სახალხო

ნაჩო სანჩეს ამორის განცხადება სულელურია, ვინაიდან, არ არსებობს ისეთი გულუბრყვილო ადამიანი ე.წ. სანქცირებულთა შორის, რომელიც ამორს ან საერთოდ, ევროპარლამენტარებს ამ პრობლემის მოგვარებისთვის მიმართავს - გიორგი ვოლსკი

საქართველოს პარლამენტის პირველი ვიცე-სპიკერი, გიორგი ვოლსკი, ევროპარლამენტარ ნაჩო სანჩეს ამორის განცხადებას აფასებს, რომელიც ირწმუნება, რომ სანქცირებული პირები ევროკავშრში რეკავენ შეკითხვებით, თუ როგორ შეუძლიათ სანქცირებულთა სიიდან ამოშლა. როგორც ვოლსკი აღნიშნავს, ევროპარლამენტარის განცხადება სულელურია, ვინაიდან, ასეთი გულუბრყვილო ადამიანი სანქცირებულთა შორის, რომელიც ნაჩო სანჩეს ამორს ან სხვა ევროპარლამენტარს დაურეკავს ამ საკითხის მოგვარების თხოვნით, არ არსებობს."გულუბრყვილოა ეს განცხადება, თავად სანჩესსაც კარგად ვიცნობ და თავადაც ასეთი გულუბრყვილო, მსუბუქი ზედაპირული ადამიანია. ვერ ვიტყოდი, რომ იგი სერიოზული პიროვნებაა, ვინც პოლიტიკაზე გავლენას ახდენს. არის ჩვეულებრივი, კონიუნქტურული მოთხოვნების ადამიანი, სოციალ-დემოკრატი, რომელსაც თავისი მოსაზრებები მხოლოდ იმ შემთხვევაში გააჩნია, როდესაც სახალხო პარტიასა და სოციალისტებს შორის თანამდებობების გადანაწილებაზეა ლაპარაკი. ყოველ შემთხვევაში, მე მას ასეთად ვიცნობდი და რასაკვირველია, მისი განცხადება ამ შემთხვევაში, უფრო სულელურია, სხვა შეფასებას ვერ მივცემ, ვინაიდან, არ არსებობს ასეთი გულუბრყვილო ადამიანი ე.წ. სანქცირებულთა შორის, რომელიც ამორს ან საერთოდ, ევროპარლამენტარებს ამ პრობლემის მოგვარებისთვის მიმართავს." - განაცხადა გიორგი ვოლსკიმ.

პოლიტიკა • 1749214645

სახალხო დამცველმა საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტში წლიური საპარლამენტო ანგარიში წარადგინა

სახალხო დამცველმა, ლევან იოსელიანმა საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე 2024 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ანგარიშში ასახული ძირითადი მიგნებები წარმოადგინა.ომბუდსმენის აპარატის ინფორმაციით, სახალხო დამცველმა მიმოიხილა ოკუპირებულ ტერიტორიებსა თუ საოკუპაციო ხაზის მიმდებარედ მცხოვრებთა უფლებრივი მდგომარეობა და დევნილთა განსახლების პრობლემები.ინფორმაციის თანახმად, ვრცლად ისაუბრა 2024 წელს საპროტესტო აქციებზე გამოვლენილ უფლებადარღვევებთან დაკავშირებით. ხაზი გაუსვა ადმინისტრაციულ სამართალდარღვევათა კოდექსის ხარვეზებს, მედიისა და გამოხატვის თავისუფლების მზღუდავ საკანონმდებლო ცვლილებებს.„ასევე, განიხილა პენიტენციურ დაწესებულებებსა და შინაგან საქმეთა სამინისტროს სისტემაში გამოკვეთილი პრობლემები; ისაუბრა დიდი ზომის ფსიქიატრიული და შშმ პირთა დაწესებულებების დეინსტიტუციონალიზაციის გაჭიანურებულ პროცესზე.განსაკუთრებული ყურადღება გაამახვილა შეზღუდული შესაძლებლობის მქონე პირთა, ხანდაზმულთა, ბავშვთა და ქალთა უფლებრივ მდგომარეობაზე, მათ შორის, ქალთა გენდერულად მოტივირებული მკვლელობების პრევენციაზე.ცალკე გამოყო წყალზე უფლების რეალიზაციის საკითხი, ჯანმრთელობის, შრომის და ღირსეული ანაზღაურების უფლებების უზრუნველყოფის მიზნით გასატარებელი ცვლილებები; ასევე, საკუთრების უფლების რეალიზაციასთან დაკავშირებული ხარვეზები.ისაუბრა ეროვნული უმცირესობების წარმომადგენელთა სამოქალაქო ინტეგრაციისთვის განსახორციელებელ ღონისძიებებზე; სხვადასხვა დაუცველი ჯგუფების მიმართ დისკრიმინაციის აღმოფხვრის და თანასწორობის დაცვის საკითხებზე. მოკლედ მიმოიხილა რწმენისა და რელიგიის თავისუფლების თვალსაზრისით არსებული მდგომარეობა.სახალხო დამცველის გამოსვლის შემდეგ სახელისუფლებო უწყებების წარმომადგენლებმა საქართველოს სახალხო დამცველის ანგარიშში მოყვანილი რეკომენდაციების შესრულების მიმდინარეობის შესახებ მოხსენებები წარმოადგინეს.საქართველოში ადამიანის უფლებათა და თავისუფლებათა დაცვის მდგომარეობის შესახებ 2024 წლის საპარლამენტო ანგარიში სრულად შეგიძლიათ იხილოთ საქართველოს სახალხო დამცველის ოფიციალურ ვებგვერდზე“, - აღნიშნულია გავრცელებულ ინფორმაციაში.

პოლიტიკა • 1749212810

ნაჩო სანჩეს ამორის განცხადება სულელურია, თავისი მოკლე ჭკუით გადაწყვიტა, გარკვეული შეურაცხყოფა მიაყენოს „ქართულ ოცნებას“ - გია ვოლსკი

