სამართალი • 1781276726

საქალაქო სასამართლოში გრიგოლ ლილუაშვილის პროცესი გაიმართა

თბილისის საქალაქო სასამართლოში სუსის ყოფილი ხელმძღვანელის, გრიგოლ ლილუაშვილის პროცესი გაიმართა. ბრალდების მხარე სასამართლოში მტკიცებულებების წარდგენას განაგრძობს."გრიგოლ ლილუაშვილს ბრალი ედება იმაში, რომ ჩაიდინა კონკრეტული დანაშაულებრივი ქმედება და დაკვალიფიცირებულია ის ქრთამის აღებად. ბრალდების მხარე დადგენილებაში ასახავს, რომ ის გარკვეულ "ქოლ-ცენტრებს", რომლებიც ორი სხვადასხვა შპს-ს ბაზაზე ფუნქციონირებდა დროის სხვადასხვა პერიოდში, ქალაქ თბილისში, უწევდა მფარველობას. "ქოლ-ცენტრის" მეწილე დღეს დაიკითხა სასამართლოში, რომელმაც დაადასტურა მისი მონაწილეობა ზმო აღნიშნულ საკითხში, ასევე, დაადასტურა და მიუთითა იმ პირების შესახებ, ვინც მასთან ერთად ეწეოდა იმავე საქმიანობას. მან განმარტა, რომ გარკვეული თანხა, მოგების ნაწილი მიდიოდა სახელმწიფო უსაფრთხოების სამსახურში. მას ინფორმაცია ჰქონდა, რომ აღნიშნულ თანხას იღებდა გრიგოლ ლილუაშვილი. დარჩენილი მეწილეები არიან ის პირები, რომლებიც წარმოადგენენ გრიგოლ ლილუაშვილის ახლო გარემოცვას და, შესაბამისად, ეს ადამიანებიც დაიკითხებიან სასამართლოში," - აცხადებს საქმის პროკურორი მარიამ ბერძენიშვილი.შეგახსენებთ, რომ სუსის ყოფილ უფროსს, გრიგოლ ლილუაშვილს წინასწარი შეთანხმებით, ჯგუფის მიერ განსაკუთრებით დიდი ოდენობით ქრთამის აღებას ედავებიან, რაც 11-დან 15 წლამდე პატიმრობას ითვალისწინებს.

პოლიტიკა • 1781269385

ნიკა მელია ენმ თავმჯდომარეობიდან არავის “გაუგდია”, "ხაბემ" მიიღო ამომრჩეველთა დაახლოებით 60% , ხოლო მელიამ 40%  და ამ ყოველივეს თქვენ ეძახით “მოუწყვეს” და “გააგდეს”?!  თქვენ ასევე თქვით, თითქოს ენმ-სა და “ალიანსს”  შორის “დაპირისპირებაა”  - ენმ-ს არანაირი “დაპირისპირება”  “ალიანსთან” არ აქვს!- ბარამიძე გრიგოლიას

