პოლიტიკა • 1734097285

ნინო წილოსანი ქართული NGO-ების წერილზე: არ გაინტერესებთ ვინ აწერს ხელს?!„ნაცების მინისტრთა კაბინეტი“ გვებრძვის

საქართველოს პარლამენტის ვიცე-სპიკერი ნინო წილოსანი სოციალურ ქსელში ეხმიანება ქართული NGO-ების წარმომადგენლების წერილს, რომელიც მათ ევროკავშირს გაუგზავნეს და საქართველოს დასჯა მოითხოვეს.ნინო წილოსანი წერილზე ხელმომწერებს ასახელებს და წერს, რომ „ნაცების მინისტრთა კაბინეტი“ იბრძვის.„წერილში, რომელშიც ნაცების სტილში დამახინჯებულია ფაქტები და რეალობა, ითხოვენ:1. ევროკავშირმა არ აღიაროს ქართველი ხალხის მიერ არჩეული ხელისუფლება2. სანქციების დაწესებას ივანიშვილისთვის და კანონიერი ხელისუფლების წარმომადგენლებისთვის3. ⁠სახელმწიფოს წარმომადგენელი თანამდებობის პირებისთვის დიპლომატიური ვიზების გაუქმებას და მათ იზოლაციასამ ყველაფრის საპირწონედ ითხოვენ ენჯეოებისა და ოპოზიციის ხელში ინსტრუმენტად ქცეული მედიის მხარდაჭერის გაძლიერებასარ გაინტერესებთ ვინ აწერს ხელს?!სერგი კაპანაძე -2016-2020 წლებში პარლამენტის წევრი ნაციონალური მოძრაობიდან;შოთა უტიაშვილი - ვანო მერაბიშვილის დროს შსს-ს მაღალჩინოსანი;თამარ კინწურაშვილი - 2005- 2008 წლებში ნაცების დანიშნული საზოგადოებრივი მაუწყებლის დირექტორი, ეკატერინე ტყეშელაშვილი - ნაცების მრავალ ნამინისტრალი, მათ შორის 2008 წელს საგარეო საქმეთა მინისტრი;თემურ იაკობაშვილი - 2008-2010 წლებში დავით ბაქრაძის დანიშნული რეინტეგრაციის საკითხებში სახელმწიფო მინისტრი და ა.შ და ა.შმოკლედ, „ნაცების მინისტრთა კაბინეტი“ გვებრძვის”, - წერს ნინო წილოსანი.ქართული არასამთავრობო ორგანიზაციების წარმომადგენლები ევროკომისიას წერილს უგზავნიან, რომელშიც სთხოვენ, რომ ევროკავშირმა დიპლომატიური პასპორტების მქონე საქართველოს მოქალაქეებისთვის თავისუფალი სავიზო მიმოსვლა შეაჩეროს და ხელისუფლებას საპარლამენტო არჩევნების ხელმეორედ ჩატარება მოსთხოვოს.

პოლიტიკა • 1733209186

ნინო ფოჩხუა „იმედის” ჩანაწერზე - ვინმეს ეჭვი ეპარებოდა იმაში, რომ „ორი გვამი მინდა“ დავიწყებას მიეცემოდა თუ ვანო მერაბიშვილი დაგვავიწყდა ვინმეს? ყველაფერი მეორდება, სცენარი იგივეა, ფრთხილად მომიტინგეებო! ნუ გაჰყვებით ბრმად ამ კრიმინალებს

 “ვინმეს ეჭვი ეპარებოდა იმაში რომ "ორი გვამი მინდა" დავიწყებას მიეცემოდა თუ ვანო მერაბიშვილი დაგვავიწყდა ვინმეს?” - წერს ექსპერტი ნინო ფოჩხუა და “იმედის” მიერ გავრცელებულ სკანდალურ ჩანაწერს აზიარებს, სადაც აქციაზე მსხვერპლის საჭიროებაზეა საუბარი.როგორც ექსპერტი წერს, ყველაფერი მეორდება, სცენარი იგივეა, უკრაინის მეიდანიც ხომ ასე დაიწყო თავისი შუშხუნებით და 'ტრუპებით."“ვინმეს ეჭვი ეპარებოდა იმაში რომ "ორი გვამი მინდა" დავიწყებას მიეცემოდა თუ ვანო მერაბიშვილი დაგვავიწყდა ვინმეს? გვარამია-სააკაშვილი და ორსული ჟურნალისტის მკვლელობა, ესეც ხომ გვახსოვს? მიკვირს, როგორ შეიძლება ეს მხოლოდ ჩვენ გვახსოვდეს. არც სალომეს ახსოვს ის ჯოჯოხეთი რაც მაშინ ხდებოდა, როგორ აწერს ხელს ამაზე? ყველაფერი მეორდება, სცენარი იგივეა, უკრაინის მეიდანიც ხომ ასე დაიწყო თავისი შუშხუნებით და 'ტრუპებით." ფრთხილად მომიტინგეებო! ერთი უდანაშაულო ადამიანის სიკვდილი და წარმოდგენაც არ მინდა ჩემი ქვეყნის მომავლის, ნუ გაჰყვებით ბრმად ამ კრიმინალებს.”- წერს ნინო ფოჩხუა სოციალურ ქსელში. 

