გენო პეტრიაშვილი ოთარ კიტეიშვილის მიმართ ბულინგის კამპანიაზე: ეს არის მიუღებელი, უზნეო და უმსგავსო საქციელი

ეს არის მიუღებელი, უზნეო და უმსგავსო საქციელი, - განაცხადა საპარლამენტო უმრავლესობის წევრმა გენო პეტრიაშვილმა, ოთარ კიტეიშვილის მიმართ ბულინგის კამპანიასთან დაკავშირებით.

მისი თქმით, ასეთი საქციელი დაუშვებელია.

„მინდა ამ ადამიანებს მოვუწოდო, რომ შეწყვიტონ მსგავსი უმსგავსობა და პირიქით, პატივი სცენა ქართველ სპორტსმენებს. ეს პირველად არ ხდება“, - განაცხადა გენო პეტრიაშვილმა.

ხვიჩა კვარაცხელიას შემდეგ რადიკალების სამიზნე ოთარ კიტეიშვილი გახდა. სოციალურქსელში გამოქვეყნებულ პოსტზე, კიტეიშვილის მიერ ჩემპიონთა ლიგაზე გატანილი სადებიუტო გოლის შესახებ, შეურაცხმყოფელი კომენტარები კეთდება.