სამართალი • 1778396030

ცენტრალური კრიმინალური პოლიციის აჭარის მთავარი სამმართველოს თანამშრომლებმა განსაკუთრებით დიდი ოდენობით ნარკოტიკი ამოიღეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა, განსაკუთრებით დიდი ოდენობით ნარკოტიკული საშუალების უკანონო შეძენა-შენახვისა და რეალიზაციის ხელშეწყობის ბრალდებით, რუსეთის ფედერაციის მოქალაქე დააკავეს.სამართალდამცველებმა ბათუმში, ბრალდებულის პირადი და დროებითი საცხოვრებელი ბინის ჩხრეკის შედეგად, ასევე, მის მიერ მითითებული ადგილებიდან, სარეალიზაციოდ გამზადებული განსაკუთრებით დიდი ოდენობით ნარკოტიკულისაშუალება „გამომშრალი მარიხუანა“ ნივთმტკიცებად ამოიღეს. პოლიციის მიერ, ასევე, ამოღებულია ნარკოტიკული საშუალების დაფასოებისთვის საჭირო მასალები.გამოძიება სისხლის სამართლის კოდექსის 260-ე და 260-ე კვარტა მუხლებით მიმდინარეობს, რაც 17 წლამდე ვადით თავისუფლების აღკვეთას ითვალისწინებს.

საზოგადოება • 1778390970

როგორი ამინდია მოსალოდნელი დღეს საქართველოში

10 მაისს ქუთაისში უნალექო ამინდს ელოდებიან, დღისით +26 და ღამით +16 გრადუსია მოსალოდნელი.მზიან ამინდს და ხანმოკლე წვიმას ელოდებიან ოზურგეთშიც. დღისით +24 გრადუსი დაფიქსირდება, ღამით კი +12 გრადუსი იქნება.ბათუმშიც მზეა. დღისით ჰაერი +25 გრადუსამდე გათბება, ხოლო ღამით +14 გრადუსი დაფიქსირდება.უნალექო ამინდია ფოთშიც. დღისით +25 გრადუსი დაფიქსირდება, ღამით კი +14 გრადუსია მოსალოდნელი. უნალექო დღე იქნება ზუგდიდშიც, დღისით ტემპერატურა +25, ღამით კი +13 გრადუსია ნავარაუდევი.სოხუმშიც დღე მშრალია, +22 გრადუსია მოსალოდნელი დღისით, ღამით +11 გრადუსი დაფიქსირდება.მესტიაში უნალექო დღეა ნავარაუდევი, დღისით +15 გრადუსი იქნება, ღამით კი +4 გრადუსი დაფიქსირდება. ნალექი არც ამბროლაურშია მოსალოდნელი, ჰაერი +23 გრადუსამდე გათბება, ღამით კი +11 გრადუსი დაფიქსირდება.ჭიათურაში უნალექო ამინდია, დღისით +25 გრადუსი, ღამით კი +14 გრადუსი დაფიქსირდება. ახალციხეში მცირე წვიმაა მოსალოდნელი, დღისით +23 გრადუსი, ღამით კი +8 გრადუსი იქნება.ბორჯომშიც მზიანი დღეა, +20 იქნება დღისით, ღამით კი +8 გრადუსი დაფიქსირდება. წვიმაა მოსალოდნელი ბაკურიანში, დღისით +16 გრადუსია მოსალოდნელი, ღამით +3 გრადუსი დაფიქსირდება.გორში დღისით +24 გრადუსი, ღამის განმავლობაში კი +11 გრადუსი დაფიქსირდება. ცხინვალშიც ხანმოკლე წვიმაა მოსალოდნელი, ჰაერის ტემპერატურა +24 გრადუსი იქნება, ღამით კი +10 გრადუსი დაფიქსირდება.გუდაურში დღის განმავლობაში +12 გრადუსი დაფიქსირდება, ღამით კი ჰაერის ტემპერატურა +3 გრადუსი იქნება. ომალოში დღისით +16 ღამით კი +4 გრადუსი დაფიქსირდება.ლაგოდეხში ჰაერის ტემპერატურა დღის განმავლობაში +24 გრადუსი იქნება, ღამით კი +14 გრადუსი დაფიქსირდება. თელავში, +23 გრადუსი დაფიქსირდება, ღამით კი +12 გრადუსია ნავარაუდევი.გურჯაანში, დღისით +23 გრადუსი, ღამით კი +11 გრადუსი დაფიქსირდება. სიღნაღშიც ძირითადად მზიანი ამინდია, დღისით +23 გრადუსია მოსალოდნელი, ღამით +12 გრადუსი დაფიქსირდება.რუსთავში უნალექო დღეა მოსალოდნელი, დღისით +24 გრადუსია მოსალოდნელი, ღამით კი +14 გრადუსი დაფიქსირდება.თბილისში მზიანი დღეა მოსალოდნელი, ჰაერის ტემპერატურა დღისით +23 გრადუსს მიაღწევს, ღამით კი +13 გრადუსი იქნება.

