დააკავა

VIDEO: ცნობილია, მარნეულში სასტიკად მოკლული ქალისა და მკვლელობაში ბრალდებული ძმის ვინაობა

ფემიციდის კიდევ ერთი სასტიკი შემთხვევა საქართველოში - ძმა დას ჯერ მანქანით დაეჯახა, რის შემდეგაც ძირს დაგდებულ და ტრავმირებულ ქალს, დანით, 10-ზე მეტი ჭრილობა მიაყენა. 31 წლის შეხლა ისმაილოვა ადგილზევე გარდაიცვალა. მკვლელობა ქვემო ქართლში, ერთ-ერთ ქალაქში მოხდა.მკვლელობაში ეჭვმიტანილი ძმა - ნურუ ისმაილოვი პოლიციამ ცხელ კვალზე დააკავა. 23 წლის ნურუ ისმაილოვის ახლობლები აცხადებენ, რომ მან და, მისი პირადი ცხოვრების მიუღებლობის გამო მოკლა. ადგილობრივები ჰყვებიან იმასაც, რომ და-ძმას კონფლიქტი ხშირად ჰქონდა. ნურუ ისმაილოვს, დამამძიმებელ გარემოებებში, ოჯახის წევრის განზრახ მკვლელობის დამტკიცების შემთხვევაში, 16-დან 20 წლამდე, ან უვადო თავისუფლების აღკვეთა ემუქრება. გარდაბანში, მძიმე დანაშაულის დეტალებს თვითმხილველები "კურიერთან" ჰყვებიან. ადგილობრივები ამბობენ, რომ ჯერ ავტომობილის შეჯახების ხმა გაიგეს, შემდეგ კი დაინახეს, თუ როგორ მიაყენა მანქანიდან გადმოსულმა მამაკაცმა ახალგაზრდა ქალს მრავლობითი დაზიანება. ირკვევა, რომ დამნაშავემ მსხვერპლს მანქანა მიზანმიმართულად დააჯახა, შემდეგ კი, დანით, 10-ზე მეტი ჭრილობა მიაყენა.მკვლელობაში ბრალდებული 23 წლის ნურუ ისმაილოვია. მოკლული კი მისი და - შეხლა ისმაილოვა. ოჯახის წევრის საზარელი მკვლელობის მოტივად შურისძიება სახელდება."კურიერი" დღეს ისმაილოვების საცხოვრებელ მისამართზეც იმყოფებოდა. ოჯახში მომხდარის დეტალებზე საუბარი არ სურთ. სოფელ ვახტანგისში ადასტურებენ. რომ და-ძმას უთანხმოება ნამდვილად ჰქონდა, თუმცა ამბობენ. რომ ფიზიკურ ძალადობას, ამ დრომდე, ადგილი არ ჰქონია.მამაკაცი, რომელმაც საკუთარი და სასიკვდილოდ გაიმეტა პოლიციამ ცხელ კვალზე დააკავა. ნურუ ისმაილოვს დამამძიმებელ გარემოებებში ოჯახის წევრის განზრახ მკვლელობას ედავებიან. მას 16-დან 20 წლამდე, ან უვადო თავისუფლების აღკვეთა ემუქრება.

სამართალი • 1715969518

„ძმამ ძირს დაგდებულ და ტრავმირებულ დას, დანით 10-ზე მეტი ჭრილობა მიაყენა“ - სასტიკი მკვლელობის ახალი დეტალები