ნაჩო სანჩეს ამორის განცხადება სულელურია. თავისი მოკლე ჭკუით მან გადაწყვიტა, გარკვეული შეურაცხყოფა მიაყენოს „ქართულ ოცნებას“, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის კითხვა დაუსვეს ევროპარლამენტის წევრის, ნაჩო სანჩეს ამორის განცხადებაზე, სადაც მან აღნიშნა: „საქართველოდან რეკავენ ევროკავშირში, არასამთავრობო ორგანიზაციებში და კითხულობენ, როგორ შეიძლება სანქციების სიიდან ამოშლა“.„სანჩესს კარგად ვიცნობ და განცხადება როგორი გულუბრყვილოცაა, ისეთი გულუბრყვილო, მსუბუქი და ზედაპირული ადამიანია. ვერ ვიტყოდი, რომ სერიოზული პიროვნებაა, ვინც პოლიტიკაზე სერიოზულ გავლენას ახდენს. ის ჩვეულებრივი კონიუქტურული ადამიანია, „სოციალ-დემოკრატია“, ვისაც თავისი მოსაზრებები მაშინ აქვს, როცა „სახალხო პარტიასა“ და „სოციალისტებს“ შორის თანამდებობის გადანაწილებაზეა საუბარი. ყოველ შემთხვევაში, მას ასეთად ვიცნობდი და, რასაკვირველია, მისი განცხადება სულელურია, სხვა შეფასებას ვერ მივცემ. ისეთი გულუბრყვილო ადამიანი არ არსებობს, ვინც მათ მიმართავდა სანქციების სიიდან ამოღების თაობაზე. ასეთი ადამიანები არ არსებობენ არც „ქართულ ოცნებაში“ და არ მგონია, თუნდაც ოპოზიციაში იყოს ადამიანი, ვინც ასეთ ნაბიჯს გადადგამს. ვფიქრობ, სანჩესმა თავისი მოკლე ჭკუით გადაწყვიტა, გარკვეული შეურაცხყოფა მიაყენოს „ქართულ ოცნებას““, – განაცხადა გია ვოლსკიმ.

პოლიტიკა • 1749209948

პარლამენტის დროებითმა საგამოძიებო კომისიამ ქონებრივი უფლებების ხელყოფისა და 2004-2012 წლებში წამებისა და არაადამიანური მოპყრობის ფაქტები განიხილა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ ორი პირი - ვალერი შოშიაშვილი და გიული ავალიშვილი გამოჰკითხა.როგორც ვალერი შოშიაშვილმა განაცხადა, 2005 წლიდან საოჯახო ბიზნესში იყო ჩართული. მისივე თქმით, 2006 წელს, ფინანსური პოლიციის მაღალჩინოსანმა, ირაკლი კირკიტაძემ განუცხადა, რომ საბაჟოზე შემოტანილ თითოეულ კონტეინერზე მუდმივად უნდა გადაეხადა 1 500 დოლარი და ეს თანხა ვანო მერაბიშვილთან მიდიოდა, წინააღმდეგ შემთხვევაში, დაიჭერდნენ და ბიზნესში ჩართულ ოჯახის წევრებზე განსაკუთრებული ზეწოლა განხორციელდებოდა.ვალერი შოშიაშვილის განცხადებით, 2008 წელს, საპარლამენტო არჩევნებამდე, ფინანსურ პოლიციაში იგი მეორედ დაიბარეს და დაავალეს, შემოწირულების სახით „ნაციონალური მოძრაობისთვის“ 100 ათასი ლარი ჩაერიცხა, რისთვისაც მას საბანკო სესხის აღება მოუწია.მისივე თქმით, 2010 წელს, ირაკლი კირკიტაძემ, გიორგი თარგამაძის „ქრისტიან- დემოკრატიული მოძრაობისთვის“ , 50 ათას ლარად სამაუწყებლო კომპანია „რუსთავი 2-ის“ საეთერო დროის ყიდვა დაავალა.როგორც ვალერი შოშიაშვილმა აღნიშნა, 2010 წელს ირაკლი კირკიტაძემ მას შპს-ს გადაფორმებაც მოსთხოვა.„გადაფორმების შემდეგ ბიზნესმა გაცამტვერება დაიწყო. ირაკლი კირკიტაძე შემოვიდა მართვაში და დირექტორი გახდა, მე კი ბიზნესის მესაკუთრედ დავრჩი. მე ვიყავი „ნაციონალური მოძრაობის“ ტყვე. უარის თქმის შემთხვევაში, გვემუქრებოდნენ, რომ ისეთი პრობლემები შეგვექმნებოდა, რომელიც ვეღარ მოგვარდებოდა“, - განაცხადა ვალერი შოშიაშვილმა.მისივე თქმით, 9 თვის შემდეგ ირაკლი კირკიტაძე ბიზნესიდან გავიდა.ვალერი შოშიაშვილის განცხადებით, 2010 წლიდან მისი პროკურატურაში დაბარება დაიწყო. კერძოდ, პროკურატურის გამომძიებელი ბექა ბასილაია მას მისი და მისი ოჯახის წევრების ქონების კონკრეტულ პირზე სრულად გადაფორმებას სთხოვდა.„პროკურატურაში ცხოვრების ყველაზე რთული 12 საათი გავატარე, ბექა ბასილაია და პროკურორი ზაზა მალუძე ერთმანეთში საუბრობდნენ დასჯის რომელი მეთოდი აჯობებდა. ოთახის კედელი, სადაც 12 საათი გავატარე, დაფარული იყო ჩემი მცირეწლოვანი შვილების, მეუღლის და დის ფოტოებით“, - აღნიშნა ვალერი შიოლაშვილმა.მისი თქმით, ზეწოლის მიზნით, ბექა ბასილაია მას ციხეში ადამიანების ცემის კადრებს აჩვენებდა.როგორც ვალერი შოშიაშვილმა აღნიშნა, იმის გამო, რომ ქონება იპოთეკით იყო დატვირთული მას „გადახდის ფორმა“ შეუცვალეს. კერძოდ, რამდენიმე დღეში ბექა ბასილაიამ, აუქციონზე, იძულებით, გრემის კულტურის სახლი 700 ათას ლარად აყიდვინა, ნაცვლად წინასწარ ნათქვამი 100 ათასი ლარისა, რისთვისაც „საქართველოს ბანკში“ 420 ათასი დოლარის სესხი ააღებინა და ბანკთან დაკავშირებული საკითხებიც თვითონ ბექა ბასილაიამ „მოაგვარა“.როგორც ვალერი შოშიაშვილმა აღნიშნა, მოგვიანებით, ბექა ბასილაიამ მას მთავარ პროკურატურაში კიდევ 300 ათასი ლარის მიტანა დაავალა, წინააღმდეგ შემთხვევაში, სიცოცხლის ხელყოფით დაემუქრა.მისი თქმით, 2012 წლის 1 ოქტომბრის არჩევნებიდან რამდენიმე დღეში, ბექა ბასილაიამ ის პროკურატურაში კვლავ დაიბარა და გაჩუმების სანაცვლოდ ერთი მილიონი დოლარი შესთავაზა, რაზეც უარი განაცხადა. ვალერი შოშიაშვილის მოსაზრებით, თანხის აღების შემთხვევაში, მას პროკურატურის შენობაშივე დააკავებდნენ.როგორც მან აღნიშნა, 2013 წლის იანვარში, აღსრულების ეროვნული ბიუროდან წერილი მიიღო, სადაც მითითებული იყო, რომ „საქართველოს ბანკისთვის“ 420 ათასი დოლარის სესხი და მიმდინარე ბიზნეს სესხი სრულად უნდა დაეფარა, წინააღმდეგ შემთხვევაში კი ქონებას აუქციონზე გაიტანდნენ, რის გამოც მას ინსულტი დაემართა.ვალერი შოშიაშვილის განცხადებით, 2014 წელს იგი პროკურატურამ დაზარალებულად ცნო.კომისიას ახსნა-განმარტება გიული ავალიშვილმა მისცა, რომელმაც 2012 წელს გარდაცვლილი ძმის, გიორგი ავალიშვილის შესახებ ისაუბრა.გიული ავალიშვილის განცხადებით, მის ძმას 2011 წლის მაისის აქციების დროს მიკროავტობუსით მომიტინგეები გადაჰყავდა, რაც 26 მაისის აქციის დარბევის შემდეგ, მისი დაპატიმრების რეალური მიზეზი გახდა, თუმცა დაკავება პროვოკაციის მოწყობის შედეგად მოხდა.როგორც მან აღნიშნა, გლდანის ციხეში გადაყვანის შემდეგ დაიწყო მისი ძმის ჯოჯოხეთი - გიორგი ავალიშვილს სცემდნენ, აწამებდნენ, რამდენიმე თვეში ცემისგან თირკმელები გაეთიშა და გარეგნულად იმდენად შეიცვალა, რომ ვერავინ ცნობდა.მისივე თქმით, ერთ-ერთი ცემის შემდეგ, მისი ძმა, გარკვეული პერიოდი, მორგში იყო გადაყვანილი.გიული ავალიშვილის განცხადებით, მისი უდანაშაულო ძმის დახმარების მიზნით, ყველა უწყებას მიმართავდა, მათ შორის, ოთხჯერ პრეზიდენტ სააკაშვილს მიმართა და პასუხი ვერც ერთხელ ვერ მიიღო, ხოლო სახალხო დამცველმა გიორგი ტუღუშმა საქმე წარმოებაში არ მიიღო.მისი თქმით, თირკმელების ტერმინალური უკმარისობის გამო, 2012 წლის მაისში მის ძმას სასჯელი გადაუვადეს, თუმცა ციხიდან გამოშვებიდან მესამე დღეს გარდაიცვალა.„მინდა მივმართო სააკაშვილს, რატომ მოკლა უდანაშაულო ადამიანი, რატომ ამოწყვიტა ერთი ქართული ოჯახი, რომელიც თავისთვის მშვიდად ცხოვრობდა, რატომ იყო ასეთი რეჟიმი ?!“ - განაცხადა გიული ავალიშვილმა.როგორც დროებითი საგამოძიებო კომისიის თავმჯდომარე თეა წულუკიანმა განაცხადა, გიორგი ავალიშვილის საქმე, ბევრ სხვა საქმესთან ერთად კომისიის დასკვნაში მოხვდება.„ძალიან ბევრი საქმე მოვისმინეთ. ასჯერ უფრო მეტი საქმე იქნება, რომლის მოსმენას ჩვენ, სავარაუდოდ, ვერ მოვასწრებთ, რადგან იმ ჯოჯოხეთის მასშტაბი, რომელიც სააკაშვილმა ჩვენს ქვეყანაში დაატრიალა, ძალიან დიდი იყო. მაგრამ ის საქმეები, რასაც ვისმენთ, ის ანგარიშები, მტკიცებულებები, რაც საჯარო სხდომების მიღმაც შესწავლის პროცესშია, საშუალებას მოგვცემს, ისეთი დასკვნა დაიდოს, რომელიც სამართლებრივ და პოლიტიკურ საფუძველს შექმნის იმისათვის, რომ ისინი ხელისუფლებაში არასდროს დაბრუნდნენ“, - აღნიშნა თეა წულუკიანმა.პარლამენტის დროებითი საგამოძიებო კომისიის მორიგი სხდომა ორშაბათს, 9 ივნისს გაიმართება.ინფორმაციას პარლამენტის პრესსამსახური ავრცელებს.

