მსოფლიო • 1748715407

კანარის კუნძულებთან ნავის გადაბრუნების შედეგად 7 მიგრანტი, მათ შორის 2 ბავშვი დაიღუპა

28 მაისს კანარის კუნძულებთან ახლოს ნავის ჩაძირვის შედეგად შვიდი მიგრანტი დაიღუპა.სააგენტო Reuters-ის ინფორმაციით, მიგრანტების ნავი სანაპიროდან რამდენიმე მეტრში გადაბრუნდა.გადაუდებელი დახმარების სამსახურის ცნობით, დაღუპულებს შორის ორი ხუთი წლის ბავშვი და 16 წლის მოზარდია. მათი ინფორმაციით, ნავი მაშინ გადაბრუნდა, როცა მაშველები მას ლა რესტრინგის პორტისკენ მიაცილებდნენ.„მესმოდა კივილი და არც დავფიქრებულვარ, როგორც ნებისმიერი მოქალაქე, ვინც უბედურ შემთხვევას შეესწრება. მანქანაში ჩავჯექი, ნავისკენ გავიქეცი და ვეცადე, როგორც შემეძლო, დავხმარებოდი“, - განაცხადა ადგილობრივმა ხავიერ იგლესიასმა.დაღუპულები ლა რესტრინგის პორტში დაკრძალეს.

ისტორიები • 1747980527

ამ ამბავმა მთელი საქართველო შეძრა… ისინი ცნობილი ოჯახებიდან იყვნენ – თბილისის ზღვაზე მომხდარი ტრაგედია