ფემიციდის კიდევ ერთი სასტიკი შემთხვევა საქართველოში - ძმა დას ჯერ მანქანით დაეჯახა, რის შემდეგაც ძირს დაგდებულ და ტრავმირებულ ქალს, დანით, 10-ზე მეტი ჭრილობა მიაყენა. 31 წლის შეხლა ისმაილოვა ადგილზევე გარდაიცვალა. მკვლელობა ქვემო ქართლში, ერთ-ერთ ქალაქში მოხდა.მკვლელობაში ეჭვმიტანილი ძმა - ნურუ ისმაილოვი პოლიციამ ცხელ კვალზე დააკავა. 23 წლის ნურუ ისმაილოვის ახლობლები აცხადებენ, რომ მან და, მისი პირადი ცხოვრების მიუღებლობის გამო მოკლა. ადგილობრივები ჰყვებიან იმასაც, რომ და-ძმას კონფლიქტი ხშირად ჰქონდა. ნურუ ისმაილოვს, დამამძიმებელ გარემოებებში, ოჯახის წევრის განზრახ მკვლელობის დამტკიცების შემთხვევაში, 16-დან 20 წლამდე, ან უვადო თავისუფლების აღკვეთა ემუქრება.გარდაბანში, მძიმე დანაშაულის დეტალებს თვითმხილველები "კურიერთან" ჰყვებიან. ადგილობრივები ამბობენ, რომ ჯერ ავტომობილის შეჯახების ხმა გაიგეს, შემდეგ კი დაინახეს, თუ როგორ მიაყენა მანქანიდან გადმოსულმა მამაკაცმა ახალგაზრდა ქალს მრავლობითი დაზიანება. ირკვევა, რომ დამნაშავემ მსხვერპლს მანქანა მიზანმიმართულად დააჯახა, შემდეგ კი, დანით, 10-ზე მეტი ჭრილობა მიაყენა.მკვლელობაში ბრალდებული 23 წლის ნურუ ისმაილოვია. მოკლული კი მისი და - შეხლა ისმაილოვა. ოჯახის წევრის საზარელი მკვლელობის მოტივად შურისძიება სახელდება."კურიერი" დღეს ისმაილოვების საცხოვრებელ მისამართზეც იმყოფებოდა. ოჯახში მომხდარის დეტალებზე საუბარი არ სურთ. სოფელ ვახტანგისში ადასტურებენ. რომ და-ძმას უთანხმოება ნამდვილად ჰქონდა, თუმცა ამბობენ. რომ ფიზიკურ ძალადობას, ამ დრომდე, ადგილი არ ჰქონია.მამაკაცი, რომელმაც საკუთარი და სასიკვდილოდ გაიმეტა პოლიციამ ცხელ კვალზე დააკავა. ნურუ ისმაილოვს დამამძიმებელ გარემოებებში ოჯახის წევრის განზრახ მკვლელობას ედავებიან. მას 16-დან 20 წლამდე, ან უვადო თავისუფლების აღკვეთა ემუქრება.

სამართალი • 1715932819

“მიცვალებული სახლში არ მიჰყავთ... გოგოს მამა ამბობს, ჩემი შვილი ციხეში მიდის და ის სახლში მოვასვენოო?" - ვინ არის გარდაბანში ძმის მიერ მოკლული გოგო

სასტიკი მკვლელობა გარდაბანში. ძმამ დას ჯერ ავტომობილი განზრახ დააჯახა, შემდეგ კი დანით მრავლობითი ჭრილობები მიაყენა. 29 წლის გოგო მძიმე დაზიანებებით ადგილზევე გარდაიცვალა.22 წლის ბიჭი ქვემო ქართლის პოლიციამ ცხელ კვალზე დააკავა. დაკავებულს გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას ედევება. მას 16-დან 20 წლამდე ან უვადო პატიმრობა ემუქრება.Ambebi.ge-ს ადგილობრივი უყვება, რომ ახალგაზრდა ქალს ქმარი და ორი შვილი დარჩა.შსს დაკავების კადრებს ავრცელებს ⇓ "საკმაოდ შეძლებული ოჯახიც ჰქონდა. ბოლო პერიოდში სახლიდან წავიდა. ძმა დას ეძებდა, იმუქრებოდა, სადაც ვნახავ, იქ მოვკლავო. ისინიც ერიდებოდნენ, ძმა გოგონას დღეს გადაეყარა ქუჩაში, ჯერ მანქანა დააჯახა, მერე წაქცეულს 4-ჯერ ჩაარტყა დანა. გოგონა ადგილზე გარდაიცვალა... ახლა ერთი პრობლემაა: გოგონას ჩაუტარდა ექსპერტიზა, ბიუროში უთხრეს, მიცვალებული წაიყვანეთო, მაგრამ არავის მიჰყავს - არც გოგოს ოჯახს მიჰყავს და არც ბიჭისას. გოგოს მამა იძახის, ჩემი შვილი ციხეში მიდის და სახლში მოვასვენოო?“ - ჰყვება გარდაცვლილის თანასოფლელი.

