პოლიტიკა • 1788529260

მიხეილ სააკაშვილი: ნიკანორ მელია, რომელიც ერთ დროს ჩემს მზეს ფიცულობდა, ახლა დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე საკნიდან ჩემი მიმართულებით

ყოფილი მინისტრი, „მაფიის მამხილებელ-ჩამშვები“ ბურჭულაძე ციხის თანამშრომლებთან ხმამაღლა მაქებს, იძახის რომ მე ვარ „გენიოსი“, თავს იწონებს, რომ მარტო მე და მიშა ვართ პარაშუტით გადმომხტარი მინისტრებად მუშაობის დროსო, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.როგორც ყოფილი პრეზიდენტი აღნიშნავს, დერეფანში ჩავლისას საკნიდან ნიკა მელია მისი მისამართით უშვერ სიტყვებს იყენებს.„მინდა ვაღიარო, რომ როგორც ამ ციხის მაყურებელი, უკვე ხუთი წელია, დიახ, ქართველებო, უკვე ხუთი წელია, უდრტვინველად იტანთ ჩემს აქ ყოფნას. ისე აირია ყველაფერი ვეღარ ვიცნობ აქაურობას.„პრემიერ-მინისტრი“, იგივე „საფრანგეთის აგენტი“, ტრიტრი ანტუან ღარიბაშვილი ივანიშვილის ეხვეწება საკნიდან, არ მომკლაო. მასთან ოჯახის წევრებს არ უშვებენ. საშინლად ნანობს, რომ ლონდა თოლორაიას სამსახური გააუქმა თავის დროზე (ჩემს გამო) და ოცნებობს, რომ სახალხო დამცველი ისევ ნინო ლომჯარია იყოს და არა – მისი ხელდასმული იოსელიანი.ლილუაშვილიც ასევე შეშინებულია, ვინაიდან ზუსტად იცის, თუ როგორ ხდება ციხის ამ კორპუსში საკვებში მძიმე მეტალების საწამლავის შერევა. ყოფილი მინისტრი, „მაფიის მამხილებელ-ჩამშვები“ ბურჭულაძე, რომელიც ციხის თანამშრომლებთან ხმამაღლა მაქებს, იძახის რომ მე ვარ „გენიოსი“ და საქართველოს უკეთესი მმართველი არ ჰყოლია და ყველანაირად მითვლის მოკითხვებს, რომ თავის ნაცვლად კომპიუტერი მაქვს. თავს იწონებს, რომ მარტო მე და მიშა ვართ პარაშუტით გადმომხტარი მინისტრებად მუშაობის დროსო.დაბოლოს, ნიკანორ მელია, დიახ, ის მელია, რომელიც ერთ დროს ჩემს მზეს რომ ფიცულობდა, ახლა დერეფანში ჩემს ყოველ ჩავლაზე მთელი ხმით უშვერ დედის გინებებს აღავლენს ხოლმე ჩემი მიმართულებით საკნიდან (ზუსტად ისე, გლდანში კრიმინალები რომ მაგინებდნენ ), ვინაიდან გინების გარდა სხვა ბგერებს არ გამოსცემს, ვერ გეტყვით ზუსტად, რა უნდა. ამაზე აქაური ბადრაგებიც დაუფარავად ბრაზდებიან და სხვადასხვა არასასიამოვნო ტერმინებით მოიხსენიებენ.დაბოლოს, მე, რომელმაც საკუთარ თავს პოლიტინფორმატორის ფუნქცია გამოვუნახე – ყოველ მეორე საღამოს ეზოში შეკრებილ ბადრაგებს და მეზობელი კორპუსის პატიმრებს საკნის სარკმლიდან სკამზე ამძვრალი ლექციას ვუკითხავ რუსეთ-საქართველოს ურთიერთობებზე და ისინიც დიდი ყურადღებით მისმენენ. დაამატეთ, ყოველი საღამოს, რატომღაც ზუსტად 6 საათზე, ყვავების შეკრება და ისტერიული ჩხავილი, როცა ნამდვილი ბულბული პაატა ბურჭულაძე გაჩუმებული ჰყავთ გისოსებს მიღმა. ხოდა, ზუსტად „ვიღაცამ გუგულის ბუდეს გადაუფრინა“ (flying over the cuckoo’s nest) სიტუაციაა და რა გასაკვირია, რომ ადრე ფსიქიატრი ათასში ერთხელ თუ შემოივლიდა ხოლმე, ახლა პრაქტიკულად მორიგეობს ამ კორპუსში. გამოწერილი „აბი გლუკოზები“ მე მგონი ვეღარავის შველის. ამასობაში მგონი, წყალსადენიც გაიფიცა და ციხეში მე-3 დღეა, წყალი არ მოდის“, – წერს სააკაშვილი.

