ნაპოლის

„მისთვის ოჯახის წევრად იქცა...“ - ვინ არის კვარას პირადი ფიზიოთერაპევტი და რა უთხრა 18 წლის ასაკში ფეხბურთელმა მას

ესპანური გამოცემა Heraldo „პარი სენ-ჟერმენის“ ქართველ შემტევზე, ხვიჩა კვარაცხელიაზე წერს და აღნიშნავს, რომ ფეხბურთელის წარმატებაში დიდი წვლილი პირად ფიზიოთერაპევტთან მუშაობამ შეიტანა.გამოცემის ცნობით, ხოსე კარლოს მოლინოსს ფიზიოთერაპიის კურსი ესპანეთის ფეხბურთის ფედერაციაში აქვს გავლილი, განათლება კი ესპანეთისა და ფინეთის უნივერსიტეტებში აქვს მიღებული.სხვადასხვა დროს, მოლინოსი „ხეტაფეში“, კატარის ფეხბურთის ფედერაციასა და მადრიდის „რეალში“ მუშაობდა, სადაც მისი უშუალო ამოცანა ტრავმების შემდგომი აღდგენა და რეაბილიტაცია იყო.2021 წლის აგვისტოში მოლინოსმა ყაზანის „რუბინის“ ფიზიოთერაპიისა და რეაბილიტაციის დეპარტამენტი ჩაიბარა - მისი და ხვიჩა კვარაცხელიას გზები სწორედ იქ გადაიკვეთა. Heraldo წერს, რომ ყაზანში კვარაცხელია და მოლინოსი იმდენად დამეგობრდნენ, რომ ხვიჩამ ესპანელი ფიზიოთერაპევტი საქართველოშიც დაპატიჟა და თავისი ოჯახის წევრები გააცნო.როგორც გამოცემა Heraldo წერს, ყაზანში ყოფნისას 18 წლის ხვიჩამ ხოსეს უთხრა: „ერთხელაც ჩემპიონთა ლიგაზე ვითამაშებ და შენ ჩემთან ერთად წამოხვალ“. მოლინოსის თქმით, კვარა უკვე მაშინ მიზანდასახული, მენტალურად ძლიერი და ზრდასრული იყო, რითაც მკვეთრად გამოირჩეოდა სხვა თანატოლებისგან. მათი თანამშრომლობა ნეაპოლშიც გაგრძელდა, სადაც კვარამ ნაპოლის 33-წლიანი პაუზის შემდეგ სკუდეტო მოაგებინა, და გრძელდება პარიზშიც, სადაც მოლინოსი ხშირად ჩადის, ბოლო თვის განმავლობაში კი უწყვეტად რჩებოდა საფრანგეთის დედაქალაქში, რათა ქართველი ფეხბურთელი სეზონის ფინალური ნაწილისთვის უკეთესად მოემზადებინა. მუშაობამ შედეგი გამოიღო: კვარაცხელიამ და პსჟ-მა ტრებლი შეასრულეს.„მოლინოსის ახლო ურთიერთობა კვარაცხელიასთან სცდება ფიზიკურ მომზადებას: ეს არის ფიზიოთერაპიისა და ფსიქოლოგიური მხარდაჭერის ერთობლიობა, რაც ესპანელ სპეციალისტს ქართველი ფეხბურთელისთვის მოედნის მიღმა მომუშავე უმნიშვნელოვანეს ფიგურად აქცევს“, - წერს გამოცემა.

