ცნობილია, როდის ჩამოიტანენ თბილისში წმინდა ცეცხლს

წმინდა ცეცხლს იერუსალიმიდან საქართველოში, ტრადიციულად, ავიაკომპანია „ჯორჯიან ეარვეისი“ ჩამოიტანს. ინფორმაციას „ჯორჯიან ეარვეისი“ ავრცელებს.

როგორც ავიაკომპანიის ინფორმაციაშია აღნიშნული, წმინდა ცეცხლს „ჯორჯიან ეარვეისის“ რეგულარული რეისით 19 აპრილს ჩამოიტანენ.

მათივე ცნობით, „ჯორჯიან ეარვეისის“ თვითმფრინავი თბილისის საერთაშორისო აეროპორტში 23:40 საათზე დაეშვება.