 ტრაგედია, 37 წლის წინათ, თბილისის ზღვაზე მოხდა. ხუთი მეგობარი: გიგი ხაბეიშვილი, გოგლიკო ჩოგოვაძე, ვახო დუჩიძე და ძმები – გოგიტა და კახა ჩხაიძეები იმ დღეს ბედისწერამ ზღვაზე მიიყვანა.ცოტა ხნით ადრე მეგობრებმა იალქნიანი იახტა შეიძინეს. მოკლედ, 1985 წლის 27 მაისს ბიჭები საკუთარი იახტით ზღვაში შევიდნენ. მალე იახტა წყალში რაღაცას წამოედო და გაჩერდა. ამბობენ, რომ იახტა წყალში გადებულმა თევზსაჭერმა ბოძმა შეაკავა, რომელშიც დიდი ძაბვა გადიოდა. იმის გასარკვევად, თუ რა აფერხებდა იახტას, ბიჭები წყალში ჩახტნენ.ჯერ ერთი ჩხაიძე ჩახტა, მას მეორე მიჰყვა, მერე გოგლიკო ჩოგოვაძეც შეუერთდა ძმებს… სამივეს დენმა დაარტყა. ბიჭები წყალში გარდაიცვალნენ. გიგი ხაბეიშვილიც წყალში მეგობრებთან ერთად გადამხტარა, დენს მისთვისაც დაურტყამს, მაგრამ იგი გადარჩა. ამბობენ, გიგის გულში კაფსულა ჰქონდა ჩადგმული, რომელმაც დენი გაატარა და ამან გადაარჩინაო.„ასე ლაპარაკობდნენ, თორემ ტყუილია. ბავშვობაში 7 წლის ასაკში, გულის ოპერაცია მაქვს გაკეთებული. დენმა მეც დამარტყა. გათიშული ერთი თვე ვიწექი. მაგრამ გადავრჩი“, – ასე იხსენებს ამ ტრაგედიას გიგი ხაბეიშვილი. ვახო დუჩიძე წყალში არ გადამხტარა. შესაბამისად, იგი ხუთი მეგობრიდან, გიგის შემდეგ, მეორეა, რომელიც ტრაგედიას გადაურჩა. სამეგობროს ტრაგედიახუთივე 55-ე სკოლელი იყო. დიდი სამეგობრო ჰქონდათ. მათ თაობაში შედიოდნენ ძმები გაჩეჩილაძეები. ბიჭები სპორტული ცხოვრებით ცხოვრობდნენ. გიგი მოთხილამურე იყო, ძმები ჩხაიძეები კალათბურთელები. იმ დღეს იახტით გასეირნებას არ აპირებდნენ. სხვადასხვა გეგმები ჰქონიათ, გოგლიკო ჩოგოვაძე საფრანგეთში სასწავლებლად უნდა გაფრენილიყო. მაგრამ გეგმა ჩაშლია და ზღვაზე აღმოჩენილან.გიგი, სოლიკო ხაბეიშვილის შვილი გახლავთ, გოგლიკო, ირაკლი ჩოგოვაძის (ყოფილი ეკონომიკის მინისტრი) ძმაა. გოგლიკოს მშობლები ტრაგედიის დროს საფრანგეთში იყვნენ. მამა, გოჩა ჩოგოვაძე, წლობით საფრანგეთის ელჩი იყო (ახლა იუნესკოში მუშაობს).„გოგლიკოს შეყვარებული ნინო სუხიშვილი იყო. იმ დროს, როგორც მე ვიცი, ნაჩხუბრები იყვნენ“ – ისტორიას აცოცხლებს ელენე ჩხაიძე, კახა ჩხაიძის შვილი.ბიჭები სტუდენტები იყვნენ, გოგიტა ჩხაიძე 20 წლის იყო, მისი ძმა, კახა 19-ის. ერთი ისტორიის ფაკულტეტზე, მეორე სამედიცინო ფაკულტეტზე სწავლობდა. ძმები ისტორიკოსების ოჯახიდან იყვნენ. მათი მშობლები გურამ ჩხაიძე და ია ჩიჩუა გახლავთ. გოგლიკო ჩოგოვაძე ჩხაიძეების ბაღელი, ჯგუფელი, კლასელი და მეზობელი იყო. „ფაქტობრივად, დედაჩემმა სამი შვილი დაკრძალა ერთ დღეს“ – ამბობს ელენე.ბედად გადარჩენილი ვახო დუჩიძე ერთი თვის განმავლობაში საერთოდ ვერ ლაპარაკობდა. გიგი ხაბეიშვილს ამნეზია დაემართა. მომხდარ ფაქტამდე ორი დღით ადრე და შემდეგი ათი დღე რა მოხდა, არ ახსოვდა.ძმების მამას ეტყობა გულმა უგრძნო და ზღვაზე ასულა. სამწუხაროდ, შვილები 5 წუთის გარდაცვლილები დახვდა. სამი ახალგაზრდის გარშემო უკვე ხალხი იყო შემოხვეული. დაღუპულების ოჯახებს არ უჩივლიათ, ან რა აზრი ჰქონდა? 20 წლის ბიჭებს ამით ვერავინ გააცოცხლებდა. სამოქალაქო პანაშვიდები იმართებოდა. როგორც ამბობენ, ჭავჭავაძის გამზირზე ჩხაიძეების და ჩოგოვაძეების სახლის წინ, ხალხის ნაკადი არ წყდებოდა. სამივე ვაკის სასაფლაოზე დაკრძალეს. ძმები ერთად, გოგლიკო კი მათ მახლობლად.