ჩემო ინგა, დიდი პატივისცემით.  გუშინ ნანუკასთან ერთად თქვენს ეთერს ვუსმენდი და თხოვნა მაქვს (გარემოების დრამატიზირების თუ სხვა მიზნით) ფაქტობრივ უხეშ შეცდომას,  ეთერში ნუღარ გააჟღერებთ! -  წერს "ნაციონალური მოძრაობის" ერთ-ერთი ლიდერი, გიორგი ბარამიძე, ინგა გრიგოლიას მისამართით და აცხადებს, რომ მან ეთერში ორი შეცდომა დაუშვა.როგორც ბარამიძე აცხადებს, ნიკა მელია "ნაციონალური მოძრაობის" თავმჯდომარეობიდან არავის გაუგდია, ვინაიდან, იგი ლევან ხაბეიშვილთან არჩევნებში დამარცხდა. ის ასევე უარყოფს "ნაცმოძრაობასა" და "ოპოზიციის ალიანსს" შორის დაპირისპირებას და იმედს გამოთქვამს, რომ გრიგოლია ამ შეცდომებს უახლოეს ეთერში გამოასწორებს."1. ნიკა მელია ენმ თავმჯდომარეობიდან (მოუწყვესო და უხეში ფორმებით გააგდესო)  არავის “გაუგდია”! პარტიის წესდების შესაბამისად, პარტიის წევრების საინიციატივო ჯგუფმა პოლიტსაბჭოზე პარტიაში თავმჯდომარის არჩევის საკითხი დასვა, რაც ენმ მოქმედმა თავმჯდომარემ ნიკა მელიამ მიიღო და მოიწონა (გამოწვევა ღირსეულად მიიღო).არჩევნების პროცესს მხარი პოლიტიკურმა საბჭომ დაუჭირა. შეიქმნა არჩევნების  ჩატარების წესის შემმუშავებელი კომისია, რომელსაც თქვენი მონამორჩილი ვხელმძღვანელობდი, სადაც ყველა  (ანუ 4) კანდიდატის წარმომადგენელი მონაწილეობდა.ჯერ ერთად კონსენსუსით,  შემუშავებული წესის 2 ვარიანტიდან,  ენმ პოლიტ საბჭომ,ერთხმად (ხაზს ვუსვამ) მიიღო ის წესი, რომელი წესიც ნიკა მელიას  გუნდმა წარმოადგინა.  ანუ ხაბეს გუნდი დათანხმდა ნიკას გუნდის მიერ მხარდაჭერილ საარჩევნო წესს.  (გააგდეს ქვია ამას⁉️)ამის შემდეგ შეიქმნა არჩევნების ჩატარების (ერთხმად მიღებული წესით) კომისია, რომელსაც კობა ნაყოფია ხელმძღვანელობდა და გამოცხადდა არჩევნები, სადაც ენმ წევრთა და მხარდამჭერთაგან დაახლოებით 50 ათასმა წინასწარ (საერთო შეთანხმების წესით) დარეგისტრირებულმა ადამიანმა მიიღო. ეს რეგისტრაციაც იყო კანდიდატთა ორივე გუნდის მიერ გაკონტროლებული და არასანდო დარეგისტრირებული (სავარაუდო ქოცები და რუსები)  და ერთხმად მიღებული გადაწყვეტილებებით გაცხრილული.და ამ 50000 ადამიანმა დაძაბული საჯარო პოლიტიკური კამპანიის (გააგდესო⁉️)  შემდეგ აირჩია ენმ ახალი თავმჯდომარე. ხაბემ მიიღო ამომრჩეველთა დაახლოებით 60% , ხოლო მელიამ 40%  ❗️❗️და ამ ყოველივეს თქვენ ეძახით “მოუწყვეს” და “გააგდეს”⁉️მოგეხსენებათ მე არც ერთი კანდიდატის მომხრე არ ვიყავი და მინდა სრული გულწრფელობით ვთქვა რომ ნეტა სხვაგანაც და მთელს საქართველოშიც ასეთი გახსნილი და კონკურენტული, სამართლიანი წესით და გარემოთი ტარდებოდეს არჩევნები!არჩევნების შედეგები ერთხმად (ნიკას და ხაბეს გუნდის წევრების სრული მონაწილეობით) დაამტკიცა პოლიტიკურმა საბჭომ! ნიკა მელიამ და მისმა გუნდმა ღირსეულად აღიარა არჩევნების შედეგები და მიულოცა გამარჯვებულს❗️❗️❗️ესაა “მოუწყვეს“ და გააგდეს⁉️მეორე საკითხია რომ ამ ყოველივეს შემდეგ, გამარჯვებული გუნდის წევრებმა დიდი შეცდომა დაუშვეს და არჩევნების დასამტკიცებლად გამართულ ენმ ყრილობაზე, ჩემთვისაც (და ბევრი სხვისთვისაც) მოულოდნელად, პოლიტ საბჭოს ახალი შემადგენლობის არჩევის საკითხი დააყენეს (იურიდიულად ამის უფლება ქონდათ, მაგრამ მორალურად არა) და ახალ პოლიტ საბჭოში არ აირჩიეს ზოგიერთი ის (მათ შორის ძალიან ღვაწლმოსილი) ადამიანი, ვინც მელიას გუნდში იყო და ასევე არ შეიყვანეს თვით ნიკაც, რომელსაც სულ ახლახანს პარტიის ამომრჩევლის 40% -მა დაუჭირა მხარი. რაც ცხადია არასამართლიანი და არასწორი იყო.  მეორეა ნიკას გულში რა აზრები და მიზნები ქონდა.  მერე კი დადასტურდა რომ ნიკას თურმე მიშასადმი დიდი ანტაგონიზმი ქონია, მაგრამ ეგ არ ცვლის მთავარს იმ მომენტისთვის.ამიტომ ნიკა ენმ თავმჯდომარეობიდან “მძიმე ფორმით გაშვება და გაგდება” არავის “მოუწყვია.პოლიტსაბჭო სხვაა. ამის მიუხედავად ჩემი აზრით, პარტიიდან გასვლა თავის მხრივ არასწორი იყო.კარგად მოგეხსენებათ განსხვავება რა არის  “გაგდებასა”  და კანონიერი და სამართლიან არჩევნებს შორის. ამ ყველაფერზე სხვაგანაც და თქვენს ეთერშიც არაერთხელ მაქვს ნასაუბრები.2. თქვენ ღია ეთერში ასევე თქვით რომ თითქოს ენმ და “ალიანსს”  შორის არის “დაპირისპირება” ⁉️ეს არაა სიმართლე.ენმ-ს არანაერი “დაპირისპირება”  “ალიანსთან” სადაც 9 პარტია ვართ, არ აქვს❗️❗️ის რომ ალიანსში არიან ზოგი პარტიები ვისაც არ მოვწონვართ და ხანდახან აგრესიულად თავს გვესხმიან, არ ნიშნავს რომ ყველა ასე ფიქრობს და ასე იქცევა.ამ 2 საკითხზე ამდენი იმიტომ დავწერე, რომ თქვენ ძალიან დიდ პატივს გცემთ მეც და საზოგადოებაც და ისე რომ არ გამოგივიდეთ რომ თქვენ (მჯერა უნებლიედ) საზოგადოება შეცდომაში შეიყვანეთ.იმედი მაქვს უახლოეს ეთერში ამ შეცდომებს გაასწორებთ.დიდი პატივისცემით," - წერს ბარამიძე სოციალურ ქსელში.

პოლიტიკა • 1781119871

ვატო შაქარიშვილი ევროკავშირში გაწევრებაზე: ერთი იმპერიისგან გავთავისუფლდით და ახალი უღლის დადგმა ეროვნულ მიზნად ვაქციეთ - ეს მოცემულობა უნდა შეიცვალოს

