ლოცვა

„ეს ქალი ქვრივი იყო, მეცოდებოდა და ვლოცულობდი მისი შვილებისათვის, მაგრამ უშედეგოდ...“ - რა შემთხვევას იხსენებს მამა პაისი

შობლებს, განსაკუთრებით დედებს, მუდამ უნდა ახსოვდეთ, რომ, როგორც გულმხურვალე ლოცვით შეუძლიათ შვილებისათვის ღვთისაგან უსაზღვრო მადლი მიიღონ, ასევე გაღიზიანებულად ნათქვამით, წყევლით, რისხვით შეიძლება შვილებს უბედურება დაატეხონ თავს.სიტყვას უდიდესი ძალა აქვს. უფალმა სწორედ სიტყვით შექმნა სამყარო. სიტყვა უბრალო ბგერები არ არის, რომელიც წარმოითქმება და ჰაერში გაიფანტება, წავა, უკვალოდ გაქრება, როგორც ამას, სამწუხაროდ, ბევრი ფიქრობს. მას უდიდესი დატვირთვა აქვს.მშობლების სიტყვას განსაკუთრებული ძალა აქვს. ამიტომ არავითარ შემთხვევაში არ შეიძლება შვილის დაწყევლა. არცერთი წუთით არ უნდა დავივიწყოთ, რომ, როგორც დედის ლოცვა აღწევს ღმერთამდე, ისევე - წყევლაც. დედის ყოველი სიტყვა, ზოგჯერ უგუნურად და გაუაზრებლად ნათქვამი, როდესმე მაინც ახდება.აქ მოთხრობილი ამბები ყოველივე ამის სამწუხარო და ნათელი დადასტურებაა.მშობლის წყევლა თუნდაც აღშფოთება ძლიერად მოქმედებს. თუ მშობელს კი არ დაუწყევლია თავისი შვილი, არამედ მხოლოდ აღშფოთდა მისი საქციელის გამო, ესეც საკმარისია, რომ შვილებმა მოსვენება დაკარგონ. ასეთი ბავშვები შემდგომში მთელ ცხოვრებას ტანჯვა-წამებაში ატარებენ. რა თქმა უნდა, საიქიო ცხოვრებაში ეს მათ შეღავათს მისცემს, რადგან ამ წამებით აქაურ ვალებს ისტუმრებენ. ხდება ის, რის შესახებაც წმ. ისააკი ამბობს: „ამქვეყნად იგემებენ თავის გეენას“, ანუ ამქვეყნიური ტანჯვით ის ჯოჯოხეთურ სატანჯველს ამცირებს. ესე იგი როდესაც ძალაში შედის სულიერი კანონები, ასეთი ადამიანი რამდენამდე თავისუფლდება გეენიისაგან, ტანჯვისაგან.მშობლები, რომლებიც სიტყვით „გზავნიან“ შვილებს ეშმაკთან, მას „უძღვნიან“ თავიანთ შვილებს. ამის შემდეგ ეშმაკს უკვე აქვს უფლება ამ ბავშვებზე, იგი ამბობს: „შენ მე ისინი თავად მომიძღვენი“.მეოცე საუკუნის ერთ-ერთი დიდი მამა ბერი პაისი ასეთ შემთხვევას იგონებს: „ერთ ქალს ოთხი შვილი ჰყავდა და ვერც ერთი ოჯახს ვერ ეკიდებოდა. დედა ტირილით მეუბნებოდა: „მომკლავს ამათი დარდი, ილოცე მათთვის“. ეს ქალი ქვრივი იყო, მე მეცოდებოდა იგი და ვლოცულობდი მისი შვილებისათვის, მაგრამ უშედეგოდ. მივხვდი, რომ რაღაცა ისე ვერ იყო... ერთხელ მათ ვკითხე, დედა ბავშვობაში ხომ არ გწყევლიდათ-მეთქი.- დიახ, მამაო, ბავშვობაში ძალიან ცელქები ვიყავით და დედა მუდამ გვწყევლიდა. - მიპასუხეს.- წადით და დედათქვენს უთხარით, რომ თქვენი მოუწყობელი ცხოვრების ნამდვილი მიზეზი ეს არის. უთხარით, მოინანიოს, აღსარება თქვას და დღეიდან გამუდმებით გლოცოთ.წელიწადნახევარში ოთხივემ ოჯახი შექმნა!კარგია, როცა მშობელი ცოცხალია და ამდენად მონანიება შესაძლებელია. მაგრამ ისმის კითხვა: თუ ის ისე წავიდა ამ ქვეყნიდან, რომ თან წაიღო ეს ცოდვა? შეიძლება თუ არა წყვლისგან განთავისუფლება? მამა პაისი პასუხობს:- თუ შვილები საკუთარ თავს ჩაუკვირდებიან და მიხვდებიან, რომ თავის დროზე აშავებდნენ, აწვალებდნენ მშობლებს და ამიტომაც იქნენ დაწყევლილნი, თუ ისინი დანაშაულს აღიარებენ და ცოდვებს მოინანიებენ, ყველაფერი მოწესრიგდება. სულიერ ცხოვრებაში წარმატებით ისინი განსვენებულ მშობლებსაც შეეწევიან... განაგრძეთ კითხვა