პოლიტიკა • 1733050520

ეს შეკრებები არ არის მშვიდობიანი, მათ შორის არც ის სტრუქტურები აღარ იყენებენ ამ ტერმინოლოგიას, საკუთარ განცხადებებში, რომლებიც მანამდე უხეშად იტყუებოდნენ, დღეს მშვიდობიან აქციებზე აღარავინ საუბრობს - პრემიერი

ეს შეკრებები არ არის მშვიდობიანი, მათ შორის არც ის სტრუქტურები აღარ იყენებენ ამ ტერმინოლოგიას, საკუთარ განცხადებებში, რომლებიც მანამდე უხეშად იტყუებოდნენ. დღეს მშვიდობიან აქციებზე აღარავინ საუბრობს, - განაცხადა საქართველოს პრემიერ-მინისტრმა ირაკლი კობახიძემ დღევანდელ პრესკონფერენციაზე.პრემიერის თქმით, ძალადობის ინიციატორები ყოველ ჯერზე იყვნენ შეკრების მონაწილეები.„მგონია, რომ ყველაფერი ადვილი შესაფასებელია, რაც ხდება. პირველი, რაც არის ფაქტი - ყოველ დღე ამ სამი დღის განმავლობაში, იწყება უხეში სისტემური ძალადობა მომიტინგეების მხრიდან. პოლიცია არ რეაგირებს საერთოდ, ვიდრე არ გადადიან ძალადობრივი დაჯგუფებები უხეშ სისტემურ ძალადობაზე. შესაბამისად, ეს შეკრებები არ არის მშვიდობიანი, მათ შორის არც ის სტრუქტურები აღარ იყენებენ ამ ტერმინოლოგიას, საკუთარ განცხადებებში, რომლებიც მანამდე უხეშად იტყუებოდნენ. დღეს მშვიდობიან აქციებზე აღარავინ საუბრობს. არც ერთი ეს აქცია არც გუშინ, არც გუშინწინ, არც იმის წინ არ ყოფილა მშვიდობიანი. ძალადობის ინიციატორები ყოველ ჯერზე იყვნენ შეკრების მონაწილეები, ის ძალადობრივი დაჯგუფებები, რომლებიც მონაწილეობდნენ ამ შეკრებებში.მეორე უტყუარი ფაქტი არის ის, რომ ეს ძალადობა არიოს სისტემური და უხეში. თქვენ ხედავდით, ძალადობრივი დაჯგუფებები როგორ მოქმედებდნენ მაგალითად გუშინ. რა საშუალებებს იყენებდნენ. მათ შორის, ეს იყო პიროტექნიკა, სერიოზული საფრთხის შემცველი იარაღი, რომელსაც ისინი იყენებდნენ პოლიციის წინააღმდეგ. არაფერს ვამბობ ქვებისა და სხვა მძიმე საგნების სროლაზე. ამ დღეების განმავლობაში იყო პარლამენტში შეჭრის მცდელობა, პირდაპირ უტევდნენ პარლამენტის ჭიშკარს. იყო ძალიან მძიმე ფორმები გამოყენებული, იმისათვის, რომ ძალადობა ყოფილიყო წარმატებული“, - განაცხადა პრემიერმა.მთავრობის მეთაურის თქმით, მეორე ფაქტი არის ის, რომ ძალადობა ხორციელდება სისტემურად.„წინასწარ არის ორგანიზებული, წინასწარ მოაქვთ მასალები, მათ შორის, ძალადობისთვის და შემდეგ ახორციელებენ ძალადობას. მესამე ფაქტი არის ის, რომ შინაგან საქმეთა სამინისტრო მთლიანობაში მოქმედებს ევროპულზე და ამერიკულზე მაღალი სტანდარტით. გუშინ თავიდან იქნა არიდებული ისეთი მძიმე ინციდენტებიც, რომლებსაც ადგილი ჰქონდა.მეოთხე უტყუარი ფაქტი არის ის, რომ ადგილი ჰქონდა მძიმე ინციდენტებს, რასაც სჭირდება გამოძიება. კიდევ ერთი უტყუარი ფაქტი არის ის, რომ ეს იყო ცალკეული ექსცესები, ეს არ იყო ძალადობა, თქვენ გახსოვთ, რა ხდებოდა მაგალითად იმ დროს, როდესაც ვანო მერაბიშვილი იყო შს მინისტრი. სისტემური ძალადობა ხორციელდებოდა პოლიციის მხრიდან, ეს იყო წინასწარ ორგანიზებული, მათ შორის, მშვიდობიანი შეკრებების წინააღმდეგ. თქვენ გახსოვთ, 2011 წლის 260020მაისს რამდენიმე ადამიანი მოკლეს, როდესაც შეკრება იყო მშვიდობიანი.ამ შემთხვევაში კიდევ ერთი უტყუარი ფაქტი არის ის, რომ, როდესაც საქმე ეხებოდა ძალის გადამეტებას, ესეც იყო ექსცესები და არა რაიმე სისტემური ძალადობა. ეს არის უტყუარი ფაქტი, რასაც შეფასებაც არ სჭირდება. თუ ვინმეს აქვს განსხვავებული აზრი, დაჯდეს და ვისაუბროთ ამ თემასთან დაკავშირებით. ყველა კანონდარღვევას სჭირდება გამოძიება, როგორც ერთი, ასევე მეორე მიმართულებით, ეს არის ჩვენი პასუხისმგებლობა, რასაც ვაცნობიერებთ და ვიმოქმედებთ ამ პასუხისმგებლობის შესაბამისად“, - განაცხადა პრემიერმა.

პოლიტიკა • 1732980609

რომ არ ყოფილიყო ვახტანგ გომელაური, ის გუნდი, რომელიც მართავს შსს-ს, მივიღებდით ვანო მერაბიშვილის 26 მაისს, 7 ნოემბერს. ჩვენ თუ ვნახეთ ერთი წაქცეული ადამიანი, მაგათ დროს ახალგაზრდები ქუჩებში იხოცებოდნენ - გიორგი გამსახურდია