რეგიონი • 1778323812

აჭარის უმაღლესი საბჭოს თავმჯდომარემ ცოტნე ანანიძემ, ბათუმის მერმა გიორგი ცინცაძემ, ადგილობრივი ხელისუფლების წარმომადგენლებთან ერთად, მეორე მსოფლიო ომის გმირი კაპიტნის საფლავი ყვავილებით შეამკეს

ბათუმში ფაშიზმზე გამარჯვების 81-ე წელი აღინიშნა. ინფორმაციას აჭარის უმაღლესი საბჭო ავრცელებს.„მეორე მსოფლიო ომში 700 ათასზე მეტი ქართველი მონაწილეობდა, მათგან 300 ათასი დაიღუპა.9 მაისს, გამარჯვების დღის აღსანიშნავად, ბათუმში, ქართველი კაპიტნის - ანატოლი კაჭარავას საფლავზე, ტრადიციულად შეიკრიბნენ: აჭარის უმაღლესი საბჭოს თავმჯდომარე - ცოტნე ანანიძე, უმაღლესი საბჭოს წევრები, ქალაქ ბათუმის მერი - გიორგი ცინცაძე, მეორე მსოფლიო ომის ვეტერანები, ადგილობრივი ხელისუფლებისა და საზოგადოების წარმომადგენლები.შეკრებილებმა, გმირი კაპიტნის საფლავი, ყვავილებითა და გვირგვინებით შეამკეს და მის ხსოვნას მხედრული პატივი მიაგეს. მან მეორე მსოფლიო ომის პერიოდში, საკუთარი თავდადებით, არაერთი ადამიანის სიცოცხლე და სტრატეგიული მნიშვნელობის ობიექტები გადაარჩინა.სიმბოლურია, რომ 9 მაისი, ანატოლი კაჭარავას დაბადების დღეცაა. მას 116 წელი შეუსრულდებოდა", - ნათქვამია ინფორმაციაში.

სამართალი • 1778221814

აჭარის მთავარი სამმართველოს თანამშრომლებმა წითელი ცირკულარით ძებნილი ორი პირი დააკავეს

საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტის აჭარის მთავარი სამმართველოს თანამშრომლებმა ინტერპოლის წითელი ცირკულარით ძებნილი თურქეთის რესპუბლიკის ორი მოქალაქე დააკავეს.შსს-ს ცნობით, დაკავებულები თურქეთისა და ყაზახეთის რესპუბლიკის სამართალდამცავი ორგანოების მოთხოვნის საფუძველზე, სხვადასხვა მძიმე დანაშაულისთვის ინტერპოლის წითელი ცირკულარით იძებნებოდნენ.„სამართალდამცველებმა ძებნილი პირები ჩატარებული საგამოძიებო მოქმედებების შედეგად სხვადასხვა დროს ოზურგეთსა და ბათუმში დააკავეს. ამჟამად, დაკავებულების მიმართ კანონით გათვალისწინებული საექსტრადიციო პროცედურები მიმდინარეობს“, – ნათქვამია შსს-ს ინფორმაციაში