“საბჭოთა კავშირი კუბში - ევროკავშირი დემოკრატიას კლავს როგორც წევრ ქვეყნებში, ასევე ცდილობს ბოლო მოუღოს დისკუსიის შესაძლებლობას ევროკავშირში გადაწყვეტილების მიღების პროცესში. მას შემდეგ, რაც უნგრეთმა თვეების განმავლობაში მოახდინა უკრაინისთვის 90 მილიარდიანი სესხის გაცემის ბლოკირება, ფონ დერ ლაიენი ღიად ალაპარაკდა გადაწყვეტილების მიღების წესში ცვლილებების აუცილებლობაზე.”- წერს “ერთიანი ნეიტრალუსი საქართველოს” აღმასრულებელი მდივანი ვატო შაქარიშვილი.შაქარიშვილი ევროკავაშირზე წერს, რომ ისეთ გაერთიანებაში გვეპატიჟება ხელისუფლება, სადაც უბრალო ხმის უფლებაც კი არ ექნება საქართველოს ჰიპოთეტურად გაწევრიანების შემთხვევაში. „დიფ სთეითის“ მორჩილი ბიუროკრატები დაიღალნენ კონსენსუსის ძიებით სხვადასხვა საკითხებზე და სურთ, რომ მათი პატრონების დავალებების აღსრულების პროცესი გაამარტივონ და გადაწყვეტილებები კვალიფიციური უმრავლესობის წესით მიიღონ. ამავდროულად თავს იზღვევენ მომავალში ნებისმიერი „შეფერხებისგან.“ საფრანგეთმა, გერმანიამ, ნიდერლანდებმა, ბელგიამ და ლუქსემბურგმა დააინიციირეს წინადადება, რომელიც ევროკავშირის ახალი წევრებისთვის ბიუჯეტის, უსაფრთხოებისა და საგარეო პოლიტიკის გადაწყვეტილებებზე ხმის მიცემის უფლების ჩამორთმევას მოითხოვს. უნგრეთს მიაღებინეს მიგრანტების შესახებ დამღუპველი გადაწყვეტილება, რუმინეთში არჩევნები გააუქმეს და სასურველი ხელისუფლება შეინარჩუნეს, მემარჯვენე კონსერვატიულ ძალებს ყველანაირი, მათ შორის უკანონო მეთოდებით არ აკარებენ სახელისუფლებო კოალიციებს და ასე „დემოკრატიულად“ მართავენ ევროკავშირს... ასეთ გაერთიანებაში ჯიუტად გვეპატიჟება ხელისუფლება, სადაც უბრალო ხმის უფლებაც კი არ ექნება საქართველოს ჰიპოთეტურად გაწევრიანების შემთხვევაში. რაც იმას ნიშნავს, რომ ბრიუსელის ნემისმიერ ახირებას, ავტომატურად უნდა ავყვეთ, თუნდაც ამან ჩვენი ქვეყნის განადგურება გამოიწვიოს. ერთი იმპერიისგან გავთავისუფლდით და ახალი უღლის დადგმა ეროვნულ მიზნად ვაქციეთ - ეს მოცემულობა უნდა შეიცვალოს!”-წერს შაქარიშვილი.       

სამართალი • 1781004502

რუსეთის საოკუპაციო ძალების მიერ უკანონოდ დაკავებული საქართველოს ერთი მოქალაქე თავისუფალია - სუსი

საჩხერის მუნიციპალიტეტის მიმდებარედ რუსეთის საოკუპაციო ძალების მიერ უკანონოდ დაკავებული საქართველოს ერთი მოქალაქე თავისუფალია და ცენტრალური ხელისუფლების მიერ კონტროლირებად ტერიტორიაზე იმყოფება, - ინფორმაციას სახელმწიფო უსაფრთხოების სამსახური ავრცელებს."უკანონოდ დაკავებული საქართველოს მოქალაქის გათავისუფლების პროცესში აქტიურად გამოიყენებოდა როგორც საქართველოში ევროკავშირის მონიტორინგის მისიის (EUMM) უშუალო ჩართულობით მოქმედი "ცხელი ხაზის" მექანიზმი, ისე ცენტრალური ხელისუფლების ხელთ არსებული ყველა რელევანტური ინსტრუმენტი.საქართველოს ცენტრალური ხელისუფლება, საერთაშორისო პარტნიორებთან ერთად, განაგრძობს აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად", - აღნიშნულია სუს-ის განცხადებაში.

პოლიტიკა • 1780645839

ახალი სტრატეგიული პარტნიორობა ორიენტირებული უნდა იყოს ქართველი და ამერიკელი ხალხისთვის ხელშესახები შედეგების მიღწევაზე - შალვა პაპუაშვილი

აშშ-ის ახალი ადმინისტრაცია ამერიკულ-ქართულ ურთიერთობებთან დაკავშირებით ორ ტერმინს იყენებს - სუვერენიტეტსა და ეროვნულ ინტერესებს. სწორედ ამ ორ პრინციპს უგულებელყოფდა ბაიდენის ადმინისტრაცია - სხვა ქვეყნების სუვერენიტეტსა და ეროვნულ ინტერესებს, - ამის შესახებ საქართველოს პარლამენტის თავმჯდომარემ ჟურნალისტებს განუცხადა.შალვა პაპუაშვილის თქმით, ორივე მხარე თანხმდება, რომ ახალი სტრატეგიული პარტნიორობა რეალურ დღის წესრიგს უნდა ეფუძნებოდეს და ორიენტირებული იყოს როგორც ქართველი, ისე ამერიკელი ხალხისთვის ხელშესახები შედეგების მიღწევაზე."ასე რომ, ჩვენთვის მთავარია ეს ძირეული ცვლილება ამერიკის საგარეო პოლიტიკაში, რომლის შედეგადაც, იმედი გვაქვს, შესაძლებელი გახდება ახალი სტრატეგიული პარტნიორობის ჩამოყალიბება. რაც შეეხება სტრატეგიულ პარტნიორობას, რომელიც 2009 წელს, აგვისტოს საქართველო-რუსეთის ომის შემდეგ, როგორც დამამშვიდებელი პრიზი გადასცეს მაშინ "ნაციონალური მოძრაობის" რეჟიმს, რათა საბოლოოდ არ ჩამოშლილიყო, ვფიქრობ, ამ სტრატეგიულ პარტნიორობასთან მგონი, არის სრული კონსენსუსი არა მხოლოდ ჩვენი, არამედ ამერიკელების მხრიდან, რომ ის იყო ცარიელი და არაფრისმთქმელი დოკუმენტი, დეკლარაცია, რომელსაც არ ჰქონდა არსებითი შინაარსი.ვფიქრობ, ორივე მხარე თანხმდება, რომ ახალი სტრატეგიული პარტნიორობა რეალურ დღის წესრიგს უნდა ეფუძნებოდეს და ორიენტირებული იყოს როგორც ქართველი, ისე ამერიკელი ხალხისთვის ხელშესახები შედეგების მიღწევაზე. ასე რომ, ამ მხრივ, ვფიქრობ, საერთო ხედვა გვაქვს როგორც ჩვენ, ისე აშშ-ის ადმინისტრაციას“, – განაცხადა პაპუაშვილმა.