პოლიტიკა • 1788501222

გერმანიის თავდაცვის მინისტრის განცხადებით, AfD-ის ზოგიერთი პარტიის აკრძალვის შესახებ პროცედურები უნდა დაიწყოს

 გერმანიის თავდაცვის მინისტრმა, ბორის პისტორიუსმა, შესაბამის ორგანოებს AfD-ის ზოგიერთი პარტიის აკრძალვის შესახებ პროცედურების დაწყებისკენ მოუწოდა. მისი მტკიცებით, AfD-ის ექსტრემისტული ფრთა საფრთხეს უქმნის ქვეყნის კონსტიტუციურ წესრიგს.ჩარევა საქსონია-ანჰალტში 6 სექტემბრის არჩევნებამდე რამდენიმე დღით ადრე მოხდა, სადაც გამოკითხვების შედეგების თანახმად, AfD-ს შეუძლია, უმრავლესობა მოიპოვოს.პისტორიუსმა პარტიის სახალხო ფრთა ეთნიკურად ერთგვაროვანი გერმანიის ძიებაში დაადანაშაულა და თქვა, რომ გულუბრყვილობაა იმის დაჯერება, რომ ექსტრემისტების დამარცხება მხოლოდ პოლიტიკური დებატებით შეიძლება.ნებისმიერი აკრძალვა საბოლოოდ გერმანიის ფედერალურმა საკონსტიტუციო სასამართლომ უნდა დაამტკიცოს.

მსოფლიო • 1788429493

პუტინი: შეთანხმება, პირველ რიგში, რუსეთსა და უკრაინას შორის უნდა შედგეს

უკრაინაში კონფლიქტის მოგვარების კონსტრუქციული სამშვიდობო მოლაპარაკებების შანსი არსებობს, - განაცხადა რუსეთის პრეზიდენტმა ვლადიმერ პუტინმა.„არსებობს თუ არა შანსები? ჩემი აზრით, დიახ, არსებობს“, - აღნიშნა პუტინმა აღმოსავლეთის ეკონომიკური ფორუმის პლენარულ სხდომაზე.ამასთან, მან ხაზგასმით აღნიშნა, რომ „ერთმანეთში მორიგება, პირველ რიგში, რუსეთმა და უკრაინამ უნდა შეძლონ“.„რუსეთი მადლობელია ყველასი, ვინც უკრაინის კონფლიქტის მოგვარებაში წვლილის შეტანას ცდილობს“, - დასძინა რუსეთის სახელმწიფოს მეთაურმა.რუსეთის პრეზიდენტმა აღნიშნა, რომ ისეთი ქვეყნები, როგორებიცაა აშშ და ჩინეთი, მუდმივად ამახვილებენ ყურადღებას ამ თემაზე „და ყოველნაირად უწყობენ ხელს, რომ პრობლემა გადაიჭრას, პირველ რიგში კი მშვიდობიანი საშუალებებით“.„ჩინეთის სახალხო რესპუბლიკის თავმჯდომარე სი ძინპინი, როდესაც მას ვხვდებით, ასევე მუდმივად აყენებს ამ საკითხს“, - განაცხადა პუტინმა.„თუმცა, საბოლოო ჯამში, ეს პრობლემა, პირველ რიგში, კონფლიქტში ჩართულმა ქვეყნებმა უნდა გადაჭრან. ესენია რუსეთი და უკრაინა. ეს სწორი მიდგომაა. მაგრამ ჩვენ მადლობელი ვართ ყველასი, ვინც ამ საკითხის მოგვარებაში საკუთარი წვლილის შეტანას ცდილობს“, - შეაჯამა მან.

მსოფლიო • 1788415326

ესპანეთის პოლიციამ მადრიდში სეუტას მიგრაციულ კრიზისთან დაკაშირებული აქცია ცრემლსადენი გაზითა და რეზინის ტყვიებით დაშალა

ესპანეთში ათიათასობით ადამიანმა სეუტას მიგრაციული კრიზისის გასაპროტესტებლად ქუჩებში გავიდა. ხალხი შეიკრიბა მადრიდში, ბარსელონაში, ვალენსიასა და სევილიაში.ადგილობრივი მედია იუწყება, რომ მადრიდში აქცია ძირითადად მშვიდობიან ხასიათს ატარებდა, თუმცა, „ელ პაისის“ ცნობით, უკვე საღამოს დემონსტრაცია ნაწილობრივ ძალადობაში გადაიზარდა, ხალხის დასაშლელად პოლიციამ ცრემლსადენი გაზი და რეზინის ტყვიები გამოიყენა.„ესოშიეთიდ პრესი“ წერს, რომ დემონსტრანტები პრობლემის გადაჭრას მოითხოვდნენ, ასევე აკრიტიკებდნენ პრემიერ-მინისტრ პედრო სანჩესის მთავრობას კრიზისთან გამკლავების უუნარობის გამო.ხელისუფლებაში აცხადებენ, რომ მადრიდში საპროტესტო აქციას დაახლოებით 50 000 ადამიანი შეუერთდა. დემონსტრანტები ესპანეთის დროშებს აფრიალებდნენ და სკანდირებდნენ: „ერთიანი სეუტა ვერასოდეს დამარცხდება“, „სანჩესი ციხეში“ და „შემოჭრილებო, სახლში წადით“.საპროტესტო აქციების ორგანიზატორი ესპანეთის მუნიციპალიტეტებისა და პროვინციების ფედერაცია იყო. თუმცა, აქციებს მხარს უჭერდნენ ოპოზიციური სახალხო პარტია (PP) და პარტია Vox, რომელიც არალეგალური მიგრაციის წინააღმდეგ მკაცრი პოზიციით გამოირჩევა.ესპანეთის მთავრობა უარყოფს ბრალდებებს, რომ სეუტა უყურადღებოდ მიატოვა. მათი თქმით, ქალაქის სოციალური სერვისების დასახმარებლად 309 მილიონი ევრო გამოყო, განსაკუთრებული ყურადღება კი მიგრანტების საცხოვრებლით უზრუნველყოფას, ქალაქის ეკონომიკასა და უსაფრთხოებას დაეთმობა.ცნობისთვის, ივლისის ბოლოს დაახლოებით 72 000 ადამიანი მაროკოს მოსაზღვრე ესპანეთის მცირე ტერიტორიაზე, სეუტაში შევიდა. ევროპაში მოხვედრის მცდელობისას სულ მცირე 90 ადამიანი დაიღუპა. მიგრანტების უმეტესობა მალევე დაბრუნდა ან საზღვარზე უკან გადაიყვანეს, თუმცა ეროვნული მთავრობის ინფორმაციით, რამდენიმე კვირის შემდეგ სეუტაში დაახლოებით 5 000 მიგრანტი, მათ შორის 1 200 არასრულწლოვანი, კვლავ რჩება.

