პოლიტიკა • 1762330285

აგ­ვის­ტოს ომ­ში სა­ქარ­თვე­ლომ არა თუ და­იბ­რუ­ნა და­კარ­გუ­ლი ტე­რი­ტორი­ე­ბი, არა­მედ დაკარგა კოდორის ხეობა, რა­ზეც პასუხისმგებლობა უნ­და და­ე­კის­როს მი­ხე­ილ სა­ა­კაშ­ვილს - კონსტანტინე გამსახურდია ლეილა ცომაიას 2008 წლის წერილს აქვეყნებს

საქართველოს პარლამენტის ეროვნული ბიბლიოთეკის დირექტორი, კონსტანტინე გამსახურდია, ამჟამად ოპოზიციონერი აქტივის, ლეილა ცომაიას მიერ 2008 წლის აგვისტოს ომის შესახებ ამავე წლის სექტემბერში გამოქვეყნებულ წერილს ავრცელებს.წერილში, ლეილა ცომაია, საუბრობს მიხეილ სააკაშვილის და მისი ხელისუფლების ბრალეულობაზე და წერს, რომ "აგვისტოს ომმა ცხადყო და ნათლად წარმოაჩინა მიხეილ სააკაშვილის, როგორც მთავარსადლისა და მისი მაღალჩინოსანი სამხედროების სრული დილეტანტიზმი და პროფანიზმი, სამხედრო მოუმზადებლობა და უუნარობა".ამავე დროს, ცომაია აღნიშნავს, რომ აგვისტოს ომში საქართველომ არათუ დაიბრუნა დაკარგული ტერიტორიები, არამედ დაკარგა კოდორის ხეობა და კიდევ ერთხელ განადგურდა გენოფონდი, რაზეც პასუხისმგებლობა მთლიანად უნდა დაეკისროს მიხეილ სააკაშვილს."რამდენადაც ქ-ნი ლეილა ცომაია კვლავ მოექცა საზოგადოების ყურადღების ცენტრში, უინტერესო არ იქნებოდა მისი ამ წერილის გაცნობა 2008 წლის აგვისტოს ომზე"განმათავისუფლებელი"2008 წ. 18 სექტემბერი7-23 აგვისტოს რუსეთ-საქართველოს ომმა ხანგრძლივმოქმედი კოლაფსი და საყოველთაო კატასტროფა მოუტანა ქართველს ერს. ამ ქარიშხალივით თავსდატეხილმა ომმა თავზარდამცემად გააშიშვლა ილუზიონისტ-პოლიტიკანის,მიხეილ სააკაშვილის ავანტიურისტული ვნებანი – თავს მოეხვია წასაგებად განწირული ომი, რისთვისაც მან დროც, თავისი “დიდი მასწავლებლის” – შევარდნაძის მსგავსად, აგვისტო შეარჩია, როდესაც მნიშვნელოვნად დაქვეითებულია სამხრეთელი ქართველების შრომისა და ბრძოლის უნარიც, რომ არაფერი ვთქვათ ბაქი-ბუქა პრეზიდენტის “სამხედრო ძლიერების” ბლეფზე. ემზადებოდა თუ არა საქართველოს პრეზიდენტი და მთავარსარდალი მიხეილ სააკაშვილი ამ საპასუხისმგებლო ომისათვის? დიახ, ემზადებოდა! 2006 წლის 15 თებერვალს საქართველოს პარლამენტმა 179 ხმით მიიღო დადგენილება რუსი “სამშვიდობო ჯარების” ცხინვალის მხარიდან გაყვანის შესახებ (მანამდეც არსებობდა რიგი დადგენილებები ამ საკითხთან დაკავშირებით) და 1992 წლის 24 ივნისის დაგომისის ხელშეკრულების გადახედვის შესახებ, თუმცა, ოპოზიცია ითხოვდა ამ ხელშეკრულების სრულ დენონსაციას.ყოველწლიურად იზრდებოდა სახელმწიფოს თავდაცვის ბიუჯეტი და ჯარის რიცხვითი რაოდენობა (იგი, საბოლოოდ 2008 წლის 15 ივლისის პარლამენტის დადგენილებით, 37000-ით განისაზღვრა).2007 წლის ბოლო თვეებში, სააკაშვილის ხელისუფლების მხარდამჭერთა მხრიდან აქტიურად ვრცელდებოდა ხმები ცხინვალის რეგიონის დაბრუნების მზადების შესახებ და ამ უმნიშვნელოვანესი ისტორიული აქტის ჩაშლა მთლიანად ოპოზიციის მიერ ნოემბერში საპროტესტო აქციების გაშლას ბრალდებოდა. 5 იანვრის საპრეზიდენტო არჩევნებში, პრეზიდენტობის კანდიდატის მიხეილ სააკაშვილის მთავარი პირობა, მომავალ საპრეზიდენტო ვადაში ცხინვალის რეგიონისა და აფხაზეთის საქართველოსთვის დაბრუნება იყო. ამგვარი აღმშენებლური ამბიციები (გახსოვთ, ალბათ, მან ორივე საპრეზიდენტო ინაუგურაციის დროს ფიცი დავით აღმაშენებლის საფლავზე დადო) მას პირველ საპრეზიდენტო ვადაშიც გააჩნდა და ცხინვალის რეგიონში “ძლევამოსილი შესვლის” რეალური მცდელობაც ჰქონდა (2004 წ. ივნისი და აგვისტო-სექტემბერი). ამ ავანტიურისტული სულისკვეთებითა და პარანოიდული ჟინით გამოსტაცა ხელიდან დაუმორჩილებელ თავდაცვის მინისტრ ირ. ოქრუაშვილს (რომელიც მტკიცე შემართებითა და თავდაჯერებით აცხადებდა, რომ 2007 წლის 1 იანვარს იგი ცხინვალში შეხვდებოდა) შიდა ქართლის საქართველოსთვის დაბრუნების შედარებით რეალური ინიციატივა, რისთვისაც მას გააფთრებით შეებრძოლა – 2006 წლის ნოემბერში იგი თანამდებობიდან გადააყენა, ხოლო 2007 წლის 27 სექტემბერს, კორუფციის ბრალდებით დააპატიმრა, 10 მილიონი ლარი გირაოს სახით გამოსძალა, საქართველოდან განდევნა (მას საფრანგეთის ვიზა და გერმანიის ბილეთი საპატიმროში მიუტანეს) და ემიგრაციაშიც მასზე სისხლის სამართლის დევნა გამოაცხადა. ოქრუაშვილის ნაცვლად კი, თავდაცვის მინისტრის პოსტზე სრულიად უსახური და არაჯანსაღი ჰაბიტუსის (გავრცელებული ხმებით იგი მორფინისტია) პიროვნება დავით კეზერაშვილი აღაზევა.ომის მდგომარეობაში მყოფ ქვეყნის პრეზიდენტსა და მთავარსარდალს ერთი დღითაც კი არ ჩაუცვამს სამხედრო ფორმა და არც ნირი შეცვლია, არამედ მას და პარლამენტის თავმჯდომარე დავით ბაქრაძეს, ომის დაწყებიდან ოთხი დღის განმავლობაში, პირიდან ღიმილი არ მოსცილებიათ, როცა ბარბაროსი მტრისაგან ულმობლად იწირებოდნენ ხელისუფლებისაგან სრულიად დაუცველი ადამიანები, სრულად წყდებოდნენ ოჯახები და სისხლიდან იწრიტებოდა საქართველო. ჩვენი ქვეყნის ეს ორი უმაღლესი ხელისუფალი კი სასოწარკვეთილ, დაბნეულ გაოგნებულ ხალხს, პარლამენტის წინ მიტინგებზე უხმობდნენ და იმედისა და რაიმე გონივრული სტრატეგიის ნაცვლად ხელში დროშებს აჩეჩებდნენ, მათ წინაშე ბაქი-ბუქობდნენ და ტაშ-ფანდურობდნენ. უმაღლესი მთავარსარდლისა და პარლამენტის თავმჯდომარის ამგვარ არაადექვატურ ქმედებებს, ბარბაროსი მტრის თბილისში შემოჭრის მცდელობამ უცვალა ნირი. აი, მაშინ კი დამფრთხალ-დამდუღრული სახით გამოვიდა დავით ბაქრაძე და ტელევიზიით განგვიცხადა: ყველამ საკუთარი შესაძლებლობებით დაიცავით თავიო და პრეზიდენტ-მთავარსარდლის დანაბარებიც გადმოგვცა: მშვიდად შეხვდით განსაცდელს, გარეთ არ გამოხვიდეთ, თუ მტერი სახლებში შემოგეჭრათ ხელები არ გაანძრიოთო, ანუ მტერს ხელებაწეული და დაჩოქილი შეხვდითო. თავად ბაქრაძეს კი სახეზე აშკარად ეწერა გაქცევის მზადება, სავარაუდოდ, პრეზიდენტ-მთავარსარდალთან ერთად.დიახ, ეს მუხანათური გადაწყვეტილება ბაქრაძის ჩამქრალ გასაიდუმლოებულ მზერაში აშკარად ბუდობდა. ხელისუფლებას არაოფიციალურად ჩამოცილებული იყო სახელმწიფოს პრემიერ მინისტრი ლადო გურგენიძე, რომელიც, ომის დაწყებამდე, რამდენიმე თვის განმავლობაში საერთოდ არ ჩანდა სახელისუფლო ავანსცენაზე და იგი მხოლოდ ომის დაწყებიდან მეხუთე დღეს გამოჩნდა მოკრძალებული საქმიანობით – კაბინეტური შეხვედრები გამართა მთავრობის წევრებთან. ჩვენ ვესაუბრეთ რამდენიმე ჯარისკაცს,რომლებმაც გვითხრეს, რომ მათ ბოლო ორის თვის განმავლობაში, ყოველ დღე ემზადებოდნენ ცხინვალში შესასვლედად, მათ იცოდნენ, რომ უნდა ებრძოლათ შიდა ქართლის დასაბრუნებლად.(ჩვენ მათ სახელებსა და გვარებს და დისლოკაციის ადგილებს შეგნებულად არ ვასახელებთ).ომიდან გამოსული, გადარჩენილი ჯარისკაცები კი გვეუბნებოდნენ, რომ მათ არ ჰქონდათ საკმარისი ტყვია-წამალი და თვით ავტომატებიც კი, უიარაღო ბიჭები, ბრძოლის ჟინჩაკლული იღუპებოდნენო.მაგალითად, ვაზიანის 700-კაციან ბატალიონიდან მხოლოდ 300 ჯარისკაცი გადარჩენილა.რუსეთ-საქართველოს აგვისტოს ომმა, ბლეფად აქცია პრეზიდენტ სააკაშვილის მიერ ყბადაღებული და რეკლამირებული ჩვენი თავდაცვისუნარიანობა და სიძლიერე და ნათლად წარმოაჩინა თავზარდამცემი რეალობა: საერთოდ არ გვყოლია სამხედრო ავიაცია, არ გვქონია არანაირი საზენიტო დანადგარები, ხუხულა ყოფილა სანავიგაციო სისტემა, არ გვყოლია არანაირი დაზვერვა, არ გვქონია საკმარისი ავტომატები და ტყვია-წამლებიც კი, ეს ყოველივე მაშინ, როცა ქვეყნის სამხედრო თავდაცვის ბიუჯეტი ორჯერ აღემატება სამოქალაქო ბიუჯეტს, ხოლო ჯარისკაცების წვრთნა და სამხედრო მომზადება მხოლოდ რეკლამისთვის განკუთვნილი მოკლემეტრაჟიანი კინოსერიალები ყოფილა.