ასტროლოგია • 1757012024

„არავითარ შემთხვევაში არ თქვათ სიტყვა „ვიზიარებ“ - რას ჰყვება გოგა მანია

ეზოთერიკოსი, გოგა მანია „დღის პოსტთან“ სხვადასხვა თემაზე საუბრობს, მათ შორის კი, ადამიანების მწუხარების გაზიარებისა და ბედის ჩაკეტვის თაობაზეც.„ძალიან მნიშვნელოვანია მედიტაცია, ლოცვა, ვარჯიში და სწორი კვება, რაც ძალიან მოქმედებს ასტრალურ სხეულზე. უმთავრესია, დილა პოზიტიურად დავიწყოთ. ადამიანს შეიძლება, საკუთარი თვალიც კი ეცეს. ყველაფერი არ შეიძლება იყოს ჯადო და მაგია, თუნდაც თვალი. ნებისმიერი სიტყვა ხსნის პორტალს. ძალიან მნიშვნელოვანია, რას ამბობთ და რა მიმართულებას მისცემთ საკუთარ თავს. არ უნდა თქვათ, რომ თვალი გაქვთ ან ვიღაცამ ჯადო გაგიკეთათ. საქმეზე რომ წახვალთ, არ თქვათ, რომ საქმე შეიძლება არ გამოვიდეს. ჩემზე იმდენი რამ იყო გაკეთებული, მაგრამ… ვცდილობდი, ეს ყველაფერი არ მომეტანა ჩემთან. არავითარ შემთხვევაში არ უნდა თქვა სიტყვა „ვიზიარებ“. გამოთქვით წუხილი. იზიარებთ იმას ნიშნავს, რომ იმ ვითარებას იზიარებთ. რომ წუხხართ და განიცდით, ეს იქნება სწორი. დაბადების დღეებსა და ქორწილებს რომ ულოცავენ ადამიანები ერთმანეთს, ეს ბედნიერება უნდა გაიზიაროთ და არა წუხილი“, - ამბობს გოგა მანია.

საზოგადოება • 1756927524

„მე გაძლევთ დავალებას...“ - პატრიარქის მიმართვა ვრცელდება

სრულიად საქართველოს კათოლიკოს პატრიარქი, უწმინდესი და უნეტარესი ილია II, ლოცავს საქართველოს სხვადასხვა კუთხიდან ჩამოსულ ბავშვებს და მათ ქადაგებით მიმართავს.სოციალურ ქსელში ერთ-ერთი ასეთი ქადაგება გაიხსენეს, სადაც მისი უწმინდესობა ბავშვებს კონკრეტულ რჩევა-დარიგებას აძლევს:„თქვენ იცით, რომ საქართველოში ქრისტიანობა პირველი საუკუნიდან შემოვიდა, ხოლო IV საუკუნეში უკვე სახელმწიფო რელიგიად გამოცხადდა.ღვთის განგებით, ჩვენს ქვეყანაში პირველ საუკუნეშივე ჩამოიტანეს კვართი უფლისა ჩვენისა იესო ქრისტესი და საქართველო ყოვლადწმიდა ღვთისმშობლის წილხვედრი გახდა. ასეთი დიდი მადლი და წყალობა მიანიჭა უფალმა საქართველოს.ამიტომაც უნდა ვიყოთ მართლმადიდებელი ქრისტიანები და მარად გვახსოვდეს, რამ გადაარჩინა ჩვენი სამშობლო. იგი იხსნა ღმერთმა, მართლმადიდებელმა სარწმუნოებამ. ამგვარი გზით უნდა ვიაროთ ჩვენც…ღმერთმა დაგლოცოთ, გაგახაროთ და გაგაძლიეროთ! ხშირად ჩამოდით თბილისში. თქვენ იცით, რომ ეს ტაძარი არის წმინდა სამების სახელობის.ერთად შეკრული ხელის პირველი სამი თითი წარმოადგენს წმინდა სამების სიმბოლოს. ახლა ყველამ ერთად გადავიწეროთ პირჯვარი და ჩემთან ერთად გაიმეორეთ სიტყვები:„სახელითა მამისათა, და ძისათა, და წმიდისა სულისათა. ამინ.სახელითა მამისათა, და ძისათა, და წმიდისა სულისათა. ამინ.სახელითა მამისათა, და ძისათა, და წმიდისა სულისათა. ამინ“.ამჯერად რასაც ვიტყვი, ისიც გაიმეორეთ:„უფალო, დიდება შენდა! გადაარჩინე საქართველო!უფალო, დიდება შენდა! გადაარჩინე საქართველო!უფალო, დიდება შენდა! გადაარჩინე საქართველო! ამინ“.ღმერთმა დაგლოცოთ, გაგახაროთ. თქვენთან ერთად ღმერთმა დალოცოს მთელი საქართველო!ბავშვებო, მე გაძლევთ დავალებას: დილას, როცა ადგებით და პირს დაიბანთ, აუცილებლად ილოცეთ. პირველი ლოცვა კი ასე თქვით: „უფალო, დიდება შენდა! გადაარჩინე საქართველო!“ ჯერ საქართველოსთვის ილოცეთ, მერე თქვენი თავისთვის, მშობლებისა და ახლობლებისთვის.

