საზოგადოება • 1762620565

„ცუდი სიზმარი გადაივლის და ჯანმრთელები, ბედნიერები დაბრუნდებით სახლში“ – სანდრო ელოშვილმა 6 თვის ნინასთვის 143 ათას ლარზე მეტის მოგროვება შეძლო

რეჟისორი სანდრო ელოშვილი ხშირად ავრცელებს ინფორმაციას იმ ადამიანებზე, რომელთაც სხვადასხვა მიზეზების გამო, საზოგადოების ფინანსური მხარდაჭერა ესაჭიროებათ და არაერთი ოჯახი გაახარა.გამონაკლისი არც მისი ბოლო პოსტია, სადაც წერდა, რომ მისი მეგობრების შვილს, 6 თვის ნინა ჩაჩუას ჯანმრთელობის პრობლემების გამო ფინანსური დახმარება, 110 000 დოლარის ოდენობით ესაჭიროება.კეთილი ადამიანების დახმარებით სანდრო ელოშვილმა აღნიშნული თანხის ნაწილის მოგროვება შეძლო და ნინას მშობლებს დღეს 143 ათას ლარზე მეტი გადაურიცხა.  „დილა მშვიდობისა! პირველ რიგში ბოდიში, რომ გუშინ მთელი დღე გაწვალე და არ გითხარი რამდენი შეგროვდა, მხოლოდ შენს გამო, რადგანაც დაახლოებით ვხვდები რა რთული შეიძლება იყოს უცხო ქვეყანაში, შენს ექვსი თვის პატარასთან ერთად იყო კლინიკაში გამოკეტილი და შენი ყოველდღიურობა იყოს შენი პატარა პრინცესის ანალიზები, პასუხები, ფურცლები, საბუთები, წამლები, პალატები, ექიმები… იმის მაგივრად, რომ შენს თბილისში, ყოველ საღამოს ბავშვთან ერთად სეირნობდე… ამიტომაც მინდოდა ამ ყველაფრისთვის ისეთი ფორმა მიმეცა, თუნდაც რამოდენიმე წუთით, დილით, რაც ყოველთვის რაღაც ახლის და იმედის ნიშანია, ბედნიერებისგან გაგეღიმოს! შენი მეგობრების და ოჯახის წევრების მაგივრადაც მე გიხდი ბოდიშს, ისინი ყველაფრის საქმის კურსში იყვნენ, მაგრამ ავიყოლიე და ჩემი თხოვნით დაგიმალეს, თუმცა დამიჯერე, განურჩევლად სქესისა, ცრემლებს ვერ იკავებდნენ, როცა იგებდნენ თუ ხედავდნენ, თუ როგორ მიიტანა შენი ამბავი გულთან ათასობით ადამიანმა… მართალია ეს სრული თანხა არ არის და მესმის 110 000 $-მდე კიდევ ბევრია, მაგრამ ზუსტად ვიცი სიმშვიდეს მოგგვრის და იმ მოტივაციით და ენერგიით აგავსებს, რომელიც ასე გჭირდება ახლა! დამიჯერე, ცალკე სიამოვნებაა იმის წაკითხვა, რაც წერია ჩარიცხვების დანიშნულებაში, რამდენი კეთილი სურვილი და ლოცვაა შენთვის სრულიად უცხო ადამიანებისგან… ეს ცუდი სიზმარი რომ გადაივლის და ჯანმრთელები და ბედნიერები დაბრუნდებით სახლში, მერე მთელი ერთი დღე გამოვყოთ და წავიკითხოთ, რადგანაც ამას ერთი და ორი საათი არ ეყოფა!  სიამოვნებით შევხედავდი ახლა შენს სახეს, როცა შეტყობინებები მოგივა თანხის ჩარიცხვასთან დაკავშირებით, მაგრამ მხოლოდ წარმოდგენით უნდადავკმაყოფილდე… რა თქმა უნდა ვაგრძელებთ საჭირო თანხის შეგროვებას, რაც სიმართლე გითხრა შეუძლებელი მეგონა, მაგრამ გუშინ დავრწმუნდი, რომ დედამიწაზე ბევრი კარგი და კეთილშობილი ადამიანი ცხოვრობს, განსაკუთრებით კი საქართველოს ტერიტორიაზერომელსაც შეუძლია გულთან ისე მიიტანოს სხვისი ტკივილი, თავისად გაითავისოს და მარტო არ დატოვოს… მოკლედ, ამ დილა უთენია იმის თქმა მინდა რომ გირიცხავ 143538.5 ლარს და ზუსტად იცოდე, ყველაფერი კარგად იქნება! პ.ს. აბა ვნახოთ დილამდე კიდევ როგორ გაწვალებ “, – წერს სანდრო ელოშვილი.  თი ბი სი – #GE32TB7609945061600014საქართველოს ბანკი – #GE54BG0000000161381454PayPal – paypal.me/AlexanderEloshviliპირადი ნომერი: 01017019229 ალექსანდრე ელოშვილი

საზოგადოება • 1762617817

მუდმივად ნუ გვთხოვთ, დავდგეთ დებატების, რომელიღაცა მხარეს, გარწმუნებთ, წაგებული დარჩებით, ხმას არ ვიღებთ იმიტომ, რომ პროტესტის მხარეს ბევრი ჩვენთვის ძვირფასი ადამიანი დგას - ანდრია ჯაღმაიძე

