დააკავა

საგამოძიებო სამსახურმა საბაჟო საზღვარზე განსაკუთრებით დიდი ოდენობით ოქროს ნაკეთობების უკანონო გადმოტანის ფაქტზე ერთი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, შემოსავლების სამსახურის საბაჟო დეპარტამენტთან ერთად, საქართველოს გენერალურ პროკურატურასთან კოორდინაციით გატარებული ოპერატიულ-სამძებრო და საგამოძიებო მოქმედებების შედეგად, საბაჟო საზღვარზე განსაკუთრებით დიდი ოდენობით საქონლის გადაადგილების წესის დარღვევის ფაქტზე ერთი პირი დააკავეს.ოპერატიული ინფორმაციის საფუძველზე ჩატარებული ღონისძიების შედეგად გამოვლინდა, რომ საქართველოს მოქალაქემ, საბაჟო-გამშვები პუნქტი„სარფის“ გავლით, თავისი მართვის ქვეშ არსებული ავტომანქანით, სხვადასხვა ნივთში მალულად განთავსებული 1 215.52 გრამი ოქროს საიუველირო ნაკეთობები გადმოიტანა, რომლის საბაჟო ღირებულება 246 857 ლარს შეადგენს.გამოძიება საქართველოს სისხლის სამართლის კოდექსის 214-ე მუხლის მე-2 ნაწილით მიმდინარეობს, რაც სასჯელის სახით 5-დან 7 წლამდე ვადით თავისუფლების აღკვეთას ითვალისწინებს.

მსოფლიო • 1785337562

პოლონეთში 63 წლის კაცი დააკავეს, რომელსაც უკრაინის მოქალაქეების მიმართ შეურაცხყოფა და მუქარა ედება ბრალად

პოლონეთში სამართალდამცველებმა ვარშავასთან ახლოს მცხოვრები 63 წლის მამაკაცი დააკავეს, რომელსაც უკრაინის მოქალაქეების მიმართ ეროვნულ ნიადაგზე საჯარო შეურაცხყოფა და მუქარა ედება ბრალად.გამოძიების ინფორმაციით, ეჭვმიტანილი უკრაინელ მეზობლებს რეგულარულად აყენებდა სიტყვიერ შეურაცხყოფას, იყენებდა უცენზურო ლექსიკას და სიძულვილის შემცველ გამონათქვამებს მათი ეროვნების გამო.ერთ-ერთი ინციდენტისას მამაკაცი ერთ-ერთ დაზარალებულს დაემუქრა. პოლიციის ცნობით, უკრაინის 25 წლის მოქალაქე იძულებული გახდა, თავის დასაცავად საკუთარ ავტომობილში დამალულიყო. როგორც მედია წერს, დაზარალებულმა მომხდარი ტელეფონით გადაიღო, რომელიც მოგვიანებით სოციალურ ქსელებში გავრცელდა. ბრალის დამტკიცების შემთხვევაში, 63 წლის მამაკაცს სამ წლამდე თავისუფლების აღკვეთა ემუქრება.რაც შეეხება პოლონეთში რამდენიმე დღის წინ უკრაინელ წყვილზე თავდასხმას, ვროცლავის სასამართლომ ბრალდებულებს სამთვიანი წინასწარი პატიმრობა შეუფარდა.გამოძიების ინფორმაციით, 20 წლის უკრაინელ ქალსა და 21 წლის უკრაინელ მამაკაცს რამდენიმე პოლონელი მამაკაცი მას შემდეგ დაესხა თავს, რაც მათი უკრაინული აქცენტი გაიგეს. პოლიციამ ორი ეჭვმიტანილი დააკავა, კიდევ ერთი სავარაუდო თავდამსხმელი ამ დრომდე იძებნება.პროკურატურამ მათ ბრალი წაუყენა თავდასხმასა და ეროვნული ნიშნით მოტივირებულ ძალადობაში. გარდა ამისა, ერთ-ერთ ეჭვმიტანილს ბრალი წარედგინა დამამძიმებელ გარემოებაში ჩადენილი დანაშაულისთვისაც. აღნიშნული დანაშაული ბრალის დამტკიცების შემთხვევაში, მას 7,5 წლამდე თავისუფლების აღკვეთა ემუქრება.ბრალდებულების ადვოკატები აცხადებენ, რომ ეს იყო კონფლიქტი, რომელსაც ეროვნებასთან კავშირი არ ჰქონია.