სამართალი • 1788361613

გიორგი პატარიძე: პენიტენციური დაწესებულების დირექტორს ირაკლი ღარიბაშვილთან მიმართებით დამატებითი პაემნით წახალისების შესახებ სამართლებრივი აქტი არ გამოუცია, შესაბამისად, პაემანი ვერც ჩაინიშნებოდა და ვერც გაუქმდებოდა

სპეციალური პენიტენციური  სამსახურის გენერალური დირექტორი გიორგი პატარიძე  მტკნარ სიცრუეს უწოდებს სახალხო დამცველის მიერ გაკეთებულ  განცხადებას, თითქოს მსჯავრდებულ ირაკლი ღარიბაშვილს წახალისების სახით ჩანიშნული ჰქონდაპაემანი, რომელიც პენიტენციურდაწესებულებაში მიმდინარეინფრასტრუქტურული სამუშაოების გამოგაუქმდა. როგორც  პატარიძე  განმარტავს, მსჯავრდებულ ღარიბაშვილს დაწესებულების დებულებით გათვალისწინებული პაემნების ლიმიტი  სრულად აქვს ამოწურული.,,სამწუხაროდ, კიდევ ერთხელ გვიწევს პენიტენციურ სამსახურს განმარტების გაკეთება მსჯავრდებულ ირაკლი ღარიბაშვილის ვითომდა გაუქმებულ პაემანთან დაკავშირებით. ხაზგასმით მინდა აღვნიშნო, რომ ეს არის მტკნარი სიცრუე გამომდინარე იქიდან, რომ მას სრულად აქვს №12 პენიტენციური დაწესებულების დებულებით გათვალისწინებული პაემნების ლიმიტი ამოწურული“, _განაცხადა გიორგი პატარიძემ.მისივე თქმით, მსჯავრდებულ ღარიბაშვილთან დაკავშირებით დაწესებულების დირექტორს არც დამატებითი პაემნით წახალისების თაობაზე გამოუცია სამართლებრივი აქტი, შესაბამისად, პაემანი არც ჩანიშნულა და არც გაუქმებულა.,,აქვე განვმარტავ, რომ  დაწესებულების დირექტორს სრული უფლება აქვს გამოსცეს შესაბამისი სამართლებრივი აქტი მსჯავრდებულის პაემნით წახალისებასთან მიმართებაში, თუმცა ამ შემთხვევაში  მსგავსი აქტი გამოცემული არ ყოფილა და შესაბამისად, ვერც პაემანი ვერ იქნებოდა ჩანიშნული“, _განაცხადა გიორგი პატარიძემ და მოუწოდა ყველას თავი შეიკავონ არასწორი ინფორმაციის გავრცელებისგან.

პოლიტიკა • 1788352648

მიხეილ ყაველაშვილმა ჩინეთის სახალხო რესპუბლიკის ყოფილ ელჩს საქართველოში, ოქროს საწმისის ორდენი გადასცა

საქართველოს პრეზიდენტმა, მიხეილ ყაველაშვილმა ჩინეთის სახალხო რესპუბლიკის ყოფილ ელჩს საქართველოში, ჭოუ ციენს, საქართველოსა და ჩინეთს შორის ორმხრივი ურთიერთობების გაღრმავებაში შეტანილი პირადი წვლილისა და ნაყოფიერი საქმიანობისთვის ოქროს საწმისის ორდენი გადასცა.ჭოუ ციენის საქართველოში არყოფნის გამო სახელმწიფო ჯილდო პრეზიდენტის სასახლეში ჩინეთის სახალხო რესპუბლიკის ელჩის მოვალეობის შემსრულებელმა, ტაი ჩუნიუნგმა მიიღო.საქართველოს პრეზიდენტმა ყურადღება გაამახვილა ჭოუ ციენის დიპლომატიური მისიის პერიოდში საქართველო-ჩინეთს შორის ურთიერთობების მნიშვნელოვან განვითარებაზე.მიხეილ ყაველაშვილმა ჩინეთის სახალხო რესპუბლიკასთან ურთიერთობების გაღრმავების მნიშვნელობას გაუსვა ხაზი და იმედი გამოთქვა, რომ ბოლო წლებში შექმნილი მყარი საფუძველი მომავალშიც შეუწყობს ხელს ორ ქვეყანას შორის პარტნიორობის გაძლიერებას.ინფორმაციას პრეზიდენტის ადმინისტრაცია ავრცელებს.