საზოგადოება • 1778213378

როგორი ამინდია მოსალოდნელი დღეს საქართველოში

 8 მაისს ქუთაისში მზიან ამინდს ელოდებიან, დღისით +22 და ღამით +9 გრადუსია მოსალოდნელი.ნალექს ელოდებიან ოზურგეთში. დღისით +21 გრადუსი დაფიქსირდება, ღამით კი +8 გრადუსი იქნება.ბათუმში უნალექო ამინდია. დღისით ჰაერი +20 გრადუსამდე გათბება, ხოლო ღამით +10 გრადუსი დაფიქსირდება.ფოთში დღისით +20 გრადუსი დაფიქსირდება, ღამით კი +10 გრადუსია მოსალოდნელი. იწვიმებს ზუგდიდშიც, დღისით ტემპერატურა +21, ღამით კი +8 გრადუსია ნავარაუდევი.სოხუმში მზიანი დღეა, +19 გრადუსია მოსალოდნელი დღისით, ღამით +9 გრადუსი დაფიქსირდება.მესტიაში წვიმაა ნავარაუდევი, დღისით +16 გრადუსი იქნება, ღამით კი +2 გრადუსი დაფიქსირდება. ამბროლაურშიც წვიმაა მოსალოდნელი, ჰაერი +18 გრადუსამდე გათბება, ღამით კი +5 გრადუსი დაფიქსირდება.ჭიათურაში მზიანი ამინდია, დღისით +20 გრადუსი, ღამით კი +6 გრადუსი დაფიქსირდება. ახალციხეშიც იწვიმებს, დღისით +20 გრადუსი, ღამით კი +2 გრადუსი იქნება.ახალქალაქში წვიმას ელოდებიან. ტემპერატურა დღისით +16, ღამით +1 დაფიქსირდება.ბორჯომშიც წვიმიანი დღეა, +18 იქნება დღისით, ღამით კი +5 გრადუსი დაფიქსირდება. ნალექია მოსალოდნელი ბაკურიანში, დღისით +13 გრადუსია მოსალოდნელი, ღამით -2 გრადუსი დაფიქსირდება.წვიმას ელოდებიან გორში, დღისით +20 გრადუსი, ღამის განმავლობაში კი +6 გრადუსი დაფიქსირდება. ცხინვალშიც ნალექიანი დღეა, ჰაერის ტემპერატურა +19 გრადუსი იქნება, ღამით კი +5 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +8 გრადუსი დაფიქსირდება, ღამით კი ჰაერის ტემპერატურა -1 გრადუსი იქნება. ომალოში წვიმიანი დღეა, დღისით +12 ღამით კი 1 გრადუსი დაფიქსირდება.ლაგოდეხში წვიმას ელოდებიან. ჰაერის ტემპერატურა დღის განმავლობაში +21 გრადუსი იქნება, ღამით კი +10 გრადუსი დაფიქსირდება. წვიმა იქნება დღეს თელავში, +18 გრადუსი დაფიქსირდება, ღამით კი +8 გრადუსია ნავარაუდევი.წვიმა იქნება გურჯაანში, დღისით +19 გრადუსი, ღამით კი +9 გრადუსი დაფიქსირდება. სიღნაღში ნალექია მოსალოდნელი, დღისით +21 გრადუსია მოსალოდნელი, ღამით +10 გრადუსი დაფიქსირდება.რუსთავში ნალექია მოსალოდნელი, დღისით +22 გრადუსია მოსალოდნელი, ღამით კი +9 გრადუსი დაფიქსირდება.თბილისშიც წვიმაა მოსალოდნელი, ჰაერის ტემპერატურა დღისით +21 გრადუსს მიაღწევს, ღამით კი +9 გრადუსი იქნება.

