„ჩანთა არასოდეს დადოთ ძირს… ღამე არ გასცეთ ფული…“ - გოგა მანიას რჩევები

ეზოთერიკოსი, გოგა მანია, ხშირად უზიარებს „პრაიმტაიმის“ მკითხველს, მნიშვნელოვან თემებს. ამჯერად, ჩვენთან საუბარში, დარიჩინის საფულეზე და ფინანსების მოზიდვაზე ამახვილებს ყურადღებას და გასწავლით, თუ როგორ უნდა მოიქცეთ, რომ ფინანსები მოიზიდოთ.

„ფინანსური ენერგიის მოსაზიდად, არავითარ შემთხვევაში არ უნდა გქონდეთ კეცვადი საფულე, ეს ბლოკავს ფინანსურ ენერგიას. მხოლოდ და მხოლოდ განიერი საფულე, სადაც ფული მთლიანად ჩაიდება.

კარგი იქნება თუ საფულე არ იქნება დაზიანებული. არ გააჩუქოთ თქვენი გამოყენებული საფულე, არც გადააგდოთ, ეცადეთ შეინახოთ.

კარგია: მწვანე, შავი, კრემისფერი, სტაფილოსფერი და ლურჯი ფერის საფულე. ეს იზიდავს ფულს.

ჩანთა, არასდროს დადოთ ძირს და არც საწოლზე, ეს ფინანსურ ენერგიას ბლოკავს.

არავითარ შემთხვევაში არ გავცეთ ორშაბათს ფული, არც ვასესხოთ და არც ვისეხოთ. ღამე ფულის გაცემა არაა კარგი, რადგან ეს ყველაფერი ბარაქის გადინებას უკავშირდება. ზოგადად, თანხის გასესხება არ არის კარგი, ეს ფინანსურ ენერგიას აზიანებს.

დაფნის ფოთოლზე უკეთესი არის, 5 ან 7 ცალი ბრინჯი. ბრინჯი, ფინანსური ენერგიის გაზრდაში გვეხმარება.

საფულეში 1 დოლარიანი, არ არის კარგი, სჯობს 2 დოლარიანი ჩავდოთ და ეს წელიწადში ერთხელ შევცვალოთ.

ძალიან კარგია კარალიოკის კურკა საფულეში, ეს ბარაქას იზიდავს“,- ამბობს „პრაიმტაიმთან“ გოგა მანია.