საზოგადოება • 1749050850

ზაზა ფაჩულია მიმართვას ავრცელებს

ზაზა ფაჩულია მიმართვას ავრცელებს, რომელსაც უცვლელად გთავაზობთ:"მიღწევები და აღიარებები არის ის, რაც სპორტსმენებს ყველაზე დიდ ბედნიერებას გვანიჭებს, თუმცა როცა საკუთარი ქვეყანა და ხალხი გაფასებს, ეს ყველაზე ძვირფასი ჯილდოა. ჩემთვის დიდი პატივია წმინდა გიორგის სახელობის გამარჯვების ორდენზე წარდგენა. ვფიქრობ, სპორტსმენები საკუთარ საქმეს ვაკეთებთ, იმას, რაც ყველაზე მეტად გვიყვარს და რაც ყველაზე კარგად გამოგვდის. ჩვენი საქმით წარმატების მიღწევა და თაობების ინსპირირება არის ყველაზე დიდი, რისი მიცემაც შეგვიძლია ქვეყნისთვის.შემთხვევითი არ არის, ასეთი პატარა ქვეყნიდან ამდენი წარმატებული სპორტსმენი რომ გვყავს. ამიტომ, მინდა, განსაკუთრებით მოზარდებმა და სპორტსმენებმა დაიჯერონ, რომ ყველაფერი შესაძლებელია. ჩვენი როლიც ამაშია, რომ მათ შთაგონება მივცეთ და სწორი გზა ვაჩვენოთ.2007 წელს, უეფას ჩემპიონთა ლიგის ფინალურ მატჩს დავესწარი, რომელშიც მილანმა ლივერპული დაამარცხა. კახა კალაძემ იმ დღეს, ყველაზე პრესტიჟული საკლუბო ჯილდო მეორედ მოიგო და მახსოვს, როგორი ამაყი ვიყავი მაშინ, ჩემს მეგობრებთან ერთად. ეს მომენტი განსაკუთრებით კარგად დამამახსოვრდა, ამდენი გახარებული ქართველის ნახვამ, ამ სიამაყემ ჩემზეც დადებითად იმოქმედა. წლების შემდეგ, როცა არჩევანი სხვადასხვა კლუბებს შორის გოლდენ-სტეიტ უორიორსზე შევაჩერე, ამის ერთ-ერთი მთავარი ინსპორაცია სწორედ ის წარმატება იყო, რომელსაც კახამ მიაღწია. მეც მქონდა ნატვრა, რომ გამეხარებინა ჩემი ქვეყანა და ხალხი ისეთივე ამაყი ყოფილიყო, როგორიც მე ვიყავი ათენში, ფინალის შემდეგ. ეს სპორტის და წარმატების ძალაა.მიხარია, რომ წლების შემდეგ, იტალიაში, საკუთარი თვალით ვნახე, რა გავლენა ჰქონდა ხვიჩა კვარაცხელიას ნაპოლის ჩემპიონობაზე, როგორ იქცა ის ათასობით მოზარდისთვის მთავარი ინსპირაციის წყაროდ და როგორ შემოატრიალა გულშემატკივარი ფეხბურთისკენ. ვფიქრობ, რაც ხვიჩამ გააკეთა ეს წარუშლელ კვალს დატოვებს მოზარდებზე, სპორტის და ფეხბურთის გულშემატკივარზე.სპორტი ახერხებს ჩვენს გაერთიანებას და მიღწეული წარმატებები ერთ მუშტად გვკრავს. მადლობა ყველა ქართველ სპორტსმენს, ვინც საკუთარი კარიერით, გადაწყვეტილებებით და მიღწევებით ასახელებს ჩვენს სამშობლოს და მილიონობით ადამიანს უდიდეს სიამოვნებას ანიჭებს.კიდევ ერთხელ, მადლობა დაფასებისთვის და წმინდა გიორგის სახელობის გამარჯვების ორდენზე წარდგენისთვის! წარმატებები ჩვენს ქვეყანას!"- წერს ზაზა ფაჩულია.