საზოგადოება • 1756916778

რატომ უნდა წავიკითხოთ დილის ლოცვები აუცილებლად ბოლომდე - მოძღვრის განმარტება

მამა ალექსანდრე ბოლქვაძე გადაცემაში "რელიგიური საკითხები გიორგი დარასელიასთან ერთად", ლოცვასთან დაკავშირებით, ძალზე მნიშვნელოვან რამეს ქადაგებს:"ქრისტიანული სწავლებით ასეა - როდესაც დილის ლოცვას ბოლომდე კითხულობ, მსოფლიო ეკლესიის ლოცვაში ერთვები. ყველას ვეუბნები, რომ აუცილებლად უნდა წაიკითხონ დილის ლოცვა ბოლომდე. ეს რას ნიშნავს - ათონზე ვიღაც ბერი შუადღეს რომ ლოცულობს, ის უკვე ჩვენთვისაც ლოცულობს, კავშირი მყარდება.ჩვენი პატრიარქი აბსოლუტურად ყველაზე ლოცულობს და ლოცულობდა. ეს ლოცვა ნაყოფს იღებს აუცილებლად.ასეთ რამეს გავიხსენებ. ჩაუშესკუ ათეისტი იყო, თუმცა მონათლული გახლდათ. რუმინეთი ქრისტიანული ქვეყანაა. როგორც ეტყობა, როცა მიხვდა, რომ უნდა მოეკლათ, დაიწყო შინაგანი ლოცვა და დამყარდა კავშირი მასსა და ჩვენს პატრიარქს შორის და აი, რა მოხდა: მამა პეტრემ მოყვა. ის და პატრიარქი ერთად უყურებდნენ ტელევიზორს, სადაც გამოუცხადებიათ ჩაუშესკუს დახვრეტის ამბავი. პატრიარქი ფეხზე ამდგარა, პირჯვარი გადაუწერია და უთქვამს: დღეს წირვაზე კვეთის დროს აზრად მოვიდა ჩაუშესკუ და მასზე ფიქრმა მაწვალაო. ესე იგი მას (ჩაუშესკუს) უჭირდა... წარმოიდგინეთ, რა მასშტაბის ადამიანია ჩვენი პატრიარქი, ყველაზე ლოცულობს და ლოცვით კავშირს ამყარებს...

ისტორიები • 1756842864

„ოთახში წარმოუდგენელი გრიალი გაისმა, შუაგულიდან ქარბორბალა ავარდა... ახალგაზრდები გარეთ გაცვივდნენ. მხოლოდ გოგონა დარჩა...“ - სასწაული, რომელმაც ყველა შეძრა