მსოფლიო • 1715931969

სლოვაკური მედიის ცნობით, ექიმები რობერტ ფიცოს ბრატისლავაში გადაყვანის შესაძლებლობას განიხილავენ

სლოვაკი ექიმები პრემიერ-მინისტრ რობერტ ფიცოს ბრატისლავაში გადაყვანის შესაძლებლობას განიხილავენ, – ამის შესახებ ინფორმაციას ადგილობრივი მედია ავრცელებს.რობერტ ფიცო ამჟამად ქალაქ ბანსკა-ბისტრიცაში მდებარე საავადმყოფოში მკურნალობს.როგორც ადგილობრივი მედია უწყება, პრემიერ-მინისტრის ჯანმრთელობის მდგომარეობასთან დაკავშირებით შეიკრიბა სამედიცინო საბჭო, რომელმაც უნდა გადაწყვიტოს, შესაძლებელია თუ არა რობერტ ფიცოს დედაქალაქში გადაყვანა.სლოვაკეთის ახალარჩეული პრეზიდენტის, პიტერ პელეგრინის განცხადებით, რობერტ ფიცოს ჯანმრთელობის მდგომარეობა სტაბილურია და მას საუბარი შეუძლია.სლოვაკეთის პრემიერ-მინისტრს, რობერტ ფიცოს მთავრობის სხდომის შემდეგ ქუჩაში ცეცხლსასროლი იარაღიდან ესროლეს. მთავრობის სხდომა ბრატისლავადან 180 კილომეტრში მდებარე ქალაქ ჰანდლოვას კულტურის სახლში იმართებოდა. თავდამსხმელი პოლიციამ ადგილზევე დააკავა.

სამართალი • 1715922743

ძმამ დას ჯერ ავტომობილი განზრახ დააჯახა, შემდეგ კი დანით მრავლობითი ჭრილობები მიაყენა - სასტიკი მკვლელობის დეტალები

სასტიკი მკვლელობა გარდაბანში. ძმამ დას ჯერ ავტომობილი განზრახ დააჯახა, შემდეგ კი დანით მრავლობითი ჭრილობები მიაყენა. 22 წლის გოგონა მძიმე დაზიანებებით ადგილზევე გარდაიცვალა.გარდაცვლილს მეუღლე და 2 მცირეწლოვანი შვილი დარჩა. თვითმხილველების განცხადებით, მომხდარის მიზეზი, სავარაუდოდ ეჭვიანობა გახდა.მამაკაცი ქვემო ქართლის პოლიციამ ცხელ კვალზე დააკავა. დაკავებულს გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას ედევება. მას 16-დან 20 წლამდე ან უვადო პატიმრობა ემუქრება.

სამართალი • 1715844936

შინაგან საქმეთა სამინისტრომ ჯგუფურად ჩადენილი ნივთის დაზიანების ბრალდებით ორი პირი დააკავა

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად ჯგუფურად ჩადენილი ნივთის დაზიანების ბრალდებით 2005 წელს დაბადებული ო.ო. და წარსულში ნასამართლევი 2001 წელს დაბადებული ს.მ. დააკავეს.დანაშაული 6 წლამდე ვადით თავისუფლების აღკვეთას ითვალისწინებს.გამოძიებით დადგინდა, რომ მიმდინარე წლის 14 მაისს, თბილისში, საკანონმდებლო ორგანოს შენობის მიმდებარე ტერიტორიაზე, მიმდინარე საპროტესტო აქციის დროს ს.მ.-მ და ო.ო.-მ სხვა პირებთან ერთად, როგორც ფიზიკური ძალის, ასევე, რკინის ნივთის გამოყენებით პარლამენტის შესასვლელთან განთავსებული რკინის დამცავი ჯებირი მიზანმიმართულად დააზიანეს.შინაგან საქმეთა სამინისტრო დანაშაულში მონაწილე სხვა პირების დადგენა-დაკავების მიზნით საგამოძიებო მოქმედებებს აგრძელებს.გამოძიება სისხლის სამართლის კოდექსის 187-ე მუხლის მე-2 ნაწილის „გ“ ქვეპუნქტით მიმდინარეობს, რაც ჯგუფურად ნივთის დაზიანებას გულისხმობს.

