პოლიტიკა • 1761910343

შს მინისტრი გეკა გელაძე ჩინეთის სახალხო რესპუბლიკის ელჩს შეხვდა

საქართველოს შინაგან საქმეთა მინისტრმა, გეკა გელაძემ ჩინეთის სახალხო რესპუბლიკის საგანგებო და სრულუფლებიან ელჩთან, ჭოუ ციენთან შეხვედრა გამართა.სამინისტროს ინფორმაციით, შეხვედრის ფარგლებში, მხარეებმა საქართველოსა და ჩინეთის სახალხო რესპუბლიკას შორის არსებული სტრატეგიული პარტნიორობის საკითხები განიხილეს.შინაგან საქმეთა მინისტრმა განსაკუთრებული ყურადღება გაამახვილა ორი ქვეყნის სამართალდამცავ უწყებებს შორის არსებული თანამშრომლობის მნიშვნელობაზე და აღნიშნა, რომ საქართველოსა და ჩინეთის სახალხო რესპუბლიკას შორის, ამ მიმართულებით, პარტნიორობა დინამიკურად ვითარდება.შეხვედრის დასასრულს, გეკა გელაძემ ჭოუ ციენს ორი ქვეყნის ურთიერთობების განვითარებაში შეტანილი წვლილისთვის მადლობა გადაუხადა.

პოლიტიკა • 1761904682

სულხან თამაზაშვილი ჩინეთის ქალაქ ჭაოცინგის დელეგაციის წევრებს შეხვდა

აჭარის მთავრობის თავმჯდომარე სულხან თამაზაშვილი ჩინეთის სახალხო რესპუბლიკის ქალაქ ჭაოცინგის დელეგაციის წევრებს შეხვდა."შეხვედრაზე აღინიშნა, რომ აჭარის ავტონომიურ რესპუბლიკას წარმატებული მეგობრული ურთიერთობები აკავშირებს ჩინეთის სახალხო რესპუბლიკის მუნიციპალიტეტებთან, ასევე საგანმანათლებლო და კულტურულ დაწესებულებებთან.აღსანიშნავია, რომ დღეს ქობულეთის მუნიციპალიტეტსა და ქალაქ ჭაოცინგის მუნიციპალიტეტს შორის ურთიერთთანამშრომლობის მემორანდუმს მოეწერება ხელი.ჩინეთის სახალხო რესპუბლიკასა და აჭარის რეგიონს შორის ურთიერთობები, მე-19 საუკუნის მიწურულს დაიწყო ლაო ჯინ ჯაოს მოღვაწეობით. ქობულეთის მუნიციპალიტეტში, დაბა ჩაქვში, აქტიურად მიმდინარეობს სამუშაოები ლაო ჯინ ჯაოს მუზეუმის მოწყობასთან დაკავშირებით.შეხვედრაზე, ასევე გამოითქვა მზადყოფნა პარტნიორობის გაფართოებისა და გაღრმავების შესახებ", - აღნიშნულია აჭარის მთავრობის მიერ გავრცელებულ ინფორმაციაში. 

საზოგადოება • 1761810598

სახალხო დამცველი მე-10 საჯარო სკოლასთან მომხდარ ფაქტს ეხმიანება

სახალხო დამცველი ეხმიანება 2025 წლის 29 ოქტომბერს, თბილისში, ცოტნე დადიანის ქუჩაზე, მე-10 საჯარო სკოლის მოსწავლეებისა და მათი მშობლების მიერ მშვიდობიანი პროტესტის გამოხატვისას მომხდარ ფაქტს, რა დროსაც საგზაო მოძრაობის წესების უხეში დარღვევის გამო, მიზანმიმართული, რეალური საფრთხე შეექნა შეკრების მონაწილეებს.„სახალხო დამცველი ხაზგასმით აღნიშნავს, რომ მნიშვნელოვანია გამოხატვის თავისუფლებით სარგებლობისას ბავშვებისთვის უზრუნველყოფილი იყოს უსაფრთხო და მხარდამჭერი გარემო.ამასთან,  აუცილებელია დროულად დადგინდეს იმ ავტომობილის მძღოლის ვინაობა, რომელმაც საფრთხე შეუქმნა პროტესტის მონაწილეებს და მას შესაბამისი სამართლებრივი პასუხისმგებლობა დაეკისროს.აღნიშნულ საკითხთან დაკავშირებით სახალხო დამცველის წარმომადგენელს უკვე ჰქონდა კომუნიკაცია სამართალდამცავ უწყებასთან. ხოლო სახალხო დამცველის აპარატი შეისწავლის ბავშვების შეკრებისა და გამოხატვის თავისუფლებით სარგებლობისას მათი უსაფრთხოების დაცვის საკითხს.აღსანიშნავია, რომ სახალხო დამცველი საკუთარი ინიციატივით უკვე სწავლობს ბავშვებისთვის ხარისხიანი და უწყვეტი განათლების ხელმისაწვდომობას, რასთან დაკავშირებითაც სკოლის მოსწავლეები და მათი მშობლები გამოხატავენ პროტესტს. საკითხის შეფასებისთვის საჭირო ინფორმაცია გამოთხოვილია საქართველოს განათლების, მეცნიერების და ახალგაზრდობის სამინისტროდან. მოცემულ ეტაპზე, წარმოება გრძელდება“, - აღნიშნულია განცხადებაში.

პოლიტიკა • 1761769582

მიხეილ ყაველაშვილი: როგორ უნდა აკადრო შენს მოქალაქეს, შენს ისტორიას და შენს წარსულს, ცალ ფეხზე დადგე იმიტომ, რომ რომელიღაც გაერთიანებაში გინდა მოხვედრა?!

როგორ უნდა აკადრო შენს მოქალაქეს, შენს ისტორიას და შენს წარსულს, რომ ცალ ფეხზე დადგე იმიტომ, რომ სადღაც, რომელიღაც გაერთიანებაში გინდა მოხვედრა?!, - ასე უპასუხა საქართველოს პრეზიდენტმა, მიხეილ ყაველაშვილმა, გამჭვირვალობისა და ფარას კანონთან დაკავშირებით ჟურნალისტის კითხვას გადაცემაში „თავისუფალი სივრცე“.საქართველოს პრეზიდენტის განცხადებით, მიღებული კანონის მიზანი უცხოეთიდან დაფინანსებული ორგანიზაციების გამჭვირვალობის უზრუნველყოფა იყო. მისივე განცხადებით, კეთილსინდისიერად მომუშავე ორგანიზაციას დასამალი არაფერი აქვს.„ჩვენ ვიცოდით ამ კანონს რატომ ვიღებდით, ჩვენ გამჭვირვალობა გვინდოდა. დემოკრატიულ სახელმწიფოში, სადაც დაცულია სუბორდინაცია, არჩევნებით არჩეული ხელისუფლება უნდა იყოს ყველაზე ლეგიტიმური. რაღაც წარმონაქმნია არასამთავრობო ორგანიზაცია, სამოქალაქო საზოგადოება, რომელიც ცდილობდა, რომ ყველაფერ ამაზე მაღლა დამდგარიყო. თან არანაირი ლეგიტიმაცია არ აქვს ჩვენი მოქალაქისგან. გარედან დაფინანსებული ორგანიზაცია ცდილობდა, რომ ხელისუფალს და პარლამენტს შორის მდგარიყო, მის გარეშე არც ერთი საკითხი, არც ერთი კანონი არ უნდა მიღებულიყო. დავინახეთ იმ არჩევნებზე მით უმეტეს, რომ სპეციალურად გაყალბებული ისფედის თემაც არის ამ ყველაფერთან დაკავშირებული. ვერავინ ეხებოდა, არ შეიძლებოდა, რომ მათთვის კითხვა დაგესვა. თუ შენ კეთილსინდისიერად მართავ, მუშაობ, ორგანიზაცია ხარ, ფინანსდები მით უმეტეს ჩვენი პარტნიორი ქვეყნებისგან, რა გაქვს დასამალი?!“, - განაცხადა მიხეილ ყაველაშვილმა.საქართველოს პრეზიდენტის განცხადებით, ქვეყანას გარედან დაფინანსებული ორგანიზაციების გამჭვირვალობა სჭირდება.„რა თქმა უნდა, კანონმა იმუშავა. ჩემს სამშობლოს, ჩემს ქვეყანას, ჩემს სახელმწიფოს სჭირდება გამჭვირვალობა, მით უმეტეს გარედან დაფინანსებული ორგანიზაციების, რას აკეთებენ და როგორ მოქმედებენ. ეს ძალიან მარტივი გასაგები უნდა იყოს ყველა მოქალაქისთვის“,- განაცხადა საქართველოს პრეზიდენტმა.მიხეილ ყაველაშვილმა აღნიშნულ კანონთან დაკავშირებით, მაშინდელი სახალხო დამცველის მოადგილის გიორგი ბურჯანაძის განცხადებაც გაიხსენა.„როგორ შეიძლება კითხვა არ დასვა ნებისმიერ საკითხთან მიმართებაში, მით უმეტეს როცა შენ გეხება, ეს ჩემთვის კარგი იქნება თუ ცუდი? - კითხვაც არ დასვა, რასაც გეტყვიან ის უნდა გააკეთო, ცალ ფეხზე დადექი - ცალ ფეხზე დადგე. როგორ უნდა აკადრო შენს მოქალაქეს, შენს ისტორიას და შენს წარსულს, რომ ცალ ფეხზე დადგე იმიტომ, რომ სადღაც, რომელიღაც გაერთიანებაში გინდა მოხვედრა?!“, - განაცხადა საქართველოს პრეზიდენტმა.

