სამტრედიაში

ტყიბულში ორი ახალი საბავშვო ბაღი გაიხსნა

ტყიბულის მუნიციპალიტეტს ორი ახალი საბავშვო ბაღი შეემატა. 50 ბავშვზე გათვლილი თანამედროვე სტანდარტების შესაბამისი სკოლამდელი აღზრდის დაწესებულებები სოფლებში: მუხურასა და სამტრედიაში აშენდა. საბავშვო ბაღები ტყიბულის მუნიციპალიტეტის მერმა, დავით ჩერქეზიშვილმა და იმერეთში სახელმწიფო რწმუნებულის მოადგილემ, ლევან კიკნაველიძემ, მუნიციპალური განვითარების ფონდისა და ადგილობრივი თვითმმართველობის წარმომადგენლებთან ერთად გახსნეს.სკოლამდელი აღზრდის დაწესებულებები ადაპტირებულია განსაკუთრებული საჭიროების მქონე პირთათვის, აღიჭურვა შესაბამისი ინვენტარით და შეიქმნა საუკეთესო პირობები სააღმზრდელო პროცესისათვის.პროექტების განსახორციელებლად მუნიციპალური განვითარების ფონდიდან 2 500 000 ლარი გამოიყო. აღსანიშნავია, რომ სოფელ მუხურაში საბავშვო ბაღი არასდროს ყოფილა და პირველად დაიწყო ფუნქციონირება, ხოლო სამტრედიის საბავშვო ბაღში მზის ელექტრო სადგური დამონტაჟდა. მზის პანელების მონტაჟი “სოლიდარობის ფონდი PL საქართველოს” მიერ გამოცხადებულ კონკურსში, ტყიბულის მუნიციპალიტეტის მერიის გამარჯვებული პროექტის ფარგლებში განხორციელდა.

საზოგადოება • 1742195407

„სამი ახალგაზრდა გარდაიცვალა ერთ დღეში, სამივეს დათო ერქვა...“ - რას წერენ ტრაგიკულად დაღუპულ ახალგაზრდებზე

ბოლო რამდენიმე საათში ავტოსაგზაო შემთხვევას 3 ახალგაზრდა კაცის სიცოცხლე ემსხვერპლა. მათ შესახებ სოციალურ ქსელში შოთო სიხარულიძე პოსტს აქვეყნებს:„3 ახალგაზრდა გარდაიცვალა 1 დღეში, სამივეს დათო ერქვა, დათო მარგალიტაძე, დათო აბულაძე, დათო ალავიძე...სულ ახალგაზრდა, ნარჩევი სიცოცხლით გაუმაძღარი ვაჟკაცები დავკარგეთ, სამივე ავარიით 2 მატოციკლეტით, ერთი მანქანით... ამდენი უბედურება კმარა...სულ გლოვის ზარია, უფალო, გვაკმარე, ეს რა წელია.... ავარიები მოხდა სამტრედიაში, ბათუმში, ქუთაისში...სიკვდილო რა ძალიან გადიდგულებულხარ?! გაბედე და თავი გაგვიტოლე ! რა იფიქრე? არც ისეთი პატარები ვართ, ტკივილის სიღრმე ვერ ვიგრძნოთ... არც ისეთი დიდები, ისე გადავიტანოთ, რომ არ გაგვიტანოს !!! გათენდეს ერთი დღე ცუდი არ წავიკითხოთ, უფალმა გაანათლოს მათი ლამაზი სულები,“ - წერს შოთო სიხარულიძე.

საზოგადოება • 1741981235

სამტრედიაში, ხიდიდან მოტოციკლი გადავარდა - დაღუპულია 32 წლის კაცი

სამტრედიაში, ხიდიდან მოტოციკლი გადავარდა.32 წლის კაცი ადგილზე დაიღუპა.„პრაიმტაიმს“ შინაგან საქმეთა სამინისტროში განუცხადეს, რომ მომხდარზე გამოძიება სსკ-ის 276-ე მუხლით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას გულისხმობს.