პოლიტიკა • 1749196227

გიორგი ალადაშვილმა თბილისის მდგრადი განვითარების ფორუმში მიიღო მონაწილეობა

კახეთის მხარეში სახელმწიფო რწმუნებულმა გიორგი ალადაშვილმა თბილისის მდგრადი განვითარების ფორუმში მიიღო მონაწილეობა.ფორუმის პანელურ სესიაზე - „8000-წლიანი ტრადიციული მეღვინეობა", გიორგი ალადაშვილმა სიტყვით გამოსვლისას კახეთზე, როგორც მევენახეობა-მეღვინეობის მხარეზე და ამ მიმართულებით რეგიონის პოტენციალზე ისაუბრა. სახელმწიფო რწმუნებულმა ასევე ყურადღება გაამახვილა სოფლის მეურნეობის დარგის განვითარებისთვის ხელისუფლების მიერ გადადგმულ ნაბიჯებზე.„სახელმწიფოს მიერ გატარებული სწორი პოლიტიკის შედეგია, რომ ბოლო წლებია, იზრდება გაშენებული ვენახების ფართობი, ღვინის წარმოება და ექსპორტი, ხდება ბაზრის დივერსიფიკაცია. დარგის განვითარებისთვის, სახელმწიფოს თანმიმდევრული პოლიტიკის შედეგად, რეკორდულად გაზრდილია ყურძნის მოსავალი, 2024 წელს საქართველოს მასშტაბით გადამუშავდა 320 ათას ტონამდე ყურძენი, საიდანაც 290 ათას ტონამდე მოსავალი ღვინის საწარმოებმა კახეთის რეგიონში გადაამუშავეს. 2012 წლის შემდეგ თითქმის გაორმაგდა გაშენებული ვენახების ფართობი, რეგისტრირებული კომპანიების, საშუალო და მცირე მარნების რაოდენობა 3200-მდეა; აქედან 500-მდე მწარმოებელი ღვინის ექსპორტს ახორციელებს“, - განაცხადა გიორგი ალადაშვილმა.სახელმწიფო რწმუნებულის თქმით, მეღვინეობა-მევენახეობის განვითარება და რთველის წარმატებით ჩატარება მთავრობის ერთ-ერთი ძირითადი პრიორიტეტია და ამ მიზნით მევენახე-ფერმერებთან და მეღვინეებთან კომუნიკაცია აქტიურად მიმდინარეობს.„რთველის მიმდინარეობისას, მუდმივი კოორდინაციის რეჟიმში ვიმყოფებით რთველის შტაბთან და ყოველდღიურად ვმუშაობთ მუნიციპალიტეტებთან ერთად, რთველის პროცესში შესაძლო შეფერხებების თავიდან ასაცილებლად“, - აღნიშნა გიორგი ალადაშვილმა.თბილისის მდგრადი განვითარების რეგიონული ფორუმი დღეს გაიხსნა. ფორუმის გახსნითი სესიის მონაწილეებს მიმართეს საქართველოს პრემიერ-მინისტრმა ირაკლი კობახიძემ, თბილისის მერმა კახა კალაძემ, პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა, საგარეო საქმეთა მინისტრმა მაკა ბოჭორიშვილმა, თბილისის საკრებულოს თავმჯდომარე ზურაბ აბაშიძემ, პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძემ, ჩინეთის სახალხო რესპუბლიკის ელჩმა საქართველოში ჭოუ ციენმა და კოლუმბიის უნივერსიტეტის დედამიწის ინსტიტუტის მდგრადი განვითარების ცენტრის დირექტორმა, გაეროს მდგრადი განვითარების გადაწყვეტილებების ქსელის პრეზიდენტმა, პროფესორმა ჯეფრი საქსმა.საქართველო თბილისის მდგრადი განვითარების რეგიონულ ფორუმს სახელწოდებით - „მშვიდობის როლი მდგრად სოციალურ-ეკონომიკურ განვითარებაში“ 5-6 ივნისს მასპინძლობს. ფორუმში საქართველოს მთავრობის წევრები, მუნიციპალიტეტების მერები და საკრებულოს თავმჯდომარეები, სხვადასხვა სფეროს ექსპერტები, ბიზნესსექტორის, აკადემიური წრეებისა და დიპლომატიური კორპუსის წარმომადგენლები მონაწილეობენ.ინფორმაციას კახეთის მხარეში სახელმწიფო რწმუნებულის ადმინისტრაცია ავრცელებს.