პოლიტიკა • 1778154554

საქართველო აღმასრულებელთა საერთაშორისო კონფერენციას მასპინძლობს

კონფერენცია „აღმასრულებლის როლის ტრანსფორმაცია თანამედროვე მართლმსაჯულების სისტემაში“ იუსტიციის სამინისტროს აღსრულების ეროვნული ბიუროსა და აღმასრულებელთა საერთაშორისო კავშირის (UIHJ) ორგანიზებით იმართება.ღონისძიება იუსტიციის მინისტრმა პაატა სალიამ გახსნა. მან სასამართლო გადაწყვეტილებების ეფექტიანი აღსრულების მნიშვნელობაზე ისაუბრა და ხაზი გაუსვა სისტემის ციფრული ტრანსფორმაციის როლს ამ პროცესში. პაატა სალიამ კონფერენციის დელეგატებს ინფორმაცია მიაწოდა საქართველოში აღსრულების სფეროში დანერგილი ავტომატიზებული სისტემების, მათ შორის, „ელექტრონული ასისტენტის“ შესახებ და აღნიშნა, რომ უწყება უკვე მუშაობს მობილურ აპლიკაციაზე, რომელიც სააღსრულებო სერვისებს უფრო ხელმისაწვდომს გახდის.კონფერენციის მონაწილეებს მისასალმებელი სიტყვით მიმართეს, აგრეთვე, აღმასრულებელთა საერთაშორისო კავშირის (UIHJ) პრეზიდენტმა მარკ შმიცმა და აღსრულების ეროვნული ბიუროს თავმჯდომარე ლაშა მოძღვრიშვილმა.ღონისძიების მიზანია აღსრულების სისტემაში მიმდინარე რეფორმებისა და თანამედროვე გამოწვევების ანალიზი ტექნოლოგიური განვითარების ფონზე, პროფესიული წრის წარმომადგენელთა შორის დისკუსიის გახსნა და საუკეთესო პრაქტიკის გაზიარება. მასში 30-ზე მეტი ქვეყნის 100-ზე მეტი დელეგატი მონაწილეობს, მათ შორის, აღმასრულებლები, საჯარო და კერძო სააღსრულებო პალატის წევრები, საერთაშორისო ორგანიზაციების ექსპერტები.კონფერენციის ფარგლებში იუსტიციის მინისტრი შეხვედრას გამართავს აღმასრულებელთა საერთაშორისო კავშირის პრეზიდენტთან.საქართველო, როგორც აღმასრულებელთა საერთაშორისო კავშირის (UIHJ) წევრი ქვეყანა, საერთაშორისო კონფერენციას მეორედ მასპინძლობს. 2022 წელს ღონისძიება ბათუმში გაიმართა.

საზოგადოება • 1778142244

ბათუმში მიმტანებისთვის ტრენინგები ჩატარდა

ბათუმში მიმტანებისთვის სერვისის ასამაღლებელი ტრენინგები ჩატარდა. აჭარის ტურიზმის დეპარტამენტმა, თეორიულ-პრაქტიკული ტრენინგი რეგიონში მომსახურების ხარისხის გაუმჯობესების მიზნით 20-მდე მიმტანს  ჩაუტარა. ტრენინგის მსვლელობისას მონაწილეებმა ისეთი მნიშვნელოვანი თემების შესახებ გაიარეს გადამზადება, როგორიცაა მაგიდის სერვირება, შეკვეთის მიღების სტანდარტები, სტუმრისთვის კერძის/სასმელის მიტანის ეტიკეტი, სტუმრის ფსიქოლოგიური  პორტრეტი, კერძების აღწერის წესები და კონფლიქტური სიტუაციების მართვა. პრაქტიკული სწავლებისას მიმტანებმა ასევე დახვეწეს სასმელების დასხმის ტექნიკა, თეფშებისა და ლანგრის ხელით ტარების ტექნიკა,  მაგიდის სერვირება ხელსაწყოებით, სტუმართან ანგარიშსწორების წესი, მისალმება და გაცნობა. ტრენინგების მიზანი რეგიონში დასაქმებული მიმტანების პრაქტიკული უნარ-ჩვევების განვითარება და პროფესიული დონის ამაღლებაა.ამ ეტაპზე, ინტერნსიური ტრენინგ-კურსი მიმდინარეობს დამწყები გიდებისთვის.  გიდების გადამზადების პროგრამა მოიცავს, როგორც თეორიულ სატრენინგო საკითხებს, ასევე, ქალაქის მარშრუტებზე და ობიექტებზე გასვლითი ტრენინგების ჩატარებას და პრაქტიკულ გამოკითხვებს. გიდების გადამზადების პროგრამაში 30-მდე დამწყები გიდია ჩართული. აჭარის ტურიზმის დეპარტამენტი სერვისის გასაუმჯობესებელ ტრენინგებს ასევე გეგმავს ბარმენებისთვის, მზარეულებისთვის, გიდებისა და განთავსების ობიექტების თანამშრომლებისთვის.