რომ არ ყოფილიყო ვახტანგ გომელაური აღნიშნულ თანამდებობაზე, რომ არ ყოფილიყო ის გუნდი, რომელიც მართავს შსს-ს და უმრავლესობა ჩემი ძალიან ახლო მეგობრები არიან, მაღალი პროფესიონალიზმის მქონე ხალხი, მივიღებდით ვანო მერაბიშვილის 26 მაისს, 7 ნოემბერს, ან გიორგი გახარიას 20 ივნისს, - განაცხადა გიორგი გამსახურდიამ გადაცემა „დღის ქრონიკაში“.მისი თქმით, ეს არ არის სიტყვები, ეს ფაქტებით დასტურდება.„ჩვენ თუ ვნახეთ ერთი წაქცეული ადამიანი, მაგათ დროს მთელი საქართველო იყო წაქცეული, ახალგაზრდები ქუჩებში იხოცებოდნენ, იხვრიტებოდნენ და ამით ამაყობდა მათი მთავარსარდალი საპარლამენტო ტრიბუნიდან“, - აღნიშნა გიორგი გამსახურდიამ.ამასთან მისივე თქმით, ყველანაირ ძალადობას გმობს საიდანაც არ უნდა მოდიოდეს.„პირადად მე ვგმობ, როდესაც წაქცეულ ადამიანს, რასაც არ უნდა ამბობდეს ის და რასაც არ უნდა აკეთებდეს, გამორიცხულია მას ხელით შევეხოთ და ამით კითხვის ნიშნის ქვეშ დავაყენოთ სხვა პოლიციელების ქმედებები.აქციის დაშლისას როდესაც ეგზალტირებული ბრბო ზემოთ ჩამოთვლილ ყველანაირ საგანს იყენებს, იქ ცოტა ძნელია თმენის ვალდებულების ფარგლებიდან არ გამოხვიდე. არ ვიძახი, რომ ამან მასიური ხასიათი უნდა მიიღოს, მაგრამ თითო ოროლა შემთხვევაც, ჩემთვის პირადად და ჩვენი კოლექტივისთვის ეს დასაგმობია. ყველა მხრიდან ამაზე გაკეთდა შესაბამისი განცხადება. ანუ, ეს მათი მხრიდან სპეკულაციის საგნად ვერ გამოდგება და ვერ გადაფარავს იმ ძალადობას, რაც მათ მოიმოქმედეს ქართული პოლიციის წინააღმდეგ“, - აღნიშნა გიორგი გამსახურდიამ.

პოლიტიკა • 1732962035

მადლობა შს მინისტრს და თითოეულ პოლიციელს, რომელიც გუშინ საქართველოს კონსტიტუციურ წყობილებაზე თავდასხმას იგერიებდა, მოვუწოდებ პოლიციელებს, გამოიჩინონ მაქსიმალური მოთმინება, თავი შეიკავონ ძალის ჭარბი გამოყენებისგან - ირაკლი კობახიძე

მადლობა მინდა გადავუხადო შინაგან საქმეთა მინისტრს და თითოეულ პოლიციელს, რომელიც გუშინ საქართველოს კონსტიტუციურ წყობილებაზე თავდასხმას იგერიებდა და საქართველოს სუვერენიტეტისა და დამოუკიდებლობის სადარაჯოზე იდგა, - განაცხადა პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე.მთავრობის მეთაურის თქმით, რამდენიმე ადამიანის მკვლელობა და რამდენიმე ადამიანისთვის თვალების დათხრა იქნებოდა ის მინიმალური შედეგი, რითაც ამგვარი მიტინგი დასრულდებოდა, რომ არ ყოფილიყო მინისტრი ვახტანგ გომელაური და რომ ყოფილიყო ვანო მერაბიშვილი, ან გიორგი გახარია.„მადლობა მინდა გადავუხადო შინაგან საქმეთა მინისტრს, ვახტანგ გომელაურს. არც კი მინდა წარმოვიდგინო, იმ მასშტაბური ძალადობის ფონზე, რომელიც გუშინ ძალადობრივი დაჯგუფებებისგან ვიხილეთ, რით დასრულდებოდა ეს მიტინგი, გუშინ შინაგან საქმეთა მინისტრი ვანო მერაბიშვილი, ან გიორგი გახარია რომ ყოფილიყო. რამდენიმე ადამიანის მკვლელობა და რამდენიმე ადამიანისთვის თვალების დათხრა იქნებოდა ის მინიმალური შედეგი, რითაც ამგვარი მიტინგი დასრულდებოდა. ვახტანგ გომელაურმა და შინაგან საქმეთა სამინისტრომ გუშინაც იმოქმედეს ამერიკულზე და ევროპულზე მაღალი სტანდარტით და პროპორციულობის პრინციპის დაცვით აღკვეთეს უმძიმესი თავდასხმა კონსტიტუციურ წყობილებაზე,“- განაცხადა პრემიერმა.ირაკლი კობახიძემ პოლიციელებს მოუწოდა, გამოიჩინონ მაქსიმალური მოთმინება და თავი შეიკავონ ძალის ჭარბი გამოყენებისგან.„მინდა, მოვუწოდო პოლიციელებს, გამოიჩინონ მაქსიმალური მოთმინება და თავი შეიკავონ ძალის ჭარბი გამოყენებისგან. გუშინაც იყო რამდენიმე სამწუხარო ინციდენტი, რომელიც მომავალში არ უნდა დავუშვათ. შეგახსენებთ, რომ ნებისმიერი ამგვარი ინციდენტი რადიკალური ოპოზიციისა და მისი ძალადობრივი დაჯგუფებების მხრიდან მათი ბრუტალური ძალადობის გადასაფარად გამოიყენება.გუშინდელ ძალადობრივ მიტინგს არაფერი ჰქონდა საერთო პოლიტიკურ პროტესტთან. მოვლენები ვითარდება ისე, როგორც ეს „მაკკეინის ინსტიტუტის“ ცნობილ ანგარიშში იყო დაანონსებული. იმთავითვე ცხადი იყო, რომ რადიკალური ოპოზიცია და მისი უცხოელი პატრონები არ უნდა შეჰგუებოდნენ არჩევნებში დამარცხებას და სახელმწიფოსთვის ძალადობა უნდა დაეპირისპირებინათ. ამ მხრივ, პირველი ნაბიჯი იყო დემოკრატიული არჩევნების გაყალბებულად გამოცხადება, ისე, რომ ვერცერთი მტკიცებულება ვერავინ წარმოადგინა. პირიქით, ვიხილეთ, რომ ეუთო/ოდირის მისიის მიერ არჩევნების აღიარების შემდეგ, თავად ეს მისიაც კი იქცა თავდასხმის სამიზნედ რადიკალური ოპოზიციისა და მისი პატრონების მხრიდან. სწორედ ამ პროცესის ლოგიკური გაგრძელება იყო ძალადობა, რომელიც გუშინ და გუშინწინ თბილისში ვიხილეთ. საინტერესოა, რომ მიტინგზე პოლიტიკოსებიც იმყოფებოდნენ, თუმცა, მიტინგის ორგანიზატორებს ადგილზე ტრიბუნაც კი არ მიუტანიათ. აქედანაც ჩანდა, რომ მიტინგი იმთავითვე იგეგმებოდა, როგორც ძალადობა და ის, მოძალადეთა საბოლოოდ შეკრებისთანავე, იქცა კიდეც ძალადობად პოლიციის წინააღმდეგ“, - განაცხადა პრემიერმა.

