„ცხრა თვე ვიცხოვრე იმ აზრით, რომ ეს ადამიანი უკვე ჯილდოა... მადლობა ღმერთს, გაჩნდა ადამიანი სრულყოფილება,“ - თეა დარჩია

გადაცემაში „იმედის დღე“, თეა დარჩიამ 43 წლის ასაკში ორსულობისა და მეოთხე შვილის გაჩენის შესახებ ისაუბრა.

„მე განსხვავებული შემთხვევა მქონდა. 43 წლის ვარ, მივდივარ, რომ ბავშვის გულისცემა მოვისმინო, ჭკუაზე არ ვარ სიხარულით და მეუბნებიან, რომ დაუნის სინდრომი აქვს ბავშვს და აუცილებლად უნდა გავაგრძელო კვლევა. გავგზავნე გერმანიაში ანალიზები. იქიდან მომივიდა პასუხი, რომ 80%-ით ბავშვს დაუნის სინდრომი ჰქონდა.“

თეა დარჩიას თქმით, მან ორჭოფობა მეუფე დიმიტრი შიოლაშვილთან საუბრის შემდეგ დაასრულა:

„მეუფე დიმიტრი შიოლაშვილმა მითხრა: „თეა, აირჩიე, გინდა, რომ იყო მკვლელი დედა თუ განსხვავებულ ადამიანს გაზრდი?! იქ დამთავრდა ნებისმიერი ორჭოფობა ჩემს თავში... ცხრა თვე ვიცხოვრე იმ აზრით, რომ ეს ადამიანი უკვე ჯილდოა. მადლობა ღმერთს, გაჩნდა ადამიანი სრულყოფილება. სამშობიაროში მისვლიდან 45 წუთში 4 კილო და 600 გრამი მეწვინა გულზე, აბსოლუტურად ჯანმრთელი ადამიანი.

ასეთი ნიჭიერი არცერთი შვილი არ არის, ასეთი თბილი, ტკბილი. დარწმუნებული იყავით იმაში, რომ თუ ღმერთს არ უნდა, არც ჩაისახება, მაგრამ თუ ღმერთს უნდა, აუცილებლად უნდა გააჩინოთ, რა ასაკშიც არ უნდა იყოთ. ყველა გენიოსი ჩნდებოდა მხცოვანი დედისგან, რამდენადაც მე ვიცი,“ - აღნიშნულ საკითხზე თეა დარჩიამ ტელეკომპანია „იმედის“ გადაცემაში „იმედის დღე“ ისაუბრა.