სპორტი • 1748981760

„ჩემთვის დიდი პატივია წმინდა გიორგის სახელობის გამარჯვების ორდენზე წარდგენა, მადლობა დაფასებისთვის, წარმატებები ჩვენს ქვეყანას“ - ზაზა ფაჩულია

ჩემთვის დიდი პატივია წმინდა გიორგის სახელობის გამარჯვების ორდენზე წარდგენა, მადლობა დაფასებისთვის, წარმატებები ჩვენს ქვეყანას - ამის შესახებ, კალათბურთელი ზაზა ფაჩულია სოციალურ ქსელში წერს.„მიღწევები და აღიარებები არის ის, რაც სპორტსმენებს ყველაზე დიდ ბედნიერებას გვანიჭებს, თუმცა როცა საკუთარი ქვეყანა და ხალხი გაფასებს, ეს ყველაზე ძვირფასი ჯილდოა. ჩემთვის დიდი პატივია წმინდა გიორგის სახელობის გამარჯვების ორდენზე წარდგენა. ვფიქრობ, სპორტსმენები საკუთარ საქმეს ვაკეთებთ, იმას, რაც ყველაზე მეტად გვიყვარს და რაც ყველაზე კარგად გამოგვდის. ჩვენი საქმით წარმატების მიღწევა და თაობების ინსპირირება არის ყველაზე დიდი, რისი მიცემაც შეგვიძლია ქვეყნისთვის.შემთხვევითი არ არის, ასეთი პატარა ქვეყნიდან ამდენი წარმატებული სპორტსმენი რომ გვყავს. ამიტომ, მინდა, განსაკუთრებით მოზარდებმა და სპორტსმენებმა დაიჯერონ, რომ ყველაფერი შესაძლებელია. ჩვენი როლიც ამაშია, რომ მათ შთაგონება მივცეთ და სწორი გზა ვაჩვენოთ.2007 წელს, უეფას ჩემპიონთა ლიგის ფინალურ მატჩს დავესწარი, რომელშიც მილანმა ლივერპული დაამარცხა. კახა კალაძემ იმ დღეს, ყველაზე პრესტიჟული საკლუბო ჯილდო მეორედ მოიგო და მახსოვს, როგორი ამაყი ვიყავი მაშინ, ჩემს მეგობრებთან ერთად. ეს მომენტი განსაკუთრებით კარგად დამამახსოვრდა, ამდენი გახარებული ქართველის ნახვამ, ამ სიამაყემ ჩემზეც დადებითად იმოქმედა. წლების შემდეგ, როცა არჩევანი სხვადასხვა კლუბებს შორის გოლდენ-სტეიტ უორიორსზე შევაჩერე, ამის ერთ-ერთი მთავარი ინსპორაცია სწორედ ის წარმატება იყო, რომელსაც კახამ მიაღწია. მეც მქონდა ნატვრა, რომ გამეხარებინა ჩემი ქვეყანა და ხალხი ისეთივე ამაყი ყოფილიყო, როგორიც მე ვიყავი ათენში, ფინალის შემდეგ. ეს სპორტის და წარმატების ძალაა.მიხარია, რომ წლების შემდეგ, იტალიაში, საკუთარი თვალით ვნახე, რა გავლენა ჰქონდა ხვიჩა კვარაცხელიას ნაპოლის ჩემპიონობაზე, როგორ იქცა ის ათასობით მოზარდისთვის მთავარი ინსპირაციის წყაროდ და როგორ შემოატრიალა გულშემატკივარი ფეხბურთისკენ. ვფიქრობ, რაც ხვიჩამ გააკეთა ეს წარუშლელ კვალს დატოვებს მოზარდებზე, სპორტის და ფეხბურთის გულშემატკივარზე.სპორტი ახერხებს ჩვენს გაერთიანებას და მიღწეული წარმატებები ერთ მუშტად გვკრავს. მადლობა ყველა ქართველ სპორტსმენს, ვინც საკუთარი კარიერით, გადაწყვეტილებებით და მიღწევებით ასახელებს ჩვენს სამშობლოს და მილიონობით ადამიანს უდიდეს სიამოვნებას ანიჭებს.კიდევ ერთხელ, მადლობა დაფასებისთვის და წმინდა გიორგის სახელობის გამარჯვების ორდენზე წარდგენისთვის! წარმატებები ჩვენს ქვეყანას!“, - წერს ზაზა ფაჩულია.შეგახსენებთ, რომ საქართველოს მთავრობის გადაწყვეტილებით, კახა კალაძე, ზაზა ფაჩულია და ხვიჩა კვარაცხელია წმინდა გიორგის სახელობის გამარჯვების ორდენზე არიან წარდგენილი.

