დააკავა

გეკა გელაძე არასრულწლოვანის საქმეზე: უწყების რეაგირება იყო დროული, საქმეზე კი გამოძიება გრძელდება

შინაგან საქმეთა მინისტრმა გეკა გელაძემ მედიასთან განაცხადა, რომ ქართული პოლიცია ძლიერია და ორიენტირებულია, რომ ქვეყანაში შექმნას უსაფრთხო გარემო.გეკა გელაძეს კითხვა არასრულწლოვანის საქმეზე დაუსვეს, რაზეც მინისტრმა აღნიშნა, რომ უწყების რეაგირება იყო დროული, საქმეზე კი გამოძიება გრძელდება.„ქართული პოლიცია არის ძლიერი, ორიენტირებული, რომ ქვეყანაში შექმნას უსაფრთხო გარემო და უზრუნველყოს მართლწესრიგი. ნამდვილად ცუდი ფაქტი იყო, შსს-მ როგორც კი ამის შესახებ გაიგო, დანაშაული მოხდა თუ არა, რეაგირება მოახდინა. საქართველოს პროკურატურამ გამოძიება დაიწყო, დაკავებულია სამმართველოს უფროსის მოადგილე. გამოძიება გრძელდება“, - აღნიშნა გეკა გელაძემ.საქართველოს პროკურატურამ, სამსახურებრივი უფლებამოსილების გადამეტების ფაქტზე შინაგან საქმეთა სამინისტროს თანამშრომელი დააკავა.

პოლიტიკა • 1771239278

ბაჩო ახალაია: ეს ხელისუფლება არის დასამხობი რაც შეიძლება სწრაფად და სასტიკად, ნებისმიერი ფორმით და ნებისმიერი გზით

მე პირადად ვთვლი, რომ ეს ხელისუფლება არის დასამხობი რაც შეიძლება სწრაფად და სასტიკად, ნებისმიერი ფორმით და ნებისმიერი გზით, – ამის შესახებ საქართველოს თავდაცვის ყოფილმა მინისტრმა, ბაჩო ახალაიამ 4 ოქტომბრის მოვლენების საქმეზე მიმდინარე სასამართლო სხდომაზე განაცხადა.ახალაიას თქმით, თავისუფლების მოსაპოვებლად ეს არის ერთადერთი გზა.„ჩვენ გვაქვს ამის გაკეთების ლეგიტიმური უფლება. ჩვენ შორის ყველაზე კეთილსინდისიერებს გვაქვს ვალდებულება, რომ ივანიშვილი დავამხოთ. მე გეუბნებით, ივანიშვილი დასამხობია. ძალაა გამოსაყენებელი ყველა მოძალადე პოლიციელის წინააღმდეგ, ვინც ქალებს და ბავშვებს აპატიმრებს, ცემს და წიხლს ურტყამს. ყველა შენობა გვებრძვის ჩვენ, თქვენ – ყველას. პარლამენტიდან, კანცელარიიდან, პრეზიდენტის ადმინისტრაციიდან გამოსაყრელია ყველა თვითმარქვია უზურპატორი. ეს არის გასაკეთებელი და ეს გაკეთდება“, – განაცხადა ბაჩო ახალაიამ.ცნობისთვის, სახელმწიფო უსაფრთხოების სამსახურმა საქართველოს ყოფილი თავდაცვის მინისტრი ბაჩო ახალაია 4 ოქტომბრის მოვლენებთან დაკავშირებით 2025 წლის 25 დეკემბერს დააკავა. ახალაიას ბრალდება საქართველოს სისხლის სამართლის კოდექსის 225-ე მუხლის პირველი ნაწილით ჯგუფური ძალადობის ორგანიზება და ხელმძღვანელობა წარედგინა, რაც სასჯელის სახედ და ზომად ცხრა წლამდე თავისუფლების აღკვეთას ითვალისწინებს.