საზოგადოება • 1740777199

სტიქიის ზონაში ელექტროენერგიის მიწოდების პროცესზე, „ენერგო-პრო ჯორჯია“ განცხადებას ავრცელებს

„ენერგო-პრო ჯორჯიას“ ინფორმაციით, სტიქიის ზონაში აბონენტებისთვის ელექტროენერგიის მიწოდების პროცესი გრძელდება.მათივე ცნობით, გურიაში, ადგილობრივ ელექტრიკოსებთან ერთად, საქართველოს ყველა რეგიონიდან ჩასული დამატებითი ჯგუფები საგანგებო რეჟიმში მუშაობას განაგრძობენ.„28 თებერვლის 16:00 საათის მონაცემებით, ოზურგეთში ელექტროენერგია შეზღუდვით მიეწოდება 3 900 აბონენტს, ლანჩხუთში – 780 და ჩოხატაურში – 200 აბონენტს.საგანგებო რეჟიმში მუშაობა გრძელდება ასევე იმერეთში – ვანში, ხარაგაულში, ზესტაფონსა და სამტრედიაში. საერთო ჯანმში, ოთხივე მუნიციპალიტეტში ამ დროისთვის ელექტროენერგია შეზღუდვით მიეწოდება 5 000-მდე აბონენტს.„ავარიების ლიკვიდაცია და აბონენტების ენერგომომარაგების აღდგენა ეფექტურად გრძელდება, თუმცა, რაც უფრო მცირდება გათიშულ აბონენტთა რაოდენობა, მით უფრო რთულდება აღდგენითი სამუშაოები, რადგან რჩება რელიეფურად უფრო რთულ ადგილებზე განლაგებული, მაღალმთიანი სოფლები, სადაც თოვლის საფარი კვლავ დიდია და გადაადგილებაც უფრო ჭირს. რა თქმა უნდა, ავარიების კერების იდენტიფიცირების და მათი ლიკვიდაციის ტემპი მომდევნო დღეების განმავლობაში შენარჩუნდება. მუშაობა გაგრძელდება, ვიდრე ყველა აბონენტს არ მიეწოდება ელექტროენერგია“, – აცხადებენ „ენერგო-პრო ჯორჯიაში“.

რეგიონი • 1740648759

მამუკა მდინარაძე იმერეთში დიდთოვლობასთან დაკავშირებით მიმდინარე სამუშაოებზე: ამ პროცესს ახლავს ძალიან დიდი სირთულეები, თუმცა ამას ვუმკლავდებით საბოლოო ჯამში

გვყავდა ერთი ადამიანი, რომელიც იყო დიალიზზე, სჭირდებოდა გამოყვანა და ფეხით შეძლეს ჩვენმა წარმომადგენლებმა გამოყვანა, - განაცხადა საპარლამენტო უმრავლესობის ლიდერმა მამუკა მდინარაძემ ჟურნალისტებთან ქუთაისში, სადაც იგი დიდთოვლობით გამოწვეული პრობლემების მოგვარების სამუშაო პროცესში მონაწილეობს.მდინარაძის განცხადებით, დღეს დილით ელექტროენერგია 25 ათასამდე აბონენტს არ მიეწოდებოდა, თუმცა, „ენერგო პრო ჯორჯიას“ მუშაობის შედეგად 5000-მდე აბონენტს აღუდგა ელექტრომომარაგება.„იმედია, რომ ამ ინტენსივობით გაგრძელდება ელექტრომომარაგების აღდგენა.რამდენიმე სოფელთან დაკავშირებით ჯერ კიდევ გვაქვს სერიოზული პრობლემა, სამტრედიაში გორმაღალთან კონტაქტი ფაქტობრივად, არ იყო იმიტომ, რომ ტელეფონების დატენაც კი ვეღარ შეძლეს ელექტროენერგიის მიუწოდებლობის გამო.გვყავდა ერთი ადამიანი, რომელიც იყო დიალიზზე, სჭირდებოდა გამოყვანა და ფეხით შეძლეს ჩვენმა წარმომადგენლებმა გამოყვანა. ეს ერთ-ერთი მაგალითი გითხარით, არის მსგავსი ბევრი პრობლემა, თუმცა, რა თქმა უნდა, ინტენსიური მუშაობა მიმდინარეობს იმასთან დაკავშირებით, რომ ყველა ასეთი პრობლემა მყისიერად აღმოიფხვრას და ეს შეძლებისდაგვარად მაქსიმალურად ხერხდება.ამ პროცესს ახლავს ძალიან დიდი სირთულეები, თუმცა ამას ვუმკლავდებით საბოლოო ჯამში. ასევე გვაქვს ვანის მიმართულებით რამდენიმე სოფელში პრობლემები მაგალითად, გაჭირდა 30 ტონამდე აგრეგატების გადაადგილება, რაც შეუთავსებელი იყო არსებულ რეალობასთან მიმდინარეობს დამატებითი ტექნიკის ჩამოყვანა, ინფრასტრუქტურის სამინისტროც გვეხმარება ამაში.ასევე არის პრობლემები ბაღდათის მიმართულებით, თუმცა, იქ მიმდინარეობს გაწმენდითი სამუშაოები, პირველი საჭიროების შესაბამისად ეხმარებიან ადამიანებს, მეორეს მხრივ მიდის „ენერგო პროსტან“ ერთად გაწმენდითი სამუშაოები იმ რთული მიმართულებებით, სადაც არის დაზიანებები, რაც შემდეგ რამდენიმე ათასი ადამიანის და ოჯახის ელექტრომომარაგების შეწყვეტასთან არის დაკავშირებული და თუ იქ ვერ მივიდნენ, შემდეგ აღდგენითი სამუშაოები ჭირს”, - განაცხადა მამუკა მდინარაძემ.