სპორტი • 1748899644

Goal-მა ოქროს ბურთის რეიტინგი განაახლა - რომელ ადგილზეა კვარა

ჩემპიონთა ლიგის 2024/25 წლების სეზონის ფინალის შემდეგ, რომელშიც „პარი სენ-ჟერმენმა“ „ინტერი“ 5:0 გაანადგურა, Goal-მა ოქროს ბურთის რეიტინგი განაახლა.ხვიჩა კვარაცხელიას ისევ წინსვლა აქვს და მე-11 პოზიციიდან, მე-7 ადგილზე გადაინაცვლა.პსჟ-ის ქართველმა გარემარბმა ჰარი კეინს, პედრის, აშრაფ ჰაკიმისა და რობერტ ლევანდოვსკის გადაუსწრო.„კვარა“ მხოლოდ დეზირე დუეს, კილიან მბაპეს, მოჰამედ სალაჰს, რაფინიას, ლამინ იამალსა და უსმან დემბელეს ჩამორჩება.„კვარაცხელიას გოლებისა და საგოლე გადაცემების სტატისტიკა მთლად კარგად არ აღწერს დონეს, რომელიც მიმდინარე გათამაშებაში აჩვენა. ქართველმა გარემარბმა ორი სხვადასხვა კლუბის, პარი „სენ-ჟერმენისა“ და „ნაპოლის“ ტრიუმფებში შეიტანა წვლილი და ამავდროულად, მნიშვნელოვანი როლი ითამაშა გუნდში, რომელმაც ჩემპიონთა ლიგა მოიგო. ევროტურნირზე, კვარაცხელიამ რამდენიმე ეფექტური და ამაღელვებელი მომენტი შემოგვთავაზა. ყველაზე გამოსარჩევი მეოთხედფინალში, ასტონ ვილასთან გატანილი საოცარი გოლია, რომელმაც ოქროს ბურთის ხმის მიმცემთა ყურადღება მიიქცია და კვარა ნომინანტებს შორის აუცილებლად მოხვდება“, - წერს Goal-ი.

სპორტი • 1748859013

„ოქროს ბურთი“ კვარაცხელიას ეკუთვნის, მან ეს ტიტულები დაიმსახურა - იტალიელი ჟურნალისტი

გამოცემა „ულტრა ნაპოლის“ ხელმძღვანელმა და ჟურნალისტმა, ჯენარო მონტუორიმ კომენტარი გააკეთა ჩემპიონთა ლიგის ფინალში „პარი სენ-ჟერმენის“ გამარჯვებაზე და განსაკუთრებული ყურადღება ხვიჩა კვარაცხელიაზე გაამახვილა, რომელიც პარიზულ კლუბს იანვარში შეუერთდა. ჯენარო მონტუორი მიიჩნევს, რომ „ოქროს ბურთს“ ხვიჩა კვარაცხელია იმსახურებს.„კვარაცხელიას შესანიშნავი სეზონი ჰქონდა, რომელიც „ნაპოლიში“ დაიწყო და პსჟ-ში დაასრულა. ხვიჩა ისტორიაში შევიდა და მიმაჩნია, რომ წელს მას „ოქროს ბურთი“ ეკუთვნის. კვარაცხელიამ ამ სეზონში ორი ქვეყნის ჩემპიონატი (იტალიისა და საფრანგეთის), საფრანგეთის თასი და ჩემპიონთა ლიგა მოიგო.მართალია, სერია A-ს ჩემპიონობისთვის კვარას ოქროს მედალი არ მიუღია, რადგან მხოლოდ სეზონის ბოლოს განაცხადში მყოფი ფეხბურთელები დაჯილდოვდნენ, მაგრამ სამართლიანობა მოითხოვს, ვთქვათ, რომ ჩემპიონატის პირველ ნახევარში გოლებითა და საგოლე გადაცემებით „ნაპოლის“ გაჩემპიონებაში მნიშვნელოვანი წვლილი შეიტანა.ხვიჩა აღიარებას იმსახურებს, მაგრამ უნდა ახსოვდეს, რომ იტალიაში ჩამოსვლის შემთხვევაში „ნაპოლის“ მადლობა უნდა გადაუხადოს“, – ამბობს ჯენარო მონტუორი.

