დააკავა

პოლიციამ ბათუმში ჯანმრთელობის განზრახ მძიმე დაზიანების ბრალდებით 1 პირი ცხელ კვალზე დააკავა

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჯანმრთელობის განზრახ მძიმე დაზიანების ბრალდებით 2010 წელს დაბადებული თ.გ. ცხელ კვალზე დააკავეს. ინფორმაციას შსს ავრცელებს.უწყების ცნობით, გამოძიებით დადგინდა, რომ ბრალდებულმა, ბათუმში, ურთიერთშელაპარაკების ნიადაგზე, 1994 წელს დაბადებულ რ.ჯ.-ს ცივი იარაღის გამოყენებით მრავლობითი ჭრილობა მიაყენა, რის შემდეგაც შემთხვევის ადგილიდან მიიმალა. დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში მოათავსეს."სამართალდამცველებმა ჩატარებული საგამოძიებო მოქმედებების შედეგად, ბრალდებული დანაშაულის ჩადენიდან მალევე ცხელ კვალზე დააკავეს. პოლიციამ დანაშაულის ჩადენის იარაღი - დანა, ნივთმტკიცებად ამოიღო.გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს," - ნათქვამია გავრცელებულ ინფორმაციაში.

სამართალი • 1775458803

შინაგან საქმეთა სამინისტროს აჭარის პოლიციის დეპარტამენტის თანამშრომლებმა, ჯანმრთელობის განზრახ მძიმე დაზიანების ბრალდებით 2010 წელს დაბადებული თ.გ. ცხელ კვალზე დააკავეს. ინფორმაციას შსს ავრცელებს.გამოძიებით დადგინდა, რომ ბრალდებულმა, ბათუმში, ურთიერთშელაპარაკების ნიადაგზე, 1994 წელს დაბადებულ რ.ჯ.-ს ცივი იარაღის გამოყენებით მრავლობითი ჭრილობა მიაყენა, რის შემდეგაც შემთხვევის ადგილიდან მიიმალა. დაჭრილი მამაკაცი შესაბამისი სამედიცინო დახმარების გაწევის მიზნით კლინიკაში მოათავსეს.სამართალდამცველებმა ჩატარებული საგამოძიებო მოქმედებების შედეგად, ბრალდებული დანაშაულის ჩადენიდან მალევე ცხელ კვალზე დააკავეს. პოლიციამ დანაშაულის ჩადენის იარაღი - დანა ნივთმტკიცებად ამოიღო.გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.

სამართალი • 1775373072

ქვემო ქართლის პოლიციამ ნარკოდანაშაულის ბრალდებით 1 პირი დააკავა

შინაგან საქმეთა სამინისტროს ქვემო ქართლის პოლიციის დეპარტამენტის თანამშრომლებმა, განსაკუთრებით დიდი ოდენობით ნარკოტიკული საშუალების არაერთგზის უკანონო შეძენა-შენახვის, მოხმარებისა და რეალიზაციის ხელშეწყობის ბრალდებით, 1994 წელს დაბადებული, წარსულში ნასამართლევი, ვ.ქ. რუსთავში დააკავეს. ინფორმაციას შსს ავრცელებს. უწყების ცნობით, სამართალდამცველებმა, ბრალდებულის პირადი ჩხრეკისას, ასევე საგამოძიებო ექსპერიმენტის დროს მის მიერ მითითებული ადგილებიდან, სარეალიზაციოდ დაფასოებული განსაკუთრებით დიდი ოდენობით ნარკოტიკული საშუალება „ალფა-პვპ“ ამოიღეს.გამოძიება სისხლის სამართლის კოდექსის 260-ე, 260-ე კვარტა და 273-ე მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს.