სამართალი • 1785316039

სუსი განცხადებას ავრცელებს - ვინ დააკავა უწყებამ

საქართველოს სახელმწიფო უსაფრთხოების სამსახურის, სახელმწიფო უსაფრთხოების დეპარტამენტის თანამშრომლებმა ცეცხლსასროლი იარაღისა და საბრძოლო მასალის მართლსაწინააღმდეგო გასაღების ფაქტზე უცხო ქვეყნის სამი მოქალაქე დააკავეს, - ინფორმაციას სახელმწიფო უსაფრთხოების სამსახური ავრცელებს."გამოძიებით დგინდება, რომ დაკავებულები არიან უცხო ქვეყანაში მოქმედი ერთ-ერთი მსხვილი კრიმინალური დაჯგუფების ქსელის წევრები, რომლებსაც საქართველოში სარეალიზაციოდ უკანონოდ შემოჰქონდათ ცეცხლსასროლი იარაღები და საბრძოლო მასალა. სახელმწიფო უსაფრთხოების დეპარტამენტის თანამშრომლებმა ისინი ქალაქ თბილისში, დანაშაულის ჩადენის ადგილზე დააკავეს.დაკავებულთა პირადი, ავტომანქანისა და დროებითი საცხოვრებელი სახლის ჩხრეკის შედეგად, ნივთმტკიცებად ამოღებულია სარეალიზაციოდ გამზადებული უკანონო ცეცხლსასროლი იარაღები, საბრძოლო მასალა, სავარაუდოდ ნარკოტიკული საშუალება და ელექტრონული მოწყობილობები. პირველადი დათვალიერებით, აღნიშნულ მოწყობილობებში ნაპოვნია სხვადასხვა დანაშაულებრივი ქმედების, მათ შორის განსაკუთრებით დიდი ოდენობის ნარკოტიკული საშუალებების რეალიზაციის ამსახველი ფოტო-ვიდეო მასალა. ამოღებული ნივთმტკიცებები გადაგზავნილია ექსპერტიზაზე.სახელმწიფო უსაფრთხოების სამსახური აგრძელებს გამოძიებას საერთაშორისო დანაშაულებრივ ქსელში ჩართული სხვა პირების დადგენის, გამოვლენისა და მათი სისხლისსამართლებრივ პასუხისგებაში მიცემის მიზნით.გამოძიება ამ ეტაპზე მიმდინარეობს საქართველოს სსკ-ის 236-ე მუხლის მე-5 ნაწილით, რაც სასჯელის სახით ითვალისწინებს თავისუფლების აღკვეთას 9-წლამდე ვადით," - ვკითხულობთ გავრცელებულ განცხადებაში.

სამართალი • 1785312929

ქურდულ სამყაროსთან კავშირში მყოფი ბრალდებულებისთვის აღკვეთის ღონისძიების შეფარდებაზე სასამართლო დღეს იმსჯელებს

ქურდულ სამყაროსთან კავშირში მყოფი ბრალდებულებისთვის აღკვეთის ღონისძიების შეფარდებაზე სასამართლო დღეს იმსჯელებს.პროკურატურამ "კანონიერი ქურდობის", "ქურდული სამყაროს" წევრობის, მხარდაჭერის და მიმართვის ფაქტებზე 33 პირს ბრალი უკვე წარუდგინა. გამოძიების მიხედვით, ბრალდებულები მითითებებს საზღვარგარეთ მყოფი მამუკა ჩხაბერიძისგან იღებდნენ და მისი დავალებების შესაბამისად მოქმედებდნენ - ორგანიზებას უწევდნენ ე.წ. ქურდულ გარჩევებს. ასევე დაშინების, კრიმინალური გავლენის და სხვა უკანონო ქმედებების გამოყენებით, აქტიურად მონაწილეობდნენ "ქურდული სამყაროს" მართვასა და ორგანიზებაში.შინაგან საქმეთა სამინისტრომ 27 პირი გუშინ დააკავა, 4-ს ბრალდება დაუსწრებლად, ხოლო 2 პირს პენიტენციურ დაწესებულებაში წარედგინა.