პოლიტიკა • 1761736404

სახალხო დამცველი: მივესალმებით ნინო დათაშვილის პატიმრობიდან გათავისუფლების ფაქტს

სახალხო დამცველი მიესალმება ნინო დათაშვილის პატიმრობიდან გათავისუფლების ფაქტს, – ამის შესახებ სახალხო დამცველის მიერ გავრცელებულ განცხადებაშია ნათქვამი.როგორც განცხადებაშია აღნიშნული, სახალხო დამცველმა თბილისის საქალაქო სასამართლოს 28 ოქტომბერს მეგობრის მოსაზრებით მიმართა, რომელშიც განხილული იყო ბრალდებულ ნინო დათაშვილის პატიმრობასთან დაკავშირებული კონკრეტული გარემოებები, მათ შორის მისი ჯანმრთელობის მდგომარეობის რელევანტური ასპექტები.„მოსაზრებაში მიმოხილული იყო ადამიანის უფლებების საერთაშორისო და ადგილობრივი სამართლებრივი სტანდარტები. მითითებული იყო, რომ არ შეიძლება, პატიმრობის გამოყენება დაფუძნებული იყოს აბსტრაქტულ რისკებსა და საფრთხეებზე და, ასევე, მხოლოდ სადავო ქმედების ხასიათსა და ბუნებაზე. პატიმრობის გამოყენება დაუშვებელია, თუ არ არსებობს მისი გამოყენების რელევანტური და საკმარისი მიზეზები, ხოლო საფრთხეების არსებობა კიდევ უფრო მაღალი ინტენსივობის მტკიცებულებებით უნდა საბუთდებოდეს, როდესაც პატიმრობა განგრძობითია. სასამართლოს მეგობრის მოსაზრებაში განხილული იყო ბრალდებულ ნინო დათაშვილის პატიმრობასთან დაკავშირებული კონკრეტული გარემოებები, მათ შორის მისი ჯანმრთელობის მდგომარეობის რელევანტური ასპექტები“, – ნათქვამია სახალხო დამცველის განცხადებაში.მანდატურზე თავდასხმის ბრალდებით დაკავებულ  ნინო დათაშვილს აღკვეთის ღონისძიება, პატიმრობა, გირაოთი შეეცვალა. პროცესის დაწყებამდე პროკურატურამ განცხადება გაავრცელა, სადაც აღკვეთის ღონისძიების შეცვლას ითხოვდა. პროკურატურამ გირაოს თანხა 5 000 ლარი დაასახელა, გადახდის ვადად კი – 30 დღე.

საზოგადოება • 1761731627

სახალხო დამცველი ნინო დათაშვილის საქმესთან დაკავშირებით განცხადებას ავრცელებს

სახალხო დამცველი მიესალმება ნინო დათაშვილის პატიმრობიდან გათავისუფლების ფაქტს.2025 წლის 28 ოქტომბერს, სახალხო დამცველმა სასამართლოს მეგობრის მოსაზრებით (Amicus Curiae) თბილისის საქალაქო სასამართლოს მიმართა.მოსაზრებაში მიმოხილული იყო ადამიანის უფლებების საერთაშორისო და ადგილობრივი სამართლებრივი სტანდარტები. მითითებული იყო, რომ არ შეიძლება, პატიმრობის გამოყენება დაფუძნებული იყოს აბსტრაქტულ რისკებსა და საფრთხეებზე, და ასევე, მხოლოდ სადავო ქმედების ხასიათსა და ბუნებაზე. პატიმრობის გამოყენება დაუშვებელია - თუ არ არსებობს მისი გამოყენების რელევანტური და საკმარისი მიზეზები, ხოლო საფრთხეების არსებობა კიდევ უფრო მაღალი ინტენსივობის მტკიცებულებებით უნდა საბუთდებოდეს, როდესაც პატიმრობა განგრძობითია.სასამართლოს მეგობრის მოსაზრებაში განხილული იყო ბრალდებულ ნინო დათაშვილის პატიმრობასთან დაკავშირებული კონკრეტული გარემოებები, მათ შორის მისი ჯანმრთელობის მდგომარეობის რელევანტური ასპექტები.

პოლიტიკა • 1761653372

ირაკლი კუპრაძე: ვაგრძელებთ წინააღმდეგობას, ამ ბრძოლაში გამოვიყენებთ სტრატეგიული წინააღმდეგობის ყველა ხაზს, რომელიც მიგვიყვანს გამარჯვებამდე

რუსული რეჟიმისა და „ქართული ოცნების“ პირისპირ წინააღმდეგობა იქნება უკომპრომისო და პრინციპული, არ არსებობს სხვა გზა, რომელიც გამოგვიყვანს პოლიტიკური კრიზისიდან, –  ამის შესახებ პარტიის „ლელო – ძლიერი საქართველოს“ წევრმა, ირაკლი კუპრაძემ ბრიფინგზე განაცხადა.მისი თქმით, „ქართულ ოცნებას“ აუცილებლად მოუწევს პასუხისმგებლობის აღება იმაზე, რომ მიიღო ანტიდემოკრატიული, ანტიეროვნული, ანტიევროპული პოლიტიკური გადაწყვეტილებები და სამართლებრივი აქტები.„ანტიეროვნულმა და ანტიქართულმა „ოცნებამ“ გადაწყვიტა, რომ დემოკრატიას მიაყენოს გადამწყვეტი დარტყმა, აკრძალოს პროდასავლური ოპოზიციური პარტიები, მათ შორის, პოლიტიკური კოალიცია „ლელო – ძლიერი საქართველო“, რომელმაც ამ წლების განმავლობაში გაატარა საქართველოს მოქალაქეების მთავარი და ძირითადი ინტერესი, რომ პოლიტიკაში დაბრუნდეს ქართველი ხალხის ხმა. ჩვენ ვაგრძელებთ ბრძოლას და წინააღმდეგობას. რუსულ  რეჟიმს დავალება აქვს, ქვეყანაში გააქროს პროდასავლური სახალხო ოპოზიციური ხმა, მათ შორის, კოალიცია „ლელო – ძლიერი საქართველოს“ სახით. ჩვენთვის ეს არის ისეთი გამოწვევა, რომელსაც აუცილებლად მოვუძებნით წინააღმდეგობის გზას. ჩვენ გუშინ შევიტანეთ კონსტიტუციური სარჩელი იმ მუხლების წინააღმდეგ, რომელიც არის ანტიკონსტიტუციური პოლიტიკური პარტიების აკრძალვის სახით.მისი თქმით, „ლელო – ძლიერი საქართველოს“ წარმომადგენლები ყველა მუნიციპალიტეტიდან აცხადებენ, რომ წინააღმდეგობა რუსული რეჟიმის და „ქართული ოცნების“ პირისპირ იქნება უკომპრომისო და პრინციპული.„არ არსებობს სხვა გზა, რომელიც გამოგვიყვანს პოლიტიკური კრიზისიდან. „ქართულ ოცნებას“, ივანიშვილს, მის პოლიტიკურ დამნაშავეებს, აუცილებლად მოუწევთ პასუხისმგებლობის აღება იმაზე, რომ მიიღეს ანტიდემოკრატიული, ანტიეროვნული, ანტიევროპული პოლიტიკური გადაწყვეტილებები და სამართლებრივი აქტები. ჩვენ დღეს აქ დგომით და თქვენთან, მოქალაქეებთან პოლიტიკური კომუნიკაციით, საუბრით, ვდებთ პირობას, რომ ეს ბრძოლა არ გაჩერდება, ვიდრე არ იქნება მიღწეული გამარჯვება. გამარჯვება, რასაც იმსახურებს საქართველოს მოქალაქეები, ქართველი ხალხი ეს არის ივანიშვილის რუსული რეჟიმის დასრულება და ამ ბრძოლაში გამოვიყენებთ ყველა შესაძლებლობას, სტრატეგიული წინააღმდეგობის ყველა ხაზს, რომელიც მიგვიყვანს გამარჯვებამდე. ვიბრძოლებთ ბოლომდე და აუცილებლად მივალთ გამარჯვებამდე“, – განაცხადა ირაკლი კუპრაძემ.საქართველოს პარლამენტის თავმჯდომარის, შალვა პაპუაშვილის განცხადებით, ფრაქცია „ქართული ოცნების“, პოლიტიკური ჯგუფების, „ხალხის ძალის“ და „ევროპელი სოციალისტების“ ერთობლივი კონსტიტუციური სარჩელით მოთხოვნილია სამი პოლიტიკური პარტიის არაკონსტიტუციურად ცნობა და აკრძალვა. ეს პარტიებია: „ერთიანობა – ნაციონალური მოძრაობა“, „კოალიცია ცვლილებისთვის – გვარამია, მელია გირჩი, დროა“, ძლიერი საქართველო – ლელო, ხალხისთვის, თავისუფლებისთვის“.