ეს ამბავი ქალაქ სამარაში მცხოვრებ ერთი ღვთისმოსავი ქალის ოჯახს 1956 წელს გადახდა. წმინდა ნიკოლოზმა მკრეხელობისათვის გოგონა დასაჯა..."ახალი წლის ღამეს, 31 დეკემბერს, ერთი მორწმუნე ქალის შვილმა - ზოიამ, თავისი შვიდი მეგობარი გოგონა და ახალგაზრდა ყმაწვილები დაპატიჟა წვეულებაზე, სადაც დროსტარებასთან ერთად ცეკვებით გართობაც ჰქონდათ გადაწყვეტილი. შობის მარხვა იდგა და დედამ სთხოვა ზოიას, ხმაურიანი ლხინი არ გადაეხადა, მაგრამ ქალიშვილმა დაიჟინა და თავისი გაიტანა. საღამოს დედა ეკლესიაში წავიდა ლოცვაზე. სტუმრები თითქმის უკლებლივ მოვიდნენ, მაგრამ ზოიას საქმრო, კოლია, არ ჩანდა.ახალგაზრდები მას აღარ დაელოდნენ და დაიწყეს საცეკვაო სამზადისი. გოგო-ბიჭები დაწყვილდნენ, ზოია კი კენტად დარჩა. ამით განაწყენებულმა, მან კედლიდან ჩამოხსნა წმინდა ნიკოლოზ სასწაულმოქმედის ხატი და ხმამაღლა თქვა: "რაკი ჩემი ნიკოლოზი არ მოვიდა, ამ ნიკოლოზს ჩავჭიდებ ხელს და მასთან ერთად ვიცეკვებ!" გოგონებმა თხოვეს, არ ჩაედინა ამგვარი მკრეხელობა, მან კი ირონიული ღიმილით უპასუხა:"თუ ღმერთი არსებობს, იგი დამსჯის!" ჩართეს საცეკვაო მელოდია და ჯერ ხეირიანად არც კი აჰყოლოდნენ ტაქტს, რომ ანაზდად, ოთახში წარმოუდგენელი გრიალი გაისმა, შუაგულიდან ქარბორბალა ავარდა და მთელი ოთახი ელვისებურმა კაშკაშა შუქმა გაანათა.მხიარულება ელდამ შეცვალა. შიშისგან თავზარდაცემული ახალგაზრდები ოთახიდან გაცვივდნენ. მხოლოდ ზოია ვერ დაიძრა ადგილიდან. იგი ოთახში დარჩა, იატაკს მიყინული, მარმარილოსავით ცივი და გაქვავებული, გულში ჩაკრული წმინდა ნიკოლოზის ხატით.გამოძახებაზე მოსული ექიმების ვერანაირმა მცდელობამ შედეგი ვერ გამოიღო. ყველა ნემსი, რომელთა გაკეთებასაც ექიმები ცდილობდნენ, იღუნებოდა და ტყდებოდა ზოიას ქვად ქცეულ სხეულზე. უნდოდათ მისი გადაყვანა საავადმყოფოში, მაგრამ ძვრა ვერ უყვეს - ფეხებით თითქოს შეზრდოდა იატაკს, მხოლოდ გული უცემდა, რაც იმაზე მეტყველებდა, რომ იგი ფიზიკურად ცოცხალი იყო, მაგრამ ამ დროიდან ზოიას უკვე აღარც სმა შეეძლო და აღარც ჭამა.როცა ეკლესიიდან დედა დაბრუნდა და შვილი ასეთ ყოფაში ნახა, გონება დაკარგა და საავადმყოფოში გადაიყვანეს, საიდანაც რამდენიმე დღეში გამოწერეს. იგი მხურვალედ ლოცულობდა და ცრემლებით ევედრებოდა უფალს, შეენდო მისი ქალიშვილისთვის და დაებრუნებინა სასიცოცხლო ძალა. პირველ დღეებში სახლი ფუტკრების სკას წააგავდა - უამრავი ხალხი ირეოდა, საიდან აღარ მოდიოდნენ მორწმუნეები, სასულიერო პირები. მაგრამ მალე ხელისუფლებამ მოსკოვიდან მიიღო მითითება და გარეშე პირთაგან სახლში არავის უშვებდნენ. დაწესდა მორიგეობა და ყოველ 8 საათში ერთხელ იცვლებოდა ორი მილიციელი. იმ მორიგეთაგან, რომლებიც, ძირითადად, 25-32 წლის ახალგაზრდები იყვნენ, მრავალი ნაადრევად გაჭაღარავდა სიტყვების გამგონე, რომელსაც ზოია დროდადრო შემზარავად გაჰყვიროდა: "დედა, ილოცე! ცოდვებში ვიღუპებით, დედა, ილოცე! ილოცე!!!" - ამ სიტყვების წარმოთქმის დროს ზოია ჩვეულებრივად აღებდა პირს, მაგრამ მათი დასრულებისთანავე ბაგეები ეკუმებოდა, ქვასავით უმაგრდებოდა და მხოლოდ თვალებს აცეცებდა უაზროდ.მოგვიანებით ზოიასთან რამდენიმე ადამიანი დაუშვეს. მოსკოვიდან ჩამოსულმა მედიცინის პროფესორმა მხრების აჩეჩვით დაადასტურა, რომ ზოიას გულისცემა არ შეწყვეტილა გარეგნული გაქვავების ფონზე. დედის თხოვნით მოიწვიეს სასულიერო პირებიც, თუმცა მათ ვერც გოგონას ადგილიდან დაძვრა მოახერხეს და ვერც ის, რომ წმინდა ნიკოლოზის ხატი მისი ხელებიდან გამოეხსნათ. მოგვიანებით, ქრისტეშობის დღესასწაულზე ჩამოვიდა მღვდელმონაზონი სერაფიმე, აღავლინა ლოცვა, აკურთხა ოთახი, რის შემდეგაც მას მინებდა ხატი და სათანადო პატივის მიგების შემდეგ იგი ადრინდელ ადგილზე დააბრუნეს. "ახლა დაველოდოთ უფლის ნიშანს, რომელსაც ის აღდგომისთვის მოგვივლენს. თუ ასე არ მოხდა, ახლოს ყოფილა ქვეყნის აღსასრული".- თქვა ბერმა. იგივე გაიმეორა მოსკოვის მიტროპოლიტმა ნიკოლოზმაც. სრულად