პოლიტიკა • 1732776611

ჯერ "სანტეხნიკი" ლომაია გყავდათ განათლების მინისტრად, მერე გვარამია, მერე შაშკინი და ბოლოს - ავაქოვის ფავორიტკობაში ქართული პასპორტის გამცვლელი, ვანო მერაბიშვილის მილიციის სკოლის უფროსი დეკანოიძე - თქვენ ვის განათლებაზე და დიპლომზე ქილიკობთ - ლაშა ნაცვლიშვილი ოპოზიციას

სამართალმცოდნე ლაშა ნაცვლიშვილი  „ქართული ოცნების“ პრეზიდენტობის კანდიდატის, მიხეილ ყაველაშვილის დიპლომთან დაკავშირებით ოპოზიციის კრიტიკას ეხმიანება.როგორც ის აღნიშნავს, ოპოზიციას ჯერ "სანტეხნიკი" ლომაია ყავდა განათლების მინისტრად, მერე - ბაღლინჯო გვარამია, მერე - ახალაიების ლეღვის ფოთოლი შაშკინი და ბოლოს - ავაქოვის ფავორიტკობაში ქართული პასპორტის გამცვლელი, ვანო მერაბიშვილის მილიციის სკოლის უფროსი დეკანოიძე.„ჯერ "სანტეხნიკი" ლომაია გყავდათ განათლების მინისტრად, სიტყვა "ბავშვს" რომ ვერ წერდა დაფაზე, მერე - ბაღლინჯო გვარამია, მერე - ახალაიების ლეღვის ფოთოლი შაშკინი და ბოლოს - ავაქოვის ფავორიტკობაში ქართული პასპორტის გამცვლელი, ვანო მერაბიშვილის მილიციის სკოლის უფროსი დეკანოიძე, - თქვენ ვის განათლებაზე და დიპლომზე ქილიკობთ, თქვე სააკაშვილის წვირით გაკეთებულებო, თქვენ...“, - წერს ლაშა ნაცვლიშვილი.

პოლიტიკა • 1731048307

7 ნოემბრის დარბევა სააკაშვილის ბრძანებით მოხდა - მაშინდელი პრეზიდენტის ხელში იყო მთელი ძალაუფლება - სოზარ სუბარი

„მაშინდელი პრეზიდენტის ხელში იყო აბსოლუტური ძალაუფლება, შესაბამისად, პოლიციაც სააკაშვილის გარეშე ნაბიჯს არ გადადგამდა“, - ასე უპასუხა სოზარ სუბარმა ჟურნალისტის კითხვას, თუ რამდენად სარწმუნო იყო ის ვერსია, რასაც მიხეილ სააკაშვილი სასამართლოში ავრცელებდა, თითქოს 2007 წლის 7 ნოემბრის დარბევასთან დაკავშირებით მას არანაირი გადაწყვეტილება არ მიუღია და ამაზე პასუხისმგებელი სრულად იყო იმდროინდელი შს მინისტრი, ვანო მერაბიშვილი.სოზარ სუბარმა გაიხსენა 2007 წლის 7 ნოემბრის მოვლენები და აღნიშნა, რომ მასზე მთავარი პასუხისმგებლობა სწორედ პრეზიდენტს, მიხეილ სააკაშვილს ეკისრებოდა.„7 ნოემბრის დარბევის დროს მშვიდობიანი მოქალაქეების წინააღმდეგ ხელისუფლებამ თავდაცვის ძალები გამოიყვანა. ჯარი შს მინისტრს არ ემორჩილებოდა, მთავარსარდალი პრეზიდენტი იყო და ამ გადაწყვეტილების მიღება ერთადერთ კაცს, მიხეილ სააკაშვილს შეეძლო.იგივე შეეხება სასჯელაღსრულების სპეცრაზმს, რომელიც ასევე მონაწილეობდა მშვიდობიანი მომიტინგეების დარბევაში. 2008 წლის იანვარში, სააკაშვილის ხელმეორედ არჩევის შემდეგ (რაც არჩევნების გაყალბებით მოხდა), ის ჩემთან მოვიდა ოფისში. მას ვუთხარი, რომ პირადად მე 2007 წლის 7 ნოემბერს სასჯელაღსრულების სპეცრაზმმა ხელკეტებით მცემა. როცა მას ვკითხე, თუ რატომ გამოიყვანეს სასჯელაღსრულების სპეცრაზმი, რადგან ეს კანონდარღვევა იყო და ამის უფლება არ ჰქონდათ, სააკაშვილმა მიპასუხა, რომ ძალები არ ჰყოფნიდათ. ანუ, მან პირდაპირ აღიარა ჩემთან ლაპარაკში, რომ სასჯელაღსრულების სპეცრაზმი მისი ბრძანებით იყო გამოყვანილი. შესაბამისად, ეს ყველაფერი ერთი ადამიანის მხრიდან იყო კოორდინირებული. ისევე როგორც, „იმედში“ ვერ და არ შეიჭრებოდნენ სააკაშვილის გარეშე. უფრო მეტიც, რამდენიმე დღის შემდეგ ყალბი მტკიცებულებები შექმნეს, რათა რამენაირად „იმედში“ შეჭრის სამართლებრივი საფუძველი შეექმნათ. მაგალითად, უკანა რიცხვით დაიწერა კომუნიკაციების მარეგულირებელი კომისიის ოქმები და სასამართლოს გადაწყვეტილებები, რომლებიც თითქოს „იმედში“ შეჭრის სამართლებრივ საფუძველს ქმნიდა, თუმცა, ცხადია, ამის არანაირი საფუძველი არ არსებობდა“, - განაცხადა სოზარ სუბარმა.