პოლიტიკა • 1761651807

შალვა პაპუაშვილმა წარადგინა კონსტიტუციური სარჩელი, რომელშიც მოთხოვნილია „ნაციონალური მოძრაობის“, „კოალიცია ცვლილებისთვის“ და „ძლიერი საქართველო-ლელოს“ საქმიანობის არაკონსტიტუციურად ცნობა და მათი აკრძალვა

საქართველოს პარლამენტის თავმჯდომარემ, შალვა პაპუაშვილმა საკანონმდებლო ორგანოში ბრიფინგი გამართა ფრაქცია „ქართული ოცნების“, პოლიტიკური ჯგუფების, „ხალხის ძალის“ და „ევროპელი სოციალისტების“ წევრების ერთობლივ კონსტიტუციურ სარჩელთან დაკავშირებით, რომლითაც მოთხოვნილია რამდენიმე პოლიტიკური პარტიის საქმიანობის არაკონსტიტუციურად ცნობა და მათი აკრძალვა.შალვა პაპუაშვილის განცხადებით, სასარჩელო მოთხოვნაა სამი პოლიტიკური პარტიის არაკონსტიტუციურად ცნობა და აკრძალვა. პაპუაშვილის განმარტებით, პარტიების რეესტრში მითითებული მათი იურიდიული დასახელებებით, ეს პარტიებია: „ერთიანობა – ნაციონალური მოძრაობა“, „კოალიცია ცვლილებისთვის – გვარამია, მელია გირჩი, დროა“, ძლიერი საქართველო-ლელო, ხალხისთვის, თავისუფლებისთვის“.შალვა პაპუაშვილმა სარჩელის სამართლებრივ დასაბუთებაზე ისაუბრა.„2024 წლის საპარლამენტო არჩევნების წინ „ქართული ოცნების“ პოლიტიკური გუნდი ამომრჩეველს დავპირდით, რომ ამომრჩევლების მხარდაჭერის შემთხვევაში ვუზრუნველყოფდით „ნაციონალური მოძრაობის“ რეჟიმის ძირეული პოლიტიკური და სამართლებრივი შეფასების პროცესის წარმართვას. 1 120 000-მა ამომრჩეველმა ამ დაპირების შესასრულებლად მოგვცა მისი დემოკრატიული მანდატი.ამ სახალხო მანდატის საფუძველზე, საქართველოს პარლამენტის 2025 წლის 5 თებერვლის და 1 აპრილის დადგენილებებით შეიქმნა „2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელი საქართველოს პარლამენტის დროებითი საგამოძიებო კომისია“, რომელმაც 6 თვიანი მუშაობის პერიოდში, პირდაპირ ეთერში გამართა 64 სხდომა, გამოიკითხა 139 პირი, შეისწავლა მოქალაქეებისგან 778 განცხადება. კომისიის თითქმის 500 გვერდიანი დასკვნის განხილვის საფუძველზე 2025 წლის 3 სექტემბერს საქართველოს პარლამენტმა მიიღო დადგენილება და გაიზიარა კომისიის მიგნებები. ამით, საქართველოს პარლამენტმა პოლიტიკური შეფასება მისცა „ნაციონალური მოძრაობის“ და სხვა დაკავშირებული პარტიების ქმედებებს 2003-2025 წლებში.დღეს კი, ვიწყებთ ჩვენი დაპირების სამართლებრივი ნაწილის შესრულებას. პარლამენტის დროებითი საგამოძიებო კომისიის მიგნებების საფუძველზე ფრაქცია „ქართული ოცნების“, პოლიტიკური ჯგუფების „ხალხის ძალა“ და „ევროპელი სოციალისტების“ წევრები ერთობლივი კონსტიტუციური სარჩელით მივმართავთ საკონსტიტუციო სასამართლოს კონკრეტული პოლიტიკური პარტიების არაკონსტიტუციურად ცნობისა და მათი აკრძალვის მოთხოვნით.საქართველოს კონსტიტუციის 23-ე მუხლი დაუშვებლად მიიჩნევს ისეთი პოლიტიკური პარტიის საქმიანობას, „რომლის მიზანია საქართველოს კონსტიტუციური წყობილების დამხობა ან ძალადობით შეცვლა, ქვეყნის დამოუკიდებლობის ხელყოფა, ტერიტორიული მთლიანობის დარღვევა ან რომელიც ეწევა ომის ან ძალადობის პროპაგანდას, აღვივებს ეროვნულ, ეთნიკურ, კუთხურ, რელიგიურ ან სოციალურ შუღლს.“ამასთან, პოლიტიკური პარტიის საქმიანობა უშუალოდ და მჭიდროდ დაკავშირებულია თავდაცვისუნარიანი დემოკრატიის კონცეფციაისთანაც, რომლიდან გამომდინარეც, დაუშვებელია პოლიტიკური პარტიის ისეთი საქმიანობა, რომელიც უგულებელყოფს დემოკრატიული სახელმწიფოს იდეას ან საფრთხეს უქმნის სახელმწიფოს რომელიმე ფუძემდებლურ პრინციპს. ადამიანის უფლებათა ევროპულმა სასამართლომ თავის გადაწყვეტილებებში სწორედ თავდაცვისუნარიანი დემოკრატიის კონცეფციაზე დაყრდნობით აღნიშნავს, რომ თუ სახელმწიფო ხელისუფლების ორგანომ პოლიტიკური პარტიის მიერ დემოკრატიისთვის საფრთხის შემცველი პოლიტიკის გატარების რისკი სათანადოდ დაადასტურა, სახელმწიფო უფლებამოსილია აღკვეთოს ასეთი პოლიტიკის გატარება.ჩვენი ერთობლივი კონსტიტუციური სარჩელით მოთხოვნილია რამდენიმე პოლიტიკური პარტიის არაკონსტიტუციურად ცნობა და აკრძალვა. სხვა დარღვევებთან ერთად, მტკიცებულებებით დასტურდება, რომ შესაბამისი პოლიტიკური პარტიები, პრაქტიკულად უწყვეტ რეჟიმში, უარყოფენ საქართველოს მოქმედი ხელისუფლებისა და მმართველი პოლიტიკური პარტიის როგორც საშინაოპოლიტიკურ, ისე საგარეოპოლიტიკურ ლეგიტიმაციას და შესაბამისად, მის კონსტიტუციურობას. ამით, აღნიშნული პარტიები აღიარებენ რომ მათსა და მმართველ პარტიას შორის ერთ-ერთი მხარე უსათუოდ არაკონსტიტუციურად უნდა შეირაცხოს. ჩვენს სარჩელში წარმოდგენილია მტკიცებულებები იმის შესახებ, რომ არაკონსტიტუციური მიზნები სწორედ ამ პოლიტიკურ პარტიებს ამოძრავებს.სამართლებრივი დასაბუთებაკონსტიტუციური სარჩელი ეფუძნება საქართველოს კონსტიტუციის 23-ე მუხლით გათვალისწინებულ შემდეგ დარღვევებს:საქართველოს კონსტიტუციური წყობილების დამხობა და ძალადობით შეცვლა1. ადამიანის უფლებების ხელყოფა;საქართველოს კონსტიტუციური წყობილების განუყოფელი ელემენტია სამართლებრივი სახელმწიფოს პრინციპი და ადამიანის ძირითადი უფლებები, რომელთა სისტემური დარღვევა საქართველოს კონსტიტუციური წყობილების ხელყოფაა. დროებითი საგამოძიებო კომისიის დასკვნაში ასახული ფაქტებითა და მტკიცებულებებით დასტურდება, რომ „ნაციონალური მოძრაობის“ ხელისუფლებაში ყოფნის პერიოდში, ადამიანის უფლებების ხელყოფა გასცილდა ერთეული შემთხვევების ფარგლებს და მიიღო სისტემური და სისტემატური ხასიათი, კერძოდ:პენიტენციურ დაწესებულებებში მოთავსებულ პირთა წამების პრაქტიკის დანერგვით, მკვლელობებისა და სხვაგვარი ძალადობის პრაქტიკის დანერგვით, პირთა უკანონო თვალთვალის, უკანონო მიყურადებისა და პირადი ცხოვრების ამსახველი ვიდეო-, აუდიო- და ფოტომასალის უკანონოდ შექმნის, შენახვისა და გამოყენების პრაქტიკის დანერგვით, მასობრივი ინფორმაციის საშუალებების საკუთრების ან სხვა უფლების ხელმყოფი პრაქტიკის დანერგვით, ქონების გამოძალვისა და საკუთრების უფლების ხელყოფის პრაქტიკის დანერგვით.2. საყოველთაო არჩევნების გზით არჩეული ორგანოების ლეგიტიმურობის აღიარებაზე უარის თქმა, საქართველოს კონსტიტუციური წყობილების დამხობის ან ძალადობით შეცვლის მცდელობებისაქართველოს პარლამენტის 2012 წლის 1 ოქტომბრის არჩევნების ჩატარებიდან დღემდე საქართველოში ჩატარდა 9 მორიგი საყოველთაო არჩევნები. აღნიშნული არჩევნების შედეგებისა და ამ არჩევნების გზით არჩეული ორგანოების ან თანამდებობის პირების ლეგიტიმურობის აღიარებაზე მთელ რიგ შემთხვევებში უარი თქვეს და ამ გზით საქართველოს სახელმწიფოს წინააღმდეგ არაერთი საბოტაჟი აწარმოეს კონსტიტუციურ სარჩელში მითითებულმა არაკონსტიტუციურმა პოლიტიკურმა პარტიებმა, მიუხედავად იმისა, რომ ყველა ეს არჩევნები საქართველოს კონსტიტუციისა და საარჩევნო კანონმდებლობის შესაბამისად ჩატარდა.1) 2016 წლის საპარლამენტო არჩევნების შემდეგ შედგა ხალხის მიერ დემოკრატიული წესით არჩეული ხელისუფლების არალეგიტიმურად გამოცხადების პირველი მცდელობა, როდესაც არჩევნების