მსოფლიო • 1715841985

პალესტინის მხარდამჭერი აქციის მონაწილეებმა კალიფორნიის უნივერსიტეტის შენობა დაიკავეს, პოლიციამ რამდენიმე დემონსტრანტი დააკავა

კალიფორნიის უნივერსიტეტში პალესტინის მხარდამჭერი აქცია გაიმართა, რის შემდეგაც პოლიციასა და აქციის მონაწილეებს შორის სიტუაცია დაიძაბა.პალესტინის მხარდამჭერმა 200-მდე პირმა უნივერსიტეტის შენობა დაიკავა, რის გამოც სასწავლო პროცესი ჩაიშალა და უნივერსიტეტის ადმინისტრაციამ სტუდენტებს კამპუსში დარჩენა ურჩია. შემთხვევის შემდეგ ადმინისტრაციამ პოლიცია გამოიძახა.მედიაში გავრცელებულ კადრებში კი ჩანს, რომ პოლიციამ აქციის რამდენიმე მონაწილე დააკვა.

მსოფლიო • 1715792944

ზუზანა ჩაპუტოვა: შოკირებული ვართ რობერტ ფიცოზე საშინელი თავდასხმით, სიძულვილის რიტორიკამ, რომელსაც ვხედავთ საზოგადოებაში, გამოიწვია სიძულვილის ქმედებები, შევაჩეროთ ეს

შოკირებული ვართ რობერტ ფიცოზე საშინელი თავდასხმით, სიძულვილის რიტორიკამ, რომელსაც ვხედავთ საზოგადოებაში, გამოიწვია სიძულვილის ქმედებები, შევაჩეროთ ეს, - ამის შესახებ სლოვაკეთის პრეზიდენტმა, ზუზანა ჩაპუტოვამ განაცხადა.„შოკირებული ვარ. ჩვენ ყველანი შოკირებული ვართ პრემიერ-მინისტრ რობერტ ფიცოზე საშინელი თავდასხმით. შესაძლოა ჩვენ ჯერ ვერც კი გავაცნობიერებდეთ, თუ რამდენად სერიოზული რამ მოხდა. პრემიერ-მინისტრის მისამართით სროლა, უპირველეს ყოვლისა, არის თავდასხმა პიროვნებაზე, თუმცა ასევე ეს არის თავდასხმა დემოკრატიაზე. ნებისმიერი სახის ძალადობა მიუღებელია. სიძულვილის რიტორიკამ, რომელსაც ვხედავთ საზოგადოებაში, გამოიწვია სიძულვილის ქმედებები. გთხოვთ, შევაჩეროთ ეს.პოლიციამ დამნაშავე დააკავა და აუცილებლად გაასაჯაროებს მეტ ინფორმაციას, როდესაც ეს შესაძლებელი იქნება. მანამდე, გთხოვთ, ნუ გააკეთებთ ნაჩქარევ დასკვნებს და იფიქრეთ ყველაზე მნიშვნელოვანზე ამ მომენტისთვის, რომ რობერტ ფიცო რაც შეიძლება მალე გამოჯანმრთელდეს“, – აღნიშნა ჩაპუტოვამ.