პოლიტიკა • 1749185272

ვლადიმერ ბოჟაძე: ადამიანის უფლებების დაცვა ჩვენი ხელისუფლების უმთავრესი ვალდებულებაა

ადამიანის უფლებების დაცვა ჩვენი ხელისუფლების უმთავრესი ვალდებულებაა, - განაცხადა გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველმა მოადგილემ ვლადიმერ ბოჟაძემ.მისივე თქმით, ამასთან დაკავშირებით ძალიან მნიშვნელოვანია, რა ანგარიშს წარადგენს სახალხო დამცველი.„რა თქმა უნდა ყველა რეკომენდაცია იქნება გათვალისწინებული პარლამენტის მიერ, რომელიც უკავშირდება იმას, რომ კიდევ უფრო მეტად იყოს ადამიანის უფლებები დაცული“, - განაცხადა ბოჟაძემ.პარლამენტში დღეს სახალხო დამცველის ანგარიშს მოისმენენ.

პოლიტიკა • 1749184856

რატი იონათამიშვილი: ყველა ობიექტური კრიტერიუმით საქართველოში ადამიანის უფლებების დაცვა მაღალი სტანდარტით არის უზრუნველყოფილი

ყველა ობიექტური კრიტერიუმით საქართველოში ადამიანის უფლებების დაცვა მაღალი სტანდარტით არის უზრუნველყოფილი, - განაცხადა „დღის ქრონიკაში" ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რატი იონათამიშვილმა. მისი თქმით, მნიშვნელოვანია სახალხო დამცველის ანგარიშები იყოს მომზადებული და ორიენტირებული სწორედ ადამიანის უფლებების დაცვის მიზნებზე და არა პოლიტიკური დღის წესრიგის გატარებაზე.„როცა ჩვენ უფლებების დაცვაზე ვსაუბრობთ, რა თქმა უნდა მიღწეული შედეგებით არასდროს არ უნდა ვიყოთ კმაყოფილი და ყოველთვის უნდა ვიყოთ ორიენტირებული უფრო მაღალი სტანდარტების უზრუნველყოფაზე. ეს არის დინამიკური პროცესი. ამ დასკვნების გამოტანის შესაძლებლობებს რა თქმა უნდა საქართველო დამცველის ანგარიშები იძლევა. მნიშვნელოვანი არის, რომ ეს ანგარიშები იყოს მომზადებული და ორიენტირებული სწორედ ადამიანის უფლებების დაცვის მიზნებზე და არა პოლიტიკური დღის წესრიგის გატარებაზე“, - აცხადებს იონათამიშვილი.პარლამენტში დღეს სახალხო დამცველის ანგარიშს მოისმენენ.

პოლიტიკა • 1749184408

პარლამენტში დღეს სახალხო დამცველის ანგარიშს მოისმენენ

2024 წელს საქართველოში ადამიანის უფლებათა და თავისუფლებათა დაცვის მდგომარეობის შესახებ ლევან იოსელიანის ანგარიშს პარლამენტში დღეს მოისმენენ. სახალხო დამცველი ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე სიტყვით წარდგება.საპარლამენტო უმრავლესობის წევრების განმარტებით, მმართველი გუნდი ორიენტირებულია ადამიანის უფლებათა დაცვის უფრო მაღალი სტანდარტის დანერგვაზე.ანგარიშის მოსმენის შემდეგ, საქართველოს პარლამენტს შემუშავებული დადგენილება წარედგინება.

კულტურა • 1749150839

"სამშობლოს მონატრებით საფრანგეთში გარდაცვლილი ქართველი ემიგრანტების ძვლები მოაგროვა და დაკრძალა..." - სცენაზე გაცოცხლებული "ლევილის დედა"