საზოგადოება • 1778132575

როგორი ამინდია მოსალოდნელი 7 მაისს საქართველოში

 7 მაისს ქუთაისში წვიმას ელოდებიან, დღისით +18 და ღამით +11 გრადუსია მოსალოდნელი.ნალექს ელოდებიან ოზურგეთშიც. დღისით +20 გრადუსი დაფიქსირდება, ღამით კი +10 გრადუსი იქნება.ბათუმშიც წვიმაა. დღისით ჰაერი +16 გრადუსამდე გათბება, ხოლო ღამით +10 გრადუსი დაფიქსირდება.ნალექიანი ამინდია ფოთშიც. დღისით +19 გრადუსი დაფიქსირდება, ღამით კი +11 გრადუსია მოსალოდნელი. იწვიმებს ზუგდიდშიც, დღისით ტემპერატურა +23, ღამით კი +10 გრადუსია ნავარაუდევი.სოხუმშიც წვიმიანი დღეა, +17 გრადუსია მოსალოდნელი დღისით, ღამით +13 გრადუსი დაფიქსირდება.მესტიაში წვიმაა ნავარაუდევი, დღისით +16 გრადუსი იქნება, ღამით კი +4 გრადუსი დაფიქსირდება. ამბროლაურშიც წვიმაა მოსალოდნელი, ჰაერი +21 გრადუსამდე გათბება, ღამით კი +7 გრადუსი დაფიქსირდება.ჭიათურაში წვიმიანი ამინდია, დღისით +21 გრადუსი, ღამით კი +7 გრადუსი დაფიქსირდება. ახალციხეშიც იწვიმებს, დღისით +20 გრადუსი, ღამით კი +5 გრადუსი იქნება.ახალქალაქში წვიმას ელოდებიან. ტემპერატურა დღისით +17, ღამით +3 დაფიქსირდება.ბორჯომშიც წვიმიანი დღეა, +19 იქნება დღისით, ღამით კი +7 გრადუსი დაფიქსირდება. ნალექია მოსალოდნელი ბაკურიანში, დღისით +15 გრადუსია მოსალოდნელი, ღამით -1 გრადუსი დაფიქსირდება.წვიმას ელოდებიან გორში, დღისით +21 გრადუსი, ღამის განმავლობაში კი +6 გრადუსი დაფიქსირდება. ცხინვალშიც ნალექიანი დღეა, ჰაერის ტემპერატურა +20 გრადუსი იქნება, ღამით კი +5 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +10 გრადუსი დაფიქსირდება, ღამით კი ჰაერის ტემპერატურა -1 გრადუსი იქნება. ომალოში წვიმიანი დღეა, დღისით +14 ღამით კი 0 გრადუსი დაფიქსირდება.ლაგოდეხში წვიმას ელოდებიან. ჰაერის ტემპერატურა დღის განმავლობაში +22 გრადუსი იქნება, ღამით კი +11 გრადუსი დაფიქსირდება. წვიმა იქნება დღეს თელავში, +21 გრადუსი დაფიქსირდება, ღამით კი +9 გრადუსია ნავარაუდევი.წვიმა იქნება გურჯაანში, დღისით +22 გრადუსი, ღამით კი +10 გრადუსი დაფიქსირდება. სიღნაღში ნალექია მოსალოდნელი, დღისით +21 გრადუსია მოსალოდნელი, ღამით +11 გრადუსი დაფიქსირდება.რუსთავში ნალექია მოსალოდნელი, დღისით +20 გრადუსია მოსალოდნელი, ღამით კი +11 გრადუსი დაფიქსირდება.თბილისშიც წვიმაა მოსალოდნელი, ჰაერის ტემპერატურა დღისით +17 გრადუსს მიაღწევს, ღამით კი +11 გრადუსი იქნება. 