სამართალი • 1715784164

შსს-მ პოლიციელებზე თავდასხმის ბრალდებით ერთი პირი დააკავა

შინაგან საქმეთა სამინისტრომ პოლიციელებზე თავდასხმის ბრალდებით ერთი პირი დააკავა - განცხადება შინაგან საქმეთა სამინისტროს ვებგვერდზე გავრცელდა.დანაშაული 7 წლამდე ვადით თავისუფლების აღკვეთას ითვალისწინებს."შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, პოლიციელებზე თავდასხმის ბრალდებით 1983 წელს დაბადებული, წარსულში სხვადასხვა დანაშაულისთვის, მათ შორის ძალადობის, ჯანმრთელობის დაზიანებისა და პოლიციელის კანონიერი მოთხოვნისადმი დაუმორჩილებლობისთვის ნასამართლევი გ.ო. თბილისში დააკავეს.დანაშაული 7 წლამდე ვადით თავისუფლების აღკვეთას ითვალისწინებს.გამოძიებით დადგინდა, რომ გ.ო.-მ მიმდინარე წლის 13 მაისს, თბილისში, პარლამენტის მიმდებარე ტერიტორიაზე გამართულ საპროტესტო აქციაზე, ფიზიკური შეურაცხყოფა მიაყენა შინაგან საქმეთა სამინისტროს თანამშრომლებს. კერძოდ, აქციის მიმდინარეობისას, დაკავებულმა იდაყვისა და მუშტის დარტყმით პოლიციის თანამშრომლებს სახის არეში დაზიანებები მიაყენა. ჩატარებული საგამოძიებო მოქმედებების შედეგად, გ.ო. სამართალდამცველებმა თბილისში დააკავეს.გამოძიება სისხლის სამართლის კოდექსის 353-ე პრიმა მუხლის პირველი ნაწილით მიმდინარეობს, რაც სამსახურებრივი საქმიანობის შესრულების დროს პოლიციელზე თავდასხმას გულისხმობს," - წერია განცხადებაში.

საზოგადოება • 1715701653

„ყველა კანონსაწინააღმდეგო ფაქტს მკაცრი სამართლებრივი რეაგირება მოჰყვება“ - შსს განცხადებას ავრცელებს

„უცხოური გავლენის გამჭირვალობის შესახებ“ კანონპროექტის პარლამენტში მესამე მოსმენით განხილვის გაპროტესტების მიზნით, აქციის მონაწილეებმა მიმდინარე წლის 14 მაისს, 09:00 საათიდან დაიწყეს შეკრება საკანონმდებლო ორგანოს მიმდებარე ტერიტორიაზე. აქციის პარალელურად, საზოგადოებრივი წესრიგის დაცვის მიზნით, შინაგან საქმეთა სამინისტროს სხვადასხვა დანაყოფის წარმომადგენლები იმყოფებოდნენ ადგილზე და იცავდნენ თითოეული მოქალაქის უსაფრთხოებას. იმისთვის, რომ დეპუტატებსა და პარლამენტის აპარატის თანამშრომლებს საპარლამენტო ორგანოში უსაფრთხო გადაადგილების შესაძლებლობა ჰქონოდათ, შინაგან საქმეთა სამინისტრომ მიიღო გადაწყვეტილება, რომ გაეთავისუფლებინა პარლამენტის შესასვლელები. პარალელურად, აქციის მონაწილეებს, რუსთაველის გამზირსა და ბ. ჭიჭინაძის ქუჩაზე, ჰქონდათ შესაძლებლობა მშვიდ ვითარებაში გამოეხატათ პროტესტი. პარლამენტში მიმდინარე კენჭისყრის დასრულების შემდეგ, აქციის მონაწილეებმა დაიწყეს, რუსთაველის გამზირზე მდებარე საკანონმდებლო ორგანოს შესასვლელში მოწყობილი რკინის დამცავი ღობის მიზანმიმართული დაზიანება და შედეგად მოახერხეს პარლამენტის ტერიტორიაზე შეღწევა. გარდა ამისა, პარლამენტის შენობაზე საღებავებით გააკეთეს სხვადასხვა სახის წარწერები. შესაბამისად, საკანონმდებლო ორგანოს წინ შეკრებილი აქციის მონაწილეების პროტესტი, სრულად გასცდა შეკრებისა და მანიფესტაციის კანონით დადგენილ ფარგლებს და მიიღო ძალადობრივი ხასიათი. მიუხედავად პოლიციის მხრიდან გაკეთებული არაერთი მოწოდებისა და შინაგან საქმეთა სამინისტროს მიერ გავრცელებული არაერთი გამაფრთხილებელი განცხადებისა, რომ აქცია ჩაეტარებინათ მშვიდ ვითარებაში, აქციის მონაწილეები არ დაემორჩილნენ კანონიერ მოწოდებებს სიტყვიერად და ფიზიკურად უპირისპირდებოდნენ სამართალდამცველებს, პოლიციის მიმართულებით ისვროდნენ სხვადასხვა ბლაგვ საგანებსა და საღებავებს. ასევე, სხვადასხვა რკინის კონსტრუქციები განათავსეს საავტომობილო გზაზე.პარლამენტის შენობაში უნებართვო შეჭრის აღკვეთის და საზოგადოებრივი მართლწესრიგის აღდგენის მიზნით, სამართალდამცველებმა გამოიყენეს, კანონით დადგენილი პროპორციული ძალა და სპეციალური საშუალებები. შინაგან საქმეთა სამინისტრომ პოლიციელთა კანონიერი მოთხოვნისადმი დაუმორჩილებლობისა და წვრილმანი ხულიგნობისთვის ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად 13 პირი დააკავა. ამ დროისთვის აქციის მონაწილეების მიერ დაზიანებული დამცავი რკინის ღობე აღდგენილია და აქციის მონაწილეებს აქვთ საშუალება პროტესტი გამოხატონ პარლამენტის მიმდებარე ტერიტორიაზე კანონით დადგენილი წესით. შინაგან საქმეთა სამინისტრო კიდევ ერთხელ მოუწოდებს აქციის ორგანიზატორებს და მონაწილეებს, დაემორჩილონ სამართალდამცველების კანონიერ მოთხოვნებს. სამინისტრო შეისწავლის აქციის მსვლელობისას მომხდარ ყველა კანონსაწინააღმდეგო ფაქტს და თითოეულ ქმედებას მკაცრი სამართლებრივი რეაგირება მოჰყვება.