"ლევილის დედა" ნოდარ დუმბაძის სახელობის მოზარდ მაყურებელთა თეატრის მცირე სცენაზე მეშვიდედ გათამაშდა... მაყურებელი - ცოტა, ემოცია - ზღვა... გული დამწყდა... ამ კონტექსტის სპექტაკლი დიდ დარბაზში და ანშლაგით უნდა მიმდინარეობდეს. რა კონტექსტის? გმირი, პატრიოტი ქართველების ისტორიების. იძულებით მოწყვეტა ფესვებს და მშობლების საფლავის მიწით ცხოვრება თუ გაძლება უცხო მიწაზე. ზუსტად იმ კონტექსტის, რამაც დღემდე ჩვენი იდენტობით მოგვიყვანა. "ამბავი ნამეტია ბერძენიშვილის და ვალოდია გოგუაძის ცხოვრებისა" - ასე ჰქვია პიესას, რომლის ავტორიც 88 წლის ნანა კაკაბაძე გახლავთ. ნანა ნამეტია ბერძენიშვილის ძმის შვილიშვილია.და ვინ იყვნენ ნამეტია და ვალოდია?გურიის სოფელ შუა ფარცხმაში ღარიბი გლეხის ოჯახში მეცხრე შვილად დაბადებულ გოგონას ასეთი უცნაური სახელი შერჩა - ნამეტია. ისე ივლიტა დაარქვეს. თბილისის სახელმწიფო უნივერსიტეტის მეორე კურსის სტუდენტი იყო, როდესაც ცოლად გაჰყვა ვლადიმერ გოგუაძეს, მალე სწავლა მიატოვა და ქმართან ერთად იბრძოდა სახალხო გვარდიის ჯავშნოსან მატარებელზე.1921 წელს სტამბოლში ჩააკითხა დაჭრილ მეუღლეს. 1923 წელს რუმინეთ-პოლონეთის გავლით წყვილი პარიზში ჩავიდა და თავი ლევილის მამულს შეაფარა. ნალია აუგიათ გურულ ყაიდაზე, მოჰყავდათ სიმინდი, ამზადებდნენ ყველსა და თაფლს, აყენებდნენ ღვინოს. და ამ ყველაფერში სამშობლოს გემოს ატანდნენ.ნამეტია ბერძენიშვილის ინიციატივით შეგროვდა თანხა, რომლითაც შეიძინეს მიწა და სადაც ლევილის ქართული სასაფლაო განთავსდა. პარიზიდან 26 კილომეტრზე – სულ 130 ათას ფრანკად. მანამდე, პარიზსა და მის ახლომახლოდ მცხოვრები ქართველები, სულ სხვადასხვა ადგილას იკრძალებოდნენ. ადგილობრივმა კომუნამ ემიგრანტ ქართველებს ლევილს გარეთ მცხოვრები ქართველების დასაფლავების ნებაც დართო. სწორედ ამ ღვაწლის გამო ნამეტიას "ლევილის დედა" შეარქვეს.ჭანჭათელი (ლანჩხუთის რაიონი) ვლადიმერ გოგუაძე ოდესის უნტეროფიცერთა სამხედრო სკოლაში სწავლობდა. 1910-1916 წლებში სოციალ-დემოკრატიული პარტიის სახელით გურიაში მოქმედ წითელრაზმელებს ებრძოდა; 1918-1921 წლებში საქართველოს დემოკრატიული რესპუბლიკის ჯავსნოსანი მატარებლის უფროსი იყო; 1918 წელს აქტიურად მონაწილეობდა ოსმალეთის წინააღმდეგ ბრძოლებში, საქართველო-სომხეთის ომში; 1921 წელს ბოლშევიკური რუსეთის მე–11 წითელი არმიის წინააღმდეგ გამართულ ბრძოლებში; ბოლშევიკური რუსეთის მიერ საქართველოს ოკუპაციის შემდეგ ცხოვრობდა თურქეთში; იქ ჩააკითხა მეუღლემ და 1923 წლიდან უკვე ერთად მოღვაწეობდნენ საფრანგეთში; ვალოდია თანამშრომლობდა ქართულ ემიგრანტულ პრესასთან; 1963 წელს პარიზში გამოიცა მისი "მოგონებანი"; არის სამხედრო და პოლიტიკური მოღვაწე, ქართული პოლიტიკის თვალსაჩინო წარმომადგენელი.წყვილს შვილი არ ჰყოლია. ისტორიულ-დოკუმენტური დრამის რეჟისორი პიესის ავტორის, ნანა კაკაბაძის ქალიშვილი - რუსუდან კობიაშვილი გახლავთ. რეჟისორმა სახელოვანი წინაპრების ხსოვნას ძეგლი ამ სპექტაკლით დაუდგა.ნამეტიას და მისი ძმისშვილის - ზინობიას როლებს (სხვადასხვა ასაკში) ქეთი ქიტიაშვილი ასრულებს.ძალზე ორგანულად და ერთი შეხედვით სადად, თუმცა იმ ემოციით დატვირთული, მთელი ამ ისტორიის გათვალისწინებას რომ უნდა ახლდეს და ამ ქალების ბიოგრაფიას სარჩულად ედებოდეს. გულის ამაჩუყებელია ისიც, რომ ვალოდიას როლს მისი ძმის შთამომავალი - მსახიობი რატი გოგუაძე ასრულებს.ზინობიას შვილის, ნანა კაკაბაძის როლს - ბავშვობის ასაკში ნია ტოგონიძე, ხოლო "ასაკში" ნინო ანდრიაძე ასრულებენ. მეორე შვილის ნამცოს როლშია ელენე დარჩია. ელენეც მეორე როლს ასრულებს სპექტაკლში. ის ახალგაზრდა ზინობიას როლშიც გვევლინება. ქეთი ქიტიაშვილი "პრაიმტაიმთან" ინტერვიუში ამბობს, რომ ამ სპექტაკლის თამაშის შემდეგ დაცლილობის შეგრძნება აქვს. ემოციურად მთლიანად დახარჯულს, შემდეგ, რესურსის აღსადგენად დრო სჭირდება ხოლმე.ქეთი ქიტიაშვილი: ამ სპექტაკლის რეპეტიციები იმ დროს გვქონდა, როდესაც ქუჩაში დიდი ვნებათაღელვა ატყდა. ამ მოვლენებმა ყველას გულსა და ტვინში გაიარა. მერე ჩვენც გავჩერდით ისევე, როგორც ყველა თეატრი. წარმოიდგინეთ, ამ ყველაფრის პარალელურად ეს ტექსტები, ამ რეალური პერსონაჟების გაცოცხლება როგორ მოქმედებდა ჩვენზე. ეს მხატვრულ-ლიტერატურული სპექტაკლია, მხოლოდ ნამდვილ ფაქტებზე დაყრდნობილი, არაფერი მიგვიმატებია, ზუსტ ფაქტებზეა აგებული. მასში არაფერია უტრირებული. ეს არის მიმოწერებზე, წერილებზე დაყრდნობით დაწერილი პიესის მიხედვით დადგმული სპექტაკლი. მაგალითად, დაკითხვის სცენა - სრულად ნატურალურად არის გადმოცემული... რუსუდან კობიაშვილს დიდი ხანია ვიცნობ. ის კარგი მსახიობია. მოგვიანებით სარეჟისორო ფაკულტეტი დაასრულა. მასთან წინა სეზონში, ძალიან საინტერესო სპექტაკლზე ვიმუშავე. ნინია სადღობელაშვილის პიესა "საქმე" რუსუდანმა ილიაუნის სცენაზე დადგა. შემდეგ, გასულ ზაფხულს დამირეკა და მითხრა, დედაჩემმა დაწერა პიესა, რომლითაც მინდა შთამომავლის ვალი მოვიხადო და დიდ ბებიას სპექტაკლით ძეგლი დავუდგაო.და მომიყვა ნამეტიას და ვალოდიას ისტორია...კინაღამ გავგიჟდი.ავფორიაქდი...გული ამიჩუყდა...წამაკითხა უკანასკნელი ინტერვიუ ნამეტიასთან, მომასმენინა მისი ხმა. ამ ყველაფერმა შთაბეჭდილების ქვეშ მომაქცია. ქალბატონი ნანა, რუსუდანის დედა, 86 წლისაა. ის 1988 წელს ნამეტიას 40-ზე იყო ლევილში ჩასული. იქიდან წამოიღო წერილები, სამოსი, ფოტოები... რის მიხედვითაც დაწერა პიესა... ამდენად "ლევილის დედა"-ში ყველაფერი რეალურია.