სამართალი • 1775372966

პოლიციამ თბილისში ჯანმრთელობის განზრახ მძიმე დაზიანების ბრალდებით 1 პირი ცხელ კვალზე დააკავა

შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოს თანამშრომლებმა, 1991 წელს დაბადებული, წარსულში ნასამართლევი გ.გ. ჯანმრთელობის განზრახ მძიმე დაზიანების ბრალდებით დააკავეს.გამოძიებით დადგინდა, რომ ბრალდებულმა კონფლიქტის ნიადაგზე ცეცხლსასროლი იარაღის გამოყენებით - 1996 წელს დაბადებულ ხ.ძ.-ს მრავლობითი დაზიანება მიაყენა და შემთხვევის ადგილიდან მიიმალა.დაჭრილი მამაკაცი შესაბამისი სამედიცინო დახმარების გაწევის მიზნით კლინიკაშია მოთავსებული.სამართალდამცველებმა ჩატარებული საგამოძიებო მოქმედებების შედეგად ბრალდებული დანაშაულის ჩადენიდან მალევე თელავში ცხელ კვალზე დააკავეს.სამართალდამცველებმა დანაშაულის ჩადენის იარაღი ნივთმტკიცებად ამოიღეს.გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც 7 წლამდე ვადით თავისუფლების აღკვეთას ითვალისწინებს.

სამართალი • 1775316374

„რეზონანსის“ ინფორმაციით, სუს-მა რეალურად, ერთ-ერთი, ანგარიშგასაწევი ქვეყნის ჯაშუში დააკავა, რომელთანაც საქართველოს კარგი ურთიერთობა აქვს

დაკავებულია უცხო ქვეყნის მოქალაქე, რომელსაც ბრალი ყალბი ოფიციალური დოკუმენტის გამოყენებაში ედება. საკითხზე სახელმწიფო უსაფრთხოების სამსახურში ბრიფინგი გაიმართა. სუს-ის კონტრდაზვერვის დეპარტამენტის თანამშრომლების მიერ ჩატარებული გამოძიებით დგინდება, რომ ბრალდებული პირი, სხვა ქვეყნის მოქალაქის ყალბი პასპორტის გამოყენებით ცდილობდა დიდი ოდენობით უძრავი ქონების დაუფლებას. დანაშაული 6-დან 9 წლამდე პატიმრობას ითვალისწინებს. თემაზე დამატებითი დეტალები გაავრცელა გამოცემა "რეზონანსმა"."ჯაშუშებზე ნადირობა" თუ დაკავება "ყალბი დოკუმენტის გამო" - რა იკითხება რეალურად სუს-ის მიერ გავრცელებული ტექსტის მიღმა - ამ სათაურით გამოაქვეყნა სტატია მედიასაშუალებამ.გამოცემის ცნობით, სუს-მა რეალურად, ერთ-ერთი, ანგარიშგასაწევი ქვეყნის ჯაშუში დააკავა, რომელთანაც საქართველოს კარგი ურთიერთობა აქვს. სწორედ ამ ურთიერთობის გათვალისწინებით, უწყებამ დაკავებული ჯაშუშის ბრალდება დელიკატურად შეარჩია და მესიჯი გაუგზავნა მის პატრონებს, რომ სიტუაციას მართავს და საქართველოში აგენტურის მუშაობას აუცილებლად გააკონტროლებს.

სამართალი • 1775297400

სახელმწიფო უსაფრთხოების სამსახური: დავაკავეთ უცხო ქვეყნის მოქალაქე, რომელსაც ბრალი ყალბი ოფიციალური დოკუმენტის გამოყენებაში ედება