რეგიონი • 1778071667

“Wizz Air“ მილიონობით მგზავრს ბათუმში დასვენების 10 მიზეზს სთავაზობს

ავიაკომპანია ,,Wizz Air“-ის საბორტო ჟურნალში ბათუმის შესახებ სტატია გამოქვეყნდა. ავიაკომპანია მილიონობით მგზავრს ბათუმში დასვენების 10 მიზეზს სთავაზობს. მათ შორისაა ბათუმის ბულვარი, ბოტანიკური ბაღი, ძველი ბათუმი, ქართული გასტრონომია და სუფრა, მთიანი აჭარა და კურორტი „გოდერძი“.ბათუმის ბულვარიბათუმის ბულვარში გასეირნება ქალაქით ტკბობის ერთ-ერთი საუკეთესო საშუალებაა. შავი ზღვის სანაპიროს გასწვრივ მდებარე სასეირნო ბილიკი პალმებით, ბაღებით, ქანდაკებებით და კაფეებით არის გარშემორტყმული. საუკეთესო საშუალებაა ფეხით ან ველოსიპედით სეირნობისთვის და მზის ჩასვლის საყურებლად.ალი და ნინოს ქანდაკებამოძრავი ქანდაკება „ალი და ნინო“ ბათუმის ერთ-ერთი გამორჩეული სიმბოლოა, სიყვარულისა და ერთიანობის ისტორია, რომელიც მოძრაობაში ცოცხლდება.ბათუმის ბოტანიკური ბაღიბათუმის ბოტანიკური ბაღი სანაპიროს ზემოთ, მწვანე გორაკზე მდებარეობს და მსოფლიოს სხვადასხვა კუთხიდან ჩამოტანილი მცენარეების სახეობებს აერთიანებს. მისი ბილიკები მშვიდ ბუნებას და შავი ზღვის ულამაზეს ხედებს გვთავაზობს.ბათუმის საბაგირო„არგოს“ საბაგირო ვიზიტორებს სთავაზობს ქალაქის, მთებისა და სანაპირო ზოლის პანორამულ ხედებს.ძველი ბათუმიისტორიული ცენტრის ვიწრო ქუჩები, აივნები და ფერადი შენობები ქალაქის მრავალფეროვან არქიტექტურულ წარსულს ასახავს, კაფეები და პატარა მოედნები კი ქალაქში სასიამოვნო ატმოსფეროს ქმნის.ქართული გასტრონომია და სუფრაქართული სუფრა უფრო მეტია, ვიდრე უბრალო საკვების მირთმევა. ეს არის შეკრება, სადაც ადამიანები ერთმანეთს უზიარებენ სტუმართმოყვარეობას, პოლიფონიურ სიმღერას, ტრადიციულ ცეკვებსა თუ კერძებს, რომელთა შორის გამოირჩევა რეგიონის სიმბოლო, აჭარული ხაჭაპური.მთა, ზღვა და დაცული ბუნებააჭარა ცნობილია ბუნებრივი კონტრასტებით - სანაპირო მთების, მდინარეებისა და ჩანჩქერების მახლობლადაა, რაც კიდევ უფრო მეტად იზიდავს ვიზიტორებს.გოდერძის სათხილამურო კურორტიზამთარში გოდერძის სათხილამურო კურორტი გთავაზობთ ბუნებრივ თოვლს და მშვიდ ალპურ გარემოს თხილამურებით სრიალისთვის.ღვინის სამშობლოსაქართველოს ხშირად ღვინის აკვანს უწოდებენ, რომლის მეღვინეობის ტრადიციები 8000 წელზე მეტს ითვლის.ბათუმის კედლის მხატვრობაშენობების კედლებზე შესრულებული მურალები და ფერადი ნახატები ქალაქის ქუჩებს ცოცხალ ტილოებად აქცევს — ღია ცის ქვეშ გამოფენილ გალერეად, სადაც ბათუმის შემოქმედებითი სული და ენერგია თითოეულ კედელში იგრძნობა.ავიაკომპანია ,,Wizz Air“ ფრენებს 200-ზე მეტი მიმართულებით 50-მდე ქვეყანაში ასრულებს. ჟურნალ ,,Wizz”-ის, რომელიც ორ თვეში ერთხელ გამოიცემა ყოველთვიურად 10 მილიონზე მეტი მგზავრი ეცნობა. სტატია ბათუმზე ავიაკომპანიის საბორტო ჟურნალის გაზაფხულის ნომერში გამოქვეყნდა. აჭარის პოპულარიზაცია საბორტო ჟურნალის ზაფხულის ნომერშიც იგეგმება.

