რჩევები • 1743627858

როგორ ხდება საეკლესიო ქორწინების შეწყვეტა - ყველაფერი „ჯვრის აყრის“ შესახებ

ყველა ქორწინებას ბედნიერი დასასრული არ აქვს -  სამწუხაროდ, ზოგჯერ ეს განქორწინებით სრულდება. ჯვარდაწერილი წყვილის შემთხვევაში დაშორებას ჯვრის აყრაც მოსდევს. საზოგადოებაში დამკვიდრებულ ტერმინს „ჯვრის აყრას“ პირდაპირი მნიშვნელობა არ აქვს, რადგან ეკლესია მიიჩნევს, რომ საიდუმლოს გაუქმება და წაშლა, შეუძლებელია. როგორ ხდება საეკლესიო ქორწინების შეწყვეტა, ამის შესახებ მღვდელი გიორგი ბერაძე საუბრობს:„ზოგადად, ასეთი პრაქტიკა, ჯვრის აყრა, რაიმე რიტუალი, პროცედურა, გამოლოცვა არ არსებობს. უბრალოდ, ჯვრის აყრას უწოდებენ იმ მდგომარეობას, როდესაც, სამწუხაროდ, ცოლ-ქმარს შორის გარკვეული გაუგებრობები მოხდა, ისინი ერთად ვეღარ იცხოვრებენ, ფაქტობრივად, ერთად აღარ არიან და ერთ-ერთი მეუღლე ახალ ქორწინებაში შესვლას აპირებს. სწორედ, ამ დროს, ახალი ქორწინებისთვის ხდება კურთხევა და არა ჯვრის აყრა. როგორც სამოქალაქო სამართალშია განქორწინება, ამ შემთხვევაში, ეგრე არ არის - ჯვარი აიყარონ და აღარ იყოს დაწერილი... საიდუმლოს გაუქმება და წაშლა არ ხდება. მხოლოდ და მხოლოდ, ადამიანების უძლურებიდან გამომდინარე, ხდება კურთხევა ახალ ქორწილზე“, - განმარტავს მოძღვარი.