პოლიტიკა • 1756726860

დავით ქართველიშვილი პრეზიდენტის მიერ ტრამპისადმი გაგზავნილ ღია წერილზე: შეიძლება ამ ღია წერილს ის მაინც მოჰყვეს, რომ აშშ-ს მხრიდან საქართველოსთან სტრატეგიული ურთიერთობების შეწყვეტის გადაწყვეტილება გადაიხედოს

„ხალხის ძალის“ წევრი დავით ქართველიშვილი აშშ-ს პრეზიდენტისადმი საქართველოს პრეზიდენტის მიხეილ ყაველაშვილის ღია წერილს აფასებს. ექსპერტი ჟურნალისტებთან საუბრისას იმედოვნებს, რომ ამერიკის შეერთებული შტატები გამოასწორებს იმ უსამართლობას, რასაც ადგილი ჰქონდა საქართველოსთან მიმართებაში.დავით ქართველიშვილი აღნიშნავს იმასაც, რომ თავის დროზე აშშ-ს ჰქონდა გარკვეული რეაგირება დონალდ ტრამპისადმი საქართველოს პრემიერ-მინისტრის მიერ გაგზავნილ ღია წერილზე და იმედოვნებს, რომ ვაშინგტონი რეაქციას არც მიხეილ ყაველაშვილის წერილზე დააყოვნებს.„ჩვენ გვახსოვს პრემიერ-მინისტრის წერილი, რომელიც აკაცუკური და პირიქითა სექტის ქილიკისა და დაცინვის საგანი გახდა. მაგრამ ამ ღია წერილს მოყვა 26 მაისისადმი მიძღვნილი ოფიციალური მოლოცვა, რომელსაც საგულდაგულოდ მალავდნენ და მის გამოქვეყნებას დღესაც ვერ ბედავს აშშ-ს საელჩოს სოციალურ გვერდი. ჩვენ დავინახეთ, რომ ეპისტოლარულ ჟანრსაც მოაქვს თავისი შედეგები. თუმცა, ამ ეტაპზე არ მინდა კარტები გავხსნა და ვისაუბრო, თუ რითაა განპირობებული აშშ-ს ადმინისტრაციის კრავთა დუმილი საქართველოსთან მიმართებით. შეიძლება ამ ღია წერილს ის მაინც მოჰყვეს, რომ გადაიხედოს ის უსამართლო გადაწყვეტილება, რაც საქართველოსთან დაკავშირებით ბაიდენის ადმინისტრაციამ სტრატეგიული ურთიერთობების შეწყვეტით მიიღო.ჩვენ არ ვითხოვთ ამერიკისგან არც სავიზო რეჟიმის გაუქმებას, არც თავისუფალი ვაჭრობს დაწესებას, მაგრამ ტრამპისგან ბაიდენის ადმინისტრაციის კრიტიკის ეს კომპონენტი შეიძლება მარტივად გადაიჭრას - ტექნიკური საკითხია, ვინმე სპიკერი გამოუშვას სახელმწიფო დეპარტამენტიდან და თქვას, რომ წინამორბედი ადმინისტრაციის ეს გადაწყვეტილება [ორ ქვეყანას შორის სტრატეგიული თანამშრომლობის შეჩერება] ანულირებულია და საქართველოსა და აშშ-ს ურთიერთობები გაგრძელდება,“ - განაცხადა დავით ქართველიშვილმა.