არალეგიტიმურობის ყალბი საბაბით, „ნაციონალურმა მოძრაობამ“ არჩევნების მეორე ტურს ბოიკოტიც კი გამოუცხადა. თუმცა, მოგვიანებით, ისინი შეუდგნენ საქართველოს პარლამენტში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.2) 2018 წელს „ნაციონალური მოძრაობის“ თაოსნობით მოქმედმა კოალიციამ უარი თქვა საქართველოს პრეზიდენტის არჩევნების შედეგების აღიარებაზე და სცადა ძალადობრივი მეთოდის გამოყენებით საქართველოს ახალარჩეული პრეზიდენტის ფიცის დადების ცერემონიის ჩაშლა.3) 2019 წლის ივნისში „ნაციონალური მოძრაობა“ და მჭიდროდ დაკავშირებული სხვა პოლიტიკური პარტიები საქართველოს პარლამენტის სასახლის შტურმით აღებას შეეცადნენ.4) 2020 წლის საპარლამენტო არჩევნები არაკონსტიტუციურმა პოლიტიკურმა პარტიებმა არალეგიტიმურად შერაცხეს, უარი თქვეს ახალარჩეული პარლამენტის მუშაობაში მონაწილეობაზე და საქართველოს ცენტრალური საარჩევნო კომისიის ადმინისტრაციული შენობის შტურმით აღებას შეეცადნენ. თუმცა, მოგვიანებით, ისინი შეუდგნენ საქართველოს პარლამენტში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.5) 2021 წლის თვითმმართველობის არჩევნები არაკონსტიტუციურმა პოლიტიკურმა პარტიებმა არალეგიტიმურ არჩევნებად შერაცხეს, სხვადასხვა ქალაქში საპროტესტო აქციები წამოიწყეს და ხელახალი არჩევნების ჩატარების მოთხოვნა განაახლეს. თუმცა, მოგვიანებით, ისინი შეუდგნენ ადგილობრივი თვითმმართველობის ორგანოებში მანდატების გამოყენებას, რაც უტყუარად ადასტურებს იმ გარემოებას, რომ არჩევნების არალეგიტიმურად გამოცხადებას არავითარი საფუძველი არ ჰქონდა.6) 2024 წლის საპარლამენტო არჩევნების შემდეგ პოლიტიკურმა პარტიებმა, რომლებმაც საარჩევნო ბარიერი გადალახეს, უარყვეს ამ არჩევნების შედეგები, უარი თქვეს პარლამენტის წევრის მანდატებზე და ახალარჩეული პარლამენტი არალეგიტიმურად გამოაცხადეს. მეტიც, არჩევნების შემდეგ, არაკონსტიტუციურმა პოლიტიკურმა პარტიებმა ხელი შეუწყეს და განახორციელეს ისეთი ღონისძიებები, რომლებიც მოიცავდა საქართველოს პარლამენტის სასახლეში ძალის გამოყენებით შეჭრას.ზემოაღნიშნული ქმედებების პარალელურად და მათ გაგრძელებად, არაკონსტიტუციურმა პოლიტიკურმა პარტიებმა 2022-2025 წლებში განახორციელეს საქართველოს კონსტიტუციური წყობილების დამხობის ან ძალადობით შეცვლის რამდენიმე მცდელობა.არაკონსტიტუციური პოლიტიკური პარტიების მიერ დემოკრატიული წესით არჩეული ხელისუფლების არალეგიტიმურად შერაცხვის პირველი მცდელობა 2016 წელს დაფიქსირდა, 2018 წლიდან ამ მცდელობამ სისტემატური, ხოლო 2020 წლიდან კი სისტემური და უწყვეტი სახე შეიძინა. ამასთან, დემოკრატიული წესით არჩეული ხელისუფლების არალეგიტიმურად გამოცხადებას 2019-2025 წლებში ერთვოდა საქართველოს კონსტიტუციური წყობილების დამხობისა და ძალადობით შეცვლის, მთლიანობაში, ექვსი უშუალო მცდელობა, რაც ადასტურებს, რომ საქართველოს კონსტიტუციური წყობილების დამხობისკენ ან ძალადობით შეცვლისკენ მიმართული საქმიანობა, რომელსაც არაკონსტიტუციური პოლიტიკური პარტიები აწარმოებენ ხანგრძლივი, სისტემატური, სისტემური და აქტუალურია, რაც დღეს ამ მიზნის აქტუალურობასაც უტყუარად ცხადჰყოფს.ამრიგად, 2004-2012 წლებში „ნაციონალურმა მოძრაობამ“ დაარღვია საქართველოს კონსტიტუციითა და ადამიანის უფლებათა ევროპული კონვენციით გათვალისწინებული ადამიანის ძირითადი უფლებები. ამასთანავე, კონსტიტუციურ სარჩელში მითითებულმა ყველა არაკონსტიტუციურმა პარტიამ დაარღვია საქართველოს კონსტიტუციის მე-3 მუხლითა და ადამიანის უფლებათა ევროპული კონვენციით გათვალისწინებული დემოკრატიის არსი, რაც საქართველოს კონსტიტუციისა და საარჩევნო კანონმდებლობის შესაბამისად ჩატარებული საყოველთაო არჩევნების გზით არჩეული ორგანოებისა და თანამდებობის პირების ლეგიტიმურობის აღიარებაზე უსაფუძვლოდ უარის თქმასა და დემოკრატიის მიმართ აშკარა და უხეში უპატივცემულობის გამოვლენაში გამოიხატა.საქართველოს დამოუკიდებლობის ხელყოფა, ქვეყნის ტერიტორიული მთლიანობის დარღვევა1. 2008 წლის აგვისტოს ომთან დაკავშირებული მოვლენები„ნაციონალურმა მოძრაობამ“ ხელისუფლებაში ყოფნის დროს საქართველოს დამოუკიდებლობისა და ტერიტორიული მთლიანობის წინააღმდეგ ჩაიდინა არაერთი ქმედება და ამ მხრივ, აშკარა არაკონსტიტუციური საქმიანობა განახორციელა, რამაც დააზიანა საქართველოს ტერიტორიული მთლიანობის მშვიდობიანი გზით აღდგენის პერსპექტივა და ხელი შეუწყო საქართველოს ტერიტორიების ოკუპაციასა და საოკუპაციო ძალის მიერ ოკუპაციასთან მიმართებით პოლიტიკური პოზიციების გამყარებას. კერძოდ, 2004-2008 წლებში საომარ რიტორიკასთან და კონფრონტაციულ ქმედებებთან ერთად აღსანიშნავია შემდეგი ფაქტები:2004 წელს ქალაქ ცხინვალის მიმართულებით შეიარაღებული დაპირისპირება განხორციელდა.2006 წლის 28 სექტემბერს კოდორის ხეობას საქართველოს პრეზიდენტის ბრძანებულებით ეწოდა „ზემო აფხაზეთი“.2006 წლის ნოემბერში საქართველოს იმდროინდელმა ხელისუფლებამ ცხინვალის რეგიონში საქართველოს როგორც დე იურე, ისე დე ფაქტო იურისდიქციას დაქვემდებარებულ ტერიტორიაზე ჩაატარა ალტერნატიული არაკონსტიტუციური არჩევნები, სადაც აირჩა ე.წ. სამხრეთ ოსეთის პრეზიდენტი და მის დაქვემდებარებაში შეიქმნა ე.წ. სამხრეთ ოსეთის ალტერნატიული მთავრობა, რომლის წევრებიც მინისტრებად იწოდებოდნენ. ამით საქართველოს იმჟამინდელმა ხელისუფლებამ ცხინვალის რეგიონში სეპარატისტულ არჩევნებს ირიბი ლეგიტიმაცია შესძინა, რაც საქართველოს სახელმწიფო ინტერესების ღია და უხეში ღალატი იყო.2007 წელს საქართველოს იმდროინდელმა ხელისუფლებამ ყოფილი სამხრეთ ოსეთის ავტონომიური ოლქის ტერიტორიაზე შექმნა დროებითი ადმინისტრაციულ-ტერიტორიული ერთეული და სამართლებრივად აღადგინა სამხრეთ ოსეთის ავტონომიური ოლქის 1990 წელს გაუქმებული საზღვრები.აღნიშნული ქმედებების კულმინაცია იყო 2008 წლის აგვისტო, როდესაც საქართველოს იმდროინდელმა ხელისუფლებამ შექმნა ნიადაგი ცხინვალის რეგიონში საოკუპაციო ძალის შესაჭრელად, რის შემდეგაც საქართველოს იმჟამინდელმა ხელისუფლებამ მხარი დაუჭირა ევროპის საბჭოს საპარლამენტო ასამბლეის 2008 წლის 2 ოქტომბრის რეზოლუციას, რომლითაც აღიარა საკუთარი ქმდებებით ესკალაციის ახალ, „ღია და სრულმასშტაბიანი საომარი მოქმედებების საფეხურზე“ გადაყვანა, რუსეთის სამხედრო ინტერვენციას კი „საპასუხო იერიში“ უწოდა.ამრიგად, „ნაციონალურმა მოძრაობამ“ 2004 წლიდან გეგმაზომიერად და თანამიმდევრულად განახორციელა ქმედებები და ღონისძიებები, რომლებმაც ხელი შეუწყო არა მხოლოდ საქართველოს ტერიტორიების ოკუპაციას, არამედ საოკუპაციო ძალის მიერ ოკუპაციასთან მიმართებით პოლიტიკური პოზიციების გამყარებასაც.2. 2012 წლის შემდეგ განვითარებული მოვლენები„ნაციონალურმა მოძრაობამ“ საქართველოს დამოუკიდებლობისა და ტერიტორიული მთლიანობის წინააღმდეგ ქმედებების ჩადენა 2012 წლის შემდეგაც განაგრძო, რაც უკვე მჭიდროდ დაკავშირებულ სხვა არაკონსტიტუციურ პოლიტიკურ პარტიებთან ერთად განახორციელა.