სამართალი • 1788341994

სპეციალური პენიტენციური სამსახური განცხადებას ავრცელებს

სპეციალური პენიტენციური სამსახური ეხმიანება საქართველოს სახალხო დამცველის, ლევან იოსელიანის განცხადებას, რომელიც მან მსჯავრდებულ ირაკლი ღარიბაშვილთან შეხვედრის შემდეგ გააკეთა, რომ თითქოს მსჯავრდებულს წახალისების სახით ჩანიშნული ჰქონდა პაემანი, რომელიც პენიტენციურ დაწესებულებაში მიმდინარე ინფრასტრუქტურული სამუშაოების გამო გაუქმდა.„ცალსახად და დაბეჯითებით ვაცხადებთ, რომ არანაირი პაემანი ჩანიშნული არ ყოფილა და, შესაბამისად, ვერც გაუქმდებოდა.აქვე, კიდევ ერთხელ განვმარტავთ, რომ დახურული ტიპის დაწესებულების (რომელშიც განთავსებულია მსჯავრდებული ღარიბაშვილი) დებულების შესაბამისად, მსჯავრდებულ ღარიბაშვილს აქვს წელიწადში ორი ხანგრძლივი და თვეში ერთი ხანმოკლე პაემნის გამოყენების უფლება და ეს ლიმიტები მას სრულად აქვს ათვისებული.რაც შეეხება წახალისების ფორმით თავისუფლებააღკვეთილი პირისთვის დამატებითი პაემნის დანიშვნას, ეს ხდება პენიტენციური დაწესებულების დირექტორის განკარგულებით, რაც მსჯავრდებულ ღარიბაშვილის შემთხვევაში არ მომხდარა. ამდენად, ინფრასტრუქტურული სამუშაოები, რომლებიც ყველა პენიტენციურ დაწესებულებაში პერიოდულად ხორციელდება, არაფერ შუაშია. პაემანი არც ჩანიშნულა და არც გაუქმებულა“, - აღნიშნულია განცხადებაში.

რეგიონი • 1788168613

სამცხე-ჯავახეთის სახელმწიფო რწმუნებული და ადგილობრივი ხელისუფლება „ტაბაწყურობის“ დღესასწაულს დაესწრნენ

სამცხე-ჯავახეთის სახელმწიფო რწმუნებული იოსებ ალიბეგაშვილი ბორჯომის მუნიციპალიტეტის მერთან, მამუკა გელაშვილთან ერთად, სოფელ ტაბაწყურში გამართულ სახალხო დღესასწაულს — „ტაბაწყურობას“ დაესწრო.​სოფლის დღესასწაულთან დაკავშირებით ღონისძიებაზე მკლავჭიდში ტურნირი გაიმართა.​ღონისძიებას სოფლის მოსახლეობასთან ერთად ასევე ესწრებოდნენ სამცხე-ჯავახეთის სახელმწიფო რწმუნებულის მოადგილე ვახტანგ მერაბიშვილი, ბორჯომის მერის პირველი მოადგილეები ბიბო პაპიძე და გელა მაღრაძე.

რეგიონი • 1788117317

აჭარის მთავრობის თავმჯდომარე ზურაბ პატარაძე სახალხო დღესასწაულს „ტბელობას“ დაესწრო

აჭარის მთავრობის თავმჯდომარე, ზურაბ პატარაძე ოჯახთან ერთად „ტბელობის“ სახალხო დღესასწაულთან დაკავშირებით გამართულ ღონისძიებებს დაესწრო, - ინფორმაციას აჭარის მთავრობა ავრცელებს.უწყების ცნობით, დღესასწაულის ფარგლებში, ხულოს მუნიციპალიტეტში საზეიმოდ გაიხსნა მოქანდაკე დავით ბოლქვაძის მიერ შექმნილი გამოჩენილი ქართველი პროზაიკოსის, ჰიმნოგრაფის, მწიგნობრისა და ასტრონომის, ტბელ აბუსერისძის ძეგლი, რომელიც დაბა ხულოს განახლებულ სკვერში განთავსდა და რომლის რეაბილიტაციის პროექტის ფარგლებში, მოეწყო ბავშვთა გასართობი და სპორტული ზონები, მოსასვენებელი სივრცეები,ასევე განხორციელდა გამწვანების სამუშაოები.„ტბელობის“ სახალხო დღესასწაულის აღნიშვნა სოფელ ხიხაძირში გაგრძელდა, სადაც სტუმრებს მისასალმებელი სიტყვით ხულოს მუნიციპალიტეტის მერმა ვახტანგ ბერიძემ მიმართა. ადგილობრივებს დღესასწაული აჭარის მთავრობის თავმჯდომარესთან ერთად, აჭარის უმაღლესი საბჭოს თავმჯდომარემ ცოტნე ანანიძემ, საქართველოს პარლამენტის წევრმა ანზორ ბოლქვაძემ, აჭარის უმაღლესი საბჭოს წევრმა მინურ პაქსაძემ, ხულოს მუნიციპალიტეტის საკრებულოს თავმჯდომარემ რენარ ბოლქვაძემ და სხალთის მთავარეპისკოპოსმა მეუფე სპირიდონმა მიულოცეს.ღონისძიების ფარგლებში, აჭარის მთავრობის და უმაღლესი საბჭოს თავმჯდომარეებმა წმინდა ტბელ აბუსერისძის სახელობის მუნიციპალური პრემიის ლაურეატები დააჯილდოვეს. ზურაბ პატარაძემ ხულოს მუნიციპალიტეტში არქიტექტურულ სფეროში შეტანილი განსაკუთრებული წვლილისთვის ოთარ შავაძეს პრემია გადასცა.დღესასწაული ადგილობრივი ანსამბლების - „ბერმუხას“ „ხელგაშლილას“, „არგინეთის“ და სხვა შემსრულებლების მონაწილეობით გამართული კონცერტით დასრულდა.„ტბელობის“ სახალხო დღესასწაულს აჭარის მთავრობის, უმაღლესი საბჭოსა და ადგილობრივი თვითმმართველობის წარმომადგენლები ესწრებოდნენ, - აღნიშნულია გავრცელებულ ინფორმაციაში.