10-15 წელია, ეკლესიას ტელევიზიებიდან „ენჯეოები“, ოპოზიცია და ა.შ. მუდმივად გვთხოვდნენ, წინასაარჩევნოდ არ გაგვეკეთებინა პოლიტიკური შეფასებები, რადგანაც ეკლესიას დიდი გავლენა აქვს და არ გავმხდარიყავით მხარე, ვაშენებთ სეკულარულ სახელმწიფოს და ეკლესიამ ამაში თავისი შეხედულებისამებრ საზოგადოებაში გავლენა არ მოახდინოსო, – ამის შესახებ საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა, ანდრია ჯაღმაიძემმისი თქმით, ბოლო პერიოდში, საპატრიარქო ხშირად აკეთებს განცხადებებს და მოუწოდებს სასულიერო პირებს, საზოგადოებაში პოლარიზების გამომწვევი განცხადებები არ უნდა კეთდებოდეს სასულიერო პირების მხრიდან.„შეფასებებს როდესაც არ ვაკეთებთ, განა იმიტომ არ ვაკეთებთ, რომ ვინმეს მტრობა გვაქვს განზრახული, არამედ არ ვეთანხმებით ბევრ შეფასებას, რომელიც კეთდება პოლიტიკოსების მხრიდან. არ ვეთანხმებით მაგალითად, დასკვნას, რომ არჩევნები გაყალბდა. პატრიარქმა არჩევნები მიულოცა „ქართულ ოცნებას” და მასში მონაწილეობა მიიღო. რა გავაკეთოთ? ეკლესია კი არ დუმს, ეკლესიამ გააკეთა არაერთი განცხადება იმ დღეებშიც, არაერთი განცხადება გააკეთდა მშვიდობის მოწოდებისკენ“, – განაცხადა ანდრია ჯაღმაიძემ.მისი თქმით, სასულიერო პირები მთელი ღამე იდგენენ ქაშვეთის ეკლესიაში და ეხმარებოდნენ გაზით და წყლით დაზარალებულ ადამიანებს.„ეს ყველას დაავიწყდა. მაშინ დოროთე სად იყო? სად იყო დოროთე, როდესაც პატრიარქს 2017-2019 წლებში ლანძღავდნენ, ყველაზე მეტად მაშინ სჭირდებოდა საპატრიარქოს და პატრიარქის პოზიციას დაცვა. ერთი არ გვახსოვს მისი გამოსვლა და პატრიარქის მხარდამჭერი განცხადება. ახლა, როცა პატრიარქს აღარ სჭირდება დაცვა, ახლა გაახსენდა მას ის მომიტინგეები. სად იყო მაშინ, როცა ვიდექით ქაშვეთთან და ვეხმარებოდით ხალხს. მუდმივად ნუ გვთხოვთ, დავდგეთ პოლიტიკური დებატების, რომელიღაცა მხარეს, თორემ გარწმუნებთ, წაგებული დარჩებით. ბევრი რაღაც არ მოგვწონს, მაგრამ ხმას არ ვიღებთ იმიტომ, რომ პროტესტის მხარეს დგას ბევრი ადამიანი, რომელსაც პატივს ვცემთ, რომელიც ჩვენთვის ძვირფასია. ეკლესია ყოველთვის ცდილობდა, ყოფილიყო ორივე მხარისთვის სალაპარაკო პლატფორმა. დოროთემ რაც გააკეთა – იმ ხალხს, ვინც უსმენს დოროთეს, შთაბეჭდილება დარჩა, რომ ეკლესია მათი მტერია. სინამდვილეში ეს ასე არ არის. ყველა განცხადებას, რომ არ მოსწონს „ქართული ოცნების“ პოლიტიკა, მოაყოლა ეკლესიის შეურაცხყოფა. დაიწყო დაბლიდან და ავიდა სინოდის წევრებამდე და პატრიარქის გამორჩეულ მოსაყდრემდე. რვა წელია მოსაყდრე პატრიარქის ლოცვა-კურთხევებს ასრულებს და ახლა გამოიძია დოროთემ თურმე, რომ პატრიარქს არ უსმენს და შეურაცხყოფას აყენებს ვინმე საპატრიარქოში. პირველ შეხვედრაზე ეს ვუთხარით ჩვენ დოროთეს და ტყუილი გამოიტანა გარეთ. თავად ამბობს, ჩემთვის არ უთქვამთო, პოლიტიკური განცხადებები არ გააკეთოო, მაგრამ ამისთვის დამიბარესო. გესმით ეს რას ნიშნავს? ამ წინადადების თავი და ბოლო გესმით? ერთში ერთ ამბობს და მეორეში – სხვა. გაუფრთხილდით ადამიანს, ნუ აქეზებთ ასეთ რაღაცაზე, დაღუპვის გზაზე დგას“, – განაცხადა მამა ანდრია ჯაღმაიძემ.

საზოგადოება • 1762534867

ნოდიკო ტატიშვილი ოჯახურ კადრებს გვიზიარებს - მომღერალი პირველი შვილის მამა გახდა

მომღერალი, ნოდიკო ტატიშვილი მამა გახდა. - სასიხარულო ინფორმაციას ის სოცქსელში აზიარებს.მან შვილს კესანე დაარქვა.,,დაიბადა მამას გოგო კესანე"-წერს ნოდიკო და უამრავ მილოცვას იღებს.ნახეთ, ოჯახური კადრები:

საზოგადოება • 1762506574

მომღერალი, ნოდიკო ტატიშვილი მამა გახდა

მომღერალი, ნოდიკო ტატიშვილი მამა გახდა. - სასიხარულო ინფორმაციას ის სოცქსელში აზიარებს. მან შვილს კესანე დაარქვა.,,დაიბადა მამას გოგო კესანე"-წერს ნოდიკო და უამრავ მილოცვას იღებს.

რჩევები • 1762449900

6 ნოემბერს იღება ზეცის კარიბჭე და ღვთისმშობელი ისმენს ყოველ ვედრებას - ეზოტერიკოსების რჩევები