საქართველოს ტერიტორიული მთლიანობის მშვიდობიანი გზით აღდგენის პერსპექტივის დაზიანება და საქართველოსა და რუსეთს შორის აქტიური საომარი მოქმედებების გაჩაღების მცდელობა-ხელშეწყობა2022 წელს უკრაინაში რუსეთის შეჭრის პირველივე წუთებიდან გამოვლინდა  არაკონსტიტუციური პოლიტიკური პარტიების მიზანი და მცდელობა, რუსეთ-უკრაინის ომის ფონზე, საქართველოსა და რუსეთის ფედერაციას შორის კონფლიქტი მაქსიმალურ ნიშნულამდე გაემწვავებინათ. არაკონსტიტუციური პოლიტიკური პარტიები დღემდე ცდილობენ, საქართველოსა და რუსეთს შორის ვითარება გამწვავდეს იგივე ფორმითა და ხარისხით, რა ფორმითა და ხარისხითაც ამას 2008 წლის ომამდე „ნაციონალური მოძრაობა“ ახორციელდებდა.საქართველოს დამოუკიდებლობის ხელყოფაში უცხოური ძალისთვის ხელის შეწყობასაქართველოს ტერიტორიული მთლიანობის მშვიდობიანი გზით აღდგენის პერსპექტივის დაზიანებასა და საქართველოსა და რუსეთს შორის აქტიური საომარი მოქმედებების გაჩაღების მცდელობა-ხელშეწყობასთან ერთად, 2012 წლის შემდეგ საქართველოს დამოუკიდებლობის ხელყოფის მცდელობა სხვა მიმართულებითაც ხორციელდება; კერძოდ, ეს პოლიტიკური პარტიები ისწრაფვიან, სხვადასხვა საკითხთან მიმართებით უცხოეთიდან „დაისაჯოს“ საქართველოს სახელმწიფო და საქართველოს ხელისუფლება, რათა საქართველოს მოქალაქეებში უკმაყოფილება დაგროვდეს, ისინი მათ მიერ კანონიერად არჩეულ ხელისუფლებას დაუპირისპირდნენ და ეს პროცესები საქართველოს სახელმწიფოს წინააღმდეგ საბოტაჟის მექანიზმად და საქართველოს ხელისუფლებაზე ზეწოლის ბერკეტად იქნეს გამოყენებული. კერძოდ, ეს მცდელობები მოიცავსევროპის კავშირის წევრი სახელმწიფოების ტერიტორიაზე საქართველოს მოქალაქეთათვის უვიზო მიმოსვლის რეჟიმის შემოღებისა და შენარჩუნების საკითხისთვის საზიანო ქმედებებს,ევროპის კავშირში საქართველოს გაწევრების მიმართულებით ქვეყნისთვის ხელშემშლელ ქმედებებს,საქართველოს სახელმწიფოსა და საქართველოს ხელისუფლებაზე უცხოეთიდან სისტემატური საინფორმაციო თავდასხმებს, სანქციების დაწესების მცდელობებს და ამის ხელშეწყობას.ამრიგად, 2004-2012 წლებში „ნაციონალურმა მოძრაობამ“ ხელყო საქართველოს დამოუკიდებლობა და მიზანმიმართულად შექმნა ნიადაგი საქართველოს ტერიტორიული მთლიანობის დასარღვევად, ხოლო 2012 წლის შემდეგ ამ პოლიტიკურმა პარტიამ და სხვა არაკონსტიტუციურმა პოლიტიკურმა პარტიებმა განახორციელეს საქართველოს დამოუკიდებლობის ხელყოფისა და ტერიტორიული მთლიანობის დარღვევის მრავალი მცდელობა.ზემოაღნიშნული გარემოებები, საქართველოს კონსტიტუციისა და ადამიანის უფლებათა ევროპული სასამართლოს მიდგომების გათვალისწინებით, ერთობლივად ქმნის რამდენიმე არაკონსტიტუციური პოლიტიკური პარტიის აკრძალვის მყარ კონსტიტუციურ საფუძველს.ამასთან, საერთაშორისო პრაქტიკის მიხედვით პოლიტიკური პარტიის აკრძალვისთვის, მის არაკონსტიტუციურ იდეებთან და ქცევასთან ერთად, მნიშვნელოვანია, რომ კონკრეტულ პარტიას, ჰქონდეს იმის შესაძლებლობა, რომ რეალური საფრთხე შეუქმნას კონსტიტუციურ წყობილებას. ამ მხრივ განმსაზღვრელია პარტიის ზომა, სტრუქტურლი ორგანიზება, პოლიტიკური გავლენა. ამიტომ, იმ პარტიების განსაზრისას, რომელთა აკრძალვასაც კონსტიტუციური სარჩელით ვითხოვთ, ვისარგებლეთ ორი მთავარი კრიტერიუმით:რამდენად მყარია კონკრეტული პარტიის არაკონსტიტუციურობის სამართლებრივი დასაბუთება,რამდენად უქმნის კონკრეტული არაკონსტიტუციური პარტია მისი ზომით, ორგანიზაციული სტრუქტურით თუ პოლიტიკური გავლენით რეალურ საფრთხეს კონსტიტუციურ წყობილებას.შესაბამისად, ჩვენი ერთობლივი კონსტიტუციური სარჩელით მოთხოვნილია შემდეგი სამი პოლიტიკური პარტიის არაკონსტიტუციურად ცნობა და აკრძალვა, რომლებმაც საერთო მისწრაფებებით მოქმედი კოალიციური ერთობა და ერთიანი ორგანიზმი შექმნეს და დღესაც ასე მოქმედებენ. ეს პარტიებია (პარტიების რეესტრში მითითებული მათი იურიდიული დასახელებებით):მოქალაქეთა პოლიტიკური გაერთიანება „ერთიანობა − ნაციონალური მოძრაობა“,მოქალაქეთა პოლიტიკური გაერთიანება „კოალიცია ცვლილებისთვის, გვარამია, მელია, გირჩი, დროა“,მოქალაქეთა პოლიტიკური გაერთიანება „ძლიერი საქართველო − ლელო, ხალხისთვის, თავისუფლებისთვის“.ამასთანავე, გასათვალისწინებელია, რომ ზემოხსენებულ პოლიტიკურ პარტიებთან მჭიდროდ დაკავშირებულია სხვა პოლიტიკური პარტიებიც, როგორებიცაა „ელენე ხოშტარია – დროა“ და „გირჩი – მეტი თავისუფლება“, რომლებიც სინამდვილეში „კოალიცია ცვლილებისთვის, გვარამია, მელია, გირჩი, დროას“ შემადგენლობაში არიან, თუმცა, ფორმალურად, დამოუკიდებელ პარტიებადაც არიან რეგისტრირებული, აგრეთვე „კი ევროპას – სტრატეგია აღმაშენებელი“, „ევროპული საქართველო – მოძრაობა თავისუფლებისთვის“, „ფედერალისტური პარტია“, „საქართველოს რესპუბლიკური პარტია“ და სხვა ფიქტიური, ერთკაციანი და მცირე პარტიები. თუმცა, ვინაიდან მათ ამჟამად, მათი სიდიდით, ორგანიზაციული სტრუქტურით არსებითი გავლენა, მათ შორის, საარჩევნო ბარიერის გადალახვის რეალური პერსპექტივა არ გააჩნიათ, ამ ეტაპზე მათი აკრძალვის აუცილებლობა არ იკვეთება. მათი არაკონსტიტუციურობის საკითხი დღის წესრიგში შეიძლება დადგეს მოგვიანებით, იმ შემთხვევაში, თუ ისინი პოლიტიკურ პროცესზე არსებით გავლენას შეიძენენ.ზემოაღნიშნული პარტიების არაკონსტიტუციური მიზნების ერთიანობას ადასტურებს შემდეგი გარემოებები:აღნიშნული პოლიტიკური პარტიების ხელმძღვანელი პირები „ნაციონალური მოძრაობის“ ან მისი მონაწილეობით შექმნილი საარჩევნო ბლოკის წარდგენით არჩეულ იქნენ სხვადასხვა მოწვევის საქართველოს პარლამენტის წევრებად, ეკავათ სხვადასხვა პარტიული თუ პოლიტიკური თანამდებობა.აღნიშნული პოლიტიკური პარტიები წლების განმავლობაში თვისებრივად ერთნაირი პოზიციით წარმოჩინდებოდნენ, ქმნიდნენ საერთო მისწრაფებით მოქმედ კოალიციურ ერთობას და ერთიან ორგანიზმს და დღესაც ასე მოქმედებენ.ამავე დროს, ჩვენი კონსტიტუციური სარჩელით მოთხოვნილი არ იქნება არაკონსტიტუციური პოლიტიკური პარტიის წარდგენით არჩეული წარმომდგენლობითი ორგანოს წევრების უფლებამოსილების შეწყვეტა, რაც დღევანდელი მდგომარეობით, რელევანტური იქნებოდა მხოლოდ პარტია „ლელოს“ სახელით საკრებულეობში გასულ 59 წევრთან დაკავშირებით. ამით, უპირველეს ყოვლისა, გვსურს, პატივი ვცეთ მათ ამომრჩევლებს და განსხვავებით თავად პარტია „ლელოსგან“, რომელმაც მისი ამომრჩევლისგან მინიჭებულ საპარლამენტო მანდატების მიღებაზე უარი თქვა, საკრებულოებში შევინარჩუნოთ ამომრჩევლის მიერ გაცემული მანდატები.ასევე, ჩვენი სარჩელი არ შეიცავს არაკონსტიტუციურ პოლიტიკურ პარტიასთან დაკავშირებული პირებისთვის პოლიტიკური საქმიანობის შეზღუდვის მოთხოვნას. როგორც იცით, დღეს კანონმდებლობით განსაზღვრულია მემკვიდრე პარტიის ინსტიტუტი, რომელიც იძლევა უფრო ფართო შესაძლებლობას აკრძალული პარტიებთან დაკავშირებული პირების სამომავლო არაკონსტიტუციური პოლიტიკური საქმიანობის აღსაკვეთად“, – განაცხადა შალვა პაპუაშვილმა.