პოლიტიკა • 1788094080

ისლანდიამ ევროკავშირში გაწევრიანებას უარი უთხრა. ქვეყანა დარჩება ევროპის ეკონომიკურ სივრცეში, შენგენსა და ნატოში. მას კვლავ ექნება ევროკავშირის ერთიან ბაზარზე წვდომა, მაგრამ შეინარჩუნებს დამოუკიდებელ ვალუტას და საკუთარ კონტროლს ძირითად რესურსებზე - გურამ ნიკოლაშვილი

დღეს გავიგეთ, რომ ისლანდიაში რეფერენდუმი ჩატარდა და შედეგად ქვეყანამ ევროკავშირში გაწევრიანებას უარი უთხრა, - წერს თბილისის საკრებულოს წევრი, გურამ ნიკოლაშვილი.ნიკოლაშვილი დეტალურად განმარტავს, თუ რატომ ჩატარდა ეს რეფერენდუმი, რატომ დადგა საკითხი დღის წესრიგში, ვინ ემხრობოდა და ვინ ეწინააღმდეგებოდა, რა არგუმენტები იყო, რა შედეგი დაფიქსირდა და რა იქნება ამიერიდან.„ვინაიდან ქართული მედიის იმედი ვერ გექნება კაცს, რომ ინფორმაციას ამომწურავად მივიღებთ, მოგვიწევს წყაროებში უფრო ღრმად ჩავიხედოთ და გავიგოთ, თუ საერთოდ რატომ ჩატარდა ეს რეფერენდუმი, რატომ დადგა საკითხი დღის წესრიგში, ვინ ემხრობოდა და ვინ ეწინააღმდეგებოდა, რა არგუმენტები იყო, რა შედეგი დაფიქსირდა და რა იქნება ამიერიდან.ისლანდიის კუნძულოვანი სახელმწიფოს ტერიტორია 103 ათასი კვ. კილომეტრია, მაცხოვრებელი კი დაახლოებით 400 ათასი ადამიანი. ესე იგი - ქვეყანა საქართველოზე ზუსტად 50%-ით დიდია, მოსახლეობით კი ცხრაჯერ ნაკლები. 2026 წლის 29 აგვისტოს ჩატარებულ რეფერენდუმზე მოსახლეობის 82.5%-მა მიიღო მონაწილეობა, საიდანაც 52.8%-მა ევროკავშირთან გაწევრიანების მოლაპარაკებების განახლებას მხარი არ დაუჭირა. მომხრე იყო 47.2%.ამ რეფერენდუმზე უშუალოდ ევროკავშირში გაწევრიანება არ გადაწყვეტილა. კითხვა ეხებოდა იმას, უნდა დაჰბრუნებოდა თუ არა ისლანდია 2009 წელს დაწყებულ და 2013 წელს შეჩერებულ მოლაპარაკებებს. ძალიან ნაცნობი სურათია ჩვენთვის ხომ?ამიტომ საინტერესოა, რა მოხდა ისლანდიაში და რას გვასწავლის მისი ამბავი. ყველაფერი 2008 წლის ფინანსური კრიზისიდან იწყება.ისლანდიის საბანკო სისტემის ჩამოშლამ და კრონის მკვეთრმა გაუფასურებამ ქვეყანაში ევროკავშირში გაწევრიანებისა და ევროს მიღებისადმი ინტერესი მნიშვნელოვნად გაზარდა. პატარა და ღია ეკონომიკისთვის საკუთარი არასტაბილური ვალუტა ერთ-ერთ მთავარ რისკად ჩაითვალა.2009 წელს სოციალ-დემოკრატების ხელმძღვანელობით მოქმედმა მთავრობამ ევროკავშირში გაწევრიანების განაცხადი შეიტანა, ხოლო 2010 წელს მოლაპარაკებები დაიწყო. პროცესი საკმაოდ შორს წავიდა: 33 არსებითი თავიდან 27 გაიხსნა.ამის შემდეგ თავს იჩენს მთავარი წინააღმდეგობა - თევზჭერა.თევზის პროდუქცია ისლანდიის სასაქონლო ექსპორტის დაახლოებით 40%-ს შეადგენს. საკუთარ ტერიტორიულ წყლებსა და თევზის რესურსებზე დამოუკიდებელი კონტროლი ქვეყნისთვის არა მხოლოდ ეკონომიკური, არამედ პოლიტიკური მნიშვნელობის საკითხიცაა.ევროკავშირში გაწევრიანების შემთხვევაში ისლანდიას საერთო თევზჭერის პოლიტიკასთან შეთანხმება მოუწევდა. სადავო იყო ისიც, შეძლებდა თუ არა ქვეყანა მუდმივი გამონაკლისების მიღებას და შეინარჩუნებდა თუ არა საკუთარ წყლებში თევზჭერის კვოტებზე რეალურ კონტროლს. რომ დავაზუსტოთ, გადაჭრით არაფერი იყო ცნობილი, უბრალოდ არსებობდა ეჭვები და კითხვები, რომ შესაძლოა დღეს არსებული სტატუს-კვო შეცვლილიყო. გაჩნდა რისკის შეგრძნება, შიში.სირთულეები არსებობდა სოფლის მეურნეობის მიმართულებითაც. ისლანდიელი ფერმერები შიშობდნენ, რომ მცირე ადგილობრივი სექტორი ევროკავშირის საერთო ბაზარზე გაცილებით მსხვილ და სუბსიდირებულ ევროპულ მწარმოებლებთან კონკურენციას ვერ გაუძლებდა.