ამ თემაზე საუბარი დღესაც არავის უნდა. ეს ამბავი გასაიდუმლოებულიც იყო, ყველა ერიდებოდა მის მოყოლას და გახსენებას. 80-იან წლებში ტრაგიკული შემთხვევები ხშირი არ იყო.ელენე ჩხაიძე: „დედაჩემიც ამბობს, ეკლესიაში შვილმკვდარი დედები სულ რამდენიმე ვიყავით და ახლა ძალიან მოვმრავლდითო. დედას დღემდე ძაძები აცვია. უკვე 70 წლისაა.“იახტა წლების განმავლობაში ეგდო ზღვაზე. იახტკლუბის პრეზიდენტი ილო ფერაძე იყო. „ჩხაიძეების დედა ჩემი კლასელი იყო. ამ ტრაგედიის დროს იქ ვიყავი, საავადმყოფოში მივიყვანეთ ბავშვები. მე ამ თემაზე ვერ ვისაუბრებ“ – მითხრა ბატონმა ილომ.ჩხაიძეების მამა 7 წლის წინ გარდაიცვალა. გურამ ჩხაიძეს მუდმივად გულის შეტევები ჰქონდა. ვაჟების გარდაცვალების შემდეგ თავის მოკვლაც უცდია… საიდუმლოდ დაბადებულიელენე ჩხაიძე 12 დეკემბერს მოევლინა ქვეყანას. მისი დაბადების ისტორია კიდევ უფრო გასაიდუმლოებული იყო, ვიდრე ეს ტრაგედია. გოგონას დაბადებასთან დაკავშირებით სხვადასხვა ვერსია იყო. ამბობდნენ, რომ უკრაინელი, პოლონელი თუ რუსი გოგონა კახა ჩხაიძისგან შვილს ელოდა. როდესაც ტრაგედია დატრიალდა, გოგონა ბავშვის მოშორებას აპირებდა. მაგრამ კახას მეგობრებმა მას ამის ნება არ მისცეს – იქნებ გაუბედურებული ოჯახი გადავარჩინოთო და როდესაც ელენე დაიბადა, იგი მაშინვე ჩხაიძეების ოჯახში მიიყვანეს.„ალბათ, ჩემ ოჯახს მშველელად მოვევლინე. ამიტომ მაღიარეს მშობლებმა, გურამმა და იამ კახას შვილად და არა მის დად. ჩემთვის სხვა სახელის დარქმევა უნდოდათ, მაგრამ დედას კახა დაესიზმრა, ბავშვს ელენე დაარქვიო. სხვათა შორის, გოგლიკო ჩოგოვაძეც 12 დეკემბერსაა დაბადებული“ – იხსენებს ელენე.ელენეს პასპორტში კახას ასული უწერია. თუ ელენე მართლა კახას შვილია, გამოდის, რომ იგი ბებიამ და ბაბუამ გაზარდა. თუმცა გოგონა მათ მშობლებად მოიხსენიებს, კახას და გოგიტას კი ძმებად.„მე ჩემ ძმებს არ ვიცნობდი, მაგრამ დედამ და მამამ მათი დიდი სიყვარული ჩამინერგეს. სულ მესმოდა, კახა მამაშენიაო. მეც ასე მივიღე და დღემდე ამ შეგნებით ვცხოვრობ. უცნაურია, არა? ლოგიკურად ჩნდება კითხვა, დედა სად არის?“ყოველ ახალ წელს ია ჩიჩუა შვილების სასაფლაოზე ხვდება. რაც ელენე წამოიზარდა, ისიც უერთდება დედას.ელენე ჩხაიძე: „ჩოგოვაძეებიც იქ არიან 31 დეკემბერს, გოგლიკოს საფლავზე. დედა სასაფლაოზე ყოველ კვირას დადის. ჩვენთვის ძალიან წმინდა ადგილია ეს საფლავი. მე არასდროს დამინახავს დედის თვალზე ცრემლი. ჩემი თანდასწრებით არ უტირია, მიუხედავად იმისა, რომ მე თვითონ სასაფლაოზე გავიზარდე. ეტყობა, ცუდად რომ არ ჩამრჩენოდა. დღემდე დადიან ძმების მეგობრები ჩხაიძეებთან სახლში. არაფერს ტოვებენ, არც გიორგობას, არც დაბადების დღეებს… ხშირად დადიან სასაფლაოზე.დღეს გიგი ხაბეიშვილს მეცხრე საავადმყოფოში გულის კლინიკა „გული“ აქვს გახსნილი. ვახო დუჩიძეს კი თავისი გამომცემლობა აქვს.„სადაც არ უნდა წავიდე, ეს ისტორია ყველგან მხვდება, ყველამ იცის და აინტერესებს. მთელი ცხოვრება მომყვება… ყველას მუდმივად აინტერესებდა ჩემი ისტორია – ვინ ვიყავი, ვინ იყვნენ ჩემი მშობლები? ახლა უკვე ცხოვრებას მარტივად ვუყურებ და არ ვიძაბები. საკმაოდ დამოუკიდებელი ადამიანი ვარ, ჩემი აზრი გამაჩნია და ცუდია თუ კარგი, ჩემს გადაწყვეტილებას ვენდობი და მივყვები ბოლომდე. ზოგჯერ ამართლებს, ზოგჯერ – არა. ახლა ბედნიერი ვარ, მყავს ჩემი ოჯახი.“