პოლიტიკა • 1780589929

გია აბაშიძე: დიუშენის კუნთოვანი დისტროფიით დაავადებული ბავშვების თემაზე პროტესტი პოლიტიკანური მიზნებისთვის ესაჭიროებოდათ და ახლა თავს ესხმიან მათ მშობლებს, რადგან მთავრობასთან კონსენსუსი შედგა

დიუშენის კუნთოვანი დისტროფიით დაავადებული ბავშვების თემაზე პროტესტი პოლიტიკანური მიზნებისთვის ესაჭიროებოდათ და ახლა თავს ესხმიან მათ მშობლებს, რადგან მთავრობასთან კონსენსუსი შედგა- წერს ანალიტიკოსი გია აბაშიძე სოციალურ ქსელში დაწერილი იმ მწვავე კომენტარების შესახებ, რომელიც მშობლების მიმართ გაჟღერდა.„უბოროტესი ნაცსექტის მორიგი თვითლუსტრაცია - დიუშენის კუნთოვანი დისტროფიით დაავადებული ბავშვების თემაზე პროტესტი პოლიტიკანური მიზნებისთვის ესაჭიროებოდათ და ახლა თავს ესხმიან მათ მშობლებს, რადგან მთავრობასთან კონსენსუსი შედგა. ალბათ, ცოდვათა ჩამონათვალში, რომელზეც არაფერი გაქვს მოსანიენებელი, უნდა იყოს "ნაცთმოძულეობა". ამ ავსულების საშველი არასდროს იქნება, რადგან არაადამიანებისგან შემდგარი მარგინალთა ხროვაა.“- წერს აბაშიძე.

პოლიტიკა • 1780574446

სააკაშვილის მხარდამჭერი მაია ბაჩანაშვილი: მელიას საქათმეში ქათმები ძალიან კრიახობენ თურმე. „კურიცებო“, ემიგრანტების გამოგზავნილი ფულით რომ მობილურები იყიდეთ, ზოგმა იმავე ფულით სახლებში რემონტებიც რომ გაიკეთა, ხმა ჩაიგდეთ, სანამ თქვენი სახელებისა და გვარების საჯაროდ დასახელება არ მომიწია

მიხეილ სააკაშვილის აქტიური მხარდამჭერი, საბერძნეთში მცხოვრები ემიგრანტი, მაია ბაჩანაშვილი, „კოალიცია ცვლილებებისთვის“ ერთ-ერთი ლიდერის, ნიკა მელიას, მხარდამჭერებს სოციალურ ქსელში მიმართავს და ემიგრანტების მიერ გამოგზავნილი ფულის პირადი ინტერესებისთვის გამოყენებაში ადანაშაულებს.მაია ბაჩანაშვილი მელიას მხარდამჭერებს „უღირსებსა და მათხოვრებს“ უწოდებს და აცხადებს, რომ მათ ემიგრანტების მიერ გამოგზავნილი ფულით სახლებში რემონტები გააკეთეს და მობილური ტელეფონები შეიძინეს.„მელიას საქათმეში ქათმები ძალიან კრიახობენ თურმე.ახლა კარგად მომისმინეთ, „კურიცებო“!ია ჯიშკარიანიდან დაწყებული, სხვა ქათმებით დასრულებული, გაფრთხილებთ:ზოგი თქვენგანი სუსის თანამშრომლის საყვარელი იყო ან არის.სხვა ბევრ რამესაც გავიხსენებ.მაგალითად, ემიგრანტების გამოგზავნილი ფულით რომ მობილურები იყიდეთ.ზოგმა იმავე ფულით სახლებში რემონტებიც რომ გაიკეთა...ემიგრაციაში ჩადენილი უკანონობა.კიდევ გავაგრძელო?ხმა ჩაიგდეთ, სანამ თქვენი სახელებისა და გვარების საჯაროდ დასახელება არ მომიწია.უღირსები და მათხოვრები ხართ თქვენ.და კიდევ ერთი: ადამიანს, რომელიც წლებია პოლიტიკურ დევნასა და პატიმრობას უძლებს, უღირსს რომ უწოდებთ და ციხეს რომ უსურვებთ, პირველ რიგში საკუთარ სახეს აჩვენებთ საზოგადოებას. ამიტომ, სანამ სხვის ღირსებაზე ილაპარაკებთ, სარკეში ჩაიხედეთ, იქ დაინახავთ პასუხს, ვინ არის სინამდვილეში უღირსი.ფუ თქვენი.....“- წერს მაია ბაჩანაშვილი.

პოლიტიკა • 1780381988

ერთიანი ნეიტრალური საქართველო: რა შეიცვალა 1998 წლიდან 2018 წლამდე და საფრანგეთში ტრიუმფალური გამარჯვების აღნიშვნა რატომ იღებს სულ უფრო ძალადობრივ ხასიათს? პასუხი ევროპაში, ბოლო ორი ათწლეულის განმავლობაში დამკვიდრებულ მმართველობის ფორმაში უნდა ვეძიოთ- სამწუხაროდ, ოლიგარქიულმა ძალებმა პოლიტიკურ პარტიებზე მთელი ევროპის მასშტაბით მოიპოვეს გავლენა