6 ნოემბერს მართლმადიდებელი მორწმუნეები განსაკუთრებული პატივისცემით სცემენ თაყვანს ღვთისმშობლის სასწაულმოქმედ ხატს „ყოველთა მწუხარეთა სიხარული“.ეს წმინდა ხატი დიდი ხანია განიხილებოდა ნუგეშის, განკურნებისა და ზეციური დახმარების წყაროდ ცხოვრების ყველაზე რთულ მომენტებში. როგორც ხალხურ, ასევე საეკლესიო ტრადიციებში ამ დღეს განსაკუთრებული მნიშვნელობა აქვს: მორწმუნეები მიმართავენ ყოვლადწმინდა ღვთისმშობელს ლოცვით ჯანმრთელობისთვის, კეთილდღეობისთვის და მწუხარებისგან განთავისუფლებისთვის. ჩვენი წინაპრები თვლიდნენ, რომ ამ დღეს იღება ზეცის კარიბჭე და ღვთისმშობელი ისმენს ყოველ ვედრებას, პასუხად კი სიმშვიდეს, სინათლეს და მადლს უგზავნის.ძველად, 6 ნოემბერი ღვთისმშობლის სასწაულმოქმედი ხატის „ყოველთა მწუხარეთა სიხარულის“ პატივსაცემად აღინიშნებოდა განსაკუთრებული პატივისცემითა და მრავალი ლამაზი წეს-ჩვეულებით. ეს დღე წყალობის, თანაგრძნობისა და შინაგანი განწმენდის დროდ ითვლებოდა, რადგან თავად ხატი სიმბოლურად წარმოადგენდა ნუგეშს ყველა ტანჯულისა და გაჭირვებულისთვის. ხალხს სჯეროდა, რომ ამ დღეს ღვთისმშობლისადმი ლოცვა სულს ტვირთს ხსნიდა, სნეულებებს კურნავდა და სახლს უბედურებისგან იცავდა.განსაკუთრებული ყურადღება ექცეოდა ოჯახურ და ქორწინების ტრადიციებს. 6 ნოემბერს გაუთხოვარი გოგონები ბედნიერებისა და ნიშნობის რიტუალებს ასრულებდნენ. ითვლებოდა, რომ ღვთისმშობელი აკურთხებდა გულწრფელი ქალების ლოცვებს და ეხმარებოდა მათ ღირსეული პარტნიორის პოვნაში. მკითხაობისთვის გოგონები იკრიბებოდნენ ხანდაზმული ქალის სახლში, რომელიც იცნობდა უძველეს რიტუალებს: ისინი მას საჩუქრებსა და ნუგბარს მიუტანდნენ და სანაცვლოდ მისგან ბრძნულ რჩევებსა და მხარდაჭერას იღებდნენ.დღეს შრომასა და კეთილ საქმეებში ატარებდნენ, საღამო კი მხიარულ შეკრებებად იქცეოდა სიმღერებით, ხელნაკეთი ნივთებითა და მკითხაობით. ახალგაზრდა მამაკაცები ხშირად სტუმრობდნენ გოგონებს, რადგან ითვლებოდა, რომ 6 ნოემბერი იყო დღე, როდესაც ბედს შეეძლო გულების გაერთიანება. ამრიგად, „ყველა მწუხარეთა სიხარულის“ ხატის დღესასწაული აერთიანებდა რწმენას, იმედს და სიცოცხლის სიხარულს, ახსენებდა ადამიანებს სიკეთის ძალასა და ზეციური მფარველობის შესახებ.რა აკრძალვები არსებობდა 6 ნოემბერს, ღვთისმშობლის „ყოველთა მწუხარეთა სიხარულის“ ხატის დღესასწაულზე?6 ნოემბერს, როდესაც მართლმადიდებლები პატივს სცემენ ღვთისმშობლის „ყოველთა მწუხარეთა სიხარულის“ ხატს, ჩვენი წინაპრები იცავდნენ მრავალ აკრძალვას, რათა დაეცვათ სახლი და სული ზიანისგან. ეს დღე განსაკუთრებულად ითვლებოდა - განწმენდის, მონანიებისა და შინაგანი წონასწორობის დროდ. ამიტომ, რწმენის თანახმად, ნებისმიერ დაუდევარ ქმედებას შეეძლო სულიერი ჰარმონიის დარღვევა და პრობლემების მოტანა.მთავარ აკრძალვად ითვლებოდა სიამაყის და სხვების მიმართ უგულებელყოფის გამოვლენა. ხალხი ამბობდა, რომ ამ დღეს ღვთისმშობელი ყველა გულს ხედავს და სიამაყეს შეუძლია შუამდგომლობის გზა გადაუღობოს. ამიტომ, ისინი ცდილობდნენ, სიტყვებით უფრო ნაზები, ქმედებებით უფრო თავშეკავებულები და კეთილ საქმეებში უფრო გულუხვები ყოფილიყვნენ.ადამიანები ასევე თავს არიდებდნენ უცხო ადამიანებისგან საჩუქრებისა და ნუგბარის მიღებას. ითვლებოდა, რომ საჩუქრებს შეეძლოთ უარყოფითი ენერგიის, ბოროტი თვალის გადაცემა ან ოჯახში უთანხმოების გამოწვევაც კი. უბედურების თავიდან ასაცილებლად, არასასურველ შესაწირავს თავაზიანად უარყოფდნენ ან კარის გარეთ ტოვებდნენ.ყოველდღიურ ცხოვრებაში განსაკუთრებული სიფრთხილე იყო საჭირო: ჭურჭლის გატეხვა, დანების და განსაკუთრებით სარკეების დავარდნა აკრძალული იყო. ნებისმიერი ბზარი ან ნატეხი მოახლოებული პრობლემების ნიშნად ითვლებოდა. ითვლებოდა, რომ ამ დღეს სახლში წესრიგის დაცვას მთელი მომავალი წლის განმავლობაში მშვიდობა, კეთილდღეობა და ღვთის კურთხევა მოჰქონდა. ნიშნები, რომლებსაც განსაკუთრებით უნდა მიაქციოთ ყურადღება 6 ნოემბერს6 ნოემბერს, ღვთისმშობლის სასწაულმოქმედი ხატის „ყველა მწუხარეთა სიხარულის“ თაყვანისცემის დღეს, ჩვენი წინაპრები განსაკუთრებით ითვალისწინებდნენ ბედისწერის ნიშნებს. ამ დღეს ნებისმიერი მოვლენა, თუნდაც ყველაზე უმნიშვნელო, შეიძლებოდა აღქმულიყო ზემოდან მომდინარე გზავნილად - გაფრთხილებად ან, პირიქით, კეთილდღეობის ნიშნად.ეს დღე ყველაზე ხელსაყრელად ითვლებოდა სახლთან დაკავშირებული ნებისმიერი წამოწყებისთვის: სახლის ყიდვა-გაყიდვა, სახლის აშენება ან გადაადგილება. ითვლებოდა, რომ 6 ნოემბერს დადებული კონტრაქტები ახალ მფლობელებს მშვიდობას, კეთილდღეობას და ბედნიერებას მოუტანდა.სახლში შემთხვევით თეფშის გატეხა ცუდის ნიშანი იყო. ხალხს სჯეროდა, რომ ასეთი ნიშნები ოჯახში გარდაუვალ პრობლემებს ან დაავადებებს წინასწარმეტყველებდა. ამიტომ, 6 ნოემბერს ადამიანები ცდილობდნენ თავი აერიდებინათ ხმაურის, ჩხუბისა და პრობლემური პროექტების თავიდან აცილებას.ორმოში მოულოდნელი ჩავარდნა გარდაუვალი უკეთესობისკენ ცვლილებების სიმბოლოდ განიმარტებოდა. ეს უხერხული შემთხვევა იღბლის მაცნედ ითვლებოდა, განსაკუთრებით თუ ადამიანი უვნებლად გადარჩებოდა - ეს ნიშნავდა, რომ ბედი მათთვის ახალ, ნათელ დასაწყისს ამზადებდა.ძველად, ამ დღეს სარკეებს განსაკუთრებით იცავდნენ, რადგან სამყაროებს შორის საზღვრად ითვლებოდა. გატეხილ სარკეს შეეძლო უიღბლობის „გათავისუფლება“ და ოჯახში უთანხმოების გამოწვევა. ამიტომ, ყველა ამრეკლავი ზედაპირი ფრთხილად იწმინდებოდა.თეთრ ძაღლთან შეხვედრა ბედნიერებას და დღეგრძელობას გვპირდებოდა. თუ ცხოველი ადამიანს გაჰყვებოდა, ამბობდნენ, რომ ის მფარველ ანგელოზს მოჰყავდა და სახლში მალე სიხარული, ფული ან კარგი ამბავი მოვიდოდა.სოფლის თავზე ცაზე ყვავების სიმრავლე ზამთრის მოახლოების ნიშნად ითვლებოდა. რაც უფრო ხმამაღლა ყიოდნენ და რაც უფრო უახლოვდებოდნენ სახლებს, მით უფრო მალე იყო მოსალოდნელი თოვლი და ძლიერი ყინვები.