მსოფლიო • 1747782731

ავარიაში დაღუპული კაცის ვინაობა 10 წლის შემდეგ დაადგინეს (ბრიტანეთი)

დიდ ბრიტანეთში, ლონდონში, ავტოავარიაში დაღუპული მამაკაცის ვინაობის იდენტიფიცირება 10 წლის შემდეგ შეძლეს. ინფორმაციას BBC ავრცელებს.მედიის ცნობით, მამაკაცის ვინაობის იდენტიფიცირება პოლიციელმა შეძლო, რომელიც მის საქმეს სამსახურიდან თავისუფალ დროს იძიებდა.ბრაიან ვულისი, რომელიც ადრე ბრაიან უოლესად მიიჩნეოდა, ლონდონში, უოლტჰემსტოუში, საკუთარი სახლიდან სულ რამდენიმე მეტრში გარდაიცვალა, როდესაც მას მერსედესის მარკის ავტომობილი დაეჯახა. 2015 წელს, მისი ვინაობის დამადასტურებელი ჩანაწერები ვერ მოიძებნა."სამწუხარო იყო, როდესაც ადამიანი გარდაიცვალა და დაკრძალეს სათანადო იდენტიფიკაციის გარეშე", -განაცხადა ინსპექტორმა ნიკ დოდსვორტმა, რომელიც გარდაცვლილის საქმეზე მუშაობდა.

ისტორიები • 1747677725

წმინდანთა 5 სასწაულმოქმედი საფლავი, სადაც სასწაულები და განკურნებები დღესაც ხდება