ეტაპობრივად მომძლავრდა არაფორმალური ოლიგარქიული გავლენები და დღეს ევროპული ქვეყნების უდიდესი ნაწილი „დიფ სთეითის“ კარნახით იმართება! ჩვენ გვახსოვს, რომ ევროპული ტიპის დემოკრატიული სისტემები ათწლეულების მანძილზე მსოფლიოს სხვა ერებისთვის მისაბაძ მაგალითად მიიჩნეოდა, მაგრამ სამწუხაროდ, დროთა განმავლობაში, არაფორმალურმა ოლიგარქიულმა ძალებმა პოლიტიკურ პარტიებზე მთელი ევროპის მასშტაბით მოიპოვეს გავლენა- წერია “ერთიანი ნეიტრალური საქართველოს” განცხადებაში.განცხადება “პარი სენ-ჟერმენის” ჩემპიონთა ლიგის მოგების შემდეგ განვითარებულ მოვლენებს ეხება, რომელშიც წერია, რომ სოციალურ ქსელებში გავრცელდა 1998 წელს გადაღებული კადრები, თუ როგორ აღნიშნავდნენ იმ თაობის ფრანგი გულშემატკივრები იმავე წელს ეროვნული ნაკრების მიერ ისტორიაში პირველად მსოფლიო ჩემპიონატის მოგებას.კითხვაზე თუ რა შეიცვალა მას შემდეგ, განცხადებაში ნათქვამია, რომ ოლიგარქიულმა ძალებმა პოლიტიკურ პარტიებზე მთელი ევროპის მასშტაბით მოიპოვეს გავლენა, მათ დაქვემდებარებაშია მედიასაშუალებები და მათმა ინტერესებმა შეაღწია საგანმანათლებლო სისტემაში, რამაც ახალგაზრდებისთვის ფსევდოლიბერალური იდეების თავს მოხვევა და მათი გაუკუღმართებული ღირებულებებით აღზრდა განაპირობა.“საინტერესოა, რომ აღნიშნული მოვლენების შემდეგ, სოციალურ ქსელებში გავრცელდა 1998 წელს გადაღებული კადრები, თუ როგორ აღნიშნავდნენ იმ თაობის ფრანგი გულშემატკივრები იმავე წელს ეროვნული ნაკრების მიერ ისტორიაში პირველად მსოფლიო ჩემპიონატის მოგებას. კარგად ჩანს, რომ ათასობით ადამიანი, ყოველგვარი ძალადობისა და აგრესიის გარეშე ზეიმობდა და ერთმანეთს სიხარულს უზიარებდა, ზუსტად ისე, როგორც დიდ საფეხბურთო და ეროვნულ გამარჯვებებს უხდება.ბუნებრივია აუცილებლად გაჩნდება შეკითხვა: რა შეიცვალა 1998 წლიდან 2018 წლამდე და საფრანგეთში ტრიუმფალური გამარჯვების აღნიშვნა რატომ იღებს სულ უფრო ძალადობრივ ხასიათს? პასუხი ევროპაში, ბოლო ორი ათწლეულის განმავლობაში დამკვიდრებულ მმართველობის ფორმაში უნდა ვეძიოთ. ორიათასიანი წლების მეორე ნახევრიდან, ევროპის კონტინენტზე დემოკრატიული მმართველობის კრიზისი დაიწყო, ეტაპობრივად მომძლავრდა არაფორმალური ოლიგარქიული გავლენები და დღეს ევროპული ქვეყნების უდიდესი ნაწილი „დიფ სთეითის“ კარნახით იმართება! ჩვენ გვახსოვს, რომ ევროპული ტიპის დემოკრატიული სისტემები ათწლეულების მანძილზე მსოფლიოს სხვა ერებისთვის მისაბაძ მაგალითად მიიჩნეოდა, მაგრამ სამწუხაროდ, დროთა განმავლობაში, არაფორმალურმა ოლიგარქიულმა ძალებმა პოლიტიკურ პარტიებზე მთელი ევროპის მასშტაბით მოიპოვეს გავლენა. ასევე, მათ დაქვემდებარებაშია მედიასაშუალებები, მათმა ინტერესებმა შეაღწია საგანმანათლებლო სისტემაში, რამაც ახალგაზრდებისთვის ფსევდოლიბერალური იდეების თავს მოხვევა და მათი გაუკუღმართებული ღირებულებებით აღზრდა განაპირობა. საბოლოოდ კი დღეს მივიღეთ შედეგი, როდესაც პოლიტიკურმა სისტემამ შეინარჩუნა ფორმა, თუმცა დაკარგა შინაარსი. დღესდღეობით. რიგითი ევროპელი მოქალაქე, რომელიც ისჯება კონსერვატიული პოზიციისთვის, და ტრადიციული ღირებულებების დაცვის გამო „ბულინგის“ მსხვერპლი ხდება; მედიასაშუალებებსა და სოციალურ ქსელებში კი გამუდმებით ფსევდოლიბერალური შეხედულებების ერთადერთ ჭეშმარიტებად გასაღების მცდელობებს აწყდება, არჩევნებზე მისულს, ერთი შეხედვით, განსხვავებულ პოლიტიკურ ძალებსა და კანდიდატებს შორის უწევს არჩევანის გაკეთება, სინამდვილეში კი, როგორც წესი, პრაქტიკულად ყველა მათგანი „დიფ სთეითის“ მორჩილია და მათ დავალებებს ასრულებს. როგორც წესი, მსგავს სისტემაში, რომელიც დღეს რიგ ევროპულ სახელმწიფოებშია დამკვიდრებული, ისეთ იდეებზე, რომლებიც ადამიანთა ყოველდღიურ ცხოვრებაზე რეალურ პოზიტიურ გავლენას ვერ ახდენს, სხვადასხვა პოლიტიკურ ძალებს შორის გამუდმებული ჭიდილი მიმდინარეობს, თუმცა, ღირებულებით, იდეოლოგიურ, ეკონომიკურ თუ კულტურულ საკითხებთან დაკავშირებით, როგორც წესი, იმ პარტიებს შორის, რომლებიც მართვის მანდატს ინაწილებენ, სრული კონსენსუსი არსებობს. ასეთ პირობებში, ერთი მხრივ „დიფ სთეითის“ მორჩილი პოლიტიკოსების გადაწყვეტილებები, ხოლო მეორე მხრივ იმავე „დიფ სთეითის“ გავლენებს დაქვემდებარებული ევროკავშირის დიქტატი, ევროპულ სახელმწიფოებს საკუთარი თავის დამაზიანებელი ნაბიჯების გადადგმას აიძულებს.”- წერია განცხადებაში.