მთელი ომის განმავლობაში გულისმომკვლელად და აღმაშფოთებლად მწირი იყო ინფორმაციები ომის მსვლელობისა და მდგომარეობის შესახებ. სააკაშვილის მიერ მონოპოლიზირებულ ტელევიზიებში აშკარად იგრძნობოდა მკაცრი სახელმწიფო ცენზურა, მაშინ, როდესაც დღევანდელი ტექნიკური პროგრესის პირობებში სრულიად შესაძლებელია პირდაპირი ტრანსლიაცია საომარი მოქმედებებისა. ასე იყო ერაყის ომის, იუგოსლავიის და თვით ჩეჩნეთის ომის დროსაც. ჩვენ კი მხოლოდ უცხოური ტელეკომპანიების მოიმედენი ვიყავით, რომ ის ინფორმაციები მაინც მიგვეღო, რასაც ეს ტელეკომპანიები ავრცელებდნენ საინფორმაციო მეტრაჟით. ქართველ ჟურნალისტებს, ვითომდაც მათი უსაფრთხოების მიზნით ომის მოქმედების ზონებში არ უშვებდნენ. შესაბამისად არაფერი ვიცით, როგორ იბრძოდნენ ჩვენი ჯარისკაცები, რა სამხედრო ტექნიკით, როგორი განლაგებით, საერთოდ იყო თუ არა ომის ეპიცენტრში თავდაცვის მინისტრი დავით კეზერაშვილი, რომელიც ტელეეკრანზე მხოლოდ 17 აგვისტოს გამოჩნდა ვაზიანის სამხედრო ბაზაზე. სად იყო და როგორ მოქმედებდა ჩვენი გენერალიტეტი, უშიშრობისა და შინაგან საქმეთა მინისტრი ვანო მერაბიშვილი, საზღვრის დეპარტამენტის უფროსი ბიწაძე, რომლებიც ერთიანად გამქრალი იყვნენ არეალიდან. ჩვენ იძულებულნი ვიყავით გვესმინა შინაგან საქმეთა მინისტრის მოადგილის მიერ ორწუთიან ბრიფინგებზე გაჟღერებული ქართველი მეომრების გმირობებზე, თავგანწირვაზე და ქართველი მეომრების მიერ ჩამოგდებულ 30-მდე ოკუპანტების თვითმფრინავზე, მაშინ, როცა დღემდე არ არსებობს არც ერთის დამადასტურებელი კადრი. ომის შედეგი კი კატასტროფულია, როგორც ფიზიკური სამხედრო ძალისა და მშვიდობიანი მოსახლეობის დანაკარგებით ასევე ნგრევის მასშტაბებით, რითაც ეს ომი დიდად გასცდა 1992-93 წ. წ. აფხაზეთის ლოკალურ ომს.დღეს ჩვენ ორკვირიანი ომის შედეგად გვყავს 130 000-მდე დევნილი, 20 000-ზე მეტი დაღუპული (თუმცა ოფიციალური ხელისუფლება ამ ციფრს 2 000-მდე ამცირებს). გადამწვარ-გადაბუგულია თითქმის მთელი საქართველოს ტყე-პარკი და მინდვრები, სრულიად დანგრეული, გაძარცული და გაჩანაგებულია სამხედრო და თვით სამოქალაქო ინფრასტრუქტურაც, აფეთქებულია სარკინიგზო ხიდები და ა. შ. რუსეთ-საქართველოს აგვისტოს ომმა ავიაგამანადგურებლებით თბილისშიც შემოაღწია და მოიცვა სრულიად საქართველო, რუსმა ოკუპანტებმა ყველგან ჩვეული მაოხრებული კვალი დატოვეს.პრეზიდენტისა და მთავარსარდლის მიხეილ სააკაშვილის მხრიდან აშკარაა მცდელობა ტაბუ დაადოს და მიჩქმალოს ზემო აფხაზეთის (კოდორის ხეობის) საკითხი, რომლის ტერიტორია ჩვენ, ამ ომის შედეგად დავკარგეთ და იქ დღეს საქართველოს დროშების ნაცვლად აფსუა სეპარატისტების დროშა ფრიალებს. იმის ნაცვლად, რომ ამ სტრატეგიული ხეობის შესანარჩუნებლად მაინც გადაგვესროლა მთელი ძალები, სეპარატისტებსა და ოკუპანტებს ხეობა, თითქმის უბრძოლველად დავუთმეთ, საიდანაც, აგრეთვე გვყავს დევნილები.აგვისტოს ომმა ცხადყო და ნათლად წარმოაჩინა მიხეილ სააკაშვილის, როგორც მთავარსადლისა და მისი მაღალჩინოსანი სამხედროების სრული დილეტანტიზმი და პროფანიზმი, სამხედრო მოუმზადებლობა და უუნარობა, ბლეფად აქცია ჩვენი, ვითომცდა “ევროპული სტანდარტების შესაბამისი, “სამხედრო ძლიერება”. ამ მხრივ სულაც არ გვქონია მნიშვნელოვანი პროგრესი შევარდნაძისეულ თავდაცვისუნარიანობასთან, ხოლო საჰაერო თავდაცვა კვლავ არ გასცილებია დავით თევზაძის ლაკატკის დონეს. საკუთარი მოსახლეობის უსაფრთხოებისადმი პასუხისმგებლობის ხარისხიც შევარდნაძის დონის იდენტური აღმოჩნდა; ისევე როგორც შევარდნაძემ, არც სააკაშვილმა მოახდინა საომარი კონფლიქტს ზონიდან მოსახლეობის ევაკუაცია მაშინ, როცა სეპარატისტების ლიდერმა, ომის დაწყებამდე მზრუნველად გახიზნა ოსი მოსახლეობა და ეს პროცესი არ ყოფილა გასაიდუმლოებული თუ დახურული, არამედ იყო საჯარო. სააკაშვილმა, როგორც 24 აგვისტოს პარლამენტის ბიუროს წევრებთან შეხვედრაზე განაცხადა, იცოდა, რომ რუსეთი ემზადებოდა აგვისტოს ომისათვის და ამის შესახებ აფრთხილებდა კიდეც მსოფლიოს, მაგრამ ევროპამაც, დასავლეთმაც და ამერიკამაც წაუყრუეს. მათ ამგვარი ყრუდქმნილი მდგომარეობა შეინარჩუნეს ომის დაწყებისა და მსვლელობის თითქმის ოთხი დღის განმავლობაში ანუ, სანამ მთლიანად არ დაიბომბა შიდა ქართლის ტერიტორიები და არ ამოხოცეს ქართველი მოსახლეობა და ქართული ჯარი.საქართველო იქცა რუსეთ-ამერიკის ბრძოლის ველად და ამ ომში დამარცხდა, როგორც საქართველო, ასევე რუსეთიც, რომელსაც ამერიკამ “დუმილის პოლიტიკით” თავისივე დადგმულ ხაფანგში გააყოფინა თავი, რითაც მსოფლიოსათვის საშიშ აგრესორად წარმოაჩინა და საერთაშორისო იზოლაციაში მოაქცია და, პერსპექტივაში, სახელმწიფოეობრივად დაასუსტა იგი.ნიშანდობლივი იყო, რომ სააკაშვილი, რუსი ოკუპანტების შეფასებისას ისტორიულ პარალელს განუხრელად ავლებდა მხოლოდ 1921 წლის ანექსია ოკუპაციის ფაქტთან და არამც და არამც გაკვრითაც არ ახსენებდა 1991-92-93 წლების დეკემბერ-იანვრის სამხედრო გადატრიალებასა და რუსეთის მიერ დასავლეთ საქართველო-აფხაზეთის ტერიტორიის ოკუპაცია-ანექსიის ფაქტს, ვინაიდან დამოუკიდებელი საქართველოს პირველი პრეზიდენტის, ზვიად გამსახურდიას სამხედრო ძალით დამხობა იყო მსოფლიო შეთქმულების შედეგი და ამ შეთქმულებაში მონაწილეობდა, როგორც დასავლეთი და ევროპა, ასევე ამერიკაც და რუსეთიც. სააკაშვილს კი არ სურს დაუპირისპირდეს, დღეს უკვე თავის პარტნიორ და მოკავშირე ქვეყნებს, ანუ, პრეზიდენტ ზვიად გამსახურდიას პერიოდის ხსნებით სააკაშვილს არ სურს საქართველოს დღევანდელი მდგომარეობის მიზეზ-შედეგობრივი კვანძის გახსნა, რომელსაც უფრთხის მსოფლიოც. ეს ტაბუდადებული ისტორიული მონაკვეთია, რომელშიც მნიშვნელოვანია კვარცხლბეკის ფაქტორიც.ზვიად გამსახურდია (შევარდნაძისა და სააკაშვილისაგან განსხვავებით) ჭეშმარიტად დამოუკიდებელი, სუვერენული და ერთიანი საქართველოს პრეზიდენტი იყო. სააკაშვილის მკრეხელური მცდელობა, რომ თითქოს – “დღევანდელი საქართველოსა და ქართველების გმირობამ პირველად, საქართველოს ისტორიაში აღაფრთოვანა მსოფლიო”, სხვა არაფერია, გარდა იმისა, რომ მოახდინოს ფასეულობების დევალვაცია.თბილისი კი, რუსი ოკუპანტების შემოსევებისაგან ჭეშმარიტად იხსნა მართლმადიდებელი მრევლის ერთობლივმა გულითადმა ლოცვებმა, რომლებსაც ისინი თავიანთ წინამძღვრებთან ერთად ღამისთევით აღავლენდნენ ეკლესიებში. სასწაულთმოქმედი ხატებით ეწყობოდა მლოცველთა მსვლელობები მთელ თბილისში, მრავალრიცხოვანი მრევლის მიერ, ომის დაწყებამდე და ომის პერიოდშიც. ასევე ღვთის ნებითა და წყალობით იყო საერთაშორისო პოლიტიკური ძალების ზეწოლაც, რომ რუს ოკუპანტებს ხელი აეღოთ თბილისში შეჭრის განზრახვისაგან, შეეწყვიტათ ომი და დაეწყოთ გასვლა ოკუპირებული ტერიტორიებიდან.აგვისტოს ომში საქართველომ არა თუ დაიბრუნა დაკარგული ტერიტორიები, არამედ დაკარგა მისი ერთ-ერთი უმნიშვნელოვანესი სტრატეგიული ნაწილი – კოდორის ხეობა და კიდევ ერთხელ განადგურდა გენოფონდი, რაზეც პასუხისმგებლობა მთლიანად უნდა დაეკისროს ქვეყნის პრეზიდენტსა და მთავარსარდალს მიხეილ სააკაშვილს. (ლ. ცომაია)“ – ვკითხულობთ კონსტანტინე გამსახურდიას მიერ გამოქვეყნებულ პოსტში.