საზოგადოება • 1762421505

ლოცვა, რომელიც დღეს უნდა წაიკითხოთ

6 ნოემბერი ხატის “ყოვლთა მწუხარეთა სიხარული” დღესასწაულია.ლოცვა, რომელიც უნდა წაიკითხოთ:“დედოფალო, ჩემო სახიერო, სასოო ჩემო ღმრთისმშობელო. ობოლთა მოყუარეო და ღარიბთა შუამდგომელო. მწუხარეთა სიხარულო და ჩაგრულთა მფარველო! ხედვედ ჭირსა ჩემსა, ხედვედ მწუხარებასა ჩემსა! შემეწიე მე, ვითარცა უძლურსა. გამომზარდე მე, ვითარცა ღარიბი. შეურაცხებაი ჩემი აღიღე და დახსენ იგი ვითარცა გენებოს; რამეთუ არა მივის სხუაი შემწე, თვინიერ შენსა, არა მივის სხუაი შუამდგომელ და არცა სახიერი ნუგეშინისმცემელი, მხოლოდოო შენ, ჰოი ღმრთისმშობელო, რამეთუ შენ მცავ მე და მიფარავ მე, უკუნითი უკუნისამდე, ამინ”

საზოგადოება • 1762358310

„ღმერთს შევევედრე, დედა გავმხდარიყავი..." - ნანუკა გულუა ემოციურ წერილს აქვეყნებს

ტელეწამყვანი, ნანუკა გულუა, ცოტა ხნის წინ იუბილარი იყო. მან  სოციალურ ქსელში სამადლობელი წერილი გამოაქვეყნა:„37 წლის რომ გავხდი, ღმერთს შევევედრე, დედა გავმხდარიყავი… მაშინ არც კახას მსგავსი ადამიანი მინატრია და ვერც მრავალშვილიან დედობას წარმოვიდგენდი, მაგრამ ჩემი ლოცვა ამიხდა… ლოცვას დიდი ძალა აქვს, მეგობრებო, სიკეთისა და სიყვარულის უნარს ძალიან ახლოს მიჰყავხარ ღმერთთან!მადლობა, რომ, ჩემი დაბადების დღის შემდეგ, განსაკუთრებულად ვარ გადავსებული ზღვა სიყვარულით და კეთილი სურვილებით! არ სრულდება მილოცვები, ვერ ვერევი ვერც კითხვას და ვერც პასუხის გაცემას… როგორ დავიმსახურე?! როგორ ?!" - წერს ნანუკა გულუა.            View this post on Instagram                       A post shared by Nanuka Gulua (@nanukagulua)

რჩევები • 1762286421

7 ფარული ნიშანი, რომ ჯადო გაქვთ - რჩევები ეზოტერიკოსებისგან, დაბინძურებული ველიდან თავის დასაღწევად