მსოფლიო • 1785310162

თაღლითებმა პენსიონერს ილონ მასკის სახელით სიყვარული აუხსნეს და ფული გამოსძალეს (იაპონია)

იაპონიაში, ქალაქ კამიკუსას 65 წლის მცხოვრები ილონ მასკის სახელით ორჯერ მოატყუეს. პოლიციამ საქმეზე ერთ-ერთი ეჭვმიტანილი დააკავა.ადგილობრივი მედიის ცნობით, დაკავებულმა კაცმა, სახელად ონო რიოიმ, თანამზრახველებთან ერთად სოციალურ ქსელებში ილონ მასკის ანგარიში გააყალბა და მილიარდერის ნამდვილი გვერდის გამომწერებს მისი სახელით შეტყობინებებს უგზავნიდა.ერთ-ერთი მსხვერპლი 65 წლის პენსიონერი აღმოჩნდა, რომელსაც თაღლითი სიყვარულს უხსნიდა, ეუბნებოდა, რომ ის სჭირდებოდა, მოგვიანებით კი ფულის თხოვნა დაიწყო. მეტი დამაჯერებლობისთვის მან ქალთან ვიდეოზარითაც ისაუბრა, რა დროსაც ხელოვნური ინტელექტის მეშვეობით მასკად გაასაღა თავი.ქალმა დაიჯერა და თაღლითისთვის ფულის გადარიცხვა დაიწყო. მოგვიანებით მას ეჭვი შეეპარა და პოლიციას მიმართა, თუმცა დამნაშავეებთან ურთიერთობას მაინც აგრძელებდა. რამდენიმე თვის შემდეგ მან მათთვის ფულის გაგზავნა კვლავ დაიწყო.სულ პენსიონერმა დამნაშავეებს 1,85 მილიონი იენა (დაახლოებით 12 000 აშშ დოლარი) გადასცა. პოლიციას ეჭვობს, რომ ონო რიოი ასევე ფულის გათეთრების სქემაში მონაწილეობდა. გამოძიება მის შესაძლო თანამზრახველებს ადგენს.

სამართალი • 1785239919

ბრალდებულმა, სამი დაზარალებულის პირადი ცხოვრების საიდუმლოს ამსახველი კადრები უკანონოდ შეინახა და „მესენჯერის“ საშუალებით გადაუგზავნა სხვა პირს - პროკურატურამ ერთი პირი დააკავა

საქართველოს პროკურატურამ პირადი ცხოვრების საიდუმლოს ხელყოფის და ადევნების ფაქტზე ერთი პირი დააკავა. ინფორმაციას პროკურატურა ავრცელებს.სამეგრელო-ზემო სვანეთის საოლქო პროკურატურის მიერ ჩატარებული გამოძიებით დადგინდა, რომ ბრალდებულმა, აპლიკაცია „ვოთსაპის“ გამოყენებით მოიპოვა და უკანონოდ შეინახა სამი დაზარალებულის პირადი ცხოვრების საიდუმლოს ამსახველი ფოტო მასალა, ხოლო ერთ-ერთი დაზარალებულის პირადი ცხოვრების საიდუმლოს ამსახველი ფოტო მასალა „მესენჯერის“ საშუალებით გადაუგზავნა სხვა პირს. ასევე, ბრალდებული, სისტემატურად უკანონოდ უთვალთვალებდა დაზარალებულს, გადაადგილდებოდა მის საცხოვრებელ სახლთან და მასთან არასასურველ კომუნიკაციას ამყარებდა, რის შედეგად, დაზარალებულმა ფსიქიკური ტანჯვა განიცადა და იძულებული გახდა მნიშვნელოვნად შეეცვალა ცხოვრების წესი.სამეგრელო-ზემო სვანეთის პროკურატურის თანამრომლებმა ბრალდებული მოსამართლის განჩინების საფუძველზე 27 ივლისს დააკავეს. მას ბრალდება საქართველოს სისხლის სამართლის კოდექსის 157 პრიმა მუხლის პირველი ნაწილით (პირადი ცხოვრების საიდუმლოს უკანონო შენახვა და გავრცელება) და 151 პრიმა მუხლის მე-2 ნაწილის „დ“ ქვეპუნქტით (ადევნება) წარედგინება, რაც სასჯელის სახედ და ზომად 7 წლამდე თავისუფლების აღკვეთას ითვალისწინებს.პროკურატურამ დაკავებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს უკვე მიმართა.