მართლმადიდებელ ქრისტიანებს შორის განსაკუთრებული პატივისცემაა უხუცესებისა და ხანდაზმული ქალების მიმართ, რომლებსაც სიცოცხლის განმავლობაში სულიერი ძალა ჰქონდათ, განკურნებულები, ბრძნული რჩევების მიმცემნი და ხალხის ხსნისკენ წამყვანები. მაგრამ ხშირად მათი მადლიანი დახმარება სიკვდილის შემდეგაც გრძელდება. ასეთი მართალი ადამიანების საფლავები მომლოცველობის ადგილებად იქცევა, სადაც ადამიანები იმედით, ლოცვითა და რწმენით მიდიან.მოგიყვებით ხუთი სასწაულებრივი ადგილის შესახებ, სადაც, მორწმუნეთა ჩვენების თანახმად, განკურნებები და სასწაულები დღესაც ხდება.მართლმადიდებელი წმინდანების 5 სასწაულმოქმედი საფლავი, სადაც სასწაულები და განკურნებები დღემდე ხდებანეტარი მატრონა მოსკოველი მატრონა ერთ-ერთი ყველაზე პატივცემული წმინდანია. ის 1881 წელს ბრმა დაიბადა, მაგრამ სულიერი გამჭრიახობის ნიჭით იყო დაჯილდოებული. ხალხი მასთან რჩევისთვის, მხარდაჭერისა და განკურნებისთვის მიდიოდა. 1952 წელს მისი გარდაცვალების შემდეგაც კი, მის საფლავზე მომლოცველთა ნაკადი არ შეწყვეტილა.2004 წელს კანონიზაციის შემდეგ, წმინდანის რელიკვიები პოკროვსკის მონასტერში გადაასვენეს, მაგრამ ძველი სამარხი სასწაულმოქმედია. ხალხი ტოვებს წერილებს, ლოცულობს და დახმარებას იღებს. ეს ადგილი ათასობით მორწმუნისთვის ნამდვილი მშვიდობით სავსე წყაროდ იქცა.მოხუცი არისტოკლი ათონელი არისტოკლი 1883 წელს დაიბადა. ბავშვობაში დედის ლოცვით და იმ აღთქმით განიკურნა, რომ სიცოცხლეს ღმერთს მიუძღვნიდა. მან არისტოკლიუსის სახელით მონაზვნური აღთქმა დადო, ათონის მონასტრის წინამძღვარი გახდა, ღარიბებს ეხმარებოდა, კურნავდა და ხალხისთვის ლოცულობდა.1918 წელს გარდაცვალების შემდეგ, იგი ეზოში დაკრძალეს. დღეს მის საფლავთან ლოცულობენ ისინი, ვინც მხარდაჭერას, განკურნებასა და ნუგეშს ეძებს. მომლოცველები ხშირად ამჩნევენ მტრედს, რომელიც ღობეზე ზის, თითქოს ეს იმის ნიშანი იყოს, რომ მოხუცი ისმენს და პასუხობს ლოცვებს.დედა მისაილა მონაზონი მისაილა, მსოფლიოში ცნობილი, როგორც მატრონა, დაიბადა 1860-იან წლებში და რთული განსაცდელები გაიარა. ქმრის გარდაცვალების შემდეგ მან მონაზვნური აღთქმა დადო და სიცოცხლის დარჩენილი ნაწილი ადამიანების დახმარებას მიუძღვნა. მისი საფლავი მარტივი ხის ჯვრით, მომლოცველთა ადგილად იქცა. ადამიანები მოდიან კითხვის დასასმელად - და პასუხს გულში, შინაგანი ხმით იღებენ. ითვლება, რომ ის შეცდომებს არ უშვებს, რადგან მას თავად მისაილა ხელმძღვანელობს.დეკანოზი ვალენტინი 1899 წელს დაბადებული, იგი რწმენის გამო დევნილი იყო, მაგრამ უარს არ ამბობდა მსახურებაზე ყველაზე რთულ დროსაც კი. დეკანოზი ვალენტინი დემონებს აძევებდა, ტანჯულებს ეხმარებოდა და დანგრეულ ეკლესიებს აღადგენდა.მისი საფლავი სალოცავად იქცა, სადაც ადამიანები სულიერი განკურნებისთვის მიდიან. მომლოცველებს თან მიაქვთ მიწა და მტკივნეულ ადგილებზე ისვამენ - ტკივილი ქრება. ეს მიწა, მორწმუნეების აზრით, განსაკუთრებული ძალით არის დაჯილდოებული.არქიმანდრიტი იპოლიტი სერგეი ხალინი სამხედრო იყო, რომელიც ბერი გახდა. მან მონაზვნური აღთქმა იპოლიტეს სახელით მიიღო. ის ცნობილი იყო თავისი თავმდაბლობით, სიმტკიცითა და განკურნების ნიჭით. ის ათონზე მსახურობდა.2002 წელს, მისი გარდაცვალების შემდეგ, იგი ტაძრის საკურთხეველთან დაკრძალეს. და მას შემდეგ მომლოცველები აქ იკრიბებიან. ამბობენ, რომ დაკრძალვის დროს, ყინვიან დღეს, ცაში ცისარტყელა გამოჩნდა - ღვთის მადლის ნიშნად. მის საფლავზე მისულები უხილავ, მაგრამ ძალიან ძლიერ მხარდაჭერას გრძნობენ.

კულტურა • 1747571078

ვახტანგ მაჭავარიანი დიდუბის პანთეონში დაკრძალეს

ქართველი კომპოზიტორი დირიჟორი და მუსიკოსი ვახტანგ მაჭავარიანი თბილისის სახელმწიფო კონსერვატორიიდან გამოასვენეს, სადაც მისი კოლეგები და შემოქმედებითი მეგობრები შეიკრიბნენ.მაესტრო დიდუბის პანთეონში, მშობლების გვერდით დაკრძალეს. ვახტანგ მაჭავარიანი 5 მაისს 74 წლის ასაკში გარდაიცვალა.ვახტანგ მაჭავარიანი 80-ზე მეტ მაღალი რანგის სიმფონიურ ორკესტრთან და 25-ზე მეტ საოპერო თეატრთან თანამშრომლობდა.ის იყო მისი მამის, ალექსი მაჭავარიანის ბალეტ "ვეფხისტყაოსნის" დამდგმელი დირიჟორი. 2011 წელს მაესტროს ბრწყინვალების ორდენი მიენიჭა.