სამართალი • 1780309830

ჯაშუშობის ბრალდებით დაკავებულ ირაკლი ჩიხლაძეს აღკვეთის ღონისძიების სახედ პატიმრობა შეეფარდა

ჯაშუშობის ბრალდებით დაკავებულ ირაკლი ჩიხლაძეს აღკვეთის ღონისძიების სახედ პატიმრობა შეეფარდა. გამოძიების ცნობით, "სამოქალაქო მოსმენების კავკასიური ცენტრის" ხელმძღვანელი, ირაკლი ჩიხლაძე სადაზვერვო ქსელს მართავდა, მოპოვებულ ინფორმაციას კი უცხო ქვეყნის სპეცსამსახურებს აწვდიდა. უსაფრთხოების სამსახურის ინფორმაციით, საქმეში ფიგურირებს მატერიალური სარგებელი, რომლის სანაცვლოდაც, საქართველოს ინტერესების საზიანოდ, ხდებოდა ინფორმაციის მიწოდება."აღნიშნული პირები საქართველოში უცხო ქვეყნის დაზვერვის დავალების შესაბამისად აგროვებდნენ და საქართველოს ინტერესების საზიანოდ გადასცემდნენ მათ სხვადასხვა სახის ინფორმაციას. დღევანდელ სასამართლო სხდომაზე განხილულ იქნა აღკვეთის ღონისძიების საკითხი და ორივე ბრალდებულს აღკვეთის ღონისძიების სახედ, შეეფარდა პატიმრობა.რაც შეეხება მტკიცებულებებს - საქმეში მოიპოვება პირდაპირი მტკიცებულებები, რომლებიც ადასტურებენ ბრალდებულების კავშირს უცხო ქვეყნის დაზვერვის სამსახურის წარმომადგენლებთან, ასევე, მათი მხრიდან ინფორმაციის შეგროვებისა და გადაცემის ფაქტებს.კონკრეტულად თუ რა სახის ინფორმაცია იქნა მოპოვებული, მოგეხსენებათ, საქმეზე მიმდინარეობს გამოძიება და შესაბამისად, ამ ინფორმაციის გაჟღერებამ შეიძლება დააზიანოს არამარტო გამოძიების, არამედ სახელმწიფოს ინტერესი", - განაცხადა პროკურორმა ელიზბარ გოზალიშვილმა.შეგახსენებთ, რომ ჯაშუშობის ბრალდებით დაკავებულ კიდევ ერთ პირს - "ევრაზიის ინსტიტუტის" დამფუძნებელს, გულბაათ რცხილაძეს აღკვეთის ღონისძიების სახედ ასევე პატიმრობა შეეფარდა. სუსის ინფორმაციით, ის ერთდროულად ორი უცხო ქვეყნის სპეცსამსახურთან თანამშრომლობდა.დაკავებულებს 12 წლამდე პატიმრობა ემუქრებათ.

სამართალი • 1780308641

ჯაშუშობის ბრალდებით დაკავებულ გულბაათ რცხილაძეს აღკვეთის ღონისძიების სახედ პატიმრობა შეეფარდა

ჯაშუშობის ბრალდებით დაკავებულ გულბაათ რცხილაძეს აღკვეთის ღონისძიების სახედ პატიმრობა შეეფარდა. "ევრაზიის ინსტიტუტის" დამფუძნებელი, სუსის ინფორმაციით, ერთდროულად ორი უცხო ქვეყნის სპეცსამსახურთან თანამშრომლობდა.გულბაათ რცხილაძის ადვოკატი აცხადებს, რომ მისი დაცვის ქვეშ მყოფი დანაშაულს არ აღიარებს და მზად არის, ითანამშრომლოს გამოძიებასთან."ბრალდებულმა აღნიშნა, რომ არ არის დამნაშავე, არ იყო ჯაშუში და მოღალატე. ის ქართველია, პატრიოტი ადამიანია და მზადაა, ითანამშრომლოს ჩვენი ქვეყნის სპეცსამსახურებთან. ბატონი გულბაათი ამბობდა ხოლმე თვითონ - წიგნი რომ თარგმნა, ახალი წიგნი გამოუშვა, კონფერენციებში გარკვეულ ჰონორარებს იღებდა. სამამულო ომის შესახებ აქვს დაწერილი წიგნი - მე მაჩუქა, მაგალითად. საჯარო სივრცეში რა ინფორმაციაც იყო, იმის ანალიზს აკეთებდა და, როგორც პოლიტოლოგი, ექსპერტულ დასკვნებს დებდა," - აცხადებს გულბაათ რცხილაძის ადვოკატი.მეორე დაკავებულის - "სამოქალაქო მოსმენების კავკასიური ცენტრის" ხელმძღვანელის, ირაკლი ჩიხლაძის პროცესი ამ წუთებში მიმდინარეობს.გამოძიების ცნობით, ჩიხლაძე სადაზვერვო ქსელს მართავდა, მოპოვებულ ინფორმაციას კი უცხო ქვეყნის სპეცსამსახურებს აწვდიდა. უსაფრთხოების სამსახურის ცნობით, საქმეში ფიგურირებს მატერიალური სარგებელი, რომლის სანაცვლოდაც, საქართველოს ინტერესების საზიანოდ, ხდებოდა ინფორმაციის მიწოდება.დაკავებულებს 12 წლამდე პატიმრობა ემუქრებათ.