პოლიტიკა • 1761563886

შალვა პაპუაშვილი: „ლელოს“ თუ აინტერესებს, პარტიების აკრძალვა რამდენად კონსტიტუციურია, მიმართოს ნინო ლომჯარიას, რომელსაც თავად ჰქონდა შედგენილი სარჩელი კონკრეტული პარტიის ასაკრძალად

ფარისევლობა, ტყუილი, ქართველი ხალხის კიდევ ერთხელ დაბრიყვების მცდელობაა, როდესაც უცხოეთიდან დაქირავებული ჯგუფები ცდილობენ, აბსურდული სამართლებრივი განმარტება გააკეთონ. ჩვენ ამას ვაკვირდებით, რადგან ამის უკან კონკრეტული დონორების და ელჩების პოზიციას ვხედავთ ხოლმე, – ამის შესახებ საქართველოს პარლამენტის თავმჯდომარე შალვა პაპუაშვილმა კითხვაზე საპასუხოდ განაცხადა.პაპუაშვილს კითხვა დაუსვეს პარტიის საქმიანობის აკრძალვის შესახებ კანონის კონსტიტუციურობაზე და ამასთან დაკავშირებით „ლელოს“ სარჩელზე.„პარტიის საქმიანობის აკრძალვის კონსტიტუციურობას თუ ანტიკონტიტუციურობას რაც შეეხება, ეს ყოველთვის იყო ჩვენს კონსტიტუციასა და კანონმდებლობაში. ნებისმიერ ქვეყანაში არის. მეორეც, არქივი კარგი რამ არის, ჩახედეთ არქივში და ნახეთ ნინო ლომჯარიას მიერ მომზადებული საკონსტიტუციო სარჩელი, როდესაც ერთი კონკრეტული პარტიის არაკონსტიტუციურად გამოცხადებას ითხოვდა. ვინაიდან თავად მოსარჩელე ვერ იქნებოდა, პარლამენტში ოპოზიციურ წევრებსაც კი გაუგზავნა სარჩელი, რომ მათ შეეტანათ. ასე რომ, თავად „ენჯეოებს“ ჰქონდათ გამზადებული სარჩელი და მაშინდელ პარტიებთან მუშაობას ცდილობდნენ, რათა მათ შეეტანათ სარჩელი. ამიტომ, ფარისევლობა, ტყუილი, ქართველი ხალხის კიდევ ერთხელ დაბრიყვების მცდელობაა, როდესაც უცხოეთიდან დაქირავებული ჯგუფები ცდილობენ, აბსურდული სამართლებრივი განმარტება გააკეთონ. ჩვენ ამას ვაკვირდებით, რადგან ამის უკან კონკრეტული დონორების და ელჩების პოზიციას ვხედავთ ხოლმე“, – განაცხადა შალვა პაპუაშვილმა.პაპუაშვილის თქმით, „ქართული ოცნების“ საკონსტიტუციო სარჩელი მზად არის და სამართლებრივი დახვეწა მიმდინარეობს.„სარჩელი მზად არის, მიმდინარეობს მისი სამართლებრივი დახვეწა. დღეს გვექნება უმრავლესობის სხდომა, სადაც მოხდება სარჩელის განხილვა. ვფიქრობ, ხვალ უკვე მზად იქნება“, – განაცხადა პაპუაშვილმა.პაპუაშვილს სარჩელთან დაკავშირებით კიდევ ერთი კითხვა დაუსვეს, ხომ არ გამოიწვევს პარტიების გაუქმებას, რაზეც პაპუაშვილმა აღნიშნა:„არსებობენ პარტიები, როდესაც, ამ იურიდიული ფორმის გამოყენება ხდება, საქართველოს დასაზიანებლად, იმისთვის, რომ  დააორგანიზონ ხელისუფლების არადემოკრატიული გზით შეცვლა. ვხედავდით ომის პროპაგანდას, ტერიტორიული მთლიანობის ხელყოფის მცდელობას და ასე შემდეგ. კონსტიტუციით არის გაწერილი საკითხები, რა შემთხვევაში შეიძლება, პარტია აიკრძალოს და გამოცხადდეს არაკონსტიტუციურად. ამიტომ, ჩვენი მთავარი სამიზნეა ის გაერთიანება, პოლიტიკური პარტიები, რომლებიც მთავარი გამწევი ძალა არიან ანტიქართული და ანტიკონსტიტუციური ქმედებებისა, ვისაც აქვს რეალური შესაძლებლობა, არიოს ვითარება საქართველოში, ანტიკონსტუტუციური ქმედებები დააორგანიზოს, ხელისუფლების დამხობის მცდელობები, რომელიც რამდენიმე ვიხილეთ ბოლო 10-13 წლის განმავლობაში, მას შემდეგ, რაც „ნაციონალური მოძრაობა“ ხელისუფლებას ჩამოსცილდა. ეს არის ჩვენთვის მთავარი საზომი. კიდევ ერთხელ ვიტყვი, რომ ჩვენ, მათ შორის ბოლო საკანონმდებლო ცვლილებებითაც, შევქმენით დასავლური სტილის კანონმდებლობა, რომელიც ეფუძნება მთავარ თავდაცვისუნარიანი დემოკრატიის პრინციპს. ეს გულისხმობს, რომ დემოკრატიამ თავი უნდა დაიცვას დემოკრატიის მტრებისგან, რომლებიც ცდილობენ, დემოკრატიის ინსტრუმენტები გამოიყენონ დემოკრატიის წინააღმდეგ. ანუ, პარტია, როგორც დემოკრატიული ინსტიტუტი, გამოიყენონ დემოკრატიისთვის ძირის გამოსათხრელად და დასამხობად. ამიტომ ამ პრინციპით მოქმედებს ყველა ქვეყანა. ე ს ჩვეულებრივი პრაქტიკაა ნებისმიერ ქვეყანაში. მოლდოვაში ახლახან აკრძალეს რამდენიმე პარტია, მანამდე უკრაინაში, გერმანიაში ხდება პარტიების აკრძალვა, მათ შორის არაპოლიტიკური ორგანიზაციების აკრძალვაც არის გერმანიაში შესაძლებელი. „ლელომ“ მიმართოს ნინო ლომჯარიას, თუ აინტერესებს, პარტიების აკრძალვა რამდენად კონსტიტუციური ან არაკონსტიტუციური ინსტრუმენტია და ის გაუწევს კონსულტაციას. ადამიანი, რომელსაც თავად ჰქონდა სარჩელი შედგენილი, მათ შორის „ლელოსაც“ მისცა სარჩელის პროექტი, რომელიც ერთი კონკრეტული პარტიის არაკონსტიტუციურად გამოცხადებისთვის ჰქონდა.პარტიის აკრძალვის კანონი მოქმედებს, რაც კონსტიტუცია გვაქვს. კანონი და კონსტიტუცია ამას ითვალისწინებს ათწლეულებია და ახლა გაახსენდათ, როცა თავად ხედავენ რისკს, რომ შეიძლება იყვნენ ამისი ობიექტი? ჩვენი თუ არ სჯერათ, ნინო ლომჯარიასი ხომ სჯერათ, ჰკითხონ ლომჯარიას, საკონსტიტუციო სასამართლოში პარტიების აკრძალვის მოთხოვნა ეწინააღმდეგება თუ არა კონსტიტუციას. ჰკითხონ ადამიანს, რომელიც მათ შორის სახალხო დამცველი იყო იმ მომენტში, როდესაც შეადგინა სარჩელი კონკრეტული პარტიის ასაკრძალად. მზა სარჩელი მიუტანა „ლელოს“ და სხვა პარტიებს, რათა შეეტანათ საკონსტიტუციო სასამართლოში. უფრო ხატოვნად რომ წარმოიდგინოთ, რა თქმა უნდა, მნიშვნელობა არ აქვს პოლიტიკურ ორიენტაციას თუ პარტიის შეხედულებებს, არამედ მნიშვნელოვანია, მათი ქმედებები ეწინააღმდეგება თუ არა კონსტიტუციას, ეს არის განმსაზღვრელი“.