სახელმწიფო უსაფრთხოების სამსახურმა დააკავა, რომელსაც უცხო ქვეყნის მოქალაქე, რომელსაც ბრალი ყალბი ოფიციალური დოკუმენტის გამოყენებაში ედება. ამის შესახებ სუს-ში გამართულ ბრიფინგზე გახდა ცნობილი.„სახელმწიფო უსაფრთხოების სამსახურის კონტრდაზვერვის დეპარტამენტის თანამშრომლები ინტენსიურ რეჟიმში ახორციელებენ კონტრდაზვერვით და შესაბამის ოპერატიულ ღონისძიებებს საქართველოში უცხო ქვეყნის სპეცსამსახურებთან დაკავშირებული პირების გამოვლენისა და მათი სხვადასხვა დანაშაულში მხილების მიზნით.ამ მიმართულებით ჩატარებული ოპერატიული და საგამოძიებო ღონისძიებების შედეგად, დავაკავეთ უცხო ქვეყნის მოქალაქე, რომელსაც ბრალი ყალბი ოფიციალური დოკუმენტის გამოყენებაში ედება. ბრალდებული პირი, ამავდროულად, სხვა ქვეყნის მოქალაქის ყალბი პასპორტის გამოყენებით, ცდილობდა დიდი ოდენობით უძრავი ქონების დაუფლებას. კერძოდ, ბრალდებულმა, სხვა ქვეყნის მოქალაქის სახელით, სანოტარო მოქმედების შესრულების გზით, მესამე პირისთვის საქართველოში რეგისტრირებული უძრავი ქონების განკარგვის უფლების მინიჭება სცადა.მოცემულ ეტაპზე გამოძიება სისხლის სამართლის კოდექსის 362-ე მუხლის მეორე ნაწილის „ბ“ ქვეპუნქტითა და 19, 180-ე მუხლის მესამე ნაწილის „ბ“ ქვეპუნქტით მიმდინარეობს, რაც სასჯელის სახით 6-დან 9 წლამდე ვადით თავისუფლების აღკვეთას ითვალისწინებს", - განაცხადა ბრიფინგზე სახელმწიფო უსაფრთხოების სამსახურის უფროსის პირველმა მოადგილე ლაშა მაღრაძემ.

მსოფლიო • 1775212538

ინტერნეტით ტერორისტული იდეოლოგიის პროპაგანდის ბრალდებით დაკავებული ევროპარლამენტარი რიმა ჰასანი საფრანგეთის სასამართლოს წინაშე ივლისში წარსდგება

ევროპარლამენტარი რიმა ჰასანი, რომელსაც ბრალად ედება ინტერნეტით ტერორისტული იდეოლოგიის პროპაგანდა, საფრანგეთის სასამართლოს წინაშე ივლისში წარდგება. ამის შესახებ „როიტერი“ წერს.საფრანგეთის პოლიციამ რიმა ჰასანი 2 მარტს, სოციალურ ქსელში გამოქვეყნებული პოსტის გამო დააკავა.„რიმა ჰასანს გადაეცა სასამართლო უწყება 2026 წლის 7 ივლისს სასამართლოში გამოცხადების შესახებ, ინტერნეტით ტერორისტული იდეოლოგიის პროპაგანდის ბრალდებით“, – ნათქვამია პროკურატურის განცხადებაში.რიმა ჰასანის პოსტი დაკავშირებული იყო 1972 წელს იაპონური ულტრამემარცხენე დაჯგუფების „იაპონური წითელი არმიის“ მიერ თელ ავივის აეროპორტზე განხორციელებულ თავდასხმასთან, რომელსაც 26 ადამიანი ემსხვერპლა.„ვიდრე ჩაგვრა არსებობს, წინააღმდეგობა არა მხოლოდ უფლება, არამედ მოვალეობაა“, – დაწერა ჰასანმა, თუმცა მოგვიანებით ეს პოსტი წაშალა.

მსოფლიო • 1775199481

შესაძლო საფრთხის გამო წელს საფრანგეთმა პარიზის ტერიტორიაზე მუსლიმებს ყოველწლიური შეკრება აუკრძალა