რჩევები • 1756673693

რას ამბობს ეკლესია ტრანსპორტში ლოცვასა და პირჯვრის გამოსახვაზე

თუ შეიძლება ტრანსპორტში ლოცვა და პირჯვრის გამოსახვა? - კითხვას დეკანოზი ანდრია კემულარია პასუხობს.„ეს კითხვა მრავალს ებადება. ლოცვა, არათუ შეიძლება, საჭიროცაა ყველგან. ამას თვით წმინდა მოციქული პავლე გვასწავლის: მოუკლებელად ილოცევდით (1თეს. 5,17). შეიძლება ვილოცოთ სკვნილით, ან ვიმეოროთ ფსალმუნები და სხვა ლოცვები. ტრანსპორტში ლოცვის გარდა პირჯვრის გადასახვაც შეიძლება.“ - ამბობს დეკანოზი.

საზოგადოება • 1756663765

6 ლოცვა, რომელიც ყველა სურვილის ასრულებაში დაგეხმარებათ

ლოცვა ამოღებულია წმინდა წიგნიდან – ავგაროზი და ლოცვანი (სრული კრებული)წაიკითხეთ ეს ლოცვა ყოველ დღე და შესთხოვეთ ღმერთს წრფელი გულით. “ითხოვდით და მოგეცეს თქუენ … – მათე 7,7-11”. როდესაც ჩვენი თხოვნა გულიდან მოდის და ღმერთის წინაშე სამართლიანია ის აუცილებლად აგვისრულდება. დიდება უფალს.ყოვლადწმიდისა ღვთისმშობელისაყოვლადწმიდაო ღვთისმშობელო, გვაცხოვნენ ჩვენ, რომელ უმაღლეს ხარ ქერუბიმთა და უდიდებულეს უზეშთაეს სერაბიმთა, რომელმან იტვირთე სიტყვა ღვთისა ხორცითა, ვითარცა ღვთისმშობელ ხარ, გალობით გადიდებთ.ცხოველსმყოფელისა და პატიოსნისა ჯვარისაჯვარსა წმიდასა პატიოსანსა, რომელსა აქებენ ანგელოსნი და ძალნი ზეცათანი, ჩვენცა მათთანა თაყვანის-ვცემთ და ვადიდებთ, და ვითხოვთ მისგან ხსნასა ყოველთა ვნებათაგან.წმინდისა იოანე ნათლისმცემლისაყოველთა ნაშობთა უმეტესო, მდგომარენი ლოცვათა შინა მორწმუნეთა კრებულნი, ლმობიერად და ცრემლით შეგივრდებით, ნათლისმცემელო ქრისტესო, მფარველ გვეყავ მოსავთა შენთა.წმინდა დიდმოწამისა გიორგისანათელ-ჰყავ შვილდწილ სამყარო ახოვნად, ღვაწლნი რა თავს ისხენ დიდო მოწამეთა მთავარო, მხნეო გიორგი, ამისთვის გევედრებით, გვიხსენ ჭირთაგან და მეოხ გვეყავ წინაშე ღვთისა.წმიდა დიდმოწამისა პანტელეიმონ მკურნალისაღვაწლით შემოსილო წმიდაო მკურნალო პანტელეიმონ, ევედრე მოწყალესა ღმერთსა, რათა ცოდვათა შენდობა მოგვანიჭოს და სულთა ჩვენთა დიდი წყალობა.

საზოგადოება • 1756466985

წაუკითხეთ შვილებს ეს ლოცვა, უფალი სასწაულს მოგივლენთ - პატრიარქის მიმართვა მშობლებს