საზოგადოება • 1761560716

შალვა პაპუაშვილი ანზორ ერქომაიშვილის მემორიალური დაფის გახსნას დაესწრო

თბილისში ცნობილი ქართველი ფოლკლორისტის, ლოტბარის, მომღერლის, პუბლიცისტისა და მეცნიერის ანზორ ერქომაიშვილის მემორიალური დაფა გაიხსნა. მემორიალური დაფის გახსნას საქართველოს პარლამენტის თავმჯდომარე შალვა პაპუაშვილი დაესწრო."მნიშვნელოვანია, როდესაც იმ ადამიანის დაფასება ხდება, რომელსაც განსაკუთრებული ღვაწლი აქვს ქართული კულტურის, ისტორიის, აწმყოსა და მომავლის წინაშე.ანზორ ერქომაიშვილს ცხოვრებაშიც არ აკლდა დაფასება, თუმცა, მის ხსოვნას ყოველდღიურად სჭირდება მოფრთხილება. ვინაიდან თაობები იზრდებიან, რომლებმაც შესაძლოა, არ იცოდნენ ბატონი ანზორის მიერ ქვეყნის წინაშე გაწეული ღვაწლის შესახებ, ეს მემორიალური დაფა კი სწორედ ამას შეგვახსენებს.ბატონი ანზორის დამსახურება და მემკვიდრეობა მხოლოდ ის კი არ არის, რომ როგორც ლოტბარი, ხალხური სიმღერების შემგროვებელი, გამავრცელებელი, ანსამბლების ჩამომყალიბებელი, ახალი თაობების აღმზრდელი იყო, არამედ, საბოლოო ჯამში, ის თავად იქცა ქართული ხალხური სიმღერის ნაწილად. ეს არის ალბათ, უმაღლესი მწვერვალი შემოქმედი ადამიანისთვის. ბატონი ანზორის შემოქმედება ყველასთვის ეროვნული საგანძურია.ცალკე უნდა აღინიშნოს ანზორ ერქომაიშვილის დამსახურება ბავშვებში ქართული კულტურის მიმართ სიყვარულის გაღვივებაში. ბავშვობიდანვე ხალხურ სიმღერასთან ზიარება იყო ბავშვის აღზრდისა და კულტურული განვითარების ნაწილი. ამის დამკვიდრების მნიშვნელობას ხვდებოდა ანზორ ერქომაიშვილი თავის დროზე, როდესაც „მართვე“ ჩამოაყალიბა. ეს კულტურა, ტრადიცია სწორედ ბატონი ანზორის სახელს უკავშირდება და ვამაყობთ, რომ სახალხო კულტურად არის ქცეული.მსურს, მადლობა გადავუხადო საქართველოს კულტურის სამინისტროს, თბილისის მერიას, ანზორ ერქომაიშვილის სახელის პატივისცემისა და დაფასებისთვის. რა თქმა უნდა, განსაკუთრებით მინდა მივესალმო მის ოჯახს, მის დიდ ოჯახს - „მართვეს“ და „რუსთავის“ სახით, ყველა იმ ადამიანს, რომელიც მის სახელს უფრთხილდება, მის მემკვიდრეობას ამრავლებს და მომავალ თაობებს გადასცემს", - განაცხადა შალვა პაპუაშვილმა.მემორიალური დაფა კრწანისის რაიონში, აბანოს ქუჩა N23-ში მდებარე საცხოვრებელ სახლზე განთავსდა, სადაც ანზორ ერქომაიშვილი 1988-2021 წლებში ცხოვრობდა და მოღვაწეობდა. ანზორ ერქომაიშვილის მემორიალური დაფის გახსნას ესწრებოდნენ: საკანონმდებლო და აღმასრულებელი ხელისუფლების, ასევე თბილისის მერიისა და საკრებულოს წარმომადგენლები.ანზორ ერქომაიშვილი 1968 წლიდან იყო ვოკალურ ანსამბლ "რუსთავის" ხელმძღვანელი. გამოცემული აქვს მის მიერვე ჩაწერილი და გაშიფრული ქართული ხალხური სიმღერები. გამოსაცემად მოამზადა კრებული "გურული ხალხური სიმღერები".ანზორ ერქომაიშვილს მიღებული აქვს ბრწყინვალების საპრეზიდენტო ორდენი და თბილისის საპატიო მოქალაქის წოდება. ასევე, მიღებული აქვს ივანე ჯავახიშვილის სახელობის პრემია, შოთა რუსთაველის სახელობის სახელმწიფო პრემია, ილია ჭავჭავაძის სახელობის პრემია, ექვთიმე თაყაიშვილის სახელობის პრემია, იაკობ გოგებაშვილის სახელობის პრემია, ალბერტ შვაიცერის სახელობის პრემია.

პოლიტიკა • 1761555621

ლევან სანიკიძე: სახალხო პროცესს ვერ ეყოლება სათავეში ვერცერთი კაცი და ქალი, ეს პროცესი გამარჯვებით დასრულდება მხოლოდ მაშინ, თუ მოხდება ჯანსაღი ოპოზიციური ძალების კონსოლიდაცია