შესაძლო საფრთხის გამო წელს საფრანგეთმა პარიზის ტერიტორიაზე მუსლიმებს ყოველწლიური შეკრება აუკრძალა.პარიზის პოლიციის უფროსის განცხადებით, აღნიშნული შეზღუდვა ძალაში რამდენიმე დღის განმავლობაში დარჩება.„შინაგან საქმეთა მინისტრის, ლორან ნუნეზის მოთხოვნით, მე გავეცი ბრძანება, რომელიც კრძალავს საფრანგეთის მუსლიმების მე-40 ყოველწლიური შეხვედრის ჩატარებას, რომელიც 3-დან 6 აპრილამდე გაიმართება პარიზის ლე ბურჟეს საგამოფენო ცენტრში. ეს გადაწყვეტილება ეროვნულ და საერთაშორისო კონტექსტში განისაზღვრა, რომელიც ხასიათდება გაზრდილი დაძაბულობით, ტერორიზმის საფრთხის არსებობით, საზოგადოებრივი არეულობის რისკებით და ქუჩებში პოლიციის გაზრდილი ყოფნით მომდევნო დღეებში“, – განაცხადა პარიზის პოლიციის უფროსმა, პატრის ფორემ.მედიის ცნობით, აღნიშნული გადაწყვეტილება მას შემდეგ მიიღეს, რაც პარიზში Bank of America-ს ფილიალს თავს დაესხნენ. პოლიციამ ადგილზე დააკავა კაცი თვითნაკეთი ასაფეთქებელი მოწყობილობით, რითაც ბანკის აფეთქება სცადა. პროკურატურა ვარაუდობს, რომ თავდასხმას პროირანული ისლამისტური დაჯგუფება – „ისლამის მარჯვენა ხელის თანამგზავრების მოძრაობა“ (HAYI) ხელმძღვანელობდა. ამის შემდეგ საფრანგეთმა პარიზის მასშტაბით მნიშვნელოვან ობიექტებზე უსაფრთხოების ზომები გააძლიერა.

სამართალი • 1775197693

პოლიციამ თბილისში მძევლად ხელში ჩაგდებისა და ყაჩაღობის ბრალდებით 7 პირი დააკავა

შინაგან საქმეთა სამინისტროს თბილისის პოლიციის დეპარტამენტის ისანი-სამგორის მთავარი სამმართველოსა და ქვემო ქართლის პოლიციის დეპარტამენტის თანამშრომლებმა, ერთობლივად ჩატარებული საპოლიციო ღონისძიების შედეგად, სხვადასხვა მძიმე დანაშაულში ბრალდებული 7 პირი დააკავეს. ინფორმაციას შსს ავრცელებს.გამოძიებით დადგინდა, რომ ბრალდებულები, რუსეთის ფედერაციის მოქალაქეებთან, მოტყუებით, ბინაში გაზის გაჟონვის შესამოწმებლად გვიან ღამით მივიდნენ. ბრალდებულებმა, ცივი იარაღის გამოყენებითა და სიცოცხლის მოსპობის მუქარით, რუსეთის ფედერაციის მოქალაქეებს წაართვეს თანხა 2 000 აშშ დოლარის ოდენობით, ასევე მობილური ტელეფონები და ლეპტოპი, რის შემდეგაც მიაყენეს ფიზიკური შეურაცხყოფა და სთხოვდნენ დამატებით 300 000 აშშ დოლარს, წინააღმდეგ შემთხვევაში ემუქრებოდნენ სიცოცხლის მოსპობით. რამდენიმე საათის შემდეგ, დაზარალებულები იარაღის მუქარით სხვადასხვა ავტომანქანებში ჩასვეს და მარნეულის მუნიციპალიტეტის მიმართულებით წაიყვანეს.სამართალდამცველებმა სისხლის სამართლის საქმეზე ჩატარებული ოპერატიული ღონისძიებებისა და საგამოძიებო მოქმედებების შედეგად, შვიდივე პირი ბრალდებულის სახით მარნეულში და გორში დააკავეს.ხოლო, დანაშაულში შესაძლო მონაწილე სხვა პირების დადგენისა და დაკავების მიზნით გრძელდება შესაბამისი ღონისძიებები.გამოძიება სისხლის სამართლის კოდექსის 144-ე და 179-ე მუხლით მიმდინარეობს, რაც წინასწარი შეთანხმებით ჯგუფის მიერ, ორი ან მეტი პირის მიმართ, ანგარებით, სიცოცხლისთვის ან ჯანმრთელობისათვის საშიშ ძალადობას, მძევლად ხელში ჩაგდებასა და დიდი ოდენობით ნივთის დაუფლების მიზნით, ჯგუფურად, ბინაში უკანონო შეღწევით განხორციელებულ ყაჩაღობას გულისხმობს და 14 წლამდე ვადით თავისუფლების აღკვეთას ითვალისწინებს.