მსოფლიო • 1747565131

ვატიკანში რომის ახალი პაპის ინაუგურაცია გაიმართა

ვატიკანში, წმინდა პეტრეს მოედანზე რომის პაპ ლეო XIV -ს ინაუგურაცია გაიმართა.ცერემონიის დაწყებამდე ახალმა პონტიფექსმა მოედანზე შეკრებილებს პაპამობილიდან მიესალმა.ცერემონიას მორწმუნეებთან ერთად მსოფლიოს ლიდერებიც დაესწრნენ - მათ შორის საქართველოს პრეზიდენტი მიხეილ ყაველაშვილი, აშშ-ის ვიცე-პრეზიდენტი ჯეი დი ვენსი, უკრაინის პრეზიდენტი ვოლოდიმირ ზელენსკი, ბრიტანეთის პრინცი ედვარდი და სხვები.კარდინალების კონკლავმა 8 მაისს ამერიკელი კარდინალი რობერტ ფრენსის პრევო რომის პაპად აირჩია, რომელსაც სახელად ლეო XIV ეწოდა.რომის პაპი ფრანცისკე 21 აპრილს 88 წლის ასაკში გარდაიცვალა. ფრანცისკე კათოლიკურ ეკლესიას 2013 წლიდან მართავდა. ის 26 აპრილს რომში დაკრძალეს.

მსოფლიო • 1747559762

ვატიკანში რომის ახალი პაპის ინაუგურაცია მიმდინარეობს

 ვატიკანში რომის ახალი პაპის, ლეო XIV ინაუგურაციის ცერემონია დაიწყო. სტუმრებს შორის არის საქართველოს პრეზიდენტი მიხეილ ყაველაშვილი. ინაუგურაციის შემდეგ რომის პაპი უფლებამოსილების განხორციელებას ოფიციალურად შეუდგება. სააგენტოს ცნობით, ინაუგურაციიდან სამი დღის შედეგ ლეო XIV პილიგრიმებთან ოფიციალური აუდიენცია ექნება.ცნობისთვის, კარდინალების კონკლავმა 8 მაისს ამერიკელი კარდინალი რობერტ ფრენსის პრევო რომის პაპად აირჩია, რომელსაც სახელად ლეო XIV ეწოდა.რომის პაპი ფრანცისკე 21 აპრილს 88 წლის ასაკში გარდაიცვალა. ფრანცისკე კათოლიკურ ეკლესიას 2013 წლიდან მართავდა. ის 26 აპრილს რომში დაკრძალეს.

მსოფლიო • 1747547213

დღეს რომის ახალი პაპის ინაუგურაცია გაიმართება

დღეს რომის ახალი პაპის, ლეო XIV ინაუგურაციის ცერემონია გაიმართება.ინაუგურაციის შემდეგ რომის პაპი უფლებამოსილების განხორციელებას ოფიციალურად შეუდგება. სააგენტოს ცნობით, ინაუგურაციიდან სამი დღის შედეგ ლეო XIV პილიგრიმებთან ოფიციალური აუდიენცია ექნება.ცნობისთვის, კარდინალების კონკლავმა 8 მაისს ამერიკელი კარდინალი რობერტ ფრენსის პრევო რომის პაპად აირჩია, რომელსაც სახელად ლეო XIV ეწოდა.რომის პაპი ფრანცისკე 21 აპრილს 88 წლის ასაკში გარდაიცვალა. ფრანცისკე კათოლიკურ ეკლესიას 2013 წლიდან მართავდა. ის 26 აპრილს რომში დაკრძალეს.

პოლიტიკა • 1747297241

მიხეილ ყაველაშვილი რომის ახალი პაპის, ლეო XIV-ის ინაუგურაციას დაესწრება

საქართველოს პრეზიდენტი მიხეილ ყაველაშვილი, დელეგაციასთან ერთად, 18 მაისს ვატიკანში რომის ახალი პაპის, ლეო XIV-ის ინაუგურაციის ცერემონიას დაესწრება.ახალი პაპი კონკლავმა 8 მაისს აირჩია. ამერიკელი კარდინალი რობერტ ფრანცის პრევოსტი პაპობაში ლეო XIV-დ იწოდება.რომის პაპი ფრანცისკე 88 წლის ასაკში 21 აპრილს გარდაიცვალა. ანდერძის თანახმად, პონტიფიკოსი რომის სანტა მარია მაჯორეს ტაძარში დაკრძალეს.მიხეილ ყაველაშვილი ვატიკანში პაპ ფრანცისკეს დაკრძალვაზეც იმყოფებოდა.