ისტორიები • 1743627403

ვის ხარჯზე იკვებებოდა თამარ მეფე და რატომ არ ეძინა მას ღამღამობით

დავით აღმაშენებელი რომ თორმეტი მეფის ხელმწიფედ მიიჩნეოდა, ამის შესახებ ქართულ წყაროებში გვაქვს ცნობები („დავით აღმაშენებლის ეპიტაფია“ და „ხელმწიფის კარის გარიგება“). საკრალურ რიცხვ თორმეტთან კავშირი აქვს თამარ მეფესაც. თამარ მეფე ძალიან მორწმუნე იყო, ვერ მოხიბლა ჩვენი ხელმწიფე წუთისოფლის გასართობებმა, ვერც ძალაუფლებამ, ვერც გვირგვინმა და სკიპტრამ, ვერც უამრავმა თვალ-მარგალიტმა, ვერც ჯარის სიმრავლემ და სიძლიერემ.„ვერ შეიტყუა იგი საშუებელმან ამის საწუთროსამან, არცა მეფობამან გჳრგჳნისამან და სკიპტრამან, არცა ქვათა პატიოსანთა უხუად ქონებამან, არცა სპათა სიმრავლემან და ესოდენ სიმჴნემან... ...არა მიდრკა, ვერცა წარიპარა სიმდიდრემან“.მამასავით და თავისი დიდი წინაპრის, ისრაელის ბრძენი მეფე სოლომონის მსგავსად, ბრძენი იყო და მუდმივად ლოცულობდა – „ღამე ყოველ მღჳძარება, ლოცვა, მუჴლთ-დრეკა და ცრემლით ვედრება ღმრთისა ზემდგომრობითა განსაკჳრვებელ აქუნდა“. სახელმწიფო საქმეებისგან თავისუფალ დროს ან ლოცულობდა ან ხელსაქმობდა. ეს გართობა კი არ იყო, არამედ შრომა - უფლისა და ადამიანთა მსახურება.დავით აღმაშენებელი თავის ნანადირევს ჰყიდდა და მოგებულ ფულს ღარიბებს ურიგებდა, რათა პირადად ნაშრომი გაეცა. თამარ მეფეც ღამით ხშირად იღვიძებდა, ლოცულობდა, მეტანიობდა და ყოველ ღამით ხელსაქმობდა - ქსოვდა, კერავდა და მერე გლახაკებს ურიგებდა თავის ნაშრომს.დიდ საქართველოს საკმაოდ დიდი შემოსავალი ჰქონდა, მდიდარი ხაზინა, ბიუჯეტი. ხაზინიდან ფინანსდებოდა ქართული არმიის შენახვა და ლაშქრობები, დაზვერვა, სპეცსამსახურები, გზების გაყვანა, განახლება, ხიდების აგება, წყალგაყვანილობების შექმნა, ქალაქების მშენებლობა, ქუჩების შეკეთება და სხვა.ბიუჯეტის ნაწილი იხარჯებოდა მმართველობის სისტემაზე, სახელმწიფოს აუცილებელ პროექტებზე, ხელქვეითების შენახვასა და სხვა საქმეებზე.მნიშვნელოვანი იყო, ასევე, სასახლეებისა და ცერემონიების ხარჯებიც, რადგან საქართველოში ბევრი ელჩი და სტუმარი ჩამოდიოდა და მათ შესაბამისი დახვედრა სჭირდებოდა. სახელმწიფო ხაზინიდან ფინანსდებოდა კულტურული ღონისძიებები: წიგნების გადაწერა, ხელოვანთა შენახვა, ეკლესია-მონასტრებისა და სასახლეების მოხატვა და გამშვენება. საქართველოს სახელმწიფო დიდი იყო და ტოლს არ უდებდა არც ერთ დიდ სახელმწიფოს ამ საქმეში, შესაძლოა, აჭარბებდა კიდეც. ეკლესიასაც ეხმარებოდნენ - ჰქონდა შეუვალობა, დიდი ქონება და თვითონაც ძალიან ძლიერი იყო. მონასტრებს დიდ შესაწირს სწირავდა მეფე თამარი, აგებდა ტაძრებს. კულტურის განვითარებისთვისაც დიდი თანხები იყო გამოყოფილი.ამ ყველაფერთან ერთად მაშინდელი ბიუჯეტის ძალიან სერიოზული ნაწილი, 10 პროცენტი სოციალური დახმარებებისთვის გამოიყენებოდა, ღატაკთა დახმარებისთვის, ასევე, მნიშვნელოვანი თანხა ხმარდებოდა სამკურნალო დაწესებულებებს. სადაც მკურნალობა, რა თქმა უნდა, იყო უფასო.ამასთან ერთად, თამარი ეწეოდა პირად ქველმოქმედებას, როგორც ადამიანი, ერთი პერსონა და არა როგორც მეფე. თავისი ხელით ქმნიდა ხელმოკლე ადამიანებისათვის ტანსაცმელს, ართავდა, ქსოვდა, კერავდა, ქარგავდა, და თავის პირად ნაშრომს გლახაკებს ურიგებდა.ერთხელ ხანგრძლივი „ლოცვისა და ჴელსაქმარისა მიერ მაშურალმან“ მიიძინა. სიზმარში იხილა ძალიან ლამაზი ადგილი, ყვავილებით, მცენარეებითა და ნერგებით გამშვენებული. იმდენად ლამაზი, მთხრობელი რომ ვერ აღწერს, რადგან შეუძლებელია სამოთხის აღწერა.იდგა ოქროსა და ვერცხლის სარკმლებით შემკული საყდრები. იდგა გამშვენებული სკამები დამსახურებული ადამიანებისთვის, საქმეების მიხედვით მათ დასაფასებლად. სულ მაღლა იდგა ოქროს ტახტი, ყველაზე მაღალი, ლამაზი და საპატიო, შემკული პატიოსანი თვლებითა და მარგალიტებით. ამ სამოთხეში შეიყვანეს იქ შეყვანის ჭეშმარიტად ღირსი ჩვენი დედოფალი. იხილა ტახტები და გაიფიქრა: „მეფე ვარ თვითმპყრობელი და ჩემი არის ეს უზენაესი და უმთავრესი ტახტიო“ და გაემართა მასზე დასაჯდომად. მაგრამ მეფეთ-მეფეს წინ დაუდგა ნათლით მოსილი კაცი, მოჰკიდა ხელი და უთხრა: „შენი არ არის ეს დასაჯდომი, შენ ვერ შეძლებ მის დაკავებას!“ ხელმწიფემ ჰკითხა: „ვინ არის ჩემზე უპატიოსნესი, რომელიც დაიკავებს ამ პატიოსან ტახტს?“ნათლითმოსილმა კაცმა უპასუხა: „ეს ტახტი შენი დიასახლისის, მოსამსახურის არის, რადგან თორმეტ მღვდელს აცვია მის მიერ შექმნილი შესამოსელი და იმ სამოსლით წარდგებიან ტრაპეზთან უსისხლო და პატიოსანი მსხვერპლის შეწირვისას. ამიტომ ეს დედაკაცი შენზე მაღლა დგას. და თუ შენ მეფე ხარ, შენთვის ეს დიდებაც საკმარისია, შენი საყოფი ესაა“ და უჩვენა უფრო მდაბალი დასაჯდომელი.ბერის, მღვდლის, სასულიერო პირის შემოსვა დიდად საპატიო სამსახური იყო. განსაკუთრებით თორმეტი მღვდლისა, რაც ძალიან საკრალური რიცხვია ქრისტიანობისთვის. ამგვარად, თამარ მეფემ სიზმარში, გამოცხადებაში იხილა მისი, როგორც დიდი სახელმწიფოს მეფის, დავალებაც, სასულიერო პირთა შემოსვა-გაძლიერება, თან თორმეტის, მაცხოვრის თორმეტი მოციქულის მსგავსი სიმბოლიკით.გაიღვიძებისთანავე მეფემ მოაყვანინა ის დიასახლისი, რომელმაც აღიარა, რომ თორმეტ მღვდელს შეუქმნა სამღვდელო შესამოსელი სრულად, კვართიდან ფილონამდე და მიუძღვნა. კვართი მღვდლებს აცვიათ ფილონის ქვეშ და ის სიმბოლურად მიანიშნებს მაცხოვრის კვართზე. ფილონი კი უსახელო შესამოსელია, ზემოდან მოსაცმელი მღვდლებისთვის, რომელიც ქრისტეს სუდარის სიმბოლური მინიშნებაა.თამარ შვიდმნათობიერმაც დაიწყო ზრუნვა პირადად, საკუთარი ხელით შექმნილი ტანსაცმლით მღვდლების შემოსვაზე. ალექსანდრიიდან ვაჭართა მიერ შემოტანილი მატყლის დართვა, ნაჭრების დამზადება და თორმეტი სრული სამღვდელო შესამოსლის შეკერვა.რაც ძალიან მნიშვნელოვანია – რა ფასის საჭმელსაც შეჭამდა დღეში, იმ ფასის საქონელს, თავისი ხელით შექმნილს, გაყიდდა ხოლმე და მიღებულ ფულს გლახაკებს აძლევდა, რა თქმა უნდა, ზემოთ აღნიშნული ბიუჯეტის 10 პროცენტის გარდა. ან გლახაკებს უქსოვდა და უკერავდა ტანსაცმელს იმ ფასისას, რასაც ჭამდა. ანუ, უფასოდ ან სახელმწიფოს ხარჯზე არაფერს ჭამდა.ღვთისმსახურება მის სასახლეში დაუკლებლად აღესრულებოდა, როგორც ტიპიკონი მოითხოვს და განწესება პალესტინის მონასტრისა, ზუსტად ისე. სამეფო კარზე მყოფი ვერავინ დააკლდებოდა წირვა-ლოცვას, დილას, სამხრისას, მწუხრისას...ასეთი იყო ჩვენი ხელმწიფე – მეფეთ მეფე და დედოფალთ-დედოფალი თამარი.