საზოგადოება • 1740457390

დიდთოვლობამ რეგიონებში პრობლემები შექმნა - თოვლის მაღალმა საფარმა ლანჩხუთისა და ოზურგეთის მუნიციპალიტეტებში რამდენიმე ოჯახს სახურავები დაუზიანა

თოვლის მაღალმა საფარმა ლანჩხუთისადა ოზურგეთის მუნიციპალიტეტებში რამდენიმე ოჯახს საცხოვრებელი სახლის სახურავები დაუზიანა. ოჯახები უსაფრთხო ადგილზეა გადაყვანილი.დიდთოვლობის გამო, რეგიონის მასშტაბით შეჩერდა სასწავლო და სააღმზრდელო პროცესი სკოლებსა და ბაღებში. დიდთოვლობამ დააზიანა ელექტროგადამცემი ხაზები და გაზის მილები. "ენერგო-პრო ჯორჯიას" და "სოკარ-გაზჯორჯიას" წარმომადგენლები ინტენსიურად მუშაობენ დაზიანებული მონაკვეთების აღდგენაზე. სხვა შესაბამისი სამსახურებიც მუშაობის საგანგებო რეჟიმზე არიან გადასული. შექმნილი რთული მეტეოროლოგიური ვითარების გამო, ადგილზე ჩავიდა მთავრობის ადმინისტრაციის რეგიონებთან ურთიერთობის დეპარტამენტის უფროსი. მან პირადად მიიღო ინფორმაცია შესაბამისი სამსახურების ხელმძღვანელი პირებისგან უხვი ნალექის შედეგად შექმნილი სიტუაციის შესახებ.სტიქიას ებრძვიან იმერეთშიც, თოვლის საფარმა მაღალმთიან ზონაში 80 სანტიმეტრს მიაღწია. ვანის მუნიციპალიტეტში დაახლოებით 16 ერთეული სპეციალური ტექნიკა მუშაობს, გაწმენდით სამუშაოებში ჩართულია ცოცხალი ძალაც.უხვმა ნალექმა პრობლემები შექმნა სამტრედიაშიც, სადაც გზების გაწმენდის პროცესი აქტიურად მიმდინარეობს. სამუშაოებს მერიის შესაბამისი სამსახურები ახორციელებენ.