პოლიტიკა • 1779956610

„კოალიცია ცვლილებისთვის“ წევრი სააკაშვილზე: მაოხრებელი გზირი! ამ კაცის გამოსწორება არ იქნება და რამდენჯერაც ერთიანობის შანსი გაჩნდება, იმდენჯერ სისულელეს იზამს

26 მაისის აქციის შემდეგ, მიხეილ სააკაშვილსა და მელია-გვარამიას გუნდს შორის ახალი ურთიერთბრალდებები ისმის. გვარამიას პარტიის პოლიტსაბჭოს წევრმა ყოფილ პრეზიდენტს მაოხრებელი გზირი უწოდა.დიმიტრი ბიძინაშვილის ეს განცხადება სააკაშვილის ბრალდებას მოჰყვა, რომელმაც ნიკა მელია აქციის მიზანმიმართულ დაშლაში დაადანაშაულა. ექსპრეზიდენტის მტკიცებით, მელიამ მისი გათავისუფლების მოთხოვნით დაწყებული აქცია დაშალა, პროტესტი შეაჩერა და ხალხი არჩევნებზე გადართო, რასაც ბიძინაშვილი სიცრუეს უწოდებს, სააკაშვილს საკუთარ პასუხისმგებლობაზე მიუთითებს და ოპოზიციის ერთობის ჩაშლის მცდელობაში ადანაშაულებს."მაოხრებელი გზირი!კაი გავიხსენოთ ამ აქციის ამბავი და თუ მასე არ იყო, იმ დილას ვინც გავათენეთ იმათმა დამიწერონ რომ ვიტყუები. თუ არადა ამ რაღაცას იქ გადეცით რახან ციხეშია, არ ნიშნავს იმას პასუხს არავინ გასცემს !დავიწყოთ თავიდან, ვინ იყომზად "მიშას დასახსნელად"თავისუფლების მოედანზე ბევრი ადამიანი ვიყავით შეკრებილი. იყო გამოსვლები და ა.შ, როგორც ხდება ხოლმე დიდ შეკრებებზე. ბოლოსკენ ნიკა მელიამ სცენიდან გამოაცხადა, რომ თავისუფლების მოედნიდან კანცელარიისკენ, იქვე 500 მეტრში უნდა დავძრულიყავით და დილამდე უნდა გავჩერებულიყავით, და დილას პრემიერი რომ მოვიდოდა, ან ამ ხალხის მასის გავლა მოუწევდა ძალის გამოყენებით, ან იქ ვერ შევიდოდა.წავედით კანცელარიისკენ, მაგრამ არა იმდენი რამდენიც თავისუფლების მოედანზე ვიდექით ბევრმა სახლისკენ წასვლა და დასვენება გადაწყვიტა. ასე თუ ისე რამდენიმე ათასი კაცი იყო იმ დროს კანცელარიასთან მაგრამ რამდენიმე საათში ეს რიცხვი გახდა სადღაც 100-300 კაცი, დაახლოებით ამდენმა გავათენეთ ღამე კანცელარიასთან.მერე ვინც სახეს იხოკავდა პოლიტიკოსები, იქიდანაც ერთი-ორიკაცი იყო ადგილზე დანარჩენები თბილად სახლში ისხდნენ და ისვენებდნენ. (ამის გახსენებაც შეიძლება ვინ იყო იქ მთელი ღამე და ვინ სახლში წამოწოლილი)ახლა 100-300 კაცის გაწმენდა რომ არ გაუჭირდებოდა "ივანიშვილის მილიციას" ეგეც არ გაგიკვირდებათ. ამიტომ გადაწყდა იმ ტერიტორიიდან მსვლელობით წასვლა. ხო და სანამ ვინმესკენ ხელს გაიშვერთ, მაგ ხელს დახედეთ რამეში ამოსვრილი არ იყოს.ზუსტად იმ ხალხმა დაიწყო წერა "მელიამ აქცია დაშალა" ვისაც მთელი ღამე თბილად და მშვიდ ეძინა. მერე როგორც ხდება სუსის ხელშეწყობით ეს აზრი გააჯინეს კარგად და ვისაც თავის აზრი არ გააჩნია აიტაცა. გეგონება მელიას ეს ხალხი მოკლე ჯაჭვით ჰყავდა დაბმული და იმ ღამეს აუშვა რომ წასულიყვნენმოკლედ, ამ კაცის გამოსწორება არ იქნება და რამდენჯერაც ერთიანობის შანსი გაჩნდება, იმდენჯერ ასეთ სისულელეს იზამს," - წერს "კოალიცია ცვლილებისთვის" წევრი დიმიტრი ბიძინაშვილი დიმიტრი ბიძინაშვილი.

პოლიტიკა • 1779953740

ოპოზიციის დიდი ნაწილი შიშვლდება მოლაპარაკებების თხოვნით, პატიმართა შეწყალების ხვეწნით... უნდა შევწყვიტოთ მოწკმუტუნე მხვეწნელის როლში ყოფნა - მიხეილ სააკაშვილი