საზოგადოება • 1743622565

„ყველასთვის საყვარელი საბა... სიტყვებს ვერ ვპოულობ, გული გაგვიგლიჯე...“ - ახალგაზრდა კაცს ახლობლები ემშვიდობებიან

სოციალურ ქსელში, ხობში გარდაცვლილ ახალგაზრდას, საბა ხარჩილავას ემშვიდობებიან.„ყველასთვის საყვარელი საბა... გული გაგვიგლიჯე“.ამ სევდიან წუთებში სიტყვებს ვერ ვპოულობ... იქნებ გადარჩეს, მოლოდინში იყო მთელი სოფელი. ყოველი ამოსუნთქვა იმედით სავსე, ყოველი ლოცვა სასწაულის მოლოდინში. უამრავი პასუხგაუცემელი კითხვა დაგვრჩა...რატომ? როგორ? ნუთუ ასე ადრე უნდა დასრულებულიყო სიცოცხლე, რომელიც ჯერ კიდევ უნდა აყვავებულიყო. მშვიდობით საბა“.„ასეთი ახალგაზრდები არ უნდა მიდიოდნენ“, - წერენ სოციალურ ქსელში.

მსოფლიო • 1743582769

მიანმარში მომხდარი მიწისძვრის გამო მამაკაცმა 170 ნათესავი და ახლობელი დაკარგა

ერთი კვირის წინ ასობით მუსულმანი ცენტრალურ მიანმარში მდებარე ხუთი მეჩეთისკენ გაემართა, რათა პარასკევის ლოცვას დასწრებოდა, თუმცა ადგილობრივი დროით 12:51 წუთზე ძლიერი მიწისძვრა მოხდა. სამი მეჩეთი დაინგრა, ადგილზე თითქმის ყველა მომლოცველი დაიღუპა. ინფორმაციას BBC-ი ავრცელებს.სო ნაი უ ერთ-ერთი მეჩეთის ყოფილი იმამია. მიწისძვრის დროს ის ტაილანდის ქალაქ მაე სოტში იმყოფებოდა. მან მიანმარში მომხდარი მიწისძვრის შედეგად 170 ნათესავი და ახლობელი დაკარგა.„მე ვფიქრობ ყველა დაღუპულ ადამიანზე, მათ შვილებზე. ზოგიერთი მათგანი ძალიან პატარაა. მე არ შემიძლია ცრემლების შეკავება, როდესაც ამაზე ვსაუბრობ“, - განაცხადა სო ნაი უმ.28 მარტს პირველი ძლიერი - 7,7 მაგნიტუდის მიწისძვრა მიანმარის ცენტრალურ ნაწილში ადგილობრივი დროით 12:50 საათზე, ხოლო მეორე - 6,4 მაგნიტუდის მიწისძვრა 12 წუთში მოხდა. მიწისძვრის შედეგად 2700-ზე მეტი ადამიანი დაიღუპა. მოსალოდნელია, რომ ეს ციფრი კიდევ უფრო გაიზრდება, რადგან მაშველები აგრძელებენ გაწმენდით სამუშაოებს.

საზოგადოება • 1743574226

მოსამართლე გიორგი ჩემია გარდაიცვალა

მოსამართლე გიორგი ჩემია გარდაიცვალა. სამწუხარო ინფორმაციას მისი კოლეგა მაია ჯვარშეიშვილი ავრცელებს.„მე ძალიან კეთილი, ერთგული და საიმედო მეგობარი მყავდა... მრცხვენია, რომ გვერდით ისე ვერ დავუდექით, როგორც იმსახურებდაო, ერთმა ძალიან კარგმა ადამიანმა დაწერა... მართალია.. გვაპატიე გიო, რომ ისე ვერ დაგიდექით გვერდით, როგორც იმსახურებდი...შენ არ დაგიმსახურებია ის ტკივილი, რომელსაც ვერ გაუძელი. მშვიდად განისვენე... უფალი, რომელიც შენ გწამდა, გიყვარდა და გეიმედებოდა, ყველაფერს ხედავს... მჯერა, შენი სული დაიმკვიდრებს სასუფეველს მართალთა შორის და იქიდანაც არ მოაკლებ ლოცვას შენს ოჯახს... არც ჩემი ოჯახი დაგავიწყდება... ამქვეყნად ხომ არ გვაკლდა შენი ლოცვა. მშვიდობით.. უსამართლობაა შენი გარდაცვალება, გიორგი ჩემია“, - წერს მაია ჯვარშეიშვილი.ცნობისთვის, გიორგი ჩემია სანდრო გირგვლიანის საქმის განმხილველი იყო.2002-2006 წლებში იყო ჩოხატაურის რაიონული სასამართლოს მოსამართლე და მივლინებით მოსამართლის უფლებამოსილებას ახორციელებდა რუსთავის საქალაქო სასამართლოში;2006-2010 წლებში იყო თბილისის საქალაქო სასამართლოს მოსამართლე;2010 წლის ოქტომბრიდან დაინიშნა თბილისის სააპელაციო სასამართლოს მოსამართლედ.