თავიდან ისე იყო განსაზღვრული, რომ მე მხოლოდ ნამეტიას როლი უნდა შემესრულებინა. თუმცა, მერე რეჟისორმა მითხრა, ზინობიაც შენ უნდა ითამაშოო. ცივ უარზე ვიყავი, ასეთ ტვირთს ვერ ავიკიდებ-მეთქი. მითხრა, რომ ძალიან ჰგავდა ზინობია მამიდასს, ნამეტიას, როგორც ფიზიკურად, ასევე ზოგადად. ქეთი, შეეგუე იმას, რომ ახალგაზრდობიდან სიბერემდე ამ ორ ქალს შენ ითამაშებო. დამეცა თავზარი. ვერაფრით გადავარწმუნე. დამამშვიდა - არ გადაგჩეხავ, ამაზე არ ინერვიულოო.პროცესში ჩავერთე და... იძულებული გავხდი როლებში გავახალგაზრდავებულიყავი. ასაკს არ აქვს მნიშვნელობა, როცა მსახიობი ფორმაშია და აქვს მზაობა, ის მოცემულ ამოცანას აუცილებლად დაძლევს. მე მაინც ეჭვით ვუყურებ ჩემ თავს, თუმცა ამბობენ, რომ გამოვიდა.როლის გასაღები? იცით, რამ მომცა... ჩვენ ჩვენი ჩრდილოელი მეზობლის შიში მუდმივად მოგვყვება. მეოცე საუკუნის ბოლოსაც და ოცდამეერთეშიც გამოვიარეთ ორი ომი, ორჯერ დავკარგეთ საკმაოდ დიდი ტერიტორია. სულ გვემუქრება და ეს სულ თავში გვაქვს ჩაბეჭდილი. აი, ეს იყო ჩემი გასაღები, ძირითადი ფიქრი. და თუ როგორ შევასრულე, ეს მაყურებელმა განსაჯოს. მე ამ მოცემულობამ მათამაშა. მინდოდა გვერდზე დავდგომოდი ადამიანს, ვისი წინაპრებიც უნდა გაცოცხლებულიყვნენ. თუმცა, ნამეტია და ვალოდია მხოლოდ რუსიკოს წინაპრები არ არიან, ისინი ჩვენი წინაპრებიც არიან.ამ წყვილს ასეთი ღვაწლი მიუძღვის თავისი ქვეყნის შვილების წინაშე - ლევილის სასაფლაო მათი გაკეთებულია. თავად არაფრის მქონენი ძალიან გამცემი ადამიანები იყვნენ. საკუთარი შვილი არ ჰყავდათ და სულ სხვებზე ზრუნავდნენ, ცოცხლებზეც და მიცვალებულებზეც.არ ვიცი, ეს ლეგენდაა თუ რეალობა, თითქოს საფრანგეთის მთავრობამ, რომელთანაც კარგი ურთიერთობა ჰქონდა ნამეტიას, იქ მცხოვრებ ებრაელებზე სთხოვა, ქართველებად დაეწერა ისინიც. ნამეტიამ და ვალოდიამ ქართველებად გააფორმეს და შეიფარეს ებრაელები. ეს ქალი დაჭრილებს უვლიდა. ნებისმიერ მნიშვნელოვან მოვლენაში მონაწილეობდა. ნამდვილი პატრიოტები და მაღალი მოქალაქეობრივი თვითშეგნების მქონე დიდი პიროვნებები იყვნენ. სპექტაკლში ნამეტიას წერილების კითხვისას ძლივს ვიკავებ თავს, რომ არ ვიღრიალო... აბა, როგორ უნდა გაუძლო ამ ფრაზას - "მე რუსს არ ვთხოვ ჩემს ქვეყანაში შეშვებას"!ნამეტია 97 წლის ასაკში გარდაიცვალა, ვალოდია - 74... ქალბატონი ნანა კაკაბაძე გენერალურ რეპეტიციაზე მოვიდა და მისი აზრის მოსასმენად რომ მივედი, ვერ ლაპარაკობდა. მასზე ძალიან იმოქმედა სპექტაკლმა. დედაჩემი, ზინობია და ჩემი ნამეტია გამიცოცხლეო, მითხრა. ლაპარაკის უნარი არ მაქვსო. ისე იმოქმედა, რომ შეგვეშინდა...შთამომავლისგან ეს ღირსეული საჩუქარია, ვფიქრობ და ამ ისტორიულ დრამაში მეც რომ ვმონაწილეობ, მადლობელი ვარ.ყველამ, მთელმა გუნდმა თავდადებით ვიმუშავეთ. სპექტაკლში ასევე თამაშობენ ლაშა გრძელიძე, ვახო ჩაჩანიძე. მხატვარი მაია სხირტლაძეა, რომელმაც არაჩვეულებრივი კოსტიუმები გააკეთა. რუდუნებით შექმნა და მოჰქონდა, ამოვარდებოდა შუა რეპეტიციაზეც, გვისწორებდა.სხვათა შორის, სპექტაკლში, ლევილში რომ ჩადის ნამეტია ბერეტით, ეს "ლუქი" მე ავიღე ნამეტიას ფოტოდან. მისი ვიზუალი, კოპლებიანი ბლუზა და ზოგადი იმიჯი მაქსიმალურად მივამსგავსე.ზაზა მარჯანიშვილის მუსიკა არშიასავით აქვს შემოვლებული სპექტაკლს. ის იმ რანგის მუსიკოსია, მაყურებელი რომ დაჰყავს ლაბირინთებში, გასაღებს აძლევს. მას როგორც კომპოზიტორს აქვს იმის უნარი, რომ მისი მუსიკა მართლაც არშიასავით შემოავლოს სპექტაკლს. აქვე ვახსენებ ნათია ბოშიშვილს - ტექნიკურ რეჟისორს, რომელმაც დიდი სიყვარულით იმუშავა. ყველამ დიდი სიყვარულით მიიღო და იმუშავა მასზე.ისეთი მგრძნობიარე თემაა, ალბათ რკინასაც ალღვობს. ქართული სასაფლაო რომ გაეკეთებინათ, ვალოდია და ნამო ყველაფერს აკეთებდნენ. ქონება არ გააჩნდათ, თუმცა არაფერს იშურებდნენ. მიწებთან დაკავშირებით შარლ დე გოლთანაც ჰქონდა შეხვედრა, პოულობდა მეცენატებს. სამშობლოს მონატრებით ემიგრაციაში გარდაცვლილი ქართველების ძვლები მოაგროვა და დაფლა ლევილში. მსგავსად მადლიანი საქმე, რაც ამ ცოლ-ქმარს აქვს გაკეთებული, არ მსმენია. რუსიკოს ვეუბნები, ყველა იქ გაკეთებული სიკეთის მადლი შეგეწიოთ-მეთქი. სპექტაკლი რომ დასრულდება ასეთი განცდა გვეუფლება, რომ ვალს ვიხდით... კარგი გაგებით.ნამეტიას კუთხეში, ოზურგეთში ჩავედით ამ სპექტაკლით და არაჩვეულებრივი შეხვედრა მოგვიწყვეს. დარბაზი გადაჭედილი იყო. მოვიდნენ ბერძენიშვილები, გოგუაძეები. გულის ამაჩუყებელი საღამო იყო, სავსეები წამოვედით იქიდან. გვინდა "ლევილის დედა" ლევილში ჩავიტანოთ. ეს მხოლოდ სურვილია... რა კარგი იქნებოდა...აქვე მინდა ჩემი გულისტკივილი გითხრათ: მაყურებელი გასართობ სპექტაკლებზე უფრო მეტად დადის, ვიდრე შემეცნებითზე. ხალხმა დაივიწყა, რომ თეატრში გასართობად არ უნდა დადიოდეს. სამწუხაროდ, მოთხოვნა შოუზე და გართობაზეა. როგორც წიგნის კითხვისას ახალი და შენთვის სასარგებლო უნდა შეიმეცნო, ასეა სპექტაკლზე მისვლაც. აქ კიდევ უფრო მძაფრად და მხატვრულად არის გადმოცემული ამბავი. თეატრმა ხმა უნდა მიაწვდინოს მაყურებელს. ეს სპექტაკლი კი მხატვრულად გადმოცემული ისტორიის გაკვეთილია. "ლევილის დედა" ერთხელ სკოლის აბონემენტზე ვითამაშეთ და ბავშვები არ იშლებოდნენ, არ მიდიოდნენ დარბაზიდან. იმედი მაქვს, მომავალ წელს ისევ ვითამაშებთ აბონემენტზე. არაჩვეულებრივად მიიღეს. კაპელდინერებმა გვითხრეს, ბავშვები კითხულობდნენ, ნამდვილად მოხდა ეს ისტორიაო. არ მიდიოდნენ... ჩემი 15 წლის დის შვილიშვილი მოვიდა. მითხრა, მომერიდა, მაგრამ მაინც ამეტირაო. მომავალ თაობას უნდა გავაგებინოთ, ვინ ვართ, როგორ მოვედით, ვინ არიან ჩვენი წინაპრები. ისედაც არავინ არაფერს კითხულობს, ლიტერატურა გვერდზე გადადეს. მხოლოდ შოუს უყურებენ. ამიტომ ჩვენ უნდა მივაწოდოთ, მოვუყვეთ და ვაჩვენოთ.