პოლიტიკა • 1759346767

VIDEO: „ვანო მერაბიშვილის გეგმა ,,ორი გვამი მინდა" ხომ გახსოვთ?! ესენი ძალაუფლების აღების მექანიზმად თვლიან ერთადერთ აი ამ გზას...“ - ნანა კაკაბაძე

„ვანო მერაბიშვილის გეგმა ,,ორი გვამი მინდა" ხომ გახსოვთ?! ესენი ძალაუფლების აღების მექანიზმად თვლიან ერთადერთ აი ამ გზას...“, - ამის შესახებ უფლებადამცველმა, ნანა კაკაბაძემ გადაცემა „ვახო ხუზმიაშვილის თავისუფალ სივრცეში“ განაცხადა. 

სამართალი • 1758477855

გამოძიებამ მოიპოვა მტკიცებულებები, რომელიც მიუთითებს, რომ ასაფეთქებლის საბოლოო დანიშნულების ადგილი არა რუსეთის ფედერაცია, არამედ თბილისის ცენტრი იყო - სად აპირებდნენ „ჰექსოგენის“ აფეთქებას რეალურად

ექსპერტ-კრიმინალისტი ზაზა ალთუნაშვილი "კურიერი P.S.-ს" იმ საშიშ ნივთიერებაზე ესაუბრა, რომელიც სახელმწიფო უსაფრთხოების სამსახურმა ოპერატიული ინფორმაციის საფუძველზე ამოიღო. უკრაინა, რუმინეთი, ბულგარეთი, თურქეთი - ამ მარშრუტით, სატვირთო ავტომობილმა საქართველოს საზღვარი სარფის გამშვები პუნქტის გავლით გადმოკვეთა. სატრანსპორტო საშუალება უკრაინული გადამზიდი კომპანია “ავა ტრანსის“ საკუთრებაა. ოფიციალურად, მას მცხეთაში მდებარე ლუდის ქარხნისთვის ალუმინის საცობები გადაჰქონდა, თუმცა სპეციალურ სამალავში ინახებოდა ნივთიერება, რომელსაც, აფეთქების შემთხვევაში, უზარმაზარი ზიანის გამოწვევა შეეძლო.ნივთიერება, რომელიც საქართველოს ტერიტორიაზე ნებისმიერ დროს, მცირე მექანიკური ზემოქმედებითაც კი შეიძლება ამოქმედებულიყო, საზღვრის გადმოკვეთიდან მალევე, ბათუმის მიმდებარე ტერიტორიაზე ამოიღეს. იქვე დააკავეს სატვირთო ავტომობილის მძღოლი და უკრაინის კიდევ ერთი მოქალაქე, რომელსაც "ჰექსოგენი" აჭარიდან თბილისში, ავლაბრის ტერიტორიაზე უნდა ჩაეტანა. "რუსთავი2-ის" მიერ ექსკლუზიურად მოპოვებულ ჩვენებაში ბრალდებული მძღოლი ადასტურებს, რომ ასაფეთქებელი ნივთიერება, საქართველოში ჩამოსატანად, მას უკრაინის უშიშროების სამსახურის წარმომადგენლებმა გადასცეს. ასახელებს კონკრეტულ სახელსაც.გამოძიებამ მოიპოვა მტკიცებულებები, რომელიც მიუთითებს, რომ ასაფეთქებლის საბოლოო დანიშნულების ადგილი არა რუსეთის ფედერაცია, არამედ თბილისის ცენტრი იყო. გამოძიების მასალებში ნახსენებია ავლაბრის ტერიტორია. აქ ორ კილოგრამ-ნახევარი მოცულობის "ჰექსოგენის" აფეთქებას შესაძლოა უდიდესი ზიანი მოეტანა, როგორც ინფრასტრუქტურის, ისე ადამიანური დანაკარგის მხრივ.იმას, რომ უკრაინიდან შემოტანილი "ჰექსოგენის" საბოლოო დანიშნულების ადგილი საქართველო იყო, არც ბრალდებულის ინტერესების დამცველი გამორიცხავს. მიხაილო სკრუპსკის ადვოკატი ამბობს, რომ სატვირთო ავტომობილის მძღოლმა არ იცის, რეალურად, სად იგეგმებოდა აფეთქება. უკრაინის კიდევ ერთი მოქალაქე, რომელსაც "ჰექსოგენი" ბათუმიდან თბილისში უნდა ჩაეტანა, ამ დრომდე დუმილის უფლებას იყენებს.უკრაინის უშიშროების სამსახურის მიერ საქართველოში გამოგზავნილი ასაფეთქებელი ნივთიერება სახიფათო პროვოკაციაა მმართველი გუნდისთვის. საქართველოს ხელისუფლება კიევიდან განმარტებებს ელოდება. მათ შორის, პასუხს კითხვაზე - თუ რა მიზნით შემოიტანეს საქართველოს ტერიტორიაზე უკრაინის მოქალაქეებმა "ტროტილზე" უფრო ძლიერმოქმედი ასაფეთქებელი?სახელმწიფო უსაფრთხოების სამსახური სწავლობს დაგეგმილ დანაშაულთან საქართველოს ყოფილი მაღალჩინოსნების კავშირსაც. მათ შორის, გაჟღერდა ვანო მერაბიშვილის ყოფილი მოადგილის, გია ლორთქიფანიძის სახელი, რომელიც ახლა უკრაინის უშიშროების მაღალჩინოსანია. საქართველოში ის ამ დრომდეც რამდენიმე გახმაურებულ საქმეში ფიგურირებს.2016 წელს, საპარლამენტო არჩევნებამდე ოთხი დღით ადრე თბილისის ცენტრში “ნაციონალური მოძრაობის“ წევრის, გივი თარგამაძის ავტომობილი ააფეთქეს. სამიზნე გადარჩა, მთავარი ფიგურანტი დარჩო ხეჩუაშვილი კი ქვეყნიდან გაიქცა. სამართალდამცველებმა ის რამდენიმეწლიანი ძებნის შემდეგ დააკავეს და, გივი თარგამაძის მკვლელობის მცდელობისთვის, ციხეში გაუშვეს. ბრალდებულმა დაკითხვის დროს განაცხადა, რომ არჩევნების წინ ოპოზიციის ლიდერის ლიკვიდაციის ბრძანება უკრაინიდან მიიღო. დაასახელა გია ლორთქიფანიძის გვარიც.გია ლორთქიფანიძე და უკრაინული სცენარი გამოიკვეთა საქართველოში მიხეილ სააკაშვილის შემოპარვის დროსაც. ამჯერადაც, გეგმა წინასაარჩევნო პერიოდზე იყო გათვლილი და ხელისუფლების რევოლუციური ცვლილება უნდა მოეხდინა. ყოფილი პრეზიდენტი 2021 წლის არჩევნებამდე ერთი დღით ადრე, მალულად, სატვირთო კონტეინერით შემოიყვანეს, თუმცა ის დააკავეს და ამჯერადაც სასჯელს იხდის. 