სამართალი • 1785239671

პროკურატურამ ჯგუფურად დიდი ოდენობით თანხის თაღლითურად დაუფლების და მუქარის ფაქტებზე, ორი პირი დააკავა

საქართველოს პროკურატურამ, წინასწარი შეთანხმებით ჯგუფის მიერ დიდი ოდენობით თანხის თაღლითურად დაუფლების და მუქარის ფაქტებზე, ორი პირი, მათ შორის საქართველოს შინაგან საქმეთა სამინისტროს ყოფილი თანამშრომელი დააკავა. ინფორმაციას პროკურატურა ავრცელებს.დასავლეთ საქართველოს საოლქო პროკურატურის მიერ ჩატარებული გამოძიებით დადგინდა, რომ ბრალდებულებმა სხვადასხვა გამოგონილი მიზეზით, თითქოსდა ბიზნეს ინვესტიციის მიზნებისთვის, დაზარალებულს მოტყუებით გამოართვეს 47 443 ლარი. მას შემდეგ, რაც დაზარალებულმა არაერთხელ მოუწოდა ერთ-ერთ ბრალდებულს კუთვნილი თანხების დაბრუნების თაობაზე, იგი დაზარალებულს ჯანმრთელობის დაზიანებით დაემუქრა.დაკავებულებს ბრალდება სისხლის სამართლის კოდექსის 151-ე მუხლის პირველი ნაწილით, 180-ე მუხლის მე-2 ნაწილის „ა“ და მე-3 ნაწილის „ბ“ ქვეპუნქტებით წარედგინათ (მუქარა, თაღლითობა ჩადენილი წინასწარი შეთანხმებით ჯგუფის მიერ, დიდი ოდენობით), რაც სასჯელის სახედ და ზომად 9 წლამდე თავისუფლების აღკვეთას ითვალისწინებს.პროკურატურა ბრალდებულებისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს.

სამართალი • 1785149481

სახელმწიფო უსაფრთხოების სამსახურმა დიდი ოდენობით თაღლითობის საქმეზე ერთი პირი დააკავა

საქართველოს სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, დიდი ოდენობით თაღლითობის ფაქტზე, ბრალდებულის სახით ერთი პირი დააკავეს.გამოძიებით დადგინდა, რომ ერთ-ერთი ძალოვანი სტრუქტურის ყოფილმა თანამშრომელმა, სახელმწიფო უსაფრთხოების სამსახურის უფროსის გეკა გელაძისა და ქართული ოცნების საპატიო თავმჯდომარის შვილის, ცოტნე ივანიშვილის სახელის გამოყენებით, ერთ-ერთ სისხლის სამართლის საქმეზე პენიტენციურ დაწესებულებაში მყოფი 2 ბრალდებული პირის ოჯახის წევრებისგან, საპატიმრო დაწესებულებიდან მათი გათავისუფლებისა და შემდგომში საპროცესო შეთანხმების გაფორმების დაპირების სანაცვლოდ, მოტყუებით სხვადასხვა დროს ჯამში 11 300 ლარი აიღო.გამოძიება საქართველოს სისხლის სამართლის კოდექსის 180-ე მუხლის მე-3 ნაწილის „ბ“ ქვეპუნქტით მიმდინარეობს, რაც სასჯელის სახით 6-დან 9 წლამდე თავისუფლების აღკვეთას ითვალისწინებს.