რეგიონი • 1749134225

კახეთის მხარეში სახელმწიფო რწმუნებულმა გიორგი ალადაშვილმა თბილისის მდგრადი განვითარების ფორუმში მიიღო მონაწილეობა. ფორუმის პანელურ სესიაზე - "8000-წლიანი ტრადიციული მეღვინეობა", გიორგი ალადაშვილმა სიტყვით გამოსვლისას კახეთზე, როგორც მევენახეობა-მეღვინეობის მხარეზე და ამ მიმართულებით რეგიონის პოტენციალზე ისაუბრა. სახელწიფო რწმუნებულმა ასევე ყურადღება გაამახვილა სოფლის მეურნეობის დარგის განვითარებისთვის ხელისუფლების მიერ გადადგმულ ნაბიჯებზე. „სახელმწიფოს მიერ გატარებული სწორი პოლიტიკის შედეგია, რომ ბოლო წლებია, იზრდება გაშენებული ვენახების ფართობი, ღვინის წარმოება და ექსპორტი, ხდება ბაზრის დივერსიფიკაცია. დარგის განვითარებისთვის, სახელმწიფოს თანმიმდევრული პოლიტიკის შედეგად, რეკორდულად გაზრდილია ყურძნის მოსავალი, 2024 წელს საქართველოს მასშტაბით გადამუშავდა 320 ათას ტონამდე ყურძენი, საიდანაც 290 ათას ტონამდე მოსავალი ღვინის საწარმოებმა კახეთის რეგიონში გადაამუშავეს. 2012 წლის შემდეგ თითქმის გაორმაგდა გაშენებული ვენახების ფართობი, რეგისტრირებული კომპანიების, საშუალო და მცირე მარნების რაოდენობა 3200-მდეა; აქედან 500-მდე მწარმოებელი ღვინის ექსპორტს ახორციელებს“, - განაცხადა გიორგი ალადაშვილმა. სახელმწიფო რწმუნებულის თქმით, მეღვინეობა-მევენახეობის განვითარება და რთველის წარმატებით ჩატარება მთავრობის ერთ-ერთი ძირითადი პრიორიტეტია და ამ მიზნით მევენახე-ფერმერებთან და მეღვინეებთან კომუნიკაცია აქტიურად მიმდინარეობს. „რთველის მიმდინარეობისას, მუდმივი კოორდინაციის რეჟიმში ვიმყოფებით რთველის შტაბთან და ყოველდღიურად ვმუშაობთ მუნიციპალიტეტებთან ერთად, რთველის პროცესში შესაძლო შეფერხებების თავიდან ასაცილებლად“, - აღნიშნა გიორგი ალადაშვილმა. თბილისის მდგრადი განვითარების რეგიონული ფორუმი დღეს გაიხსნა. ფორუმის გახსნითი სესიის მონაწილეებს მიმართეს საქართველოს პრემიერ-მინისტრმა ირაკლი კობახიძემ, თბილისის მერმა კახა კალაძემ, პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა, საგარეო საქმეთა მინისტრმა მაკა ბოჭორიშვილმა, თბილისის საკრებულოს თავმჯდომარე ზურაბ აბაშიძემ, პარლამენტის გარემოს დაცვისა და ბუნებრივი რესურსების კომიტეტის თავმჯდომარე მაია ბითაძემ, ჩინეთის სახალხო რესპუბლიკის ელჩმა საქართველოში ჭოუ ციენმა და კოლუმბიის უნივერსიტეტის დედამიწის ინსტიტუტის მდგრადი განვითარების ცენტრის დირექტორმა, გაეროს მდგრადი განვითარების გადაწყვეტილებების ქსელის პრეზიდენტმა, პროფესორმა ჯეფრი საქსმა. საქართველო თბილისის მდგრადი განვითარების რეგიონულ ფორუმს სახელწოდებით - „მშვიდობის როლი მდგრად სოციალურ-ეკონომიკურ განვითარებაში“ 5-6 ივნისს მასპინძლობს. ფორუმში საქართველოს მთავრობის წევრები, მუნიციპალიტეტების მერები და საკრებულოს თავმჯდომარეები, სხვადასხვა სფეროს ექსპერტები, ბიზნესსექტორის, აკადემიური წრეებისა და დიპლომატიური კორპუსის წარმომადგენლები მონაწილეობენ.