ამასობაში ისლანდიის ეკონომიკა კრიზისიდან გამოვიდა. დამოუკიდებელი კრონა, რომელიც 2008 წელს ერთ-ერთ მთავარ სისუსტედ აღიქმებოდა, აღდგენის ნაწილადაც იქცა: გაუფასურებულმა ვალუტამ ექსპორტსა და ტურიზმს შეუწყო ხელი.გამოხდა ხანი. 2013 წლის არჩევნებში გაიმარჯვეს ევროკავშირისადმი სკეპტიკურად განწყობილმა დამოუკიდებლობისა და პროგრესულმა პარტიებმა (ნეტა რატომ?!). ახალმა მთავრობამ მოლაპარაკებები შეაჩერა და განაცხადა, რომ მათი განახლება რეფერენდუმის გარეშე აღარ მოხდებოდა. ნაცნობი სურათია ხომ?2015 წელს მთავრობამ ევროკავშირს აცნობა, რომ ისლანდია კანდიდატ ქვეყნად აღარ უნდა განეხილა. თუმცა წევრობის განაცხადის ფორმალურად გასაუქმებლად პარლამენტში დაწყებული პროცესი ბოლომდე ვერ მივიდა. განაცხადი სადავო მდგომარეობაში დარჩა, მოლაპარაკებები კი ფაქტობრივად გაიყინა.ერთი მთავრობის მიერ დაწყებული ევროპული პროცესი მეორე მთავრობამ შეაჩერა, მაგრამ არც დაწყებაზე და არც შეჩერებაზე მოსახლეობას პირდაპირ არ უყრია კენჭი. სწორედ ამ ეტაპზე შეიძინა საკითხმა დამატებითი პოლიტიკური მნიშვნელობა.მოლაპარაკებების გაყინვას პროტესტი მოჰყვა. ათასობით ადამიანი პარლამენტთან შეიკრიბა, ხოლო ათიათასობით მოქალაქემ რეფერენდუმის მოთხოვნით პეტიციას მოაწერა ხელი. ესეც ნაცნობი სურათია და წესით აქ ისლანდიური უწყვეტი პროტესტის აღწერა უნდა იყოს, მარშებით და ამბებით, მაგრამ ჩვენგან განსხვავებით ისლანდიელები გაცილებით პრაგმატულები, ადეკვატურები და ევროპელები გამოდგნენ.პროტესტიც კი ავტომატურად არ ნიშნავდა, რომ ყველა მონაწილე ევროკავშირში გაწევრიანებას ემხრობოდა. მოთხოვნა სრულიად კონკრეტული იყო: დასრულებულიყო მოლაპარაკებები, გამოჩენილიყო წევრობის რეალური პირობები და საბოლოო გადაწყვეტილება მოსახლეობას მიეღო.ისლანდიურ პოლიტიკაში წლების განმავლობაში ერთმანეთისგან სამ პოზიციას განასხვავებდნენ:- ევროკავშირში გაწევრიანების მხარდაჭერას;- გაწევრიანების წინააღმდეგობას;- მოლაპარაკებების დასრულებისა და შემდეგ რეფერენდუმის ჩატარების მხარდაჭერას.პროტესტი 2014 წლის თებერვალში დაიწყო, როდესაც მთავრობამ პარლამენტში ევროკავშირში გაწევრიანების განაცხადის რეფერენდუმის გარეშე გასაუქმებლად წინადადება შეიტანა. პირველივე დღეებში პარლამენტთან დაახლოებით 3 000 ადამიანი შეიკრიბა, გამოსვლები კი მარტსა და აპრილშიც გაგრძელდა. პარალელურად, რეფერენდუმის მოთხოვნით დაწყებულ პეტიციას საბოლოოდ 53 555 ადამიანმა — მაშინდელი ამომრჩევლების დაახლოებით 22%-მა — მოაწერა ხელი. ზეწოლის შედეგად მთავრობამ 2014 წლის მაისში განაცხადის ფორმალურად გაუქმება გადადო და შესაბამისი წინადადება პარლამენტში კენჭისყრამდე აღარ მისულა. ქუჩის აქტიური ფაზა ამის შემდეგ თანდათან დასრულდა, თუმცა მოთხოვნა პოლიტიკურ დღის წესრიგში დარჩა. როდესაც 2015 წლის მარტში მთავრობამ პარლამენტის გვერდის ავლით მაინც აცნობა ევროკავშირს, რომ ისლანდია კანდიდატად აღარ უნდა განხილულიყო, პარლამენტთან კიდევ ერთი, დაახლოებით 8 000-კაციანი აქცია გაიმართა. გადაწყვეტილება აღარ შეცვლილა, პროტესტი კი უწყვეტ მოძრაობად არ ქცეულა — რეფერენდუმის მოთხოვნა პარტიულ და საარჩევნო პოლიტიკაში გადავიდა.კიდევ გავიდა ხანი. 2024 წლის არჩევნების შემდეგ ხელისუფლებაში მოვიდა სოციალ-დემოკრატიული ალიანსის, ლიბერალური რეფორმების პარტიისა და სახალხო პარტიის კოალიცია.