უწმინდესმა და უნეტარესმა ილია მეორემ ერთ-ერთ ქადაგებაში, მშობლების მიერ შვილების დალოცვის მნიშვნელობაზე ისაუბრა:უწმიდესმა მშობლების მიერ შვილების დალოცვის ლოცვა წაიკითხა და აღნიშნა, რომ ის დაიბეჭდება და დარიგდება. ილია მეორის თქმით, მშობლების მიერ შვილის დალოცვის წესი ასეთია: ბავშვი უნდა დააყენო მუხლებზე დედის და იმ ხატის წინაშე, რომლითაც დაილოცება, ორივე ხელი დაადო თავზე და წაიკითხო ლოცვა. ლოცვის დასრულების შემდეგ ნაკურთხი წყლით უნდა აკურთხონ და გარდასახონ პირჯვარი.იმისათვის, რომ შვილი იყოს ბედნიერი, მშობელმა უნდა დალოცოს ის. ამისათვის უნდა აჩუქოს მას ნაკურთხი ხატი. ეს ხატი იქნება მფარველი მთელი სიცოცხლის განმავლობაში. მას აქვს ძალიან დიდი ძალა“, – განაცხადა პატრიარქმა.ლოცვა"ღმერთო ჩვენო, მამაო ყოვლისა მპყრობელო, ძეო ღვთისაო უფალი ჩვენო იესო ქრისტე. სულო წმიდაო ცხოველმყოფელო, სამებაო ერთარსო და განუყოფელო, გარდამოიხილე ზეცით მოწყალე თვალით და დალოცე შვილები ესე საქართველოისანი. მონანი და მხევალნი ღვთისანი და მიმადლე მათ მრავალჟამიერი სიცოცხლე. მტკიცე მართლმადიდებელი სარწმუნოება, სიყვარული ღვთისა და მოყვასისა. თავმდაბლობა, განცდაი თვისთა ცოდვათა, სიბრძნე, სიმშვიდე და მოთმინება, ნიჭი და უნარო სწავლისა და შრომისა, ბედნიერი ოჯახი, მრავალი შვილი, კეთილდღეობა და სიხარული, გონება საღი და გახსნილი, გული წმინდა, სიყვარული მშობელთა თვისა.ჰოი, უფლო შეისმინე ჩემი ლოცვა და დაეფარა შვილნი ესე ჩვენნი სულიერი და ხილული და უხილავი მტრებისაგან და ღირსყავ ისინი ცათა სასუფეველისა.ლოცვითა და მეოხებითა ყოვლადწმიდისა ღვთისმშობელისა და ყოველთა წმიდათა შენთა. ამინ!"

მსოფლიო • 1756465321

ჯეი დი ვენსმა ბაიდენის პრესმდივანი ჯენ ფსაკი ქრისტიანულ ფასეულობებზე თავდასხმაში დაადანაშაულა

ამერიკის შეერთებულ შტატებში ქრისტიანული ფასეულობები „დემოკრატებსა“ და „რესპუბლიკელებს“ შორის ურთიერთკრიტიკის საფუძველი გახდა.ამერიკის ვიცე-პრეზიდენტმა ჯეი დი ვენსმა ყოფილი პრეზიდენტის ჯო ბაიდენის პრესმდივანი ჯენ ფსაკი სოციალურ ქსელში გამოქვეყნებული პოსტის გამო გააკრიტიკა.ფსაკიმ დაწერა, რომ რამდენიმე დღის წინ მინეაპოლისის კათოლიკურ ეკლესიაში სროლის შედეგად დაღუპულთა და დაშავებულთათვის ლოცვა საკმარისი არ არის. ეს ვერც დაღუპულებს დააბრუნებს და ვერც მშობლებს მისცემს შვილების უსაფრთხოების გარანტიას.ტრამპის ადმინისტრაციაში ეს ქრისტიანულ ფასეულობებზე დემოკრატების თავდასხმად შეფასდა. ჯეი დი ვენსმა განაცხადა, რომ მლოცველების კრიტიკა მემარცხენეების კულტურული ომის ნაწილია, რასაც რესპუბლიკელები არ იზიარებენ.„თუ პოლიტიკოსი ხარ ან მედიის წარმომადგენელი, როცა ორი ულამაზესი ბავშვი ლოცვის დროს მოკლეს და თქვენ კი ამ დროს საკუთარი პოლიტიკური შეხედულებებიდან გამომდინარე იძულებული ხართ ლოცვა დაგმოთ, მაშინ პოლიტიკური პოზიცია უნდა შეცვალოთ, რადგან თქვენს სულში რაღაც ძალიან არასწორი მოხდა“, - თქვა ვენსმა Fox News-თან ინტერვიუში.