პოლიტიკა • 1757768170

ლევან მაჭავარიანი „ჰექსოგენის“ საქმეზე: უკრაინის სპეცსამსახურები იყვნენ ჩართულები სააკაშვილის საქართველოში შემოპარებაში, კონკრეტულად ლორთქიფანიძე ხელმძღვანელობდა, რომელიც დღეს მაღალ პოზიციაზეა უკრაინის დაზვერვის სამსახურში და ლოგიკურია, რომ ეს ყველაფერი, სწორედ იგივე ხელით არის დაგეგმილი

ფრაქცია „ქართული ოცნების“ თავმჯდომარის პირველმა მოადგილემ და თბილისის საარჩევნო შტაბის ხელმძღვანელმა, ლევან მაჭავარიანმა ჟურნალისტებთან ისაუბრა „ჰექსოგენის“ საქმეზე და განაცხადა, რომ არავისთვის არ იქნებოდა გასაკვირი აღნიშნულ საქმეში კვლავ უკრაინის სპეცსამსახურები იყვნენ ჩართულები გია ლორთქიფანიძის ხელმძღვანელობით.მაჭავარიანის განცხადებით, „ლოგიკურია, რომ ეს ყველაფერი, სწორედ იგივე ხელით არის დაგეგმილი და გამოსავლენია ეს განკუთვნილი იყო საქართველოსთვის, რომ ასაფეთქებელი ნივთიერება საქართველოში დარჩენილიყო თუ, საქართველო გამოყენებულ უნდა ყოფილიყო სატრანზიტო ქვეყანად.“ „ეს არავისთვის გასაკვირი არ არის, ჩვენ კარგად გვახსოვს, რომ უკრაინის სპეცსამსახურები იყვნენ ჩართულები მიხეილ სააკაშვილის საქართველოში შემოპარებაში, კონკრეტულად ლორთქიფანიძე ხელმძღვანელობდა ამ სპეცოპერაციას, რომელიც ვანო მერაბიშვილის მოადგილე გახლდათ და დღეს იკავებს ძალიან მაღალ პოზიციას, უკრაინის დაზვერვის სამსახურში და ლოგიკურია, რომ ეს ყველაფერი, სწორედ იგივე ხელით არის დაგეგმილი და გამოსავლენია ეს განკუთვნილი იყო საქართველოსთვის, რომ ასაფეთქებელი ნივთიერება საქართველოში დარჩენილიყო თუ, საქართველო გამოყენებულ უნდა ყოფილიყო სატრანზიტო ქვეყანად, ნებისმიერ შემთხვევაში ჩვენმა უსაფრთხოების სამსახურმა იმუშავა მაღალ დონეზე“,- აცხადებს ლევან მაჭავარიანი.        

პოლიტიკა • 1757098605

სამი გენერალი აცხადებდა, რომ მერაბიშვილის და კეზერაშვილის ხელმძღვანელობით, სამხედროების წლების განმავლობაში ჩამოყალიბებული გეგმა დაიწუნეს, გადაწყვიტეს პასუხისმგებელი არა თავდაცვის ძალები, არამედ შს სამინისტრო ყოფილიყო - თეა წულუკიანი აგვისტოს ომზე

პარლამენტის დროებითი საგამოძიებო კომისიის ხელმძღვანელის, თეა წულუკიანის განცხადებით, კომისიაზე მყოფმა გენერლებმა დაადასტურეს, რომ 2008 წლის აგვისტოში, ქართული ჯარი სამხედრო საქმისგან შორს მყოფი პოლიტიკოსების მიერ მართულ ომში აღმოჩნდა.წულუკიანის თქმით, იმდროინდელმა ხელისუფლების წარმომადგენლებმა გადაწყვიტეს, რომ სამხედრო პირების მიერ შეთავაზებული და ცხინვალში ქართული ჯარის მსვლელობაზე პასუხისმგებელი არა თავდაცვის შეიარაღებული ძალები, არამედ შინაგან საქმეთა სამინისტრო ყოფილიყო. ამის შესახებ თეა წულუკიანმა "რუსთავი 2"-ის ეთერში, რეზო ჭიჭინაძის საავტორო გადაცემაში - "ისტორია დეტალებში" ისაუბრა."სამი გენერალი, რომელიც ჩვენ გამოვკითხეთ, საქმე ეხება ზაზა გოგავას, მამუკა ყურაშვილსა და მამია ბალახაძეს, ეს უკანასკნელი გახლდათ და მიიჩნევა, რომ არის ამ სამ გენერალს შორის ყველაზე მეტად გამოცდილი და კომპეტენტური (სახმელეთო ჯარების სარდალი გახლდათ მაშინ), ისიც და დანარჩენი ორი პირიც, კომისიის წინაშე ფაქტებით აცხადებდა, რომ თათბირზე, რომელიც შედგა ვანო მერაბიშვილის(ის ამ დროს, შინაგან საქმეთა მინისტრი იყო) და კეზერაშვილის (რომელიც ამ დროს, თავდაცვის მინისტრი იყო) ხელმძღვანელობით, სამხედრო პირების მიერ შეთავაზებული და მრავალი წლის განმავლობაში შემუშავებული, გადაკეთებული, ჩამოყალიბებული, გაუმჯობესებული გეგმა იქნა დაწუნებული. მასში იქნა ცვლილებები შეტანილი სწორედ ორი მინისტრის მიერ, მიხეილ სააკაშვილთან შეთანხმებით და სწორედ პოლიტიკოსებმა გადაწყვიტეს, რომ გეგმა შეცვლილიყო და ძირითად მიმართულებაზე, როგორც სამხედროები უწოდებენ ამას, ცხინვალში ქართული ჯარის მსვლელობაზე, პასუხისმგებელი არა თავდაცვის შეიარაღებული ძალები, არამედ შინაგან საქმეთა სამინისტრო და კერძოდ, ვანო მერაბიშვილის მოადგილე, შალვა ჯანაშვილი ყოფილიყო. ეს სრულიად გაუგებარი, გაუგონარი რამ არის და ეს დაადასტურეს სამხედროებმაც", - აღნიშნა თეა წულუკიანმა გადაცემაში სტუმრობისას.ცნობისთვის, 2003-2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე, საქმიანობის შემსწავლელმა საქართველოს პარლამენტის დროებითმა საგამოძიებო კომისიამ 460-გვერდიანი დასკვნა გამოაქვეყნა, სადაც 2008 წლის აგვისტოს ომზეც არის საუბარი.

პოლიტიკა • 1756812273

საგამოძიებო კომისია: საბოლოოდ დადგინდა, რომ „ნაცმოძრაობის“ ხელისუფლებამ იცოდა, რომ კონფლიქტის ზონაში დაძაბულობა უმაღლეს ნიშნულზე იყო, მაგრამ არავითარი ზომა არ მიიღო მშვიდობიანი მოსახლეობის დროულად გამოსაყვანად