ტაბლოიდი • 1775129374

კაცი ცოლს დღეში ასჯერ ურეკავდა და ხმას არ იღებდა - უცნაური საქციელის გამო ქმარი დააკავეს

იაპონიაში პოლიციამ დააკავა კაცი, რომელიც თავის ცოლს ყოველდღიურად 100-ჯერ ურეკავდა და ხმას არ იღებდა.გამოცემა Sora News-ის ინფორმაციით, ქალთან ზარები უცხო ნომრიდან შემოდიოდა, თუმცა მას მხოლოდ ვიღაცის სუნთქვის ხმა ესმოდა. თანდათან ზარების რაოდენობამ დღეში 100-ს მიაღწია.გარკვეული დროის შემდეგ ქალმა დახმარებისთვის პოლიციას მიმართა. გამოძიებამ დაადგინა, რომ მას საკუთარი ქმარი ურეკავს. კაცი ადევნების ბრალდებით დააკავეს, თუმცა მან განმარტა, რომ ასე მხოლოდ საკუთარი გრძნობების გამოხატვა უნდოდა. მისი მტკიცებით, ზარების დროს სიჩუმე ცოლისადმი მისი სიყვარულის სიმბოლო იყო.პოლიციაში აცხადებენ, რომ ასეთ შემთხვევასთან შეხება ჯერ არ ჰქონიათ.

საზოგადოება • 1775129065

დღეს არჩილ ტატუნაშვილის დაბადების დღეა მას 43 წელი შეუსრულდებოდა

დღეს არჩილ ტატუნაშვილის დაბადების დღეა მას 43 წელი შეუსრულდებოდა.ამ თარიღთან დაკავშირებით, ვეტერანების საქმეთა სახელმწიფო სამსახურის წარმომადგენლები მუხათგვერდის ძმათა სასაფლაოზე იმყოფებოდნენ, რუსული საოკუპაციო რეჟიმის მიერ წამებით მოკლული არჩილ ტატუნაშვილის დედას და ოჯახის წევრებს თანაგრძნობა გამოუცხადეს და მის ხსოვნას პატივი კიდევ ერთხელ მიაგეს.არჩილ ტატუნაშვილის ხსოვნისადმი პატივის მისაგებად მუხათგვერდის ძმათა სასაფლაოზე, ასევე, იმყოფებოდნენ თავდაცვის სამინისტროს, თავდაცვის ძალებისა და მცხეთა-მთიანეთის სახელმწიფო რწმუნებულის ადმინისტრაციის წარმომადგენლები.34 წლის არჩილ ტატუნაშვილი, საოკუპაციო რეჟიმმა, ახალგორში, 2018 წლის 22 თებერვალს, უკანონოდ დააკავა. 23 თებერვალს კი, ცხინვალის დე-ფაქტო ხელისუფლებამ, მისი გარდაცვალების შესახებ გაავრცელა ინფორმაცია.საქართველოს ხელისუფლება, საერთაშორისო მისიებთან ერთად, თითქმის 1 თვის განმავლობაში ცდილობდა, არჩილ ტატუნაშვილის ცხედრის გადმოსვენებას, მაგრამ საოკუპაციო რეჟიმის მხრიდან, წინააღმდეგობას აწყდებოდა; ცხინვალი, ქართული მხარისა და ოჯახისთვის ტატუნაშვილის ცხედრის გადმოცემაზე უარს ამბობდა. საბოლოოდ, ოჯახს, არჩილის ცხედარი, 2018 წლის 20 მარტს გადასცეს. როგორც დადგინდა, ყოფილი ქართველი სამხედრო მოსამსახურე, წამებით იყო მოკლული. მის ცხედარს, მრავლობითი დაზიანებები და წამების კვალი აღენიშნებოდა.არჩილ ტატუნაშვილი, რომელიც ერაყსა და ავღანეთში საერთაშორისო-სამშვიდობო მისიების მონაწილე იყო, ახალგორიდან დევნილი გახლდათ და მისი ოჯახი წილკანში ცხოვრობს.უმცროსი სერჟანტი, არჩილ ტატუნაშვილი, საქართველოს თავდაცვის ძალებში, 2007 წლიდან 2011 წლამდე მსახურობდა.