სამართალი • 1747032698

„ნათესავი გოგო მოვიდა, ჩქარა წამოდი, გია ცუდად არისო...“ - აღდგომის დღესასწაულზე მოკლული კაცის მეუღლე ტრაგედიაზე პირველად საუბრობს

დარიალის ხეობა 47 წლის მამაკაცს გლოვობს. გია ხაიკაშვილი ყაზბეგში აღდგომის ღამეს სასტიკად მოკლეს, ყველაფერი კი სადღესასწაულო სუფრაზე სიტყვიერი შელაპარაკებით დაიწყო, რომელიც საქმის გარჩევაში გადაიზარდა. ახალგაზრდა მამაკაცმა ხაიკაშვილს დანით 7 ჭრილობა მიაყენა, რომელიც სასიკვდილო აღმოჩნდა.გია ხაიკაშვილის მეუღლე მთას ყოველ დილით ახლა თავად გაჰყურებს. შემდეგ განსაკუთრებული მზრუნველობით უვლის ყვავილებს, აწესრიგებს ნივთებს და საკუთარ თავში აცოცხლებს 25 წლიანი თანაცხოვრების საუკეთესო ეპიზოდებს. ნინო კასრაძეს თავზარდამცემი ამბავი მაშინ შეატყობინეს, როცა მთელი ხევი აღდგომის დღესასწაულს აღნიშნავდა.ცხოვრებაში გამოცდილმა მონადირემ, უამრავი ადამიანის გულიც მოინადირა. დარიალის ხეობაში სასტიკი დანაშაული მთელი ყაზბეგის პირად ტრაგედიად იქცა. ახლობლები თუ უბრალოდ შორეული ნაცნობები - ყაზბეგში მის შესახებ ცრემლებისა და ემოციის გარეშე ვერავინ საუბრობს.იმ დღეს გია ხაიკაშვილი მეგობრის ოჯახში აღდგომის დღესასწაულს აღნიშნავდა. შელაპარაკებაც სწორედ სუფრასთან დაიწყო. ხაიკაშვილმა ზრდილობისკენ მოუწოდა ოჯახში მყოფ ახალგაზრდა მამაკაცს, პაატა ქუშაშვილს, რომელიც სუფრასთან იგინებოდა. შენიშვნამ ადრესატი გააღიზიანა. მან გია ხაიკაშვილი სოფელ გველეთში საქმის გასარჩევად დაიბარა და თავს ცივი იარაღით დაესხა. ადგილზე იმყოფებოდა მინიმუმ კიდევ ერთი ადამიანი - მკვლელობაში ბრალდებულის ბიძაშვილი ნიკო ქუშაშვილი.ბავშვობის მეგობარი პავლე წიკლაური ერთ-ერთია, ვინც მძიმედ დაჭრილი გია ხაიკაშვილი უკანასკნელად ნახა. მამაკაცი საავადმყოფოში გარდაიცვალა. პოლიციამ დარიალის ხეობიდან გაქცეულ დამნაშავეებს თბილისში მიაგნო. პაატა ქუშაშვილი განზრახ მკვლელობის, მისი ბიძაშვილი კი დანაშაულის შეუტყობინებლობის ბრალდებით დააკავეს. ჯანმრთელობის დაზიანების, თავისუფლების უკანონო აღკვეთისა და ნარკოტიკული დანაშაულისთვის წარსულში ორივე ნასამართლევია.ორივე ბრალდებულს მოსამართლემ წინასწარი პატიმრობა შეუფარდა. პროცესზე თავად არაფერი უთქვამთ, თუმცა ადვოკატები მათ გათავისუფლებას გირაოს სანაცვლოდ მოითხოვდნენ.მოკლულის ოჯახმა დამნაშავეების გვარს უკვე აპატია, თუმცა არა თავად დამნაშავეებს.ქუშაშვილების საგვარეულომ მოკლულის ოჯახს ბოდიში და სამძიმარი ამ გზით გამოუცხადა - მკვლელის გვარმა, ხევის ტრადიციის მიხედვით, ჭირისუფალს მუხლი მოუდრიკა. თავად გია ხაიკაშვილი მშობლიურ ყაზბეგში დაკრძალეს. მისი მკვლელობის საქმეზე დაკავებულებს 10-დან 15 წლამდე პატიმრობა ემუქრებათ.