პოლიტიკა • 1730957701

ამ ქვეყანაში მთავარი ოპოზიციური ძალა, ისევ ორად გაყოფილი „ნაციონალური მოძრაობაა“ და ის ხალხი, რომელიც მათთან არის. ჩვენი ამოცანაა, რომ ეს ხალხი არასოდეს დაბრუნდეს უკან - ირაკლი რუხაძე

2007 წლის 7 ნოემბრის საღამოს სპეცრაზმი ტელეკომპანია „იმედშიც“ შემოიჭრა, დაარბია, აპარატურა გაანადგურა და არხის მაუწყებლობა გაითიშა. პროცესები ტრაგიკულად ტელევიზიის მიმდებარედ, საღამოს 7 საათიდან განვითარდა, მაშინ როცა იმედის გარშემო ათეულობით სპეცრაზმელი გამოჩნდა.შეიარაღებულმა ნიღბიანმა ძალოვნებმა გარე პერიმეტრის დაკავების შემდეგ, რკინის ჯებირები გადაკვეთეს, შენობაში შემოვიდნენ, თანამშრომლები იატაკზე დააწვინეს და აპარატურა დალეწეს. ამ ყველაფერს წინ მაშინდელი მაღალჩინოსნების განცხადებები უძღოდა. ყოფილი ხელისუფლების წარმომადგენლები „იმედის“ ჟურნალისტებს სიტუაციის ესკალაციაში ადანაშაულებდნენ.მოგვიანებით, „იმედის“ დარბევის საქმეზე დაკითხულმა ყოფილმა სპეცრაზმელებმა ჩვენებებში დეტალურად გაიხსენეს რომ „იმედში“ შესვლის ბრძანება ზურაბ ადეიშვილისა და დათა ახალაიასგან მოდიოდა. მაშინდელი გენპროკურორის მოადგილე ნიკა გვარამია კი „იმედის“ შენობის დალუქვას ითხოვდა.დარბევის და „ტელეიმედის“ ხელში ჩაგდების შემდეგ იყო რამდენიმეთვიანი პაუზა და სახე შეცვლილი ტელეკომპანია სადაც სარედაქციო პოლიტიკას არა არხის მენეჯმენტი არამედ „ნაციონალური მოძრაობის“ ხელისუფლების მაღალი თანამდებობის პირები განსაზღვრავდნენ. უკანონოდ მითვისებული „ტელეიმედი“ ბადრი პატარკაციშვილის ოჯახს 2012 წლის ოქტომბერში მას შემდეგ დაუბრუნდა, რაც ქვეყანაში სააკაშვილის მმართველობა დასრულდა.ვანო მერაბიშვილი, მიხეილ სააკაშვილი, ზურაბ ადეიშვილი, დავით კეზერაშვილი და გიგი უგულავა - ეს არიან ის ყოფილი მაღალჩინოსნები, რომელთაც გამოძიება 7 ნოემბრის აქციის დარბევასა და იმედში შეჭრას ედავება.7 ნოემბრის მოვლენები გაიხსენა ტელეკომპანია „იმედის“ მფლობელმა, ბიზნესმენმა, ირაკლი რუხაძემ.„7 ნოემბრამდე მივდიოდით. ეს ყველაფერი დაიწყო ბევრად უფრო ადრე. ყელში ვყავდით გაჩხირულები, იმიტომ რომ არ ვაძლევდით საშუალებას მოეტყუებინათ, არ ვაძლევდით საშუალებას არჩევნები გაეყალბებინათ. რაც მთავარია, არ მივეცით საშუალება, რომ სანდრო გირგვლიანის მკვლელობის ამბავი დაემალათ.დამსხვრეული იყო ყველაფერი. ფეხმძიმე ჟურნალისტი იატაკზე, შიშველი იარაღით თავზე დამდგარი ხალხი.ხალხი დაიჭირეს ჩვენ გარშემო. ჩემზე 3 საქმე იყო გახსნილი. იმან გადამარჩინა, რომ ამერიკის მოქალაქე ვარ, მაგრამ სამაგიეროდ დაიჭირეს ჩემი დეიდაშვილი, დაიჭირეს ჩემი მეგობარი, ჩემი პარტნიორი, თან ყველას ეუბნებოდნენ: „ირაკლის ვერ ვიჭერთ, იმიტომ გიჭერთ თქვენ“.ამ ქვეყანაში მთავარი ოპოზიციური ძალა, ძალიან სამწუხაროდ, ისევ ის ხალხია - ორად გაყოფილი „ნაციონალური მოძრაობა“ და ის ხალხი, რომელიც მათთან არის. ჯერ ერთი, გადანაწილებულები არიან სხვადასხვა პარტიაში და მერე, სხვადასხვა პარტია რაღაცნაირად მათ გვერდზე დადგა. ამიტომ, სანამ ეს ხალხი არსებობს, სანამ არის საშიშროება, რომ ეს ხალხი დაბრუნდეს... ზუსტად ვიცით, რას იზამენ, იმიტომ რომ ნანახი გვაქვს ეს კინო. მათ სხვა არაფერი იციან. სხვა რომ სცოდნოდათ, მაშინაც სხვანაირად მოიქცეოდნენ. ალბათ ბევრად უფრო ეფექტურად მოგვიწყობენ 7 ნოემბერს და დახურავენ ამ ტელევიზიებს. ამიტომ, ჩვენი ამოცანაა, რომ ეს ხალხი არასოდეს დაბრუნდეს უკან“, - აცხადებს რუხაძე.