სოციალ-დემოკრატები და ლიბერალური რეფორმების პარტია ევროკავშირში გაწევრიანებას ემხრობოდნენ. სახალხო პარტია წევრობისადმი სკეპტიკურად იყო განწყობილი, მაგრამ დაეთანხმა, რომ მოლაპარაკებების განახლების საკითხი მოსახლეობას გადაეწყვიტა.რეფერენდუმის საკითხის დღის წესრიგში დაბრუნებას ხელი რამდენიმე ახალმა გარემოებამაც შეუწყო:- კრონის მერყეობამ, მაღალმა ინფლაციამ და საპროცენტო განაკვეთებმა;- რუსეთის მიერ უკრაინაში დაწყებული ომის შემდეგ შეცვლილმა უსაფრთხოების გარემომ;- არქტიკაში გაზრდილმა გეოპოლიტიკურმა დაპირისპირებამ;- აშშ-ის სატარიფო პოლიტიკამ და სავაჭრო ურთიერთობების შესაძლო გართულებამ.მოლაპარაკებების მომხრეები ამბობდნენ, რომ ისლანდია ევროკავშირის ერთიან ბაზარში ისედაც მონაწილეობს და ევროპული კანონმდებლობის მნიშვნელოვან ნაწილსაც ასრულებს, მაგრამ ამ წესების შექმნაში სრულფასოვანი ხმა არ აქვს.მათი მეორე მთავარი არგუმენტი ევრო იყო. მათი აზრით, ევროკავშირში გაწევრიანება და შემდგომ ევროზონაში შესვლა შეამცირებდა სავალუტო რისკს, საპროცენტო განაკვეთებსა და კრედიტის ღირებულებას.მნიშვნელოვანი იყო ის არგუმენტიც, რომ რეფერენდუმზე წევრობა არ წყდებოდა: „კის“ შემთხვევაში მთავრობა მხოლოდ მოლაპარაკებებს განაახლებდა, მიღებული შეთანხმება კი მეორე, საბოლოო რეფერენდუმზე გავიდოდა.მოწინააღმდეგეები პასუხობდნენ, რომ მოლაპარაკებების განახლება პრაქტიკულად გაწევრიანების პროცესის აღდგენას ნიშნავდა.მათი მთავარი არგუმენტი თევზჭერა და ეროვნულ რესურსებზე კონტროლი იყო. ისინი ასევე მიუთითებდნენ, რომ ისლანდია ევროპის ეკონომიკური სივრცისა და შენგენის წევრობით ევროკავშირთან ინტეგრაციის ძირითად სარგებელს უკვე იღებს, მაგრამ ინარჩუნებს დამოუკიდებელ პოლიტიკას თევზჭერის, სოფლის მეურნეობის, ვალუტისა და საგარეო ვაჭრობის ნაწილში.მოწინააღმდეგეები არც იმას ეთანხმებოდნენ, რომ ევრო ავტომატურად გადაჭრიდა ინფლაციის, ძვირი საცხოვრებლისა და მაღალი პროცენტების პრობლემას. მათი აზრით, ევროზონაში შესვლა ქვეყანას საკუთარი ფულად-საკრედიტო პოლიტიკის წარმოების შესაძლებლობას წაართმევდა.2026 წლის 29 აგვისტოს ჩატარებულ რეფერენდუმზე გაიმარჯვა „არამ“ — 52.8%-ით 47.2%-ის წინააღმდეგ.შედეგმა გეოგრაფიული განსხვავებაც აჩვენა: მოლაპარაკებების განახლებას რეიკიავიკში დაუჭირეს მხარი, ხოლო დედაქალაქის გარეთ, განსაკუთრებით თევზჭერასა და სოფლის მეურნეობაზე დამოკიდებულ რეგიონებში, უმრავლესობამ უარი თქვა.რეფერენდუმი ფორმალურად საკონსულტაციო იყო, მაგრამ მთავრობას წინასწარ ჰქონდა აღებული ვალდებულება, რომ შედეგს დაემორჩილებოდა. შესაბამისად, ევროკავშირთან გაწევრიანების მოლაპარაკებები აღარ განახლდება და საკითხი, სულ მცირე, ამ მთავრობის მოქმედების პერიოდში დახურული იქნება.ისლანდია დარჩება ევროპის ეკონომიკურ სივრცეში, შენგენსა და ნატოში. მას კვლავ ექნება ევროკავშირის ერთიან ბაზარზე წვდომა, მაგრამ შეინარჩუნებს დამოუკიდებელ ვალუტას და საკუთარ კონტროლს თევზჭერასა და სხვა ძირითად რესურსებზე.P.S. - რეფერენდუმამდე ცხადია გამოკითხვაც ჩატარდა, საქმეში წამყვანი მედიასაშუალება ჩაერთო, რომელმაც მოსახლეობას მკაფიო სიგნალი გაუგზავნა - გაწევრიანების მომხრე წინასწარი გამოკითხვით 53%-იაო.ჯერ-ჯერობით არაფერი ისმის იქაური ლიდერების, რომლებიც გაყალბებაზე და ბიულეტენების გაჟონვაზე დაიწყებენ ყვირილს“, - წერს ნიკოლაშვილი.