ზოგჯერ ცხოვრება თითქოს უარესდება: თქვენი ჯანმრთელობა უარესდება, თქვენი ურთიერთობები არსაიდან კამათში იხლართება და ფული თითქოს ჰაერში ქრება. ჩვენ ვადანაშაულებთ დაღლილობას, შემოდგომას და სტრესს - მაგრამ თუ პრობლემები ერთმანეთის მიყოლებით მოდის, ეს შეიძლება უბრალოდ გარემოებები არ იყოს. ენერგეტიკული ბლოკი და ბოროტი თვალი რეალობაა, რომელსაც ბევრი ადამიანი აწყდება ამის გაცნობიერების გარეშე.როგორ გაწმინდოთ თქვენი ენერგია ახალი წლის წინ, რათა ჰარმონიასა და სინათლეში იზეიმოთ.7 ფარული ნიშანი, რომ ჯადო გაქვთ1. ჯანმრთელობის აუხსნელი პრობლემებითავს სუსტად გრძნობთ, უძილობა გაქვთ და არტერიული წნევა მერყეობს, მაგრამ ექიმები უბრალოდ მხრებს იჩეჩავენ - თქვენი ანალიზის შედეგები იდეალურია. სიმპტომები ქრება და შემდეგ ბრუნდება ყოველგვარი აშკარა მიზეზის გარეშე. ზოგჯერ დაავადებები მოულოდნელად ჩნდება: გაციება, ანთება, ქრონიკული პრობლემების გამწვავება - და ეს ყველაფერი ჯაჭვურ რეაქციას ჰგავს.თუ სამედიცინო მკურნალობა არაეფექტურია, ღირს დაფიქრება: შესაძლოა თქვენი სხეული დასუსტებულია არა მხოლოდ ფიზიკურად, არამედ ენერგეტიკულადაც. ჯადო ხშირად „ესხმის თავს“ სხეულს, არღვევს ბიოველს და ასუსტებს ბუნებრივ დაცვას.2. უიღბლობის სერია, რომელიც არასდროს მთავრდებაადრე ყველაფერი შეუფერხებლად მიდიოდა, მაგრამ ახლა თითქოს ვიღაცამ „ქაოსის“ ღილაკს დააჭირა. ფული თითებიდან გიცურდებათ, აღჭურვილობა ფუჭდება, გეგმები ინგრევა და პატარა რაღაცებიც კი კატასტროფებად იქცევა. უსიამოვნებები ერთმანეთის მიყოლებით ხდება და ცხოვრების ყველა სფეროს მოიცავს.ასე მოქმედებს ენერგეტიკული დისბალანსი - როდესაც იღბალი ზურგს აქცევს და ადამიანი, როგორც ჩანს, უიღბლობის მანკიერ წრეში იჭედება.3. პიროვნებისა და ქცევის მკვეთრი ცვლილებებითქვენ დაბალანსებული იყავით, მაგრამ მოულოდნელად გაღიზიანებული, ჩაკეტილი ან წუწუნა გახდით აშკარა მიზეზის გარეშე. ან, პირიქით, თქვენი ინტერესი ცხოვრების მიმართ გაქრა და თქვენს საყვარელ საქმიანობასაც კი აღარ მოაქვს სიხარული. ხშირად ჩნდება შფოთვის გრძნობა, კატასტროფის წინათგრძნობა და უსაფუძვლო შიში.ახლობლები ამჩნევენ: „თითქოს შეიცვალეთ“. და ეს სიმართლეა - წყევლის გავლენით, ენერგია ამახინჯებს შინაგან მდგომარეობას და ადამიანი კარგავს კავშირს საკუთარ თავთან.4. პრობლემები სახლში: ტექნიკა ფუჭდება, მცენარეები ჭკნება, ცხოველები მოუსვენრები ხდებიანროდესაც ადამიანის გარშემო სივრცე ნეგატივით არის დაბინძურებული, ის რეაგირებს გაუმართაობით. ნათურები მოულოდნელად იწვის, ტექნიკა ფუჭდება, უპრეტენზიო ყვავილებიც კი ჭკნება. შინაური ცხოველები კი მოუსვენრები ხდებიან - კატა კუთხეში იმალება, ძაღლი უმიზეზოდ წუწუნებს, უარს ამბობს ოთახში შესვლაზე.ეს ქცევა ერთ-ერთი ყველაზე საიმედო მაჩვენებელია: სახლში ენერგია ირღვევა და სასწრაფოდ საჭიროებს გაწმენდას.5. კონფლიქტები და სიცივე ურთიერთობებშიოჯახური ჰარმონია ირღვევა, საუბრები კამათში გადაიზრდება, ოდესღაც საყვარელი ჩვევები გამაღიზიანებელი ხდება. ისეთი შეგრძნებაა, თითქოს საყვარელი ადამიანები ერთმანეთისთვის უცხოები ხართ.წყევლა, რომელიც იწვევს უთანხმოებას ან მარტოობას, ზუსტად ასე მოქმედებს: ის ანადგურებს ემოციურ კავშირებს, აიძულებს ადამიანებს დისტანცირებას. შერიგების გულწრფელი მცდელობებიც კი ახალ წყენას იწვევს - თითქოს ვინმე უბიძგებს მათ კონფლიქტში.6. უძირო ფინანსური ორმოხელფასი მოდის, მაგრამ ფული მაინც არ არის საკმარისი. გაუთვალისწინებელი ხარჯები ერთმანეთის მიყოლებით მოდის: ავარიები, გადასახადები, დაავადებები. ან სამსახურში საქმეები ჩერდება, პარტნიორები იმედგაცრუებულები არიან, ბონუსები მცირდება.ასე მოქმედებს წყევლა, რომელიც სიღარიბეს იწვევს: ის ქმნის სიტუაციებს, როდესაც თანხები წყალივით გადის  თითებს შუა და სანამ ადამიანი ენერგიას არ გაწმენდს, ფინანსური ნაკადი დაბლოკილი რჩება.7. მოუსვენარი სიზმრები, უძილობა ღამით ენერგეტიკული დაცვა სუსტდება და თუ ადამიანი დაწყევლილია, ეს სიზმრებში ვლინდება. განმეორებადი კოშმარები, ძილის დამბლა, ვინმეს ახლოს დგომის ან მკერდზე ზეწოლის შეგრძნება - ეს მხოლოდ ქვეცნობიერის ხრიკები არ არის.თუ ღამით დაღლილობას გრძნობთ, უმიზეზოდ შიშს გრძნობთ და ცხოველები ღამით მოუსვენრად იქცევიან, დროა, აურა გაწმინდოთ.როგორ გავწმინდოთ ენერგია და აღვნიშნოთ ახალი წელი ნეგატივის გარეშეთუ საკუთარ თავს ამ ნიშნებიდან სულ მცირე რამდენიმეში ამოიცნობთ, ნუ შეშინდებით. შეგიძლიათ ენერგეტიკული გაწმენდა ჩაატაროთ მაგიის გარეშე, არამედ მხოლოდ ბუნებრივი და სულიერი ძალების დახმარებით.უმარტივესი მეთოდი მარილია. გახსენით მუჭა ზღვის მარილი წყალში და გადაისხი თავიდან ფეხებამდე, წარმოიდგინეთ, როგორ ირეცხება სიბნელე და ქრება კანალიზაციაში. გააკეთეთ ეს სამი საღამოს განმავლობაში. ასევე შეგიძლიათ მიიღოთ აბაზანა მარილით და კედრის, როზმარინის ან ფიჭვის ეთერზეთის წვეთით - ისინი აღადგენენ ენერგიას.ცეცხლით წმენდააანთეთ ეკლესიის სანთელი და შემოიტარეთ საათის ისრის მოძრაობის მიმართულებით თქვენს სხეულზე, გონებაში თქვით: „ყველა ბოროტება იწვის, ყველა სიკეთე რჩება“. გააკეთეთ ეს ზედიზედ შვიდი დღის განმავლობაში, განსაკუთრებული ყურადღება მიაქციეთ თავსა და მზის წნულს.კვერცხით წმენდაქათმის ახალი კვერცხი თქვენს სხეულზე შოიტარეთ საათის ისრის მიმართულებით, ზემოდან ქვემოთ. შემდეგ, გატეხეთ წყალში. თუ მღვრიეა, აქვს „ძაფები“ ან ბუშტები, გაიმეორეთ გაწმენდა. გააგრძელეთ მანამ, სანამ წყალი გამჭვირვალე არ დარჩება.სახლის დალაგებააანთეთ სალბი, საკმეველი ან ღვია და იარეთ თითოეულ ოთახში, განსაკუთრებით კუთხეებში. გააღეთ ფანჯრები - კვამლს ნეგატივი გააყოლეთ. უმჯობესია ამის გაკეთება შუადღისას ან მზარდი მთვარის დროს.ლოცვები და აფირმაციებისიტყვებს დიდი ძალა აქვთ. წაიკითხეთ უფლის ლოცვა ან გაიმეორეთ აფირმაციები„მე სავსე ვარ სინათლითა და სიწმინდით.“„არცერთ ბოროტებას არ აქვს ჩემზე ძალაუფლება.“„ჩემი ენერგია ძლიერი და დაცულია.“წარმოთქვით ისინი დილით და საღამოს, საკუთარი ძალის რწმენით - და სინათლე აუცილებლად დაბრუნდება თქვენს ცხოვრებაში.