პოლიტიკა • 1730954464

2007 წლის 7 ნოემბრის მოვლენებიდან 17 წელი გავიდა

 2007 წლის 7 ნოემბრის მოვლენებიდან 17 წელი გავიდა. სამი დარბევა ერთ დღეს, აქციის დაშლა რუსთაველის გამზირსა და რიყეზე, შეჭრა ტელეკომპანია „იმედში“ – გამთენიისას, სამართალდამცველებმა თავისუფლების მოედანზე მცირერიცხოვანი აქციის დარბევა დაიწყეს.ვითარების დაძაბვიდან მალევე, თბილისის ცენტრში სპეცდანიშნულების რაზმი გამოჩნდა. სამართალდამცველებმა წყლის ჭავლით, რეზინის ტყვიებითა და ხელკეტებით, მომიტინგეების დარბევა დაიწყეს. დღის მეორე ნახევარში აქციის მონაწილეებმა რიყეზე გადაინაცვლეს, პარალელურად, შსს-მ ოპოზიციონერი ლიდერების სატელეფონო საუბრები გამოაქვეყნა.ჩანაწერების გავრცელებიდან მალევე, რიყის აქციის დარბევა დაიწყო. დღის ბოლოს კი, სპეცრაზმი ტელეკომპანია „იმედში“ შემოიჭრა.7 ნოემბერს აქციის დარბევისა და „ტელეიმედში“ შეჭრის საქმეზე ბრალდებულნი არიან: მიხეილ სააკაშვილი, ზურაბ ადეიშვილი, გიგი უგულავა, დავით კეზერაშვილი და ვანო მერაბიშვილი. 

პოლიტიკა • 1729061350

გაუგონარი დანაშაულის და ღალატის ორგანიზატორები, მონაწილენი, თვითმხილველები და დაზარალებულები - დღეს საქართველოში არიან და დასაკითხ მოწმეთა ბაზას წარმოადგენენ - დავით ქართველიშვილი 2008 წლის ომამდე განვითარებულ მოვლენებზე

პარტია „ხალხის ძალის“ წევრი დავით ქართველიშვილი ნაცმოძრაობის რეჟიმის დროს საქართველოში განვითარებულო მოვლენებს იხსენებს, რამაც 2008 წლის ომი გამოიწვია.ექსპერტი წერს, რომ 2004 წლის ზაფხულამდე თბილისსა და ცხინვალს შორის მშვიდი ვითარება იყო, ყველაფერი კი მას შემდეგ დაიძაბა, რაც 2004 წლის 27 მაისს, დსთ-ს საკითხებში აღმასრულებელი მდივანი, ვლადიმერ რუშაილო ვანო მერაბიშვილთან შესახვედრად საქართველოში ჩამოვიდა.ანალიტიკოსის თქმით, რუშაილოს მოსკოვში დაბრუნების შემდეგ, 31 მაისს, ოქრუაშვილის მეთაურობით ცხინვალში დამატებითი პოლიციური დანაყოფები შევიდნენ.დავით ქართველიშვილი წერს, რომ 2004 წელს, დამატებითი პოლიციური დანაყოფების ცხინვალში მობილიზებით, ქართულმა მხარემ დაგომისის ხელშეკრულება დაარღვია, როგორც შემდეგ, 2006 წელს სოჭთან მიმართებით, რამაც რუსეთი საერთაშორისოდ აღებული ვალდებულებებისგან გაათავისუფლა.ქართველიშვილი აღნიშნავს, რომ ამ დანაშაულების ჩამდენები, ორგანიზატორები და თვითმხილველები აუცილებლად უნდა გამოიკითხონ, რადგან სხვაგვარად შეუძლებელია 2008 წლის ომის გამოძიება.„ადგილობრივები შემისწორებენ და ჩემზე უკეთ აღწერენ 2004 წლის ზაფხულამდე თბილისსა და ცხინვალს შორის არსებულ ვითარებას. გორიდან სამაჩაბლოს გავლით, ვლადიკავკაზის მიმართულებით დადიოდა სამარშრუტო მიკროავტობუსი, ცხინვალის ავტოსადგურიდან ლილოს ბაზრობამდე სარეისო ავტობუსს ჩაჰყავდა მგზავრები, ერგნეთის ბაზრობა აერთიანებდა ქართველებისა და ოსების საერთო ბიზნეს-ინტერესებს, თბილისელები ცხინვალის გავლით დადიოდნენ ონის რაიონში, ერთობლივი ქორწილები თუ ქელეხები ტარდებოდა სამაჩაბლოს მთელ ტერიტორიაზე, ყოველგვარი ექსცესების გარეშე.ამ საბედისწერო, ორმხრივად დაშვებული შეცდომების გააზრებასა და აღმოფხვრას, რომლებსაც ჩვენს შორის საფუძველი ჩაეყარა 1989 წლის შემოდგომას - წლები დასჭირდა საყოფაცხოვრებო დონეზე ვითარების დასარეგულირებლად. ვის ყელში გაეჩხირა ეს დე-ფაქტო აწყობილი ურთიერთობები - სწორედ, ხელისუფლების მიერ დაანონსებული საპარლამენტო-საგამოძიებო კომისიის გამოსაკვლევი უნდა გახდეს.ჩვენ ხელთ გვაქვს მხოლოდ მშრალი ფაქტები: 2004 წლის 27 მაისს, თბილისში სამდღიანი ვიზიტით ჩამოდის დსთ-ს საკითხებში აღმასრულებელი მდივანი, ФСБ-ს გენერალ-პოლკოვნიკი ვლადიმერ რუშაილო. საქართველოში მისი ძირითადი მასპინძელია უშიშროების საბჭოს მდივანი ვანო მერაბიშვილი. დედაქალაქში ვიზიტის სამივე დღეს ისინი საკმაოდ მხიარულად ატარებენ და რაღაც შეთანხმებებს აწერენ ხელს - კონკრეტულად რას, დაზუსტებით ვერ გეტყვით.ფაქტი კი ჯიუტია, მოსკოვში რუშაილოს დაბრუნებიდან მეორე დღეს, 31 მაისს, ოქრუაშვილის მეთაურობით, ცხინვალის რეგიონში შედიან დამატებითი პოლიციური დანაყოფები და მძიმე ტექნიკა. ამით თბილისმა, ისევე როგორც შემდგომში (2006 წელი) მოსკოვის ხელშეკრულება, ამჯერად უხეშად და დემონსტრაციულად დაარღვია დაგომისის შეთანხმებები, რითაც გაუხსნა მოსკოვს ხელ-ფეხი საერთაშორისოდ აღიარებული ვალდებულებების გათვალისწინებისგან, ამჯერად ცხინვალთან, ხოლო 2006 წლიდან - სოხუმთან მიმართებით.2004 წლის თითქოსდა უნიჭოდ და უაზროდ ჩატარებული სპეცოპერაციის ძირითადი შედეგი კი გამანადგურებელი იყო საქართველოსთვის: დაიღუპა ათობით ჩვენი პოლიციელი; ქვეყანამ იხილა ცხინვალის ცენტრში დატყვევებული, დაჩოქილი და შეურაცხყოფილი ქართველი პოლიციელები; ადგილობრივი მშვიდობიანი მოსახლეობის რიგებში მსხვერპლის შესახებ დაზუსტებული ინფორმაცია დღემდე არ გაგვაჩნია; დაიხურა ქართველებისა და ოსების საერთო ინტერესების გამაერთიანებელი ერგნეთის ბაზრობა.ეს ყველაფერი კი დაგვირგვინდა 5 ნოემბერს, სოჭში, რუსეთის საგარეო საქმეთა სამინისტროს შუამდგომლობით, ზურაბ ჟვანიასა და ედუარდ კოკოითს შორის ხელმოწერილი „სამხრეთ ოსეთის დემილიტარიზაციის“ ხელშეკრულებით. დოკუმენტით - რომელმაც კვლავ ჩაუკეტა ცხინვალი ქართველებს, და რომელზეც ხელმომწერი კოკოითი პირველად იქნა აღიარებული ქართული მხარის მიერ „დე-იურე“ პრეზიდენტად.ამ გაუგონარი დანაშაულის და ღალატის ორგანიზატორები, ჩამდენი პირები, მონაწილენი, თვითმხილველები და დაზარალებულები - დღეს ადგილზე არიან, საქართველოში, და დასაკითხ მოწმეთა ბაზას წარმოადგენენ. ჩვენი უახლოესი ისტორიის ამ შავი ეპიზოდის განხილვის გარეშე, 2008 წლის დანაშაულის გამოძიება კი არასრული იქნებოდა...“- აღნიშნავს დავით ქართველიშვილი.

