რა არ უნდა გავაკეთოთ წითელ პარასკევს
1744919150
ბიჭი, რომელსაც რამდენიმე თვის წინ ორსული მეუღლე დაეღუპა, გარდაიცვალა. ინფორმაციას ანდრია ბაუჟაძის გარდაცვალების შესახებ ქვედა სამების საჯარო სკოლა ავრცელებს.
„ქვედა სამების საჯარო სკოლა ღრმა გულისტკივილით და მწუხარებით იუწყება ჩვენი საყვარელი მოსწავლის, ანდრიანოს (რომლის ორსული მეუღლე რამდენიმე თვის წინ ტრაგიკულად დაიღუპა) ნაადრევი გარდაცვალების შესახებ.
ანდრიანო იყო კეთილი, ნიჭიერი და სიცოცხლით სავსე ბიჭი. მისი დაკარგვა უდიდესი ტკივილია ჩვენი სკოლის საზოგადოებისათვის.
ვუსამძიმრებთ ანდრიანოს ოჯახს, ახლობლებს, მეგობრებს და კლასელებს. ვიზიარებთ მათ ტკივილს და ვდგავართ მათ გვერდით ამ რთულ დროს. მშვიდად განისვენე, ანდრიანო…“ - ვკითხულობთ სამძიმრის პოსტში.
ცნობისთვის, 20 წლის ანდრია ბაუჟაძე 6 თვის ფეხმძიმე მეუღლესთან ერთად ავარიაში 2024 წლის ოქტომბერში მოყვა. ქობულეთში, მანქანით ნაძვს შეეჯახნენ. სამწუხაროდ, ანანო ხურციძე ადგილზევე დაიღუპა.
როგორც მაშინ გავრცელდა ინფორმაცია, ბიჭი ბათუმში, „ბაუს“ კლინიკაში იყო მოთავსებული, სადაც ურთულესი ოპერაციები გაუკეთდა თავზე. მდგომარეობა კრიტიკულად მძიმე იყო და აპარატზე ჰყავდათ შეერთებული.
გარდაცვლილს მეგობრები ემშვიდობებიან:
„ანდრი და ანანო, თქვენს სიყვარულზე ეს კადრები ამბობენ ყველაფერს, მტკიოდა, სული მტკიოდა ჩემი და რომ მოკვდა... ჩემი ანოს ცხოვრებაში ფეხი რომ შემოდგი, შეგიყვარე და ჩემს მეხუთე ძმად მიგიღე მე, თქვენ გული მომიკალით... ახლა კი ორივეს ერთად გტირივართ. ჩემი და გელოდება, ანდრია, დაუსრულებელი სიყვარული იქ გააგრძელეთ... თქვენს შვილთან ერთად“, - წერს დაღუპულის მეგობარი.