ჯანდაცვა • 1778054749

აჭარაში დაავადებათა ადრეული გამოვლენის მიზნით სკრინინგის მორიგი ფართომასშტაბიანი კამპანია გაიმართა

მრავალპროფილური კვლევები ბათუმში, თამარის დასახლების მოსახლეობისთვის ჩატარდა. პროცესს დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორი, ირაკლი ფურცელაძე და აჭარის ჯანდაცვის მინისტრის პირველი მოადგილე, მარი ზანაქიძე, საქართველოს ჯანდაცვის სამინისტროს წარმომადგენლებთან ერთად გაეცნენ.კამპანიის ფარგლებში მოქალაქეებს შესაძლებლობა ჰქონდათ, უფასოდ ესარგებლათ სამედიცინო კვლევებითა და ექიმთა კონსულტაციებით. ჩატარდა ძუძუს, საშვილოსნოს ყელის, პროსტატისა და სწორი ნაწლავის კიბოს სკრინინგი, ასევე B და C ჰეპატიტების, აივ ინფექციისა და ტუბერკულოზის გამოკვლევები.კვლევები ჯანმრთელობის დაცვის სახელმწიფო პროგრამის - ,,დაავადებათა ადრეული გამოვლენა და სკრინინგი” ფარგლებში, დაავადებათა კონტროლისა და საზოგადოებრივი ჯანმრთელობის ეროვნული ცენტრის ორგანიზებით გაიმართა და მისი მიზანია დაავადებების ადრეული გამოვლენა და პრევენციული ღონისძიებების ხელშეწყობა.საყოველთაო გამოკვლევები აჭარის მაღალმთიან მუნიციპალიტეტებშიც გაიმართა. სერვისით წელს, რეგიონში 1 000-მდე მეტმა მოქალაქემ ისარგებლა.