პოლიტიკა • 1728486149

„ნაცების“ დროს მე ვიყავი ღირსეული საჯარო მოხელე და აღარ გაბედოთ ამ კითხვის დასმა - ნათია მეზვრიშვილი TV იმედს

მე ვამაყობ, რომ „ნაცების“ დროსაც და „ოცნების“ დროსაც ღირსეული საჯარო მოხელე ვიყავი და აღარ გაბედოთ მეორედ ამ კითხვის დასმა, - ასე უპასუხა ნათია მეზვრიშვილმა „ქრონიკის“ კითხვას, რომელიც „ნაციონალური მოძრაობის“ ხელისუფლების დროს, ადეიშვილთან მის თანამშრომლობას ეხებოდა.მისი თქმით, ვანო მერაბიშვილის საქმეზე მართლმსაჯულება სწორედ მან აღასრულა და „ქართული ოცნების“ წევრების მიმართაც ასევე დადგება სამართლებრივი პასუხისმგებლობა.„დამისახელეთ ერთი სისხლის სამართლის საქმე მაინც, სადაც ნათია მეზვრიშვილმა ვინმეზე იძალადა და სადმე უფლებამოსილებას გადაამეტა განსხვავებით იმ ნაცზონდერებისგან, რომლებიც დღეს ოცნებას ხელისუფლებაში ჰყავს გადმოპორტირებული. ასეთს ვერ იპოვით. მეტსაც გეტყვით, იმდენად უსუსური იყო ოცნება ნაცების გასამართლების პროცესში, ყველა საქმეს აგებდნენ, სანამ ნათია მეზვრიშვილი არ ჩაერთო მერაბიშვილის პროცესში. ეს იყო პირველი საქმე, რომელიც „ოცნებამ“ მოიგო. ჩემნაირი ღირსეული საჯარო მოხელე რამდენი იყო იცით, მაშინდელ და დღევანდელ პროკურატურაშიც? დაუსვით ეს კითხვა იმას, ვინც ამ კითხვის დასმას გავალებთ: საიდან მოიყვანეს, რომელი დროის საჯარო მოხელეები იყვნენ ოცნების მიერ მხარდაჭერილი მოქმედი გენერალური და წინა გენერალური პროკურორი. ნაცებისთვის მოქმედი საჯარო მოხელეები ქოცები არიან და ოცნებისთვის წინა ხელისუფლების კეთილსინდისიერი საჯარო მოხელეები ნაცები არიან და ამას დავასრულებთ ჩვენ 26 ოქტომბერს. როგორ სამართლიანადაც აღვასრულე მე ვანო მერაბიშვილის მიმართ მართლმსაჯულება, ძალადობაზე და კორუფციაზე, ისე აღსრულდება ოცნების მიმართ მართლმსაჯულება. ოცნებისთვის მაშინ რომ დამეჯერებინა ვანო მერაბიშვილი დღეს გარეთ იქნებოდა და „ვივამედში“ იქნებოდა მიხეილ სააკაშვილის მსგავსად სასათბურე პირობებში“, - განაცხადა მეზვრიშვილმა.