ვნახე წარმატებული საპროტესტო აქცია, რომელზეც გამოვიდა საზოგადოების აქტიური ნაწილი და მინდა, ჩემი აზრები გაგიზიაროთ, როგორ ვიმოქმედოთ დღეიდან. ახლა თვითკმაყოფილების კი არა, ბევრად მეტი მოქმედების დროა, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც სააკაშვილი აღნიშნავს, უნდა შეწყდეს მსხვერპლის როლში ყოფნა. მისივე თქმით, ის ერი არ არის თავისუფლების ღირსი, რომელიც გათავისუფლებას მუდმივად უცხოეთიდან ელოდება.„ჯერ მინდა, მოგიყვეთ 25 მაისის სასამართლოზე, რომელზეც წინასწარ დაგეგმილი თავდასხმა მომიწყვეს, სუსის ოდეერის, ვინმე ლაშას (რომელიც დედაჩემს სისხლს უშრობდა ვივამედში დამამცირებელი ჩხრეკით და სხვა პროცედურებით) ხელმძღვანელობით.ჯერ ქოც-მოსამართლემ დემონსტრაციულად დაიგვიანა და დიდი დროის გატარება მომიწია ბინძურ ვიწრო ლოდინის საკანში, შემდეგ დარბაზში შესვლის შემდეგ შეეცადნენ, ხელი შეეშალათ რათა ხელი არ ჩამომერთვა ადვოკატებისთვის. შემდეგ ქოც-მოსამართლემ უარი მითხრა სიტყვის მოცემაზე და შეშინებულმა სასწრაფოდ დახურა სხდომა და გაიქცა.მე კი ამ დროს მაინც ავიღე სიტყვა ჯერ ქართულად და შემდეგ უკრაინულად და ამ დროს მეცა ათამდე ბადრაგი გასათრევად. მიუხედავად ძალებში დიდი უთანასწორობისა, მე კარგად შევეწინააღმდეგე და ძალიან დიდხანს მოუწიათ ჩემი ჯაჯგური. ნუ ეს ყველაფერი გაკეთდა, მათი ჭკუით, 26 მაისის წინ ჩემი დამცირებისთვის.რატომ გიყვებით ამას? – იმიტომ, რომ დროა საბოლოოდ მივხვდეთ, რომ ყაჩაღ დიქტატორზე არ მოქმედებს არანაირი შეწყალების მუდარა, ჰუმანიზმს ის განიხილავს სისუსტედ, პოლიტიკურ კოლაბორაციონისტებს ჯერ იყენებს, მაგრამ შემდეგ მოისვრის ხოლმე.მას, ისევე როგორც მის პატრონს მოსკოვში, ესმის მხოლოდ ერთი ენა – ორგანიზებული წინააღმდეგობიდან წარმოშობილი ძალის ენა.ამასწინათ ძალიან გონიერმა ნუცა ბათიაშვილმა თქვა ძალიან ზუსტად, ივანიშვილმა გაუპატიურებისკენ მიდრეკილების მქონე მოძალადე მტრის წინაშე გააშიშვლა საქართველო, მაგრამ მინდა, ამას დავუმატო, რომ ზუსტად ასევე შიშვლდება ოპოზიციის დიდი ნაწილი ივანიშვილის წინაშე თავისი მოლაპარაკებების თხოვნით, პატიმართა შეწყალების ხვეწნით, არჩევნების იმედის გამოხატვით. რაც მეტს ვიხვეწებით, მით ვერაფერს მივიღებთ. ეს ხვეწნა-მუდარა მხოლოდ სადისტურ სიამოვნებას ანიჭებს დიქტატორს.არადა ჩვენ ვართ ერი, რომლის საყვარელ სიმღერაში არის სიტყვები „ჩავუხტეთ მუხრან ბატონსა“, რომლის ერთმა წარმომადგენელმა, საჩინო ბარათაშვილმა, სოლოლაკის კლდის მსგავსი კლდიდან გადმოისროლა მოღალატე ყორღანაშვილი, ნუთუ ახლა დავედით გაუპატიურების იდეალური მსხვერპლის დონეზე? იმ ხალხის წინაშე, რომელთა ლოზუნგია „ნულოვანი თანაგრძნობა“. უნდა შევწყვიტოთ მსხვერპლის და მოწკმუტუნე მხვეწნელის როლში ყოფნა. და ასევე უნდა გვახსოვდეს, რომ ის ერი არ არის თავისუფლების ღირსი, რომელიც გათავისუფლებას მუდმივად უცხოეთიდან ელოდება, ამერიკიდან, ევროპიდან, უკრაინიდან.ერთადერთი, რითაც შევძლებთ თავის დახსნას, არის გაბედული ადამიანების მიერ ორგანიზებული წინააღმდეგობა, რომელიც შეძლებს, მოძალადეებს არ აცემინოს, არ დააჭერინოს, არ დააჩაგვრინოს თავი. ეს წინააღმდეგობა უნდა წარმოებდეს ყველა დონეზე. მე ჩემის მხრივ, უარი ვთქვი სასამართლოში ცხვარივით გაყოლაზე და ბოლომდე ვიბრძოლე, მიუხედავად ჩალურჯებული სხეულისა.სხვებმა უნდა გაწიონ წინააღმდეგობა სოფელში მიწის მიმტაცებელი ფეოდალების, ქალაქში კორუმპირებული მერების და ეროვნულ დონეზე ხელისუფლების უზურპატორი კრიმინალური ბანდის წინააღმდეგ. უნდა შეწყდეს უნივერსიტეტის კიბეზე პატიმრობის მომლოდინე სტუდენტი გოგოს უბრძოლველად გატანება, აქციების დროს მოძალადეებისთვის ხალხის ცემის საშუალების მიცემა და შემდეგ ამ ნაცემი ხალხის გაქცევა, იმის მაგივრად, რომ მოძალადეები გააქციონ. არ ვიცი, შეიძლება, ჩემი უკრაინული ბექგრაუნდი მალაპარაკებდეს, მაგრამ ხალხმა უნდა შეწყვიტოს ცხვარივით დასაკლავად სვლა.და ის, რომ ივანიშვილი და რუსები ხალხის და ქვეყნის საბოლოოდ განადგურებას აპირებენ, ეს მხოლოდ ძალიან ჭკუასუსტებშიღა იწვევს ეჭვს. სხვა ანალოგია რომ მოვიხმაროთ – კამიკაძე ტერორისტებს გატაცებული ჰყავთ თვითმფრინავი და აპირებენ მიწაზე დახეთქებას. ამ დროს რა უნდა ქნან მგზავრებმა, სიკვდილის შიშით თავის ადგილებზე დარჩნენ, თუ დაორგანიზდნენ და გაკოჭონ გამტაცებლები და დასვან თვითმფრინავი უსაფრთხოდ.და ნუ დავიწყებთ იმის ძახილს, რომ ჩვენი ხალხი ამისთვის არ ვარგა. თავად შექმენით თავიდან ორგანიზებული წინააღმდეგობის უჯრედი ჯერ თქვენს სამ მეგობართან, მერე სამეზობლოსთან, მერე ბევრად ფართო წრესთან ერთად და აღმოაჩენთ, რომ ძალიან ბევრი ვართ და ძალიან დიდი ძალა გვაქვს.საქმე ლაპარაკის ნაცვლად და ხალხის ძალა – ხვეწნის ნაცვლად!“, – წერს მიხეილ სააკაშვილი.