საზოგადოება • 1738822157

სამტრედიაში წყალმომარაგების ინფრასტრუქტურის სამშენებლო სამუშაოები იწყება

საქართველოს გაერთიანებული წყალმომარაგების კომპანია ქალაქ სამტრედიაში წყალმომარაგების ინფრასტრუქტურის სამშენებლო სამუშაოებს იწყებს. შესაბამის ხელშეკრულებას ხელი უკვე მოეწერა.აღნიშნული პროექტის ფარგლებში გათვალისწინებულია: სათავე ნაგებობების რეაბილიტაცია, 15 კმ-იანი წყალმომარაგების მაგისტრალური ქსელის მშენებლობა, წყალმომარაგების, დაახლოებით 200კმ-იანი ქსელის რეაბილიტაცია/მშენებლობა, SCADA სისტემის მოწყობა. სრულად განახლდება საფილტრე გალერეები და საქლორატორო. პროექტს 130 მლნ ლარი მოხმარდება და ადგილობრივი მოსახლეობა 24 საათიანი თანამედროვე სტანდარტების შესაბამისი წყალმომარაგებით ისარგებლებს.გარდა ამისა, საქართველოს გაერთიანებული წყალმომარაგების კომპანია ქალაქ სამტრედიაში წყალარინების ინფრასტრუქტურის სამშენებლო სამუშაოებსაც გეგმავს. ამ ეტაპზე, სატენდერო პროცედურების შერჩევა-შეფასების პროცესი მიმდინარეობს.წყალარინების ინფრასტრუქტურის განახლების მიმართულებით დაგეგმილია: 5 კმ-იანი სიგრძის მთავარი კოლექტორისა და 16 სატუმბი სადგურის მშენებლობა, წყალარინების 145 კმ-იანი ქსელისა და საკანალიზაციო ჭების მოწყობა. აშენდება წყალარინების გამწმენდი ნაგებობა. ასევე, პროექტის ფარგლებში მოეწყობა 30 კმ სიგრძის სანიაღვრე სისტემა.ჯამში, ქალაქ სამტრედიაში წყლისა და წყალარინების ინფრასტრუქტურის სამშენებლო სამუშაოებს სახელმწიფო ბიუჯეტისა და გერმანიის რეკონსტრუქციის საკრედიტო ბანკის (KFW) ფინანსური მხარდაჭერით 300 მლნ ლარზე მეტი მოხმარდება. პროექტების დასრულების შემდეგ, ადგილობრივი მოსახლეობა თანამედროვე სტანდარტების შესაბამისი ინფრასტრუქტურით ისარგებლებს.

შემთხვევა • 1737366476

ერთი დაღუპული და ერთი დაშავებული – სამტრედიაში ავტომობილი ქვეითებს დაეჯახა

სამტრედიის მუნიციპალიტეტის სოფელ დიდ ჯიხაიშში ავარიას ქვეითი ემსხვერპლა.„ინფო იმერეთის“ ინფორმაციით, ავტომობილი ორ ქვეითს დაეჯახა, ერთი ადგილზე დაიღუპა, მეორე კი საავადმყოფოში გადაიყვანეს.მომხდარზე გამოძიება 276-ე მუხლით დაიწყო.

კახა კალაძემ ადეიშვილების ოჯახს სახლი გადასცა

პოლიტიკა • 1736958107

კახა კალაძემ სამტრედიაში მცხოვრებ ადეიშვილების ოჯახს საჩუქრად სახლი გადასცა

ძველით ახალი წელი თბილისის მერმა კახა კალაძემ მშობლიურ სამტრედიას საზეიმო კონცერტით მიულოცა და სამტრედიაში მცხოვრებ ადეიშვილების ოჯახს საჩუქრად საცხოვრებელი სახლი გადასცა.მარტოხელა მამას, გოჩა ადეიშვილს, რომელიც სამ შვილს ზრდის, ამ დრომდე საკუთარი საცხოვრებელი არ გააჩნდა.სახლის გასაღები ოჯახს საზეიმო კონცერტზე გადაეცა, რომელიც ტრადიციულად, ძველით ახალ წელს, კახა კალაძის ინიციატივით ტარდება. კონცერტს, რომელიც სამტრედიის ცენტრალურ მოედანზე გაიმართა, კახა კალაძე პრემიერ-მინისტრ ირაკლი კობახიძესთან ერთად დაესწრო.„ეს ტრადიცია 2012 წლიდან დავამკვიდრეთ. ყოველ წელს ვიკრიბებით სამტრედიაში, ტარდება საახალწლო კონცერტი და პარალელურად, საქველმოქმედო ღონისძიება, რომელზეც ოჯახებს ვაბედნიერებთ. რა თქმა უნდა, ეს ტრადიცია წელსაც არ დაირღვა. მინდა, ყველა იმ კომპანიას, ადამიანს გადავუხადო მადლობა, ვინც ჩემთან ერთადაა ჩართული ამ საქველმოქმედო ღონისძიებაში და გასულ წლებშიც იყო ჩართული. მოქალაქეების მხარდაჭერასა და თანადგომას ყოველთვის გავაგრძელებთ“, - განაცხადა კახა კალაძემ.აღსანიშნავია, რომ დღევანდელ ღონისძიებაზე კომპანია „არქისგან“ და ერთ-ერთი ბიზნესმენისგან საცხოვრებელი სახლები საჩუქრად კიდევ ორმა ოჯახმა მიიღო.„რვა წელია მარტო ვზრდი სამ შვილს. ამას ემატებოდა უსახლკარობა, რაც, რა თქმა უნდა, ძალიან რთულია. დღეს ბედნიერი დღე გვაქვს მე და ჩემს შვილებს, ბატონმა კახა კალაძემ საჩუქრად გადმოგვცა საცხოვრებელი სახლი. მადლობა მას ჩემი ოჯახის სახელით“, - განაცხადა გოჩა ადეიშვილმა.საზეიმო კონცერტზე საქართველოს მთავრობისა და პარლამენტის წევრები, ასევე, ხონისა და სამტრედიის მიტროპოლიტი, მეუფე საბა იმყოფებოდნენ.