პოლიტიკა • 1727435982

ე.წ. ნეიტრალურ დამკვირვებლად დარეგისტრირდა „საქართველოს მომავლის აკადემია“, რომლის დამფუძნებელია ალექსანდრე ზიბზიბაძე - „გირჩი მეტი თავისუფლების“ ყოფილი აღმასრულებელი დირექტორი და „ფრანკლინის კლუბის“ თანადამფუძნებელი - გივი მიქანაძე

ე.წ. ნეიტრალურ დამკვირვებლად დარეგისტრირდა ცესკოში „საქართველოს მომავლის აკადემია“. მისი დამფუძნებელი და მმართველი საბჭოს თავმჯდომარეა ალექსანდრე ზიბზიბაძე, რომელიც პარტია „გირჩი მეტი თავისუფლების“ ყოფილი აღმასრულებელი დირექტორია და „ფრანკლინის კლუბის“ დამფუძნებელიც, - ამის შესახებ „ქართული ოცნების“ დეპუტატმა, გივი მიქანაძემ, ბრიფინგზე განაცხადა.მისივე თქმით, ალექსანდრე ზიბზიბაძე არის „საარჩევნო ლაბორატორიის“ დირექტორიც“, რომელიც ასევე დამკვირვებლის სტატუსით არის დარეგისტრირებული არჩევნებზე.„საქართველოს მომავლის აკადემია“, „საარჩევნო ლაბორატორია“ და „მიშგოვ ლარდა“ ის ორგანიზაციებია, რომლებიც, მიქანაძის ინფორმაციით, კოალიციაში იმყოფებიან ნინო ლომჯარიასთან და ეკა გიგაურთან სადამკვირვებლო მისიაში „ჩემი ხმა“.„ალექსანდრე ზიბზიბაძე იმავდროულად ორგანიზაცია „საარჩევნო ლაბორატორიას“ დირექტორიცაა, რომელიც ასევე დარეგისტრირდა არჩევნებზე დამკვირვებლის სტატუსით. ორივე ხსენებულ ორგანიზაციაში მმართველი საბჭოს წევრია მარია დარჩიევი, რომლის ხელმძღვანელობის ქვეშ მყოფი ორგანიზაცია „მიშგოვ ლარდა“ ასევე დარეგისტრირდა დამკვირვებელ ორგანიზაციად ცესკოში. სამივე ეს ორგანიზაცია იმყოფება კოალიციაში ნინო ლომჯარიასთან და ეკა გიგაურთან სადამკვირვებლო მისიაში „ჩემი ხმა“, - განაცხადა გივი მიქანაძემ.მან ე.წ. ნეიტრალური სადამკვირვებლო ორგანიზაციებიდან ასევე ყურადღება გაამახვილა „განათლების პროფესიული კავშირზე“, რომლის ხელმძღვანელი, აკაკი ხუსკივაძე, „ნაციონალური მოძრაობის“ შემომწირველია და ცესკოს ყოფილ თავმჯდომარეებთან - ლევან თარხნიშვილსა და ზურაბ ხარატიშვილთან ერთად, გაერთიანებულია ორგანიზაციაში „დაიცავი არჩევნები“.„განათლების პროფესიული კავშირი“ ის მორიგი ე.წ. ნეიტრალური სადამკვირვებლო ორგანიზაციაა, რომელიც ცესკოში დარეგისტრირდა. აღნიშნული ორგანიზაცია შედგება ცესკოს ყოფილი თანამშრომლებისგან და მას ხელმძღვანელობს აკაკი ხუსკივაძე. ეს უკანასკნელი საზოგადოებას ახსოვს წინა არჩევნებში ცრუ ინფორმაციის ტირაჟირებით, ოპოზიციის სასარგებლოდ. ამავდროულად, აკაკი ხუსკივაძე არის „ნაციონალური მოძრაობის“ შემომწირველი, მას შეწირული აქვს 10000 ლარი. აკაკი ხუსკივაძე, ასევე გაერთიანდა ახლად შექმნილ ორგანიზაციაში „დაიცავი არჩევნები“ ისეთ ოდიოზურ ფიგურებთან ერთად, როგორიც ცესკოს ყოფილი თავმჯდომარეები ლევან თარხნიშვილი და ზურაბ ხარატიშვილი, ასევე ცესკოს ყოფილი თანამშრომლები - აკაკი კობალაძე და ვანო ბურდული არიან. სწორედ ეს ადამიანები, ტრენინგებს უტარებენ ახალგაზრდებს, რომლებიც გაერთიანებული არიან სხვადასხვა ახლად შექმნილ პლატფორმასა და ორგანიზაციაში ოპოზიციური სუბიექტების მხარდასაჭერად“, - განაცხადა მიქანაძემ.მისივე თქმით „სამოქალაქო განვითარების საერთაშორისო ქსელი“, რომელსაც „ნაცმოძრაობის“ მხარდამჭერი, შმაგი ჩოხელი ხელმძღვანელობს, ასევე დარეგისტრირდა ადგილობრივ სადამკვირვებლო ორგანიზაციად.„ცესკოში ადგილობრივ სადამკვირვებლო ორგანიზაციად დარეგისტრირდა „სამოქალაქო განვითარების საერთაშორისო ქსელი“, რომელსაც შმაგი ჩოხელი ხელმძღვანელობს. შმაგი ჩოხელი პირად Facebook გვერდზე გამოირჩევა „ნაციონალური მოძრაობის“ მხარდაჭერით, განსაკუთრებით აზიარებს „ნაციონალური მოძრაობის“ პოლიტსაბჭოს წევრ ლაშა ფარულავასა და ანტიკორუფციული მიმართულების მდივნის, ვასილ ურუშაძის განცხადებებს. შმაგი ჩოხელმა საზოგადოებას თავი დაამახსოვრა არაერთი საჯარო განცხადებით, სადაც ის შინაგან საქმეთა ყოფილი მინისტრის, ვანო მერაბიშვილის გათავისუფლებას ითხოვდა.ეს მხოლოდ ნაწილია იმ ადგილობრივი სადამკვირვებლო ორგანიზაციების, რომლებიც ცდილობენ საზოგადოების შეცდომაში შეყვანას და ნეიტრალური ორგანიზაციის სტატუსის მორგებას, სინამდვილეში კი უშუალო კავშირში არიან რადიკალური ფრთის პოლიტიკურ სუბიექტებთან“, - განაცხადა მიქანაძემ.