საგამოძიებო კომისიის მიერ გამოკითხულ პირთა მიერ მოწოდებული ცნობებიდან ცალსახად იკვეთება, რომ 2008 წლის აგვისტოში, ქართული ჯარი სამხედრო საქმისგან შორს მყოფი პოლიტიკოსების მიერ მართულ ომში აღმოჩნდა, – ამის შესახებ ნათქვამია პარლამენტის დროებითი საგამოძიებო კომისიის დასკვნაში, რომელიც კომისიის თავმჯდომარე თეა წულუკიანმა პარლამენტში წარადგინა.თეა წულუკიანის თქმით, პოლიტიკოსების გადაწყვეტილებით, ძირითად მიმართულებაზე სამხედრო ამოცანის შესრულება დაევალა შინაგან საქმეთა სამინისტროს, რამაც თავდაცვის ძალებში დეზორგანიზაცია, ხოლო სამოქალაქო მოსახლეობაში გაურკვევლობა და დაუცველობა გამოიწვია.„საგამოძიებო კომისიის მიერ გამოკითხულ პირთა მიერ მოწოდებული ცნობებიდან (იხ. გენერალი გიორგი გოგავას, გენერალი მამუკა ყურაშვილის, გენერალი მამია ბალახაძის, შინაგან საქმეთა მინისტრ ვანო მერაბიშვილის მოადგილის, შალვა ჯანაშვილის, სამხედრო ექიმის, ლაშა ქოიავას ახსნა-განმარტებები) ცალსახად იკვეთება, რომ 2008 წლის აგვისტოში, ქართული ჯარი სამხედრო საქმისგან შორს მყოფი პოლიტიკოსების მიერ მართულ ომში აღმოჩნდა, რომლებმაც, გარე ძალების დახმარების იმედითა და ქართველი სამხედროების აზრის უგულებელყოფით, ქალაქ ცხინვალზე შეტევა განახორციელეს და საომარ მოქმედებათა ძირითად მიმართულებად სწორედ ეს დასახლება განსაზღვრეს. ამასთან, საგამოძიებო კომისიის მიერ დადგენილ იქნა, რომ პოლიტიკოსების გადაწყვეტილებით, ძირითად მიმართულებაზე სამხედრო ამოცანის შესრულება დაევალა შინაგან საქმეთა სამინისტროს, რამაც თავდაცვის ძალებში დეზორიენტაცია და დეზორგანიზაცია, ხოლო სამოქალაქო მოსახლეობაში გაურკვევლობა და დაუცველობა გამოიწვია.გენერალ მამია ბალახაძის თქმით, ვინაიდან ძირითად მიმართულებაზე ამოცანის შესასრულებლად ორი სხვადასხვა სისტემის დანაყოფები დაიძრნენ, გაურკვეველი დარჩა, ვინ იძლეოდა ბრძანებებს – შინაგან საქმეთა თუ თავდაცვის სამინისტრო. გეგმის განხორციელებაში ერთმანეთის გვერდიგვერდ ჩართულნი აღმოჩნდნენ ისეთი შენაერთები და პირები, რომლებსაც ცოდნა და მომზადება სრულიად განსხვავებული ფუნქციების განსახორციელებლად ჰქონდათ მიღებული და, თუნდაც ერთობლივი სწავლებების გზით, თავსებადობის არავითარი ტესტი წინასწარ გავლილი არ ჰქონდათ.ამასთან, მიხეილ სააკაშვილმა შეიარაღებულ ძალებს არ მისცა საშუალება, ემოქმედათ პროფესიონალურად, ვინაიდან ის, სხვებს შორის, აყოვნებდა დამტკიცებული გეგმის მიხედვით მოქმედების დაწყებას. აღიქვამდა რა საომარ მოქმედებებს პიარკამპანიად, „ნაციონალური მოძრაობა“ ღია ეთერით გადასცემდა ქართული ჯარის მოქმედებების შესახებ ინფორმაციას და მტერს ცეცხლის კორექტირების საშუალებას აძლევდა, რაც, საგამოძიებო კომისიის მიერ გამოკითხული თითოეული სამხედრო პირის მიერ ზურგიდან ხელშეშლად და ყოვლად დაუშვებლად იქნა მიჩნეული. გარდა იმისა, რომ სატელევიზიო სივრცეში სისტემატურად ჰქონდა ადგილი რუსეთის წინაშე ქართული სამხედრო პოზიციების „გაშიშვლებას“ პირდაპირი ეთერით, მიმდინარეობდა კონფლიქტის ზონაში დარჩენილი მოსახლეობის დეზინფორმაცია არაკომპეტენტურად მომზადებული სიუჟეტებითა და ტოტალური სიცრუის გავრცელებით იმის თაობაზე, თითქოს, საქართველოს ცენტრალური ხელისუფლება კონფლიქტის ზონაში ეფექტურ კონტროლს ახორციელებდა და საერთაშორისო მეგობრები არ დაუშვებდნენ ქვეყანაში კატასტროფას და შეაჩერებდნენ რუსეთის აგრესიას. მეტიც, „ნაციონალური მოძრაობის“ მიერ კონტროლირებულმა მედიამ განსაკუთრებით აქტიური როლი შეასრულა კატასტროფული შედეგების მქონე წაგებული ომის „გამარჯვებად“ გასაღებაში. ზემომოყვანილმა და სხვა გარემოებებმა, ერთობლიობაში, განაპირობა სამდღიანი ომი, მარცხი, დამატებითი ტერიტორიების ოკუპაცია რუსეთის მიერ, დევნილთა რიცხვის ზრდა, გაუმართლებელი მსხვერპლი, როგორც შეიარაღებულ ძალებში, ასევე, სამოქალაქო მოსახლეობაში, და მნიშვნელოვანი მატერიალური დანაკარგი.2008 წლის აგვისტოს ომის შედეგად, ცხინვალის რეგიონში რუსეთის მიერ მანამდე ოკუპირებულ 363 დასახლებულპუნქტს, 111 ოკუპირებული დასახლებული პუნქტი შეემატა. რუსეთის ოკუპაციის ქვეშ აღმოჩნდა მანამდე ცენტრალური ხელისუფლების მიერ კოტროლირებადი კოდორის ხეობაც. როგორც საგამოძიებო კომისიის წინაშე შინდისის ბრძოლის გმირის ძმამ, ფრიდონ ზოიძემ აღნიშნა, „ნაციონალურმა მოძრაობამ“ ომში დაღუპული ქართველი ჯარისკაცების გადმოსვენებაში მონაწილეობა არ მიიღო და არაერთი ცხედარი ბრძოლის ველზე რჩებოდა. როგორც საყოველთაოდ ცნობილია, მათი გადმოსვენება მოხდა სრულიად საქართველოს კათალიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტი ილია ΙΙ-ის მიერ, მას შემდეგ, რაც ის მეუფეებთან და საქართველოს საპატრიარქოს წარმომადგენლებთან ერთად, ცხინვალის რეგიონში შევიდა და გარდაცვლილთა ცხედრებს უპატრონა“, – ნათქვამია თეა წულუკიანის მიერ წარდგენილ კომისიის დასკვნაში.ამასთან, დასკვნის თანახმად, საგამოძიებო კომისიის მუშაობის შედეგად, საბოლოოდ დადგინდა, რომ „ნაციონალური მოძრაობის“ ხელისუფლებამ, სულ ცოტა, 2008 წლის ივლისის ბოლოდან იცოდა, რომ კონფლიქტის ზონაში დაძაბულობა უმაღლეს ნიშნულზე იყო, მაგრამ არავითარი ზომა არ მიიღო, რომ მშვიდობიანი მოსახლეობა საომარი არეალიდან დროულად გამოეყვანა.„მეტიც, როგორც გრიგოლ ვაშაძემ განაცხადა, მოსახლეობის დროული ევაკუაცია რეჟიმის მიზანს არ წარმოადგენდა. მოგვიანებით, „ერთიანი ნაციონალური მოძრაობის“ დეპუტატებმა, გიორგი კანდელაკმა, დავით დარჩიაშვილმა, გიორგი (გოკა) გაბაშვილმა და ჩიორა თაქთაქიშვილმა, ხოლო „ქრისტიან-დემოკრატიული მოძრაობიდან“ გიორგი თარგამაძემ ხმა მისცეს ევროსაბჭოს საპარლამენტო ასამბლეის N1633 რეზოლუციას, რითაც 2008 წლის 7-8 აგვისტოს ღამით „ცხინვალის დაბომბვა“ აღიარეს და საკუთარი ქვეყნის ჯარი ომის შესაძლო დანაშაულის ჩადენაში უსაფუძვლოდ დაადანაშაულეს“, – აღნიშნულია საგამოძიებო კომისიის დასკვნაში.

პოლიტიკა • 1752853344

წულუკიანი: ნანა ჟორჟოლიანს გამოქვეყნებული აქვს 20-პირიანი სია სახელწოდებით: წულუკიანის მამის მიერ დახვრეტილი ხალხი - წარდგენილია საბუთები, რომ 15 პირი დღესაც ცოცხალია. შევიტანეთ სარჩელი ცილისწამებაზე

თეა წულუკიანმა ნანუკა ჟორჟოლიანის წინააღმგდეგ სასამართლოში სარჩელი შეიტანა: „მე კი სულ ვიცოდი, რომ მართლები ვიყავით, მაგრამ ახლა ჩივილის დროა! ბაცილებს რაც მეტს გაუტარებ, მით მეტად გათავხედდებიან. თან, უკან მოსვლასაც აპირებენ და... მიშასტელეფონიანი თინა ბოკუჩავა იყო ერთ-ერთი პირველი, ვინც 2012–2013 гг. შეურაცხყოფა. მიშამ დაავალა, უარს ვერ ეტყოდა (აქ, თვალის პაჭუნი). მხოლოდ იმიტომ, რომ მე ვიყავი პოლიტიკაში, თორემ ლამაზ თინიკოს ავთანდილ წულუკიანი არასოდეს გაახსენდებოდა. იმავეს აკეთებდა ხოლმე ვივამედის კრიმინალი ბაიყუში, როცა იუსტიციაში ვიყავი და გაბრაზდებოდა ვანოს, ბაჩოს ან პეტრეს დაპატიმრებაზე ან კიდევ მისი ექსტრადიციის მოთხოვნის შესახებ წერილის გაგზავნაზე. თორემ სხვა შეხება მოსამართლე ავთანდილ წულუკიანს და ბნედიანს არ ჰქონიათ.«მეტი საქმე არ მაქვს, მასეთებს ველაპარაკოს» პრინციპით, ავთანდილ წულუკიანმა 2000 წელს სასამართლო სისტემა დატოვა და პენსიაზე გავიდა. ეს ის დროა, სისხლისმსმელი სააკაშვილი ქართველ ერზე ექსპერიმენტის ჩატარებას რომ იწყებს. ამის შემდეგ, იმ ქალებს, რომელთა მძივებზეც მიშას ხელები შეუწმენდია, ან კიდევ თავად ბაიყუშს, არ უხსენებიათ ავთანდილ წულუკიანი. მგონი, რადგან არ დავკვირვებივარ.მხოლოდ ჭიჭე ვაშაძეს რომ შეუვრდა იმ თაკო ჩარკვიანმა ახსენა ერთხელ პარლამენტში (იმ დღეს, საუზმეში დამამშვიდებლის ჩაყრა ჰქონდა ოჯახს დავიწყებული, მისი რა ბრალია!).ეს ის თაკოა, მამამისი რომ შეუფერებელ ადგილას დაასაფლავა „აქანე კარადას დავდგამ“ პრინციპით და მის სიცოცხლეშიც, მამამისის წინ ძნელად დავარცხნილი კვიცივით რომ დახტოდა.ბოლოს საგამოძიებო კომისიაც შეიქმნა და „ქართულმა ოცნებამ“ მისი ხელმძღვანელობის პაუსიხსმგებლობა მე დამაკისრა. შევუდექი თუ არა საქმიანობას, ჭაღებით გასვეტებულმა მადამ კოდუამ, რომელიც ქმრის მიერ წართმეული მანქანებით დაჯირითობდა ქალაქში ნაცების დროს, ისევ გაიხსენა მამაჩემი. გასაგებია, რომ ვანო მერაბიშვილის მიერ შექმნილი ქმრის მიერ შექმნილი ინდივიდია, სხვა სტატუსი ჯერჯერობით ისევ არ აქვს, მაგრამ როდემდე უნდა ვიძახოთ, რატომ უნდა უჩივლო „მასეთს“?ჰოდა, დღეს, მე, 82 წლის დედაჩემმა, ჩემმა ძმამ და ჩემმა ძმის შვილმა შევიტანეთ სარჩელი ცილისწამებაზე. ნანულ, ოჯახშიდ კიდენა მეტნიცა ვაართ, მარა ამ ეტაპზე ეს იკმარე.ნანა ჟორჟოლიანს გამოქვეყნებული აქვს 20-პირიანი სია სახელწოდებით: წულუკიანის მამის მიერ დახვრეტილი ხალხი. ამ სიას აქ არ ვაქვეყნებ, რადგან, სავარაუდოდ, არაერთი მათგანი განსაკუთრებით მძიმე კატეგორიის დანაშაულში, მათ შორის, განზრახ მკვლელობაში, გვამების დანაწევრებასა და ნაგავში გადაყრაში და ა.შ. მსჯავრდადებული ხალხია წარსულში და მათ წარსულში ქექვა, ნანა-ნანუკა-ნანულა-ნანუჩიოსგან განსხვავებით, ჩემი საქმე არ არის.უბრალოდ ვიტყვი, წარდგენილია საბუთები, რომ 15 პირი ცოცხალია დღესაც, 1 პირი მას მერე გარდაიცვალა, როცა მამაჩემი საიქიოში იყო უკვე, ზოგი მას მერე გარდაიცვალა, რაც საქართველომ სიკვდილით დასჯა გააუქმა, ერთის იდენტიფიცირება საერთოდ ვერ ხდება და ა.შ.ახლა, საინტერესოა, ვინ მოკლა იმან და რაფერ ხთეფა ისე, ნანულ, რომ მე ვარ თურმე მკვლელის შვილი.აღარ ვაპირებთ, რომ გავატაროთ. გეიგეე?ნანუჩ, აბა, სილიკონის ტუჩები (და ისინიც) დაპრუწე და თქვი ....“ - წერს წულუკიანი სოციალურ ქსელში.  