სპორტი • 1748328397

ხვიჩა კვარაცხელიამ მნიშვნელოვანი გავლენა მოახდინა როგორც „ნაპოლის“, ასევე „პარი სენ-ჟერმენის“ ჩემპიონობაზე - გამოცემა Footboom1

მართალია, სერია A-ს განახლებული რეგლამენტის მიხედვით, ხვიჩა კვარაცხელიას მეორე სკუდეტო არ მიენიჭა, მაგრამ ის მაინც მნიშვნელოვანი ფიგურა იყო „ნაპოლის“ საჩემპიონო გზაზე, — ამის შესახებ წერს გამოცემა Footboom1 და იმ იშვიათ ფეხბურთელებს იხსენებს, რომლებმაც ერთ სეზონში ორი კლუბის რიგებში სხვადასხვა ქვეყნის ტიტულის მოპოვებაში მიიღეს მონაწილეობა.„ხვიჩა კვარაცხელია შეუერთდა იმ იშვიათ ფეხბურთელთა ჯგუფს, რომლებმაც ერთ სეზონში ორი ეროვნული ჩემპიონატი მოიგეს. ეს არა მხოლოდ მის შესაძლებლობებს, არამედ ადაპტაციის უნარსა და გარკვეულწილად იღბალსაც უსვამს ხაზს.კვარაცხელიამ მნიშვნელოვანი გავლენა მოახდინა როგორც „ნაპოლიზე“, ასევე „პარი სენ-ჟერმენზე“. ის იტალიაში 2022 წელს ჩავიდა და პირველივე სეზონში, ვიქტორ ოსიმენთან ერთად, სერია A-ს ტიტული მოიგო. მიმდინარე სეზონში მან „ნაპოლის“ რიგებში 19 მატჩში ითამაშა, 5 გოლი გაიტანა და 3 საგოლე გადაცემა შეასრულა.ფრანგული გრანდი ხვიჩას თამაშს რამდენიმე სეზონი აკვირდებოდა და საბოლოოდ, იანვარში დაიმატა. პარიზში ქართველმა ფეხბურთელმა 4 გოლი გაიტანა, 5 საგოლე გადაცემა მიითვალა, მან ჩემპიონთა ლიგის ნახევარფინალში გადამწყვეტი როლი შეასრულა.პსჟ-მ ლიგა 1-ის ტიტული აპრილში ოფიციალურად მოიგო, ხოლო „ნაპოლიმ“, მიუხედავად მისი არყოფნისა, სერია A-ს ჩემპიონობა ბოლო ტურში, „კალიარის“ დამარცხების შემდეგ მოიპოვა. ამგვარად, კვარაცხელია იმ მოთამაშეთა რიცხვს შეუერთდა, ვინც ერთ სეზონში ორი ტიტული მოიგო.ამ გამორჩეულ სიაში ისეთი ფეხბურთელები შედიან, როგორებიც – დევიდ ბექჰემი, კინგსლი კომანი, ლეანდრო პარედესი და ჟოაო კანსელო არიან“, – წერს გამოცემა.