საზოგადოება • 1743495706

„არავითარ შემთხვევაში არ თქვათ სიტყვა „ვიზიარებ“ - რას ჰყვება გოგა მანია

ეზოთერიკოსი, გოგა მანია „დღის პოსტთან“ სხვადასხვა თემაზე საუბრობს, მათ შორის კი, ადამიანების მწუხარების გაზიარებისა და ბედის ჩაკეტვის თაობაზეც.„ძალიან მნიშვნელოვანია მედიტაცია, ლოცვა, ვარჯიში და სწორი კვება, რაც ძალიან მოქმედებს ასტრალურ სხეულზე. უმთავრესია, დილა პოზიტიურად დავიწყოთ. ადამიანს შეიძლება, საკუთარი თვალიც კი ეცეს. ყველაფერი არ შეიძლება იყოს ჯადო და მაგია, თუნდაც თვალი. ნებისმიერი სიტყვა ხსნის პორტალს. ძალიან მნიშვნელოვანია, რას ამბობთ და რა მიმართულებას მისცემთ საკუთარ თავს. არ უნდა თქვათ, რომ თვალი გაქვთ ან ვიღაცამ ჯადო გაგიკეთათ. საქმეზე რომ წახვალთ, არ თქვათ, რომ საქმე შეიძლება არ გამოვიდეს. ჩემზე იმდენი რამ იყო გაკეთებული, მაგრამ… ვცდილობდი, ეს ყველაფერი არ მომეტანა ჩემთან. არავითარ შემთხვევაში არ უნდა თქვა სიტყვა „ვიზიარებ“. გამოთქვით წუხილი. იზიარებთ იმას ნიშნავს, რომ იმ ვითარებას იზიარებთ. რომ წუხხართ და განიცდით, ეს იქნება სწორი. დაბადების დღეებსა და ქორწილებს რომ ულოცავენ ადამიანები ერთმანეთს, ეს ბედნიერება უნდა გაიზიაროთ და არა წუხილი.

საზოგადოება • 1743345178

„შეპყრობილი ვართ მუდმივი სენით, რომელსაც ჰქვია ცოდვა... მისგან გათავისუფლება მხოლოდ მარხვითა და ლოცვით შეიძლება“ - მეუფე შიო