პოლიტიკა • 1750856070

პარლამენტის დროებითმა საგამოძიებო კომისიამ 2012-2025 წლებში ზოგიერთი პოლიტიკოსის მხრიდან საქართველოს საგარეო პოლიტიკური მიზნების საზიანოდ განხორციელებული ქმედებები განიხილა

2003–2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების 2003 წლიდან დღემდე საქმიანობის შემსწავლელმა პარლამენტის დროებითმა საგამოძიებო კომისიამ დღევანდელ სხდომაზე ორი პირი - საგარეო საქმეთა მინისტრი მაკა ბოჭორიშვილი და პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე გამოჰკითხა.გივი მიქანაძემ 2025 წლის 21-27 იანვარს, სტრასბურგში ევროპის საბჭოს საპარლამენტო ასამბლეაში საქართველოს მუდმივმოქმედი დელეგაციის ვიზიტზე ისაუბრა. მისი თქმით, მიუხედავად იმისა, რომ ოპოზიციამ ბოიკოტი გამოაცხადა და პარლამენტში არ შემოვიდა, ევროპის საბჭოს საპარლამენტო ასამბლეაში მათი უპრეცედენტო მობილიზება იყო - მიწვეული სტუმრის სტატუსით სტრასბურგში იმყოფებოდნენ, როგორც რადიკალური ჯგუფების წევრები და კონკრეტული პოლიტიკოსები, ასევე არასამთავრობო სექტორის წარმომადგენლები.როგორც გივი მიქანაძემ განაცხადა, აღნიშნული ჯგუფები სტრასბურგში რამდენიმე დღით ადრე ჩავიდნენ და სხვადასხვა პოლიტიკოსებთან ინტენსიური კომუნიკაცია ჰქონდათ, განსაკუთრებით, ევროპის სახალხო პარტიასთან და ლიბერალებისა და დემოკრატების ალიანსთან (ALDE).„მათი მთავარი მიზანი იყო, რომ საქართველოს პარლამენტის ახლად არჩეული დელეგაციის უფლებამოსილება არ ყოფილიყო ცნობილი და ამით ჩვენი ქვეყნისთვის, მისი იმიჯისთვის ზიანი მოეტანათ და ეს არც დაუფარავთ“, - განაცხადა გივი მიქანაძემ.მისივე ინფორმაციით, სტრასბურგში ოპოზიციონერი პოლიტიკოსებიდან იმყოფებოდნენ: თინა ბოკუჩავა, სალომე სამადაშვილი, ზურაბ ჭიაბერაშვილი, ზურაბ (გირჩი) ჯაფარიძე, ხოლო არასამთავრობო სექტორიდან - ნინო დოლიძე, ნონა ქურდოვანიძე, გიორგი ბურჯანაძე, გიორგი კანდელაკი, თინა ხიდაშელი და სხვები.როგორც გივი მიქანაძემ აღნიშნა, ამ პოლიტიკოსების ნაწილი ევროპის საბჭოს საპარლამენტო ასამბლეის პრეზიდენტსა და ასამბლეის გენერალურ მდივანსაც შეხვდნენ, სადაც მოითხოვდნენ, რომ საქართველოს დელეგაციის უფლებამოსილება ცნობილი არ ყოფილიყო.მისივე თქმით, საქართველოს დელეგაციის უფლებამოსილების არ ცნობის საკითხის სესიის დღის წესრიგში ჩასმა შვედეთის დელეგაციის წარმომადგენლებმა მოითხოვეს და მათ მხარი დაუჭირეს ევროპის სახალხო პარტიისა და ALDE-ს წევრებმა, ასევე ძალიან აქტიურობდა უკრაინის დელეგაცია.გივი მიქანაძის განმარტებით, მონიტორინგის კომიტეტის სხდომაზე თინა ბოკუჩავამ კომიტეტის წევრებს დეზინფორმაცია მიაწოდა, სადაც განაცხადა: „საქართველოში რუსული ხელისუფლებაა, საჭიროა ზომების მიღება და ევროპის საბჭოს საპარლამენტო ასამბლეისთვის უდიდესი შეურაცხყოფა იქნება, რომ თუნდაც დათქმით ცნოს საპარლამენტო ასამბლეაში საქართველოს მუდმივმოქმედი დელეგაციის უფლებამოსილება“.როგორც მან აღნიშნა, რადიკალების გეგმა, რომ საქართველოს დელეგაციის უფლებამოსილება ცნობილი არ ყოფილიყო, ჩავარდა - საპარლამენტო ასამბლეამ რეზოლუცია მიიღო, რომლითაც საქართველოს ახლად არჩეული პარლამენტის დელეგაციის უფლებამოსილება ცნო, თუმცა გაკეთდა სრულიად უსამართლო დათქმები ახალი საპარლამენტო არჩევნების მოთხოვნასთან და დაკავებული პირების გათავისუფლებასთან დაკავშირებით.„ეს უსამართლო და აბსოლუტურად უპრეცედენტო გადაწყვეტილება იყო - ევროპის საბჭოს საპარლამენტო ასამბლეა, რომელიც ადამიანის უფლებების უმაღლეს სტანდარტს უნდა იცავდეს, ერეოდა კონკრეტული ქვეყნის საშინაო საქმეებში და ორმაგი სტანდარტების მიდგომით, კონკრეტული პოლიტიკური ჯგუფების მხარდაჭერის მიზნით, უსაფუძვლოდ მოითხოვდა ახალ საპარლამენტო არჩევნებს და სრულიად იგნორირებდა საქართველოს მოსახლეობის მიერ 2024 წლის ოქტომბერში გაკეთებულ არჩევანს. ჩვენთვის მსგავსი მიდგომა მიუღებელი იყო, შესაბამისად, არ დაველოდეთ შემდგომ სესიას, რომელზეც საქართველოს საკითხი კიდევ უნდა განხილულიყო და მივიღეთ გადაწყვეტილება, რომ ჩვენ თვითონ შეგვეჩერებინა ევროპის საბჭოს საპარლამენტო ასამბლეაში საქმიანობა“, - განაცხადა გივი მიქანაძემ.ზოგიერთი პოლიტიკოსის მხრიდან საქართველოს საგარეო პოლიტიკური მიზნების საზიანოდ განხორციელებულ ქმედებებზე დროებით საგამოძიებო კომისიას ახსნა-განმარტება საგარეო საქმეთა მინისტრმა მაკა ბოჭორიშვილმა მისცა.„სამწუხაროა, როდესაც ხედავ, რომ შენივე კოლეგები, შენს გვერდით მსხდომი ადამიანები, რომლებსაც ასევე ჰქვიათ ქართველი პოლიტიკოსები, სახელმწიფოს წინააღმდეგ ბრძოლაში გამალებით არიან ჩართული. ნამდვილად არ არის ეს სასიამოვნო სანახავი“, - განაცხადა მაკა ბოჭორიშვილმა.მისი თქმით, 2022 წელს, ხელისუფლების მიერ საქართველოს ევროკავშირში წევრობის განაცხადის გაკეთების შემდეგ, ევროპელ პოლიტიკოსებთან შეხვედრებზე მათი მხრიდან ცალსახად ითქვა, რომ მოლდოვა და უკრაინა მიიღებდნენ კანდიდატის სტატუს, საქართველო კი არ მიიღებდა.„ვნახოთ, მოსახლეობის ის 85 პროცენტი, რომელიც ევროკავშირში ინტეგრაციას მხარს უჭერს რა პასუხს მოსთხოვს „ქართული ოცნების“ ხელისუფლებას - მათ მიერ ნათქვამი ეს წინადადება ცხადად აჩვენებდა, რომ ევროინტეგრაცია, საქართველოსთვის ამდენად მნიშვნელოვანი საკითხი, ვიღაცისთვის მხოლოდ და მხოლოდ ინსტრუმენტი იყო იმისთვის, რომ საქართველოში ხელისუფლება ნებისმიერი გზით შეეცვალათ.2020 წელს არჩევნების არანაირი პერსპექტივა აღარ არსებობდა, აღარ არსებობდა არანაირი კონსტიტუციური გზა ხელისუფლების ცვლილების და რა თქმა უნდა, „სცენარი 2“ - არაკონსტიტუციური გზით ხელისუფლების ცვლილების - უკვე სრულად ჩაშვებული იყო ასამოქმედებლად. საჭირო იყო კარგი მიზეზების მოძებნა, რომელიც შეიძლებოდა გამოყენებული ყოფილიყო საქართველოს სახელმწიფოს წინააღმდეგ“, - განაცხადა საგარეო საქმეთა მინისტრმა.მისივე თქმით, ამ პროცესში ჩართული იყვნენ პოლიტიკოსები, არასამთავრობო ორგანიზაციები და მედია.„თუ გახსოვთ კამპანია, რომ საქართველო არის მაჩანჩალა, რომელსაც განსაკუთრებით აქტიურად იყენებდა „ლელო“ – „ლელოს“ პოლიტიკოსები პარლამენტში, განსაკუთრებით ანა ნაცვლიშვილი, სალომე სამადაშვილი ხშირად საუბრობდნენ, რომ საქართველო არის მაჩანჩალა და ცდილობდნენ, რომ ეს რაღაცნაირად გამჯდარიყო საზოგადოებაში, თითქოს, საქართველო არ იმსახურებს კანდიდატის სტატუსს და საქართველოს არა აქვს მიღწევები“, - განაცხადა მაკა ბოჭორიშვილმა.საგარეო საქმეთა მინისტრმა ყურადღება გაამახვილა უკრაინაში ომის პარალელურად, საქართველოს წინააღმდეგ წარმოებულ კამპანიაზე -„შავი ხვრელი - საქართველო“, რომლითაც ქვეყანას უსაფუძვლოდ ადანაშაულებდნენ, რომ თითქოს რაღაც არასწორად კეთდებოდა, თუმცა ამისი არანაირი მტკიცებულება თუ საფუძველი არ ყოფილა.„ეს კამპანია რამდენიმე თვე გაგრძელდა, რომელმაც ვერ ვიტყვით, რომ ზიანი არ მიაყენა ჩვენს სახელმწიფოს. ზუსტად იმ პერიოდში კანდიდატის სტატუსს ველოდით და მართლაც კარდაკარ დავდიოდით ჩვენი პარტნიორების დასარწმუნებლად იმაში, რომ არასწორი იქნებოდა საქართველოს ჩამოტოვება ამ სამეულიდან და გეოპოლიტიკურად არასწორი გზავნილი იქნებოდა გარე სამყაროსთვის ასეთი გადაწყვეტილების მიღება. თუმცა, ამ გეოპოლიტიკურ მიზნებს სხვა მიზნებმა აჯობა და საქართველოს არ მისცეს კანდიდატის სტატუსი“, - განაცხადა მაკა ბოჭორიშვილმა.მან ასევე ისაუბრა გასულ წელს გამართულ ევრონესტის შეხვედრაზე, როდესაც ძალიან კარგად გამოჩნდა „ოპოზიციონერი პოლიტიკოსების გულწრფელობა“. მაკა ბოჭორიშვილის განცხადებით, ამ შეხვედრაზე, ევროინტეგრაციის საკითხთან დაკავშირებით სამ ქვეყანაზე - უკრაინაზე, საქართველოსა და მოლდოვაზე მორგებული რეზოლუციის ინიციირება მოახდინეს საქართველოს დელეგაციის წევრებმა „ქართული ოცნებიდან“, თუმცა ოპოზიციონერმა კოლეგებმა - ვაშაძემ, წითლიძემ, ბოტკოველმა და კორძაიამ, უკრაინის დელეგაციასთან ერთად, დოკუმენტს მხარი არ დაუჭირეს.მაკა ბოჭორიშვილის განცხადებით, ევროპასთან უვიზო მიმოსვლის თემა შეიძლება გამოყენებული იყოს საქართველოს წინააღმდეგ, რადგან „ქუჩის პოლიტიკაში“ ჩართული პოლიტიკოსები ამ თემას ბრიუსელში აქტიურად ლობირებენ.ასოცირების შეთანხმების ხელმოწერაზე საუბრისას, საგარეო საქმეთა მინისტრმა აღნიშნა, რომ 2013 -2014 წლებში ოპოზიციონერი პოლიტიკოსები - სალომე სამადაშვილი, გიორგი კანდელაკი, გიგა ბოკერია და სხვები აქტიურად ლობირებდნენ, რომ საქართველოსთვის ხელი შეეშალათ შეთანხმებაზე ხელმოწერისთვის და ვანო მერაბიშვილისა და სხვა სამართლებრივი საქმეები ამის მიზეზი გამხდარიყო.მაკა ბოჭორიშვილის თქმით, ამით მათ უნდოდათ ეჩვენებინათ, რომ დასავლეთისთვის „ქართული ოცნება“ მიუღებელი იყო.„ეს დღის წესრიგი არ შეცვლილა და განსაკუთრებით 2024 წლის არჩევნებამდე გააქტიურდა - ანუ სურათი, რომ „ქართული ოცნება“ მიუღებელია და არ უნდა ესაუბრო, დღესაც დევს ბრიუსელში მაგიდაზე“, - აღნიშნა მაკა ბოჭორიშვილმა.მისივე თქმით, ყველაფერს, რასაც „ქართულ ოცნებას“ აბრალებენ და ედავებიან, ის ადამიანები უყრიან საფუძველს, რომლებიც ან პოლიტიკაში არიან, ან არასამთავრობო ორგანიზაციებში ან მედიის გარკვეულ ნაწილში.„ჩვენ გვიწევს ბრძოლა ქართული სახელმწიფოებრიობისთვის, სახელმწიფოს ინსტიტუტების დაცვისთვის და ამის გარეშე წარმოუდგენელია ნებისმიერი საგარეო პოლიტიკური მიზნის განხორციელება, მათ შორის, ევროკავშირში ინტეგრაცია“, - განაცხადა მაკა ბოჭორიშვილმა.პარლამენტის დროებითი საგამოძიებო კომისიის მორიგი სხდომა 30 ივნისს გაიმართება.