სპორტი • 1748101610

„ნაპოლის“ ჩემპიონობაში წვლილი ხვიჩა კვარაცხელიასაც მიუძღვის - იტალიური გამოცემა

„ნაპოლი“ იტალიის ჩემპიონია, რაშიც თავისი წვლილი ხვიჩა კვარაცხელიამაც შეიტანა. საქართველოს ნაკრების ლიდერმა პირველი წრე იტალიურ კლუბში გაატარა, 17 მატჩში 5 გოლი გაიტანა და 3 საგოლე გადაცემა გააკეთა და გუნდის საუკეთესო ბომბარდირების ხუთეულშია – ამის შესახებ გამოცემა „არეანაპოლი“ წერს.„„ნაპოლი“ იტალიის ჩემპიონი ისტორიაში მეოთხედ გახდა. ანტონიო კონტეს გუნდმა წარმატებას „სტადიო მარადონაზე“ „კალიარის“ (2:0) დამარცხებით მიაღწია და „ინტერს“ ერთი ქულით გაასწრო.„ნაპოლის“ ხვიჩა კვარაცხელიას სახით განსაკუთრებული გულშემატკივარი ჰყავდა – ქართველი თავდამსხმელი გუნდის წარმატებას სოციალურ ქსელში გამოეხმაურა: „Forza Napoli Sempre“ – დაწერა ხვიჩამ და გუნდის ზეიმის ვიდეო გამოაქვეყნა.ქართველმა ფეხბურთელმა „ნაპოლის“ მაისურით პირველ წრეში ხუთი გოლი გაიტანა, იანვრში კი პსჟ-ში გადავიდა. „ნაპოლის“ ამ სკუდეტოში მისი წვლილიც არის. კვარაცხელია გუნდის ბომბარდირთა შორის მეხუთე ადგილზე გავიდა, ლუკაკუს, მაკტომინეის, რასპადორისა და ანგისას შემდეგ“, – წერს „არეანაპოლი“.შეგახსენებთ, რომ კვარაცხელია იტალიის ჩემპიონის ოქროს მედალს ვერ მიიღებს, რადგან სერია A-ს რეგლამენტის მიხედვით, მედლები მხოლოდ იმ ფეხბურთელებს გადაეცემათ, ვინც გაჩემპიონების დროს გუნდის განაცხადში იყვნენ.ხვიჩამ იტალიური კლუბი იანვარში დატოვა და „პარი სენ-ჟერმენში“ გადავიდა, სადაც საფრანგეთის ჩემპიონი გახდა, 24 მაისს საფრანგეთის თასისთვის იბრძოლებს, ხოლო 31 მაისს – ჩემპიონთა ლიგის მოგებას შეეცდება.წყარო:

სპორტი • 1748033833

„ნაპოლი“ იტალიის ჩემპიონი გახდა

იტალიის ჩემპიონატში ჩემპიონი გაირკვა. ლიდერებმა ბოლო ტურის მატჩები პარასკევს ითამაშეს.„ნაპოლი“ ბოლო ტურის წინ ერთი ქულით უსწრებდა „ინტერს“ და მოგებით ინაღდებდა ტიტულს. სხვათა შორის, ბოლო 15 სეზონში ეს იყო მხოლოდ მეორე შემთხვევა, როცა სკუდეტოს ბედი ბოლო ტურში წყდებოდა.კონკურენტების შეხვედრა ერთდროულად დაიწყო. „ნაპოლი“ შინ იღებდა „კალიარის“, „ინტერი“ კი სტუმრად თამაშობდა „კომოსთან“.პირველმა გოლი „ინტერმა“ გაიტანა და გახდა „ცოცხალი“ ცხრილის ლიდერი, თუმცა ცოტა ხნით – შესვენებამდე „ნაპოლიმ“ სკოტ მაკტომინეის „მაკრატელათი“ გახსნა ანგარიში. ეს შოტლანდიელის მე-12 გოლი იყო სერია A-ში.51-ე წუთზე „ნაპოლი“ კიდევ უფრო მიუახლოვდა ტიტულს, რომელუ ლუკაკუს გოლის შემდეგ. ბელგიელმა ჩემპიონატში 14 გოლი დააგროვა. ამის შემდეგ ანგარიში აღარ შეცვლილა და ძალაში დარჩა „ნაპოლის“ ერთქულიანი უპირატესობა.„ნაპოლი“ ბოლო სამ წელიწადში მეორედ, სულ კი მეოთხედ გახდა იტალიის ჩემპიონი.1tvsport