"ჩვენც ვართ შეპყრობილი მუდმივი სენით, რომელსაც ჰქვია ცოდვა. ამ სენისგან გათავისუფლება შეიძლება მხოლოდ მარხვითა და ლოცვით. გათავისუფლება კი აუცილებელია, რადგან ცოდვა ანგრევს ჩვენს სულსაც და სხეულსაც და ხელს გვიშლის ქრისტეს სინათლის დანახვასა და ჭეშმარიტების შეცნობაში", - ამის შესახებ საპატრიარქო ტახტის მოსაყდრემ დღევანდელი ქადაგებისას განაცხადა. სენაკისა და ჩხოროწყუს მიტროპოლიტმა შიომ აღნიშნა, რომ ეკლესია, თავისი ლოცვებით, ღვთისმსახურებით, საიდუმლოებებით "გვკურნავს და განდევნის ჩვენს გულში ჩაბუდებულ ყოველგვარ არაწმინდებას"."სახელითა მამისათა და ძისათა და სულისა წმინდისათა.ძვირფასო მამებო, ძმებო და დებო, გილოცავთ დიდი მარხვის მეოთხე კვირას, რომელიც ეძღვნება ღირსი იოანე კიბისაღმწერლის ხსენებას. გადმოგცემთ სრულიად საქართველოს კათოლიკოს-პატრიარქ ილია II-ის ლოცვა-კურთხევას.დღეს წაკითხულ სახარებაში მოთხრობილია უფალ იესო ქრისტეს მიერ ეშმაკეული ყრმის განკურნების შესახებ. ამ საწყალი ბიჭის მამა ჯერ მივიდა მოციქულებთან და სთხოვა თავისი ვაჟის განკურნება. მათ ეს ვერ შეძლეს. ამის შემდეგ მამამ იმავე თხოვნით უფალ იესო ქრისტეს მიმართა. უფალმა მას უთხრა: "თუ შეგიძლია ირწმუნო, ყველაფერი შესაძლებელია მორწმუნისთვის" (მარკ. 9, 23). აცრემლებულმა მამამ მიუგო: "მწამს, უფალო, შეეწიე ჩემს ურწმუნოებას" (მარკ. 9, 24). და აი, მამის რწმენით მაცხოვარმა განდევნა ეს არაწმინდა სული და ბიჭი განკურნა. შემდეგ მოციქულებმა ჰკითხეს უფალს, რატომ ვერ შეძლეს მათ მისი განკურნება. უფალმა მიუგო: "ეს მოდგმა (იგულისხმება ბოროტი სულების მოდგმა), განიდევნება მხოლოდ მარხვით და ლოცვით" (მარკ. 9, 29). ძვირფასო ძმებო და დებო, არ არის შემთხვევით, რომ სწორედ დიდ მარხვაში წარმოგვიდგენს წმინდა ეკლესია სახარების ამ ეპიზოდს, ვინაიდან დიდი მარხვა ეკლესიამ დაგვიდგინა, როგორც სულისა და სხეულის სამკურნალო პერიოდი. ეკლესია თავისი ლოცვებით, ღვთისმსახურებით, საიდუმლოებებით გვკურნავს და განდევნის ჩვენს გულში ჩაბუდებულ ყოველგვარ არაწმინდებას, რომელიც გვტანჯავს.მადლობა ღმერთს, ჩვენ არ ვართ ისევე ეშმაკეულები, ისევე შეპყრობილი, როგორც ეს ყრმა იყო, შედარებით ჯანმრთელნი ვართ, რადგან შეგვიძლია აქ მოსვლა, რათა ვილოცოთ და ღმერთი ვადიდოთ; მაგრამ ჩვენც ვართ შეპყრობილი მუდმივი სენით, რასაც ჰქვია ცოდვა. ამ სენისგან გათავისუფლება შეიძლება მხოლოდ მარხვითა და ლოცვით. გათავისუფლება კი აუცილებელია, რადგან ცოდვა ანგრევს ჩვენს სულსაც და სხეულსაც და ხელს გვიშლის ქრისტეს სინათლის დანახვასა და ჭეშმარიტების შეცნობაში. რატომ? იმიტომ, რომ გვართმევს ადამიანურ ღირსებას და მადლს.ჩვენთვის კარგად ნაცნობია ცოდვის სიმწარე და დამანგრეველი შედეგები. ჩვენ ამას ვგრძნობთ, განვიცდით, მაგრამ გვაკლია სიმამაცე და შემართება, რომ ცოდვას დავუპირისპირდეთ, აღმოვფხვრათ ჩვენი ვნებები, მანკიერებები. ეს ცოდვა, როგორც დამღუპველი სენი, მოდის ეშმაკისგან, ბოროტი სულებისგან, რომლებიც ჩვენს სისუსტეში პოულობენ თავის ძალას. ამ ძალის დამარცხება კი შეიძლება მხოლოდ მარხვით და ლოცვით.და აი, როგორც გვასწავლიან წმინდა მამები, მარხვა და ლოცვა - ეს არის ორი ფრთა, რომელთა მეშვეობითაც სულს შეუძლია ამ ცხოვრებისეულ ამაოებაზე ამაღლდეს და მიისწრაფოს ღმერთისკენ, ზეცისკენ. ამ დიდ მარხვაშიც წმინდა ეკლესია გვთავაზობს, ეს ორი ფრთა შევისხათ იმისთვის, რომ გადავურჩეთ ყოველგვარ დაცემას და განსაცდელს.მაგრამ მარხვა და ლოცვა შრომას მოითხოვს, რაც მთელი ცხოვრების ღვაწლია. შრომის გარეშე არაფერი ეძლევა ადამიანს. მით უმეტეს, შრომის გარეშე შეუძლებელია სულის ცხონებაც. უფალმა კი ჩვენ შრომაზე გვაკურთხა. ამიტომ გვეხმარება შრომაში და ჩვენს ყველა კეთილ წამოწყებას წარმატებით აგვირგვინებს.ასე რომ, შეგვეწიოს უფალი ამ დიდი მარხვის პერიოდში, ჩვენს სინანულში, ლოცვასა და მარხვაში, ხოლო თუ ჩვენ შეგვისუსტდა ჩვენი ღვაწლი, ეს ნიშნავს, რომ რწმენაც შეგვისუსტდა; მაგრამ აქაც სასო არ უნდა წარვიკვეთოთ, რადგან ჩვენი შემწე არის უფალი და ამ შემთხვევაშიც უნდა გავიხსენოთ ამ ეშმაკეული ყრმის მამა დღევანდელი სახარებიდან და მისი ლოცვის სიტყვები: "მწამს, უფალო, შეეწიე ჩემს ურწმუნოებას". ამინ!ჩვენთან არს ღმერთი.დღეს, სრულიად საქართველოს კათოლიკოს-პატრიარქ ილია II-ის ბრძანებით, ჯილდოვდებიან შემდეგი სასულიერო პირები:იღუმენი იოანე (ოქროპირიძე) აღყვანილია არქიმანდრიტის ხარისხში და დაჯილდოებულია მიტრის ტარების უფლებით. აქსიოს!დეკანოზი მიქაელ რუხაძე დაჯილდოებულია მიტრის ტარების უფლებით. აქსიოს!დეკანოზი სერაპიონ სამსონიძე დაჯილდოებულია გამშვენებული ჯვრის ტარების უფლებით. აქსიოს!დეკანოზი ლევან კუტივაძე დაჯილდოებულია გამშვენებული ჯვრის ტარების უფლებით. აქსიოს!დეკანოზი ვახტანგ ბერიძე დაჯილდოებულია გამშვენებული ჯვრის ტარების უფლებით. აქსიოს!მღვდელ-მონაზონი ილია (თვალიაშვილი) დაჯილდოებულია ოქროს ჯვრით და აღყვანილია იღუმენის ხარისხში. აქსიოს!მღვდელი ზაქარია ინატაშვილი დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!მღვდელი კახაბერ ტვილდიანი დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!მღვდელი გიორგი ტუღუში დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!მღვდელი ირაკლი ებრალიძე დაჯილდოებულია ოქროს ჯვრით და აღყვანილია დეკანოზის ხარისხში. აქსიოს!გილოცავთ, ღმერთმა დაგლოცოთ და გაგახაროთ!", - აღნიშნა პატრიარქის მოსაყდრემ. 