პოლიტიკა • 1750844944

მაკა ბოჭორიშვილი: აქტიურად ხდებოდა სამართლებრივი საქმეების გამოყენება პოლიტიკური მიზნებისთვის არა საქართველოს ხელისუფლების, არამედ ოპოზიციის მხრიდან - ეხვეწებოდნენ ევროპარლამენტარებს, პირობითობა ჩადეთ რეზოლუციებში, რომ თუ მერაბიშვილი გარეთ არ გამოვა საქართველო ასოცირების შეთანხმებას ვერ მოაწერს ხელს

ძალიან აქტიურად ხდებოდა სამართლებრივი საქმეების გამოყენება პოლიტიკური მიზნებისთვის არა საქართველოს ხელისუფლების, არამედ, პირიქით - ოპოზიციის მხრიდან. სწორედ ეს იყო სამართლებრივი საქმეების პოლიტიზება. მერაბიშვილის საქმის პოლიტიზებას ახდენდნენ სწორედ ის ადამიანები, ვინც ბრიუსელში დადიოდნენ ევროპარლამენტში და ეხვეწებოდნენ ევროპარლამენტარებს, პირობითობა ჩადეთ რეზოლუციებში, რომ თუ მერაბიშვილი გარეთ არ გამოვა, თუ არ იქნება ეს სამართლებრივი საქმეები სხვანაირად გადაწყვეტილი, საქართველო ასოცირების შეთანხმებას ვერ მოაწერს ხელს, - ამის შესახებ საქართველოს საგარეო საქმეთა მინისტრმა, მაკა ბოჭორიშვილმა, პარლამენტის დროებითი საგამოძიებო კომისიის სხდომაზე განაცხადა.როგორც ბოჭორიშვილმა აღნიშნა, ოპოზიცია აქტიურად ლობირებდა, რომ საქართველოსთვის ასოცირების შეთანხმების ხელმოწერაზე ხელი შეეშალათ და ამის საფუძველი ვანო მერაბიშვილის და სხვა მსგავსი სამართლებრივი საქმეები გამხდარიყო. მისივე თქმით, საქართველოს დელეგაციაში მყოფი ოპოზიციონერების დღის წესრიგი ძირითადად იყო ის, რომ ეჩვენებინათ, თუ როგორი მიუღებელია „ქართული ოცნების“ ხელისუფლება დასავლეთისთვის.„ეს ხდებოდა 2014 წლამდე, 2013 წელს, როდესაც, ძალიან კარგად გვახსოვს, რა პირობებში ხდებოდა ასოცირების შეთანხმების ხელმოწერაზე გადაწყვეტილების მიღება. ეს არ იყო მარტივი გეოპოლიტიკური მოცემულობა: მაშინ ოთხ ქვეყანასთან მიმდინარეობდა მოლაპარაკებები, სომხეთმა მიიღო სხვა გადაწყვეტილება, შევიდა ევრაზიულ კავშირში. ევროპარლამენტის საგარეო საქმეთა კომიტეტის საჯარო მოსმენაზე, სწორედ ამ პერიოდში ლობირებდნენ აქტიურად, რომ საქართველოსთვის ხელი შეეშალათ ასოცირების შეთანხმების ხელმოწერაზე და მერაბიშვილის და სამართლებრივი საქმეები გამხდარიყო ამის საფუძველი და მიზეზი, რის გამოც, საქართველო შეიძლებოდა გვერდით გადაწეულიყო- ამას აკეთებდნენ.დელეგაციაში ვინც იყვნენ, ყველა აქტიურად მუშაობდა, კანდელაკის სახელი არაერთხელ გაჟღერდა და ეს იყო ადამიანი, რომელიც ძალიან ხშირად დადიოდა და ლობირებდა, სამადაშვილიც ყოველთვის აქტიურობდა ამ პროცესებში, ბოკერიაც იყო, ბევრნი იყვნენ, ვინც დადიოდნენ ბრიუსელში და მათი დღის წესრიგი ძირითადად იყო, რომ როგორღაც გაჩენილიყო შემაფერხებელი გარემოებები საქართველოს ევროინტეგრაციის პროცესის გადასავადებლად, დროში გასაწელად, რომ შემდგომ ეჩვენებინათ, როგორი მიუღებელია „ქართული ოცნების“ ხელისუფლება დასავლეთისთვის. ეს დღის წესრიგი არ შეცვლილა, ყოველთვის იყო ამ წლების განმავლობაში და სხვდასხვა დოზით აქტიურდებოდა, განსაკუთრებით აქტიური არის ახლა, 2024 წლის არჩევნებამდე განსაკუთრებით გააქტიურდა.“ - განაცხადა მაკა ბოჭორიშვილმა.