რჩევები • 1762200559

ნოემბრის თვეში მიცვალებულები ოჯახის წევრებს სტუმრობენ - ეზოტერიკოსების მოსაზრება

ნოემბერი არის დრო, როდესაც სამყარო განსაკუთრებული ენერგიით არის მოცული. ითვლება, რომ ამ თვეში  ცოცხლებსა და მიცვალებულებს შორის უხილავი ფარდა უფრო თხელი ხდება, რაც ჩვენი წინაპრების სულებს საშუალებას აძლევს, შეგვხდნენ და შეგვახსენონ თაობებს შორის მარადიული კავშირი. ეს თვე ინახავს უძველესი რიტუალების, მისტიკური ტრადიციებისა და საუკუნეების განმავლობაში გადაცემული წმინდა მნიშვნელობების საიდუმლოებებს. უძველესი შეხედულებების თანახმად, ნოემბერში ბუნება თითქოს ჩერდება და ადგილს უთმობს სიმშვიდესა და სიჩუმეს. ითვლება, რომ სწორედ ამ დროს ხდება სამყაროებს შორის საზღვარი უფრო თხელი და გამტარი: წინაპრების სულებს შეუძლიათ ერთი წუთით დაუბრუნდნენ ცოცხლებს, რათა შეახსენონ მათ თაობებს შორის მარადიული კავშირი. ამ მისტიკური პერიოდის განმავლობაში, გარდაცვლილები, სავარაუდოდ, ხალხს მიმართავენ, მოაქვთ ნიშნები, რჩევები და ზოგჯერ გაფრთხილებებიც კი, ეხმარებიან მათ საბედისწერო გადაწყვეტილებებში ან აკურთხებენ ახალი წამოწყებებისთვის.ტრადიციები და რიტუალები: რა უნდა გააკეთონ ცოცხლებმა ნოემბერი არის ხსოვნისა და სინათლის დრო, როდესაც ცოცხლები პატივს მიაგებენ მათ, ვინც მიწიერი სამყარო დატოვა. სხვადასხვა ტრადიციებში, ამ დღეს თან ახლავს რიტუალები, რომლებიც მიზნად ისახავს თაობებს შორის სულიერი კავშირის განმტკიცებას: სასაფლაოებზე სანთლებს ანთებენ, საფლავებს ყვავილებით ამშვენებენ და მიაქვთ ნუგბარი. ეს სიმბოლურად გამოხატავს მადლიერებას და სიყვარულს, რომელიც ერთგვარ ხიდს წარმოადგენს სამყაროებს შორის.მაგიდასთან ცარიელი სკამის დადგმა განსაკუთრებულ ჩვეულებად ითვლება - წინაპრის სულის მოწვევის ნიშნად. ანთებული სანთლები ქმნის წმინდა ყოფნის ატმოსფეროს, თითქოს ანათებს გზას გარდაცვლილებისთვის თავიანთ სახლებში. თუ ამ გრძნობთ ნაზ შეხებას, ეს შეიძლება იყოს ნიშანი მათგან, ვინც უხილავად თქვენთანაა. ნოემბრის ტრადიციებთან ჰარმონიაში აღსანიშნავად, რეკომენდებულია სულების განსასვენებლად ლოცვა, სახლში ან სასაფლაოზე სანთლების დანთება და საყვარელ ადამიანებთან და მეზობლებთან ნუგბარის გაზიარება. რწმენის თანახმად, როდესაც სიკეთეს ვუზიარებთ, ის აღწევს მათ, ვინც ამ სამყაროს მეორე მხარეს ცხოვრობს.რა არის აკრძალულინოემბერი შინაგანი სიმშვიდისა და სულიერი ერთიანობის დროდ ითვლება, როდესაც ცოცხლები გონებრივად ურთიერთობენ თავიანთ წინაპრებთან. განსაკუთრებით მნიშვნელოვანია დუმილის დაცვა და უხილავი სამყაროს პატივისცემა, ყველაფრის თავიდან აცილება, რამაც შეიძლება სამყაროებს შორის ნაზი კავშირის დარღვევა გამოიწვიოს.ხმაურიანი ნადიმი, წვეულებები და ხმამაღალი საუბრები მკაცრად აკრძალულია. მხოლოდ მშვიდ, მშვიდობიან გარემოში შეიძლება იგრძნოთ გარდაცვლილი სულების ყოფნა და მოისმინოთ მათი მშვიდი ნიშნები. ასევე რეკომენდებულია კამათისა და კონფლიქტების თავიდან აცილება - ნეგატიურმა ენერგიამ შეიძლება „დახუროს“ სულიერი არხები და დაარღვიოს ჰარმონია.განსაკუთრებული ყურადღება ექცევა სიტყვებს: ცილი არ უნდა დასწამოთ, განსაჯოთ ან, განსაკუთრებით, ცუდად ილაპარაკოთ გარდაცვლილებზე. გავრცელებული იყო მოსაზრება, რომ წინაპრების ხსოვნისადმი ნებისმიერი უპატივცემულობა განსაცდელების სახით უბრუნდება ადამიანს. ამიტომ, ადამიანმა უნდა შეინარჩუნოს ნათელი ფიქრები, გაიხსენოს კარგი მომენტები და მადლიერება გამოხატოს მათთვის, ვინც ჩვენამდე ცხოვრობდა და კვალი დატოვა ჩვენი ოჯახის ისტორიაში.

საზოგადოება • 1762143966

საქართველოს მართლმადიდებელმა სამოციქულო ეკლესიამ ღირსი მამა გაბრიელის, აღმსარებლისა და სალოსის ხსენების დღე აღნიშნა

 საქართველოს მართლმადიდებელმა სამოციქულო ეკლესიამ 2 ნოემბერს ღირსი მამა გაბრიელის, აღმსარებლისა და სალოსის ხსენების დღე აღნიშნა. საზეიმო წირვა სამთავროს მაცხოვრის ფერისცვალების სახელობის ტაძარში აღევლინა. ღვთისმსახურება საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ აღასრულა. მეუფე შიომ ტაძარში შეკრებილებს სრულიად საქართველოს კათოლიკოს-პატრიარქის მილოცვა გადასცა.წირვის დასრულების შემდეგ წმინდა მამა გაბრიელის, აღმსარებლისა და სალოსის ლუსკუმასთან სავედრებელი პარაკლისი აღევლინა. ღვთისმსახურების დასრულების შემდეგ მიტროპოლიტმა შიომ მრევლი დალოცა და ქადაგებით მიმართა.„დღეს, დღევანდელ მსოფლიოში, როდესაც ასეთი სულიერი ძნელბედობაა, ჩვენ განსაკუთრებით გვამხნევებს ღირსი გაბრიელის სიტყვები, რომ სულიწმინდის მადლს არასდროს დაუტოვებია საქართველო, საქართველოს არასდროს მოჰკლებია სულიწმინდის მადლი და არც არასდროს მოაკლდება.მაშ, დღეს, მისი ხსენების დღეს, განსაკუთრებით ვევედროთ ღირს გაბრიელს, აღმსარებელსა და სალოსს, რომ მისი ლოცვით უფალმა დაიფაროს და გააძლიეროს ჩვენი ქვეყანა“, - განაცხადა მეუფე შიომ.