საზოგადოება • 1743319427

ბათუმში ქართველმა მუსლიმებმა რამაზან ბაირამის დღესასწაული აღნიშნეს

მუსლიმური სამყაროს ერთ-ერთი მთავარი დღესასწაული რამაზან ბაირამი დღეს ქართველმა მუსლიმებმაც აღნიშნეს. სადღესასწაულო ლოცვა ბათუმის ცენტრალურ მეჩეთში დილით, 07:40 საათზე დაიწყო. მორწმუნეთა ნაწილმა რიტუალი მიმდებარე ქუჩაზე შეასრულა, რადგან მეჩეთი მსურველებს, წლებია, სადღესასწაულო დღეებში ვერ იტევს. მუსლიმი მრევლის მეორე ნაწილი ბათუმში იმ ტერიტორიაზე შეიკრიბა, სადაც ისინი ახალი მეჩეთის მშენებლობას ითხოვენ.„დღეს ჰაერივით გვჭირდება ერთიანობა, ურთიერთგაგება და მიტევება, ჩვენი მთავარი მოვალეობაა, ერთდროულად დავიცვათ რელიგიური და ეროვნული ღირებულებები“, – განაცხადა ქადაგებისას საქართველოს მუფთმა, ადამ შანთაძემ.ბათუმის ცენტრალურ მეჩეთში მორწმუნეებს დღესასწაული აჭარის მთავრობის თავმჯდომარემ და ავტონომიური რესპუბლიკის ხელისუფლების სხვა ოფიციალურმა პირებმა მიულოცეს.რამაზან ბაირამი ერთთვიანი მძიმე მარხვის დასასრულს აღინიშნება. ერთი თვის განმავლობაში მორწმუნეებს მზის ამოსვლიდან მზის ჩასვლამდე ეკრძალებათ ყოველგვარი საკვებისა და წყლის მიღება. ბაირამის დღეს, სადღესასწაულო ლოცვასთან ერთად, ისინი უხვად გასცემენ მოწყალებას, ერთმანეთს ტკბილეულით უმასპინძლდებიან და მოინახულებენ წინაპართა საფლავებს.რამაზან ბაირამის დღესასწაულთან დაკავშირებით 30 მარტს ბათუმის მუნიციპალური ავტობუსები მგზავრებს უფასოდ მოემსახურება.

საზოგადოება • 1743243559

29 მარტს მიცვალებულთა ხსენების დღეა - ლოცვა, რომელიც ამ დღეს უნდა წაიკითხოთ

აღდგომის მარხვა ყველაზე მნიშვნელოვან და მკაცრ მარხვად ითვლება, როგორც მართლმადიდებელ ქრისტიანებს, ასევე კათოლიკეებს შორის. მომარხულე ერთ–ერთი უმთავრესი ქრისტიანული დღესასწაულისთვის, აღდგომისთვის ემზადება.აღდგომის წინა დიდი დიდმარხვა წელს 3 მარტს დაიწყო და 7 კვირა გრძელდება, 20 აპრილამდე. წელს კათოლიკეები აღდგომას ერთი კვირით ადრე აღნიშნავენ. მთელი მარხვის პერიოდში იკითხება ეფრემ ასურის ლოცვა.29 მარტი მიცვალებულთა ხსენების დღეა.ლოცვა მიცვალებულთათვისსანატრელსა შინა დაძინებასა, საუკუნო განსვენება მიჰმადლე უფალო, სულთა მიცვალებულთა, მონათა და მხევალთა ღვთისა, ყოველთა მართლმადიდებლობით აღსრულებულთა ქრისტიანეთა და მიეც მათ საუკუნო ხსენება. საუკუნოდ იყოს ხსენება და კურთხევა მათი!7 აპრილი - ხარების დღესასწაული (ხსნილია თევზით).12 აპრილი ლაზარეს აღდგინება (ხსნილია თევზით).13 აპრილი ბზობა (ხსნილია თევზით).

კულტურა • 1743107942

"ჰონორარის 90 პროცენტს გაჭირვებულებს ურიგებდა. დიდი ბავშვი და სიკეთე იყო..." - "დოჩანა" 86 წლის გახდებოდა