სპორტი • 1747844772

„საქართველომ ყველაფერი მომცა, ვამაყობ, რომ ამ ქვეყნიდან ვარ“ - ხვიჩა კვარაცხელია

„პარი სენ-ჟერმენის“ ქართველმა თავდამსხმელმა, ხვიჩა კვარაცხელიამ „სკაი სპორტის“ იტალიურ ბიუროსთან ჩემპიონთა ლიგის მოახლოებულ ფინალზე, საქართველოსა და იტალიის სერია A-ში ყოფილი გუნდის, „ნაპოლის“ საჩემპიონო შანსები ისაუბრა.„ძალიან ბედნიერი ვარ, რომ აქ ვარ და ასეთი შესაძლებლობა მომეცა, ეს ახდენილ ოცნებას ჰგავს. ჩემი გზა ძალიან გრძელი იყო და სირთულეებით სავსე, თუმცა ყველაფერი გადავლახე.საქართველო მუდამ ჩემთან იქნება. მან ყველაფერი მომცა და ვამაყობ, რომ ამ ქვეყნიდან ვარ. მინდა, სამშობლოსთვის რაღაც გავაკეთო, რადგან ჩვენთვის ასეთ დონეზე ასვლა რთულია.ლუის ენრიკეს ჩემი დახმარება არ სჭირდება. „ინტერთან“ ბევრჯერ მითამაშია და ვიცი, რამდენად ძლიერები არიან. თუ ჩემი რჩევა საჭირო იქნება, ყველაფერს ვეტყვი. ჩვენ ყველა ერთად ვდგავართ.მე, ფაბიან რუისსა და ჯანლუიჯი დონარუმას „ნაპოლი“ ძალიან გვიყვარს. ვფიქრობ, ისინი „სკუდეტოს“ მოიგებენ და ეს ნეაპოლელებისთვის დიდი ზეიმი იქნება — მათ ტიტული ნამდვილად ეკუთვნით“, – განაცხადა კვარაცხელიამ. 1TVSPORT

Crystalsport • 1747841307

კვარას ტრანსფერმა გააბრაზა | კონტეს ნაპოლიდან წასვლა სურს

ანტონიო კონტეს „ნაპოლის“ დატოვება და „იუვენტუსში“ დაბრუნება სურს. ამის შესახებ იტალიური გამოცემა Tuttosport-ი წერს. გამოცემის ინფორმაციით, 55 წლის სპეციალისტი კონცენტრირებულია „პარტენოპეისთან“ ერთად სკუდეტოს მოგებაზე, რის შემდეგაც ნეაპოლის დატოვება აქვს გადაწყვეტილი.Tuttosport-ის ცნობით, კონტეს ტურინში დაბრუნება სურს, რაც „ბებერი ქალბატონის“ დირექტორთა საბჭოში უმრავლესობის სურვილს ემთხვევა. კერძოდ, ტურინული კლუბის მენეჯმენტში ფიქრობენ, რომ მსოფლიო საკლუბო ჩემპიონატის შემდეგ იგორ ტუდორმა მთავარი მწვრთნელის თანამდებობა უნდა დატოვოს და ამაზე ვერც ჩემპიონთა ლიგის საგზურის მოპოვება იმოქმედებს.„ახლა კონტე მხოლოდ პარასკევის მატჩზე ფიქრობს, როდესაც „ნაპოლიმ“ „კალიარის“ უნდა უმასპინძლოს. გამარჯვების შემთხვევაში „პარტენოპეი“ მეოთხეს, ხოლო ანტონიო კონტე მეხუთე სკუდეტოს მოიპოვებს. ამის შემდეგ გამოცდილ სპეციალისტს სურს დაბრუნდეს „იუვენტუსში“, რომელთან ერთადაც 2011-2014 წლებში ზედიზედ სამი ჩემპიონობა იზეიმა...“წაიკითხეთ სრულად