პოლიტიკა • 1749123719

მაია ბითაძემ თბილისის ადგილობრივი განვითარების რეგიონულ ფორუმში მიიღო მონაწილეობა

პარლამენტის გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ თბილისის მდგრადი განვითარების რეგიონულ ფორუმში (TBILISI RFSD) სახელწოდებით - „მშვიდობის როლი მდგრად სოციალურ-ეკონომიკურ განვითარებაში“ მიიღო მონაწილეობა.კომიტეტის თავმჯდომარემ ღონისძიების მონაწილეებს მისასალმებელი სიტყვით მიმართა. მან თავის გამოსვლაში ფორუმის მნიშვნელობაზე ისაუბრა და რეგიონში ეკონომიკური სიახლეებისა და საერთაშორისო თანამშრომლობის საუკეთესო მაგალითის გაზიარების მხრივ დედაქალაქზე გაამახვილა ყურადღება.„გზა, რომელიც თბილისმა გაიარა საბჭოთა კავშირის ნგრევიდან დღემდე, გზა, რომელიც თბილისმა გაიარა 2008 წლიდან დღემდე, ნათლად აჩვენებს თუ რა შესაძლებლობებს შეიძლება გვაძლევდეს ძალისხმევა, ქვეყნისადმი სიყვარული და სწორი ეკონომიკური, გეოპოლიტიკური ხედვა, რასაც ჩვენი გუნდი წლების განმავლობაში ატარებს. თბილისი დღეს ნათელი მაგალითია იმისა, თუ როგორ შეიძლება გარდაიქმნას ქალაქი სწორი გეგმარების, სწორი გააზრების, ურბანული, სატრანსპორტო, გარემოს დაცვითი პოლიტიკისა და გამოწვევების სხვადასხვა მიმართულებების ინტეგრაციის კუთხით“, - განაცხადა მაია ბითაძემ.კომიტეტის თავმჯდომარემ ქვეყნის სოციალური და ეკონომიკური განვითარების პროცესში მშვიდობის მნიშვნელობაზე და მდგრადი განვითარების კუთხით პარლამენტის როლზე ისაუბრა.„ბოლო წლების განმავლობაში არაერთი საკანონმდებლო აქტი მივიღეთ, რომელიც ხელს უწყობს, როგორც თბილისის, ასევე სხვა ქალაქების მდგრად, ინკლუზიურ განვითარებას. იმ ძალიან რთულ გეოპოლიტიკურ გარემოში, რომელშიც დღეს საქართველო იმყოფება, მშვიდობა ეს ის სიტყვა არ არის, რომელსაც ჩვენ ხუმრობით მოვიხსენიებთ. მშვიდობა ეს ის საშუალებაა, რომელიც აძლევს როგორც ჩვენს დედაქალაქს და ზოგადად ქვეყანას, ასევე რეგიონს საშუალებას განვითარდეს და გაუმკლავდეს იმ გამოწვევებს, რომელიც არა მხოლოდ გეოპოლიტიკური საფრთხეებიდან, არამედ გარდაუვალი კლიმატური ცვლილებებიდან მოდის. ჩვენთვის მთავარია შევინარჩუნოთ მშვიდობა და ჯანსაღი საარსებო გარემო“, - განაცხადა მაია ბითაძემ.ფორუმის მონაწილეებს მისასალმებელი სიტყვით მიმართეს: საქართველოს პრემიერ-მინისტრმა ირაკლი კობახიძემ, ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა, საგარეო საქმეთა მინისტრმა მაკა ბოჭორიშვილმა, თბილისის მერმა კახა კალაძემ, ჩინეთის სახალხო რესპუბლიკის ელჩმა საქართველოში ჭოუ ციენმა და კოლუმბიის უნივერსიტეტის დედამიწის ინსტიტუტის მდგრადი განვითარების ცენტრის დირექტორმა, გაეროს მდგრადი განვითარების გადაწყვეტილებების ქსელის პრეზიდენტმა ჯეფრი საქსიმ.ღონისძიება, რომელიც ორი დღის განმავლობაში გაგრძელდება, თბილისის მერიის ეკონომიკური განვითარების საქალაქო სამსახურის ორგანიზებით იმართება.ფორუმზე განიხილავენ ისეთი თემებს, როგორიცაა: მდგრადი ეკონომიკური განვითარება, 8 000-წლიანი ტრადიციული მეღვინეობა, ჯანდაცვის სერვისების ხელმისაწვდომობა და ინოვაციები, განახლებადი ენერგიის მოხმარება და განვითარება, ცირკულარული ეკონომიკა, თანამედროვე ტენდენციები სამშენებლო სექტორში და სხვა.ფორუმში მონაწილეობენ საქართველოს მთავრობისა და პარლამენტის წევრები, მუნიციპალიტეტების მერები და საკრებულოს წარმომადგენლები, ადგილობრივი და საერთაშორისო ექსპერტები, ბიზნეს სექტორის, აკადემიური წრეებისა და დიპლომატიური კორპუსის წარმომადგენლები.

რეგიონი • 1749020346

პარლამენტის წევრები აჭარაში სახალხო დღესასწაულს „სელიმობას“ დაესწრნენ

პარლამენტის წევრები - არჩილ ბერიძე, გიორგი ჭყონია, ნოდარ ტურძელაძე, ვლადიმერ ბოჟაძე და ანზორ ბოლქვაძე აჭარაში სახალხო დღესასწაულს „სელიმობას“ დაესწრნენ.საზეიმო ღონისძიების მონაწილეებს სიტყვით მიმართა ქედის, შუახევისა და ხულოს მუნიციპალიტეტების დელეგატმა ანზორ ბოლქვაძემ და ადგილობრივებს დღესასწაული მიულოცა.სახალხო დღესასწაულის მონაწილეებმა სოფელ ნიგაზეულში სელიმ ხიმშიაშვილის საფლავი ყვავილებით შეამკეს და მის ხსოვნას პატივი მიაგეს.დღესასწაული ფარგლებში, სელიმ ხიმშიაშვილის სახელობის მუზეუმსა და საგამოფენო სივრცეში წარმოდგენილი იყო ეთნოგრაფიული ნამუშევრები. მოეწყო ადგილობრივი მეწარმეების მიერ ხელნაკეთი ნივთებისა და პროდუქციის გამოფენა-გაყიდვა. აქტიური საზოგადოებრივი, შემოქმედებითი და მეცნიერული საქმიანობისათვის სელიმ ხიმშიაშვილის სახელობის მუნიციპალური პრემიით მოქალაქეები დაჯილდოვდნენ.ღონისძიებას ესწრებოდნენ აჭარის მთავრობის და აღმასრულებელი ხელისუფლების წარმომადგენლები, ასევე მუნიციპალიტეტების ხელმძღვანელები და სასულიერო პირები.ინფორმაციას პარლამენტის პრესსამსახური ავრცელებს.