მსოფლიო • 1785147169

სიეტლში სროლის შედეგად დაღუპულთა რიცხვი გაიზარდა

ამერიკის ქალაქ სიეტლში კულინარიულ ფესტივალზე სროლის შედეგად 3ადამიანი დაიღუპა და 4 დაშავდა. მანამდე ვრცელდებოდა ცნობები 2 დაღუპულის შესახებ.ადგილობრივი ხელისუფლების ინფორმაციით, ადგილზე მობილიზებულმა პოლიციამ ერთი ადამიანი დააკავა, მეორე ეჭვმიტანილს ეძებენ.თვითმხილველები ამბობენ, რომ სროლას პანიკა მოჰყვა, პოლიცია და საგანგებო სამსახური ადამიანებს ევაკუაციაში ეხმარებოდნენ. სროლის დეტალების დასადგენად გამოძიება მიმდინარეობს.

სამართალი • 1785134336

პოლიციამ გორში ჯგუფურად ჩადენილი ქურდობის ბრალდებით 4 პირი დააკავა

შინაგან საქმეთა სამინისტროს შიდა ქართლის პოლიციის დეპარტამენტის გორის რაიონული სამმართველოს თანამშრომლებმა, ჯგუფურად ჩადენილი ქურდობის ბრალდებით 4 პირი დააკავეს. ინფორმაციას ამის შესახებ შსს ავრცელებს.უწყების ცნობით, გამოძიებით დადგინდა, რომ ბრალდებულებმა, გორის მუნიციპალიტეტის ერთ-ერთი სოფლის მიმდებარე ტერიტორიაზე გამავალი სარკინიგზო მაგისტრალიდან, ჩამოჭრეს და ფარულად დაეუფლნენ 300 მეტრამდე სპილენძის სადენს."სამართალდამცველებმა ბრალდებულები იმ დროს დააკავეს, როდესაც ნაქურდალ სადენებს ავტომობილში ტვირთავდნენ.სამართალდამცველებმა, საქართველოს რკინიგზის კუთვნილი სპილენძის სადენები ნივთმტკიცებად ამოიღეს.გამოძიება სისხლის სამართლის კოდექსის 177-ე მუხლის მესამე ნაწილით მიმდინარეობს, რაც 7 წლამდე ვადით თავისუფლების აღკვეთას ითვალისწინებს," - აღნიშნულია გავრცელებულ ინფორმაციაში.

სამართალი • 1785089441

როგორ და რა მეთოდებით ახერხებენ საქართველოში აკრძალული ნივთების შემოტანას - საზღვრებზე აღმოჩენილი კონტრაბანდა