პოლიტიკა • 1750241507

ვანო მერაბიშვილმა და მიხეილ სააკაშვილმა თავისი განცხადებებით რუსეთს 2008 წლის ომში ეკოდანაშაულის უმძიმესი ბრალდება მოუხსნეს - მალხაზ თოფურია

რუსეთის მიერ ჩადენილი დანაშაულის გამოძიების პროცესში ტალიავინის დასკვნის პროექტში ეწერა ეკოდანაშაულიც, რომელიც არის ერთ-ერთი უმძიმესი ბრალდება, თუმცა ვანო მერაბიშვილმა და მიხეილ სააკაშვილმა რუსეთს ეს უმძიმესი ბრალდება მოუხსნეს, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელ დროებით საგამოძიებო კომისიაზე“ აფხაზეთის ომის ვეტერანმა, მალხაზ თოფურიამ განაცხადა.მისი თქმით, ტალიავინის დასკვნაში მსგავსი ჩანაწერი რომ მოხვედრილიყო, რუსეთს საქართველოს სასარგებლოდ რამდენიმე მილიარდის გადახდა დაეკისრებოდა.„ტალიავინის კომისიამ მუშაობის პროცესში რუსეთის ერთ-ერთი უმძიმესი დანაშაული გამოკვეთა. ამ კომისიის მუშაობის შედეგად, რუსეთს ერთ-ერთი უმძიმესი დანაშაული მიუძღვის არაადეკვატური ძალის გამოყენების ნაწილში, ასევე პროექტში ეწერათ, რომ რუსეთმა ეკოდანაშაული ჩაიდინა – ეს არის ბორჯომის ხე-ტყის პარკის დაწვა. რუსეთს, როგორც საერთაშორისო ხელშეკრულების ხელმომწერ ქვეყანას მოუწევდა, ეკოდანაშაულის ჩადენაზე რამდენიმე მილიარდის, რამდენი არ მახსოვს, მაგრამ ძალიან დიდ თანხებზეა საუბარი, საქართველოს სასარგებლოდ გადახდა მოუწევდა. და უცებ, ვანო მერაბიშვილი და მიხეილ სააკაშვილი გამორბიან ყველა არხზე, ყველა მიკროფონთან და აცხადებენ, მადლობა წაღვერის მოსახლეობას, რომ არ გათქვეს, რომ იქ ტექნიკას ვმალავდით და რაღაცებს ვინახავდით. მანამდე, არც კეხვის, არც თამარაშენის სოფელი არ გახსენებიათ. ტალიავინის კომისიას ეს მასალა წარედგინა და რუსეთს ეკოდანაშაულზე ბრალდება მოეხსნა. როდესაც შენ მწვანე საფარს იყენებ საბრძოლო მასალების შესანახად, სამხედრო სამართალშია ასეა, პასუხისმგებლობისგან ის თავისუფლდება. ვანო მერაბიშვილმა და მიხეილ სააკაშვილმა რუსეთს ეს უმძიმესი ბრალდება მოუხსნეს,“ – განაცხადა მალხაზ თოფურიამ.

პოლიტიკა • 1750065112

ცაგურია 2009 წლის 15 ივნისის აქციის დარბევაზე: შეგნებულად იყო სამმართველოს შესასვლელი გაღებული, ვიდეოკამერებით გვიღებდნენ, უნდოდათ დაედგათ კადრი, რომ შევიჭერით, იქ თავისი ფეხით ვინ შევიდოდა - „ზონდერულ-მილიციური“ თავდასხმა მოგვიწყვეს

რომ მივდიოდით [პოლიციის სამმართველოსთან], უპრეცედენტოდ ბევრი ხალხი იყო, მაგრამ არ გამკვირვებია, იმიტომ, რომ მაგათ უყვარდათ ორი ადამიანის დასაჭერად ათასი კაცის მობილიზება. არ გვიკვირდა მათგან შოუების მოწყობა და არ მიფიქრია, რომ კიდევ რამე ცუდი მოხდებოდა. მივედით სამმართველოს წინ და დავდექით ტროტუარზე. გადარჩენილ კადრებშიც კი ჩანს, რომ მანქანები თავისუფლად გადაადგილდებიან, - განაცხადა ყოფილმა პოლიტპატიმარმა, დაჩი ცაგურიამ, 2009 წლის 15 ივნისის მშვიდობიანი აქციის დარბევის შესახებ საუბრისას, პარლამენტის დროებითი საგამოძიებო კომისიის სხდომაზე განაცხადა.როგორც მან აღნიშნა, პოლიციის სამმართველოს მთავარი შესასვლელი შეგნებულად იყო გაღებული, ვინაიდან, მათ სურდათ, დაედგათ კადრი, თითქოს, მომიტინგეები შეიჭრნენ სამმართველოში, თუმცა, სამართალდამცველების გამოჩენის შემდეგ შეკრებილები უკანა მხარეს წავიდნენ და ეს გეგმა ვერ განხორციელდა.რაც შეეხება აქციის მონაწილეების სასტიკ ცემას, ცაგურიას განცხადებით, მათ არამხოლოდ ხელკეტებს, არამედ, არმატურის ნაჭრებს, ფიცრებს, ჩაქუჩებს და ჯაჭვებს ურტყამდნენ.„მანქანების გადაადგილებისთვისაც კი არ შეგვიქმნია პრობლემა, მიუხედავად იმისა, ახლა რომ 5 კაცი რუსთაველს კეტავს, ჩვენ უკვე იმდენი ვიყავით, რომ იმ პატარა ქუჩისთვის საკმარისი იყო და ლეგიტიმური უფლებაც გვქონდა, რომ დაგვეკეტა, მაგრამ შეგნებულად, ქუჩაც კი არ დავკეტეთ. შესასვლელის ბლოკირება გამორიცხული იყო, წარმოდგენაც არავის გვქონია. მაგ შესასვლელზე, საინტერესო ის არის, რომ ჩვენდა გასაოცრად, ღია დაგვხვდა და ამ დეტალს ყურადღება არ მივაქციეთ. შეგნებულად იყო სამმართველოს შესასვლელი გაღებული, შიგნიდან ვიდეოკამერებით გვიღებდნენ და დავიწყეთ სიის წაკითხვა, რომ მოვედით, აქ ვართ და ამ დროს, უცებ დაიხუვლა რაღაცამ და ისმის ჩექმების ბრაგუნი - ყველა მხრიდან მორბიან, სამმართველოს შესასვლელის გარდა. ამათ უნდოდათ, დაედგათ კადრი, რომ შევერეკეთ სამმართველოს შენობაში და გადაეღოთ ისე, რომ შევიჭერით, მაგრამ ჩვენ ყველამ ვიცოდით იქ რა ხდებოდა და თავისი ფეხით ვინ შევიდოდა? ჩვენ კიდევ, უკანა მხარეს წავედით ინსტინქტურად. იქ ისეთი ამბავი ატყდა, ხულიგნურ-პოლიციური, ზონდერული გაერთიანება დაგვახვედრეს. ყველა არ იყო ძალოვანი სტრუქტურის წარმომადგენელი. ჩვენ დარბევა და ზონდერები არ გვიკვირდა, ყველა ჩვენს აქციას თან ახლდა ზონდერ-დაჯგუფებების გაკეთება, რომლის ორგანიზატორებად უდესიანები და ვიღაცები ჰყავდათ, ამას დააორგანიზებდნენ და აქციებიდან წასულ ხალხს არაკაცურად სადარბაზოებში, ქუჩა-ქუჩა დასდევდნენ და სასიკვდილოდ სცემდნენ. აქაც ზონდერულ-მილიციური თავდასხმა მოგვიწყვეს და ხელში ეჭირათ, მარტო პოლიციის ხელკეტები კი არა, ზოგს არმატურის ნაჭერი, ზოგს ფიცარი, ზოგს ჩაქუჩი, ზოგს - ჯაჭვი. ჩაქუჩებს გვირტყამდნენ და ჯაჭვები გვირტყეს სულ. სასიკვდილოდ უნდა ვეცემეთ ყველა სათითაოდ, ვანო მერაბიშვილი როგორც ამბობდა, უნდა "გაფარჩაკდნენ" ცემაში და მაშინ იქნება კარგიო, ზუსტად მაგას აკეთებდნენ."- განაცხადა დაჩი ცაგურიამ.

პოლიტიკა • 1749198691

მინდა, მოვუწოდო „ნაციონალური მოძრაობის“ დროს ვალერი შოშიაშვილის მსგავს სიტუაციაში მყოფ ყველა ბიზნესმენს, მოგვმართეთ, ვიდრე ჯერ კიდევ არის დრო - თეა წულუკიანი

მინდა, მოვუწოდო „ნაციონალური მოძრაობის“ დროს ვალერი შოშიაშვილის მსგავს სიტუაციაში მყოფ ყველა ბიზნესმენს, მოგვმართეთ, ვიდრე ჯერ კიდევ არის დრო, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ სხდომაზე კომისიის თავმჯდომარემ, თეა წულუკიანმა განაცხადა.მისი თქმით, აუქციონის გზით ბიზნესმენებს ნანგრევების შეძენას დიდ თანხად ავალებდნენ. თეა წულუკიანის თქმით, ამ მეთოდის კვლევა უნდა გაღრმავდეს.„რამდენიმე განცხადებაა შემოსული და მინდა, ბატონი ვალერი შოშიაშვილის მსგავს სიტუაციაში მყოფ ყველა ბიზნესმენს მოვუწოდო, რომ ვიდრე ჯერ კიდევ არის დრო, მოგვმართეთ. კახეთი, სადაც ზურაბ ადეიშვილს ჰონდა „შეფობა“ აღებული და ითვლებოდა კახეთის აღმშენებლად იმ მეთოდით, რაც ბატონმა ვალერმა აღწერა. ახალციხე, რომელზეც მეორე ბოსი იყო ვანო მერაბიშვილი. სწორედ ასეთი მეთოდებით, აუქციონებზე ნანგრევებს შეაძენინებდნენ ბიზნესმენებს დიდ თანხად, შემდეგ, როგორც თავად ამბობდნენ, ამ თანხებს რეგიონების აღსაშენებლად იყენებდნენ. განცხადების სახით ამის რამდენიმე მაგალითია შემოსული. თუმცა, უნდა ვივარაუდოთ, რომ ამ თანხებს სხვა რაღაცაში იყენებდნენ. რაბათის მშენებლობისთვის რომც გამოეყენებინათ, რითაც იმართლებდა ხოლმე თავს ბატონი ვანო მერაბიშვილი, ეს არ არის ის მეთოდი, რომლითაც სახელმწიფო უნდა აშენებდეს ძეგლს თუ ობიექტს. ჩვენ უნდა გავაღრმაოთ ასეთი მეთოდის კვლევა. ეს პირველი მაგალითია, რაც საჯაროდ გამოვიდა და კიდევ მეტად შემზარავია, ვიდრე ნოტარიუს ციური ბერიძესთან სტუმრობა, რომელიც პატრიოტებს ვერ იგერიებდა, როგორც თავად ბრძანა და სახელმწიფოზე ქონებებს ღამე აფორმებდა“, – განაცხადა თეა წულუკიანმა.