ოთხი წლის წინ, თავის დაბადების დღეზე, 26 მარტს, უკვე კლინიკაში იყო. თავს შეუძლოდ გრძნობდა... ერთ-ერთი ბოლო სატელეფონო საუბარი უწმინდესთან ჰქონია... 2021 წლის 3 აპრილს აღესრულა და კეთილი ღიმილით მარადისობაში, ვაჟთან წავიდა...გურამ დოჩანაშვილი 86 წლის გახდებოდა...კლასიკოსმა პანდემიის პერიოდი აგარაკზე, მუხაწყაროში გაატარა... კვირაობით მასთან მოძღვარი, არქიმანდრიტი იოანე მჭედლიშვილი მიდიოდა, აღსარებას იბარებდა და აზიარებდა. როგორც სასულიერო პირი "პრაიმტაიმთან" ამბობს, ძალზე ჰუმანური მწერალი, თავის მოძღვარს სახლში მეზობლებს ახვედრებდა, რომ მათაც მისცემოდათ ზიარების საშუალება... რა საოცარი და მისაბაძი საქციელია... ცხონება ჩვენ "დოჩანას"...არქიმანდრიტი იოანე მჭედლიშვილი: ძალიან ძვირფასი იყო ბატონ გურამთან ერთად გავლილი პერიოდი. დაახლოებით ცხრა-ათი წელი, როდესაც ის სამების ლავრაში ცხოვრობდა. საოცარი დრო იყო. წარმოიდგინეთ, ორი გვერდიგვერდ ოთახი, სადაც ერთში - რეზო ჩხეიძე ცხოვრობს, მეორეში - გურამ დოჩანაშვილი. ამ ადამიანებთან ყოველდღიური ურთიერთობა და მეზობლობა მართლა საოცრება იყო.იქ კი გავიცანი, მაგრამ მერე ჩვენ ყოველდღიური ურთიერთობა გავაგრძელეთ. ჯერ ხომ ამ მასშტაბის ადამიანი იყო და შემდეგ, ოჯახის წევრად და პაპად მიმაჩნდა. შინაურულად ვგრძნობდი მასთან თავს. დიდი სიყვარული მაკავშირებდა.ბევრი რამის სწავლა შეიძლებოდა მისგან. რა ჩარჩა ჩემში და... ძალიან დიდი სიკეთე. მუდამ სხვებზე ფიქრობდა. როგორც მწერალიც, როგორ მიიღებდა მის ნაწარმოებს მკითხველი და შემდეგ, ფიქრი მოყვასზე. ყოველთვიურად ჰონორარის 90 პროცენტს და ზოგჯერ, ასსაც გაჭირვებულ ადამიანებს ურიგებდა. ჰყავდა გამორჩეული ოჯახები, მეგობრის თუ გარდაცვლილი მეგობრის ოჯახები და ცდილობდა ყოველთვიურად დახმარებოდა. განიცდიდა, დახმარებას თუ ვერ ახერხებდა.ღრმად მორწმუნე ქრისტიანი იყო. დილის ექვსი საათიდან იწყებდა ლოცვას. იხსენიებდა ყველას, ცოცხლებს და მიცვალებულებს.დიდი ბავშვი იყო, მორიდებული და მორცხვი. სიყვარულს რომ გამოხატავდნენ ადამიანები, იბადრებოდა, მორიდებული და მორცხვი ხდებოდა. იყო გულწრფელი. თავის დამსახურებად არ მიიჩნევდა თავის ნაწარმოებებს. ამბობდა კიდეც, თუკი რაიმე მოგწონთ ჩემს ნაწარმოებში, ღმერთის დაწერილია, და თუკი რამე არ მოგწონთ, მე დავწერეო. ყველაფერს ღმერთთან აკავშირებდა.პანდემია რომ დაიწყო, ტაძარში ვერ მოდიოდა, აგარაკზე მუხაწყაროში გადავიდა მეუღლესთან ერთად. ცხოვრობდა ძალიან უბრალო სახლში. კვირა არ გავიდოდა, რომ მათთან არ ავსულიყავი, აღსარება არ ეთქვა და არ ზიარებულიყო.საოცარი რა იყო იცით, მის ირგვლივ მცხოვრებ მეზობლებსაც ეძახდა, ვინც ავად იყო, რაღაც პრობლემა ჰქონდათ, მამაო მოდის, აღსარება თქვით და ეზიარეთო... ზოგს სახლიც ვუკურთხე. მასთან მხვდებოდნენ მისი მეზობლებიც, ვიბარებდი აღსარებას და ვაზიარებდი. ერთგვარი მისიონერიც იყო.ერთი მისი მეზობელი, ირაკლი ქართველიშვილიც ხშირად ეზიარებოდა და სხვათა შორის, ორი კვირის შუალედით, ერთ პერიოდში გარდაიცვალნენ ბატონი გურამი და ბატონი ირაკლი.ბოლო წიგნი, თავისი ტრილოგია, მუხაწყაროში დაასრულა... წმინდა მამებზე რაიმე თუ აინტერესებდა, სახარებისეული ტერმინები და განმარტებები თუ სჭირდებოდა, მთხოვდა, აბა, შენს ჯადოსნურ ტელეფონში ნახეო.ხვდებოდა მკითხველს, ახალგაზრდობას ეცნობოდა - სამეგრელოში, აჭარაში, კახეთში. ყველას უხაროდა ბატონ გურამთან შეხვედრა. მე მძღოლი ვიყავი (იცინის). ერთად დავდიოდით.რაც მახსოვს ამ შეხვედრებიდან არის ის, რომ ბავშვები იყვნენ თვალცრემლიანნი რომ ხედავდნენ საყვარელ მწერალს, წიგნიდან გადმოსულს...როდესაც ეკითხებოდნენ, რომელი წიგნი იყო მისთვის გამორჩეული, ყველას პასუხობდა, ნომერ პირველი წიგნი ბიბლიაა და ახალი აღთქმა და ყველას მის წაკითხვას ურჩევდა.ერთხელ ფრანკფურტის წიგნის ფესტივალზეც წამიყვანა.თავის ტრაგედიაზე არ საუბრობდა. აგვისტოში, როდესაც მისი შვილის გარდაცვალების პერიოდი მოახლოვდებოდა, იკეტებოდა და თავის დარდში იყო, ნაკლებად კონტაქტობდა."სამოსელი პირველი" სახარებისეულია, ღვთისგან შორს არც არის, თუმცა ეკლესიურობა და მაზიარებლობა განსაცდელის შემდეგ დაიწყო.ქალბატონი ნათელა და ბატონი გურამი განუყრელი მეგობრები იყვნენ. ქორწინების 50 წლის იუბილეზე, ჯვარი სამების საკათედრო ტაძარში მამა ელისემ დაწერათ.ჰქონდა განსაკუთრებული იუმორი, ყველაფერზე ხუმრობდა.ბოლოს, კლინიკაში ჭამაც შეწყვიტა. ტელეფონზე ვასაუბრე უწმინდესთან. იქნებ დაუჯეროს და რამე მიიღოს-მეთქი. გაამხნევა უწმინდესმა. რამდენიმე დღეში გულის უკმარისობით გარდაიცვალა კიდეც...ეპოქალური ადამიანი იყო.