მსოფლიო • 1771227054

ამერიკელმა სამხედროებმა ვენესუელური ნავთობით დატვირთული კიდევ ერთი ტანკერი დააკავეს

ამერიკის შეერთებულმა შტატებმა, ინდოეთის ოკეანეში პანამის დროშით მცურავი ტანკერი „ვერონიკა III“ დააკავა. გემს, რომელზეც ამერიკული სანქციები ვრცელდება, ვენესუელური ნავთობისა და ნავთობპროდუქტების ტვირთი გადაჰქონდა.„ვერონიკა III“, ისევე, როგორც მანამდე დაკავებული ტანკერი „აკვილა II“, ვენესუელიდან, ტანკერების დიდ ჯგუფთან ერთად, 3 იანვარს გამოვიდა; მას ორ მილიონამდე ბარელი ნედლი ნავთობი და მაზუთი გადაჰქონდა.

სამართალი • 1771224071

საგამოძიებო სამსახურმა უაქციზო თამბაქოს ნაწარმის უკანონო შენახვის ფაქტზე ერთი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, მარკირებას დაქვემდებარებული, განსაკუთრებით დიდი ოდენობით აქციზური საქონლის აქციზური მარკის გარეშე შენახვის ფაქტზე, საქართველოს მოქალაქე დააკავეს.გამოძიებით დადგინდა, რომ ბრალდებული, შემდგომი რეალიზაციისა და მატერიალური სარგებლის უკანონოდ მიღების მიზნით, ქალაქ თბილისში, მის საკუთრებაში არსებულ მიკროავტობუსში უკანონოდ ინახავდა „Multi Tabak“-ის, „Multi Class“-ისა და „Armenia“-ს დასახელების 31 810 კოლოფ უაქციზო სიგარეტს, რომლის საერთო საბაზრო ღირებულება 159 000 ლარს აღემატება.საქმეზე გამოძიება მიმდინარეობს საქართველოს სისხლის სამართლის კოდექსის მე-200 მუხლის მე-3 ნაწილით, რაც სასჯელის სახით ითვალისწინებს თავისუფლების აღკვეთას 6-დან 8 წლამდე.საგამოძიებო სამსახური აგრძელებს ინტენსიურ მუშაობას დანაშაულებრივ სქემაში ჩართული სხვა პირების დადგენისა და მხილების მიზნით.

სამართალი • 1771220460

სამართალი • 1771139890

სამეგრელოს პოლიციამ 2021 წლიდან ძებნილი პირი დააკავა

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის თანამშრომლებმა, 2021 წლიდან ძებნილი, 1984 წელს დაბადებული ბ.ს. დააკავეს.სამართალდამცველებმა ბ.ს. ოპერატიული ინფორმაციის საფუძველზე ზუგდიდის მუნიციპალიტეტში დააკავეს. მსჯავრდებული ზუგდიდის რაიონული სასამართლოს განაჩენის საფუძველზე იძებნებოდა და მას დაუსწრებლად თავისუფლების აღკვეთა ჰქონდა შეფარდებული.დაკავებული ამჟამად პენიტენციურ დაწესებულებაშია მოთავსებული.

სამართალი • 1771139780

კახეთის პოლიციამ ჯგუფურად ჩადენილი გამოძალვის ბრალდებით 4 პირი დააკავა

შინაგან საქმეთა სამინისტროს კახეთის პოლიციის დეპარტამენტის თანამშრომლებმა, დიდი ოდენობით ქონების მიღების მიზნით, ჯგუფურად ჩადენილი გამოძალვის ბრალდებით, 4 პირი - 2001 წელს დაბადებული ქ.ა., 2002 წელს დაბადებული ე.კ., 1995 წელს დაბადებული ს.ჯ. და წარსულში ნასამართლევი, 1995 წელს დაბადებული შ.კ. დააკავეს.გამოძიებით დადგინდა, რომ ბრალდებულები, ლაგოდეხის მუნიციპალიტეტის სოფელ კაბალში მცხოვრებ მამაკაცს, რომელიც მცირე სამეწარმეო საქმიანობას ეწევა, საზღვარგარეთ მცხოვრები კრიმინალური ავტორიტეტის სახელით დაუკავშირდნენ დამას სიცოცხლის მოსპობის მუქარით 10 000 აშშ დოლარი გამოსძალეს.კომპლექსურად ჩატარებული ოპერატიული ღონისძიებებისა და საგამოძიებო მოქმედებების შედეგად,პოლიციამ ოთხივე მათგანი ბრალდებულის სახით დააკავა.სამართალდამცველებმა ფული და მობილური ტელეფონები ნივთმტკიცებად ამოიღეს.გამოძიება სისხლის სამართლის კოდექსის 181-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.

