლობა იგეგმება."შემოაგდეს თემა, თითქოს, ჩვენ მშენებარე ეკლესია დავანგრიეთ, თითქოს, 14 წელი მიმდინარეობდა აღნიშნულის სამშენებლო სამუშაოები. თბილისის მერიამ, რა თქმა უნდა, გააკეთა განცხადება ამ თემაზე, სადაც, თანდართული იყო ე.წ. ეკლესიის ფოტომასალა. კიდევ ერთხელ ვიმეორებ, რომ ეს იყო სიცრუე, არანაირი ეკლესიის მშენებლობა არ მიმდინარეობდა. მე გულწრფელად ვიტყვი, როდესაც ხდება ეკლესიის მშენებლობა - 2017 წლიდან ვარ ქალაქის მერი, მე არ მახსოვს შემთხვევა, რომ საპატრიარქოს არ ჩავეყენებინეთ საქმის კურსში, ან არ ყოფილიყო ინფორმაციის გაცვლა-გამოცვლა სამომავლოდ განსახორციელებელ პროექტებთან დაკავშირებით. რაც შეეხება განცხადებას და ამ განცხადების გაშუქებას, ცხადია, "ტვ პირველმა" არ ჩათავალა მიზანშეწონილად, რადგან მერე მათი სიცრუე ჩაიკარგებოდა და რაში აწყობდათ სიმართლე. მინდა, კიდევ ერთხელ, სრული პასუხისმგებლობით განვაცხადო, რომ გავრცელებული ინფორმაცია არის მორიგი სიცრუე და დეზინფორმაცია." - აღნიშნა კახა კალაძემ.მან ასევე წარმოადგინა იმ ნაგებობის ფოტომასალა, რომელიც, კონკრეტული ტელეკომპანიის მტკიცებით, წარმოადგენდა 14 წლის მანძილზე მშენებარე საეკლესიო ნაგებობას და აღნიშნა, რომ ამ ტერიტორიაზე მშენებლობა სულ რამდენიმე თვის წინ დაიწყო. დედაქალაქის მერმა ასევე გამოხატა მზაობა, რომ თუ კონკრეტული დასახლებისთვის აუცილებელია ტაძარი, მერია ყველანაირად შეუწყობს ხელს მის აშენებას."როგორ შეიძლება ზოგადად შევეწინააღმდეგოთ ეკლესიის მშენებლობას? არ ყოფილა შემთხვევა, რომ როდესაც ტაძრის მშენებლობა იგეგმება თბილისში, მერიასთან კომუნიკაციის გარეშე მომხდარიყოს. საპატრიარქო ყოველთვის გვაყენებს საქმის კურსში, რომ ხდება სამშენებლო სამუშაოების წარმოება, იწყება ტაძრის მშენებლობა და ა.შ. თუ იმ კონკრეტული დასახლებისთვის აუცილებელია ტაძარი, ჩვენ, რა თქმა უნდა, ყველაფერს გავაკეთებთ იმისთვის, რომ ხელი შევუწყოთ პროექტის დამტკიცებას, განხორციელებას და ა.შ., თუმცა, ამ ნაგებობას, რომელიც რამდენიმე თვის წინ გაჩნდა ამ ტერიტორიაზე, არანაირი კავშირი არ აქვს ეკლესიასთან და ეკლესიის მშენებლობასთან." - განაცხადა კახა კალაძემ.  

პოლიტიკა • 1761916567

საქართველოს პრეზიდენტი ალავერდის მონასტერში შვილებთან ერთად იმყოფებოდა

საქართველოს პრეზიდენტი მიხეილ ყაველაშვილი ალავერდის მონასტერში შვილებთან ერთად იმყოფებოდა. ინფორმაციას პრეზიდენტის ადმინისტრაცია ავრცელებს.მიხეილ ყაველაშვილს აბბა ალავერდელმა მიტროპოლიტმა დავითმა უმასპინძლა.მიტროპოლიტმა პრეზიდენტი დალოცა და წარმატებები უსურვა.პრეზიდენტმა ტაძარი მოილოცა და მონასტრის ტერიტორიაზე არსებული უძველესი, XI საუკუნის მარანი და მარანში არქეოლოგიური სამუშაოების ჩატარებისას აღმოჩენილი ექსპონატები დაათვალიერა.ალავერდის მონასტერში მიხეილ ყაველაშვილთან ერთად, კახეთის მხარეში სახელმწიფო რწმუნებული გიორგი ალადაშვილი, პარლამენტის წევრები და ადგილობრივი ხელისუფლების წარმომადგენლები იმყოფებოდნენ.