თვითმფრინავი, რომელიც, კომუნიკაციის ხარვეზის გამო, უკან მობრუნდა, თბილისის აეროპორტში უსაფრთხოდ დაჯდა

თვითმფრინავი, რომელიც თბილისი-მილანის რეისს ასრულებდა, კომუნიკაციის ხარვეზის გამო, უკან დაბრუნდა. 

„პრაიმტაიმის“ ინფორმაციით, აფრენიდან რამდენიმე წუთში თვითმფრინავს ტექნიკური ხარვეზი შეექმნა, რის გამოც, უკან დაბრუნება გადაწყვიტა.

„ბორტს აქვს რადიოკავშირის ხარვეზი, ამის გამო თვითმფრინავი უკან თბილისის აეროპორტში დაბრუნდა, სანამ აეროპორტში დაჯდება, საწვავის ავზი უნდა დაიცალოს, რასაც დრო სჭირდება. რამდენიმე წუთში თვითმფრინავი აეროპორტში დაჯდება,“ - უთხრეს „პრაიმტაიმის“ კომპანიაში.

ბოლო ინფორმაციით, თვითმფრინავი უსაფრთხოდ დაჯდა.