გუშინდელ აქციაზე იყო ძალიან ბევრი ჩვენი თანამებრძოლი. დაფიქსირდა, რომ 26 ოქტომბრის არჩევნების გაყალბება ქართველ ხალხს არ უპატიებია ივანიშვილისთვის. ასეთი აქციები პერიოდულად, თვეში ერთხელ თუ რამდენჯერმე ძალიან მნიშვნელოვანი გზავნილია როგორც ქვეყნის შიგნით, ასევე ქვეყნის გარეთ, ჩვენი პარტნიორებისთვის, რომ საქართველოში ის საპროტესტო ტალღა არსად გამქრალა, – ამის შესახებ „ნაციონალური მოძრაობის“ წევრი ლევან სანიკიძემ ჟურნალისტებს განუცხადა.სანიკიძის თქმით, აქციაზე ბევრი ხალხი მივიდა, გაკეთდა ივანიშვილის წინააღმდეგ განცხადებები და დასავლელმა პარტნიორებმა ნახეს, რომ პროტესტი საქართველოში არ ჩამქრალა.კითხვაზე, რომ „მმართველი გუნდის განცხადებით, ოპოზიციის მოწოდებების მიუხედავად, გუშინდელი აქცია ჩავარდა“, სანიკიძემ განაცხადა: „არავითარ შემთხვევაში“.„ჩავარდნას მე არ ვიცი, ისინი რას ეძახიან. თავისუფალი მოქალაქეები შეიკრიბნენ რუსთაველის გამზირზე, დააფიქსირეს პოზიცია, რომ ქვეყანაში არალეგიტიმური პარლამენტია. 26 ოქტომბერს, როდესაც ივანიშვილმა მიიტაცა ამ ქვეყანაში ხელისუფლება, სწორედ მაშინ დაიწყო ის ერთწლიანი ციკლი, რომელიც ადამიანებს ლამის სიცოცხლის ხელყოფის ფასად დაუჯდათ რუსთაველის გამზირზე ე.წ. სამართალდამცველების მიერ აღვირახსნილი ადამიანის უფლებათა ხელყოფის შედეგად“, – განაცხადა სანიკიძემ.ამასთან, ჟურნალისტებმა კითხვა დაუსვეს გიგა ბოკერიას გუშინდელ განცხადებაზე, რომლის მიხედვით, აქცია იყო მათი ორგანიზებული და სააკაშვილის ბანერი არ უნდა ყოფილიყო. სანიკიძის თქმით, აქციის მისაკუთრებას არავინ უნდა ცდილობდეს.„ეს არის ძალიან უმადური საქმე. მე არ მგონია, რომ იქ ადამიანები ვინმე კონკრეტული ერთი პიროვნების მოწოდების შედეგად იყვნენ აღმოჩენილი. ეს არის საერთო სახალხო პროცესი, მით უმეტეს, 26 ოქტომბერზე როდესაც ვსაუბრობთ, გიგა ბოკერიას პარტია საერთოდ არჩევნებში არ მონაწილეობდა. ამიტომ მისი აქცია ეს ვერ იქნებოდა. სახალხო პროცესია, რომელსაც ვერ ეყოლება სათავეში ვერცერთი კაცი, ვერცერთი ქალი. ეს არის პროცესი, რომელიც გამარჯვებით დასრულდება მხოლოდ იმ შემთხვევაში, თუკი მოხდება ჯანსაღი ოპოზიციური ძალების სრული და აბსოლუტური კონსოლიდაცია.მრავალათასიანი აქცია იყო. არსებობს აქციები, რომელიც შეიძლება იყოს ათიათასკაციანი, 15 000-კაციანი, 25 000-კაციანი, სიმწვავისა და პრობლემის აღქმის მიხედვით. არავითარი განსაკუთრებული ძალისხმევა არ იყო ამასთან დაკავშირებით ჩადებული. ეს იყო აქცია, რომელიც სწორედ ქართველი ხალხის ნების გამომხატველი იყო და ძალიან ბევრი ადამიანი, იმის გათვალისწინებით, რომ პოლიტიკურ პარტიებს არ აქვთ შესაბამისი ფინანსური რესურსი, აწარმოონ მრავალკვირიანი კამპანია, ამის მიუხედავად, ძალიან ბევრი ადამიანი გამოვიდა, რადგან ეს პროცესი არ ეკუთვნის მხოლოდ პოლიტიკურ პარტიებს. ეს არის, პირველ რიგში, საზოგადოებრივი პროცესი, რომელსაც უბრალოდ მომსახურება უნდა გაუწიონ რიგმა პოლიტიკურმა ორგანიზაციებმა“, – განაცხადა ლევან სანიკიძემ.

საზოგადოება • 1761550011

„საზოგადოების ჯანმრთელობის დაცვას ალტერნატივა არ აქვს“ - საერთაშორისო და ქართველი ექსპერტები, საქართველოში თამბაქოს ინდუსტრიის გავლენებს აფასებენ

თამბაქოს ინდუსტრიის გავლენების შეფასების მიზნით გამართულ შეხვედრაზე, სადაც სახელმწიფოს, სამოქალაქო სექტორის, სახალხო დამცველის სამსახურის და ჯანმრთელობის მსოფლიო ორგანიზაციის წარმომადგენლები და საზოგადოების ჯანდაცვის ექსპერტები იმყოფებოდნენ, საქართველოს ოკუპირებული ტერიტორებიდან დევნილთა, შრომის, ჯანმრთელობისა და სოციალური დაცვის მინისტრის პირველმა მოადგილემ, ირაკლი სასანიამ განაცხადა, რომ „საზოგადოების ჯანმრთელობის დაცვას ალტერნატივა არ აქვს.მისივე თქმით, „საზოგადოებრივი ჯანდაცვის ინტერესები ყოველთვის გაცილებით მაღლა უნდა იდგეს, ვიდრე ნებისმიერი კომერციული და  ბიზნესინტერესები.„ჯანდაცვის სამინისტრო აქტიურად არის ჩართული პროცესებში, მივყვებით თამბაქოს ჩარჩო კონვენციის ვალდებულებებს. თამბაქოს კონტროლის რეფორმების კუთხით ძალიან ბევრი რამ გაკეთდა, აიკრძალა საზოგადოებრივი თავშეყრის ადგილებში მოწევა, კიდევ გაიზრდება იმ ადგილების რიცხვი, სადაც მოწევა ასევე აიკრძალება.ჩვენი კანონი და საერთაშორისო ვალდებულებები გვაკისრებს მიკერძოებული არ ვიყოთ თამბაქოს ინდუსტრიის ინტერესებისადმი, ამიტომაც მნიშვნელოვანია გამჭვირვალობა ინდუსტრიის და იმ ჩინოსნების ურთიერთობებში, ვისაც თამბაქოს კონტროლის რეფორმებთან შეხება აქვს“,- განაცხადა ირაკლი სასანიამ.შეხვედრაზე განიხილეს რეფორმის მიმდინარეობის პროცესში არსებული პრობლემები, კერძოდ, 2025 წლის 1 აპრილიდან ძალაში შესული თამბაქოს სტანდარტიზებული (სადა) შეფუთვის რეგულაცია ნაწილობრივ სრულდება.თამბაქოს ინდუსტრიის სისტემური ჩარევის შედეგად მნიშვნელოვნად შესუსტდა კანონის ეფექტიანობა და საფრთხე შეუქმნა ერთის მხრივ, საქართველოს საერთაშორისო ვალდებულებების შესრულებას და მეორეს მხრივ, საზოგადოებრივი ჯანმრთელობის ინტერესებს.• 2024-2025 წლებში სადა შეფუთვის რეგულაციებიდან ამოიღეს გასახურებელი თამბაქოს პროდუქტები (HTPs), სიგარილა და „დუტი ფრი“ ზონებში სადა შეფუთვის მქონე თამბაქოს ნაწარმის განლაგება. სიგარეტის კოლოფებზე დაიშვა ბრენდის სახელწოდების ლათინური წარწერები და შენარჩუნდა კოლოფების ზომების მრავალფეროვნება, რაც რეგულაციის მიზანს არსებითად ასუსტებს.• თამბაქოს ინდუსტრიის ინტერესების ლობირება ხდებოდა არაპირდაპირი გზით, შუამავლების (მაგ. ბიზნესომბუდსმენი, რითეილერთა ასოციაციები) მეშვეობით. 2024 წლის ივნისში, ბიზნესომბუდსმენი პარლამენტის თავმჯდომარეს მიმართავდა რეგულაციის გადავადებისა და გამონაკლისების დაშვების მოთხოვნით, რაც შემდგომში საკანონმდებლო ცვლილებებით დაკმაყოფილდა.• სავაჭრო წერტილებში დაფიქსირდა ძველი შეფუთვის კოლოფების დაფარვის მცდელობები „სადა შეფუთვის“ ფოტო-ბარათებით, ასევე დისტრიბუტორისგან ჯარიმების „ანაზღაურების“ დაპირებები ცალკეულ ქსელურ მარკეტებში, რაც აღსრულების ინსტიტუციურ სისუსტეზე მიუთითებს.• ჯანმოს თამბაქოს კონტროლის ჩარჩო კონვენციის (WHO FCTC) მე-5 მუხლის მე-3 პუნქტი (FCTC 5.3) მოითხოვს გადაწყვეტილების მიმღებ პირებსა და თამბაქოს ინდუსტრიასთან ურთიერთობების გამჭვირვალობას. მიუხედავად იმისა, რომ მთავრობას ამ ვალდებულების შესასრულებლად დადგენილების მიღება 2018 წლის 1 ივნისამდე ევალებოდა,  ეს დოკუმენტი კვლავ არ არის დამტკიცებული. ფინანსთა და ეკონომიკის სამინისტროებიდან არ მოსულა პასუხები ინდუსტრიასთან მათი შეხვედრების შესახებ, თუმცა ბიზნესომბუდსმენმა დაადასტურა, რომ 2024 წლის იანვრიდან 2025 წლის მაისამდე პერიოდში 4 შეხვედრა გამართა ინდუსტრიის წარმომადგენლებთან.თამბაქოს რეგულაციების მრავალწლიანი გადავადება და შერბილება ამცირებს საზოგადოებრივი ჯანმრთელობის სარგებელს და არღვევს საერთაშორისო ვალდებულებების სულისკვეთებას. ამიტომაც მთავრობისგან მოვითხოვთ:1. FCTC 5.3 დადგენილების დაუყოვნებლივ მიღებას.2. აღსრულების გაძლიერებას.  შემოსავლების სამსახურის მიერ სრულყოფილ აღსრულებას, ჯარიმებისა და შემოწმებების  რეესტრის შექმნას, „დამრღვევთა სიის“ გამოქვეყნებას.3. გამონაკლისების გადახედვას. აუცილებელია გასახურებელი თამბაქოს ნაწარმის, სიგარელისა და „დიუტი-ფრი“ ზონებში გამონაკლისების გაუქმება რეგულაციის მიზნის გასაძლიერებლად.