საზოგადოება • 1762095879

დღევანდელ მსოფლიოში, როცა ასეთი სულიერი ძნელბედობაა, განსაკუთრებით გვამხნევებს ღირსი გაბრიელის სიტყვები, რომ სულიწმინდის მადლს არასდროს დაუტოვებია საქართველო - მეუფე შიო

მხოლოდ გულმოწყალე ადამიანმა შეიძლება დაიმკვიდროს სასუფეველი. ცათა სასუფევლის დამკვიდრებისთვის საჭიროა, ისე მოვალბოთ ჩვენი გული, რომ მასში შემოვიდეს სულიწმინდის მადლი, რომელიც ფერს უცვლის ადამიანს, – ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) სულთმოფენობიდან ოცდამეერთე კვირას, ღირსი გაბრიელ აღმსარებლისა და სალოსის ხსენების დღეს, ქადაგებისას განაცხადა.მეუფე შიოს თქმით, დღევანდელ მსოფლიოში, როდესაც ასეთი სულიერი ძნელბედობაა, განსაკუთრებით გვამხნევებს ღირსი გაბრიელის სიტყვები, რომ სულიწმინდის მადლს არასდროს დაუტოვებია საქართველო და არც არასდროს მოაკლდება.„სახელითა მამისათა და ძისათა და სულისა წმინდისათა.ძვირფასო მამებო, დედებო, ძმებო და დებო, გილოცავთ დღევანდელ კვირა დღეს, რომელიც დაემთხვა ღირსი გაბრიელ სალოსისა და აღმსარებლის ხსენებას. შეგვეწიოს მისი მადლი და ლოცვა ჩვენ და სრულიად საქართველოს.გადმოგცემთ მისი უწმინდესობის და უნეტარესობის, კათოლიკოს-პატრიარქ ილია II-ის მოლოცვას და კურთხევას.დღეს წაკითხული იყო იგავი სახარებიდან მდიდარსა და ლაზარეზე. ეს ორი ადამიანია, ორი სახეა წარმოდგენილი ჩვენ წინაშე. მდიდარს საერთოდ არ ენაღვლებოდა, რომ მის კართან იწვა მძიმე ავადმყოფი და გლახაკი, სრულიად გულგრილი იყო მისი ბედისადმი. ლაზარე კი ძალიან მოკრძალებული იყო. მას ის კი არ უნდოდა, რომ მდიდრის სუფრიდან ლანგრით მიეტანათ მისთვის საჭმელი, არამედ იმას ნატრობდა, რომ ძირს დაცვენილი ნამცეცი მაინც შეხვედროდა. იმდენად ავად იყო, რომ სიარულიც კი არ შეეძლო. ამ მდიდარს ეს ამბავი სრულიად არ აღელვებდა, ის იმდენად გართული იყო თავისი ნადიმებით და ფუფუნებით. გარდაცვალების შემდეგ ყველაფერი შეიცვალა, ღარიბი აღმოჩნდა აბრაამის წიაღში, მდიდარი კი – ცეცხლოვან გეენიაში, ჯოჯოხეთში.რატომ მოხდა ასე? რაზეა ეს იგავი, საერთოდ?ეს იგავი არის მოწყალებაზე. ასე იმიტომ მოხდა, ძვირფასო ძმებო და დებო, რომ ღმერთი არის მოწყალე. მხოლოდ გულმოწყალე, მოწყალე გულის მქონე ადამიანმა შეიძლება დაიმკვიდროს სასუფეველი. ვერცერთი ულმობელი, ვერცერთი უსიყვარულო, სასტიკი, ბოროტი ადამიანი სასუფეველს ვერ დაიმკვიდრებს, რაგინდ ბევრი დამსახურება ჰქონდეს ამ დედამიწაზე, იმიტომ რომ ცათა სასუფეველი არ არის ის, რაც გაიცემა რაღაც დამსახურებების სანაცვლოდ, არამედ ცათა სასუფევლის დამკვიდრებისთვის საჭიროა, ისე მოვალბოთ ჩვენი გული, რომ მასში შემოვიდეს სულიწმინდის მადლი, რომელიც ფერს უცვლის ადამიანს და ხარბიდან გადააქცევს ხელგაშლილად, ამპარტავნიდან – თავმდაბლად, შურიანიდან – მოსიყვარულედ, ნაყროვანიდან – მმარხველად და ა. შ. არცერთი ულმობელი ადამიანისთვის, ვინც არ არის მოწყალე გულის მქონე, ეს ფერისცვალება შესაძლებელი არ არის. ვერ მოხდება ეს სასწაული მის სულში. ვიმეორებ: რატომ? – იმიტომ, რომ ასეთი ადამიანის სულში სულიწმინდის მადლი ვერ შემოდის.ამიტომ მთელი ცხოვრება უნდა იღვაწოს ადამიანმა ქმედით სიყვარულში, რომ ეს ლმობიერება და მოწყალება ისწავლოს. სწორედ ამაზეა დღევანდელი იგავი, რომ ვისწავლოთ ეს თვისებები, ეს სათნოებები და ჩვენი ცხოვრების შედეგად ამ მდიდრის მსგავსად არ აღმოვჩნდეთ ცეცხლოვან გეენიაში, არამედ მოვემზადოთ მარადისობასთან შესახვედრად. ეს ცხოვრება იმისთვის გვაქვს მოცემული, რომ ღირსეულად მოვემზადოთ მარადისობაში გადასვლისთვის, როცა იქნება სამსჯავრო ჩვენი, როცა წარვდგებით სამსჯავროზე. თუმცა სამსჯავრო არის მთელი ცხოვრება, ადამიანი ამ ცხოვრებაშივე გამოუტანს განაჩენს თავის თავს და აკეთებს არჩევანს, თუ სად იქნება მარადისობაში.თუ ამ ცხოვრებაში შეიძინე შური, უმოწყალობა, სიძვა, ვერცხლისმოყვარეობა, ამპარტავნება და სხვა ასეთი ვნებები, მარადისობაშიც თან წაგყვება ეს თვისებები, იქაც ასეთი იქნები. მაგრამ უფალს უნდა, რომ შეიძინო სიმდაბლე, სიყვარული, ლოცვა, მოთმინება, სულგრძელება, მოწყალება. რატომ? – იმიტომ, რომ თვითონ არის ასეთი უფალი ჩვენი იესო ქრისტე; და თუ ეს თვისებები გექნება, მაშინ ის თავისთან წაგიყვანს და გაცხონებს.ძვირფასო ძმებო და დებო, მაგრამ ეს ადამიანის დახმარების გარეშე შეუძლებელია. თუ ადამიანს ეს არ უნდა, ყველაფერი ამაო იქნება, ხოლო თუ უნდა და იღვწის ამისთვის, მაშინ უფალი აუცილებლად შეეწევა მას, განკურნავს ამ ვნებებისგან და აცხონებს.ასე რომ, დავფიქრდეთ ამ იგავზე: ვინ ვართ ჩვენ – მდიდარი თუ ლაზარე? და თუ ჩვენს თავში ჯერ კიდევ ვხედავთ ამ უმოწყალო მდიდრის თვისებებს, გონს მოვიდეთ, სანამ კიდევ გვაქვს ფიზიკური და სულიერი ძალები, რომ ფერი ვიცვალოთ და გამოვსწორდეთ.დღეს არის ღირსი გაბრიელ სალოსისა და აღმსარებლის ხსენება. საოცარი სიხარული სუფევს დღეს ჩვენს მსახურებაზე, ძალიან ბევრი ხალხია შეკრებილი. გილოცავთ ამ დღესასწაულს. შეგვეწიოს მამა გაბრიელის ლოცვა და მადლი.იგი იყო სრულიად გამორჩეული ადამიანი და მოღვაწე ჩვენი ეკლესიის უახლეს ისტორიაში. მოგეხსენებათ, ის მოღვაწეობდა ათეისტურ პერიოდში და მრავალ ადამიანს გაუნათა გზა უფლისკენ, რისთვისაც იგი მრავალჯერ ტანჯეს, დევნეს, გვემეს და დააპატიმრეს. ის ამ თავის დიდ სულიერებას ფარავდა სალოსობის ღვაწლით. ამის გამო, მრავალჯერ შეშლილი ეგონათ, მაგრამ, როგორც ამბობს პავლე მოციქული: „სულელი იგი ღვთისა უბრძენეს არს კაცთა“ (1 კორ. 25). თავისივე სიცოცხლეში ის მრავალ სასწაულს აღასრულებდა და მისი გარდაცვალების შემდეგ კიდევ უფრო მეტი სასწაული სრულდება, ადამიანები მოდიან არამხოლოდ საქართველოს სხვადასხვა კუთხიდან, არამედ მსოფლიოს სხვადასხვა მხარიდან და წმინდა გაბრიელის ლოცვით უფალი მათ უსრულებს თხოვნას და ანიჭებს სულიერ და ხორციელ კურნებებს.დღეს, დღევანდელ მსოფლიოში, როდესაც ასეთი სულიერი ძნელბედობაა, ჩვენ განსაკუთრებით გვამხნევებს ღირსი გაბრიელის სიტყვები, რომ სულიწმინდის მადლს არასდროს დაუტოვებია საქართველო, საქართველოს არასდროს მოჰკლებია სულიწმინდის მადლი და არც არასდროს მოაკლდება.მაშ, დღეს, მისი ხსენების დღეს, განსაკუთრებით ვევედროთ ღირს გაბრიელს, აღმსარებელსა და სალოსს, რომ მისი ლოცვით უფალმა დაიფაროს და გააძლიეროს ჩვენი ქვეყანა, ჩვენი ეკლესია, გააძლიეროს და ადღეგრძელოს სრულიად საქართველოს კათოლიკოს-პატრიარქი ილია II და შეგვეწიოს ღირსი მამა გაბრიელი, რომ ამ ლაზარეს მსგავსად, უფალმა დაგვამკვიდროს აბრაამის წიაღში, რათა დავტკბეთ იმ გამოუთქმელი სიკეთეებით, რომლებიც „თვალს არ უნახავს და ყურს არ სმენია“ (1 კორ. 2,9), რისი ღირსიც დაე, გავმხდარიყავით მადლითა და კაცთმოყვარებითა უფლისა ჩვენისა იესო ქრისტესითა, რომელსაც შვენის ყოველი დიდება, პატივი და თაყვანისცემა, თანა მამით და სულიწმინდითურთ, აწ და მარადის და უკუნითი უკუნისამდე. ამინ. ჩვენთან არს ღმერთი“, – განაცხადა მეუფე შიომ.