საზოგადოება • 1778046660

როგორი ამინდია მოსალოდნელი დღეს საქართველოში

 6 მაისს ქუთაისში წვიმიანი დღე იქნება, დღისით +17 და ღამით +8 გრადუსი დაფიქსირდება.ნალექიან ამინდს ელოდებიან ოზურგეთშიც. დღისით +15 გრადუსი დაფიქსირდება, ღამით კი +7 გრადუსი იქნება. ბათუმშიც წვიმაა მოსალოდნელი, დღისით ჰაერი +13 გრადუსამდე გათბება, ხოლო ღამით +9 გრადუსი დაფიქსირდება.ნალექიანი ამინდია ფოთში. დღისით +14 გრადუსი დაფიქსირდება, ღამით კი +10 გრადუსია მოსალოდნელი. წვიმა იქნება ზუგდიდშიც, დღისით ტემპერატურა +17, ღამით კი +8 გრადუსია ნავარაუდევი.სოხუმშიც წვიმაა, +12 გრადუსია მოსალოდნელი დღისით, ღამით +8 გრადუსი დაფიქსირდება.მესტიაშიც ნალექიანი დღეა ნავარაუდევი, დღისით +9 გრადუსი იქნება, ღამით კი -1 გრადუსი დაფიქსირდება. ამბროლაურში ჰაერი +13 გრადუსამდე გათბება, ღამით კი +7 გრადუსი დაფიქსირდება და წვიმაა მოსალოდნელი.ჭიათურაშიც წვიმიანი დღეა, დღისით +12 გრადუსი, ღამით კი +7 გრადუსი დაფიქსირდება.ახალციხეში დღე ნალექიანია, დღისით +13 გრადუსი, ღამით კი +3 გრადუსი იქნება. ბორჯომშიც წვიმაა მოსალოდნელი, +13 იქნება დღისით, ღამით კი +4 გრადუსი დაფიქსირდება.ნალექიანი დღეა მოსალოდნელი ბაკურიანში, დღისით +8 გრადუსია მოსალოდნელი, ღამით -4 გრადუსი დაფიქსირდება.წვიმას ელოდებიან გორში, დღისით +14 გრადუსი, ღამის განმავლობაში კი +4 გრადუსი დაფიქსირდება. ცხინვალშიც წვიმაა, ჰაერის ტემპერატურა +13 გრადუსი იქნება, ღამით კი +3 გრადუსი დაფიქსირდება.გუდაურში ნალექიანი ამინდია მოსალოდნელი, დღის განმავლობაში +4 გრადუსი დაფიქსირდება, ღამით კი ჰაერის ტემპერატურა -2 გრადუსი იქნება.ომალოშიც იწვიმებს. დღისით +5 ღამით კი -1 გრადუსი დაფიქსირდება.ლაგოდეხში წვიმიან დღეს ელოდებიან. ჰაერის ტემპერატურა დღის განმავლობაში +17 გრადუსი იქნება, ღამით კი +8 გრადუსი დაფიქსირდება. წვიმიანი ამინდი იქნება დღეს თელავში, +16 გრადუსი დაფიქსირდება, ღამით კი +7 გრადუსია ნავარაუდევი.ნალექიანი დღე იქნება გურჯაანში, დღისით +15 გრადუსი, ღამით კი +7 გრადუსი დაფიქსირდება. სიღნაღში დღისით +16 გრადუსია მოსალოდნელი, ღამით +7გრადუსი დაფიქსირდება.რუსთავში წვიმიანი დღეა. დღისით +16 გრადუსია მოსალოდნელი, ღამით კი +8 გრადუსი დაფიქსირდება.თბილისშიც იწვიმებს. ჰაერის ტემპერატურა დღისით +16 გრადუსს მიაღწევს, ღამით კი +8 გრადუსი იქნება.

საზოგადოება • 1778011855

„ძალიან მალეე... ჩემს ალექსანდრეს ასეთი დედა უყვარს და ასეთიც უნდა დაგხვდე, დეე“ - ბათუმში დაკარგული ბიჭის დედა

ბათუმში დაკარგული ბიჭის, ალექსანდრე მიქელაძის დედა, ნათია დიაკვნიშვილი სოციალურ ქსელში ემოციურ პოსტს აქვეყნებს.„ძალიან მალე, დეე, მე მჯერა, რომ ძალიან მალეე... ჩემს ალექსანდრეს ასეთი მე (დედა) უყვარს და ასეთიც უნდა დაგხვდე, დეე“, - წერს ნათია დიაკვნიშვილი.შეგახსენებთ, ალექსანდრე მიქელაძე 2025 წლის 16 იანვარს, ღამით, 22:00 საათიდან გაუჩინარდა. მისი კვალი ბათუმში, ხიდთან ქრება. ამ დრომდე, ოჯახი მის შესახებ არანაირ ინფორმაციას არ ფლობს.