ტაბლოიდი • 1756413399

ვინ არის გიორგი სარდალაშვილის მომღერალი საცოლე, რომელსაც ჩემპიონობა მიუძღვნა

ძიუდოისტმა გიორგი სარდალაშვილმა რჩეულს ხელი სთხოვა - წყვილმა ფოტოები სოციალურ ქსელში გამოაქვეყნა და უამრავი მილოცვაც მიიღო.აპრილში, მონტენეგროს დედაქალაქ პოდგორიცაში ძიუდოსიტთა ევროპის ჩემპიონატზე, ტურნირის პირველივე დღეს საქართველოს ნაკრებს ოქროს მედლის მოპოვების შანსი მიეცა. 60 კგ. წონით კატეგორიაში, კრისტალბეთის ამბასადორმა, სარდალაშვილმა ფინალში გასვლა შეძლო. მისი მეტოქე რუსი აიუბ ბლიევი იყო, რომელიც საერთაშორისო დროშით ასპარეზობდა.„პრაიმტაიმის“ ყურადღება ჩემპიონობის აღნიშვნის ჟესტმა მიიქცია, მან თითებით ლათინური A გამოსახა.აღმოჩნდა, რომ ეს გამარჯვება სწორედ მომღერალ ანანო სამხარაძეს მიეძღვნა.20 წლის ანანო ტელევიზიის მაყურებლებმა „ნიკოს შოუდან“ გაიცნო, როცა მანუ მურღულია ჩაანაცვლა. ახლა კი „ზურას შოუს“ ბენდის წევრია. ანანო ქართული ტელესივრცისთვის ახალი სახეა, თუმცა, „ტიკ-ტოკზე“ უკვე კარგად იცნობენ.

საზოგადოება • 1756394582

„უსინათლოს თვალი აეხილა...“ - ცოტამ თუ იცის დიდუბის ღვთისმშობლის ტაძრის სასწაულმოქმედი ხატის ისტორია

თბილისში, დიდუბეში, წერეთლის გამზირზე მდებარე ღვთისმშობლის შობის სახელობის ტაძარში სასწაულმოქმედი ღვთისმშობლის ხატია დაბრძანებული. ცოტამ თუ იცის ისტორია, რომელიც ამ ხატს უკავშირდება. იქ, სადაც ახლა დიდუბის ღვთისმშობლის ტაძარი დგას, ძველად საძოვრები ყოფილა. ერთ ქრისტიან მწყემსს, რომელიც იმ ტერიტორიაზე აძოვებდა ცხვარს და კარგად იცნობდა არემარეს, ანგელოზი დასიზმრებია, რომელსაც უთქვამს:"დიდუბის მინდორში, ამა და ამ ადგილას, ღვთისმშობლის სასწაულთმოქმედი ხატია დაბრძანებული. ეახელ, თაყვანი ეცი და სასწაულს გიჩვენებსო".მწყემსმა ხილვა დედ-მამასა და მეზობლებს უამბო. ყველა მინიშნებული ადგილისკენ გაემართა. სასწაულის მოლოდინში თან ერთი ბრმაც წაიყვანეს. ღვთისმშობლის ხატმა მართლაც მოახდინა სასწაული - დაბადებიდან უსინათლო ადამიანს თვალი აეხილა! ეს ორშაბათ დღეს მომხდარა. სასწაულის ადგილას იმავე დღეს ნიში აღუმართავთ, ხატი იქ დაუბრძანებიათ და თაყვანი უციათ.სასწაულთმოქმედი ხატის ამბავი მთელ საქართველოს მოსდებია. მოჰყავდათ თურმე სხვადასხვა სნეულებით შეპყრობილნი და ყველა განკურნებული ბრუნდებოდა შინ. მალე ნიშის ადგილას ეკლესია აუგიათ, რომელიც ყოველ ორშაბათს მლოცველებით ივსებოდა.დიდუბის ტაძრისთვის მორწმუნეთა მიერ შეწირული საგანძური ერთ სარდაფში ჰქონიათ გადამალული, მაგრამ კომუნისტებს შეუტყვიათ მისი არსებობა და საუნჯე გაუზიდავთ. მაშინ დაკარგულა დიდუბის ღვთისმშობლის ხატის პერანგიც. დღევანდელი პერანგი რუსეთის პატრიარქს ალექსი I-ს დაუმზადებინებია და 1950 წელს დიდუბის ღვთისმშობლისთვის შეუწირავს.დიდუბის ღვთისმშობლის ხატი დღესაც ახდენს სასწაულებს მათთვის, ვინც რწმენით მიეახლება. ორშაბათობით, დილას, მარიამ ღვთისმშობლის სახელზე ტარდება ლოცვა, დაესწარით, მოილოცეთ, გულით შესთხოვეთ და გულმოწყალე დედა შეგეწევათ.