რუსთაველის გამზირი დილიდან არის გადაკეტილი

პოლიტიკა • 1715686980

აქციაზე, რომელიც პარლამენტთან დილიდან მიმდინარეობს, ადგილი ჰქონდა სიტყვიერ და ფიზიკურ დაპირისპირებებს სამართალდამცველებსა და აქციის მონაწილეებს შორის

რუსთაველის გამზირი დილიდან არის გადაკეტილი. აქციის მონაწილეები დგანან როგორც საკანონმდებლო ორგანოს წინ, ასევე მიმდებარე ქუჩაზე. ჭიჭინაძის ქუჩაზე აქციის მონაწილეებსა და სამართალდამცველებს შორის რამდენჯერმე იყო სიტყვიერი და ფიზიკური დაპირისპირება. პოლიციამ რამდენიმე ადამიანი დააკავა.აქციის მონაწილეები გამჭვირვალეობის შესახებ კანონის მესამე მოსმენით განხილვას აპროტესტებენ და მოუწოდებენ დეპუტატებს, გაიწვიონ კანონი, ან დღევანდელ სხდომაზე ჩააგდონ.ამ დროისთვის აქციაზე მშვიდი ვითარებაა. ტერიტორიაზე მობილიზებულია პოლიცია, რომელიც პარლამენტის უკანა შესასვლელს იცავს.აქციაზე გამოჩნდა პრეზიდენტის სალომე ზურაბიშვილის ძმა, რომელმაც ტელეკომპანია „იმედთან“ კომენტარის გაკეთებაზე უარი თქვა, თუმცა სხვა მედიასაშუალებებთან განმარტა მისი აქციაზე მისვლის მიზეზი.

პოლიტიკა • 1715570588

ჭიჭინაძის ქუჩაზე სამართალდამცველებსა და აქციის მონაწილეებს შორის დაპირისპირება მოხდა

ჭიჭინაძის ქუჩაზე სამართალდამცველებსა და აქციის მონაწილეებს შორის დაპირისპირება მოხდა - ვითარება ადგილზე დაძაბულია. აქციის მონაწილეები სამართალდამცველებს ბოთლებს ესვრიან. სავარაუდოდ, პოლიციამ აქციის ერთი მონაწილე დააკავა.ადგილზე საპოლიციო ძალების მისამართით აქციის მონაწილეები სკანდირებენ - "მონებო," ისმის უცენზურო შეძახილებიც.აღსანიშნავია, რომ შინაგან საქმეთა სამინისტრომ საკანონმდებლო ორგანოს შენობის მიმდებარე ტერიტორიაზე მყოფ პირებს მოუწოდა, არ მოახდინონ პარლამენტის შესასვლელების ბლოკირება, ასევე, თავი შეიკავონ კანონსაწინააღმდეგო და ძალადობრივი ქმედებებისგან.იურიდიულ საკითხთა კომიტეტის დაწყებამდე კი 2 საათზე ნაკლები რჩება.