1736323450
შობის დღესასწაული იზეიმეს ზუგდიდში. განსაკუთრებული ხალხმრავლობა იყო ივერიის ყოვლად წმინდა ღვთისმშობლის შობის სახელობის საკათედრო ტაძარში. ზუგდიდისა და ცაიშის, მიტროპოლიტმა, სასულიერო პირებთან ერთად, საშობაო წირვა აღავლინა. წირვის დასრულების შემდეგ, მეუფემ მრევლი დალოცა და შობის დღესასწაული სრულიად საქართველოს, ასევე ოკუპირებულ აფხაზეთსა და სამაჩაბლოში მცხოვრებ მრევლს და საზღვარგარეთ მყოფ ქართველ ემიგრანტებს მიულოცა.
წირვის დაწყებამდე მიტროპოლიტმა, ოკუპირებულ გალში ხანძრის შედეგად დაღუპული ბავშვების ოჯახის წევრებს მიუსამძიმრა.
საშობაო ლიტურგია, სამეგრელო-ზემო სვანეთის რეგიონში, ყველა მოქმედ ტაძარში გაიმართა.