პოლიტიკა • 1787901062

ირაკლი ნადარეიშვილი ჩინური ტექნოლოგიური ჯგუფის Trip.com Group-ის ვიცე-პრეზიდენტს შეხვდა

ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, ტურიზმის ეროვნული ადმინისტრაციის ხელმძღვანელ მაია ომიაძესთან ერთად, ჩინეთის სახალხო რესპუბლიკის მსხვილი ტექნოლოგიური ჯგუფის Trip.com Group-ის ვიცე-პრეზიდენტს, ედისონ ჩენს შეხვდა. ინფორმაციას ეკონომიკისა და მდგრადი განვითარების სამინისტრო ავრცელებს.შეხვედრაზე მხარეებმა საქართველოს ტურისტულ შესაძლებლობებზე იმსჯელეს. აღინიშნა, რომ ჩინეთის ბაზარზე საქართველოს ინტეგრირებული მარკეტინგული კამპანიის ფარგლებში მიმდინარეობს თანამშრომლობა Trip.com Group-ის პოპულარულ ტურისტულ პლატფორმასთან Ctrip, კერძოდ, Ctrip - ზე ამოქმედდა საქართველოს გვერდი, რომლის მეშვეობითაც პლატფორმის მომხმარებლებს შეუძლიათ გაეცნონ საქართველოს ტურისტულ მიმართულებებსა და პროდუქტებს, ამავე სივრციდან განახორციელონ ფრენების, სასტუმროებისა და სხვა ტურისტული სერვისების მოძიება/შეძენა.მინისტრის მოადგილემ ყურადღება გაამახვილა ჩინეთზე, როგორც სტრატეგიულ ტურისტულ მიმართულებაზე და აქცენტი გააკეთა როგორც მიზნობრივ მარკეტინგულ კამპანიებზე, ასევე ორ ქვეყანას შორის მეტი ახალი პირდაპირი რეისის ამოქმედებაზე.შეხვედრაზე ხაზი გაესვა, რომ კამპანიის მთავარი მიზანია ჩინეთის ბაზარზე საქართველოს, როგორც ტურისტული მიმართულების ცნობადობის გაზრდა, პოტენციური მოგზაურების დაინტერესება და საბოლოოდ, საქართველოში მოგზაურობისა და ჯავშნების სტიმულირება. კამპანია 2026 წლის ბოლომდე გაგრძელდება.2026 წლის ორი კვარტლის მონაცემებით, საქართველოში ჩინეთიდან 54,554 საერთაშორისო ვიზიტი შედგა, რაც 16.7%-ით მეტია გასული წლის ანალოგიურ პერიოდთან შედარებით. მეორე კვარტალში კი ზრდამ 3.2% შეადგინა. 2025 წლის განმავლობაში, ჩინეთიდან საქართველოში განხორციელდა 127,895 ვიზიტი, რაც 44%-იან ზრდას წარმოადგენს 2024 წლის მაჩვენებელთან შედარებით.

საზოგადოება • 1787836667

ღრმა მწუხარებას გამოვთქვამთ ნეპალსა და ჩინეთის სახალხო რესპუბლიკაში მომხდარი დამანგრეველი წყალდიდობის გამო - საქართველოს საგარეო უწყება

საქართველოს საგარეო საქმეთა სამინისტრო ნეპალსა და ჩინეთში მომხდარი წყალდიდობის გამო, რომელსაც მსხვერპლი მოჰყვა, მწუხარებას გამოთქვამს.ამის შესახებ საგარეო უწყების მიერ სოციალურ ქსელ X-ზე გავრცელებულ პოსტშია აღნიშნული."ღრმა მწუხარებას გამოვთქვამთ ნეპალსა და ჩინეთის სახალხო რესპუბლიკაში მომხდარი დამანგრეველი წყალდიდობის გამო. გულწრფელ სამძიმარს ვუცხადებთ დაკარგულთა ოჯახებს და ამ ტრაგედიის შედეგად დაზარალებულ ყველა ადამიანს. დაშავებულებს სწრაფ გამოჯანმრთელებას ვუსურვებთ და სოლიდარობას ვუცხადებთ მიმდინარე სამაშველო ოპერაციებს, ყველას, ვინც დაუღალავად მუშაობს დაზარალებულთა დასახმარებლად," – აცხადებენ საქართველოს საგარეო უწყებაში.