მსოფლიო • 1746797257

რომის ახალი პაპის ინაუგურაცია 18 მაისს გაიმართება

რომის ახალი პაპის, ლეო XIV ინაუგურაციის ცერემონია 18 მაისს გაიმართება. ინფორმაციას Reuters-ი ვატიკანზე დაყრდნობით ავრცელებს.ინაუგურაციის შემდეგ რომი პაპი უფლებამოსილების განხორციელებას ოფიციალურად შეუდგება. სააგენტოს ცნობით, ინაუგურაციიდან სამი დღის შედეგ ლეო XIV პილიგრიმებთან ოფიციალური აუდიენცია ექნება.ცნობისთვის, კარდინალების კონკლავმა გუშინ ამერიკელი კარდინალი რობერტ ფრენსის პრევო რომის პაპად აირჩია, რომელსაც სახელად ლეო XIV ეწოდა.რომის პაპი ფრანცისკე 21 აპრილს 88 წლის ასაკში გარდაიცვალა. ფრანცისკე კათოლიკურ ეკლესიას 2013 წლიდან მართავდა. ის 26 აპრილს რომში დაკრძალეს.

მსოფლიო • 1746773106

რომის პაპი ლეო XIV: ერთმანეთს დავეხმაროთ დიალოგის, შეხვედრების გზით ხიდების აშენებაში - ჩვენ უნდა ვიყოთ გაერთიანებული ეკლესია, რომელიც მშვიდობის გზაზე დადის

ჩვენ უნდა ვიყოთ გაერთიანებული ეკლესია, ეკლესია, რომელიც მშვიდობის გზაზე დადის, რომელიც ყოველთვის ეძებს ქველმოქმედებას, რომელიც ყოველთვის ცდილობს, იყოს ახლოს, განსაკუთრებით მათთან, ვინც იტანჯება, - განაცხადა კათოლიკური ეკლესიის ახალმა წინამძღოლმა, პაპმა ლეო XIV-მ.ახალი პაპი კონკლავის დამთავრების შემდეგ, ტრადიციულად აივანზე გავიდა და წმინდა პეტრეს მოადანზე შეკრებულები დალოცა.„ჩვენ ყველანი ღვთის ხელში ვართ და, ამავდროულად, შიშის გარეშე, გავერთიანდეთ, ხელჩაკიდებულები, ღმერთთან და ერთმანეთთან, წინ წავიდეთ. მსოფლიოს თქვენი სინათლე სჭირდება. დაგვეხმარეთ, ერთმანეთს დავეხმაროთ ხიდების აშენებაში, დიალოგის, შეხვედრების გზით ხიდების აშენებაში. ყველანი ერთიანები უნდა ვიყოთ, ყოველთვის მშვიდობიანად ვიცხოვროთ. ჩვენ უნდა ვიყოთ გაერთიანებული ეკლესია, ეკლესია, რომელიც მშვიდობის გზაზე დადის, რომელიც ყოველთვის ეძებს ქველმოქმედებას, რომელიც ყოველთვის ცდილობს, იყოს ახლოს, განსაკუთრებით მათთან, ვინც იტანჯება. მინდა, თქვენთან ერთად ვილოცო. ერთად ვილოცოთ ამ ახალი მისიისთვის, მთელი ეკლესიისთვის და მშვიდობისთვის მთელ მსოფლიოში“, - განაცხადა რომის პაპმა.ამერიკელი კარდინალი რობერტ ფრენსის პრევო რომის პაპად აირჩიეს.რომის პაპი ფრანცისკე 21 აპრილს 88 წლის ასაკში გარდაიცვალა. ფრანცისკე კათოლიკურ ეკლესიას 2013 წლიდან მართავდა. ის 26 აპრილს რომში დაკრძალეს