მსოფლიო • 1771094872

ალიმენტის გადაუხდელობისთვის ბრალდებული მამაკაცი პოლიციას საწოლის ქვეშ დაემალა

ვარშავაში პოლიციამ დააკავა 44 წლის მამაკაცი, რომელიც ალიმენტს არ იხდიდა და პოლიციამ მას დაპატიმრების მიზნით სახლში მიაკითხა. მამაკაცი დაკავების თავიდან ასაცილებლად საწოლის ქვეშ დაიმალა. ამის შესახებ იტყობინება ვარშავის პოლიცია. (უცხოეთი)სამართალდამცველებს მამაკაცმა კარი არ გაუღო. მოგვიანებით, კარი პოლიციელებს ოჯახის სხვა წევრმა გაუღო, სახლში შეიპატიჟა და უთხრა, რომ მამაკაცი ადგილზე არ იმყოფებოდა. თუმცა, დეტექტივებმა შეამჩნიეს ძაღლის უცნაური ქცევა: ცხოველი საწოლს უყურებდა, რომლის ქვემოდანაც მამაკაცის ფეხები მოჩანდა.პოლიციამ მამაკაცი საწოლის ქვემოდან გამოიყვანა და პოლიციის განყოფილებაში გადაიყვანა.

სამართალი • 1771053839

საგამოძიებო სამსახურმა უაქციზო ალკოჰოლის უკანონო რეალიზაციის ფაქტზე რუსეთის მოქალაქე დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, აქციზური მარკის გარეშე ალკოჰოლური პროდუქციის შენახვა-რეალიზაციის ფაქტზე, რუსეთის ფედერაციის მოქალაქე დააკავეს.გამოძიებით დადგინდა, რომ ბრალდებულმა, მატერიალური სარგებლის მიღების მიზნით, უკანონოდ შეინახა და გაასაღა აქციზური მარკის სავალდებულო დართვას დაქვემდებარებული ალკოჰოლური სასმელი “BELUGA”. ბრალდებული უაქციზო პროდუქციის რეალიზაციისთანავე იქნა დაკავებული. ამ ეტაპზე გრძელდება საგამოძიებო მოქმედებები დანაშაულში შესაძლო მონაწილე სხვა პირების გამოვლენისა და მხილების მიზნით. საქმეზე გამოძიება საქართველოს სისხლის სამართლის კოდექსის მე-200 მუხლის მე-3 ნაწილით მიმდინარეობს, რაც სასჯელის სახით 6-დან 8 წლამდე ვადით თავისუფლების აღკვეთას ითვალისწინებს.

სამართალი • 1771053362

პოლიციამ ქურდობისა და ჯგუფურად ჩადენილი ძარცვის ბრალდებით სამი არასრულწლოვანი დააკავა

შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, ქურდობისა და ჯგუფურად ჩადენილი ძარცვის ბრალდებით სამი არასრულწლოვანი, 2010 წელს დაბადებული ლ.ს, 2008 წელს დაბადებული მ.ხ. და 2009 წელს დაბადებული დ.გ. დააკავეს. დაკავებულთაგან ერთი-ერთი არასრულწლოვანი წარსულში ყაჩაღობისთვის ნასამართლევი და ძარცვისთვის მხილებულია, ხოლო კიდევ ერთი ბრალდებული სამართალდამცველების მიერ მხილებული იყო ქურდობის ფაქტთან დაკავშირებით.გამოძიებით დადგინდა, რომ არასრულწლოვნებმა წინასწარი შეთანხმებით, ჯგუფურად, მართლსაწინააღმდეგო მისაკუთრების მიზნით, თბილისში მდებარე „ნიკორა-ტრეიდის" კუთვნილი ერთ-ერთი ფილიალიდან სხვადასხვა ღირებულების პროდუქცია, ასევე, თანხა გაიტაცეს და შემთხვევის ადგილიდან მიიმალნენ.გამოძიებით დადგინდა, რომ დაკავებულთაგან ერთ-ერთი არასრულწლოვანი თბილისში მდებარე ,,ორი ნაბიჯის“ მაღაზიათა ქსელის ერთ-ერთი ფილიალში მართლსაწინააღმდეგოდ დაეუფლა 800 ლარამდე თანხას. არასრულწლოვნების საქმეთა მთავარი სამმართველოს თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად სამივე არასრულწლოვანი ბრალდებულის სახით, მოსამართლის განჩინების საფუძველზე დააკავეს.მომხდარზე გამოძიება სისხლის სამართლის კოდექსის 178-ე მუხლის მეორე და მესამე ნაწილებით, ასევე, 177-ე მუხლის მეორე ნაწილით მიმდინარეობს, რაც 8 წლამდე თავისუფლების აღკვეთას ითვალისწინებს.ინფორმაციას შსს ავრცელებს.

სამართალი • 1770965451

პოლიციამ გურჯაანში დაჭრის ფაქტი გახსნა, დაკავებულია ერთი პირი

გურჯაანში პოლციამ 1997 წელს დაბადებული, წარსულში ნასამართლევი ლ.ო. ჯანმრთელობის განზრახ მძიმე დაზიანების ბრალდებით ცხელ კვალზე დააკავა.გამოძიებით დადგინდა, რომ ბრალდებულმა მიმდინარე წლის 12 თებერვალს, გურჯაანის მუნიციპალიტეტში მდებარე აგრარულ ბაზარში, ცივი იარაღის გამოყენებით, დაზიანება მიაყენა 1960 წელს დაბადებული ზ.ბ.-ს.დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში გადაიყვანეს. სამართალდამცველებმა ჩატარებული ოპერატიული ღონოსძიებებისა და საგამოძიებო მოქმედებების შედეგად, ლ.ო. დანაშაულის ჩადენიდან მალევე, ბრალდებულის სახით დააკავეს.პოლიციამ დანაშაულის ჩადენის იარაღი – დანა ნივთმტკიცებად ამოიღო.გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.

სამართალი • 1770964908

პოლიციამ მცხეთა-მთიანეთში ჯანმრთელობის განზრახ მსუბუქი დაზიანების, ძალადობისა და მუქარის ბრალდებით ორი პირი დააკავა

პოლიციამ მცხეთა-მთიანეთში ჯანმრთელობის განზრახ მსუბუქი დაზიანების, ძალადობისა და მუქარის ბრალდებით, 1998 წელს დაბადებული გ.ნ. და 1999 წელს დაბადებული, წარსულში ნასამართლევი, მ.ნ. დააკავეს.გამოძიებით დადგინდა, რომ ბრალდებულები წარსულში არსებული კონფლიქტის ნიადაგზე, 2004 წელს დაბადებულ მ.ძ.-ს ფიზიკურად გაუსწორდნენ და ცივი იარაღით დაზიანება მიაყენეს, რის შემდეგაც შემთხვევის ადგილიდან მიიმალნენ.დაშავებული, შესაბამისი სამედიცინო დახმარების გაწევის მიზნით, კლინიკაში გადაიყვანეს.სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად გ.ნ. და მ.ნ. ბრალდებულის სახით დააკავეს, ხოლო დანაშაულის ჩადენის იარაღი – დანა ნივთმტკიცების სახით ამოიღეს.გამოძიება საქართველოს სისხლის სამართლის კოდექსის 120-ე, 126-ე და 151-ე მუხლებით მიმდინარეობს, რაც 2 წლამდე ვადით თავისუფლების აღკვეთას ითვალისწინებს.