სამართალი • 1775125730

უფასო სასადილოებისთვის განკუთვნილი თანხების თაღლითურად დაუფლების ბრალდებით სუსმა ხუთი პირი დააკავა

სახელმწიფო უსაფრთხოების სამსახურის ანტიკორუფციული სააგენტოს მიერ ჩატარებული ოპერატიულ-სამძებრო და საგამოძიებო ღონისძიებების შედეგად, სახელმწიფოს კუთვნილი დიდი ოდენობით თანხების თაღლითურად დაუფლებისა და სახელმწიფოს კუთვნილი დიდი ოდენობით თანხების თაღლითურად დაუფლებაში დახმარების ფაქტები გამოვლინდა.სახელმწიფო უსაფრთხოების სამსახურის ინფორმაციით, მოსამართლის განჩინების საფუძველზე დაკავებულია ხუთი პირი: სამეწარმეო სუბიექტისა და მისი ქვეკონტრაქტორი კომპანიების ოთხი დირექტორი და კომპანიის ერთი თანამშრომელი.„გამოძიებით დადგინდა, რომ 2023-2026 წლებში შპს Aladashvili & co-სა და თბილისის ისნის, ჩუღურეთის, მთაწმინდისა და კრწანისის რაიონების გამგეობებს შორის გაფორმდა, ჯამში, 12 ხელშეკრულება, რომლებიც შეეხებოდა მძიმე სოციალურ მდგომარეობაში მყოფი მოქალაქეებისთვის უფასო სასადილოებით მომსახურების სახელმწიფო შესყიდვას, საერთო ღირებულებით – 26 513 573 ლარი.შპს Aladashvili & co-ს დირექტორმა 22 სასადილოდან ოთხი, გამგეობებთან გაფორმებული ხელშეკრულებებით გათვალისწინებული პირობებით, სამართავად გადასცა ქვეკონტრაქტორ კომპანიებს: შპს „გიდს“, შპს „ბადეს“ და შპს „ალიონს“.გამოძიებით დგინდება, რომ შპს Aladashvili & co-ს დირექტორი, აღნიშნულ კომპანიებთან ერთად, ხელშეკრულებების მოქმედების პერიოდში, 2024, 2025, 2026 წლებში, ყოველდღიურად, 14 451-მდე ბენეფიციარს არაკეთილსინდისიერად ემსახურებოდა და არაჯეროვნად ასრულებდა ნაკისრ ვალდებულებებს.კერძოდ, პროდუქციის მიღება-ჩაბარების აქტების გაყალბების გზით, გამგეობებიდან მიღებული 18 909 104 ლარიდან თაღლითურად დაეუფლნენ სახელმწიფოს კუთვნილ დიდი ოდენობით თანხას – 3 529 000 ლარს. აღნიშნულ ქმედებასთან დაკავშირებით გამოძიება საქართველოს სისხლის სამართლის კოდექსის 180-ე მუხლის მესამე ნაწილის „ბ“ ქვეპუნქტით და 25, 180-ე მუხლის მესამე ნაწილის „ბ“ ქვეპუნქტით მიმდინარეობს, რაც სასჯელის სახით 6-დან 9 წლამდე ვადით თავისუფლების აღკვეთას ითვალისწინებს.სახელმწიფო უსაფრთხოების სამსახურის ანტიკორუფციული სააგენტო განაგრძობს მუშაობას ყველა სახის კორუფციული დანაშაულის გამოვლენისა და პრევენციის მიზნით. აქვე, კიდევ ერთხელ ვაფრთხილებთ ყველა მეწარმესა თუ საჯარო მოხელეს – კეთილსინდისიერად განახორციელონ საქმიანობა, რადგან ნებისმიერი სახის დანაშაულებრივ ქმედებას მოჰყვება სახელმწიფოს მყისიერი რეაგირება და კორუფციასთან ბრძოლას ექნება მუდმივი და შეუქცევადი ხასიათი“, – განაცხადეს სახელმწიფო უსაფრთხოების სამსახურში გამართულ ბრიფინგზე.