საზოგადოება • 1762081294

5 ძალიან ძლიერი ლოცვა, რომელიც რთულ მომენტში დაგეხმარებათ

5 ძლიერი ლოცვა უფლის მიმართ, რომელიც მხოლოდ 2 სიტყვისაგან შედგება:დამლოცე უფალო!წარმოთქვით ყოველთვის, როცა ღვთის კურთხევა გჭირდებათ. მაგალითად, სახლიდან გამოსვლისას, ასევე ახალი საქმის დაწყების..უფალო შემიწყალე!ეს ძალიან ძლიერი ლოცვაა, რომელიც მორწმუნე ადამიანს რთულ მომენტში და სახიფათო სიტუაციაში დაეხმარება. ის სულის დახმარებისკენაა მიმართული.დიდება უფალს!ამ სიტყვებს ვამბობთ, რომ უფლის მიმართ მადლობა გამოვხატოთ და განვადიდოთ. ღმერთი ყოველთვის ჩვენთან იმყოფება და გვეხმარება, ამიტომ მას მადლობა უნდა გადავუხადოთ და ვადიდოთ.დამეხმარე, უფალო!კიდევ ერთი ძალიან მოკლე ლოცვა, როცა უფლის დახმარება და მხარდაჭერა გჭირდებათ. მაგალითად, შეგიძლიათ მაშინ წაიკითხოთ, როცა რაღაც არ გამოგდით და სასოწარკვეთაში ვარდებით, ან სიტუაციიდან გამოსავალს ვერ ხედავთ.მადლობა უფალო!გიჭირს? გილხინს? გიხარია? გტკივა? ყოველთვის მადლობა შესწირე უფალს და წყალობა ღვთისა იქნება შენთან.