Crystalsport • 1747658381

„ყოფილ თანაგუნდელებთან მუდმივ კონტაქტზეა“ -კვარაცხელია ნაპოლის გულშემატკივრობს

ნეაპოლური გაზეთის, Il Mattino-ს დღევანდელ ნომერში „ნაპოლის“ საჩემპიონო შანსებს ვრცელი სტატია მიეძღვნა. მისი ავტორი ფეხბურთის ქართველი გულშემატკივრებისთვის საინტერესო ინფორმაციას ავრცელებს და ხვიჩა კვარაცხელიას დამოკიდებულებაზე წერს.„ქართველი გარემარბი ნეაპოლურ საფეხბურთო სამყაროსთან ძალიანაა დაკავშირებული და სკუდეტოსთვის ბრძოლას თვალს დიდი ინტერესითა დევნებს. კვარაცხელია და ფაბიან რუისიპარტენოპეის გულშემატკივრობენ და ყოფილ თანაგუნდელებთან მუდმივ კონტაქტზე არიან, რათამათ საოცნებო სვლას მხარი დაუჭირონ...“განაგრძე კითხვა

სპორტი • 1747552025

ხვიჩა კვარაცხელია ისტორიაში მე-14 ფეხბურთელია, რომელმაც იტალიისა და საფრანგეთის ჩემპიონატები მოიგო

ხვიჩა კვარაცხელია საფრანგეთის ჩემპიონია. იანვარში „პარი სენ-ჟერმენში“ გადასულმა ქართველმა ფეხბურთელმა ჩემპიონატის ბოლო ტურში „ოსერთან“ დუბლი შეასრულა და უმაღლესი შეფასება, 10 ქულა მიიღო.აღსანიშნავია, რომ 24 წლის ფეხბურთელი ისტორიაში მე-14 მოთამაშეა, რომელმაც კარიერის მანძილზე იტალიისა და საფრანგეთის ჩემპიონატები მოიგო.კვარაცხელია „ნაპოლისთან“ ერთად 2023 წელს სკუდეტოს გამარჯვებული გახდა. მას შესაძლებლობა აქვს, ამ ტიტულს წელსაც დაეუფლოს, რადგან სერია A-ს დასრულებამდე ორი ტურით ადრე „ნაპოლი“ პირველ ადგილზეა და „ინტერს“ ერთი ქულით ასწრებს. ქართველმა ფეხბურთელმა მიმდინარე სეზონში, საფრანგეთში გადასვლამდე იტალიური გუნდის რიგებში 17 მატჩი ჩაატარა, ხუთი გოლი გაიტანა და სამი საგოლე გადაცემა შეასრულა.რაც შეეხება „პარი სენ-ჟერმენში“ მის სტატისტიკას, საქართველოს ნაკრების ლიდერმა 14 შეხვედრაში ოთხი გოლი და სამი საგოლე გადაცემა ჩაიწერა აქტივში.უახლოესი ორი თვის მანძილზე ხვიჩა კვარაცხელიას კიდევ სამი ტიტულის დაუფლების შანსი აქვს – „პარი სენ-ჟერმენი“ ჩემპიონთა ლიგის და საფრანგეთის თასის ფინალშია გასული, ასევე ითამაშებს ფიფა-ს მსოფლიო საკლუბო ჩემპიონატზე აშშ-ში.