სახელმწიფო საზღვარი ქვეყნის უსაფრთხოების პირველი ხაზია. ყოველდღიურად ამ ხაზს ათიათასობით ადამიანი და ათასობით ტონა ტვირთი კვეთს. უმრავლესობისთვის ეს ჩვეულებრივი მგზავრობაა, თუმცა არიან ისეთებიც, ვინც ქვეყნის ტერიტორიაზე აკრძალული ნივთების შემოტანას სულ უფრო დახვეწილი მეთოდებით ცდილობს.ნარკოტიკები, საბრძოლო მასალები, ყალბი დოკუმენტები და მუდმივად ცვალებადი დანაშაულებრივი სქემები - როგორ ახერხებენ მებაჟეები და სამართალდამცველები მათი გეგმების ჩაშლას და რა ამოიღეს ბოლო პერიოდში საქართველოს საზღვრებზე.კონტრაბანდა, გლობალური გამოწვევა - შენიღბული დანაშაული, რომლის მიზანი სახელმწიფო საზღვრების უკანონოდ გადაკვეთა და ქვეყანაში აკრძალული ან დეკლარირებისგან განზრახ დამალული ტვირთის შეტანა.სარფის საზღვრიდან ყოველდღიურად საქართველოში ათასობით ადამიანი, სატვირთო და მსუბუქი ავტომობილი შემოდის. მებაჟე ოფიცრები, პოლიცია - მათი კოორდინირებული მუაობა არაერთი დაშიფრული სქემის გამოაშკარავებას და ქვეყნისთვის აცილებულ საფრთხეს უკავშირდება.რამდენიმე დღის წინ, აქ, თურქეთის მოქალაქე დააკავეს. საქართვლოში ჩანთით საბრძოლო ტყვიები მოჰქონდა.საზღვარზე ყველა და ყველაფერი მოწმდება, განსაკუთრებით საეჭვო ვიზიტორები. სკანერები, გაწვრთნილი ძაღლები, სპეციალური მოწყობილობები - შესაძლო დამნაშავეები რამდენიმე ეტაპიან შემოწმებას გადიან. თუ დანაშაული დადასტურდება, კრიმინალური პოლიცია მოქმედებას იწყებს.მებაჟეები საეჭვო ვიზიტორზე ინფორმაციას, ხშირად, სპეციალური მოწყობილობითაც იღებენ, რაც დამნაშავეების გეგმის ჩასაშლელად მარტივი გზაა.საზღვაო საზღვარი - ფოთის პორტი, ადგილი, სადაც საქართველოში ტვირთის ყველაზე დიდი ნაკადი შემოდის. ამ უზარმაზარ კონტეინერებს გემიდან ხმელეთზე ტვირთავენ, თუმცა დანიშნულების ადგილამდე მისასვლელ გზაზე, ბევრი ბარიერი უნდა გადალახონ. საეჭვო ტვირთი აქაც მკაცრ კონტროლს გადის.საბრძოლო მასალით სავსე ავტომობილი საქართველოში კანადიდან გამოაგზავნეს. კრიმინალურმა პოლიციამ მისი ქართველი ადრესატი უკვე დააკავა.მებაჟეებს იმპორტირებულ ავტომობილებში ნარკოტიკიც ხშირად ხვდებათ. ხშირად კონტრაბანდული ტვირთი თავად ავტომობილია - გაყალბებული საიდენტიფიკაციო კოდით.სახმელეთო საზღვრებზე ხშირად ავლენენ ოსტატურად შენიღბულ ნარკოტიკებს. თუმცა კონტრაბანდას სხვა, ნაკლებად ხილული ფრონტიც აქვს - საჰაერო საზღვარი.იანვრიდან დღემდე საქართველოს საზღვრებზე 200-ზე მეტი დამნაშავე დააკავეს. დააკავეს მათი აკრძალული ტვირთიც - ძირითადად ნარკოტიკი, მცირე ნაწილი - იარაღი. დანაშაულის გზები ხშირად იცვლება, არ იცვლება საზღვრის მცველის მიზანი - გაშიფროს უხილავი მტერი, რომელიც ქვეყნის უსაფრთხოების მთავარი ხაზის გარღვევას ცდილობს.

საზოგადოება • 1785009560

„არ მჯერა, რომ შენს ღიმილს ვეღარასდროს ვნახავ...“ - ვრცელდება, ხორავას ქუჩაზე მოკლული 17 წლის ნიკოლოზის ბოლო კადრები

ვრცელდება, ხორავას ქუჩაზე მოკლული 17 წლის ნიკოლოზ ღუნაშვილის ბოლო კადრები.„არ მჯერა, რომ შენს ღიმილს ვეღარასდროს ვნახავ...“ - წერენ ნიკოლოზის მეგობრები სოციალურ ქსელში. მკვლელობის საქმეზე დაკავებულია 1983 წელს დაბადებული ნიკოლოზ კაპანაძე. უწყების ცნობით, მან აყვანისას სამართალდამცავებს წინააღმდეგობა გაუწია, რის შედეგადაც სხეულის დაზიანება მიიღო.შეგახსენებთ, რომ თბილისის ცენტრში, ვერაზე, ხორავას ქუჩაზე გვიან საღამოს შეიარაღებული თავდასხმა მოხდა. სროლის შედეგად 4 ადამიანი დაიჭრა, მათ შორის ორი არასრულწლოვანი.დაშავებულები სასწრაფო-სამედიცინო დახმარების ჯგუფებმა კლინიკებში გადაიყვანეს, თუმცა ერთ-ერთი მოზარდის გადარჩენა ექიმებმა ვერ შეძლეს - მიყენებული ჭრილობებისგან 17 წლის ნიკოლოზ ღუნაშვილი გარდაიცვალა.იგი 2008 წელს იყო დაბადებული და 1 აგვისტოს 18 წელი უსრულდებოდა. ახალგაზრდამ სკოლა წელს დაასრულა და ერთიანი ეროვნული გამოცდები წარმატებით ჩააბარა. მომხდარი მკვლელობის საქმეზე შსს-მ 1983 წელს დაბადებული ნიკოლოზ კაპანაძე დააკავა.