რეგიონი • 1735409588

გასართობი, შემეცნებითი და კულტურული პროგრამები - საახალწლო ღონისძიებები ქვეყნის მასშტაბით 7 იანვრამდე გაგრძელდება

დედაქალაქსა და რეგიონებში საახალწლო ღონისძიებები მიმდინარეობს.სადღესასწაულო განწყობაა წეროვანში, გურჯაანში, ახმეტში, სამტრედიაში ფოთსა და ლენტეხში. მოწყობილია საახალწლო სახლები, ფოტო გადასაღები სტენდები და ინსტალაციები. საახალწლო ღონისძიებები მთელი ქვეყნის მასშტაბით 7 იანვრის ჩათვლით გაიმართება.

საზოგადოება • 1735391020

ახალი წლის დღეების ფარგლებში, სამტრედიაში სადღესასწაულო ღონისძიებები მიმდინარეობს

ახალი წლის დღეების ფარგლებში, სამტრედიაში სადღესასწაულო ღონისძიებები მიმდინარეობს.მოეწყო საშობაო ბაზრობა. ქალაქის ცენტრში ადგილობრივი მეწარმეების ხელნაკეთი ნივთების გამოფენა-გაყიდვა იმართება. ღონისძიება კონცერტებით დასრულდება.

რეგიონი • 1732789792

იმერეთში თოვლის საფარისგან გზების წმენდის სამუშაოები მიმდინარეობს

იმერეთში უხვი ნალექის შედეგად შექმნილი პრობლემების მოგვარების მიზნით შესაბამისი სამუშაოები აქტიურად მიმდინარეობს. ზემო იმერეთში იწმინდება გზები თოვლის საფარისგან. მაღალმთიან სოფლებში მოსული უხვი თოვლის გამო მოქალაქეებს გადაადგილება ჰქონდათ შეზღუდული.მთელი ღამის განმავლობაში მუშაობდა სპეციალური ტექნიკა, როგორც მუნიციპალიტეტებში ასევე სოფლების მიმართულებით, ინტენსიური თოვის გამო გაწმენდითი სამუშაოები დილიდან ისევ განახლდა.ძლიერი წვიმის შედეგად: ქუთაისში, წყალტუბოში, ვანში, ბაღდათში, თერჯოლაში, ზესტაფონსა და სამტრედიაში დაიტბორა ქუჩები, საკარმიდამო ნაკვეთები და ეზოები, სასოფლო-სამეურნეო სავარგულები და 40-მდე საცხოვრებელი სახლის პირველი სართულები.უხვი ნალექის შედეგად მეწყრული პროცესები განვითარდა ვანში, სამტრედიაში, ბაღდათსა და ქუთაისში.უხვმა ნალექმა და უამინდობამ იმერეთში გარკვეული პრობლემები შექმნა ელექტრო ენერგიის მიწოდების კუთხითაც. სპეციალური ჯგუფები მთელი დღის განმავლობაში მუშაობენ, რათა დროულად მოხდეს პრობლემის აღმოფხვრა.რეგიონში ელექტრო ენერგია ამ ეტაპზე არ მიეწოდება 70 680 აბონენტს.