საზოგადოება • 1743091365

რატომ ტირის ადამიანი ლოცვის დროს და რა ხდება ამ დროს

დიდი ძალა აქვს ლოცვას, მაგრამ ცრემლით ლოცვა, - ეს არის უდიდესი მადლის მატარებელი - ეს სიტყვები უწმიდესი და უნეტარესი სრულიად საქართველოს კათოლიკოს-პატრიარქის ილია II-ის 2008 წლის ქადაგებიდანაა. მისი თქმით, როცა ადამიანი ლოცვის დროს ტირის, მისი მფარველი ანგელოზი ღვთის წინაშე მისთვის ლოცულობს!„მართლაც, მძიმეა ცრემლი და ამავე დროს წმინდაა. წმინდა მამები ამბობენ: როცა ადამიანი ლოცვის დროს ტირის, მისი მფარველი ანგელოზი ღვთის წინაშე მისთვის ლოცულობს.მახსენდება, ჩვენი პირველი ვიზიტი იერუსალიმში, - დიდი დელეგაციით ვიყავით. როდესაც მაცხოვრის საფლავს მივუახლოვდით, მიმოვიხიდე და დავინახე, რომ ყველა ტიროდა, - ვერავინ იკავებდა ცრემლს. როდესაც გარეთ გამოვედით, ცალ-ცალკე ყველას ვკითხე, რა იყო თქვენი პირველი ლოცვა, რას სთხოვდით უფალს-მეთქი და ყოველმა მათგანმა მიპასუხა: სამშობლოს გადაარჩენა შევავედრეთო...“ - თქვა პატრიარქმა.

საზოგადოება • 1743015759

როგორ უნდა მიხვდეს ადამიანი, რომ ჯადო აქვს გაკეთებული

როგორ უნდა მიხვდეს ადამიანი, რომ ჯადო აქვს გაკეთებული? - ამ თემაზე ეზოთერიკოსი, გოგა მანია საუბრობს.„მოსულან ჩემთან ადამიანები, რომლებსაც ძალიან დიდი დაზიანებები ჰქონიათ, სწორედ სოციალურ ქსელებში ამოკითხული არასწორად ჩატარებული რიტუალების გამო. ერთხელ ჩემთან მოვიდა პაციენტი, ჩანთა ფულით ჰქონდა სავსე და მთავაზობდა, ბიზნესპარტნიორის ენერგეტიკულ დაზიანებას მთხოვდა. რა თქმა უნდა, უარი ვუთხარი. მე მძინავს მშვიდად და ბედნიერად ვგრძნობ თავს. როცა ეგზორციზმის რიტუალს ვაკეთებ, ნაწილი ამ ვიბრაციებისა, სიმძიმე გადმოდის ჩემზე, ზიანდება გამკეთებელი და ვზიანდები მეც.არ უნდა გეშინოდეთ არაფრის, გეშინოდეთ ადამიანების, რომლებიც ერთმანეთს ცუდ რაღაცებს უკეთებენ. როდესაც ადამიანი ამბობს, რომ მას თვალი აქვს, რომც არ ჰქონდეს, ის უკვე ამ სიტყვებით ვალს იღებს. ანუ ეს არის საკუთარი თავის დაზიანება. მნიშვნელოვანია ლოცვა, მედიტაცია, ბუნებასთან კონტაქტი.რაც შეეხება რიტუალებს, არსებობს დაბალვიბრაციული რიტუალები, რაც დამაზიანებელია. სანთლის ანთების დროს, ორი პორტალი იხსნება, – მარჯვენის და მარცხენის, თუ ადამიანი მზად არ არის, ამით დაიზიანებს საკუთარ თავს და გახდება შეპყრობილი“,- ამბობს ეზოთერიკოსი. 3 ნიშანი იმისა, რომ შესაძლოა ჯადო გაქვთენერგიის მოულოდნელი დაკარგვა: ადამიანი გრძნობს მუდმივ დაღლილობას და სისუსტეს, რაც არ აიხსნება სამედიცინო მიზეზებით.უიღბლობა და პრობლემები: მოულოდნელად იწყება პრობლემები პირად ცხოვრებაში, სამსახურში ან ფინანსებში, რაც ადრე არ არსებობდა.ფიზიკური სიმპტომები: გაურკვეველი წარმოშობის დაავადებები, რომლებიც არ ექვემდებარება ტრადიციულ მკურნალობას.